الحلقه التانيه 🌚
روايه احببت طلياني💞
للكاتبه😍
😈سوبي محمد☠️
بسم الله الرحمن الرحيم توكلنا على الله ولا اله الا الله ❤️
.....
...
....
احمد مقعمز في الجامع ويسمع للشيخ إلي يخاطب في المصليين ويحرك في راسه فوق للوطه بمعنى صح كلامك
الشيخ: يااخوان علمو اطفالكم الصلاه في الصغر عندما يكبرون سيعاتبونكم على دلك سيقولون انتم من تجاهلنا ولم يعلمنا الصلاه ولا القران حينها انتم من سيتعدب اكتر منهم يااخوتي خدو ولو ساعتين في اليوم لتعبمو فيها اولادكم وبناتكم الصلاه والقران بناتكم علموهن أن لايخرجن بدون الغطاء الشرعي(قصده عالفراشيه لان وقتها مزال مطلعتش العبايه🌚) حتى ولو كنا صغيرات سيتعلمون على هدا الشيء من الصغر بدلا من خروجهن بملابس المنزل صحيح انهم فتيات ولاكن الفتيات عارر سوا كبيرات ام صغيرات
أهنئ احمد تعود من الشيطان وناض لان الكلام الاخير معجباش 🤷♀️
خلا ولده عند الشيخ التاني يعلم في الصغار وهو طلع بيروح ويفكر انه يبي بنت خاطره في بنت ويحلم بيها حتى لما راقد يبي تكون عنده بنت بيدلعها وخاطره بيسميها فاطمه وهو عنده زوز ولاد بس
غني عمره7سنين والهادي عمره3سنين قاعد صغير ومرته حامل في الشهر السابع
وميعرفوش ولد او ولابنت وقتها ميعرفوش الحاجات هادوم
في حوش عمي نصر
نجلاء:حناي اني طالعه للسقيفه بنهدرز مع رقيه(بنت عبدالله)
حناها (الصغيره): البسي محرمتك يابنت
نجلاء:اي لابستها يحنينه
الصغيره:اي سلم بنتي تخافي واقف واحد من الطليان يترقب
نجلاء:مع أن معمريش شفتهم داروها بس تمام
وطلعت تجري للسقيفه تبي نهدرز مع بنت جيرانهم وبنت خالتها فنفس الوقت الي هيا رقيه قعدت تحدف علي حوشهم في الرشاد(شرشور او بلوك)
طلعتلها رقيه:باهيي ياهمي دقيقه نسقد خوي بيمشي للبحر وانجيك
نجلاء:به بسرعه جايبتلك اخبار جديده هيا راهو
رقيه:هي هي
هادي نجلاء بنت نصر امها متوفيه وبوها متزوج وحده تانيه(ام الخير) بس هيا ساكنه عند حناها لان حناها مربيتها خوها صلوح ساكن معاهم وهو صاحب فتوح هلبا وجيران
رقيه بنت عبدالله امها ام السعد وخوها عمر صاحب علي ولد المهدي وخوها التاني الصغير فتوح صاحب ولد عمه نصر
❤️
ورقيه ونجلاء بنات خاله وبنات عم فنفس الوقت يعني اباهاتهم خوت واماهاتهم خوات 🌚
في حاره تانيه تفصل على حارتنا بحيط واحد بس فيه باب كبير نخشو ونطلعو منه وفيه بحيره قدامه
حاره حيطانها بلك حديث عندهم كراسي نايلون بس احني عندنا متاعات السعف بس محلاتهم بيبانهن الومنيوم عكسنا احني خشب عندهم حاجات حديته مش زي الي عندنا عندهم محل يبيعو في ا كور صغارهم يلعبو في كوره نايلون شكلها حلو احني معندناش منها عندهم دبش(حوايج) مش زي الي عندنا هما يلبسو في لبس رسمي احني نلبسو في سواري عربيات وجرد ونساويننا فرشيات
ايييييييه ايييييه عليك حاله وخلاص ماهو هما محتلينا هدا باش نتنهد💔
فاليريو: يا سانتو جيبيلي عصير
سانتو:حسنا تو انجيبه
وامشت اخته بتجيبهوله
سانتو: ماما فاليرو يريد كوب عصير
امها تيريزا: اوك تفضلي اعطيه فاليييرو راك تبزع على ملابسك اوكي؟
فاليرو بصوت عالي: لااا اني مش صغير ياماما
نتعرفو على بعض الشخصيات
فاليرو عمره 15سنه حكايته بتبدا مع الحلقات وهو مولود في ليبيا يعني عنده الجنسيه
سانتو اخته عمرها18 مغروره هلبا تحب تتسهوك على بنات الحاره الليبيه عخاطر لبسهم وطريقه كلامهم وهك مولوده في ايطاليا وجت مع اماليها
امهم تيريزا تخدم في مصرف وبوهم متوفي من تلات سنين
وهادي قصتهم 🙂
انتهي اليوم الاول وجي تاني يوم🌘
الساعه 6الفجر صوت الديك ينسمع لنهايه الحاره 🐥🦆(حطيتلكم ملصق بطه 🦆على اساس انه ديك🙂)
