ناراحيدرة

part 10

عَبَثًا أُحَاوِلُ أَنْ أَرَاكَ وَنَلْتَقِي

حُبّاً فَأُظْهِرُ لِلِّقَاءِ تَشَوُّقِي

‏فَلَعَلّنِي أَلْقَى سَنَاءَكَ صُدْفَةً

‏مِنْ دُونِ تَخْطِيطٍ وَوَعْدٍ مُرْهقِ

‏يَامَنْ أُحِبُّ لِقَاءَهُ وَيُحِبُّنِي

‏قُلْ لِي مَتَى بِاللهِ فِيكَ سَأَلْتَقِي ؟

…

دخلت للديوان بالحظة من نهئ أمجد علية بقيت ساكته مصدومة أو بالأحرئ ما مستوعبة شنو شدايصير ربي ؟

وگفت يم بابا بعد ما لؤي راد يتهجم علئ أمجد .. وأمجد دفعة وصار الغلط بلاش

سالار ما أتدخل ابد ..

اباوعله مبتسم واكف وايده بجيبه ويباوعلهم بلكوه حاصر الضحكة ..

من يشوف لؤي ميت قهر وبده يكتل امجد لان خرب كل خططه من نهى عليه

ماخلاني بابا احچي شيء وحاضني ويسويلي بيده اشش ويبتسم ..

عزه هذولي شبيهم بالي يم نهوة عزة صدگ يحچي هذا تخبل ؟

لؤي يصيح ويكول هسه تحررها وتتراجع من نهوتك ע اسويها دم

حضنت بابا حيل هذا همات خبل ياربي كلشي دايصير بسببي

طردو ودخلو سالار وامجد گعدو يورثون جكاير وعادي الوضع هدوء

تالي بابا ماتحمل وطكها ضحكة وهمه ضحكو ويا بصوت عالي ..كل ضحكة شكل

التفتت وبعدت عنه..

- ليش تضحكون فهموني شنو صاير؟

امجد :- أنتيـي انجبي نهييت عليج بعد لاتفتحين حلكج بنت عميي

سالار:- وياچ زوجج المستقبلي احترمي منا وجاي ههههههههه

صفنت عليهم وعلئ بابا ..

- بكيفك تنهي عليه ؟ خلصت من لؤي تطلعلي أنت

سالار :- ناردين نهى عليج علمود يخلصج من لؤي لا تصيرين جحشه

- شلون ما افتهمت

- بويه ما نهى عليج حتئ تصيرين اله بس يخلصج من هذاك العار

باوع لامجد وكال اله ..

- كفو منك خاتمها مسك منك همزين أجيت

گلت الهم..

- يعني النهوة بس يم لؤي اقصد شسمه نهيت عليه بالچذب؟

صاح بيه سالار :- كومي طلعي ولچ

عبست وجهي وامجد غمزلي ..

وهو يكول ::- معليج بلؤي بوخه يولي اني بظهرج بعد شحده يفك حلكه بكلمة وميكدر يخطبج بعد مادرا نهيت عليج ..

- صدگ !! لعد شكرا الك ممنونه والله

امجد :- ترديها بعرسي

ضحكت :- تدلل وربي اذب لحم

سالار:- هاا مو قبل شوي رح تبچين هسه تدلل صارت بعتي اخوج لهذا الحيوان

امجد :- ناردين بمثابه اختي الصغيرة الله شاهد اذا اني ما اوكف وياها واساندها لعد منو ؟

سالار:- اي مو يمك رجل كرسي، اخوها اني

عفتهم يضحكون وطلعت فرحانه إن شاء الله يفك مني وارتاح

واكفة بلمطبخ دخلت امي وجرتني من ايدي

- شكوو يمه ايدي دا توجعيني

:- اسمعي لج لا امجد ولا غيره تزوجين بس لؤي أنتي لـٍـً لؤي وبس هوو زوجج وغصبا عليج تقبلين بلطيب او بلغصب وهسه ترحين ودكوليلهم اقبل بلؤي ע اواريج نجوم الظهر

- بعدي عنييي معلييچ خوووش

ضربتني راشدي وخلتني اصرخ من حرورته
:- مو بكيفج حماررة والقران اذا عاندتي ورضيتي بغير لؤي امووتج

دخلو سالار وامجد..

