Chapter 1
"Best friend kong malaki dede, nasaan ka? 'Wag mong sabihing sumusuka ka?"
Napahiwalay ako kay Rogue at saktong pasok ni Phoebe. She was appalled to see me with Rogue. Pinalipat-lipat niya pa ang tingin sa amin.
Para akong binuhusan nang malamig na tubig dahil halos mahuli kami paghahalikan. Phoebe seized my arm and gave Rogue a forced smile, who was now leaning against the wall.
She hauled me upstairs to her room. Dumiretso ako sa kama niya at pilit pinakakalma ang sarili, hindi maintindihan kung paanong nangyari iyon.
"What are you doing downstairs with Rogue? Did he do something bad? Namumula ang mukha mo!" Ipinatong niya ang mga kamay sa magkabila kong balikat. Pilit niya akong iniharap sa kanya.
We were both drunk but I could still see it clearly. Her eyes, clouded with concern and worry.
Hindi maalis sa isip ko ang nangyari. Ganoon ba ang mga lalaki? Bigla-biglang nanghahalik kahit hindi nila girlfriend?
Saka ko naalala na sa Manila nga pala sila nag-aaral. Normal lang siguro sa kanya iyon. Pero lintik, ang sarap niyang humalik. Nanghihigop ang bibig niya. Nanlulunod.
Umupo si Phoebe sa tabi ko at inilipat ang mga kamay sa magkabila kong pisngi. Her eyes widened as if realizations hit her hard.
"Ragna!" halos isigaw niya ang pangalan ko.
"Sorry, Phoebe! Hinalikan na lang niya ako bigla. Please, 'wag mong sasabihin kina Papa!" kinakabahan kong sabi.
Mas lalong namilog ang mga mata niya. "What?"
So she didn't know? But it was already late, I spilled it out myself. Napakatanga mo, Ragna!
Dahil ba sa tama ng alak? Pero wala naman akong choice kundi sabihin sa kanya. Tama. Hindi gusto ni Phoebe na maglihim kami sa isa't-isa.
"I was about to ask you if Rogue said he likes you. Ganoon kasi 'yong latest ex ko. Nakwento ko sa 'yo 'yon, 'di ba? Nagkakilala kami sa inuman and that same night umamin siya sa akin na gusto niya ako."
No, Phoebe. Iba ang gusto ni Rogue. Gustong makipag-sex ng lalaking iyon sa kakikilala niya pa lang!
"O, so anong pakiramdam? Is he a good kisser?" her tone suddenly changed. She sounded curious.
Hinaplos ko ang buhok niya at mabilis na hinila ang dulo nito. Napaaray siya at nagulat.
"Akala ko magagalit ka. Magtatanong ka lang pala kung masarap!" Inirapan ko siya at gumapang ako sa kama. Binalot ko ang sarili ng comforter dahil sa paghagod ng lamig sa balat ko.
"At least, hindi ka na curious kapag nanonood tayo ng movies kung anong pakiramdam na mahalikan." Tinabihan niya ako at humarap siya sa akin. "The problem is he's not your boyfriend."
I wet my lips with my tongue and remembered how his moved in my mouth. Para na naman akong lalagnatin katulad kanina.
"Malandi ka talaga!" komento ko.
"Malandi ka rin. Hindi mo jowa nakipagtukaan ka. Ngayon ko napatunayan na best friend nga kita," banat niya at tumawa.
Pumaloob siya sa comforter at pumikit. Napatitig ako sa kisame. My first kiss was gone!
Kinabukasan ay masakit ang ulo ko pagkagising. Bumangon ako at hinanap ng mga mata si Phoebe. She was combing her wet hair, obviously just got out of the shower.
"Take a shower and I'll lend you clothes. May underwear ako na hindi pa gamit. Our problem is your bra. We're not of the same size." Nilingon niya ako at problemado ang kanyang mukha. Seryoso siya kaya natawa ako.
Lumapit ako sa kanya at tumayo naman siya para ikuha ako ng mga damit. Sinundan ko siya sa walk-in closet. Nagkalkal siya sa damitan ng pupwede kong suotin. Iba talaga kapag anak-mayaman.
Pagkatapos makahanap ay pumasok na ako sa bathroom. Pinihit ko ang shower at dinama ang nakakakiliting pagtama ng tubig sa hubad kong katawan.
