منقذي ذو النجوم

بارت 36

منقذي ذو النجوم

الكاتبه غدير العزاوي

..

طلع عامر وكاال لاطلعون وراي ...

والله ونص ساعه دخل وهو بيده موبايل يتصل ...سألت بيبي شكو كالو علاساس اكو مستشهدين بلمنطقه الي يدوام بيها حسام كلنه كمنه...

ام حسام:يمه ابني وينه اتصل علي فدوه...

عامر:اي هو دااتصل ...

صار نص ساعه وماكو تغطيه بلاخير بلكوه يله حصله ورد كال لا مو يمنه ...اطمنو ...

دخلت لغرفة اريج اشرت اشش باايدها شفتها داتنيم اريج وعلي عفتهم وطلعت صعدت للغرفه ...دكيت ع حسام مارد عليه...

عفت الموبايل ودخلت للحمام سبحت وطلعت شفته متصل مرتين ومراسل ع فايبر ...

اتصلت علي رد ...

-الو

-هلا بحبيبتي هلا بلصوت الحلو..اشلونج

-الحمدلله تمام انت اشلونك ..

-مشتاقتلج ..علي شلونه داتنطين ادويته ..

-اي دانطي ..

-اي زين مشتاقتلج ...

-ليش شوكت تنزل ...

-ان شاء الله وره اسبوع ..

ضلينه نحجي هواي بعدين كال نعست راح حتى ينام ...واني كمت لبست شال ونزلت جوه ماشفت احك جانت ساعه ١ بليل ..دكيت باب غرفة عامر علي بعده يمهم..

رأسا طلعتلي ملاك كالت هيه جنت اريد اصعده الج ولو عادي ينام يمنه بس كلت خاف غافيه وماتدرين...انطتني ايا وصعدت خليته يمي ع جربايه......

وكمت فتحت الشباك الي بلبيت المطل ع حديقة وكعدت..ماجايتني نوم ابداا...

شفت خيال شخص كاعد ...شويه وضحتلي شفته مهدي ...رجعت لبست شالي ونزلت يمه...

-ها مهدي شعندك لحد الان كاعد ماجاوب جان داير ظهره عليه...

اصيح علي مدايرد عليه بس متأكده هذا شخص مشيت يمه لانه اعرف مهدي من بين ١٠٠ شخص ...

لزمته من جتفه شفته يبجي ...

-ليش تبجي اكو شي صاير ...

-بعد شيصير مثلا غير انه حبيبتي ابوها قافل الا يزوجها لواحد وهذا الواحد اعرفه...

-وليش انتوا ماحاجين ويا قبل علااقل يحجزوها الك..

-وين هو شوكت اجينه وفتحنه عينه هنانه هو صارلنه قليل جاين...بس والله اكتل نفسي ولاياخذوها..

- ان شاء الله الك وماتروح لغيرك هسه لاتفكر اني احجي ويه حسام ان تطلب الامر حتى تستعجلون...بس منو الي خاطبها وتعرفه..

-احمد ابن عمج ...

-شنوو وشلون هو بلحله شجابه ع بغداد وشلون هيج...

-لا هيه تكون من اقاربكم وهم عايشين بغداد فلذلك السبب ..

-اها ..بس لاتشغل بالك راح تصير الك ...عافني وكام طلع بره ...وعامر منبهم علما يهده المنطقه بهاي الفتره لاطلعون...

طلعت للغرفه بس مااجاني نوم ابداا وبالي يم مهدي وهو شاب وتفكيره بعده مو ناضج...

تمددت جانت ساعه ٢ فزيت ع صوت الباب وااصوات اشخاص ...شفتها ساعه ٤ الفجر كمت بسرعه لانه بالي بعده يم مهدي...

نزلت وشفت مهدي وعامر واكفين بلحوش كلت شكو شفت علمود انه مهدي متأخر بلبيت...عامر كال ماكو شي خويه روحي نامي ...

صعدت توضيت صليت وهسه يله نمت مرتاحه ...صاروا كلهم عزيزين عليه ماعندي اي طاقه اخسر او اشوف شي يصير بيهم...

نمت ثاني يوم كعدت متأخره علي هم كعد غسلتله ونزلت جوه وياريتني مانزلت...

