لارا،،بقيت جامدة بمكاني كل ضني راح يرجع يضربني
فجاة انفتح باب الحمام وطلعت ريحانة من شافت خالها اتسعت عيونها وارتدت للخلف مامتوقعه اتشوفه گدامها
بدون مقدمات حجه بكل هدوئ
راهب،،جيبي
ريحانه،،ش شنو
راهب،جيببببي الجهاااز
لارا،،زمخ بيها صوت يفزز الميت من يمي ردت اوگع
علئ صوته كلها طلعت تركض فازة من النوم
اباوع الريحانه وجها لونه انخطف وشفايفها يتراجفن
بلحظه ضربها راجدي لمن انرگع راسها بالباب
ورجع عاد عليها نفس الكلام
راهب،،طلعي لا قسم بمحمد هسه احرگج اهناااا
احلام،،خ خويه ي ياساتر ي يارب شكو شصاير من الصبح وشبيها ريحانه?
راهب،،احلام خلي بنتج تنطيني الجهاز العدها الها دقيقه وحدة اتحط الجهاز بيدي ترة مااضمن الها شسوي بيها
لارا،،يحجي اوجها احمر گصته عرگانه اتحسه گوة مسيطر علئ اعصابه
احلام ركضت البتها تخرط بخدودها
احلام،،عزااا العزااج يمعزاايه ولج جهازيش اليحجي عنه خ خالج?
لارا،لزمتها امها تريد اتجرها فجاة وگع جوة رجليها جهاز موبايل مخبيته بملابسها
ماانحس غير ضرغام هجم عليها سحلها من شعرها
شوكت نزل ماادري من شفتهم ماجان موجود
راهب واگف علئ صفحه يباوع بالجهاز وضرغام ملخ اخته احلام گعدت بالگاع ادگ علئ رجليها
هاي كلها الهوسه وهمه لسه ماشايفين محتوئ الجهاز شنو
انتبهت الراهب فتح عيونه يمكن شاف شي خلا ينصدم
ضرغام تركها وهو يلهث راد ياخذ الجهاز بس راهب ماانطا اله خله ايدة ورة ظهرة
ضرغام،،خااالي رحمه لتراب جددي انطيني خل اشووف هلسااقطه شمسوويه ومنين جااابت الجهاااز?
لارا،،ريحانه گاعدة يم رجلين امها مدنگه تبجي
راهب،،گومي احجي وياج
ريحانه،،خالو و والله ح حيجي ي يخطبني
راهب،،يعني انتي الجنتي تاخذين جهاز لارا تتصلين منه?
ريحانه، ،ا اي ا اني
لارا،،بمجرد مانطقت كلامها رجع ضرغام گمز من مكانه اكو صوندة جاريها من الحمام للمبردة جر الصوندة طبگها طبگ وطاح لخته كتل
عبالي واحد منهم يفزعلها بس كلها ساكته حتئ امها اسمعها اتگله اكتها هلساقطه هاي
ام احلام،،حييييل وياها بعد ايدي ايدك حبوبه
ولج فررخه بطووول النعال هجمتينه من امس لسه مفرفحه گلوبنه من وراج
مافكرتي ب ابوج الذاب روحه بالموت الخاطر يخليج تلبسين حالج حال البنات
مافكرتي ب اخوتج اذا طلعت السالفه راح يتعيرون بيج
ولك اكتلهااا حبوبه خله يفووخ گلبي
لارا،ماگدرت اتحمل اكثر صح هي السبب بالصار بس گلبي ماينطيني اعوفها
گمت گعدت گدامها گتله كافي ضرغام حتموت
ضرغام،،ويطبهااا مررض ولللج مصاادقه مافكررت بسمعتنه مافكرت شراح تطلع حجاية علينه?
اكووو واحد يصادق ونننيته شررريفه?
