يگولون عگبك من رحت
تصفن لحد ماتنچوي
من تخبز بتنورها 💔
،،،،،،،
راهب ابو غضب ج2
///////بقلم زهراء الحسناوي ////////
صباحوووو 😍😍😍
،،،،،،،،،،،
لارا،،ارتبكت من تصرفه گتله باارتباك
ش شتريد ?
همام،،سلامتج
لارا،،ابتعد اريد اطلع
ردت اعبر جرني من ايدي رجعني المكاني
همام،،لتخافين بس عندي چلمتين وياج يابه اسمعيهن مني وحطيهن براسج
مالي غرض بيج لان لاابن عمج ولاابن خالج ولازلمتج حتئ احاسبج
بس ردت انبهج علئ شي
اولا انتي مطلگه وعيب تجيج احجايه بسبب لبسج
جاية للجامعة حاصرة روحج حصر والشباب عيونهم نگسه يتفحصوج اتفحص
اعتبريها نصيحه مني ادري راح اتگولين شعليك وشدخلك ?
راح اگلج شالتني الغيرة عليج لان زلمة ترباة مضايف ودواوين وبوابة عرب اشوفها عيبه بحگ المرة جاية للجامعه بهيج لبس وفوگ كلشي مطلگه والناس حاطه عليها الف علامة استفهام والسمعته ماصارلج سنه من اتزوجتي اني من جاي احجي وياج بهل اسلوب ماعندي عداوة وياج بس حبيت انصحج لااكثر ولااقل
لارا،،وگفت الدمعه بعيني جسمي يرجف من العصبيه كلامه مستفز
گتله كملت كلامك?
لعد اسمعني لان اجه دوري
اولا مثل ماگلت لااخوي ولابوي انته ولاحتئ زوجي حتئ تحاسبني
وغيرتك خليها الك ومااسمحلك تتجاوز حدودك وياي ولو شلبست ممنوع تدخل بشي لايخصك ولايعنيك
وهسه ابتعد من كدامي لاالم عليك الجامعه كلها والله
عفته وطلعت دموعي تجري منين الگاها ?
گوة گدرة اتخطه مرحلة طلاگي واحاول اتاقلم ويه وضعي الجديد ماصدگت تتغير نفسيتي الجانت مدمرة انوب اجه هذا يكملها
طلعت صعدت بالخط ودموعي تجري البنات يباوعلي درت وجهي للجامه اداري دموعي عنهن
منين طلعلي هذا ?
ماصدگت ارجع الحياتي الطبيعيه
ماادري ليش الله يخلي بطريقي اشباه راهب
طول الطريق دمعتي مانشفت
ماصدگت اوصل للبيت صعدت بوجهي الغرفتي
اتذكرت كلامه صرت افوررر مقهورة اتمنيت بعد احجي حتئ اوگفه عند حدة امددداني غببيه
همام.. طول عمري واني بعيد كل البعد عن جنس حوا
مايوم دگ گلبي الوحدة
اتخبل من صوت المرة العالي واتعقد من الخفيفه
لوشتسوي ماراح تتغير نظرتي عنها
السبب جان ام صديقي الله يرحمه
كنت صف اول متوسط وكان عندي ولد صاحبي وصديقي اسمه حسن
جبناها من الابتدائيه للمتوسطه سوة طلعاتنه جياتنه كلها اني وحسن
امه كلش حلوة بس استغفر الله مااريد اشيل ذنبها
المهم حسن عندة اخت اكبر منه اسمها ميس
مخطوبه الجيرانه وقارين فاتحتها وعلئ اساس اسبوعين وتتزوج ميس
ابو حسن رجال فقير علئ گد حاله ومرته تتململ من العيشه وتتشكه وضايجه من فقر رجلها
بيوم وليله طگ فش انهزمت ام حسن
واخذت ذهب بتها كله المفروض هذا ذهب العرس مال ميس
امها اخذته وانهزمت
السالفه ماتنظم بسرعه طشت وخاصتا احنه ريف اتضل السالفه تنتقل بين واحد اواحد
اگلك ولاتگول تالي اتصبح العشيرة كلها تدري
انهزمت الأم وعافت اولادها
ادمرو وراها بنتها اطلگت قبل عرسها بسبب سمعة امها وابوها دفع كل افلوس الذهب للناس الجانو مفروض يكونون عيال بنته
اما حسن ياحسن انكسر كسرة كلش جبيرة
الدرجة صار العار يلاحگه وين ميروح
لان كلها عرفت امه انهزمت ويه واحد
وبيوم رحت للمدرسه صادف وكت امتحانات
حسن راح وياي بس يلوب خايف واحد يسمعه احجاية وفعلا الناس ماترحم
طلع من الامتحان قبلي
كملت وطلعت بعد كم دقيقه
لگيت الطلاب متجمهرة يمه هذا اليعيرة
وذاك اليگله لگيتو امك ?
