منقذي ذو النجوم
الكاتبه غدير العزاوي
..
رساله من سلمى الى ريم ...
مرحبا ريم اشلونج شخبارج اتمنى توصلج الرساله الي داكتبها هسه ...اشتاقيتلج جثير من اول ماشفتج حبيتج جثير وانه لو لما حسبتج مثل اختي وروحي ماجنت عزبت شهاب انه يعرف اخبارج ويحصل عليكم ويكللكم هذا الكلام اذا متزوجه فاالف مبروك واذا جايبه هم الفين مبروك...اتمنى ماشفتي مني شي ماعجبج بس حبيت اكولج اني تزوجت شهاب ويعني صارت القسمه وكل حجي شهاب الج ذاك اليوم عن اهله جان صحيح بس الي ماجنتي تعرفي انه هو جان يشتغل بلااستخبارات ...جانت ايامي وياج حلوه...بس اتمنى تكونين بخير لانه اكو اسماء بعدها يمهم وهمه شاكين انه احنه الي مخبرين عنهم ومن ضمن هاي الاسماء اسمي واسمج ...اني طلعت خارج العراق بس بقى بالي يمج وخايفه لايسوون شي مثل المره السابقه ..
احبج من سلمى ...
(الرساله المكتوبه فوك نصا الي بلورقه ناقلتها بس مغيره الاسماء وحاذفه مناطق سكنهم)
من قريت الرساله ضليت صافنه واتذكرت ذيج الايام السوده الي مااتمنى انه تنعاد....
ماحسيت الا وحسام سحب الورقه من ايدي ضليت صافنه بوجه وحجيت من بين عبراتي الي خانكتني...
-ي يعني كل هذا ا الحجي الي قريته ص صحيح موو ج ج جاووووبني فدوه ...
-ششش ماكو شي من هذا الحجي وداعتج عندي ....
ضمني لصدره واني اطلقت العناء لدموعي وضليت ابجي الى ان تعبت كولش لاصوت بقى بيه من وره شهكاتي وعيوني نعسن نمت بعد ماحسيت ع شي ...
ثاني يوم كعدت شفت نايمه بلتخت وحسام يمي كاعد ويباوع عليه ...
-صباح الخير لااجمل بنت شافتها عيني..
-صباح النور ..بس سؤال كل الي قريته البارحه صح لو لا لانه داحس نفسي جنت بكابوس صحيح مو جنت بكابوس وكعدت منه...
-لا ماجنتي تحلمين بس كولشي محللوه ان شاء الله...لاتخافين بيوم واني موجود وياج طالما اني عايش واتنفس مااريدج تخافين من شي...
-بس شلون مااخاف انت ماشفت الي اني شفته لو شايف جان عذرتني..
-كومي هسه خلي كولشي وراج لانه راح نحظر نرجع لبغداد وهناك أامن النه منانه وعدنا حراس هم لاتخافين من شي وفرحي اليوم رايحين نحجي بخصوص علي..
-والله رايحين؟
-نعم كومي يله ...
كمت بس مابيه حيل ابداا دخلت سبحت ع سريع وطلعت بدلت اكثر شي ضوجني البارحه نسيت اصلي صلاة الفجر وهو مامكعدني اصلا لوما اكعده اني مايكعد...
نزلنه جوه وبدت تحجي عمتي ام حسام...
-اي شعندج ماعندج شغل ولاعمل وتنامين للظهاري هاي اخر مره خليها بالج...
تفاجأت من حجيها بعده تسعه الصبح ماصايره اشرتلي ملاك اجي للمطبخ رحتي ...طكتها ضحكه..
-معليج ولج هاي الاسطوانه كلنا شايفيها تعالي تعالي حظري ريوم الج ولزوجج...
-واني احظر الريوك احجي وياها...ليش هيه دوم راح تبقى هيج ..
-لاولج تمل منج بعدين ان شاء الله ع جايه يعني زوجة مهدي...
