عائلة شيخ جبل
الجزء الثاني البارت 8
هدى حيدر 44howda
شمس:
من انتقلنه للبيت الجديد
هواي فرق الجيران. الحياة هناك بيتنه غير عن هنا
بس تعودنه.
بعد مرور اسبوع من نتقلنه.
سوه ابوي عزيمه لگرايبنه واصدقاء ابوي.
البيت نترس خطار
وابوي جاب طباخ. بلگراج نصبو الگدوره.
اني ورد نعاين. من الشباج.
اخوتي ولد عمي محزمين يشتغلون
والطباخ يوجهم جيبي هاي وردو هاي.
صوت البريمزات عالي.
وريحت الاكل. ترد الروح.
واحنه النسوان. ملتمين بنات عمي. وبنات خالي وخالتي. وبناته.
شويه وجتي يمنه نورا.
نورا. شوو. وخرن خل اشوف وياچن.
سوناله مجال. گامت تباوع من الشباج ويانه.عيونه ورا صگر.
گرصت ورد وغمزتله.
ورد. نورا. تحبي.
نورا. هااا. منو.
شمس. لتستثولين منو غيره يعني. كلنه ندري بيج. تحبينه.
نورا. ههههه.
ورد. عمي حقج اذا حبيتي اخوي بنات العشيره كلهن يتمننه.
نورا. اووو عيني. منو حمايت العروس غير امه وخالاته. طبعن اخوچن. تمدحن بي.
شمس. الحق ينحجي.
ورد. ولج والله لو تدرين. من چان يوصلني للمدرسه. صديقاتي يضلن فاگات حلوگهن عليه.
ويسئلني. خاطب مزوج. اني اكللهن لاعزابي
ويزحفن زحف.
واني المترهيه. الفات على حسابهن والنساتل وقواطي الببسي.
كله. علمود اسولفلهن على صگر.
نورا. والله حرام عليج. چا. واني.
شمس. شبيچ لطمتي. هسه احنه شگلنه.
البنات يزحفله ماكلنه هو زحفلهن.
نورا. اووو. اروح يم امي احسلي.
راحت يم خالتي. واحنه ضلينه نضحك عليه
الولد. گعدو بلحديقه.كلهم
شهاب وايهم. . وظافر وحسين وجود. واخوتي وياهم
شهاب. عمي من زمان حجز ورد اله.
وايهم اخو الاصغر من شهاب.
هم اني محجوزه اله.
بس. بيني وبينكم عائلة بيت عمي حسن مارتاحلهم.
وظافر . ابن عمي حسين. هم. يحب ورد.
بس ورد مطنشته.
شهاب. صيدلاني. متعين بمستشفى. قريب علينه
وظافر يدرس اداره وقتصاد. مرحله رابعه. اخر سنه
حسين السنه تعين ظابط.
يموت على ورد. حيل يحبه
حبه اله من صغر.
شويه وصاحت امي علينه.
كلنه توجهنه للصاله.
المطبخ فرغ
ضلينه گاعدين نسولف ونظحك.
وصتني امي. اجيب ماي.
گمت. للمطبخ. طلعت دولچه من الكاونتر. ترسته ماي من البراد.
نفتح باب المطبخ. طب ظافر.
سلم عليه.
ظافر. شلونج شمس.
رديت عليه واني مدنگه. اترس ماي. الحمدالله انته شلونك.
ظافر. زين.
حك لحيته. ومثل اليريد يحجي بموضوع وياي.
باوعتله كتله اودي الدولچه واجيك.
كلي براحتج.
وديته للصاله. شفت عشق واگفه وفحطانه ضحك وي خالتي. مدري عليمن. انطيته الدولچه والگلاص.
هاچ. وزعي عليهن.
وعفته ورجعت. للمطبخ. الفضول يقرى 100
شيريد شعده.
طبكت باب المطخ. ونتجيت على الكاونتر.
شمس. خير ظافر شعدك.