صرت ورا ظهر امجد وسالار جر امي ودخلها للهول ..

بقيت ابچي ومدنگه راسي ..

أمجد:- ليش تبجيين شكالتلج عمتي كولي شسوتلج ؟

- ماكو شيي أمجد

راد يحجي عفته ورحت اركض للغرفة ..

نور ونبراس واكفات ورا الباب بحيث فتحته واخذني بحضنهن گعدنه بالكاع بعد ماقفلن الباب واني ميته بچي

نور:- شصار ولچ ؟ امي ماقبلت ننزل جوا كولي خفنه عليچ احچي

نبراس:- سمعت امجد نهى عليج صدگ ؟

- كااافي بس اسكتن شوي رح أنفجر

نبراس:- انفجري وطلعي حركة كلبج خواتج احنه گولي النه

- محروگ كلبي مو من العار ولا من نهوة

- لعد منين ؟

- سالفه طويلة ما بيه حيل احچي

نور :- والله اعرف بيج عندج موضوع ضامته بكلبج هاي الايام متغيره كلش مو مثل قبل

- خلي اهدئ واسولف الچن بس انطني صبر

سكتن واني مترددة اكول الهن لو لا علئ مشاعري المعوقه اتجاة حيدرة ..

نور :- شبيج ساكتة گولي وما نگول لأحد

- مو قصة ثقة بس مو وكتها اكلچن

- احچي بداعتي

بچيت بقهر واني اتذكر من اعترفت اله وطردني الي ماعنده أحساس

بس مجرد ما اتذكرته ابتسمت واني دا ابچي
خليت راسي بحضن نبراس ونور متربعة كبالي

كتلهن بهمس ..

- اني أحب

صاحن اثنينهن بتفاجئ ..

- شنوووووو

- والله أحب ومن طرف واحد

- منوو هذا وشنو اسمه وشگد عمره ؟ وين عايش وشنو يشتغل ؟

- وحدة وحدة علئ كيفچن وياي تره بعده گلبي محروگ

احم اسمة حيدرة دكتور عيون يفحص نظر وعمره ما اعرف يمكن 26 لو 28 بس بعده صغير ..

فتحهن عيونهن علئ وسعهن بصدمة وصاحن
- احلفي !!؟

ضحكت ومسحت دموعي ..
- وربي بس شلون صاك وحليو

بعدني اضحك لحد مانبراس عاطت..

- عزززززززه لحظة بس لا حيدرة حيدرة ؟؟

رفعت حاجبي بأبتسامة عريضة ..

- اي حيدرة نفسة

نبراس :- هذااا هذاااا صديق سالار اقصد اخو صديقة الي تعشه يمنه هذاك اليوم الي اجه لمدرستنة !!!؟

ضحكت :- اي يا عيني

- فلك فلك بس هو صدگ حلو ويخبل وهيبة

كرصتها ..
- إذا تغزلتي بي گدامي اموتج

- ولج ياغزل مصدومين بيچ شلون حبيتي سولفينه ست ناردين

تربعت ونتچيت علئ الجرباية واللعب بطرف شعري وعايشه اللحظة واكول بأبتسامة اممم

نور :- هسه غيرر تحجي العاشقه الولهانه

- باعن اول شي الي اكوله ما تگولو لأحد يبقئ سر بيناتنه ماشي ؟

- صار وعد

- باعن اول مرة .. التقيت بي اول مرة اشوفه چان عندي امتحان وساعدني من الطين ونعجبت بي حيل..

"سولفتلهن من ساعدني وفحصني"

نور :- يعني حب من اول طينه هههههههه

نبراس :- جعل كل يوم تمطر واطين ويساعدني دكتور حات

ضحكت وكتلهن من رحت لعيادته والمواقف الجمعتني بي ..

تالي سولفتلهن وكتلهن..

- اليوم أني رحت لعيادته من طلعت من المدرسة

بعدهن ساكتات تحت تٲثير الصدمة مانطيتهن مجال يستوعبن وكلت..

- گلت اله أحبك

صاحن اثنينهن :- جذذذذذذذذذذذذذب !!!!