-ههههه مااعتقد مهدي يقبل هسه لسانه شطوله تردون تحجون ع حييبة الكلب...
مهدي-هاها تحجون عليه سمعتكم تره الغيبه حرام مايجوز مايجوز...
-شوف شوف منو يحجي ولك من تكعد يمنه بلمطبخ قبل منو الي جان يحجي ع بنات الي بلكليه والجواااارين اتذكر الجوارين ...لو زمن خطيه الي ماخليت صديقه وحده الها ماحجيت عليها...
خلصت الريوك وخلينه فوك الميز رحت صحت ع حسام يتريك اجه كعدنه اني وحسام ومهدي وزمن ..هم جانو متأخرين بلكعده ...
سألت ملاك وينها فاطمه ..كالت تعبانه شويه اليوم العصر ناخذها للطبيب...
سلامات هسه اكوم اشوفها...خلصنه ريوك سامر طلع علمود النقل وذني الشغلات وعامر عنده شغل وراح ويا مهدي ...حسام اجه علي محمد ...وراحو من بعد ماخلو مرت محمد يمنه ...لانه عازميهم ع غده...
طبعا مرت محمد شكد مااكول عنها فقيره وهادئه وتدخل للكلب بسرعه مااكدر اوصفها لو الكنفوش مالتها البيبي يخبل ويسوي واهس للبيت من تجي هيه اسمه حسام اول ماكالولي اسمه قبل اتفاجأت ليش شمعنه يعني ....
بعدين كالولي انه واعدين بعض محمد وحسام ...محمد اذا اجا ولد يسمي ع اسم حسام وحسام هم نفس الشي محمد...
كلت اي شكو بيها حلو اسم محمد ..علما عرفته صداقتهم من زمان هواي ...
سوينه غده سمج وتمن واكو اطباق جانبيه هم ...السمج احنه بس حاطين البهارات مالته يجون الولد يشو بلحديقه ....يعني ع جمر ...
بس الله يعينهم بتموز وبهل حر يشون سمج حار الجو يسمط سمط....
وصلو كلهم وره بعض ساعه ١١ ....
واحد يذب ع ثاني يوكف فوك السمج ويبدل ...تالي وكعت براس سامر ...
ستون وجابهن ركض من وره الحر ...
صبينه كولنه سفره وحده حتى محمد لانه يعتبر من اهل البيت ودائما يجون لهنانه كولش حلو وروحهم رياضيه بس همه من يجون الكل يركض يبدل يلبس شي مستور اكثر ....
خلصنه وصبينه جاي اخذه مهدي ...احنه ضلينه بلمطبخ نغسل مواعين ونسولف ..حجينه ويه فاطمه شلون صارت كالت يعني ...راح ياخذوها سامر وملاك للفحص وشاكين انه هيه حامل وكلساع جايه اريج من بعد ماسامعه انه راح يجي بيبي صغير تبوس بطن فاطمه وتركض تلعب ويه حسام الصغيرون ...
كولش مدلله ولسانها طويل ماتضيع حقها ابداا....اشتاقيت لعلي هواي ...كلت اليوم العصر من يروحون حسام وعامر اروح وياهم...
كعدنه كلنه بلصاله وكل واحد يحجي حجي ويذب كلمه اني بس استمع لانه جديده عليه هاي الاجواء...
اترخصوا وراحو محمد ومرته ...العصر طلعو للطبيب سامر وفاطمه وملاك ...واني كلت لحسام كال اتحظري يله ...كمت بسرعه بدلت ونزلت...
رحنه ووكفنه يم بيت جدي ...شكد جانت عندي ذكريات مؤلمه بي من هذا الباب طلع جنازة اهلي من هذا الباب طلعت ارواح اهلي ...
وهسه اجيت وراح ادخل يمهم بكل فخر وراسي مرفوع وياي حسام ولو شويه صعبه عليهم دخولهم لهنانه لانه ماحظروا لابلعقد ولابلعرس بس شنسوي مجبورين...