مسح گصته عرگان. ورجع شعره ليوره
ظافر. والله. شگلج. شوفي شموسه اني معتبرج. مثل. سحر اختي.
والله يشهد معزتج مثل معزته.
شمس. اي شكرا. المطلوب شنو. ?
ظافر. ورد.
شمس. شبيه.
ظافر. والچ اختج علعلتني. احاچيه مترد عليه.
بس اريد اعرف. شمسويله وهيچ ميته مني.
گوه كتمت ضحكتي. ذوله ثنين ورد تموت منهم.
ظافر وشهاب.
شمس. والله مادري.
ظافر. شوفي الي اريده منچ. تساعديني.
شمس. شلون اساعدك يعني.
ظافر. تجسيلي نبظه. اريدج تشوفيه. منو باله وهيچ مطنشتني.
شمس. شبيك اتخبلت. تريد اجيبلك اخبار اختي.
ظافر. حقج. متردين. يوميه. اخلي راسي على المخده. وتخيله.
والله اريد بس اكمل. كليتي والم نفسي واجي اتقدمله.
شمس. شوف ظافر. صح اني صغيره. وانته اكبر مني واعرف.
بس ميصير. هيج سوي وانته تدري.
عمي حسن حاجزه ورد. لابنه.
عقچ حواجبه. بس ورد متريده ...لو عده راي ثاني. ?
شمس. لاثاني ولاثالث. طلعني من هاي السالفه.
ولضل. تركض ورا ورد.
تدري كلش زين. ورد متريدك. عوفه بحاله. ولتندگ بشهاب. مانصحك. لان هذا مخبل كلشي اتوقع يسوي.
عفته وطلعت من المطبخ. بطران يريدني اصيرله جاسوسه على اختي. والله .. ياالله
رجعت للصاله. كله ملتهيه سولف.
اله. نورا ورغد. وحده تتخازر وي الثانيه.
رغد نافشه ريشاته.
وصايرتلك المعزبه بلبيت.
لان ابوي حاجزه الصگر. ونورا ميته منه.
شويه وجتي نورا. يمي. گعدت.
وگامت تحجي على كيف.
اكلج. شمس. هاي. عود مصدگه روحه لصگر.
تحجي ومترهيه. وكل شويه وگامت سوتله شغله عود هيه ام البيت.
شمس. شتردين منه خل تولي. مالج غرض بيه.
نورا. ولچ وشوفيه شوفيه شلون تتخازر وياي.
شمس. صوجج. شوفج تنطين من سوي هاي الحركات. انتي طنشيه ومعليچ
نورا. مااگدر والله موبيدي. احسه هيه مصيطره.
محجوزه اله. وبت عمه. اولى بي.
ضربته بمتنه. صدك مابيج حظ. اولى بي شنو.
واحنه نسولف. جتي. رغد گعدت يمنه.
رغد. هلوو. عيني. شلونجن. شجاي السولفن. كملن. ترا والله ضوجه.
نورا. اسرار اني وبت خالتي. انتي شكوو
رغد. ترا بت خالتج صير بت عمي. يعني اني اقرب منج اله.
شمس. اكلچن شو سكتن راسي يوجعني.
رغد. اي اكلج عيني شموسه وينه صگر.
شمس. جاي يلعب. صگله. غير وي الولد.
رغد. اوييي علگيفج عيني. هسه اني شگلتلج.
سكتت عنه لان مالي خلگ. وهاي السانه شطوله. اذا مدته وضل. لوك لوك لوك.
اباوعلهن وحده تتخازر وي الثانيه. چنهن شرايچ.
نورا. اووو. مادري شهل. ريحه. قبل شويه گبت.
خنزت عليه رغد. وليچ شنو قصدج.
نورا. والله البعبه طلي يمعمع
خزرته رغد وماردت عليه.
رغد بطبعه ذكيه او. حياله. تعرف شلون تلوفه.