- وداعتي

- صخام لج ناردين شنو هلجرأة إلي عندچ ؟ ما دا نستوعب كل هذا يطلع منج!!

- أي

- شلوون كتيله احبك شلووون واني بابا استحي اكله بدلع باباتي

- عادي يابة وذا

سكتن تالي ضحكت وما خليت شي بگلبي كتلهن كلشي عنه وهنه ضالات فاتحات حلكهن كل دقيقه اصدمهن بشيء

أبتسمت من اتذكرت المواقف وبدي اعيد كل لحظة جمعتني بهذا الانسان

نور :- لعد شگد تحبي؟ علئ طول ما انتي تسولفين عنه مبتسمة وعيونچ تلمع تردين اطيرين من فرح نياله لعد شگد محضوض صدگ مو مايحبج شلون يعني شنو نهاية هذا الحب؟ تزوجي لا

- چؤ يا زواج صح انه احبه بس هوو ما مفكر يحبني ابد من تصرفاته وياي معتبرني فد خبله او مراجعه معجبه بي ڪ مراهقه طايشة

نبراس:- اكلج أنتي صح تصرفاتج بطيش تتبعين كلبج ومايحكمج عقلج هسه من شافج هيج خفيفه واعترفتيله رح يضحك عليج

- لا انچبي مو هيج هوو

لزمت راسها بتفكير لج كلبتي كل القوانين وانتي الاعترفتي للولد مو الولد عترف الج

- خوش لعد اني مخبله

- الله يساعده اذا فكر يحبج

- ولن موصوجن اني وحده حمارة من فكرت اسولفلجن ردتجن عون طلعتن فرعون

- ولج نشاقه والله مو هيج اقصد

شهكت محد يحس بيه متحمله وصابرة والا غيري هسه شابعه نوم بالمستشفئ والله محترك گلبي

نور :- يصير الج الج بس اتهدي

- تدرن ما اكدر اتحمل اذا ما اشوفه وانقطع عنه والله مستعده اسوي كلشي مايهمني غيره اذا اضطر احرك روحي ويجي للمستشفئ يعالج جروحي والله احبه تعرفووون شنووو أحبه؟ ماكدر بدونه قفلت عليه اموت اذا مايصير الي

نور:- كافي ولج شوفي شسويتي بحالج وبروحج اعصابج تلفت علئ كيفج اخذي نفس بس ارتاحي هسه

انتهيت متت بجي وكلبي يٲذيني بكل كلمه حجيته ..

اخذني للجربايه نامن يمي شوي وحسيت نور طلعت من الغرفة..

واني رحت بسابع نومه بدون تفكير ..

...

نور

طلعت من الغرفه علئ كيف وشغلت الضوه بالهول ؛ وبايدي الايباد

فتحته ورحت علئ رقم طيبة خابرتها

ماردت حقها الوقت كلش متأخر بـ 1 ونص
راسلتها ؛ وانتظرت اترد ..

وكلبي نار علئ اختي أول مره اشوفها بهذه الحالة صح مخبله بس مو لهلدرجة كلشي اتصخم وعادي عدها

من كلامها ومشاعرها تجاة حيدرة ادركت صدگ هيه مخبله بحبة

حلفت إن اساعدها اريد دوم سعيدة وقررت اراسل طيبة واكلها لان هيه بعمري وراح تفهمني وتفهم الي اكوله اكيد

بحدود نص ساعه انتظر وايدي علئ خدي ردت وصعدت مكالمة وياها وبعد ما اشلونج وهاي الرسميات بديت اسولفلها علئ ناردين

حجيتلها كلشي من الالف للياء وهي ردة فعلها فرحت حييل ..

وكالت:- اني أحبها واتمنئ صدگ تعيش ويانه وتصير مرت اخوي

صرنه نفكر شلون نجمعهم وشلون نخلي يلتفتت الها ويحبها للفجر واحنه نحجي ونخطط

انكمزت من دخلت ماما بسرعه ضميت الايباد وراي ..

- شداتسوين ولج ؟

- ردت اتجهر للصلاة لااان رح يٲذن

خزرتني وراحت ..

ترخصت من طيبه وفعلا رحت تجهزت للصلاة وصليت ورجعت للغرفه نمت ..

