منقذي ذو النجوم

بارت 5

منقذي ذو النجوم

الكاتبه غدير العزاوي

..

-ماحسيت الا واني بلبايه الاخيره من الدرج....بس شنو حسيت انو رجلي انفصخت من الالم يمووت واني داابجي ....

-اجت سميه والي وياها الشاب.....

سميه:اسم الله شصارلج ولج تردين تبليني ولج ....

اني بيا حال حالتي حاله وهيه هيج تحجي بله هيه اذا الزم وافر حلكها اكو احد يكلي ليش

بس حجه هذا الي وياها متوجعه صار بيج شي ....واني بين دموعي لانه صدك اتوجعت بوكتها

ريم:اي كلش كلش متوجعه وكانه دايكسورن عظام رجلي...

حجه الشاب كال خلي ناخذج للمستفى بس اول شي ....سميه روحي جيبيلها شي وياج وانتي هم البسي نروح بسرعه....

راحت جابتلي صايه من غرفتي وهيه هم لبست وصعدنه بسيارته ....وني مفرفحه من البجي وداصيح همينه ...شوه هذا حجه من يمه..

حسام:يعني حته الي تولد مو مثل حالتج دصبري شويه ونوصل.....والله ردت الزمه وانتف ريشاته بوكتها اني بيا حال وهو شدايجي وياي....

بس اني عنادا بي صرت اصيح اكثر ...
....وصلنه للمستشفى قسم الكسور اجه شافني الدكتور وكال اشعه بسرعه لانه متااذيه رجلها...

سوولي اشعه وبعدين الطبيب جبرلي رجلي وكال اسبوع ماتتحركين واضافة الى كريمات وادويه.....

ماكدرت امشي ابدا جابولي كرسي الممرضه طلعتني من الغرفه .....

سميه:والله اني تالي عمري ادفعج ومنانه حامل لو تموتين ....

حسام:شو دوخري اني ادفعها .......
وهو ويدفعني كال ....بشري جبتي ولد لو بنيه ...

يعني اني بيا حال وهذا دايخربط بحجيه كتله لاتوم ......هاهاها ماتضحك تره ...

وصلنه يم السياره سميه طلعت ليكدام وهو حار بيه شلون يصعدني

واني ابدا مدااكدر اتحرك ومنا جبيره ع رجي كال ذبي كل ثكلج عليه بسرعه...

ذبيت كل ثكلي علي وحاوطت ركبته واصلاا اني بنضره سنفوره وهو شرشبيل ع ضخامة....صعدني وراح صعد وهو يسوق انتبهت علي عدل المرايه عليه اني جنت ورا كاعده.....

درت وجهي ع جامه بس طول الطريق واني منتبه انه دايباوع عليه وكرص كون شبيك ... بس المشكله الاكبر تبقى شلون راح انزل....

وصلنه سميه نزلت فتحت باب البيت ..وهو اجه وفتح الباب مالتي ...

حسام:اكيد مابيج حيل تمشين فلااحسن اشيلج ...

ريم:بسس

حسام: بلا بس ....شالني واني لازمته من قميصه بقوه خاف اوكع وهو يمشي كال تره مراح اوكعج .....