بعد مااجيب جرحي اتروفه اليه اردود
انه استجمعت حيلي وبالصبر رفته
تمر وتشوفني اشلونه الوكت وياي
مامهموم واضحك والحزن عفته
من تشوفني تعرفني،،لاوالله
موذاك الغشيم المن گبل شفته
گبالك غير واحد بي شبه من ذاك
مايشبه هذاك البي جرح عفته
مرة التجربه المريت بيها وياك
مرة وعلمتني وحنضلك ضگته
ولو خسران بس الله يعوض الراح
حب راح بعشرتك وانتهئ بوكته
عفتك دون ماتسمعلي وقع اقدام
ماتحجي الشموع وينطفن سكته
عرض گدامي ظلي وعطلت ممشاي
حاجيته ونصحته ومن رفض دسته
وظل حلمك بعيني اعله الجفن مطروح
جذاب اليگلك من رحت جسته 💔
،،،،،،،،،،
راهب ابو غضب ج2
////////بقلم زهراء الحسناوي/////
،،،،،،،،،،،
لارا،،بقيت ابلع بريگي مااعرف شنو اجاوب
واگف مثل الصگر مضيگ عيونه يباوعلي
منتضر مني جواب
گتله بصوت يرجف
ش شافك م من خليت ا المسدس ب بخاصرتي
راهب،،وحضرته خايف عليج مني?
لارا،،بلعت ريگي احسه نشف راح انجلط بسبب غضب راهب
گتله كافي خليني ا اطلع الله يخليك
راهب،،وداعتج موقبل ماافهم هلسكط شيريد منج
راح افتح خط بس كولي الو
والقرران اذا حجيتي كلمه زايدة
هلمرة اني افرغ المسدس براسج
لارا،،رفع اصبعه خلا علئ حلكه بمعنئ اشش
فتح خط انتضر همام يحجي
همام،،الووو لارااا
لارا،،اشرلي بمعنئ احجي
جليت صوتي الي احسه حيختفي من الخوف كتله ا الو
همام،،لارااا شسوالج اااحجي ووين اخذج وين ااانتم هسسسه?
راهب،،بشيب الخلفك ابن االلكلب
همام،،احترم نفسك حيووان ماتريدك لزگت خوو مالزگت
راهب،،خل اشوفك وافهمك الازگ منووو گواااد
همام،،الزم حدك وكلامك كلله مسجل اسويها كعدت عشاير علئ هاي احجايتك
راهب،،خااايب گممممم طززز بيك وبعشيرتك
جاي يعلمني الساقط
لارا،،اسمع واختض دماغي علئ ساعه يفصل من الخوف واحد يغلط ع الثاني نزلو فشار وغلط
سدة راهب بوجه همام باوعلي بنضرة خلتني ارجف بمكاني مبين من نضرته ماناوي علئ خير
اعصابه ترجف رجف وعيونه دم وجها ينضح عرگ من عصبيته
اخذ الموبايل راد يطلع التفتلي
راهب،،موگتلج اذا كشفتج عندج شي ضامته اذبحج?
بس خل اشوف شمصخمه وياه
وداعت لوعة كلبي اجنزج
مااريد اضلمج هلمرة وتالي اطلعيني غلطان ومااتفاهم وهمجي وماعندي اسلوب
وداعت حيلي انهيج اذا شفت شي بينكم
لارا،،طلع وقفل الباب وراه سمعت بس طگت القفل
ساعه واني بمكاني ابجي
امددداااني ماحاذفه محادثات همام
وخاصتا اذا شاف محادثه الي اعترفلي بيها بحبه
صدگ راح يموتني
گمت من مكاني افتر مثل المخبله
فتحت البردة بلكت اشوف شباك انهزم منه
بس الشباك الحديد مربعات صغار يعني مااگدر اطلع
بقيت گاعدة واضرب علئ رجلي
فجاة انفتح الباب دخل مثل الاعصار رفعت راسي اتوسله لان مبين من دخلته فاصل اكيد شاف المحادثه
ردت احجي واني رافعه اديه امنعه يضربني
فجاة ضربني علئ ايدي نزلتها من الوجع
وبلحضه ضربني علئ وجهي
لمن انحنيت للگاع
جرني من ايدي ورجع ضربني
كل ماااريد اعدل روحي يضربني
بهذلني فقد واني مثل العجينه بيدة
ايدة توجع ضربتها احس وجهي اتبنج
كل مااصرخ يضربني اقوئ
راهب،،ااااگللج منووو همااام
اتگوللين زمييييلي
اگللج منوووو انعاااال اتگولين زميلللي
تااالي طلع الاااخ مااخذ رااحته ويه مرررتي نازل وياهااا حبجيات وغزززل
ولللج ساااقطه ااانتي مااتختلفين ع الگح بشيييييي
لارا،،متت جوة ايدة گاعد علئ صدري ويضرب بقوة
كل ماخلي اديه احمي وجهي بيهن يلزمهن ويرجع يضرب فقد فقد من عصبيته
من شوغت روحي صرخت بي بدون وعي
اضرررب اضرررب واطبع اثر همجيتج ورجولللتك علئ جسميي اضررب بعدددد
لان عباااالك الرجوله بضرررب النسواان
جمد بمكانه مايتحرك بلحضه جرني من شعري قربني يم وجها
راهب،عيدي شنو گلتي?
