منقذي ذو النجوم
الكاتبة غدير العزاوي
..
ومااحس اله هجمت عليه وتكول حقيره جلبه كولي وين احمد ويه منو متفقه حتى ياخذو يااكح......
كتلها اشبيج هجمتي عليه واني شدخلني باابنج يعني فوك ماهو جايني ومهجم عليه ومتفقين هو واختي المصونه....
كالت شنو شدخلج هسه احمد اجه للبيت وحالته وحاله وكللنا انه حبيب ريم هيج مسويه بينا ....
كالتلي اني ماعندي حجي وياج جدج ويتفاهم....
كلت اي ومنو هذا جدددي الي باعني الي سلب مني راحتي وزوجني لواحد ضالم يشبه اي يشبه طلعتو كلكم هيج مو بس احمد.....
بس تخلص العده اكص ايدي اذا بقيت بيناتكم بعد .....طلعت وعافتني ....من صدوك ضجت يعني اخطائه وعمايله السود مايحاسبو يجون يحاسبوني وع شنو ع سالفه اني اصلاا ماادري بيها....
يعني شلون معقوله حسام يسويها ...اخذت الموبايل اتصلت شفت ماكو رصيد بس ترميشه....
شويه واتصل كال اي اني سويت هيج معليج اطلعي من السالفه وهذا اخر مره تتصلين عليه اخذي الموبايل ضمي بمكان امن او كسري حتى مايثبتون عليج تهمه.......او يشكون بيج مسويه شي ....
اتفاجات من حجيه هذا شبي يعني ماغلطانه برقم اني وخرته من يم اذني وشفته حسام اي والله حسام قبل لايغلق الخط ...كال الكلمه الي خلتني اراجع كل حساباتي اصلا مابقه عقل بيه...
كال احبج وسد الخط....بقيت شويه كاعده بعدين اتذكرت شنو وصاني كمت بسرعه شديتها بعلاكه سوده وبعدين خليته بنص بجامه وخيلته بين الملابس بس كون مايسون شي او يفتشون....
اصلاا اني ماسحه كولشي منه خطيه حتى الارقام الي عنده بيهن ماسحتهن ورقمه هم ماسحته بس حافضته كلما اتصل اسجله وبعدين احذف كولشي.....
طلعت مديت راسي كلت اشوف اذا كرار موجود لو لا اكلي فد شي جوعانه ....
شفت ماكو احد طكيتها ركضه سويتلي لفه جبن ودخلت بسرعه جني وحده بايكه بوكه....
بليل كاعده وعلي يمي العبه باالعابه دك الباب كرار كالي اتحضري جدي يريدج هناك ....كلت اجاك الموت ياتارك الصلاة ....
كتله مااريد اروح بين وحوش كال مايصير ولاتخافين اني انطيج الامان مااخلي احد يتقرب عليج وعد اني ماجنت موجود بذيج اللحظه من سوو بيج هيج والا مااخلي.....
كتله ان شاء الله هسه اذن المغرب خلي اصلي وابدل واطلع...كال هاهيه خير ان شاء الله...
كمت توضيت وصليت خلصت بدلت لعلي دزيته يم كرار اني هم بدلت بس ماادري سامعه انه لازم بوشيه ومحد يشوفج....
كمت سويت بشال الي مثل البوشيه ولبست عباية راس طبعا من اجينه للحله التزمنه بلبس العبايه وخصوصا المنطقه الي كاعدين بيها كولهم يلبسون عبا...وطلعت ماكال شي كرار بس اخذني وصلنه ....
بس شنو امشي واتعثر مامتعلمه البس نقاب هو اصلا شال ومسويته ومنانه الجو حار.....
دخلنه جانو كلهم موجودين بلصاله عمامي وجدي والنسوان هم كعدت وحتى سلام ماسلمت كلت نعم طالبيني بشي تردون مني شي....
كال جدي اول شي احجي بااحترام وبعدين سألي ....كلت والله خليت الاحترام الكم....
