منقذي ذو النجوم
الكاتبه غدير العزاوي
..
بلدوام وراسي مصدع من الرساله الي اجتني قبل لاانزل من الواجب ماانطيته اهميه كولش ....
اتصلت عليه ريم حجينه شويه كالت بيك شي كتلها لا بس تعبان شويه سديت الخط منها ....
صار اليوم الي اتزل بي للبيت ووراها ب اربعة ايام عرسنه ....اجه الوقت الي يجيبون الغرفه لانه مالحكت انصبها قبل لااطلع كلت من انزل بس حجزتها يمهم....
البيت هوسه من الاقارب عماتي وعمامي واهل امي وهواي اقارب جاين من بغداد ...
فوين ماادوس رجلي يطلعلي جاهل ..الكل جاين بسيارات جبيره يعني جماعي ....
سوينه الغرفه ونصبوها وراحو حجيت ويه ملاك عود يروحون همه يجيبون اغراض ريم بس يووصها قبل يوم تحظر اغراضها ..لانه ادري ماعدها احد يجيب كلهم طايحين حظ اختها الي من لحمها ودمها هيج تحجي وهيج تسوي...
نضفو الغرفه وفرشوها كالتلي ريم ادزلها صوره شلون صارت ماقبلت كلت تجين وتشوفيها مفاجأ احله لانه صابغتها هم ....
قبل يومين من العرس جنت طالع اجيب القاط الي وصينه عليها وحجزنا بلمحل ...جان سامر ومحمد وياي ...
اخذنا وطلعنا جنت كايل لريم انه اني طالع وصلتلي رساله عبالي ريم اني افتح نت ع خط همينه...اخذتها وشفت رساله من رقم مجهول ....فرحان مووو قاطك هم حلو بس ان شاء الله نشوفك بي مدماي ....
ماتفاجأت هواي لانه تجيني هيج رسائل بس هم اخذ احتياطاتي لانه هذا اليوم مايتعوض ومااريد يصير مشاكل....
رجعنه اتعشيت وكعدنه لحد ساعه ١١ نسولف ع العرس وكل وحده تحجي شكل ...القاعه حاجزيها قبل اسبوع ...وشهر عسل لتركيا ...كل هاي العطله اخذتها بس دافع ثمنها يعني مداوم اكثر من واجبي حتى يكدرون ينطوني اجازه طويله...
صعدت لغرفتي اتصلت ع ريم دانحجي وحجتلي عن مسلسل دتابعه انه بس تهديد وهيج شي وتحجي متفاجأه وبااندهاش شلون يسون هيج شي واني لزك لساني وكلت عادي هذا شغلي وقبل شويه هم هددوني هيه هيج سمعت لو الدنيا انكلبت ليش ومنو وسؤال وره سؤال ....كتلها ششش ماكو شي وداعتج عندي مزعطه يحجون ويروحون ....كالتلي الكلام الي خلاني اعيد كل حساباتي ..
-تدري بيه اني ماعندي احد بلدنيا لااب ولاام ولااخو ولااخت يعني بااختصار ماعندي سند استند علي اني عايشه حياتي هيج ماعندي لاطموح ولامستقبل واضح يعني تدري شنو اذا انت رحت مني شيصير بيه فكرت بيوم بهذا الشي لو لا فكرت وكلت انه اكو روح معلكه ويه روحك وكلب ينبض ويه نبضات كلبك ..ها احجي شو سكتت كلي فكرررت لووووو لاااا....
طمنتها وهديتها واحنه نحجي عرفت بيها نامت مرات تنام واحنه نحجي ...سديت الخط وصرت افكر بيني وبين نفسي يعني هسه ماكو بعد نذب روحنه للموت عندي اشخاص يموتون اذا بس طاري وحجي اجه ع مسامعهم ....
ثاني يوم كمت اتصلت ع محمد وكتله اجتني رساله تهديد ثانيه وكتله امنلي حمايه سيارتين ع الاقل وفهمته ع كولشي وشنسوي اذا واجهتنه هيج شي ...كالي انطيني الرقم كتله اصلا اتأكدت حاذف كولشي وكاسر السيم كارت ....مثل ماوصيتك خويه كال غالي والطلب رخيص افااا اني موجود ويصيرلك شي جثتني تطلع قبلك .....
اجه اليوم الي جنت انتضره ثانيه بثانيه وجان حلم حياتي شفتها ببدله العرس اي هاي عروستك ياحسام واكف كدامها مامصدك اصلا اخذتها من ايدها وطلعت وكأني مالك الدنيا والبيها ريم صارت بااسمي علني كدام كل العالم ....
بلاستديو من دانلتقط صور حسيتها متوتره اخذتها ع صفحه وكالتلي متوتره وخايفه كتلها ماكو شي وهديتها واصلا ماخذ احتياطاتي اني...
