#شمس_مظلمه ☉
#الحلقه 6
حسام ..
نضت الصبح مالقيتهاش جنبي صبيت ب فزع و نزلت نجري لقيتها تحت فالصاله يحكن معاها ياسمين و رغد و نازله ب بجامه الشرت لقصيره
مممكن وقتها غيرتي عمتي خصوصا ان امير فالحوش مافكرتش انها مريضه و مش فاهمه مشيت بسرعه سحبتها من يدها بقوه وقعدت نرقى بيها بسرعه خشيت للدار و طلقتها
حسام : بعصبيه و صوت عالي كييف تطلعي هكيي اااه و عيطت كيييف
شمس : 🥺 🥺 😭
حسام ..
دموعها نوضني على يلي ندير فيه كيف قوست فمها و تعبن عيونها دموع و بعدين بكت سبيت روحي ستين مره
ماتحملتش دموعها سيبتها و مشيت للدولاب خذيت دبشي و خشيت للحمام ندوش و انا نذكر كيف عيطت عليها بس
طلعت من الحمام و ندور عليها بعيوني ماكنتش ع السرير و لا فالدار سمعت صوت بكاء خفيف شفتها قاعده في كتر الدب الكبير فالتركينه و ماسكه مينو في يدها و دموعها ينزلن و تبكي بشويه
اااه شن درت يا حسام اكدتلها كلام سعيده بدل ماتخليها تامنلك بكيتها
مشيت جيهتها و قمعزت قدامها على طول غطت وجها بيديها ، تحسابني بنضربها كسرتني لقطتها تحكم يا حساام في غيرتك عليها و غضبك اتجااها هذي شمس غير ع الكل
مسكت يدها و نزلتها بشويه و هيا منزله راسها وتشهق بالبكاء
حسام : اميرتي زعلانه مني
شمس : هزيت ياسي "راسي" ب اها
حسام : ابتسمت كيف هزت راسها نفس الطفله باهي بحتي فيا
شمس : هزيت ياسي "راسي" ب لالا
حسام : بست يديها من جوا عارفه تحب اللقطه هذي باهي عندي لكي مفاجأه بس كيف بنوريها لكي و انتي مطبسه راسك رفعت راسه بشويه و شافتلي ابتسمتلها هيا نوريها لكي و بعدين نعدو ل هانزل و السا
شمس : قتلا بصوت واطي و وسط شهقاتي ووممااما
حسام : نار ولعت في قلبي لما سمعت صوتها الطفولي يطلع مع شهقاتها حنعدو لماما باهي انتي اسكتي توا بس
شمس : بنفس صوت اانت تتضييبنيش "تضربنيش"
حسام : اااه انتي تحكي هكي عشان تقطعيني قمعزت ع الارض قدامها و صبيتها من يدها و جبتها في كتري وبست خدها انتي اميرتي مستحيل نضربك يلي قالت هكي عزوز شريره نفس ما في القصص متاع الاميرات
شمس : بصوت واطي ننفس ميات "مرات" بات سندييلا "سندريلا"
حسام : احلا شي نحبه في صوتها انها تحكي بشويه بكل عشان محد يسمعها الا انا و لا حرف الراء كيف تقول فيه يلي فرحني انها انطلقت معايا و تحكي
و يلي ضحكني مرات بات سندريلا هيا مرات باتي مالا انا سندريلا ضحكت عليها وبست يديها من جوا
حسام : ايوه نفسها و انتي اميرت حسام و مسحت دموعها نشوفو المفاجأه
شمس : هزيت ياسي "راسي" ب اها
حسام : بس قبل مانعدو نشوفوها نقولك حاجه و انتي اسمعي كلامي عشان حسام مايزعلش من شمسه
شمس : بحتت فيه
حسام : مسكت يدها و قعدت انعد على اصابعها اول شي عيب تطلعي هكي من الدار تمام هنا عادي بس برا الدار لا باهي
شمس : هزيت ياسي "راسي" ببه
حسام : ثاني شي مافيش تحبي حد و لا تحضني حد الا انا شفتلها قوست فمها
شمس : بصوت واطي و ماما و قمي "قمر"
حسام : ابتسمت و ماما و قمر عادي نحن الثلاثه بس
شمس : ابتسمت و هزيت ياسي "راسي" ببه
حسام : و بكاء لا
شمس : هزيت كتوفي
حسام : ابتسم يبيها تحكي شنو
شمس : بنفس الصوت بيوحها "بروحها"
حسام : بست خدها بقوه تي نااكلك انا هيا صبي
شمس : صبيت من عنده و هوا صبى
حسام : ضحكت ع الحال يلي وصلتله قاعد نسااير فيها ع كل شي و الله ما قاعد انتعامل مع مراتي انتعامل مع بنتي مسكت يدها و مشيت بيها للدولاب
حسام ..
