عشك ضابط(قضية شرف )

part 12

Part 12

دارين . سحبته من ايده طلعنه للحديقه واشوف بعيونه انكسار وحزن

بسام . ما متخيل هلكد تكرهيني وتبغضني معقوله هلكد تكرهني

دارين . انت الي تسوي بيها مو قليل

بسام . ليش ما تصدكون د اكلكم علمودها لمصلحتها واليوم من اخذتج وغصباً عليهم ضيعتها راح يلعبون بيها لعب والله اعلم شراح يسون حسو بيه حسو بألمي ولو شويه اني اضربها واهينها بس بكلبي احبها الله شاهد احبها واليوم علمودج خطيت خطوه ضيعت بيها اختي الله اعلم شد يفكرون يسون بيها حته يكسروني ليش اكلج ديري بالج عليه لان بكل دقيقه اكول راح يسون بيها شي

كعدت وحطيت ايدي عله راسي

دارين . كعدت مقابيله ولزمت وجه بيدي كتله . سولفلي كلشي كلي ليش تسوي هيج وشيريد جدي يسوي بريلام

بسام . قبل سنوات من صارت حادثت امي وابوي توفوا اني جان عمري ١٥ سنه يعني جنت افتهم جدي اصر اصرار عجيب انو ياخذنه من اهل امي مارضه نبقه عدهم اخذنه و وصلنه بليل لهنا للبيت هذا جانت ريلام جبيره يمكن عمرها ١٠ سنوات انتي صغيره

لزمني جدي لحد الان اتذكر نضراته شلون على ريلام وكلي

اذا ما تمشي بالأحجي اسوي العجايب بأختك كبالك اخذ شرفها وهيه حلوه وجسمها حلو يعني اتونس بيها

يعني اي شخص بمكاني راح يخاف عله اخته واحنه جنه غربه بنص ذيابه ما اكدر اسوي شي ولحد الان كلامه يرن بأذني و نضراته بكل حلم تمر عليه واتخيل اذا اكسر كلامه شلون ياخذ اختي ف غصباً عليه اسوي الي يريده واتحمل بس بعد هاي السنين انتي صرتي بروحي واليوم اخذتج غصبا عليه ف اريد تساعديني

دارين . بكل كلمه كالها يكزبر جسمي شعري وكف ما جنت اتخيل مدى الوصاخه الي جدي بيها والي ما اتشرف بيه يكون جدي معقوله يطلع منه كل هذا . ليش كل هذا يسوي بيكم

بسام . بسبب ابوي اخذ امي عن حب وجدي ما موافق عليها بس ابوي كاسر كلامه و ما خذها وعايش بغداد تخيلي شكد يكره ابنه و كرها تمدد  لجهال ابنه وكل الي كاله انوا املاك ابوي حجزتها الدوله جذب كل المستندات عنده ضامهن

دارين . ضليت فاكه حلكي شنو من بشر هذا من يا طينه مصنوعه . حضنته اني وياك بكل خطوه تمشي بيها شلون راح نحمي ريلام منهم

بسام . هسه ما اعرف شنو راح يسون

دارين. الله يستر منهم

بسام . حظري نفسج باجر نروح نعقد محكمه و سيد وكطع مهر
دارين . ليش هيج مستعجل خلي ننتظر

حضنتها ما اكدر عله الأقل نسوي هذني حته امن عليج اوكي حياتي

دارين. الي يريحك

بسام . ما اريد الي حجيناه يوصل لريلام الى نشوف شراح يسون ذاك الوكت اني اكلج شنو نسوي
دارين . تمام يله اروح انام

بسام . جريتها لحضني اوووف يا عطرج الي ما اشبع منه

دارين. كافي ولك خلي اروح

رحت للغرفه لكيتها نايمه خطيه

صار ثاني حظرت روحي حيل فرحانه لبست لبس بسيط بدله طويله حلوه لونها ماروني ومكياج بسيط و عزمنه كم مره من منطقتنه اجن جان عقد سيد وبعدها نروح نعقد محكمه جانت ريلام طالعه تخبل رغم بساطة اللبس الي لابسته بس كل نسوان صافنه عليهة جانت فرحتها مصطنعه ادري بيها تمثل حته لا تكسر فرحتي المهم كالو خلي تلبس شال اجه سيد لبست شال دخل سيد جنه بغرفه جبيره كاعدين و بسام واكف وره الباب

ويه كل كلمه السيد يكولها كلبي يدك الف خلص العقد عله خير وطلعو النسوان ضلينه احنه كاعدين اني وبسام

بسام . واخيراً صرتي حلالي

دارين. مدنكه وصايره طماطه جان يرفع راسي

بسام . اوف عله عيونج السود ما طيح حظي غيرهن

دارين .تقرب عليه واحس بلمسات شفته برقه الي تبوس خدي ونوب انتقل من خدي لشفتي جنت نار صايره دفعته بهدوء جان يكول

بسام . يله نوفر ليلة العرس اله افترسج

دارين . عفيه استحي

بسام . لا ماكو تستحين اريدج سباعيه يله اني طالع

دارين. جان يبوسني بقوه من ركبتي . عزززه ولك هسه شلون اضمها هاي

بسام . اذا اضل هنا هسه ما تحمل بعد

دارين. طلع ودخلن النسوان يكفلن ويصيحن شايف خير و مستاهلها واني ميته خجل صار العصر رحنه للمحكمه نسوي العقد توسلت بريلام ما رضت تجي رحنه سوينه العقد ورجعنه وسوينه تحاليل دم رجعنه جانت ريلام واكفه و بأيدها سله جان طش علينه ورد

ريلام . الله يتمم عليكم وتعيشون بفرح ان شالله

دارين. تححي وتباوع عليه ما تباوع بوجه اخوها جرتنه من ايدنا للحديقه وكفنه جان طلع علبه بيها ثنين زناجيل وحده بيها حرف اسمي بوسط نص قلب وثانيه بيها حرف اسم بسام وهم بنص قلب ذهب

ريلام . هذني يمثلن حبكم اذا تحدو الكَلبين يصيرون واحد وها هاي وصيت عمو سلام جابها من رحتوا للمحكمه وان شالله يتمم عليكم بخير درت وجهي اروح

دارين . جريتها حضنتها وبستها الله يخليج الي يا احله اخت بدنيه

ريلام . تره اكره الدموع والدراميات

دارين . جلبه بايكه جملتي

ريلام . وخرت من حضنها باوعت بسام فاتح ايده يريد يحضني

..... يتبع

دارين

ريلام

بسام