وهاي نورا. فاهيه وفطيره.
عافتنه. وراحت. للمطبخ.
ضلينه نضحك عليه.
شويه ماسمعنه. غير صياح. صگر بلمطبخ. شمس.
شمسسس.
طفرت ركض.
شفت رغد واگفه يمه وتبچي.
ضليت متصنمه بمكاني.
وراي جتي نورا.
صگر. هاي ليش وي رغد.
گامت تبچي وتناشخ. وتمسح بدموعه. ترضاه. ثنينهن صافات عليه. هيه وبت خالته.
عود اجيت گعدت يمهن. اريد اسولف وياهن.
وحده دگل لثانيه. يبووو اجت ام الخيسه.
ترضاه يبن عمي. بس اني ماحجيت لخاطرك. وكلت عيب احنه خطار بيت عمي.
ضلينه فاگين حلوگنه عليه اني ونورا. عجيب امره هل بنيه. لفت السالفه ورشت عليه فلفل. ودته لصگر.
صگر. ولچ شمس. ليش وي بت عمي.
يله تعالن ثنينجن. اعتذرن منه.
رغد. لا يابن عمي محشومات. ماعليهن العتب
صغار ميفتهمن.
شمس. ولچ اني المافتهم. چا شخليتي الروحچ.
رغد. مارد عليج. بوجود. ابن عمي.
نورا. اكلج. كافي هريتينه ابن عمي ابن عمي.
تراج كومه عدج ولد عم موبس هذا.
رغد. ليش عيني ابن عمي وزامط بي. شعدي غيره ابني عمي شيال همي.
ضحك صگر.
وگال يله عتذرن.
اني ماعتذرت منه لان اني اصلا ماسوتله شي ولا حاچيته.
هزيت ايدي ورحت. ضل صگر يصيح. وراي. عفتهم ورحت. للصاله.
بس نورا. لا خطيه اعتذرت منه.
وجتي الدمعه مغرغره بعينه.
شويه وطبت. للصاله رغد. وتسوي حركه بيده عود بعنادچن.
درت وجهي عنه وماهتميت. اله.
بس نور. ضلت تطحن. بروحه.
واني كتله كله صوجج. لو ساكته مو احسن. هاي علاجه التجاهل.
-----
ورد:
بعد ما. خلصت العزيمه. وكلمن راح لبيته.
بقو بس بيت خالي وبيت خالتي اخرشي
شويه وطب صگر. بيده علاگه سوده.
گال صبحون على خير كلش تعبان اروح انام.
كناله اجمعين. وصعد.
شويه وصاحلي.
وردد. ورددد.
رحت. صعدتله. ركض.
لان صگر عصبي اذا تأخرت عليه شويه يلعب لعب
دكيت الباب فتحته. شفته گاعد على الجربايه ويمه
العلاگه السوده.
ورد. هااا خويه خير.
صگر. خير اليصيبج. احزري شنو جبتلج.
ورد. شنو.
صگر. مبايل.
ورد. جذببب.گول والله.
فتح العلاگه وطلع كارتونه بيه مبايل.
بسرعه فتحت الكارتونه. شفته مبايل لمس.
بيه هستوهن نازلات المبايلات المس.
شبگته حيل وبسته براسه. وتشكرت منه.
صگر. ورد. اريد منج خدمه صغيره.
ورد. كول تامر امر.
صگر. جبت مبايل لنورا. اريدج انتي توصليلهيا.
ورد. دلل وغمزتله. هاي الحب. مالتك. موو
صگر. نجبي وامشي ولي.
وردد. شوف خل نتقاول. اجيبه لغرفتك بدون محد يحس وجيبلي خط.
صگر. يلعن ابليسج شسوين بي.
ورد. حباب اخابر صديقاتي ومبايل بدون خط. شسوي بي.
صگر عمي ماشي. دللي.
ورد. بس تعال الغرفتي.
عفته راح لغرفتي.
