شجون
اصعب شعور اسمع وسيم يسولف وياها
وسيم: نجلاء انزلي بسرعه
نجلاء: كوم بيتنا اشتاقيتلك
تبوسه وتتلمس بي وهو يوخرها
اني بقيت واكفه اباوع
وسيم شافني نزلت بسرعه
هذه دنيا تركصني صعدتني فرحانه
نزلتني مكسوره الدنيا سوده بعيوني
حسيت ح اوكع ثاني درجه
شجون: خاله الحكيني
ماادري بالدنيا وكعت خاله تصيح
جميله: يمه الرحمن يمه شجون
ركضوا عليه تصيح خاله يمه وسيم الحكنا
بالاصل وسيم ماكدر ينزل بسرعه وراي
لبس بجامته ونزل
لكاني واكعه بالدرج
وسيم نزل مثل المخبل دفعته
دخلتني خاله للغرفه ذبوا عليه ماي
يكعدوني لساني ثكل
نجلاء: يا شبيها
صاح بصوت عالي
وسيم: اطلعي بسرعه برا ... امشي وولي لبيتج
يصيح عليها بكل قوته
مااكدر اتنفس اشر الهم بأيدي اختنكت هوى
خاله تهفيلي ولج شجاج تصعدين وتنزلين بسرعه غير على كيفج
وسيم: جري نفس موزين عليج شجون
يصيح عليه
اني أشرلهم هوى مااتنفس
يضرب بوجهي
وسيم: احجي لاتسكتين موزين عليج تختنكين اكثر
وسيم: شجون احجي
بعدين ذب عليه كلاس ماي بارد ياله كدرت اصيح ااااااه
جميله: الحمد لله
وسيم خطيه مثل المخبل ركض للغرفه
جاب ابرتي وضربني الانسولين بدون مايقيس سكري
جمياه: يمه ناخذه للمستشفى نطمأن عليها وعلى الطفل
عصب
وسيم: يمه اسكتي يمه.. شجون تتنفسين جاوبي
اهز براسي اي
بعدها شوي ارتاحيت
جميله : شبيج نزلتي بسرعه مثل المخبله ووكعتي
شجون: خاله مابيه شي ماادري بس عفيه اريد ارتاح خاله مشتاقه لامي محتاجتها
كمت ابجي
وسيم بسرعه شالني طبعا مالابس لاتشيرت ولاقميص بس بجامه
اخذني صعدني لغرفتنا رغم شفته وياها ونقهرت
بس حضنته بكل قوتي وهو شايلني
دخلني غرفتي
شجون: بسرير توته انام مااريد انام بسريرنا
ماعلق على كلامي نومني بفراش توته
نزلت دموعي
غمضت عيوني ونمت
هو بقى يمي حاضني
مااعرف شنو اسوي بس احبه واريده
درت جسمي عليه وحضنته وبجيت
شجون: وسيم تعبت انت صرت تعبي لو باقيه على اخوتي ويضربوني افضل الي انت دتضربني بكلبي وتكسرني وتجرحني اني اريد اروح لامي ازورها
وسيم: مايصير لان حامل
شجون: مااريدك
دانطقها واني تعبانه نعسانه
باسني براسي
كمت ابجي واضرب بصدره
اشتم بركبته احجي وابجي
صح مقهوره بس مرتاحه بحضنه
ماحجه ولاكلمه يسمع ويمسح دموعي يسكتني
الى ان نمت بحضنه
شوي وخاله صعدت شافتني نايمه على صدر وسيم غافيه وسيم كاعد مانايم ... تساله عني
جميله: شلون صارت
وسيم: نايمه
جميله: ماتهتم بحملها تنزل وتصعد مثل المخبله
وسيم: هي وكعت بسبب سكرها صعد وماعدها توازن لهذا وكعت
جميله: الله يعينها
وسيم: يمه لاتكعد وهي هستوها نامت
بعدها وسيم اشر لامه تطلع وبقى يلعب بشعري
غفيت كعدت العصر لاالجهال ولاوسيم
كمت فحصت نفسي ماانزف همزين
لبست ونزلت بس تعبانه
خاله تلكتني وصبا كاعده يم نجلاء نجلاء عدهم
شجون: خاله وين الجهال
جميله: اجه ابوج اخذهم راد يشوفج لگاج نايمه
ردت ارجع لغرفتي بس خاله سحبتني للغرفه
جميله : شنو الي صار شكو وسيم ضرب نجلاء وبلكوه خلصنا البنيه