لارا،،بجيت لزمت ايدة گتله كافي وخر
راهب،،عيددددي
لارا،،ماينسمع غير صوت شهگاتي
تركني وبيده دفعني علئ ضهري
صار فوكي ثبت رجليه اثنينهن برجله
ثبتني بعد ماگدرت اتحرك
وهو فاصل يبوس بشفايفي بقوة
اختنگت جواه وادموعي تجري اتوسل
وهو فاقد مايسمع مني
دموعي تنزل اشهگ بالبجي واتوسل ولايسمع توسلاتي ماعندي غير ادافع عن نفسي ملخت صدرة بااضافري
همست بصوت تعبان
رراهب وخررر
راهب،،موووزلمه بنضررج مووو?
هسسه اشوفج اشلوون تصير الزلم لان مببينه هااي غاايتج
لارا،،لزم اديه نزل الرگبتي يبوس بقوة
بجيت اتوسلت مافاد
تعبت من المقاومه
بصوت مبحوح گتله لتكسرني مرة ثانيه
والله امووت
اانته التركتني بنص الطريق اانته
ابوس ا ايدك لتحطمني مرة ثانيه
هدئ بس صوت انفاسه بااذني
رفع وجها مقابيل وجهي دموعه وكعن علئ خدي
راهب،،شهور شهور واني اتوسل
ميت ومستقتل عليج متمسك بيج الدرجه عندي الموت اهون من بعدج
تالي تكسريني انتي بهاي الطريقه?
گتلج تبت
اتوسلت
بجيت
ردت
حاولت
وانتي مثل الجماد لاوالله الجماد الين من گلبج
ابتعد مني من تعب لميت روحي بوضعيه الجنين ابجي بدون صوت وهو بصفي العرگ ينضح منه يتنفس بغضب
گوة عدلت روحي وگعدت
گتله بصوت مصحوب وياه نشيج
عوفني
التفتلي وابتسم بااستهزاء
راهب،،هلمرة اني الماااريدج لان چزت روحي منج
احبج ودربي ماشايفه شايل حمل بگد الجبال اگول ضلمتها
وولج اليل مانايمه بدونج حلم ارجعج الحضني
شهووور واني ذال روحي ومتعب صحتي الخاطرج
اگول ضلمتها خليني اتحمل اذيتها بسبب ضلمي الها
تالي طلعتي عايشه حياتج ومرتاحه مخبرات ورسائل بيناتكم
ولج ماوگفت دموعي بعينج ?
ماگلتي يحبني ?
ماگلتي اشوفه تعبان ويفرفح واني ضاربه كلشي بعرض الحايط?
والله ماضايج بس علئ روحي لان اني الكبرت راسج وخليتج تستقوين وادوسين علئ گلبي بحذائج
من اليووم مالي غرض بيج
لان ماتشرفيني
ومن اليوم ادوسج بحذائي وادوس علئ گلبي ويااج
لان ذلني الخاطرج
بس وداعت امي وعافيتها
تحلمين تحلميين انطيج الواحد ثاني
اخليج طووول عمرج معلگه لاطايله سماا ولاگاع
لااخذذذج ولاانطيج
والله لطلع قهري ووتعبي كلللله منج ياادبسزز
لارا،،ابجي وگوة يفهم مني عدلت كعدتي وسحفت علئ موخرتي لورة رجيت جسمي ع الحايط
اانته ا الخليتني م مااثق ب بيك اانته
باوعلي ابتسم بااستهزاء بطرف شفته ودار وجها
ااي لتباوع هيييج اانته السبب بكلشي
شنو الخليته وماسويته بيه گليي?
