عائلة شيخ جبل (( الجزء الاول مكتمل))

الجزء الثاني -13

عائلة شيخ جبل
الجزء الثاني البارت 13
هدى حيدر

شمس.  ضليت. افكر وحايره. منو المصوره. معقوله وحده صورت بدون قصد
وراح الفيديو لشخص غريب. مامعقوله.
واحد من گرايبنه.
هيج يسوي.
دنگت. على نورا. اريد اسكته.
كاعده بلگاع. واديه على وجه وتبجي. منهاره.
شمس. حبيبتي نورا. كافي لتبچين.
نورا. ولج. يذبحوني. تعرفين. شنو انفضحت ولج شمس افهمي. الله يموتني انشالله واخلص.

شمس. اسم الله. هسه. خل اروح لورد اصيحله. بلگي. شوفلج حل.

نورا. شسويلي مدگليلي.

نزلت وعفته. منظره يكسر الخاطر.
الله يكون بعونه لو اني بمكانه. اموت. هاي البنيه مثل الجامه. اذا نخدشت. تضرر.

نزلت على البايات واسمع الهوسه. داويات النسوان يسولفن.
شفت ورد. گاعده. بنص بنات عمي.
بنات عمي هواي.بنات حسين وبنات قاسم وبنات جاسم.
مسويات دائره. وبنصهن ورد گاعده.
يسولفن ويضحكن.
رحت يمهن. صحتله.

شمس. ورد. تعاي اريدج.

ورد. شكو شتردين

شمس. هسه دتعاي.

عافتهن وجتي يمي.
جريته من ايده. وصعدت. بيه للغرفه
ورد. شبيج شمس تخبلتي. شبيج جرجرين.

مارديت عليه فتحت باب الغرفه. صارت گباله
نورا. كاعده وتبجي.
ركضتله بسرعه. كعدت كباله.

ورد. شبيج. نورا.

نورا. هاج.

ورد. خلت المبايل بيدي واني مصدومه. هاي شبيه.
ليش تبجي.
ضليت. كامشه المبايل وصافنه.
نورا تبجي وتنشخ . حتى حجي متعرف تحجي.
باوعت لشمس. شبيه. احجي.
اخذت المبايل مني. فتحته. وطلعت فيديو. بلحنه مال رنده. نورا. ترگص. ضليت اباوع مستغربه. مافهمت. شنو. الموضوع.
شمس. هذا. حساب على المازنجر ودالهيا.
تفاجأت. دخلت على الحساب.
شفت. كاتب الشخص المهدد
-فضحج وطيح حظج.
وراسل الفيديو.

منو اله مصلحه. ياذي نورا.
نورا حبابه. اعرفه من صغره. عمره ماأذيه شخص.

دخلت على حساب. المازنجر ومنه دخلت على صفحه مال الفيس.
مامكتوب اسم ولا صوره.

بس كل مجرم لازم يترك اثر لجريمته اوثغره يكشفه الله بيه
الرقم مال الصفحه تاركه مرئي.
اخذت الرقم. نقلته بورقه.
اباوع. لنورا. بس تبجي نقهرت عليه.
وخصتا هاي الشغله صارت بعرس اخوي.
شمس. وهسه شراح سوين.

ورد. اخابر.
كتبت الرقم بمبايلي وتصلت عليه شويه دگ
ضليت اتصنت وساكته.
اشرتلهن. اششش.
نفتح الجهاز. صوت بنيه.  وهوسه يمه الووو.
الووو. ماتحجي.

فرزنت هذا الصوت. بسرعه وعرفته. رغد بت عمي

رديت. هلو رغوده شلونج.
رغد. هله. منين جبتي رقمي.