نشمو في ريحه فايحه هلبا اي تفكرت هادي خبزه التنور (خبزه الفرن) هك نسمع فيهم يقولولها ريحتها حلوه هلبا خاطري فيها لاكن منقدرش ناخد منها 💔😕 وشن الصوت هادا اها اي هدا الجامع متاعهم يصلو فيه نرتاح لما نسمع صوته ❤️صوت يخلي قلبي يدق بسرعه منعرفش السبب الصوت هدا لما نكون كئيب نسمعه نتونس (واتونس بيييك وانت معايا🌚خلاص خلاص)
بس منعرفش علاش احني معندناش زيه🙄سألت ماما قالتلي هادا دينهم واحني ديننا غير شن معنى كلمه دين؟ باهي اني مرتاح بالحاجات الي يديرو فيهم هما ✨يعني الدين كيف انخشله ولا منقدرش؟🍃 المفروض إني نختار الدين الي نبيه ولا لازم زي ميبو عيلتي؟ عموما لما نكبر تو نعرف
والله هادي ريحه القهوة 🤤🍁🌿نعرفها كويس عمي احمد ديمه يشرب فيها بحداي ومره قلتله عطيني منها ضحك😅قالي الصغار مياخدوهاش اصلا قويه عليك بس اني اصريت اني ندوقها عطاني منها
الله❤️🥺ريحتها تجنن كنت متحمس اني نضربها اكيد حلوه زي ريحتها
اععع🤢🤢😫😭
عمي احمد يضحك عليا😐 واني قريب نبكي طعمتها مره هلباا🤢
بس ريحتها خيااال🥺مزال نبي منها 🥺🤤
ايييه اييه احني قهوتنا حتى ريحه مفيهاش وقهوتنا بالحليب لاكن هما يديرو في اميه فيها🙄(ماهو متعرفوش تاكلو ياغبي قهوتكم انتو نسكافيه 🙂)
حي حي هادوم مروحين من الجامع اكيد تو زي كل جمعه بيلتمو في حوش عمي فتحي 🍁 سعدودهم اني انحب اللمه هلبا بس احني منلتموش🥺زعما ديننا هك يقول؟ به اني منبيش ديني اهوا كيف نسيبه لاكن ماما بتزعل مني اكيد🥺😫شن اندير به هففف حي حي هدا عمي مسعود جايب معاه حليب من المزرعه متاعه ماهو عنده حيوانات غادي تو بيطيبو الحليب وبيشربوه سالته مره كيف اتديروله 😅 قالي يلتمو عليه النساوين ويقعدو يخضو فيه ويحطو فيه عالنار يديرو في حليب ولبن وزبده ليله كامله وبعدين يحطوه في التلاجه ويشربوه
اياماتهم واجواءهم حلوه هلبا🥺💞نبي نفطر معاهم الريحه جوعتني❤️
تو بنروح نلقا فطور اخييه ☹️مفيشي ريحه ولا طعمه نمشي ناخد حوايجي ونخش لحارتهم ؟شن اندير في عمري اني😫
خل نمشي نرقد خيرلي
الساعه10الصبح 🌘☁️
رقيه:هيييي حي عليا وحي
امها(ام السعد) :خيرك يابنت
رقيه:عمر شافني بدون محرمه
امها(ام السعد):هيييي طيح سعدك يلي متتحشمي كيف تطلعي قدام خوك هك متتحشمي انتي
رقيه:يما والله مشفته 😭نحسابه مزال مجاش😭
عمر بصوت عالي: امييييييي😡
امها(ام السعد):خليك في الدار تو انشوفه اهو ينادي
رقيه قعدت في الدار متحشمه تطلع بحدا خوها
عمر يصيح بصوت عالي:قوليلها الكلبه اهيا وجهها معاش نبي انشوفه هالحقيره😡معاش تطلع قدامي بكلل
ام السعد:تربح يوليدي هدي روحك والله ماشافاتك هيا متحسابكش قاعد
عمر: المحرمه في دارها بس تحولها فاهمة ولاه برا منها لا والله كانهذا لاما نقتلها هالكلبه اهيا😡
ام السعد: باهي حاضر حاضر غير اهدا بس
عمر طلع وقربع الباب وراه
برا ودره 🙂
ام السعد:ياكلبه كيف بتقابلي خوك تو يالي متتحشمي
رقيه وهيا متحشمه وخايفه:والله يما منعلم بيه😭 سامحيني
ام السعد:تو يجي بوك يديرلي نهارات على راسي
ههه مستغربين في الي صار صح تقولو بالك غالطه ولا شيء ههه لا هادي فعلا طلعت قدام خوها بالغلط بدون شاربه حسسوني كإنها طلعت عريانه🙂 ماعلينا عاداتهم وتقاليدهم وملتزمين بيها
في روايتنا في الزين وفي الشين في العادات ...
🌿✨
عمي احمد كان مقعمز قدام باب حوشه ومفرش حصير (حصيره🙄مش عارفه شن اتقولولها) وحاط بحداه براد شاهي ولابس جرد وطاقيه بيضه ويتفرج عالماشي والجاي
فاليرو:مرحبا عمي احمد😅
احمد:اووو فرو
فاليرو: ياعمي احمد اسمي فاليرو مش فرو
احمد ضحك:ياودي ليرو فيرو زي بعضه كيف حالك انت والعيله ناقصكم شيء ياعمو؟
فاليرو:....
يتبع....
#سوبي🌚