سحبت رفت الدولاب و بما ان الدولاب كبير ف خصصت جزء منه لمفاجأه شمس فتحته لها شفتها حطت يديها ع فمها وتضحك نحبها فيها اللقطه هذي لما تفرح بحاجه و اصلا شنو يلي مانحبش فيها ؟
شمس ...
نضت الصبح لقيت يوحي "روحي" عند حسام نزلت بشويه و نا نبي نعدي ل ماما خذيت مينو و فتحت الباب و نزلت لقيت ياسمين و يغد "رغد"
ياسمين : صبااحو وين طالعه
شمس : هزيت كتوفي و جيت بنمشي
رغد : شموسه استني وين حسام
شمس : شييت "شيرت" ع فوق
ياسمين : يعلم انك طالعه
رغد : بحتت في ياسمين عشان لبستي
شمس : جيت بنعدي حسيت بيد كيتي "كرتني" بقوه و ييقى "ويرقى" بيا فوق خشينا للدااي "لدار" و قعد يعيط عليا و صوته عالي تحمتلتش قعدت نبكي و هوا عدا سيبني
عديت قمعزت عند مينو الكبيي "الكبير" قعدت نبكي بشويه و خايفه يعصب عليا و لما جا خفت يضيبني "يضربني" حطيت يديا ع وجي بس هوا مسك يديا و باسهن من جوا عشان يعتذي "يعتذر" لان عيط عليا
انا نخاف من اي حد حتى ماما و قميي "قمر" لما يعصبن و حسام نفسهن و انا خفت منه لان عصب مني بس قلبي يطمن وااجد لما يجي حسام و لا يقعد معايا حسام و هوا قالي ان هذكي عزوز شيييه "شريره" كذاابه هوا مش حيضيبني "حيضربني" و انا نصدق في حساام و قالي معش ننزل هكي معش ننزل هكي و معش نحب حد و لا نحضن حد الا هوا و ماما و قمي "قمر" بس عشان يزعلش
فتحلي الدولاب و كان معبى العااب بايبي "باربي" و دبدوبات عييم "عرم" بكلل و في مطبخ و حاجات دكتويه "دكتوره" بيمت "برمت" ع حسام و حضنته و مسكت في يقبته "رقبته"
حسام ..
ابتسمت لما فرحت و زادت ابتسامتي لما ضبطتي رفعتها ك العاده و بست خدودها
حسام : شنو رضيتي
شمس : هزيت ياسي "راسي" ب اها
حسام : قدمت بيها ع الدولاب و فتحت الدرج يلي جوا شوفي شن في هذا
شمس : ضحكت لان كان في عيم "عرم" الوان و كياسات " كراسات"
حسام : وتوا المفاجاه الثانيه غضمي عيونك
شمس : حولت يديا من ع يقبته "رقبته" وغميت عيوني و هوا شايلني
حسام : فتحت الدرج يلي تحت افتحي توا
شمس : فتحت عيوني كان معبه شكلاطات و شبس و مصاصات مسكت فيه و بسته عيم "عرم" بوسات
حسام : يضحك خلااص وقفي
شمس : وقفت و نبحت في حسام
حسام : قعدت مركز ع عيونها حولت شعرها يلي جاي ع وجها احمم هيا انزلي بدلي نعدو ل هانزل و السا
شمس : نزلت و نزلت ماليتي جيت بناخذ شبس
حسام : مسكت يدها لالاه فطور قبل
شمس : هزيت ياسي "راسي" ببه
حسام : مشيت جهت الدولاب و طلعتلها لبسه تعالي نبدلو
للكاتبه ' wiush_hamo
__________________
قمر ...