لورايدها اجه خطبها مو يتختل مثل النسوواان
اليحب يجي من الباب مو يتخنس بالشبااابيج
وغيررررر كلشي هي السبب بالصار وياج اتشوفج تنضربين بسببهاااا وسااكته اتخااف علئ روحهاا
لارا،،طفله وغلطت ماكو شي ينحل بالضرب
ضرغام،،بس اريد اعرف منوو هذاا العاررر
لارا،،زمخ بيها كتت الاول والتالي والعرفته يصير اخو صديقتها ومن زمان متعرفه علي صار تقريباً سنه
وهو الجابلها الجهاز ونفسه الي يتصل علئ رقمي
والمصيبه متزوج ومطلگ ضرغام بسرعة عرفه گالها ولج هذا واحد عار وزايعته الگاع مامخلي وحدة ماضاحك عليها تالي حتئ اختي من البنات القشمرهن
جانت تحجي وتباوع علئ خالها وتبجي مبينه خجلانه من الشي الشافه بالموبايل
احلام،،سودة بوجهي ولج مامقصرين عنج شطلبين وشتگولين يجي يمج لونعرف نحرم روحنه مانحرمج ااانتي المدلله عد ابوووج تالللي خووش اتجازي?
گوم خويه كسرها هلرعننه تستاهل مايرتاح گلبي اذاا ماتكتلهااا
راهب،،شوفي خويه من ضربت لارا لان لارا مرتي وتخصني ماكو رجال يشوف مرته تجيها ارقام غريبه ومايشك والخلاني اصدك اكثر الساقط كلامه عبالك يعرفها
لذالك ماگدرت اسيطر علئ اعصابي وفقدت السيطرة وياها
اما بالنسبه الريحانه بنتج عدها اب وعدها اخو واولاد عمام يحاسبوها لان اني مومسؤؤل عنها
بس لارا مرتي هاي ومااتحمل واحد يمس عرضي بكلمه
لارا،،ضحكت بداخلي علئ لعبة القدر شيصير لومنتظر ليله وحدة جان بينت الحقيقه والله كشفها وماصار بيه كل الصار جان لاانضربت ولانهنت بسبب بنت اخته
رفعت راسي شفته يباوعلي بنظرة مليانه ندم
تركتهم وگمت محد حجه صعدت للغرفه وكل الي يمر ابالي اتصل بمحمد يجي يخلصني مستحيل ابقئ گاعدة جوة رحمته
دخلت للغرفه وسديت الباب اتمددت بالفراش وبجيت من كل گلبي
منين ماانام علئ جها توجعني جسمي كله يوجعني كدمات بي اهواي واثار الحزام لسه طابعه
كلها بجفه وعيني بجفه ثانيه
بقيت بمكاني مانزلت يمهم ومااعرف شجاي يصير جوة بس صوت نحيب احلام واصل يمي
ابد ماتشمتت بيها بالعكس رغم اذيتها انقهرت عليها
هذا طبعي مااعرف احقد ولااعرف اكره حتئ راهب شگد مااگول اكرها مالگه روحي غير خاضعه لحبه بدون تفكير گلبي يتمرد مايطاوعني
اگله اذاك يگلي منقوش اسمه بيه نقش مااعرف اطلعه مني ولاااعرف امحي هلنقش
بس بعد سوايته الأخيرة بيه صدك كرهته ونزل من عيني وگلبي
انفتح الباب وعرفته هو من عطره السبقه
لميت الغطه الصدري وبقيت دايرة وجهي عنه للحايط
راهب،،لارا
لارا،،بقت ساكته اعرف جاي يعتذر بعد فوات الاوان
راهب،،بس اگعدي واسمعيني
لارا،،ماجاوبته
حسيته لزم متني بدون وعي صرخت ااااخ
مايدري بهذا المكان اكو اثر من اثار ضرباته تاذيني لسه
عدلت كعدتي ولزمت متني عبالك هاج الوجع
غمض عيونه بقهر وكعد علئ طرف السرير
راهب،،اذا احجي تسمعيني?
لارا،،ماانطيت نفسي مجال اضعف وابجي كدامه احسه كل طعنه منه تقويني
همست بصوت ناصي شسمع منك?
جر نفس تحسه طالع من روحه
راهب،،خايف اذا احجي ماتصدگيني
لارا،،درت وجهي گتله وهذا انته گلتها بلسانك مااصدگك
راهب،،حقج ومااعرف بشنو اكفر عن ذنبي
لارا،،بس اعتقني وكلشي مااريد مسامحتك دنيه واخرة
راهب،،شنو قصدج?