ونزلت. بهدوء.
دنيت يم نور. كتله. تعاي. اراويج. شي.
هيه ماقبلت. لان علاقتي وي نورا. موقويه هيه و شمس. علاقتهن اقوى. اسرار بينهن وكذا. ...
كوه اجتي صعدت لغرفتي.
فتحت الباب. طبت.
نصدمت. رادت تطلع طبگت الباب عليه.
مبين عليهم متعاركين.
ضلوو همه. واني. وگفت مثل الحرس على الباب.
لحد ماسمعت خالتي صابرين. صاحتله.
نورااا. يله اريد اروح.
دگيت الباب. ستحيت اجفت عليهم.
هيه طلعت تضحك. وتعدل بحجابه.
همست يم اذنه.
هاا ولج سوتو جوه. دفعتني ونزلت تضحك.
نزلت وراه.
هيه كامشه بيده كارتونة المبايل.
من وصلت يم خالتي. كتله. خاله.
هاي هديه مني لنورا.
صابرين. ياا شكرا خاله شنو هل زحمه.
طلعو.
واني. ركضت لغرفتي.
فتحت الباب. صگر ماهو.
فتحت الكارتونه ضليت اگلب بلمبايل.
كلشي مابي بس لعبه وحده ضليت العب بيه.
وبعدنه ماعدنه انترنت لان مامشكلين النانو.
ملتهين بتعزيل. والغراض ونوب العزيمه.
شويه. وجتي شمس. اني وشمس وعشق نفس الغرفه.
بس الولد كلمن غرفته وحده.
شمس. هاي شنو عيني. صايره توزعين مبايلات حتى امي ضلت صافنه. رادت تحجي. بس اني ندسته.
هيه حست هذا من صگر. گالت سعو جابلنه مصيبه هل ولد.
ورد.باركيلي.
شمس. ليش.
ورد. اني هم حصلت مبايل.
شمس. عليج الله ولج چاني اخيتج محد ذكرني.
ورد. مادري. صگر جاب بس اثنين اليه والنورا.
شمس. بسيطه باجر اله اتعارك وياا.
چا شنو اني مواخته.
ورد. هههههه. يله لضوجين انطيچيا ساعه بليوم.
شمس. دولي. اكلج. صدك.
ورد كولي.
شمس. اليوم ظافر حاچاني عليچ.
ورد. وشيريد. هذا.
شمس. يريدني. اتوصطله يمج عود هو يحبج وانتي ماتطينه مجال ومتعذب بلحب.
ورد. اووو. ادور علينه هذا. قيس ابن الملوح.
شمس. ههههه والله عليج سوالف.
ورد. والله ماناقصني. غير هذا حتى تكمل السبحه.
اليوم. من صبيت الچاي. وحضرته للزلم. ورا العشى.
اجه شهاب يريد ياخذه.
نطيته الصينيه. واخذاه. وكلي اني صبيلي بلگوب.
شمس. اووي. عيني. يدلل عليچ يريد بلكوب.
ورد. اي خل اكملج.
واني بعد اخيتج تعرفيني. كتله ذاك القوري
وهذنيج الكوابه صب وشرب.
شمس. هههه خرب يوج بلكصه.
ورد. هو عاد گلي.
شهاب. اني اعلمچ. بسيطه اودي الچاي وجيج.
ورد. لا حباب خفت.
طلع هو ودا الستكانات.
اني گلت هذا خبل. خل افلت.
طلعت للحديقه. الورا البيت.
هم شردت من غسل الماعين. وهم من الهوسه.
گعدت على المرجيحه.
وضليت العب برجليه. كلت شويه واطب. لن هذا الخبل رايح والماعين مخلصات.
والله شويه واشوف واحد لابس دشداشه ولاف الغتره.
والحديقه والورا ضلمه.
ضليت اعاين زين اريد اعرف منوه.
گلي. اصب الروحي چاي مو.
