شجون
وسيم: احبج نجلاء
شجون : عززززه وسيم
احس بهذه اللحظه نار بكلبي
جمر تمنيت الموت
مااسمع هذه الكلمه
ولااعيش هذه اللحظه
تحولت انسانه ثانيه
صبري نفذ انفجرت
كرهته مااطيقه مااحبه مااريده
هو سكت وراد يحجي بس دفعته
ضربته وصيحت عليه
طردته
حاول يحجي ماقبلت
شجون: اطلع وسيم مااريد
وسيم: شجون
شجون: اطلع لاتخبلني بهذا الليل اطلع مااريدك اطلع
اصيح تهسترت بجي واصرخ
شجون: ماما تعبت ماما هذا الي اختاريتي الي
اصيح ومااطيقه ماتحمل يلمسني
شجون: لاتلمسني اطلع
طلع وقفلت الباب
يدك واني اصيح واطرد بي
شجون: ربي ارحمني كافي بهذلتني بهذه الدنيا اخذ امانتك مااريد اعيش كافي ذل اسكت واتحمل لان وين اروح منو الي اني و هل الاطفال
كسرت كل غراض وسيم
صعدوا اهله مخترعين
وسيم نزل طلع برا متحمل يسمع البواجي
يدكون عليه مااقبل افتح الباب
بعدها عمو اسمعه يكول اتحشمي ح يكسر جراح الباب
مااهتميت الاطفال يتصارخون وياي
مااقبل اكوم يمكن الموضوع تافه بس صبري تعب
طاقه ماعندي اصبر على اخواني وعلى فراك امي
على مصايبي حملوني مسؤولية اطفال زوجوني انسان مزوج
كرهتهم كل الدنيا كرهتها
ابجي واصرخ بعدها كسروا الباب
دخلو شافني جراح بلاحجاب سيت نوم طلع
خاله غطتني
البنات اخذوا الاطفال نزلوهم
جميله: يمه شجون شبيج
نصرت: وسيم شبي ضربج احجي
منهاره وابجي واسولف ويه امي
شجون: تعبت تعبت ماما من الناس مستغليني وتعبت اخدم الجميع وارضيكم كلكم حتى انتي خدمتج واهتميت بيج بعيوني خليتج وتركتيني اصبر اصبر وبالاخير تعوفوني
جميله: يمه اهدئي
شجون: خاله مااحمل وجع ... رضيت بوسيم حتى تبقى ماما عايشه ضحكت عليه وعافتني وحدي ليش ماما ليش خليتوا اولاد اخوي برگبتي والكل مرتاح بس اني لازم اسكت واضحي ... ماما بعد مااحبج ولا انزل دمعه من عيني عليج كافي مااريدج ولااريد اولاد ابنج ولااريد وسيم ماما حتى دعاء مااريد تدعيلي حتى مهيمن اناني فكر باولاده وصديقه ومافكر بااخته ..اما وسيم يفكر بنجلاء ومايفكر بيه ... حتى بابا فكر يرضي مرته ومافكر بنته ... زين واني منو يحن عليه ويفكر بيه
نصرت : عمي شبيج
شجون : موجوعه موجوعه يايمه اريد الرحمه
نصرت: غير اعرف شبيج
شجون: عمو اريد الدنيا ترحمني ماكو يوم مرتاحه عمو ابنك يوميه يكسرني ويموتني الف موته وساكته اكول ميخالف مااضغط عليه وهو هم مسكين اذا يحبها ليش اخذني ليش كسرني ليش دخل حياتي وخلاني احبه واتعلق بي ... ابنك اكرهه مااريده خلاص مااريده خلي امي تزعل وتزعل شنو يعني امي ماتحس بوجعي الي بصدري
خاله حضنتني
جميله: ولج خاله لاهيج تحجين تعذبين امج بكبرها
شجون: اني هم داتعذب بدنيتي حتى من هي ميته افكر بيها واسكت حتى ما تتعذب بكبرها زين هي ماتفكر بيه دااتعذب
اسمع جراح يكول اكدر ادخل غطت راسي
دخل
عمي يريد يفهم شبيه