كال ماعلينه بس تحلمين تتزوجين حسام اول موضوع وثانيا الاسبوع الجاي طالعين لبغداد وانتِ هم راح تجين ويانه نريد نبيع محلات ابوج ....وكل املاكم هناك نبيعها ونجي نقسمها بلشرع والحلال....
بقيت فاتحه حلكي لاويكول بلحلال لالا مدااصدك هلكد نفسهم دنيئه للمال ....كمت كلت كرار طلعني منانه وفلوس تحلمون تشوفون فلس احمر من تعب بابا ...
وهو اصلاا جان يدري بيكم شنو ومسوي هذا الشي فعلى شنو هسه انتَ جايني وتكلي فلوس مافلوس ماكو مااقبل....
كامو عمامي اثنينهم وكالو خلينه نربيها احنه بهذا عمرنه ومانحجي هيج وياك شلون هيه تحجي ...اشر الهم كال اكعدوا وهيه الممنونه تقبل تتنازل عن الفلوس ....
كلت ان شاء الله وره مااموت عود سو الي تردو بلفلوس ...كلت كرار يله نمشي .....
درت وجهي واني اطلع شفت احمد الحقير يم باب الغرفه ومبتسم بطرف شفته بس والله شكله يضحك .....شمسوي بي هل حسام مو هين...
طلعنه وماحجينه شي بلطريق وصلت دخلنه اثنيناتنه اني توجهت للغرفه مالتي نزعت بسرعه الشال لانه اختنكت ومنانه موت حر.....
شويه وفتح الباب علي ودخل يركض يمي اخذته يمي .....
كتله اكلت عم عم كال لا كمت شلت كرار موجود بلصاله ماكدرت اطلع اشويه واجا اتصال طلع واخذ سويجه.......
طلعت اخذت علي وكعدته بلمطبخ سويت طماطه وبيض وطلعت خبز وثرمت خيار وجان اكو طرشي هم شفت طلعت رتبت ....
كعدنه ناكل اكل لكمه واوكله لكمه واضحكه والعب ويا....رزان اصلاا ماادري عنها لو اصادفها لو لا ....
خلصت كمت جان باقي خليته وخليت فوكا قبق وغسلت المواعين الباقيه واخذت علي وطلعت جان اكو عصائر بثلاجه ....
اخذتلي ولعلي همينه ودخلت للغرفه.....كعدت العب ويا هم اسلي روحي وهم اسلي ماعندي شي ثاني وضوجه كولش هوايه....
بس يبقى تفكيري شراح يسوي جدي.....
مرت ٣ اشهر ونص بضبط ماكو اي شي جديد ضوجه بلبيت بس وكم مره فتحت الموبايل حسام بس يطمن ويسده ماادري شبي مايحجي مثل قبل....
ويجي دوم ياخذ علي ويا وعلي كولش يحبه ومتعلق بي ينادي لكرار بااسمه بس لحسام بابا يمكن هو معلمه يعني مايبقه بدون اب ويكول ليش الاطفال الثانين عدهم واني لا....ومايبقي شي بنفسه من يجي يصير محمل بااغراض هواي ....
بحيث قبل لايخلصن يجي ياخذ علي ويشتريله بس كل هذا اني مااشوفه كرار يطلعه اله بس اني ابدله وصاي متعلق بيه كولش ....
رزان تحجي ويايه ادخل الحجي منانه واطلعه من هاي الاذن ...منطيتها الاذن الطارشه ماعندي خلكها ....
بس صرت اشتغل وياها شويه ها مو هواي وهيه بطنها بده يكبر تركض منا ومنا حتى تجهزله يروحون لبيت جدي اني مااروح اقفل البيبان واكعد.....
وماعندي اي شي اتسلى بي ....بس ماقطعت صلاتي ابداا بلعكس كمت اصلي اكثر وصلاة الليل همينه...
بيوم اجه حسام اخذ علي وطلعوا جانت العصر كمت اني كلت كرار وطلع واصلا خلصت العده خلي اسوي كيك شفت الحاجات كلهن موجوده سويت بقوالب صغيره طلعت كولش طيبه فوك ماتصورت...