اتصلت بيا الشركه الصبح و دزوني ع مكان نمشي نجيب منه اوراق بسرعه فالاول استغربت لان المكان بعيد و بعدين قلت هذا الشغل لبست و طلعت
مشيت للمكان كان في جهه شببه مقطوعه فيه حواشين بس بعااد واجد من بعضهن و المكان يلي عطوني عنوانه حوش شبه مهجور دقيت عليه انفتح الباب و طلعو ثنين غمو فمي بخرقه و اغمى عليا
_____________________
حسام ..
نزلنا و فطرنا و بعدين شلتها شويه للخيل و حطيتها عند امها لاني طالع للاجتماع
ركبت سيارتي و اتصلت ع امير مره و اثنين و ثلاثه ماردش مشيت ع طول للمستودع نشوف فالصيني اذا كمل يلي وصيته عليه او لا بعد نص ساعه كنت عنده نزلت من السياره و خشيت
الصيني : اووو حمورابي
حسام : سلم عليه شن الامور
الصيني : كلا تمام
حسام : شن صار فال.
الصيني : ضحك تي عيب عليك تسأل عليه اطمن كلا تمام
حسام : ابتسم و ولع دخانه هذا يلي يلعب بنار مع حمورابي
الصيني : ضحك و يغني يلعب بنار حرق رووحه يلعب بنار حرق روحه مسكين يداوي ف جروحه
حسام : ضحك تاافه طلعت تلفون نتصل اخر ع امير هذا وينه
_______________________
قمر : نفتح في عيوني و نرد نغمض نحس في رااسي ثقيل انا شن صاارلي بحتت فالسقف انا وين مش فالحوش قمعزت و نشوف المكان اول مره نشوفه اخر شي نذكره انهم غمولي فمي و خشمي بخرقه و اغمي عليا انا مخطووفه انفتح الباب و انا صبيت بسرعه نحاول انتوازن بس عيوني يغبشن و راسي ثقيل و فاقده توازني و كانت صدمت عمري ااميير
امير : خش عليها قمر نضتي
قمر : نمسح في عيوني و نغمض فيهن ونفتح لالاه مستحيل نكون اني نضت لالاه
امير : قرب منها و بيمسكها مع يدها قمر
قمر : عيطت و دفيت يده بعععد عليااااا حقييير وااااطي
امير : يبحت فيها بصدمه
قمر : قربت عليه ووقعدت نضرب فيه بيديا ع صدري بقوتي بس يديا فاشلات و نعيط بصوت عالي حقييير ششن تبي مني ششننن تبي مني عشااان تخطفني
امير : انصدم فيها و حاول يمسكها قمر اهدي و افهمي قبل
قمر : زدت نعيط و ندف فيه انااا وثثقت ففييك وثققيتتت فيك وانت طلعتتت حقيير
دزييتني هناااا عشااان خطفنيي شنن تبيي منييي ياااحقيير
امير : مسك يديها بقوه و بعصبيه وعياااط انااااا مدزييتكش انتتي غبييييه طحتتيي فييي فخخهم نبهتتتتك ماتمشيش للامكاان هذينااااا انتتي غببييه
قمر : قعدت انبحت فيه و انتفس بقوه و عيطت ااطللقني اااطلللق
امير : بصوت اعلى مني مششش حننطلللق نينن تسسمعي
قمر : بعياااط انتتت حقييير شنن بنسسمع و سمعت صوت سيارت الشرطه دفيته بكل قوتي و طلعت نجري و هوا ورايا
قمر : جيت بسرعه للشرطه خااطفني و نشير ع امير هذاا خااطفني
امير : صبى وراها و ربع يديه
الشرطي : استاذ امير بلغ ع الحاادث يلي صار ان زميلك فالشغل اسمه فايز كان مخطط لشي هذا و هوا اتصل بيك من الشركه و دلك ع المكان هذا و الحمدلله ان استاذ امير لحق عليك و اما شافو استاذ امير هربو بس ماتخافيش نحن وراهم و سيارتنا تلاحق فيهم
قمر : نسمع في كلام الشرطي و دنيا تبرم بيا الاارض تحتي تبرم و انا الثابته حسيت روحي في دوامه و امير و الكلام يلي قلته لاه و طلع هوا من لحق عليا و لا فايز الحقير كيف ماخطرش عليا كلا يبرم في راسي و حسيت روحي بنطيح حسيت بيد مسكت ذراعي و حسيت يدي اااه
امير ...