Naalala ko na naman pati ang hawak niya sa akin. Kinuha ko ang shampoo at naglagay ng sapat na dami sa palad ko. Minasahe ko ang ulo at napapikit.
Hindi ko alam kung paano ko pakikitunguhan ang lalaking iyon. Sana pagbaba namin ay wala na siya. Just the mere idea of possibly seeing him this morning was a big problem to me.
Hello, we kissed last night! And we were practically strangers who just knew each other's name!
After I got dressed, I went out of the room looking for Phoebe. Pababa ako ng hagdan nang tawagin niya ako. Fiesta na ng bayan kaya marami na akong nasisilip na bisita sa labas. Hindi ko pa nakikita ang parents niya. Gusto ko sanang makapag-hi man lang sa mga ito.
Sa living room ay nakaupo ang mga lalaking kainuman namin kagabi. Pilya ang ngiti ni Phoebe sa akin kaya nakaramdam ako ng kaba.
"Oo nga pala. Saan ka nagpunta kagabi, dude? We're looking for you. Hindi ka na bumalik sa table," usisa ni Admiral.
Sinundan ko ang tingin ni Admiral at saktong hinila ako paupo ni Phoebe sa tabi niya. Nanatili ang tingin ko sa lalaki na umiinom ng kape. Pero mabilis nag-iwas nang tumunghay siya.
"CR," tipid na sagot ni Rogue.
"Okay lang kung makikipaglandian ka sa kanya. Two years lang ang agwat n'yo," anas ni Phoebe sa tenga ko.
Mahina ko siyang kinurot sa hita at pilit ang ngiti na tiningnan siya. "Manahimik ka," halos hindi bumuka ang bibig kong sabi.
"We don't have girls last night, Rogue. Bakit ka pumunta sa CR? Nag—"
"Guys, my sister and Ragna are here. Careful of what you're about to say," Admiral interrupted Jax.
Pero hindi ko na matandaan ang pangalan ng iba. Sampu silang magkakaibigan kaya hirap akong memoryahin ang mga pangalan nila.
Maliban sa lalaking katapat ko. Pati paggalaw niya kagabi ay halos tumatak na sa isip ko.
"Kuya, naman! Same school lang tayo pumapasok. You think I don't hear people talk about adults' stuff? Come on! We're no longer kids!" Siniko ako ni Phoebe at nginisihan ako. "Right, Ragna?"
"Yes," napilitan kong sagot.
She chuckled and turned her gaze to the guy in front of me.
"Hindi naman conservative lahat ng mga taga Tanay, Admiral!" natatawang sabi noong si Mikhail.
Tumayo ako at ramdam ko na napatingin silang lahat sa akin. Hinawakan ko ang braso ni Phoebe at hinila siya sa kusina. Sa labas kung saan ang handaan nila ay marami ng tao.
"Bakit mo pa ako inaya roon? Nandoon si Rogue, gaga ka!" mahina pero madiin kong sabi.
"'Cause it's obvious that you're looking for me." Umikot ang mga mata niya.
Umupo ako sa harapan ng dining table. She took a carton of fresh milk from the refrigerator and poured into two glasses. Ipinatong niya sa harap ko ang isang baso bago kumuha ng bread at naglagay sa toaster. Pagkatapos ay pinaglagay niya ako sa platito at inilapag din sa harap ko.
Maraming lutong pagkain pero pareho kaming dalawa na sanay na tinapay lang ang kinakain sa umaga. Buong elementary at high school kasi ay magkaklase kami. Ngayong college lang siya lumipat dahil gusto ng parents niya na sa isang dekalidad na unibersidad siya mag-aral.
Nag-iyakan pa kami noong sinabi sa kanya ng parents niya na hindi siya rito sa Rizal magkokolehiyo. Medyo over-acting kami sa part na iyon. Kapag ganito namang walang pasok ay magkasama pa rin kami.
Sabay kaming lumingon sa entrada nang may pumasok dito. Phoebe and I exchanged gazes. A meaningful, mischievous smile crept over her lips.
"You want anything, Kuya Rogue?" she asked him.
Saglit niyang tiningnan si Phoebe at naglakad palapit sa refrigerator. Dumampot siya ng canned beer doon at sumandal sa kitchen counter. Tumuon ang kanan niyang siko sa counter at binuksan ang beer gamit ang kaliwang kamay. Lumagok siya roon at ramdam kong pareho namin siyang pinanonood ni Phoebe.