مااقبل احجي وطلبت اروح لاهلي
شجون: اخذوني لاهلي
جراح : شجون هسه ب 2ونص
شجون: ارحموني واخذوني لاهلي
نصرت :لخاطر ابوج يخترع
شجون : لادكولولي لخاطر احد لعد اني شنو هو اب ويتحمل سوء اختياره هو وامي
كمت اصيح اله اروح
خاله صيحت عليهم
جميله : انزلوا عفوني يمها ووشوف ابنك وينه
طردتهم وسدت الباب خاله رجعت حضنتني
جميله: شبيج سولفيلي
شجون: خاله محتاجه امي ودوني لامي اريد ازورها خاله طلكوني عفيه مااريد ابنج اموت منا الله عليج قنعي عمو وبابا يطلكوني منا
بقت تهدئني وتستغفر
صارت ب 6 ابجي مانمت
ماعافتني خاله
تبجي عليه تريد تعرف شبيه
مايفهموني مايفهمون اني دااتعب واحاول ارضي الجميع
وسيم طلع مايحبني ويتخيل مرته من ينام وياي
اكتشفت من يتعب من مرته وماتنطي حقوقه ينام وياي
ابجي وافكر
عمو كل شوي يصعد يشوفني واني نايمه مدد وابجي
مااقبل اسكت ب6 ماتحملت گلتلهم اخذوني
اخذت موبايلي ولبست دشداشه وعباتي وطلعت
اخذني جراح وعمو وخاله والاطفال وياي
فتحت الجام طلعت راسي اتنفس
عمو خابر بابا ح نجي لكيت بابا بالباب واكف
مخترع هو وعبودي
شجون: عبودي صيح شيماء بسرعه
دخلت لطارمه حضنت بابا وابجي
شجون : بابا ابن اخوك عذبني كافي ارحموني لارحمتني ويه اخوتي ولاويه زوجي بابا لاترجعني طلكني الله يخليك خليني ارجع يمك اني وولد اخوي
جليل : شبيج باباتي احجي
شجون: طلكني من وسيم مااريده
جليل :اطلكج بس شبي
اجتي شيماء تركض مخترعه
عمار وياها..شافوني بالكراج ابجي
عمو وخالتي مستحين
دخلوني للبيت
دخلت لغرفة امي طلعت دشداشتها حضنتها
نمت بفراشها شيماء فوك راسي
شيماء: شبيج
شجون : تعبت تعبت منا . بالاخير تعرفين شنو سوه ينطق اسمها واني بحضنها
سولفتلها وابجي
شجون: الي قاهرني الموقف الي احنه بي صعب يذكر اسمها صعب
افرفح واذكر كل سوالفه واهماله
نزفت اغمى عليه ماادري بالدنيا
كعدت فوك راسي خاله وشيماء ووسيم
ب7 راجع عرف رايحه لاهلي
صاعد للغرفه ساد الباب
الى ان البنات صاعدات اله
غصون: وسيم مرتك اخذوها للمستشفى هسه بابا خابرنا
تخبل واجه للمستشفى
بابا مايباوعله زعلان عليه
عمي يحجي وياه هو وجراح يريدون يعرفون شنو القصه
بعدها راح لدكتوره زينه ودزاها الي دخلتلي
دكتوره: خلي افحصج
شجون: دوره الشهريه عليه
دكتوره: انتي نازفه اريد نعرف شبيج
دكتوره سلمت على خاله تعرف ام وسيم
دكتوره: هذه زوجة وسيم
جميله: اي مريته
دكتوره: حلو فدوه هذه صغيره على وسيم
تضحك ويه خالتي
طالعه روحي منها
شيماء فوك راسي ولازمه ايدي
دكتور فحصت وصلت اوراق تحاليلي
دكتوره: شجون اسمج
شجون: اي
كتوره : شجون حامل
انصدمت
دكتوره: شجون حامل بس هي مهدده بالاسقاط
كلنا بهالة ذهول
مامصدكه مستحيل لان العاده الشهريه عليه
السبب الثاني وسيم مايصير عنده اطفال
متأكده مو حامل مااهتميت لكلامها