اول ماوصلت ع الشركه سألت ع قمر و جتني الموظفه و قالت انها عدت تسلم اوراق سالت عن اي اوراق قالت الشركه كلفتها بيهن كيف و انا مانع انها تمشي للامكان هذينا ع طول خطر في بالي فخ
خذيت العنوان و ركبت سيارتي و طلعت باعلى سرعه عندي و اول ماوصلت ع الحوش كانو في ثلاثه برا و من بينهم فايز ، فايز ؟؟؟ النذل ال***** انا نوريه نزلت من السياره بسرعه بس قبل مانلحق عليهم ركبو سيراتهم و هربو كل تفكيري في قمر و بس بعدين انحاسبهم
طلعت وسلاحي و سحبته و ضرب الباب بكراعي و خشيت الحوش كان هادي و ساكت خشيت ع صاله مش قاعده بحثت في دارين مش قاعده اخر شي لقيتها فالدار الاخيره و كانت راقده ع السرير نزلت سلاحي و قربت منها بسرعه و مدعي في ربي ان مش دايرلها شي حطيت يدي ع خدها و نوعي فيها تنهدت لما عرفت ان مخذرينها ولحقت عليها قبل ماتنوض و يديرو فيها شي تاملت كل شي فيها ملامحها شعرها نزلت و شميت ريحت شعرها ااه شن كان حيصريلي لو دارو فيك شي سحبت روحي بشويه وطلعت قمعزت برا
رفعت تلفوني و اتصلت ب الشرطه بما ان شركتي قانونيه وتحت مسمى القانون ف ضروري اي حادث يصير يكون للشرطه علم بيه لاكن فايز حساابه عندي انا معقوله يشتغل جاسوس و لاه صله باي طرف اخر
قعدت انفكر و نفكر عند ماسمعت بشي تحرك عرفت انها ناضت خشيت عليها بسرعه بس انصدمت بردها تحسابني انا يلي خطفتها لهدرجه فاقده الثقه فيا او فاقدتها فالناس كلهم قعدت تعيط وتضرب مسكتها بقوتي و عيطت عليها و حاولت نفهمها و هيا تكذب فيا اخر شي دفتني و طلعت تجري لما سمعت صوت الشرطه
قعدت مصبيه و تسمع في كلام الشرطه حسيت بيها تمايل و تبي طيح مسكتها مع يدها تالمت ذكرت مسكتي لها جوا كريتها من ايديها و ركبتها فالسياره و هيا ساكته و كانها في دواامه
علقت السياره باعلى سرعتي و قعدت نجري بيها
امير : يعيط و يضرب في يده ع الدوماان انااااا قتتلك مااتمشيش مشاوير هكي انااااا قلللللت
قمر : تعيط اميير وقف السرررعه اممييررر وقفف
اميرر : انااا نببههتتت لان هذاااا يلي حيصيير قللللللت لوو صاار فييك شيي لووو ماالحقتش علليك
قمر : تعيطط اممميرررر ووقففف حنديرو حااادث وقففف جت سيااره كبيره قداامنا عييطت بصوت عللي امميييير و حطيت يديا ع وجي
للكاتبه ' wiush_hamo
____________________
حساام ...