"Mukhang nagpapansin sa 'yo. Labas ba ako?" bulong ni Phoebe sa akin.
"Baliw! Dito ka lang. 'Pag iniwan mo ako, papasabugin ko kwarto mo," pananakot ko sa kanya.
"Hoy, huwag sa kwarto ko magpapasabog. Marami kaming guest rooms, girl!" ganting anas niya sa akin.
Saglit akong nag-hang bago ko nakuha ang ibig niyang sabihin. Kinurot ko siya sa tagiliran. She grinned from ear to ear.
"Akala ng parents mo, santa ka. Pero ang dami mong kalokohang alam," nanggigigil kong sabi sa kanya.
"Ikaw rin. Remember last night?"
"That's a mistake!"
"Mistake mo mukha mo. You didn't tell the details but I know you liked it. Kagabi ka pa tumitingin kay Rogue. Isa kang malantod!" Kumawala siya sa akin at bigla na lang akong iniwan.
I suddenly got nervous. Itinuon ko na lang ang pansin sa toasted bread ko na nasa platito. Kumagat ako rito at bigla kong nabitawan nang nakarinig ako ng pagtikhim.
"How are you feeling, Ragna?" he asked, breaking the silence.
Tumunghay ako at nagtama ang mga mata namin. Kanina pa ba siya nakatingin?
Uminom muli siya sa hawak niyang beer, hindi inaalis ang tingin sa akin. Kung nakatayo siguro ako ay napaupo na ako dahil sa tingin niyang iyon. Lalo na at may ginawa kaming dalawa kagabi na hindi ko akalaing magagawa ko sa tanang buhay ko. Napakalandi ko naman at nagpahalik ako sa lalaking ang alam ko lang ay pangalan!
"I'm okay," I answered, and groaned inwardly. Did it sound like I was nervous talking to him?
Umayos ka, Ragna! Normal lang sa mga lumaki sa Manila ang makipaghalikan sa kung sinu-sino.
"Good." Naglakad siya palapit sa akin at ipinatong ang beer sa table. He looked at me as his index finger played with the corner of the can. Dinilaan niya ang palibot ng mga labi niya.
Nag-iwas ako ng tingin.
Tatanungin niya ba ako tungkol sa nangyari sa amin? Pwede namang hindi na. I knew I looked so awkward right now.
"About last night—"
"Huwag na nating pag-usapan 'yon. We're both drunk," I promptly said. Tumayo ako at dinampot ang platito at baso ng gatas. Mabilis ko itong inubos bago ko ilagay sa sink. Mamaya ko na uurungan kapag wala na siya sa paningin ko.
Pumihit ako palabas ng kusina nang muli siyang nagsalita, "I'm not going home 'til tomorrow. Stay here another night."
Kumalabog ang puso ko sa sinabi niya. Unti-unti ko siyang hinarap at nakadekwatro na siya habang nakasandal sa upuan. Nakaharap siya rito sa entrada.
"Ragna?"
May mas gaganda pa palang bumigkas ng pangalan ko kaysa kay Admiral. How it slipped through his mouth was so soothing. Lalaking-lalaki ang boses niya pero para itong nang-aakit.
"We're not friends, Rogue. We're just acquaintances."
Kumunot ang noo niya. Tumapik ang index finger niya sa sariling baba. He was staring at me and it made me more awkward.
"We can be more than acquaintances."
Ako naman ang nagkunot ng noo. Tumayo siya at lumakad palapit sa akin. He drank the beer in front of me, and then squeezed the can before looking at me again. Nadepina ang mga ugat sa kamay niya dahil sa mahigpit niyang pagpisa noon.
"Anong ibig mong sabihin?"
Inihagis niya ang can at na-shoot iyon sa trash bin. Muli niya akong nilingon.
"Gusto pa kitang makilala. Hindi mo ako pinatulog nang maayos kagabi."
He walked past me and I was flabbergasted. Lumabas ako ng kusina at nakita siya na papunta sa living room. He sat beside Admiral. Kinausap siya ng mga kaibigan pero hindi siya sumasagot.
Tumingin siya sa direksyon ko. Aalis na sana ako pero hindi ko na itinuloy dahil nahuli na niya akong nakatingin.
Kinagat niya ang ibabang labi, tila nagpipigil na ngumiti.