عافهم وطلع يركض واني بقيت اتعارك
تالي طلعت اركض وراه اخذ بايسكله
صعد
براس الشارع شفت تريله حمل جايه علينه
حسن بدون تردد التفتلي ابتسم والدمعه بعينه
انطلق بالدراجه كل ضني راح يرجع للبيت
بس خابت كل ضنوني من شفته شمر روحه جوة التريله
لحظات عمري ماانساها ولابيوم راح انسئ ابتسامته ودمعته
طفل جان بوكتها بس انهزم من العار ومن كلام الناس الماترحم
امه بعد فترة اطلگت غيابي
بس بفعلتها دمرة اطفالها الي حتئ ماحضرت فاتحتهم فاتحة بتها الي شنقت روحها
وابنها الي فضل الموت بسببها وبالنهاية هي تتحمل ذنبهم
اعتبرها فاسقه
ولاغيبه للفاسقين لان المثلها جرثومه اعتبرها بالمجتمع
من يومها كرهت كل شي اسمه مرة مااحب غير امي
تركت الجامعه لاسباب بعدين تعرفوها
من داومت شفت بنية ولاول مرة تلفت نظري بنت
متأنقه الابعد الاحدود بس كانه بناية متهالكه مترمم فقط الواجها مالتها
وكان هلشي باين عليها من ملامحها الذابله
بدون قصد انطخيت بيها لوابتليت علئ عمري اكلتني وشربتني
گوة كتمت ضحكتي عنها
من يومها مااعرف شنو صار بس الاعرفه عيوني صارت تراقبها وين متروح
لگيت روحي اجمع معلومات عنها الدرجة بفترة قصيرة عرفت كلشي يخصها
اتفتاجئت من عرفت بيها مطلگه بداخلي گلت الطلگها وحدة من الاثنين
لوغبي لوغبي عندة هيج جمال وكتله مال برائه تمشي ع الارض ويطلگها ?
من شفتها بهيج لبس دين ماضل براسي
عگلي طار وغصب عني لگيت روحي اتخطئ واتجاوز كل حدودي وياها
مااريد واحد يمسها بحجايه
اتعجب علئ روحي ماصار شهر من شفتها
وصار شغلي الشاغل هي
عيوني تفتر وراها
اتعمدت اجرحها بالحجي حتئ ماتجيها احجاية من ناس تباوع علئ عيوب غيرها وناسيه عيوبها
احجي وباوع بعينها العبرة خانگتها وتكابر
اللحظه اتندمت لان ادخلت بشي مايخصني
بس بعدها انطي الروحي الف عذر
لارا
ثاني يوم ماداومت مالي خلگ اتصلت بيه بسمه بليل گتلها تعبانه وراسي يوجعني
فاجئتني من گالت الاسمه همام سائل عني
بگلبي گلت هم اله عين يسأل ?
مدخل روحه بشي مايخصه
سديته منها اجاني طلب صداقه ع الفيس
شفته انصدمت
منين عرف حسابي?