بحتت فالساعه 8 اليل لهيت فالاوراق و الشغل ماحسيتش ع الوقت ركبت سيارتي و انا ماشي للاجتماع و الصيني و رايا ب سيارته رنيت ع امير مقفل وين راح هذا الثاني
وصلت للمكان و نزلت و نزل الصيني و خشيناا
حسام : سلام عليكم
الكل : رد و عليكم السلام
حسام : قمعزت و حطيت الملف قدامي نشوف لفتحي يبتسم بخبث ضحكت في خاطري عليه
الزعيم : حمورابي اعتذر عن طلعته من الاجتماع الي فات لان صارله ضرف مستعجل و انا نشكركم لانكم قبلتو اعتذاره وجيتو للاجتماع
حسام : في عقلي جايين عشان يرفعو روحهم في عيوني و بي
الزعيم : المهم بنسمعو كلام حمورابي
حسام : المره يلي فاتت خليت الملف يشوفه فتحي الاول بس المره هذي حيشوفه الزعيم الاول
فتحي : بان التوتر عليه
حسام : مديت الملف للزعيم و اتكيت بظهري ع الكرسي و ولعت دخااني و انا انتفرج على يلي حيصير توا
الزعيم : سكر الملف وصبى فتحي اطلع برا
فتحي : صبى يرعش ششن فيي
الزعيم : شير للحراس اعزقوه برا
فتحي : ششن في زعمينا ششن كذذب عليك كذاااب هذاااا
حسام : قعدت انبحت فيه و رافع حاجبي خشو كروه و هوا يعيط و يوقل هذا كذاب يتحلف انا نوريك عند ما انعزق برا ابتسمت هذا يلي يلعب مع حمورابي
الزعيم : قمعز حيكون مات في حادث سير
حسام : ابتسمت و كملت تدخين كل يلي درته اني طلعت غسيله الوسخ كلا للزعيم و كل مؤمراته من روانا و في قانوننا يلي يخوف ضروري ينقتل و فتحي حيكون مات في حادث و الحمدلله ماليش علاقه في موته عمايله الوسخه هنا يلي وصلنه لهنا
كمل الاجتماع ب قوانيني انا الجديده و شدتت على خطوطب اكثر
______________________
امير : بحتي قمر ماصار شي بحتي
قمر : حطيت يديا ع وجي و غمضت عيوني و لما طلع من جنب السياره و وقف سيارته اتكيت براسي ع الكرسي و حاطه يديا ع وجي و يلي نحس بيه صعب وصفه
ابكي ابكي انتي بنت فالنهاايه و يلي صاار معاك مش سااهل نزلي دمووعك هذا الصوت الاول في راسي
الصوت ثاني يقولي ماتبكيش خلااص تعودتي ع الحاجات هذينا في حياااتك رد باالك تبكي وتضعفي توااا
غصه صبت في حلقي حرااره في عيوني بس مافيش دموع مافيش اميه تسليل لمجرى قنااة دموعي عيوني نااشفات نسيت كيف يبكو اصلا حسيت بيدين التفن عليا
امير : حضنها اشش اهدي مااصار شي
قمر : مسكت فيه و بصوت كلا مخنوق اممير تعبااانه تعبت انااا
امير : يمسح ع شعرها ابكي ماتعبيش روحك اكثر
قمر : مش قاادره مش قاادره يااريت
امير : حضنتها اكثر اهدي تواا
قمر : بنفس الصوت اناا اسفه على يلي صاار اسسفه ع كلامي
امير : ماتفكريش في شي توا وخرها شويا ومد يده و مدلها اميه اشربي
قمر : شربت شويه و مسحلي منها ع وجي
امير : شنو هدينا
قمر : هزيت راسي ب اها و رديت اتكيت ع الكرسي
امير : مسكت يدها و ضغطت عليها و هيا ضغطت عليا و لعت السياره و كملت نسوق و طول الطريق يدها في يدي
للكاتبه ' wiush_hamo
______________________
حسام ..