اجذب عليج اذا كلج ماخفت.
واريد بس افلت بس منين. اطلع.
زبگت بسرعه. ماحسيته اله جرني من زيگ الدشداشه.
وكلي. هسه ترحين صبيلي چاي لاابتلي بيچ.
ورد. امشي ولي. حرام عليك شمسويتلك وهيج سوي وياي.
شهاب. بتل... استغفرالله لوماابوج عمي جان كملته.
جفي الشر. ورحي صبي چاي.
ورد. مااا والف ماا. اني موخدامه عدك.
شهاب. غصبن ماعليج. تخدميني والله بس يملچ اسد على ختام املج عليج.
واعلمج على الادب.
ورد. والله اموت ولاازوجك. انته مخبل.
جرني حيل لوجه. وانفاسه گامت طخ بوجهي غمضت عيوني من الخوف.
شنو ?شگلتي. ?
ورد. حرام عليك. هسه موذوله اخوتي مالهم علاقه بخواتك. هم محجوزات الهم. بس انته
شهاب. يله امشي ولي لا اريد چاي ولا كلشي منج.
دفعني وراح ينافث. غضب.
شمس. يحبج صدكي. بس هو مخبل هههه ميعرف يعبر عن حبه. اله بصياح والغلط.
ورد. مادري شلون صار صيدلاني المفروض. يصير عاقل. ورزن. مومسودن.
شمس. تدرين فرق بين ظافر وشهاب.
ورد. ظافر على عمي حسين هدوءه ورزانته
وشهاب على عمي حسن. صياح وضرب.
شمس. اي ولج. تذكرين سوى بسمه.
ورد. اوفف خطيه. دومه باصطه مدمايه . اخر شي. طرده هيه وضرغام.
الله يرحمه.
شمس. وحسين.
ورد. شبي.
شمس. اليوم ماحجيتو.
ورد. لا وين ماكو. هوسه. وهو ملتهي وي اخوتي
بس من اجه. اشرلي من بعيد سلم عليه.
شمس. حلوه علاقتكم انتي ويا اتخيلكم اذا.
يعني. كزوجين احلا
ورد. لا بلعكس تحجين. اني وحسين. مثل كعدتنه هسه وحجينه.
اتخيل اذا تحولت علاقة حب. تخرب.
صداقتنه.
يعني مثلا اتخيلي اضربه. من اضوج منه.
اكرص خدوده.
حجي ويا. كله. ولك حسوني.
شمس. ههههه
ولج حسين بضخامته وظابط ودكليله حسوني.
عدلت دشداشتي. اي نعم. اكله حسوني.
------
اسد.
جنت كلش ضايع. ماعرف. شنو قراري.
الي اتخذته. صح لو غلط.
من كلت لابوي. راح املج على بنت عمي.
الي خايف منه خاف اضلمه وياي. وهيه.
ترفه بسرعه تبجي.
وماريد اكون ظالم بحقه.
بس الي شفته من كلامه. هيه رايدتني.
كلت خل. اتوكل واكل لابوي يتفق وي عمي على الملچه والله كريم.
ثاني يوم اتفقو. ابوي وعمامي.
على يوم الخميس للملچه.
بيومه طلعت من الصبح توجهت لكربللا. للامام.
زرته وصليت ركعتين.
قضيان حاجه.
وندعيت. كون اتوفق بزواجي واسعد هل بنيه ماله ذنب بلي جاي يصير.
ولازم اتحمل المسؤليه. بعد.
ماريد صير سرتنه على كل لسان
عاف بت عمه علمود الغريبه لو شبع بيه وذبه.
اشكال الناس تحجي.
رجعت من كربلا بوجهي للحلاق.
زينت ورتبت.
ورجعت للبيت. شفت البنات مخبوصات.
يبدلن ويتراين وحده دگل لثانيه البس هذا لو هذا احلا.
هزيت ايدي هو اني العريس وتوني يالله راح ابدل تلگي خبصتهن من الصبح هاي.
