منقذي ذو النجوم
الكاتبة غدير العزاوي
..
اتفاجأت من ردة فعله .. قبل لااحجي جرني من شعري وذبني بلديوان تدرين انتِ وحده عار ماادري ابوج شلون جان متحملج.
شدايحجي هذا اني بياا حال وهو بيا حال كمت من مكاني وكتله بس اسمعني والله اني مضلومه مااعرف شنو موصلك احمد عني بس والله كولشي غلط بغلط.....
كال لاوتردين نصدكج ومانصدك احمد خوش سالفه هاي تعالي صيري بمكاني بعد كتله انت ليش هيج ويايه شو رزان وتحبها اني ليش هيج وياي كلكم محد يصدكني اي طبعاا ماتصدكوني لانه ماعندي سند اختي متزوجه ابنكم ......
بس اني الي متزوجته مو رجال مو زلمه تعبت تعبت والله من الحجي مخنوكه وربي مخنوكه ليش هيج تسوون بيه .......
كال الله كريم شويه ويجي احمد .....كعدت واني ابجي شويه وسمعت صوت بره الديوان بس الي فاجئني شنو حجالهم احمد معقوله اكو واحد هيح بلدنيا مااعرف والله يعني حتى الحيوان مو مثله علاقل عنده رحمه....
احمد:ياجدي شسوي يعني كتلك من بداية مااتزوجته تأذي روحها لو تجرح فد مكان بجسمها لو تحرك جسمها مليت منها مجنونه هاي وحتى ماتخيليني اتقرب منها ...صحيح اصدقائي جانو يمي وتأخرو بلروحه بس هيه سوت تصرف فشلتني كولش بي....
دخلت يمهم وصارت تحجي ججي مايلبس ثوب عليهن يعني ماادري شكول مليت مليت منها والله .....هسه من راحو اصدقائي اني جنت بلحمام وهيه راكضه يمكم على شنو ماادري.....
هيه اريد اصدك هذا الحجي الي حجا احمد صحيح لو لاا يعني ليش يسوي هيج شنو ذنبي اني اذا ماجان يحبني ويطيقني ليش اتزوجني لعد.....
طلعت يمهم واصلاا ماكو احد غريب بس عمامي وجدي واحمد ونسوان هم اكو طالعات ....
ريم:ليش هيج الجذب عليه وتذب عليه اتهامات ليش هااا شمسويتلك اني كوون الله يخلصني منكم وامووت وادعي ربي ياخذ حقي منكم بجاه كلمن عنده جاه ....شفتوني بدون سند وماكو احد بظهري سويتوا هيج بيه موووو...عساها بختكم وبخت جهالكم ان شاء الله ماعندي غير انه ادعي عليكم.....
هسه اريد احمد يطلكني وكل واحد يروح بطريق اني بعد مااستحمله ....رفعت رداناتي وكلت شوفوا شوفوا شيسوي بيه ابنكم وان جان يكول اني شلون اسوي بروحي هيج مثلاا اكو احد صاحي يضرب روحه ليش هيج ماتصدكوني كون الله ياخذ حقي منكم بس هذا الي اكوله.....
ركضت ع مرت عمي كتلها تتذكرين من جنتي تكولين شعرج حلو لاتكصي مووو شوووفي شمسوي بشعري وقبل اسبوع جنت بلمستشفى وصار فشخ براسي من ورااا من ورا شربه يوميه يوميه يجيب الشرب ويا ويشرب واخر فتره اتعلم يجيب اصدقاءه هم ويا ....
وكل هذا ماكافي واصدقاءه رادو استغفر الله مااكول غير حسيي الله ونعم الوكيل فيكم......
اريد احجي ومااحس الا مرت عمي الي هيه ام احمد جرتني من شعري ......
ياجذابه وتتهمين ابني بسوالفج انتِ ياحقيره يلمامتربايه طبعااااا اذا اممممج منو هه طبعاا طلعين عليها ولج اني ذاك اليوم شفتج بعيني وشفت جنونج كلت خطيه استر عليها وهااا اختج هم جانت موجوده خاف تنكرين.......
عفت كول حجيها وخليته بصفحه كتلها هاي الي كلتي عنها اختي هاي مو اختي هاي عدوتي قبل البعيد اليه ماانسا الي سوته بيه........