لارا،،طلگني واترك اهلي بحالهم?
راهب،وتشوفين هذا حل ?
لارا،،شگد حاولت اكتم عبرتي بس موبيدي نزلن دموعي وصارن يوگعن بحضني
گتله ماكو شي راح يرجع مثل قبل لاحبي ولالهفتي ولانظرتي الك راح يتغيرن لان شوهت صورتك بيدك
شكد جنت اشوفك شي جبير بعيني بس انت دمرت كلشي بيدك
نهض من مكانه دنگ راد يبوسني براسي كل ضني يريد يضربني صرت اخاف منه حد الرهبه
بدون وعي رفعت اديه غطيت وجهي گتله لاتضربني حباب
فاجئني سحب راسي الصدرة باسني بگصتي واني بعدني ضامه وجهي
تركني وطلع يالله جريت نفس
بسبب قساوته انخلق بداخلي خوف منه موطبيعي كل تصرف يتصرفه وياي احسه راح يضربني
اجت يمي الحجيه وجها محتقن احمر صاعد عدها الضغط
حقها المصايب ينزلن علئ راسها مثل المطر مهمها يكون هو ابنها وهاي عائلتها صعبه ع الشخص يشوف عائلته مدمرة مثل ماجاي اشوف عائلتي اشلون ادمرت بسبب مال الحرام
الله بالمرصاد مستحيل ينسه عبدة الي نضلم وراح ياخذ حقه لوبعد حين
الحجيه،،والله ييمه خجلانه منج عشر تيام صارج شوفناج الويل بياوجه اقابل ربج ماادري
لارا،،مسحت دموعي جريت ايدها بستها جرتني الحضنها نيمتني علئ رجلها وصارت ادگدگ علئ متني بكل هدوء
الحجيه،،حوبتج لاخطت ولابطت وربج رجع حقج بساع بساع صح هي حفيدتي بس من البدايه امها وابوها انطوها مجال شگد حجيت وردت طلع الشعر علئ الساني وابوها يگلي دامني طيب تدلل ابجالي
ييمه هلجيل جيل صعب خطا تنطي كامل الحريه
لازم ويه حريتك تنطي عيونك وتضل اتراقب موبس تنطيها المجال واتيها ماتعرف شتسوي ماتسوي وراك
والمصيبه خالها متسودن من الصبح لسه
من شاف رسائلها ويه الزلمه ايگول ولاجنها طفله سوالف بينهم ماينلبس عليها ثوب
اتحسها متزوجه بالسر من ورة سوالفها عبالك رجال ومرته يحجون
حجه ل امها وامها ردت گطعتها بس شيفيد
الابنيه سمعتها مثل الگزازة اذا انصدعت راح تبقه عليها طكعه طول عمرها
وانوب هذا التحجي وياه السانه متبري منه يعرفه اخوها موخوش ادمي يعني راح يفضحها واذا سمع ابوها موبعيد يذبحها
شوفت عينج زعطوطه هجمتنه هجم من امس لسه مامرتاحين
مااگدر اگلج لاتزعلين منه لان حگج والسواه مو قليل بس لومايحبج ماسوة هيج من حبه وغيرته انعمت عيونه وهو الله يسلمه بكلشي متسرع مايتفاهم وهذا طبعه من زمان يضيع حگه بسبب التسرع مالته بس بعدين من يشوف روحه غلطان يرجع نادم
لارا،،شهكت وبجيت گتلها بشنو يفيدني ندمه?