طبيت لغرفتي اخذت الخاولي.
وطبيت للحمام. سبحت. وطلعت
لبست دشداشتي. ولبست الساعه والمحبس
رشيت عطر.
لبست الغتره والعگال وخليت البشت على متوني
نزلت.
شافني وتعالت الهلال.
امي والبنات. ويضحكن.
عين الحاره مسلم يطفيه وعين البارده كل الهله بيه.
گوه يالله سكتتهن.
واجو اخوتي. هم فرحانين.
اني مادري. لاني فرحان ولااني ضايج مشاعري متخربطه.
طلعنه سيارتين سيارتي. ابوي وامي وسيف اخوي بحضنه. وعشق.
والباقين بسيارت. صگر.
وصلنه لبيت عمي تلگانه عمي ولده. بلباب.
دخلنه
وامي والبنات طبن جوه.
شويه وراح. صگر جاب السيد واجه.
وبده يعقدلنه.
الحمدالله الذي حلل النكاح وحرم الزنا والسفاح وصلى الله على سيدنا محمد وعلى اله
بيته الطيبين الطاهرين
قال الله سبحانه تعالى في محكم كتابه الكريم
بسم الله الرحمن الرحيم.
((ومن اياته ان خلق لكم من انفسكم ازواجا لتسكنوا اليها وجعل بينكم موده ورحمه ان في ذالك لايات لقوم يتفكرون ))
وقال رسول الله
الكريم محمد (النكاح سنتي فمن احب فطرتي فليستن بسنتي)
وعلى هذه السنه النبويه الشريفه
اترضين يا ختام حسن ان اكون وكيل على ان يكون اسد جبل هذال زوجك لازوجكياه على سنة الله
ورسوله. وعلى مهرا عجله. ستة ملايين ومؤجله عشر ملايين دينار عراقي تستحقين المؤجل
من بعد مضي اثنا عشر سنه ان رضيت بذالك قولي نعم وانت وكيلي ...
هدوء ماكو جواب.
حم حم ورجع. ردده. خمس مرات.السيد لما ريگه نشف
جاوبت. بصوت ناصي: نعم وانت وكيلي
رجع عاد الصيغه الي.
بسم الله الرحمن الرحيم زوجتك موكلتي ختام حسن على مهر المتفق بينكما. معجله ستة ملايين ومأخره عشرة ملايين دينار عراقي. تستحق ذالك بعد مضي اثنا عشر سنه ان قبلت بذالك قل قبلت التزويج
جلى صوتي وجاوبته: قبلت التزويج
رجع كال السيد
بسم الله الرحمن الرحيم انكحتك نفس موكلتي.ختام حسن على المهر المتفق بينكما موئجله ستة ملايين ومأخره عشرة ملايين دينار عراقي
ان قبلت بذالك قل:قبلت النكاح
جاوبته:قبلت النكاح
رجع كمل.
متعتك نفس موكلتي ختام حسن على مهر المتفق بينكما معجله ستة ملايين ومؤجله عشرة ملايين
ان قبلت بذالك قل: قبلت المتعه.
جاوبته. قبلت المتعه.
رجع كال السيد
وقل التمتع. جاوبتة :التمتع
كال السيد لنفسي. رددت ورا لنفسي
رجع وگال بصوت عالي
بسم الله الرحمن الرحيم
زوجتك ومتعتك وانكحتك
نفس موكلتي ختام حسن على مهر المتفق بينكما
معجله ستة ملايين ومؤجله عشرة ملايين
دينار عراقي ان رضيت بذالك
قل قبلت التزويج والنكاح والمتعه والتمتع لنفسي
جاوبته
:قبلت التزويج والنكاح والمتعه والتمتع لنفسي
السيد. لابأس ان نقرأ الفاتحه مسبوقة بلصلوات
مبارك لكم ....
يتبع....
حبايب لتنسون التصويت