انتقمت مني بذنب اهللي
حملتني ذنب مامسويته
قسيت
ضربت
خنت
اتزوجت
دمرتني ااانته دمررتني
راهب،،دمررتج بس دمرررت روحيي ورااج
وولج راااح يصير سنه افترر وراج مثل الطفل
نسيت نفسي ومركزي وحررت بيج احتاريت اشلوون ارضيج ونفتح صفحه جديدة
تااالي لادموعي غززرن وياج ولاتعبي ولاكلشي غززززر بببيج
لارا،،ههه دموووعك?
تذكر من بجيت بخطوبته وتالي اتگلي جذب التمساح من يريد يستدرج فريسته يصير يبجي حتئ يكسب عطفها
واني هيج سويت حتئ استدرجج وانتقم
موووو هذااا كلامك?
اانته كلك علئ بعضك مااثق بيك
تريدني ارجع اثق بدمووعك مررة ثاانيه?
راهب،،ماتستاهلين حبي ابد والله ماتستاهلين
وحگ علي اله اذلج اخليج مگابله ااامج طول عمرج
انكشفتتي علئ راهب?
چااا اتحلمين تنكشفين علئ غيرة
والخلقج. احط طلقه براسج واكتلج
لارا،،يحجي بقهر عيونه انگلبن دم وگصته تنگط عرگ نهض تركني وطلع محني الضهر كوة يمشي
اختل توازنه راد يوگع استند ع الحايط
ضرب الباب بيدة بقوة وطلع
هي ثواني سمعت صوت وگعه قويه
فزيت وگلبي احسه من الخوف راح يسكت سمعت صوته گوة يحجي گمت من مكاني مفزوعه جمدت واني اشوفه امدد بالگاع
فاتح عيونه بقوة يغمض ويسدهن
عيونه صارت بنگرة وكوة يبلع بريگه
گعدت يمه مفزوعه مااعرف شنو اسوي لزم ايدي حييل
بلل شفايفه وهمس بااسمي
بعدها فقد ردت انجلط من الخوف ماكو احد يمي هاي ثاني مرة تصير وياه
دورت بجيوبه علئ موبايله ماكو تالي لكيته ع الميز هو وموبايلي
اخذت جهازة فتحته لاغي القفل بسرعه دخلت ع الاسماء مااعرف غير قاسم
مخلي اول اسم كاتب اخووي
مااعرف هو لو موهو بسرعه اتصلت اديه يرجفن
ثواني اجاني صوته
قاسم،،الو
لارا،،ق قاسم اللحگنييي
قاسم،،لارااا شكووو رااهب بي شي??
لارا،،خيي راهب وكع مايتحرك ابد
قاسم،،خررب بغيررته بالشقه انتوو?
لارا،ا اي
قاسم،،جااي جااي
لارا،،سديته وكعدت يممه افرك بدي اثنينهن
نسيت قبل شويه جان يتفنن بضربي
نسيت كلشي وحرت بي
عجيب امر گلبي الموراضي يكرها
خاضعله باارادته
بمجرد مايشوفه متاذي يااذيني
صرت مااعرف اني اكرها لو احبه
شويه وبدة يصحه بس عيونه يفتحهن مايحجي
سمعت صوت دگ قوي ع الباب عدلت حجابي وركضت فتحته عرفته قاسم
اتجاوزني ودخل يركض
گعد يمه يحاول يخلي يصحئ
تالي زمخ بيه بصوت
قاسم تعااي سااعديني
لارا،،قاسم رفع ايدة حطها علئ متنه ونهضه واني من الجها الثانيه
فتحت الباب مال السيارة وقاسم حطه بالكشن الورة
حتئ هو يرجف من الخوف
رجعت بسرعه اخذت جنطتي وطلعت وراه بس صدمني كلام قاسم رفع ايده يمنعني وهو يتجه الجهته
قاسم،،هذا حدج
حب بمذله ماينراد
اذا عندج كرامه اتركي قبل ماتموتي
لارا،،بقيت مصفصفه بمكاني وگعت دموعي
شخط السيارة وراح
گعدت بالباب لامه روحي
هسه اني الطلعت غلطانه?
جريت باب المدخل وطلعت وباب البيت هم سديته
گوة امشي وين اروح?