سامعه بالزواج عشرة عمر وتفاهم
شو وياه كلشي يختلف
رضيت بي ورضيت بجحيمي وياه الخاطر اهلي
شيصير لو متنظر ليله وحدة جان بانت الحقيقه شيصير لوگاعد وياي ويفهم مني
الحجيه،،ييمه والله يحبج بس مايدري بروحه
ابني وحافظته حفظ
هو يكره ابوج صح بس بدة يحبج ويتعلق بيج ومشكلته مايعرف يبين حبه الج
لارا،،ضحكت گتلها بوكت الجنت احبه هو يكرهني وهسه بعد ماحقدت علي صار يحبني
شنو من حض عندي
اهواي حجت الحجيه تريد تقنعني حتئ انسه السالفه
بس خلص قررت اشتري روحي اذا ابقئ يمه ماراح يرحمني حتئ لويحبني لان طبعه شكاك وراح يبقه يشك بيه دائما وبس يسمع كلمه بدون تفاهم يضربني
الحجيه تعبت من الحجي ساعه تبوسني وساعه تهديني تالي عافتني وطلعت
انتبهت نست جهازها يمي ماصدكت بسرعه اخذته وايدي ترجف
رجعت الحجيه ضميته جوة البطانيه سالتني علئ تليفونها گتلها ماادري مويمي
جنت بس اريد اتصل حتئ اخلص روحي من هلجحيم
هلمرة هيج سوة بحالي وكسرني اتكسر
الله اعلم اذا صار بيها مرة ثانيه موبعيدة يذبحني بساعة عصبيته
طلعت عمتي خليت الموبايل جوة البطانيه واتغطيت وياه دگيت رقم محمد ردت اتصل بي
بس فكرت اذا اتصلت واجه راح اتصير مذبحة بينه وبين راهب واكيد اخوي راح يتاذة بسببي
بقيت مترددة نوبه اگول اتصل ونوبه اتراجع
تالي بطلت
دنيت الجهاز بمكان الحجيه يم رجلي اجت فاطمه گتلها عمتي نست جهازها اخذي الها
فاطمه،،امي راحت البيت ام قاسم اليوم مشية قاسم علئ سارة
وراهب ماراد يروح بس قاسم اتصل بي گاله اذا ماحضرت المشية لاتعرفني ولااعرفك
تالي بدل وراح اول مرة اشوفه بهيج حاله
لارا،،غمضت عيوني بتعب رفعت راسي باوعتلها
سالتها علئ ريحانه
فاطمه،،باجر يجي ابوهم ياخذهم وزهرة ترجع وياهم لان رجلها ماقابلين ينطو اجازة
خطية احلام ماتعرف شراح تحجي الرجلها اذا سالها اشبيها ريحانة
وضرغام حلف يحجي ل ابو وامه حلفتة مايجيبله طاري اتخاف ينجلط
وحلفتله اتگعدها من المدرسه وتحبسها بالبيت
لارا،،خطيه طفله ضيعت مستقبلها بسبب مراهقتها
ماالوم امها لان مااعرف الصوج عد منو بيهم
بس الاعرفه الله يستر عليها
فاطمه اخذت الموبايل وطلعت للعصر رجعت الحجيه والعرفته ماخذين سيد وياهم وعاقدين السارة وقاسم فرحتلها لان اخذت الانسان الاتحبه الله يسعدها ويفرحها وياه
حزت بخاطري ليش ماانكتبلي اعيش حالي حال اي بنت
موحسد لابالله العظيم لان موطبعي اباوع شنو عد غيري واني ماعندي
بس استخطيت روحي الحبت الشخص الخطأ
بقيت بالغرفه ماطلعت حتئ اكلي يوصلني
بليل ماگدرت انام هاجن المواجع كلهن
بجيت مااعرف من شنو ابجي من عيني التحرگني وتذب ماي لو من ايدي لو من جسمي اليون منين مااندار الم فضيع
اتعاقبت بدون ذنب كالعادة احمل اخطاءغيري واني الادفع ثمنها
ثاني يوم بقيت بمكاني لاطلعت ولانزلت
مااريد اشوفه ولااريد انطي گلبي مجاله يضعفله ويسامحه
كل الاريدة اطلع من جحيمه
اجت فاطمه جابتلي الريوگ مالي نفس اكل شي
اتفاجئت من رجعتلي موبايلي بس جان الخط متغير الاسماء حافظهن بالجهاز ماخذ الخط كاسرة ومخلي غيرة
بقيت اتصفح بي واشوف شحاذف وشمخلي