شجون: بس هسه شفتها كلشي مابيها
جميله: ركضت علينا شردت وعمج طرده
شجون: ووسيم وينه وشبي تخبل
جميله: ماندري شنو الي صار
شجون: نجلاء لكيتها بغرفتي وتبوس وسيم ولازكتله وشفتهم بوضع كلش مو حلو لهذا تخربطت ووكعت
جميله : عزه العزاها
صارت عصبيه رادت تطلع تتعارك ولزمتها بلكوه
شجون: حبابه خاله سدي الموضوع بس الله يعلم النار ألي بصدرها مو سهله عليها
جميله : نجلاء نحبها ونموت عليها سبحان ألي غيرها هي من انقلت من دوامها تخبلت علينا
شجون: يمكن صديقات السوء
جميله: يمه تمددي لا تعبين نفسج
رحت يم غصون بقيت مدد واسولف وياها
سمعت وسيم اجه جايب الجهال وياه
صحتهم لغرفة غصون
بقيت كاعده تعبانه بعدها سمعته
وسيم: يمه وين شجون ماكو بغرفتها
طلعت فتحت الباب
شجون: ها وسيم
وسيم: ليش كاعده هنا
شجون: يم غصون دنسولف
وسيم: شلونج اكو الم
شجون: لازينه مابيه شي
عافني براحتي عفته ودخلت
بعدها اخذت الجهال صعدنا بدلتلهم
سمعت ح يجون بيت خال وسيم
بدلت وتمكيجت
قررت اضوج نجلاء بنفس الوقت اعذب وسيم
نزلت اضحك واسولف
مقهوره لان نجلاء تأذيني وتعرف اني احبها واحترمها
نجلاء صافنه عليه بعدين اجتني للمطبخ
نجلاء: شجون اني اسفه
شجون: على شنو حبي
نجلاء: ماالي حق اصعد غرفتكم
شجون: لاعادي زوجج ومن حقج
نجلاء: يعني حسيتي بالنار الي اني بيها فهمتي قصدي من شفتج ويه وسيم بالاستقبال
شجون: اي شلون مافهمت
نجلاء: هههههههه الحمد لله
شجون: بس الموقف شوي مختلف من دخلتي وسيم لازك بيه ومقبل اطلع وطردج اما انتي اليوم وسيم مامستقبلج وهم طردج ههههههه الظاهر كبرتي ووسيم تعلم على كتكوته ومل من الدجاجه
خبلتها اول مره اضوجها
ماتمنيت اجرحها بس الطيب ويه البشر ماينفع
غصون فاكه حلكها عليه
غصون: عزه بعينج دمرتيها
شجون: خلي تولي ادبسزز شكد احبها واحترمها هسه تطعن بيه هي الي قنعتني اوافق هسه تريد اطلع من حياتهم ادري لعبه بأيدها شوكت مايعجبها
غصون: الله يهديها
تعشينا واجونا خطار
مااهتميت لوسيم ولا نجلاء
صعدت لغرفتي ويه جهالي لبست سيت نوم اصفر
بدلتلهم وهوه دخل يباوعلي اني ابدللهم وادلع عليهم
لبسي دلع من صدري وقصير كلش
طفيت الاضويه انوم بيهم..ناموا
هو طلع من الحمام
وسيم: ناموا
شجون: اي
نمت يم توته ويباوعلي
يوميه البس واعوفه ماانام يمه
مر اسبوعين معاقبته ومامهتمتله
نجلاء ماتجي من موجوده ماتواجهني
بيوم اجتي الصبح الجمعه ووسيم جايبها
اعتقد تصالحوا ماادري المهم شفتهم دخلوا سوه
عمو جايبلنا كاهي وكيمر كاعدين نتريك
شجون: اريد بيض طك
جميله: ههههه انتي ماتحبيها
شجون: خاله ريحتها بخشمي شسوي
كمت اطك بيضه وغصون كامت
غصون: اكعدي اني اطكلج بيض
شجون: لااني مشتهيه اطك اذكرت عبودي يوميه اطكله بيضه قبل اااه الله يذكره بالخير وربي يحفظه
جراح: اعتبريني عبودي وطكيلي بيضه
شجون: ههههههه تدلل
كمت طكيت بيض و3 اماعين سويت
كعدت وحدي على ماعون اكل بكل شراها
اكل واسولف
شجون: الله شكد طيب مااتوقعت هيج طيب
يضحكون عليه وسيم وياهم