طلعنا بلسياره سيارتي اول شي تمشي وسيارتين وحده ع يميني ووحده ع يساري والسيارات الباقيه كلها ورانه بس بلمقدمه طبعا سامر ومهدي ومحمد وعامر ....
واحنه دانمشي داراقب اذا سياره غريبه تدخل بيناتنه لانه اكثر السيارت اعرفهم وعرف ....
درت وجهي لريم بعدين رفعت عيني ع مرايه ومااشوف الا سياره داتمشي سريع وتتجاوز الكل اتصلت ع محمد ودليته ع سياره بسرعه وشخطت السياره ووكفتها اريد انزل لزمتني ريم....
-عليك الله لاتنزل بداعتي لاتنزل وصارت تتوسل والدموع بعينها لانه شالت الي لافي بي ...واني احجي وياها ومااحس الا صار يرمون ...دنكت ودنكت ريم ويايه باايدي اتصل عليه محمد كال امشي اطلع ذوله جماعتنه احنه الي ضربنا حتى نتيه دار سيارته وشخطها ....كتله تمام ماشي هاهيه...
شفت ريم ترجف ومغمضه اذنها وترجف كومتها من تحت الكشن وهديتها شويه شويه لانه ادري بيها عقده نفسيه من صوت المسدس....
مشيت بلسياره واتصلت ع عامر كتله لاتخلي احد يرمي بعد...كال ان شاء الله...
وصلنه للقاعه لفيتها عدل اجني يركضن ملاك وفاطمه نزلنها غمزت الهن يهدنها ....ملاك اشرتلي اطمأن ...
دخلو من الباب الخلفي والمعازيم نصهم جانو بلقاعه وويا سيارة الزفه ويانه هم جان اكو...
اجتمعو يمي عامر وسامر ومحمد وسألو كتلهم بعدين مو وكتها نحجي هسه عامر كالي يصير خير يصير خير اعرف بهاي النبره مالته كولش زين كل احنه نعرفه حتى محمد ...
هو مشه اجاني مهدي كال ولك اليوم شيخلصك من عامر يول ....
.............................
عدلولي مكياجي وهدأني وماكو شي ومن هاي السوالف بس هيهات اهده...طلعلوني من غرفة التبديل وبدت الاغاني والهلاهل كعدوني واني احس راسي شويه وينفجر جابو اكل كتلهم مااشتهي اني المعازيم اكلو كلهم اتقربت يمي ملاك كالت تدرين ذيج منو اشرتلي ع وحده كتلها لا والله كالت ياويل حسام اذا عرف انه جايه للعرس يكلبها فوك راسها ....كالتلي اسمها وكالت اسألي حسام...
بقت ببالي السالفه شويه وشفتها تتقدم عليه جانت مرت محمد واكفه يمي كالت خير ان شاء الله ماادري شبيهم ....
سلمت عليه بكل غرور وشموخ وتكبر ماادري ع شنو متكبره كالت والله وعارف يختار الاستاذ حسام مره ثانيه ....اجتي زمن بسرعه واخوات حسام الباقين الاثنين وخروها من يمي بحجة يردون يحجون ويايه اريد يفهموني منو هاي وشكو محد دايحجي كالتلي ملاك مره ثانيه اسألي حسام لانه محد عنده جرأه يحجي بهذا الموضوع حسام محذرنه ...كلت ان شاء الله نشوف استاذ حسام بله....
كالو راح يدخل العريس ...اتستروا لبسن احجبتهم وبعضهم عبي بس بقن اخوات حسام مالبسن شي ............ام حسام الي مالها حس من بداية الحفله كامت وتهوس وتركص وتهلهل ...
سون كلشي بخاطرهم واني اشوفهم واكول بنفسي اذا ماما هسه جانت ويايه اكيد جانت تفرح هيج لو لا تبجي يمكن اذكر من بجت ع رزان ....
-يمه ليش تبجين يعني عادي هيه قابل وين رايحه شوكت مانريد نشوفها نكدر نشوفها ..
-ريم حبيبتي هذا كلب الام وان كان بس يجيبون طاري فراك بناتهم هيج يسون ان شاء الله اشوف عرسج هم..
-بس مااريدج تبجين بعرسي اوك...انطيني وعد من هسه ...
-اني اوعدج ياامي بس اكو اشياء خارج سيطرة الانسان المهم ان شاء الله اذا ضلينه عايشين...
فزيت من صفنتي ع ايد ملاك كومتني توكفني حسام باس راسي وكعدنه واني الدمعه صارت بطرف عيني بس اضحك مااريد ابين مااريد اخرب فرحهم....
حسام لزم ايدي ودار وجهي علي شفته صافن عليه مد ايده يم عيوني وطفرت الدمعه لزمها وكال ماكو من اليوم ورايح دمعه بعد ماطول اني موجود...
المعازيم صارو يضحكون ع حركته شويه وكومونه نركص وصاروا اخواته داير مدايره وامه هم بس فاطمه وملاك لا بعتبار حرام مايصير واصلا بلكوه مطلعين وجهم لانه مكياج اول مااجو جان خفيف بعدين طوخوا....