استلمتني ام حسام من هاي الرزاله المعدله واني ساكته قبل ماجنت اسكت عن حقي بس هسه لا ماعندي خلك مشاكل او نقاشات ابداا...

خلصت تعبت يله عافتني ...دخلت للمطبخ ماشفت احد واصلا ماكو صوت...

رحت يم ام حسام كتلها وينهم...كالت رايحين وشويه يجينه عامر ياخذنه احنه همينه اختي عازمتنا تحظري....

ماادري ليش هيج ومحد كايلي يلا عادي هو اني ماعندي شي بسرعه ابدل والبس اكلنه اني وعلي شي خفيف....

صعدته بدلتله بلاول وبعدين اني هم بدلت ونزلنه داننتظر صارت ساعه ١١ وماكو احد ...

كاعدين بلصاله شويه واتصل عامر كال طلعوا ...قفلنه البيبان وطلعنه يم بيت اختها...

سلمنه ماجان عدها جهال ماتخلف خطيه ...بس هيه وزوجها بس شكد حبابه كولش وتلعب ويه اريج وعلي تحب الاطفال...

ساعدناها وحظرنا الغده كعدنه تغدينه وكمنه اني وفتطنه غسلنه المواعين واحنه نحجي والله للصراحه ماخلينه احد ماحجينيه علي...

خلصته وكعدنه يمهم شويه وكمنه عامر كال ورايه شغل رجعنه للبيت ونسيت انه موبايلي بلبيت ناسيته شفت هواي رسائل من حسام واتصالات ومن ضمنهم رقم غريب كاتب مستعده ...

ماادري منو هو رأسا حذفته وحظرته ماانطيت اهميه اتصلت ع حسام وكتله جنت ناسيه الموبايل وحجيتله ع رقم الغريب كال هاهيه يمكن غلطان بلرقم...

من الولد محد بقه بلبيت واصلا الكل دايحظر لعيد الغدير تقرب ...اني عندي ملابس واغراض جديده بعدني مالابستهن فعادي مااشتريت...

بليل اتفقوا يطلعون اني ماجان عندي خلك بقينه اني وفاطمه وسامر بلبيت علي هم راح وياهم...

فاطمه كالت تعبانه هسه مااريد اطلع...كعدنه نشوف مسلسل اني وياها ..وسامر بلغرفه كاعد صارت ساعه ١١ بليل وهمه بعدهم ماراجعين اشويه وطلع سامر مخبوص ويدور ع سويج ...

نسأل بي شكو مدايجاوب كال مسوين حادث انخف لونه ونهد حيلنه بهاي الدقيقه ...هو طلع...

عشر دقايق اندكت الباب عبالنه همه اني وكفت باب المطبخ وفاطمه راحت تفتح الباب ...

مااشوف الا فاطمه اندفعت حيل بلكاع وصرخت متوجعه ركضت عليها بس ماكدرت اوصل الها لانه جمدت اطرافي وماكدرت اتحرك بعد من شفت ملثمين اثنين بلباب طبوا للبيت وسدو الباب هنانه اني بس اريد اشوف فاطمه شبيها ...

اريد اروح يمها ركضت بس ماكدرت اوصل الها لانه سحبوني ردت اصرخ بس لزم حلكي باايده وفاطمه انتهت من الالم بعد حتى صوت مدايطلعلها...

لزمني واحد وسحلني للبيت سحل واني كاعده مااريد اكوم ومدااكدر احمي نفسي ...

اني بعد انتهت عندي وكأنه الزمن توقف خوف ورعب حركه توقفت عندي بس عيوني ترمش منو هذوله وليش اجوا...

ذبني الملثم بلصاله وكاال...والله وياريم التقينه مره ثانيه ولعلمج مااعوفج بعد هاي المره....

كلما يتقرب مني اني ارجع وره بس حركاتي بطيئه الى ان مد ايده لوجهي هنانه صحيت من عالمي صحيت وحسيت بكولشي ...

ركضت وركض وراي دخلت للمطبخ طلعت سجينه وهو يكول عادي يعني تخوفيني مثلا لو شنو ...