دكتوره: ليش نزفتي وكعتي لو شنو
شجون: دكتوره اني عليه الدوره
دكتوره: هههه انتي حامل هذا تحليلج
شجون: مستحيل متوهمه
دكتوره: هذا بداية اسقاط عندج لان عندج حالة نزيف مو دوره
شجون: مستحيل
دكتوره: شلونها الدوره عليج مثل كل مره
شجون: لا شي جوزي والالم عندي نفس كل مره بس تأخرت عليه وتغير هرمونات وغثيان لعبان نفس
دكتوره: لاحبي هذا حمل بس شايله شي ثكيل او متقربلج زوجج اهواي
شجون: اشتغل بس مو شغل يتعب وزوجي كل يومين يتقرب او بين يوم ويوم
دكتوره : كم مره تقربلج قبل ميوكع عليج
شجون : صادف قبل يوم تقرب 3مرات
دكتوره: يمكن شوي مأذيج ومايصير يتقرب الزوج بداية الحمل .. انتي ماتدرين بنفسج شغل وحركه ان شاء الله تعدي مرحلة الخطوره هسه ناخذج لسونار ونشوف القضيه
شجون:دكتوره وسيم مايصير عنده اطفال
دكتوره: هذا قدر من الله
جميله: لا خاله من زوجته الاولى السبب مو منا
انصدمت شنو هذا الكلام مستحيل معقوله
الف سؤال صار ابالي
شنو من زوجته يعني وسيم مابي شي
نقهرت على نفسي شكد طيبه
وسيم ضحك عليه
خاله تبجي وتبوس بالدكتوره فرحانه
جميله: ديربالكم عليها وعلى طفل
دكتوره: اكيد الي نكدر عليه ان شاء الله مانقصر بعيونا نخليها
خاله: هذه زوجته الثانيه وعروسته ادعي الله يرزق وسيم بطفل يفرحه
دكتوره: يستاهل وسومي كل خير
خاله فرحانه شيماء فرحانه
اني بحالة تعجب !!!!!!!!!!!
طلعت خالتي سألت شيماء
شجون: شيماء تعرفين بالموضوع
شيماء: ياموضوع
شجون: وسيم مابي شي
شيماء: لاوالله وروح ابوي مصدومه مثلج
شجون: ماما قبل ماتموت ماسولفت وياج بهذا الموضوع
شيماء: لاوالله وعيونج بس گلتلي وسيم يحبها ومايريد زواج ورق وهوه بأسلوبه يخليها تحبه وانتي فوك راسها حببيها بي ووصتني عليج وبجينا بس هذا الحجي والله
شجون: معقوله كلها ضحكت عليه شيماء اني اريد اموت جاي اشوف الدنيا شكد ظالمه
شيماء: اسم الله لاهيج تحجين شجون
رجعتلي الدكتوره تريد اكعد على الكرسي
ياخذوني اسوي سونار
ماقبلت اله امشي عاندتهم
طلعت صافنه معقوله الله ديشوفني الدنيا حقيره حتى استسلم للموت معقوله يمكن هذه ايامي
بابا وسيم ماما عمو خاله خوالي كلهم متأمرين عليه
امشي شريط الذاكره انعاد
اذكر كلام الكل وكذبهم
شيماء والدكتوره لازماتني
مااباوع على وسيم ولاانتبهت عليه
مااهتميت اله هو ويانا مشى لدكتورة السونار
وصلنا وسلم عليها
يوصي عليه
واكف يباوع ع سونار
شجون: وسيم اطلع مايحتاج وجودك يمنا
دكتوره: مزعلها وسيم
وسيم: ههههههههه
دكتوره: دلع العرايس
وسيم: شجونه مو من هذا النوع
شجون: وسيم مااخذ سونار بوجودك
الدكتورات يضحكن يمعود اطلع
يشاقن وياه ميانه بينهم متعجبه
طلع
فحصتني الدكتوره
مابي شي الطفل اكو نبض بس ضعيف
فهموني كل اسبوع ارجع
وانام على ظهري