فضت الهوسه وخلص العرس صار لازم يزفونه لغرفتنه اني بديت اخاف اجتي يمي ملاك كالت تعرفين شي اكيد كولشي ماره بتجربه سابقه ...ماكدرت احجي شي عافتني وطلعت سمعت صوت هوسات اخوان حسام يزفو ...
بده كلبي يدك سريع وكأنه طفله تايهه واجه ساعة موتها ماادري ليش وشبيه عركت وصرت اصب عرك....
دخل حسام اول مادخل اجه عليه وكومني ...
- شبيج ليش هيج ترجفين اكعدي اكعدي ماكو شي ...
هدأني شويه شويه .....(طبعا حبايبي اني طردوني من هاي الطرده الزينه انتوا هم طردوكم مو..😒)
اي صرت ملك حسام هسه اني مرته قولا وفعلا حاليا مامصدكه نفسي الصبح كمنه من وكت دخلت سبحت اني اول شي وطلعت لبست صايه بيضه وبيها شغل ذهبي داامشط شعري سحب حسام المشط من ايدي وصار يمشطلي....باسني من راسي ودخل يسبح ...
اني كملت كولشي وخليت مكياح بسيط بمعنى الكلمه مااحب اني اخلي ابداا....
طلع هو هم لبس نزلنه جوه وشتغلت الهلاهل ...خو مهدي هلهولته احسن من مالتنه ماادري شلون متعلمها صفكه براجدي سامر ع ركبته وكال فشلتنه ولك انت لازم تفتح مدرسه لتعليم الهلهوله كال غير فرحان يعني ماافرح لعد دنتظروا بس اتزوج الا اهلهل بعد اكثر من هيج .....
دفعتهم بيبي وتقدمت يمنه وكالت لحسام هلا بلسبع والبطل وبوستني همينه وانطت باايدي فلوس اشرلي حسام اخذه ...حسستني حسام رايح بمعركه ورجع منتصر......وام حسام هم باركت الله هاديها ...والبنات هم ...
كعدنه نتريك كولنه جانو همه هم مامتريكين خلصنه ردت اكوم اساعد لزم ايدي حسام وكعدني يمه كال ماكو كومه من يمي بعد ...
صار وقت الغده ودخلو الشباب وحتى حسام جان اكو خطار جاين يباركون.... جانت فاطمه كاعده يمي نحجي شويه اتذكرت سالفة البارحه والبنيه وناسيه اسأله اصلا ....
الموبايل جان يمي فتحته ودزيت رساله واني احجي ويه فاطمه شنو سالفة البنيه وذكرت اسمها غدير...
شويه وشفت كلهم رفعو راسهم وضلو يباوعون عليه كلت يا شبيهم هذوله معقوله بيه شي ...كرصتني فاطمه ولج وين دازه كلت شنو كالت اتأكدي من الرساله الي دازتها باوعت ع موبايلي شفت دازتها ع كروب يالله شلون غباء ....
حسام دزلي خاص اطلع للغرفه طلعي وراي ...وبلكروب اني بسرعه حذفت الرساله بس شافوها يحظي مهدي دز عادي عادي اصلا ماشفنه شي ...
طلع حسام وطلعت ورا شفته متوخصر وواكف كلي اي ست ريم منيه غدير كتله ها اني اجيت اسألك بس بلغلط دزيته للكروب ...
كال اي ومنيه هاي غدير ...كتله لاتجاوبني بسؤال حسام كال وداعتج اكولج السالفه بعدين هسه يصيحولنه ع غده اصلا هيه سالفه قديمه كولش ماادري ليش ذكروها اصلا ...كتله هاهيه يصير خير ...كلي ولج لاتكولين هاي الكلمه اني ماخلصت من عامر واليوم هم راح اكل خير من ورا بعده ماحاجي وياي ع سالفة البارحه ...
كتله تمام باسني بخدودي ثنيناتهن كتله شوكت تبطل هاي العاده كال ممم ماادري ومراح ابطلها شنو ماعاجبج ست ريم تردين شي ثاني ...كتله لا لا تسلم ماتقصر اصلا.....
نزلنه ع غده تغدينه طلعو اخوات حسام الي بغداد كالو هاهيه بعد تدرون احنه عدنه اشغال مانكدر نضل اكثر باركولي وانطوني هديه واجه ازواجهم وطلعو الشباب هم وياهم للباب ضلينه بس احنه...
كعدت يم بيبي وضلت تحجيلي حجي ينعس يعني من صدوك هيه سوالفها كولش حلوه بس تخليك تنعس صرت اتثاوب يمها كالت يا شمالج خايبه نعسانه ..كتلها لالا بيبي كملي ...
وهيه تحجي سمعنه اصوات عاليه جايه من بره وصارت اعلى واعلى بعد...
يتبع..