صارت تحجي حجي شوارع ماادري منين جايبه كل هذا الحجي بس علمود ابنها مايطلع غلطان اخذني احمد من ايدي وهو يهدي بيه شلون صار هيج هادىء ولاعرفته كتله وووخر ايدك ياحيوان عني هو اني هيج كلت لو جنيت على نفسي.....
سحبني جدي من ايد احمد كال هاي مدام ابوها مموجود مايفيد وياها العيني والاغاتي .....جان موجوده خشبه طويله اخذها واجه عليه صار يضربني هه اصلاا تعودت ع الضرب الي احصله من احمد يوميه بعد ماتفرك وياي ....كمت ركضت كلت عبالك هذا الضرب هسه يوجعني لاوالله احمد مشوفني الويل اكثر منك......
اجه عليه عمي ولزمني وذبني ع حايط صارت الحافه مالتها على راسي وبلمكان الي جان احمد ضاربني بي شاغت روحي وغوشت الدنيا بعيني صرت مااشوف وبعدين ماحسيت بشي بعد......
حسيت روحي بين وحوش مو اهل بابا وبيت جدي يتعني الغريب يعطف عليه وهمه لاا.....
كمت بعد ماادري شكد ماكو احد يمي الى ان دخلت ممرضه وكالت هاج هذا شال لبسي شرطي راح يفوت ياخذ اقوالج هاي ثاني مره تجين يمنه وهيج حالتج.....
كلت هاهيه فرصتج ياريم اله اخليهم يتندمون ومو عندي ورث اكدر اسوي بي الي اريده بس الاهم هسه اخلص منهم.....
دخل واني شتكيت على احمد وكلت هو الي ضربني هيج كال هاهيه وطلعو تقارير طبيه ع حالتي همينه هذا راح يكون طوق نجاتي الاوراق الطبيه الي طلعوها الي......
هو طلع اني بين الغافيه والمو غافيه حسيت سمعت صوت حسام فتحت عيني بسرعه ودرت وجهي وشفته دخل ......
هنانه بده كلبي يحجي كل الي صار مااحس لساني جان يحجي لا حجيت كول الي بلكلبي وكال علاساس همه متصلين عليه حتى اطلع احمد بس راح ادخله بقضايا مامنه خروج........
طلع هو واني بديت افكر اول شي لازم اطلك منه بس ماعندي لامكان ولاشي اروح اله.....
بعد فتره طلعت من المستشفى وكرار انطاني بر الامان حسيت هو اخوي مو رزان اختي والله....وصلنه للبيت ونزلت اول مادخلت هجمت رزان وكالت شعندج جايه ياحقيره لبيتي جايه تخربين بيتي مو .....
لزمها كرار وضربها راجدي اني مايهمني كل هذا بعد ماعندي مشاعر تجاهم ...عفتهم ودخلت للغرفه اخذتلي فراش فرشته وطلعتلي ملابس شفت باقيلي جم لبس بلكنتور الي جنت قبل حاطه بي ملابسي سبحت وبعد ماصادفت رزان ...دخلت للغرفه نمت نومة اهل الكهف .....
بعد ماادري شكد كمت على ايد صغير يتلمس وجهي فتحت عيني وشفته علي ....اخذته يمي وبوسته وهو يباوع عليه مستغرب مايعرفني اتذكرت حجي سميه من كالت خلي يعيش يمج وديري بالج منهم انتِ بلااخص هسه عرفت قصدهاا......
زين اذا يردون الورث ليش ماكالولي من البدايه وبدون هاي السوالف كلها جان انطيتهم ايا والله وخصوصا اختي هه.......
كلت بس استقر واطلك من احمد اله اخذ علي يمي مااخلي يعيش بين وحوش مثلهم ....بس هيهات جدي يقبل.......
كام راح من يمي .....واني كمت بعد فتره جوعانه يعني بس عايشه ع مغذيات حتى مافكرت تجيبلي شي اكله لبست شال وطلعت من الغرفه فتحت الثلاجه سويتلي طماطه حمس ويه بيض واكلته وكأنه من زمان ماماكله والي يشوفني جني ماشايفه اكل ......
خلصت وغسلت مواعيني ودخلت للغرفه بس شنو جسمي مكسر تكسر يوجعني من كل مكان......
ماكو صوت لااي واحد بلبيت طلعت اشوف وينهم.....شفت كرار توه دخل كتله وينهم لعد كال اخذتها لبيت جدي تعبت منها ومن مشاكلها.....