جسمي يون من الضرب
ورجليه كوة حاملاتني امشي هايمه باارض الله
اباوع بالوجوه بس مااعرف وين اريد
امسح بدموعي مايسكتن يزيدن ماينقصن
اشرت التكسي
الرجال يباوع بلمرايه واني غاصه بالبجي
مرتين سالني وين اوصلج واني ساكته
تالي گتله وصلني للمكان الفلاني
وصلت الباب بيتي نزلت
حتئ الباب مابيه ادگه
گعدت ع الصبه والشمس تضرب براسي
منضرة مايروح من بالي
لسه حرورة ايدة بيدي من وگع ولزمني
انفتح الباب وطلع محمد اتفاجئ من شافني
محمد،،لارااا ولج شبييج وشصااير ويااج?
لارا،،اقترب مني لزمني وگومني للبيت
بس ابجي يريد يفهم مني مايفهم
امي طلعت زاد صوت نحيبي
بس اباوع بعيونهم وادنگ ابجي بقهر
محمد،،لاراا لاراا بس باوعيلي منوو وياج ?
لارا،،خفت اگله راهب وتكبر المشكله بعد شيسدها
گتله سويت حادث
لان شكلي صدگ مبين طالعه من حادث
وجهي وارم من الضرب
حتئ اديه من گد ماحميت روحي بيهن وضربهن احسهن مكسرات
امي جابت ماي غسلتلي
سعاد،،جااهله اانتي مااتشوفين گدامج لوساحگ وكاتلج?
محمد،،اشلون اويين فهميني ترة ماخاشه السالفه بعقلي
وين مكاان الحادث اكيد اكوو كامرات مسجله
لارا،،گتله ماشفته بس زلت السيارة عليه شمرت روحي وانجلخت
بقه صافن متاكدة مامقتنع
وامي تدعي ع السايق الاختلقته من راسي خوفا من المشاكل
گومتني امي للحمام كوة امشي جسمي مكسر يوجعني
دخلت سبحت دموعي تنزل جوة الماي جسمي كله يوجعني من الضرب
ويريد ارجعله وهو هذا اسلوبه عمرة ماراح يتغير
بس رغم كلشي راسي انخر من التفكير
بالي يم وضعه
جابتلي ملابس لبست اشلون ماجان
ماادري. اشلون صعدت الغرفتي اسحل بروحي سحل
حتئ مامشطت لفيت شعري بقراصه
اتمددت واتغطيت اغمض عيوني حيييل اريد بس انسئ الصار
لكن ماكو شي يروح من بالي
صوته
دموعه
ضربه
يفرفح من الغضب تالي وگع ومااعرف شنو صار وياه
امي جابتلي غدة مااكلت رادت تاخذني للمستشفئ من شافت وضعي تعبان
گتلها مابيه شي بس اريد انام
عافتني وطلعت بقيت بفراشي لليل
بين النايمه والگاعدة مغمضه عيوني وفاصله
سمعت صوت موبايلي يرن
باوعت رقم غريب
فتحت خط وانتضرت اسمع صوت الطرف الثاني
اجاني صوت مرة تبجي
ارتعد گلبي لان هلصوت اعرف صاحبته حق المعرفه
عدلت كعدتي وهمست بصوت يرجف
ف فاطمه?
فاطمه، ،اااي فاطمه
ليش هيج لاراا حرام عليج والله حراام عليج
لارا،،اريد انطق مااگدر احس انخرست
گوة سالتها
ا اشبي را راهب??
فاطمه،،لاراا اذا صار براهب شي لااني ولاحتئ اامي نسامحج ااابد
شهوور تارك الدنياا ومگابلج في سبيل بس تقتنعين تررجعيله
اخووي حيمووت بسببج لاراا
لارا،،ارتعد گلبي وعيوني غوشن وكلمه وحدة تتردد براسي
حيموت?
فاطمه، راهب ض ضربه السكر
فاقد بالمستشفئ،
السكر صاعد كلش سبب خثرة برجلة
ليش هيج سويتي بي?
لارا،،بجيت كتلها ليش والسواه اخوج قليل?
فاطمه، ،بعد مايفيد العتب يبت عمي
راهب بين الحياة والموت بالمستشفئ
اذا صار براهب شي معناتهئ امي تموت وراه
لارا،،غصيت بعبرتي سالتها اشلونه هسه ?
فاطمه، ،منا الباجر اذا ماصار زين يگصون رجلة
لارا،،شنووو???
يتتبع قرائه ممتعه
بنات تابعو حسابي حتئ من انشر توصلكم اشعارات