اول ما طلعت من الاجتمااع و انا في عقلي شي وااحد شمس و بنووصل فيها ب اسرع وقت وصلت وقفت السياره و نزلت توجهت للملحق و دقيت عليهم فتحتلي امها و خشينا لقيتها فالصاله مقمعزه تحت وترسم ابتسمت عليها
حسام : شمسي
شمس : يفعت "رفعت" ياسي "راسي" كان حسام صبيت نجيي "نجري" حضنته
حسام : ابتسمت و وخرتها شويا لان امها قاعده شنو درتي
شمس : مشيت جبت اليسمه "الرسمه" و وييتها "وريتها" لاه
حسام : ابتسم كانت راسمه القصر هيا نعدو
شمس : هزيت ياسي "راسي" ب لالا و مشيت مسكت في ماما
ماما : شنو شموستي تبي تقعد معايا
شمس : هزيت ياسي "راسي" ب اها
حسام : جيت بنحكي امها غمضتلي عيونها بمعنى حنحكي معاها اناا
ماما : بس انتي عندك العاب غاادي عرم و حااجات سمحه و حتى حساام غاادي و لا ماتبيش حساام
شمس : بحتت في حسام
ماما : و انا تو شويا و نجيك غاادي باهي
شمس : بحتت فيها و مديتلها صبعي بمعنى وعد
ماما : ابتسمت و دارتلها وعد و بست خدها
شمس : بست ماما و صبيت عديت لحسام و مسكت يده
حسام : بحتت فيها و ابتسمت
طلعنا من الملحق شفت سيارت امير وقفت و نزل هوا و معاه قمر قربنا منهم و شمس سيبت يدي و عدت بسرعه حضنت اختها
حسام : بحتت في امير شن صاير
امير : حنحكيلك بعدين
قمر ..
اول مانزلنا من السياره جت شمس و حضنتني اااه قدييش نحب حضنها رااحه بنسبه ليااا نحس ان جمال الدنيا يلي فيها يخش قلبي و يثبت جذوره و يبدا يتفتح في قلبي الميت حيااتها الورديه تخاالط حيااتي المظلمه حضنتها بقوه و هيا فهمت عليا و حضنتني بنفس القوه طال الحضن هذا قريب ربع ساعه و شمس و كانها تفهم عليا ماحولتش تبعد
بعدتت انا شويا و مسكت وجها بين يديا و بست خدودها
قمر : بصوت واااطي خليك هكي ديماا
شمس : هزيت ياسي "راسي" ببه
قمر : ابتسمت هيا امشي ع النوم
حسام : انتي بخير
قمر : بحتت فيه بخير و شكرا ع سؤالك
حسام هز راسه و خذا شمس من يدها و خشو و امير وصل قمر للملحق
قمر : ابتسمت بتعب شكرا ع كل شي و اسفه ع كل شي
امير : ابتسم مافيش شي تشكريني عليه ولا تعتذري من شانه اهم شي تكوني بخير
قمر : الحمدلله تصبح ع خير
امير : و انتي من اهله
خشت قمر للحوش و امير قعد مده و بعدين مشى للقصر
______________________
حسام ..