بسمممه بسيطه اكيد هي ماكو احد غيرها
شفته دز رساله كاتب
همام،،اجيت وجايب وياي مشيه حتئ نرضيج
واني ادري بنت الاصول ماترد ناس اجت اتمشي عليها
قريتها ماجاوبت
همام،احجيلج كلمه حتئ اعرف راسي من رجليه واگلج السبب الخلاني اتصرف وياج هلتصرف وليش انتي بالذات
لارا،،بالبدايه اتراجعت بس بعدها الفضول كتلني كل ضني سامع عني كلمه موزينه بالكليه وكلامه وياي بخصوص لبسي نصيحه لااكثر حتئ مااثبت احجاية موزينه انحجت عني گدام الطلاب
كتبتله اتفضل
همام،،معدله والله
لارا،،شكرا بس ممكن اعرف السبب الخلاك تدخل علئ حسابي ومنين جبته ?
همام،،اولا السبب مووكته مااگدر احجيلج هسه
ومنين جبت حسابج?
دخلت علئ حساب عصام وبعدها علئ حساب خطيبته عرفتها لان مسميته حبيبة عصام ههه
من دخلت علئ اصدقائها اكتشفت محيطها موواسع
ماعدها غير عصام واثنين بنات بالاصدقاء
دخلت علئ وحدة ناشرة صوورتها عرفتها موانتي
والحساب الثاني عرفتج لان اكو صورة الج ناشرة بيها عيونج
لارا،،فعلا اكو صورة الي ماخذتها گصيت بس عيوني ونشرتهن بس مااعرف ليش ماصدگت كلامه بخصوص الحساب
گتله ممكن اعرف حضرتك شتريد مني بالضبط ?
همام،،اعتذر علئ كلامي
لارا،،واعتذارك مرفوض
همام،،لان نصحتج اعتذاري مرفوض?
لارا،،اكو اسلوب احسن تگدر اتوصل بي نصيحتك بدون تجريح وانته حتئ ماتعرفني
همام،،اسمج لارا جلال ياسر
متزوجه من ابن عمج مااستمر زواجكم غير 7اشهر واطلگتو هم صارلكم 8اشهر تقريبا لاسباب كلها اعرفها ومااعتقد اكو شي يخصج مااعرفه
لارا،،بقيت جامدة مصدومه منين يعرفني
بدون وعي كتله دازك راهب?
همام،،طليقج?
لارا،،اي طليقي جاوب علئ سؤالي
همام،،لابالله العظيم لادازني راهب ولاغير راهب
ومواني الانزل الهيج مستوة
يمكن انتي ماتعرفيني راح اگلج منو اني
اسمي همام علي من اهل العمارة ابوي شيخ عشيرة ....معروفين والنه سمعتنه وصيتنه
اني الجبير بين اخوتي تركت اخر سنتين بالكليه الاسباب مااريد اذكرها
تركت اربع سنوات ورجعت
لارا،،استاذ همام كل التگوله مايهمني
لان جنت اكو ابالي شي عبالي هو السبب الخلاك تتجاوز حدودك وياي
قاطع كلامي
همام،،يعني اذا انصحج اكون متجاوز حدودي?