ردت ادخل للغرفه كالي باجر اتحضري نروح للمحكمه قررنه نطلكج من احمد بس جدي عنده شرط واحد .....
كتله شنو هو الشرط .......
حسام:طلعت من يمه واني الصوره طيرت عقلي شلون يكدر يسوي هيج شي ماعنده ولاذرة شرف شسوي هسه قلب كولشي لصالحه بهاي الصوره......
طلعت من المركز واني عقل ماضال براسي شلون يصور ريم هيج يعني شنو هلكد ماعنده غيره والله عجيبه ونوب يشوفني اياها ابن اللذين .....
هسه اني كسرت موبايله منو يكول ماعنده غير صور الها خرب بغيرتك يااحمد.....
رجعت لبيتنه واخذتلي غفوه كمت ع صوت الموبايل المركز الي حاجزين بي احمد كالي الضابط الي هناك جدع هنانه تعال .....
طلعت من البيت بعد مابدلت وتوجهت للمركز......دخلت بعد ماسلمت محد منهم رد السلام والله بلناقص ....
كالو مقدمين طلاك بلمحكمه وباجر رايحين قدمو خروج يوم واحد واضافة الى انه ريم تقرر اذا تريد تبقي احمد مسجون او لا......
طلعت واني الفرحه ماسايعتني وكأنه ملكت الدنيا كلها اتصلت ع كرار كال اي صحيح الخبر بس هسه حاليا رايح جدي طالبنه نشوف شيريد يعني من بعد ماراجع جدهم من المركز ......
كلت بس لايسويله احمد او جدهم فد دكه ناقصه باجر كولشي يطلع من ايدهم اخذت موعد المحكمه وضبطت مواعيدي كلت اني هم اكون حاضر واصير كن جهة ريم لانه ادري كلهم عار محد راح يفكر يوكف وياها......
واني اصلاا بالي مشغول من الصور الي شفتهن يم احمد وجه السطل......
رجعت للبيت واني ادندن بااغنيه وفرحان ...تلكاني بلباب مهدي .....
مهدي:ها ولك اليوم تغني بس لاحاب وحده وتريد امي تخطبلك اياها......يممممه يممممه تعالي شوفي حسام يريد يتزوج.....
طكيتها ضحكه كتله لاوالله بس معشوكتي راح ترجعلي......
مهدي:لابشرفك ليش دخلتنا بقضايا احنه ماالنه دخل بيها اني من هسه راح اشرد خاف بيها عشاير مااريد ينهدر دمي .....ولك بس لاكتلته ....
اي كتلته هسه رايد شي ثاني ...صعدت فوك وعفته واني افكر اخذها واعوضها عن كلشي خسرته .....
عده اليوم ع خير صار باجر وكمت بكل نشاطي سبحت وبدلت ع اخر شياكه وطلعت للمحكمه ....انتضرت شويه ووصلو جد وعمام ريم ...بقه بس كرار يجيب ريم واحمد يجيبه الشرطه.....
انتضرنه اجه دورنه وهمه ولاواحد منهم مبين ماكو ننتضر ماكو عمامها يتصلون وماكو رد.....
شويه واجاني اتصال من كرار كال ولك السياره عطلت بلطريق ماادري شبيها اذا تكدر تعال اخذ ريم انتَ.....
هسه فهمت ريم وسيارة كرار عطلانه بس احمد وينه .......عجيب ...
واني طالع شفت دخلو احمد صرنه بوجه بعض ....ابتسم وكال ماراح دوم هاي الضحكه يااا ياضابط حسام .....
لزمت كلبي بس لايسوي شي بلصور الي عنده ....طلعت بسرعه ودلني كرار ع المكان اجيت وصعدت ريم ...وحركت السياره....
كتلها شفتي شلون وفيت بوعدي انتِ بس اطلكي الا اخطبج من اول يوم تتطلكين بي ماحجت شي احسها مو ع بعضها......وصلنه ونزلنه....
جانو مدخلين غيرنه لانه اتأخرنه بس اكثر شي عجبني وحبيته ريم يمي واكفه وجدها وعماها كبالي الا شويه ويهجمون عليه خو احمد يهوبس بمكانه كايم وكاعد الى ان صاح بي واحد ......
شويه ودخلنه للمحكمه بدت الاجراءات القانونيه بس الي فاجأني اتهام احمد لريم بلخيانه الزوجيه والاكثر مفاجئه من كال عندي صور تثبت هذا الشي سيدي.!
يتبع .