دخلت للفيس اكو اهواي طلبات صداقه جانت جايتني ومامجاوبه علئ اي شخص
اتفاجئت ماكو طلبات لگيته موحاذفهن وانما منطيهم حظر كلهم جريت نفس وخليته يم راسي مالي خلگ ال اي شي
للعصر اجتني الحجيه گالت حضري روحج ناخذج الدكتور العيون يفحص عينج
ماحجيت لان جنت فعلا محتاجه دكتور عيني ماذيتني حيل
للعصر طلعتلي فاطمه ملابس دخلت للحمام رادت تدخل وياي من شافتني اسحل بروحي گتلها لاشكرا ادخل وحدي
گوة نزعت مامخلي شي صاحي يعتب علي
متوني رجليه ظهري
گعدت بالگاع وفتحت الدوش اليدوي جريته وصرت اذب علئ روحي ماي
حتئ الماي احسه ياذيني
كملت وطلعت بدلت ولبست عباتي ورحت گعدت يم الحجيه
نزل هو بدون مايباوع گال ياالله نروح
اخذني والطريق كله ساكت ويجر حسرات
حتئ الحجيه ماحجت شي تدري بي عصبي وتعبان ف ماحجت فضلت السكوت
وصلنه للدكتور فحصها گال مضروبه ضربه قويه ويرادلها علاج تتاخر فترة يالله يختفي الاثر ويروح الدم المنجمع بيها بس لتخافين مابيها شي الشبكيه سليمه
رجعنه للبيت وبالطريق نزل جاب عشه من وصلنه هم عفتهم ودخلت للغرفه مال الحجيه ماگعدت يمهم صرت اتجنبه الابعد الحدود لان خلق بداخلي خوف حتئ لو مايحجي وياي ارجف منه
للساعه 12بليل من حسيت بيهم نامو فتحت الباب وصعدت الغرفتي امشي علئ كيف
گلت اذا اخذ جنطه جبيرة اضل اسحول بيها ويلزموني
اكتفيت اخذت بس جنطتي الصغيرة حطيت بيها جنسيتي ومستمسكاتي واخذت جزء بسيط من الافلوس العندي والباقي تركته هو والذهب والملابس كانه مااريد شي منه
اخذت العبايه ونزلت جوة رجعت يم الحجيه غطيت العبايه والجنطه بالبطانيه حتئ محد يشوفهن
انتظرت بين مايطلع الصبح وانهزم احرر نفسي من سجنه وجبروته وقسوته
ماغمضت عيني اخاف تاخذني النومه ومااگدر اطلع
للساعه 6يالله طلعت اتسحب ضل بالي يم الحجيه هسه تگعد اتصلي وبعد مااتنام
سرعت خطواتي حتئ انهزم قبل ماتگعد لازمه الجنطه والعبايه بيدي مالبستهن غير لمن وصلت باب البيت
فتحته وطلعت سديته وراي بس گلبي يركض ركض
من صرت بالشارع وشفت ماكو ناس فارغ طگيتها ركضه للشارع العام
مااندل بس من اخذتني للصالون اندليت مكان تتوقف بي السيارات العبريه
مرت من يمي تكسي رجال جبير
گتله عمو وصلني للگراج
ماگال شي وصلني الرجال سالته منين اصعد حتئ اوصل البغداد?
الرجال،،بويه اذا تردين ترحين بسيارة باديه ف يكون الكروة اقل وتاخذج من كراج الكوفه للعلاوي
واذا تردين اني اوصلج هم ماعندي مانع اوصلج الباب بيتج
لارا،،عبالك يوم حضي هذا لان صدك مااندل والرجال مبين من شافني استخطاني وهم يخاف الله
كتله عمو انته وصلني انطيته عنوان اهلي ابغداد
وانتجيت ع الجامه
وكل الابالي شراح يسوي من يكتشفون اني انهزمت
بعد ساعه تقرييا فززني من شرودي صوت الموبايل
باوعت ع الرقم انخمش گلبي حافظه اخر كم رقم برقمه
بالبدايه اترددت اجاوب بس بعدها ردت اتشمت بي
ردت اگلة ترة اني قويه وانهزمت من عرينك
فتحت الخط ايدي ترجف مجرد ماحطيت السماعه علئ اذني اجاني صوته
راهب،،وحگ علي اذا مارجعتي هسه لوگتيلي وين وصلتي
قبل ماتوصلين اهلج تلگيهم كلهم بالتوووقيف