خشينا للدار و هيا قمعزت ع السرير مشيت جبتلها بجامه و جيت قمعزت جنبها بنغيرلها
حسام : شمسي هيا نغيرلك
شمس : هزيت ياسي "راسي" ببه
حسام : امس لما غيرتلها ماركزتش بس توا ركزت عليها ان كلما نقوللها نغيرلك ترضى عادي هل اي حد يغيرلها ترضى و لا انا مطمنتلي مافهمتش
قربت منها و قعدت انغيرلها
حسام : شمسي اسمعي
شمس : بحتت فيه
حسام : مسكت يدها ماتخليش حد يغيرلك غيري تمام
شمس : بحتت فيه
حسام : حتى ماما و قمر لا انا و بس
شمس : حركت كتوفي
حسام : بحده شويا شمس
شمس : مسكت مينو و خفت منه هزيت ياسي "راسي" ب ببه
حسام : مسكت يدها و رفعتها تعالي نخشو نرقدو فتحتلها الورغان و رقدت وغطيتها طبست بس راسها نجيبلك الحليب و نجي باهي هزت راسها وانا نزلت صبيتلها حليب و انا راقي شفت مرات باتي هزيت راسي و رقيت عند ماوصلت فيها
سعيده : ربعت يديها انت يلي سكرت حساب
حسام : ابتسمت كيف لقيتيه مسكر
سعيده : حسام ماتستعبطش عليا انا عارفه انت يلي سكرته بس خليك عاارف ان حتى ولدي عنده النص فالاملاك و بنااتي عنده نصيب فيهن يعني الاكثريه لي ضناايا ف متلعبش معايا
حسام : تمام تعالي نحكو لامير شن درتي يوم العرس و نشوفو من يلي يلعب و بحتت فيها اول مااجيت هنا قلت الحوش هذا يمشي ب قوانيني انا و يلي يخلفهن حيلقى عقاابه و من يوم و رايح تبي اي شي تعالي اطلبيه مني ويكون عندك اما خاطي هكي لا
سعيده : يعني تذل فيا نجي نطلب منك احلم بيها
حسام : مشيت و عطيتها بظهري انتي حره و خشيت للدار
سعيده : انا نوريك يا حسااام انااا
_____________________
حسام ...
خشيت للدار شفت شمس تبكي و اول ماشفتني غمضت عيونها دارت روحها راقده
تنهدت و قربت حطيت الحليب ع الكومدينه و خشيت معاها و طبست عليها حولت شعرها من ع وجها ومسحت دموعها يلي ع خدها
حسام : بصوت واطي كنها اميرتي زعلانه
شمس : بصوت واطي بكل ننبي ماما
"خطرت عليا زهرت القصر بدي امي ؛ بدي امي 😒 المهم ما علينا نكملو "
حسام : بست كتفها ماتبيش حسام هكي حسام يزعل
شمس : بيمت "برمت" عليه و بحتت فيه قتلا بصوت واطي نبي و ديت "درت" يدي ثنين
حسام : ضحكت عليها و مسكت صوابعهاا وبستهن هذينا حلوى و لا صواابع ااه نااكلهن را
شمس : ضحكت و طميت "طمرت" يدي
حسام : ضحكت عليها و مسحت دموعها و كريتها شوري و بست خدها نحن شن قلنا معش في بكااء صاح وبعدين ماما توا رقدت بكرا الصبح اول ماتنوضي نشيلك لها باهي
شمس : طبست ياسي " راسي" و هزيت ببه 🙁
حسام : مد يده للحليب هيا اشربيه و ارقدي عشان تنوضي بسرعه و تعدي لامك
شمس : خذيته شيبته "شربته" كلا و حسام خذا الكبايه و بعدين كيني "كرني" لاه و حضني ووجي قعد في صديه "صدره" و سكي "سكر" عليا بيديه و انا غمضت عيوني و يقدت "رقدت" و انا حااسه اني فيحانه "فرحانه" قلبي يقولي هكي
للكاتبه ' wiush_hamo
______________________
مرن شهرين
فالشهرين هذينا تعودت شمس عليا و على دلالي ممكن مدللها واجد او خربت طبعها اي شي تبيه نجيبه لها و اي طلب لها نفذه مانحبش نرفضلها طلب و هيا تعلقت بيا وااجد ممكن حتى اكثر من امها و اختها لما نمشي للشغل تكملها بكاء عند مانجي ولما نجي تقعد طول الوقت معايا
قعدت اكثر عناد و على كل شي تسكر راسها و مرات حتى تكسر في كلامي و الغريب فالموضوع اني مانعصبش عليهابلعكس يلي تسكر راسها عليها نعطيها لها كانت نفس العيل الصغير امها تقولي ان هكي غلط بس مش بيدي مانقدرش انقوللها لا
تواصلت مع دكتور من برا و دزيتله ملفها كامل و درتلها تحاليل عشان نعرفو نسبه الدواء في دمها و يلي طمني ان علاجها نفسي و بس و الدواء مش ماثر في جسمها جسمها تعود عليه وبس و نقدرو نعالجوها منه
و اليوم نراجو في عمت باتي جايه من برا و بتقعد كم يوم عندنا
_____________________
قمر ..