ترة انتي فاهمتني غلط اني جاي انتقدج المصلحتج
اسمعيني زين خل اگلج كم حجاية خليهن ترجيه بااذنج دائما
المرة المطلقه وخاصتا عدنه احنه العراقين بعض اصحاب النفوس الضعيفه يعتبرها عليها علامه استفهمام
وراح احجيها الج بالعاميه بنظرة اذا مرة مطلگه معناها يحاول يستغلها علئ ابو لو زينه مااطلگت
اني تربتاة مضايف ودواوين واعرف الوادم كلش زين اعرف بنادم وادرسه بدون مايفتح حلگة
اعرف الزين من الشين واعرف صاحب الوجه من الوجهين لذالك نصحتج لان من يشوفون لبسج راح تثبتين الكلام علئ روحج
هسه يگولون شوف لبسها اليجذب النظر مية بالمية هي متقصدة تلبس هيج
من حجيت وياج بهذا الاسلوب اتعمدت لان ردتج تعيدين النظر باانتقاء ملابسج وانتي ابين ناس تحب القال والقيل
لارا،،اشكرك استاذ همام علئ نصيحتك
وهسه اعذرني تصبح علئ خير
بدون ولاكلمه دزلي لايك
تركته وطلعت من المحادثه
صح اني بالفترة الاخير لبسي ضيگ
مااعرف شجاي يصير وياي
شنو الاريدة بالضبط ماجاي اعرف
ثاني يوم داومت لبست تنورة سودة طويله موكلش ضيكه بيها عرض شويه
وقميص وردي فوگي جاكيت اسود
بعد ماانتهت اول محاضرة طلعت صار گدامي باوعلي ابتسم دنگت
رفع ايدة سوالي. حركة بمعنى جيد
اني موغيرت لبسي لان يهمني رأيي همام
لابس حسيت كلامه صحيح اكو شي بيه غلط لازم اصححه
محتاجه احد يگلي اكعدي يابه ذني اغلاطج وحدة اثنين اتلاثه حطيتهن كدامج وخليتج علئ بداية الطريق وانتي كملي الباقي
بس ماردت هذا الشخص يكون رجال وخاصتا همام لان من البداية خلصناها عرك ومشاكل ومخازر
ردت ساندرا بس منين اجيبها ?
راحت بعد
بليل ردت انام اجتني رساله
خلت گلبي يرتعد ارتبكت وجسمي رجف بمجرد ماشفت اسم صاحب الرساله
راهب،،انشاءالله اتكونين مرتاحه بدوني?
لارا،،جاوبته اكثر مما تتصور
راهب،،متاكدة?
لارا،،جريت نفس طالع من روحي ردت اثبتله صار من الماضي وانو ماعدت لارا الضعيفه صرت ادعي القوة
گتله متاكدة الدرجة شطبتك من حياتي وماعاد الك وجود
راهب،،اسمي منقوش بداخلج مستحيل تكدرين تمسحين اثرة
لارا،،انجمعت الدموع بعيني بس ماسمحتلهن ينزلن
دزيتله
گلبي كله شلعته وشمرته لان اسمك بي
عايشه بدون گلب والفضل الك
راهب،،مريض بدونج
لارا،سكتت
راهب،،الله شاهد حتئ نوم مانايم احسد الينام بليل
فراكج هد حيلي لارا ماعدت راهب القديم
اني ميت علئ قيد الحياة
لارا،،بس اني اقوئ منك الدرجة گدرت اوكف علئ رجليه من جديد بعد طعنتك الاخيرة
تركتك وصرت ماضي وراي اتجاوزته بعد مااخذ من عمري وصحتي
راهب،،بس كلمة وحدة منج تريحني كلمه كفيله تردلي روحي الميته بدونج
بس گولي اريدك والله مستعد اسوي اشيائ ماتخطر علئ بالج
لارا،،ابتسمت بااستهزاء كتبتله ماسويتهن قبل من جنت يمك?
راهب،،جنت اعمئ وهسه فتحت وتندمت
لارا، ،مايفيد الندم بعد لان طلعتك من گلبي وحياتي
رجاءاً انساني وخليني اكمل حياتي بدونك وبدون مااشوفك لواسمع صوتك يكفي الخسرته بسببك
راهب،،بعدج تحبيني لتنكرين
لارا،،ردت يكطع الامل گتله رب الخلقك خلق غيرك الدنيه ماادور حول راهب وبس
راهب،،هيج صار الحجي?
اسمعينيي زييين خااف عبالج رجعتتي حرة ورجعتي للدوام خلي احجيلج هلكلام من الاخير
مال اعوفج الغيري عندج اكتلج واكتل روحي ارحم بهواي دائما خلي هلشي ابالج
قسما بمحمد وبالكائنات مجرد تفكرين بواحد ثااااني
احررررگج ومايرفلي جفن فااااهمه
يتتبع، ،،قرائه ممتعه
وهذا الفيديو من متابعه دزته اهداء ال لارا