عشك ضابط(قضية شرف )

part 13

Part 13

فتح ايده يريد يحضني عفته و مشيت

دارين . لزمت ايده . لا تزعل هيه ما تدري بشي

بسام . عاذرها اني وراح يجي اليوم الي تعذرني بيه اليوم راح أتفق ويه ابوج هاي الجمعه نسوي زفه

دارين . الي يريحك

بسام . باجر نطلع نختار الغرفه الصبح صار حبيبتي

دارين. صار حبي . باسني بخدي وراح خلال الايام الي قبل العقد مالتي صدام عدنه و صاير مثل خيال جدي كلبي ناغزني منهم رحت كعدت يم ريلام

ريلام . جنت بالمطبخ اجه العله صدام كعد

صدام . يله سويلي جاي

ريلام . يحجي بنتره ويتأمر تغاضيت عنه سويت جاي انطيته اله

صدام . شبيج خرسه ما تعرفين دكولين تفضل

ريلام . من تصير محترم ذاك الوكت احترمك وما اعتقد بيوم تصير محترم لان الإحترام بجفه و انته بجفه خليته يطلع دخان عفته ورحت للغرفه اجت دارين كعدت يمي

دارين . ها حب شبيج ضايجه قبل شوبه جنتي شمحلاج

ريلام. تعبانه شويهة اريد ارتاح

دارين . براحتج اخذت ملابس رحت للحمام سبحت وبدلت حطيت حجاب عله راسي و نزلت للمطبخ اكل شي جوعانه والغضب كاعد عيونه عله الرايح وراد

وكفت اطلع شي من الثلاجه اكله

صدام . الى الان مصممه عله بسام

دارين . واذا رجع الزمن اختاره مره ثانيه

صدام . عله شنو كاتله روحج عليه شنو بيه ينحب اشو خشمه يابس و مهتلف

دارين . باوعت عليه وكتله . كافي اشوف بيه رجوله ما شفته بيك عفته وطلعت ضل هو يريد يركع راسه بالحايط

صار ثاني يوم كعدت حظرت نفسي توسلت بريلام بس مدلغمه ما ترضه تجي جان بهذا اليوم بس جدي و ليالي وصدام كلبي نغزني منهم مجتمعين بالبيت عدهم شي شياطين

طلعنه وابوي جان ما موجود بس شفته الصبح وجانت بعيونه الفرحه الي جان عنده شغل بره المحافظة رحنه نختار الغرفه ضلينه تقريب ٣ ساعات نختار الغرفه اخذنه موعد من ابو المعرض شوكت تجي الغرفه بعد يومين

توصل انطيناه العنوان ورجعنه للبيت وصلنه يم الباب نسمع صراخ ريلام وضرب وهيه تصرخ صوتها واصل للستار نزل بسام يركض

واني وراه دخلنه لكينه جدي يضرب بريلام وريلام بالكاع وملابسها مشككه وصدام واكف وليالي ركضت حضنتها

ريلام . جنت بالمطبخ دارين و بسام طلعو يختارون غرفتهم واني بالمطبخ اغسل مواعين تقريب بعد مرورساعه جنت كاعده بالصاله وليالي بالمطبخ طلعت

ليالي. اكلج دهن ماكو صعدي جيبيلي فدوه اريد اسوي اكل

ريلام . استغربت تحجي فدوه ودك ناعم . ليش قبل شويه جنت بالمطبخ اكو دهن

ليالي . خلص فدوه بسرعه راح يحترك الاكل

ريلام . كمت اتأف اف صعدت للمخزن المخزن بالطابق الثاني بنهايت الممر دخلت للمخزن شويه اضلم د ادور عله الدهن انفتح باب المخزن دخل صدام وعيونه تباوعلي من فوك ليجوه حيل خفت من نضراته اتصنعت القوه ومادرت بال اخذت الدهن د اطلع جرني من ايدي وذبني بالكاع ضل يتقرب واني ارجع ليوره

صدام . مو اني طب مره بنص ديوان تهيني واسكت واليوم اكسر عينج واشوفج شلون بعد ترفعين راسج بين الوادم اله اخليج تتمنين الموت بكل لحظه تمرين بيها و تتذكرين هذا اليوم

ريلام . جات عليه لزم ايدي لفوك واني اقاوم وادفع بيه ضربني راشدي كلش قوي دخت بس ضليت اقاوم شك ثوبي من رجلي ومن يم صدري كمت اصيح حط ايده علهةحلكي وحاول يستفرد بيه ادفعه ما اكدر ذاب حيله عليه همس بأذني

صدام . واريد اشوف اخوج شلون يرفع راسه من يشوفني خلي يتهنا بيها واني اليوم اتهنا بيج

ريلام . ندفع الباب ودخل جدي شافه كمت اتاحمه بجدي . جدي فدوه وخره عني شوف شسوه بيه باوعلي بنضره عمري ما انساها وكال

مستحيل اخلي الامر يصير مرتين مو امج تلزك روحها بأبني وتاخذه مني وهسه ورثتي منها المكح..... واليوم انتي تلزكين روحج بأبن ابني  اكتلج واخلص من عارج

ريلام . بذاك الوقت حسيتهم ذيابه و ينهشون بلحمي جرني من شعري نزل للطابق الاول وضل يضرب بيه بالحزام متفقين عليه ثلاثتهم

الجد . موتي لج عااار موتي ساقطه

ريلام . ولله ما سويت شي هو دخل عليه بعدني ما مكمله و صدام هم طاحلي دفر بطني حسيت روحي تطلع ويه كل ضربه ما اكدر اتحرك اصرخ من الالم ماعرف شكد مر الوقت وهمه يضربون بيه ما حسيت غير دارين حاضنتني وتشهك

يتبع ....