من الحادثه هذكي و امير مش مسيبني طول الوقت معايا وسمعت منه ان مسك فايز و قالي خذا عقابه و انا ماسألتش واجد لان في كل الاحوال تخلصت منه
اما علاقتنا انا و امير كبرت اكثر و تعدت مرحله المدير و المسااعده قعدت لصديق و صديقه و عارفه ان امير في مشااعر اتجااهي و انا كذلك بس ننكر في الشي هذا لاسبابي الخاصه
اما شمس راايحه بكل حنيه حسام و دلاله لها خرب طبعها نفس العيل الصغير لما يدلع واجد رايحه تسكر في راسها و كل شي تبيه و احيانا ترد عليا و ع ماما نبهنا حسام و هوا يقول خلوها بس الشي الحلو انها متعلقه بيه وااجد و فرحاانه معاه
_____________________
شمس ...
طول الفتيه "الفتره" هذي قعدت عند حساام هوا كوويس بكلل وانا نحببههه وااااجد هوا يجيبلي في كل حااجه ومايقوليش لا بكلل و يحبني وااجد
ماما و قميي "قمر" قعدن شيييات "شريرات" معايا كل شي يقوللي لا مش نفس حساام و يخلن فيا نبكي بس حساام لا انا توا نحبببب حسااام واااجد بكل لان خلاني من شمس مظلمه لي شمس مضويه
معش في شمس يلي تنحبس فالملحق لالاه هوا ديما يطلع فياا و يااخذ فيا معااه حساام ليا انا و بسس
______________________
ياسمين ...
طول الفتره هذي نحكي انا و المجهول ع الساس بس مارديتش ع الجمله يلي كتبها ليا و هوا عرف روحه معش حكى الشي هذا
اما الاستااذ الباارد مزال حاط راسه من راسي بس انا قعدت انعاامل فيه ببرودو هوا يحرق من الشي هذا
اليوم مامشيتش لان عمتي عمت بابا بتجينا اليوم و نراجو فيها
________________________
مشهد من الحلقات الجايه
حسام : مسكت يديها ع السرير و نعيط عليها تسكيييررر رااالس علياااا لااااا لاااا فااااهمه اناااا قتللك مااتضبطيش و مااتبوسيش حد الا اناااااا قلت و لا مااقلتش اااه رديييي
شمس : مسكني ع السييي "السرير" و قعد يعيط عليااا بصوت عالي اناا خفت وااجد مانعيفش "مانعرفش" انا شن ديت "درت" قعدت نبكي و نيعش "نرعش"
حسام : فشيت كل غلي فيها صدقو انا يلي كبرت في رااسها قعدت انشوف فيها ترجف تحتي و تبكي خفت تخش في حالتها او يصير فيها شي رخيت يدي شويا وهيا برمت ع طول رقدت ع بطنها وحطت وجها فالمخده و تبكي و ترعش غطيتها و قلتلها بصوت حااد
حسام : نطلع و نرد نلقااك وااعيه نوريك و صبيت من عليها و طلعت
شمس .. قعدت نبكي انا معش نبيه نبي نعدي لماما صبيت بعد طلع فتحت الباب بشويه لقيته مش قاعد طلعت بسيعه "بسرعه" و عديت لماما
________________________
يتبع ...
للكاتبه ' wiush_hamo