اريد اطلع للحوش لزمني من شالي وذبه بلكاع وشعري انفتح ...صرت ادعي اي احد يجي يخلصنه صرخت بس بسرعه ركض وحط ايده ع حلكي وسحلني لغرفة بيبي ...بيبي جانت بيت اخوها اليوم وينج يابيبي الا اليوم ماتكونين موجوده..

ذبني بلكاع واني ابجي واصرخ وماادري اشلون احمي نفسي بعد حتى السجينه الي جانت بايدي وكع من خوفي ورهاوة ايدي ...

هسه بس اريد اي واحد يجي وينقذني مااريد شي ثاني ماخليت امام ماذكرت اسمه وهو يتقرب مني ...

لزم ملابسي واني دااحاول ابعدن عني كال لا مراح تحلو السالفه جاب موبايلي جان بلصاله كال اتصلي حسام اني هنانه وكأنه انطو الفرج مالتي وكأنه هو قاضي حياتي وراح يحكم حياتي ...بسرعه اخذته منه واتصلت دك مره ومرتين شال الموبايل...

قبل لااحجي شي اخذه من ايدي ..واني صرخت بااسم حسام اريده ينقذني اريده يوصل الي وهو انجن بالموبايل يصيح ويغلط ...وحجه الملثم ريم مو راح اخليك تكرها من اليوم ورايح ...وحسام مناك يصيح قفل الخط....

وكال اي ياريم منين نبدي وشنو يبقى ...اني ارجف بعد حيل ماضل وكلبي دكاته يمكن يسمعها حسام من بعيد......

غمضت عيوني واني ادعي اخر دعاء اني يجي منقذي وينقذني طاقه ماضل بيه ...

مااشوف الا وطلع المسدس مالته اني اكبر مخاوفي هو السلاح حتى حسام مايخليها ابدااا يمي لانه يعرف اكره واخاف منه...

زادت دموعي واني اتوسل بي ركعت يم رجلي دفعني برجله اختضيت وانصدمت بلحايط ...ياريتني شي يدخل ويتخبه بااي مكان ان كان ....يالله انت اعلم بحالي مااريد اخسر حياتي مااريد بعدني ماعايشه حياتي مثل غير بنات ...

سحب اقسام اني هنانه بعد اتشاهدت وغمضت عيوني وهو قرب المسدس من يم كلبي ...

يامنقذي هل هذا القلب الي عشقته..
ياملاذي هل هنالك فرصه ثانيه لنتقابل..
يامخلصي من عذابي هل لك ان تأتي وتنقذني لم اعد اتحمل ولم يعد لي طاقه لااي شيء انا التي فقدت كل شي كان سبب سعادتي بلحياة والان هل ساافقد روحي...

ماسمعت الا طلقات ناريه كلت هاهيه ياريم متي ...بس من فتحت عيوني شفته تراجع وباوع من الشباك وكال شرطه ...

كال نتقابل مره ثانيه بعد مو بعيده انتِ ان حصلت عليج مره احصل عليج اكثر واكثر وماحسيت الا ضرب وطلعت طلقه واستقرت بجسمه هو يعني كتل نفسه وكع بلكاع واني اشوف الدم ع كاع ونضري صار مغوش مااتحملت منضر الدم بعد ...كعدت بزوايه بعد ومااخس بااي شي حولي ...

دخلو الشرطه وياهم عامر وكلهم اني بدون شاال ومااحس باي شي بعد شنو هذا وليش هيج صار ...

خليت راسي بين رجليه وكمت ارجف واحرك بنفسي ....ركض مهدي عليه ورفع راسي يحجي هو بس اني مدااسمع اي شي ...اجت زمن همينه دايحجون صحيح ويصرخون يمكن بس اني مدااسمع اي شي بس عيوني تشوف اما باقس اعضائي متوقفه حتى دموع مابقت بعيني ...

بس اباوع عليهم طلعوني وحطو شال ع راسي وكعدوني بلصاله بس الشرطه بعدها موجوده اتقربوا يمي ويسألوني ويحجون ويايه بس اني ماكو اي شي بعقلي وتفكيري غير الدم والمنظر الي شفته ...