منعوا نهائي ينام وياي زوجي اقل شي شهر
علاج وابر تثبيت
من طلعت شفت دكتوره تحجي وياه تفهمه حالتي
ماغرت عليه گلبي مات كارهته ضايجه منا
شيماء وياي لازمتني
شيماء: ترا مبين يحبج ومقهور عليج
شجون : تسكتين لااركعج بالحايط وادميج اطلع كل حرگتي بيج انتي هم سبب بهمومي
شيماء: يمه لاخيه خلي يولي وترا مبين ملعب عابتله لا سبب ولا هموم خايبه اطلكي منا وفضينا
ضحكت عليها اول مره ترضيني بالكلام
هوه شافني اضحك فرح
بعدها الدكتوره رادوا يخلولي كانونه ثانيه
مااقبل وابجي من الالم
دكتوره: ح اصيح دكتور زياد ورده ايده مايأذي ولخاطر وسومي يجي
دايخه شنو وسومي شهل ضحك والشقه
اجه دكتور زياد الله بعثه مو زياد اسمه ملاك على جماله
يخبل يموت واني مكروها ماعندي وريد
رفع ايدي ايده بارده ثلج
دخل وسيم وياه ويحجي وياه ويضحك يباوعلي
زياد:روميو شمسويلها المستشفى نصها عرفت مزعل المره
وسيم: هههههههههه ورطه النسوان
زياد: واني مااريد اتورط
دكتوره: انتوا ورطه والله بلانا بيكم
يضحكون واني نار
حضرته اشوفه مامهتم لكذبه ولجرحه الي
لازم ايدي ويريد يضرب
مااقبل كمت ادلع واقهر وسيم
شجون : لا لاعفيه ما ما مااكدر يوجعني
يباوعلي ويضحك
دكتور: بس رخي اعصاب ايدج ماتأذي
شجون: ما توجعني
ابجي
شجون: يأذيني اخاف
دكتور: اليوم لصبح نكعد على جكه يمعود وسيم قنع مرتك
شيماء تضحك وساكته تخاف مني
وسيم نار بعدين اجه لزم ايدي
احلى شعور اريد حتى يحضني حسيت اريده
بس زعلانه عليه ابد مااريده
ربي صبرني ....
ضرب ابره واقره ايات
دكتور يضحك عليه
وسيم عصر أيدي ضاج
يستاهل
طلع الدكتور
بعدت أيده مني بسرعه دفعتها
كمل الاجراءات وطلعنا
مااقبل اصعد سيارته
صعدوني بسيارة جراح وعمي يضحك عليه
نصرت : شمسوي والبنيه متخبله منك غير افتهم
وسيم طالعه روحه صاح بابا يروح وياه
يوصله
وسيم: عمي اصعد وياي
شجون: اي بابا روح وياه كمل مامراتكم انت وابن اخوك
سكتوا لان مامتوقعين احبل من اول شهر
سالتهم بالسياره خالتي وعمي كدام جراح
شجون: اريد اعرف شلون نجلاء منها السبب مو وسيم وهي تعيره وانتوا ساكتين زين تدري
جميله: يمه هسه ارتاحي وبعدين يصير خير
شجون: جاوبوني اريد ارتاح
نصرت : والله عمي من وسيم راد يخطبج بلغنا بهذا الخبر ومحد يدري بالبيت فقط اني وامه وهي بعدين عرفت بس مانعرف تفاصيل ماندخل بينهم
جميله : ماتدري مااشوف لسانها شطويل
نصرت : لاتدري مشوفين لازكتله وهي قبل تريد تطلك و ابنج مجفي عليها
جراح: وسيم شدعواه ذابح نفسه على نجلاء اكو شي
جميله: انت ماتسكت تهيج المشكله انتوا ولدي مدمغين على نسوانكم
جراح: انتقلت عليه وعافت الجبير ابو المصايب
ضحكنا اني وشيماء كلبي نار منا
شجون: مره يبجي ويكول اريد اطلكها ومااكدر اكو شي يمنعني زين شنو
جميله : سوده عليه ابني
شجون: اي خاله اي انقهري عليه اهم شي ابنج