دكينه الباب تفاجأ عمي بينه دخلنه كعدنه بلااستقبال ماجان موجود احد شويه ودخلو عمامي وجدي سلمو وكعدو ....
شويه وانفتحت الباب ومااشوف كدامي الا الحقير الحيوان وجه السطل ع كولة حسام....
هم كعد بس حسيت ع ضوجة حسام هواي ضاج ...بحيث بس يريد اطلع احنه جنه منطين خبر لكرار انه يجي احنه بيت جدو ....
انفتحت الباب مااشوف الا وعلي راسه مشدود ركضت علي وشلته واني احضن بي واابوسه من كل مكان وهو يكول ليم ليم علاساس ريم وفرحان هم ...جنت مشتاقتله هواي ....
كعدنه وسألت كرار شنو الي صاير لراسه كال واكع كتله نحاول نصدك....
بده عامر يحجي...
-تدرون كولش زين ليش احنه جاين لهنانه علمود سالفة علي ...تتذكرون قبل لاتتوفه سميه كالت ابني اريده يتربه عند ريم وهيه وين ماتروح علي ويا ...واحنه داانشوف شلون علي دايضرر عندكم فااحنه هذا الاسبوع راجعين ان شاء الله ...عامر بعده دايحجي مامكمل حجيه....حجه جدو...
-اخذو مانريده شنسوي بي اني اولادي يكفوني ....الكل تفاجأ من حجيه ...
لا يعني اني اريد استوعب صدوك وحقيقي الي كاله ولو هو مايهمه غير الفلوس شيسوي بعد بعلي ...
اخذته بحضني وكمت ...حجيت بحركة كلب....
-هه شي اكيد مراح تريدون علي وتردون تتخلصون منه لانه اول شي نجي انه ماعدكم لاانسانسه ولاكلب على الشي الي سويتوا بيه واني شاهده فكيف هذا طفل ويتحمل ...انتوا من يوم مادهلت يككم ماهمكم غير الفلوس والورث الي ع اسمي بس هذا الي همكم ...ومااكول غير الله ينطيكم بلتء وبوكتها اتذكروني طولش زين واتذكورا انه هاي حوبتي طلعت بيكم عسى ماتهنيتوا بلفلوس يارب...
طلعت وعفتهم واخذت علي ...ضلو جوه وبعدين طلعوا حسام وعامر وكرار ...
كرار جان يحب علي ويعزه الله شاهد جابو كل المستمسكات مال علي واخذنا ويانه وطول الطريق اني فرحانه بي ....
من وصلنه ام حسام ماعجبها الوضع واني اتجنبت ارادد واحجي بس بيبي حبته كولش وصارت تبوس بي وتحجي ويا ...
ملاك وفاطمه جانو راجعين رحت يمهم وسألتهم بشروا كالن حامل فاطمه حضنتها وباركتلها...
اخذت علي وصعدته للغرفه مالتنه واني طايره بي نساني كل همومي ...دخل حسام واخذه مني صار يدغدغه ويبوس بي كال اتحظري خلي نطلع
....
كمت صليت وخليت حسام هم يصلي ويله بدلت ....علي ماعنده ملابس ضل بملابسه نزلنه وسلمنه عليهم وطلعنه اتعشينه بره...
وبعدين افترينه لمحلات اشترينه هواي ملابس وشغلات لعلي وهو فرحان وطاير من الفرح ويحجي كلمات مال كرط...
وصلنه للبيت شفناهم كاعدين بلصاله صعدت فوك وصعدت علي هم غسلت وبدلت...وغسلت لعلي هم بدلتله ونزلنه جوه واحنه كاعدين ...بعدنه داانحجي عن علي وناخذه للطبيب علمود راسه لانه ماحجولنه شي ......
ماحسينه الا اريج بنت عامر تركض وتكول علي علي وكع..
يتبع..