وام حسام اتقربت يمي حضنتني يمكن جنت محتاجه لحضن يدفيني حضن ماما جنت محتاجلها اريد انام وافصل عن العالم ...

ومااشوف الا الي ببالي دخل هو وبدلته العسكريه...دخل منقذي بس متأخر اني بعد مدااشوف اي شي غير الدم والشخص نفسه ببالي ركض يمي ...

وهو يحجي ويفحص كل مكان بيه يريدني احجي بس ماكو نطقي فقدته بعد اكو شي يمنعني انه احجيي..

ماحسيت الا وراجدي ع خدي رفعت عيوني وهنانه رجعلي السمع صرت اسمع كلشي يكوله حسام بس عيوني غوشت فقدت بعد وذبيت كل جسمي وثكلي بحضن حسام ...

اخذني وصعدني للغرفه واني اباوع علي خلاني بلغرفه ومددني وغطاني وهو يحاول يهدي بيه نمت او غفيت....

مااشوف الا ضوه قوي ع عيوني صرت افتح عيني واسده طلعلي هو الملثم ويحجي ويضحك ويضرب طلقات ...

جانت اكبر كوابيسي كمت واني اصرخ واركض بلغرفه...

انفتحت الباب ومااشوف الا حسام تقدم يمي وحضني وصار يهدي بيه...

-ح حح حسام ا اجاني و و والله اجاني ه هو اد ادري بي ...هو يريد ي يا ياخذني من منك منك اي منك او يريد ياخذك مني ...

-شش ياروح حسام ماكو شي انسي ماصار شي الا اندمهم ...ومايطلع اسمي حسام...

-لا لا م ما ماتكدر االهم هم همه عدهم اسلحه والله خايفه...

-ياروح حسام ماعاش الي يخوفج انتِ بس اهدئي رفع راسي وخله عينه بعيني ويكول تثقين بيه مو ماكو شي انسي انسي كولشي صار...شفت ام حسام وزمن وملاك واكفين يم الباب ويبجون يمكن يشفقون ع حالي هاي عيون الشفقه...

ركضت للحمام وقفلت الباب ....يالله ليش هيج يصير ويايه من دون الكل والله تعبت ماضل عندي طاقه تحمل بعد ...فتحت الدوش وضليت بهدومي ودخلت جوه الدوش ...

صرت ابجي واضرب بروحي ماادري فقدت ماادري شسوي بروحي ويطفه النار الي بصدري ...زين ليش الطلقه مااجت عليه واستقرت بكلبي جان متت وخلصت من كل هذا الشي جنت يم ماما وبابا هسه...

يدكون الباب بس مداافتح اريد شي يبرد كلبي ماكو كلت ماكو غير حل انه اخلص من هاي الحياة واخلصهم مني ويخلصون من عذابي ويخلصون من شي اسمه ريم....واني بعد تعبت مدااكدر اتحمل طاقة تحملي نفذت....

ماعندي شي بالي غير الدم والشخص الي شفته ...ركضت للخانه الموجوده بلحمام وطلعت موس منه ....

ماادري شلون يسوو اني قبل هذا اتذكر هم سويت هيج حتى انقذ نفسي بس هسه لا اريد انقذ نفسي من الحياة واخلص منها ...

خليته ع ايدي ...يالله اني جايتك مامعقوله تردلي هل الطلب اريد بس اموت واخلص من العذاب ...

اتذكرت كولشي صار وياي اتذكرت كل شي حلو ومو حلو بحياتي ...حياتي انعرضت كشريط كدام عيوني موت اهلي وعمايل رزان الي والخطف الي تعرضتله ....اتمنى ماتردني هاي المره وتخليني عايش لانه تعبت ...يمكن مراح يحس احد بوجعي بس اني الي مريت بي يتخطى كولشي ...شفت انواع التعذبيات كدام عيني من خطفوني بس اوك تناسيت علمود احبابي بس هسه طلعولي مره ثانيه...

حسام اتمنى تسامحني وكلهم يسامحوني واكفه جوه الدوش دموعي مختلطه بلمي النقي الصافي مو مثل دموعي الي حامله اهات وجع الي بصدري ...

تشاهدت وخليت الموس ع ايدي ...

يتبع..