جميله : ولج يمه والله وياج بس گليلي شسوه واني ماارحمه الج رغم مانعرف شسوه وبهذلنا كل ساع نرزله
شجون: خاله بعد مايفيد الحجي وسيم مااريده
جراح: دخيلج شجون لاهيج تحجين وهسه انتوا بدت حياتكم تحلى وبينكم اطفال مو طفل واحد
نصرت : عوفوها براحتها ترتاح وتهدء وبعدين تقرر اثق اني بشجون
رادو ياخذوني للبيت ماقبلت اله لاهلي
شيماء : اني يمها واعتني بيها
جميله : يمه هناك البنات شكثرهن ووسيم يراقب سكرها ضغطها وضعها
شجون: اريد يم اهلي ماارجع لوسيم
جميله: منو گلج نرجعج لوسيم انتي ام البيت ابد مااطلعين من بيتج
شيماء: خاله اني يمها وبعيوني تخليها ترتاح يمنا افضل
وصلنا اخوتي ، حنان ونور تلكوني
دخلنا وسيم يباوعلي وبابا دخل ويانا للبيت
خاله طلبت ابقى بغرفة امي مااصعد فوك
حنان فرحت وهلهلت من سمعت حامل
عصبت شيماء سكتتها
حنان: يا شكو غير فرحانين
شيماء: لا تركعج بالحايط استري علينا
حنان: يا ليش
سكتت حنان رادوا يطلعون
شجون: لااوكفوا اريد اعرف القصه
نصرت ، جليل : بعدين
وسيم مستحي طلع وطلعوا بيت عمو وياه من بيتنا
عصبيه تعاركت ويه بابا واصيح
شجون: احجيلي هسه لااملخ روحي انت وماما لعبتوا لعب بيه سجلتوا الاملاك وخليتوني بوضع سخيف وطلبتوا اتزوج وسيم واتبنى الجهال وهبه اسويلهم فهمني لاتسكت
اخوتي سمعوا قصة سجلتوا الاملاك
محمد: يااملاك
شجون : امكم وابوكم سجلوا البيت وشركه باأسمي ... اله احجيلهم بابا اله أكلب الدنيا بابا تضمون عليه قصة وسيم مو زين ليش شنو غايتكم
بهل اثناء تخبلوا يسالون صدك وصدك
عبودي :ولج شنو هذا الحجي صدك
تحولوا عليه مثل الوحش
شيماء نامت عليه حتى مايأذوني
صار الصياح بيت عمي هستوهم طلعوا حتى بعدهم بسياراتهم
دخلوا بسرعه ع صياح عبالهم تخربطت
شافوا الولد يضربوني
بابا يوخرهم وحنان ونور وعمار هم يبعدوهم
محمد وعبودي يضربون بس ماتاذيت
ههههههه هل مره شيماء خطيه انضربت
اجه وسيم وجراح وعمي
ضربهم وسيم ماتحمل الموقف
بسرعه فكوه من محمد وعبودي
عمو بلكوه هدئهم
ابجي وشيماء فوكاي تبجي عليه
شيماء : ولكم كافي ارحموها للبنيه
نبجي اخذني وسيم شالني للغرفه
كعدوا يحجون وياهم
عمو فهمهم الموضوع
عمار ماضاج لان بابا منطيهم حقهم قطع اراضي وساعدهم بلبناء ٨٠٪
لكن الطمع عند محمد وعبودي
نسوانهم تقره براسهم
صياح وعياط خاله وشيماء يمي
عمار دخل يمي شيماء طردته
حلف بامي مايسوي شي وكعد يمي يسولف
عمار: اني احبج واخاف عليج ومن اضربج لان جنتي بنيه ياخويه اشوف سوالف البنات خفت عليج من هذه الدنيا يمكن عاملتج بأسلوب خطأ لان مااعرف اظهر حبي وخوفي عليج والله قصدي اريد احافظ عليج اني مااكرهج واموت الف مره من اضربج وندمان
باسني من راسي ودموعه نزلت
اجي وسيم يركض يخاف يضربني
بقى واكف يسمعه اني سحبته وحضنته وابجي