كلت يمكن ماتضبط بس لاضبطت...بس صار هواي ادري لارزان تاكل وكرار حتى اذا اكل شي قليل ياكل ...نضفت المطبخ اجت رزان كالت هاي شمسويه اخذت قطعه وراحت دخلت لغرفتها....مااهتميت الها..
بس حضرت بماعون سفري وغلفته بلجيس الابيض كلت من يجي حسام انطي....ساعه اخذه بايدي وساعه ارجعه اكول فشله هسه شيكول عليه...
شويه واندكت الباب كلت اكيد اجه طلعت لبست شال وفتحت الباب دخل علي اني جنت وره الباب....
سلم عليه سلام ثكيل وعادي يعني ماصار شي علي ركض جوه كتله هاك هذا ....كال شنو انطيته صحن الكيك....
مديت ايدي واخذه مني كال يعني كلما مانريد ندخل بلحرام وياج وباالف يالله اشيلج من بالي بس لبين ماتصيرين حلالي طلعين كدامي...
من خرب احمد وعمامج وجدج وعشيرتج كلها ....لج احبج....
سديت الباب بسرعه وركضت جوه واني ايدي ترجف وكلبي يدك سريع ...
سمعت اذن استغفرت الله ودخلت رتبت الكيك بصحن وخليته فوك الكاونتر.....
توضيت ودخلت للغرفه شفت علي مطلع كل الاغراض من العلاكه وياكل كعدت لميتهن وخليتهن بلخانه الخاصه بحاجات الي يجيبو ايا هواي كولش حتى مايلحك يخلصهن كرار يجيب حسام يجيب ومناك عمامي هم ينطو ....
واخذت العصائر وخليتها بثلاجه ...رجعت لبست الجادر ووكفت اصلي كلساع يجي علي وياخذ التربه بس من يشوفني اسجد بسرعه يحطها خلصت وكمت طلعت شفت كرار جاي ...
وياكل من الكيك كالي صاير كولش طيب عاشت ايدج....كتله بلعافيه راح اسوي عشه تتعشه كال لا رايح لبيت جدي ...قبل لايطلع كال ها نسيت اكولج حسام اليوم يجي يم جدي ويطلب ايدج....
بلكي جدي الله يهدي ويقبل لانه هو من صدوك رايدج وخوش رجال هسه تكليلي شلون هيج وهو هيج سوه بااخوك ....بس لا اني اوكف ويه الحق واعتذر اذا قصرت بشي اتجاهج....
كتله ماقصرت طلعت اقرب الي من اختي مشكور....
كال واجبي وطلع ....اني بقيت متوتره شلون اذا جدي ماقبل اني بس اريد اخلص منهم احس بلاامان يمه....يارب كون يقبل واصير من نصيبه....
حظرت عشه اكلنه وبقيت لرزان همينه وغسلت مواعيني واخذت علي وصرت العب ويا........
حسام: صارلي فتره مبتعد عنها ومااريد احجي لانه مثل ما كال عامر مااريد ادخل بلحرام خلي تصير حلالي والله كريم....بيوم اخذت علي ومن رجعته شفت هيه الي اخذته وانطت باايدي صحن كيك....
حسيت ملكت الدنيا كلها الاهم انه منها حتى وان كان شي بسيط....
اخذته وطاير بهذا الصحن طلعت للسياره وخليت الكيك وكل دقيقه ادير وجهي واباوع ع صحن....
وصلت صفيت السياره بلكراج ونزلت اخذت صحن الكيك ودخلت وكفت بلمطبخ جانن مرت اخواني يسون يحضرن عشه وذاك كاعد يمهم يصور ويدز ماادري المن......مهدي يموت ع تصوير هو هسه كلية فنون يحب هيج شغلات ....
يكول هو اني اخلص واريد اشتغل ويه عمار ويه صديقي مصورجي وكل شي يعني بكل شي حاط خشمه الحلو ....