شجون: ح اكوم اطك بعد
يضحكون عليه
جميله: طكيلي وياج شهيتينا
باوعت على وسيم
شجون: ابو اسد تريد بيض اسويلك
فرح
وسيم: هههه بكيفج
طكيت بيضه اله ولخاله والي
رجعت اكل ويضحكون عليه
شجون: عبالك قوزي افيشششش
غصون: اطكلج بعد
جميله: لا اختنكت البنيه من البيض
شجون: هسه مشتهيه تفاح اريد تفاح اخضر كبار
نصرت: هههههه تفاح احمر عدنا يمشي حاله
شجون: اسد يريد تفاح اخضر
جميله: صدك تحجون سميتوه اسد
وسيم : وشبي يخبل
شجون: خاله اسم حبنا قصه طويله اسم اسد
يباوع مبتسم تريك وطلع
شوي واجه للبيت مسوك فواكه..شغلات للجهال
صاحني اباوع شفت تفاح الاخضر
يمه تخبلت بسته بخده كدام نجلاء
رحت غسلت وحده واكل بيها بالمطبخ
البنات اخوات وسيم عدنا وخاله يضحكون
يسموني ام بطن
صبا: اني مو مثلج توحامتي بس اتقيء ومااشتهي اكل
جميله : لاتحسديها خليها تاكل البنيه وتكبر ابنا
تغدينا كعدت يم وسيم يباوعلي
وسيم: الله صار اهواي مامبتسمه وصار اهواي ماكاعده يمي
شجون: ترا مبتسمه ويه غصون
وسيم: اوف اريد اشتم انفاسك
شجون: كافي العالم يمك
وسيم: لوتقبلين مااهتم للعالم اخذج واصعد نلعب اسد وكتكوت هسه
شجون: ههههه
بايدي دفعت خده ابعده عني بدلع خبلت نجلاء
بعدها سحبته وشاورته
شجون : احبك
خبلت نجلاء
بداخلي شوف ياوسيم شنو ح اسوي بيك
بعدني ماكملت خباثاتي وياكم
نجلاء كامت ماتشتهي فرحت ضوجتها وبكلبي فرحانه
بالليل صعد وسيم ينام فرحان عباله ح نتصالح بس شاف الوضع ماتغير ومااقبل اكوم يمه تخبل مني اني اضحك عليه لان مشتاقلي
انيىهم مشتاقتله بس اريد اخذ حقي منا
مرت الايام ومااتقربله بس من اشوف نجلاء اشاقي
مره دا نتعشا وهم اني اشتهيت تبسي دجاج
سوت خاله لخاطري
وسيم جاب وياه كباب شوي وملتمين
اكل بشراها
نجلاء خبثت كعدت يم وسيم
نجلاء :هاي شنو بلحيتك
وسيم مبتسم الها
تتلمس بيها بداخلي ضحكت اني اعلمج نجلاء
انتي تحارشتي
ختنكت نزلت موبايلي وهتفونات
صحت الجهال نطلع
غصون: اطلع وياج انتظريني
واكفه يمهم دا اطلع بالاغاني
اريد اسمع اغنيتي المفضله بين ادينه
جميله: وين طالعات بارده
شجون: لاخاله احب هذا الجو يذكرني بهواي امور
زينب: هاعيني شيذكرج
شجون: اه يذكرني اول مره من لزم ايدي وسيم
جراح : اخوي طلع رومانسي
شجون: ههههههه بوقتها جو حلو تذكر وسيم
نجلاء تباوعله مبتسم
قهرتها حيل تستاهلين وبعد وبعد
جراح: لعد خويه بس يمنه ثكيل وعصبي
خبلت وسيم ونجلاء
طلعنا للحديقه شوي ودخلنا
نجلاء: يله وسيم مانگوم
شجون: تصبحون على خير ح اصعد
جميله: اجمعين
شجون: ابو اسد تصبح على خير
كام وسيم ووكف يمي
وسيم: شجاي اسوين وياي شنو الي تريدين توصليله بالضبط
شجون: شنو اريد عادي اريد اروح انام
وسيم: امشي اصعدي هسه اني جاي وراج
شجون: لاحبي خليك هنا يم مرتك اني تعبانه وظهري يوجعني هستوه خلصت خطورة الشهر اريد انام اليوم مرتاحه.........
احجي بدلع هوه منطيهم ظهره الهم
يعني محد يشوفني من ضخامته
خليت اصابيعي على صدره
شجون: يله باي يا وحشي ...