شجون: ياخويه اني محتاجتكم وبهذلتوني بس احبك ماعندي سند بهل دنيا والناس تلطش بيه حتى رجلي مايهتم لمشاعري يدري اسكت واقتنع لان ماعندي سند لهذا اني متبهذله كل قهري بسببكم حتى زواجي وكسرتي هسه وزعلتي بسببكم
عمار: والله احبج واخاف عليج ومازعلان بأسمج الاملاك وتستحقين ...مااهتم للفلوس اني همي بس جان عرضي وشرفي واني سندج
نبجي حتى شيماء بجت ويانا طلع
وسيم راد يحجي وياي طردته
استغربنا من عمار
شيماء: صار اسبوع يحلم بعمتي نفس الحلم وحتى راحلها للنجف ومايقبل يسولفلي الحلم
شجون: ليش مامسولفتلي خاف بي شي
شيماء : مااعرف وهمزين مازعلان عليج حتى يحميج من اخوتج المخابيل
خاله: امشي ويانا خاله اخوتج ماالهم امان
شيماء: شجون افضل تروحين وياهم مانكدر هنا نحميج من عبودي ومحمد
مااقبل وخاله تلح
جميله: امشي وياي وأدبي وسيم دحجيلي شسوه
شيماء سولفتلها كل سوالفه
بالاخير سولفتلها من خطأ بأسم نجلاء
خاله انقهرت عليه وبوستني
جميله : ولج امشي ولاتخسرين رجلج لاتسامحي وتوبي اني وياج اساعدج
ساكته مااحجي بعدها دخل عمو طلب اروح وياهم هم ماقبلت
وسيم دخل
جميله: ماتقبل تروح
وسيم: شجون مااتقرب صوبج امشي اخوتج مو امان
شجون: مو حبن بيه تخاف وانما خايف على الي بطني
وسيم: والله اخاف عليج
باوعتله بحقد واستهزاء
شجون:ههه تخاف عليه اي خاصتا مشاعري
وسيم: كومي امشي
شجون: ماامشي مااطلع ولا اروح لغرفتك اخوتي يموتوني خلي اموت ياريت اموت
وسيم: هسه ماتگومين
شجون: اي
شالني اتعارك وياه
هوه مااهتم
طلعني خلاني بالسياره صعد شخطها
بيت عمو وشيماء يضحكون
اخذوا الجهال وأجوي ورانا
بوقتها صادف ب1 الظهر
البنات عدهم اخوات وسيم
قلقانات عليه منتظراتني
نجلاء يمهم كاعده
وصلنا ومااقبل انزل ابجي
شجون: رجعني مااريدك والله ماطايقتك افهم مااتحمل وجودي يمك
نزل فتح الباب دخل السياره
بهذا الوقت بيت عمي وصلوا
دخل السياره للبيت البنات بالمطبخ ملتمات
نزلني من السياره شالني ومستحيه
شجون: وسيم نزلني ومااريده
صاح على غصون
وسيم: افتحي باب غرفتج تنام جوه شجون
اخذوني لغرفتها
نزلني واطرده
لازك بيه يريد يحجي وياي ومااقبل
خاله دخلت ونجلاء عرفت غلطت باسمي
صبا مسولفتلها
من بالليل ابجي اصيح على وسيم بداية عركتتا سمعت حجينا
حسيت مشمته بيه
البنات يضحكون لان اطرد وسيم
وسيم لازك بيه
نجلاء: دعوفها ياعيني حقها اعصاب منك مو شويه الي سويته
تضحك باستهزاء خاله خزرتها
وسيم: نجلاء اطلعي بسرعه
اول مره احب اضوج نجلاء واخذ حقي منها
كرهتها رغم بعدني مااعرف شنو سالفتها
شجون: انت هم اطلع وياها لا هسه اكوم اطفر واوكع ابنك من بطني
وسيم: اني كل فكري انتي مو ابني بس اسمعيني
البنات: شنو
جميله : شجون حامل
اني وخاله عينا على نجلاء ................
وللحكايا بقايا