اجه يمي وكال ها ولك هاي منين جبتها كتله انتَ شدخلك خليك بشغلك فتحته واكلت وحده هو هم مد ايده اكل وحده كال والله طيب مو مثل الي يمنه بس يسولنه تمن تمن وفاصوليا مللونه منه وبلعشه بتيته .........اجت مرت عامر كالت هاي علينه شو وخر خل اشوف شجايب ليش...ومنين....
اخذت شويه من قطعه ورجعته علاساس بس تضوك يعني هاي شو اكلت واخذت الباقي كالت اي طيب منين جبته مرت محمد مسوي...
كتلها لا وحده مرت سامر كالت اي عيني ومنيه هاي الوحده ....
كتلها وحده وخلص انتوا اكلو الكيك ومعليكم اخذتلي قطعه ثانيه واني اكلها دخلت يم بيبي كعدت يمها شويه وضلت تحجيلي نفس السالفه الي تحجيلي اياها من عشر سنين وتعيده نفسه....
شفت امي خلصت صلاة كعدنه نتعشه فتحت موضوع انه اخطب ريم عمار كال هاهيه احنه من البارحه منطين خبر الهم اليوم تحظروا نروح......
ام حسام:اي والله بس هذا الناقص تجيب مطلقات لبيتي والمن ازوجها ازوجها لاابني الضابط الي الكل يحلم ويتمنه يتزوجه.....
عفت الخاشوكه من ايدي كلت شبعت عفتهم وطلعت للغرفه هاي دوم هيج الا تخربلي فرحتي ودائما تحجي ليش تتزوج ريم....
شويه وطلعت زمن كالت عامر يكول يله خلي يتحظر يالله نطلع....ولاتهتم لحجي ماما تره هيه هسه بحالة عصبيه بعدين تهده لاتخرب فرحتك حضنتني وطلعت....
بدلت ملابسي وطلعت شفتهم بصاله كاعدين نزلت وكالو يله نطلع اني وعامر وسامر ومحمد وصديق ضابط هم ويانه همينه وكلنه عود بلطريق ناخذ المختار مال منطقتنا.....
وصلنه لبيتهم رحبو بينه جانو كلهم كاعدين بس وجه السطل ماموجود .....
بدو بلحجي والمختار هم حجه ونصائح بعدين عامر كال هاي ثاني مره اجيكم ومرايد تردوني خايب ....
جدهم كال موافق بس عندي شرط اذا ريم قبلت بي هاهيه كبع واخذ ....طلعو المختار وصديقي الضابط راحو بقينه بس احنه بعده ماحاجي ...جان يباوعون ع محمد ....
همس يم اذني والله لو يموتون مااطلع....ضحكت كلت ابدا بلحجي هذا منه وبينا....
كال ريم تتنازل عم كولشي مسجل بااسمها احنه مايشرفنه يبقى ورث ابنه باايد وحده مثلها وتالي الفلوس مو النه احنه نريد نبني بي شي يفيد ابنه ويحصل منه خير.....
سامر كال اذا تريدون الخير يوصل لاابنكم خلو فلوسه يم بنته الي هو مخلي من متوفي الله يرحمه...
كال اي بس هيه بنيه واحنه نكدر نسوي بي شي مفيد هيه بنيه شتريد بي.....
احنه ماحجينه ولاعامر حجه لانه بلنهايه مالنه علاقه واصلا ماادري ليش حجو هيج كدامنه يعني معقوله ماعدهم ذرة غيره زلم مشوربه تحجي عن الفلوس ويسلبو من بنيه ....
يعني والله الواحد يستحي اصلا يحجي بهيج شغله........
طلعنه احنه من يمهم وكلنه متعجبين عن حجيه وشرطه يعني قصده انه اني اذا اكدر اقنع ريم والله يالله والله مو زلم ذوله ماادري شكول وشحجي ....
وصلنه للبيت ماحجين اي شي رأسا للغرفه مالتي صعدت واتصلت ع ريم اول مادخلت ردت عليه سولفتلها كولشي صار وهيه ماتحجي شي متعلمه عليها عادي احجي وهيه تسكت....
شويه وسمعت صوت كال كملت حجيك ..
يتبع .