تخبل عض شفته الي وصعدت
حسيته ح يجي
لبست سيت نوم شيفون وردي هو كلش يحبه
تمكيجت واخذت صور بموبايلي
سمعت احد يصعد
سويت نفسي مدنكه على الميز اطلع حاجه
بالاصل ماكو شي اطلعه
اضحك بسكوت اخاف يشوفني
فتح الباب وشافني فقد اعصابه
اجه يمي
شجون: وسيم شعندك اجيت
وسيم: انتي تعرفين خبلتيني واجيت
شجون: خبلتك على شنو اخبلك
رحت كعدت على السرير ماخذه راحتي وهوه يباوع
وسيم: المن هذا لعد لابسته لشيب الخلفني
شجون: ههههههههه لاحبيبي دااخذ صور
وسيم: المن تاخذين صور عرس وعرستي
شجون: هههههه وشلون عرس ينام وياي ويذكر اسم مرته وشلون عرس يصعد مرته ويبوس بيها بغرفتنا والله ياربي عرس وعرست روح حبيبي روح لمرتك وشلون عرس كله خطط وطنبنى على كذبه
وسيم: مااعلق على كلامج السخيف لان مشتاق انام بفراشج ماتريديني
شجون: تعال هلابيك هذا فراشي وفراشك
كمت نمت يم توته
اجه وراي
وسيم: تنامين هنا
شجون:اي
وسيم نزع ملابسه واضحك عليه
وسيم: دااسمع صوتج ضحكين
شجون: مو وياك ع الفيس اضحك
وسيم: ترا موبايلج بايدي دااشوف الصور
فشلني هههههههههههههه سكتت من الفشله
ونمت وعفته
مرت ايام بيوم رحت لقسم غصون افترينا تونسنا اني وياها بعدها خابرني وسيم
طلعت هي عدها محاضرات
شجون: اليوم رحت لقسم غصون
وسيم: ليش رحتي مو زين المشي عليج اني من اريدج تتعذريلي بالحمل...والجامعه تفترين بيها
صار عصبي مريت لاهلي اخذت الجهال مثل كل يوم
بعدها صعدنا لغرفتنا بدلنا كملنا ونزلنا
اجتي نجلاء تتغده يمنا خاله صاحتها
كعدنا اني ووسيم ونجلاء وصبا وعمو وخاله
وسيم كل ساعه يتعارك على لبسي خاف يجي جراح
بيومها عصبي عليه لان مشتاق واني مااقبل بي
دا نتغده انفتحت الباب
وسيم: كومي اجه جراح
شجون: شبيك وسيم مو جراح
ماكمت اكل لان متاكده مو هو
فعلا غصون دخلت شافت دولمه
غصون: الله يخبل ماابدل اكعد اتغده
وسيم: خلي حجابج يمج فضينا
شجون: ههههه شبيك اليوم مااكوم جوعانه
دا اكل مثل المخبله جوعانه
جميله: عوفها من يجي اگوم
وسيم: شجون صدك تحجين
شحون: اكلك شبيك عوفني اكمل واصعد البس شال
نصرت: سويتها قصه هذا الخاولي تغطي راسها اذا دخل جراح
اكل ومااهتم بعدها ضحكوا عليه تنساوتي غريبه بس اكل وانام
نصرت : ولا تسمعك بالها يم الاكل
نجلاء: تنساوه غريبه بس اكل
شجون: شاف امه مدمغه يريد يلحك ياكل ويقوى المسكين
نجلاء: ههههههههههههههه
غصون: اليوم بالجامعه كاعده بس تشهى وتريد تاكل وتستحي
شجون: وسيم بداعتي اريد لبلبي
نصرت: ههههههههه عمي وانتي تاكلين تشتهين
شجوت: ههههههههههه عمو حفيدك جوعي اني شعليه
غصون: لا اليوم شافت لبلبي واشتهت استحت تاكل تگول وسيم مايقبل
وسيم: زين تسمعين الكلام برا
شجون: ترا اعجبك
غصون : اليوم استاذ سالني عليج عرفج من طلعتي
شجون: منو
غصون: استاذنا سألني كال هذه البنيه اسمها شجون اخت محمد صح
شجون: اي منو
غصون : استاذ حيدر اسمه
غصيت واني اكل
وسيم : منو حيدر
شجون: حيدر مهران اسمه
نجلاء: خطيب شجون
وللحكايا بقايا