واني فرحانة لان رح اسوي شي يسعد اختي واخليها مرتاحه لان ادري اذا ادكول قفلت علئ هلشي يعني كلشي تسوي لو كال شمري روحج من جسر ويصير الج تشمر روحها وعادي عدها

دومها عنيده وتسوي الي براسها وماتهتم لأحد

اتمنئ تاخذ حيدرة وترتاح من لؤي لان حيدرة شخصيته كلش قويه بمقابل لؤي ورح يوكف بوجه

وعلئ كلام طيبه كالت حيدرة صحيح هيج اتعامل وياها ومانطاها مجال بس كلبه طيب رح يساعدها ويبعد لؤي عنها

وبعد احنه انقنعه ونخلي يوافق

...

نارديـن

ثاني يوم من كعدت وتذكرت ليلة البارحة والنهيار الي صار بيه ردت أرجع انام شكو گاعدة ما أريد أتذكر شيء

اجت نبراس وهي تگول ..
- تعالي بابا يصيحلج

غسلت ورحت للمطبخ ..

الكُل كاعد علئ السفرة يتريكون حچيت بضوجة "صباااااح الخيرر اهلي

ضحك بابا وجاوبني ..
- تعالي يا بعد اهلچ تعالي اتريكي

هزيت راسي ..
- أي بس أعدل شعري

مُصطفئ: أي عفية مشطي كفشتچ نفسيتي مفتوحة حاليًا لا تسديها دخيلچ

- جرحت مشاعري المائية لحظة دمعت

باوعتله صفح ورحت بللت شعري ورجعت گعدت بصف بابا

ماما ما تباوع بوجهي وبس تخزر ومبوزه وعلئ أقل شيء تنتر وتغلط علية

يگول بايگه فلوسها لو كاتله بتها

ما عبالك أمي !!

هه ديلا عادي يابه وذا ..

...

حيـدرة

خابرني حسن ولح عليه الا أجي للبيت طلعت من عيادتي متوجه للبيت

دخلت وشفتهم گاعدين ينتظروني ..

- خير حساني شنو صاير ؟

حسن :- تعال اگعد وخلي نحچيلك بس أرتاح

شمرت السويج وگعدت أفتح ازرار قميصي راحت طيبة للمطبخ واجت بيدها كلاص ماي شربته وجابت الغدة..

-صدگ تحچون؟ اجيت من عيادتي حتى تلتزمون الصمت؟ احچوا يابه شنو منتظرين؟..

طيبة:- اعصابك بس الموضوع مهم..

-يا ستار احچي يابه..

-ناردين..

توقفت وركزت بعيونها بأستغراب..

طيبة: تعرفها اكيد..

-اي يابه..

سكِتت تالي كملت كلامي بهمس: "شلون أنسئ ناري ؟

جريت نفس طويل وزفرته شبيها البنيه؟..

حسن:- البنيه واگعه بمصيبة..

-خير إن شاء الله احچي أسمع؟..

همس حسن لطيبة :- خويه احچي انتي انه ما دخلني..

طيبة:- ناردين أختها سولفت إلي كل شيء..

-شقصدچ بكل شيء؟..

-انو ناردين اجت لعيادتك وصار بينكم كلام..

تنهدت بضيق.. عوفي هالسالفة واحچيلي بالمفيد

-ناردين من طلعت من عيادتك امس ورجعت للبيت اهلها كتلوها لان ما يدرون بيها طالعة من كيفها علمودك..

-صدگ والله؟..چؤؤ دريت وعلي..

حسن:- اي وداعتك غير الغلط والمسبة عبالهم رايحة لواحد وشارده وياه وها كل هذا بصفحة وابن خالها بصفحة ثانية يريد يتزوجها وابن عمها نهى عليها وصارت بيد هذا وهذاك..

-لحظة يابة صبر شنو هذا الحچي شنو شاردة شنو ابن خالها ونهوة خير سالمين؟؟..

حسن :- عبالهم طالعة ويا واحد مايدرون رايحه لعيادتك وأبن خالها واحد ساقط اسقط خلق الله وهي تريد أحد يحميها منه وهذا ابن عمها نهى عليها وصارت هوسه وتدخلوا عمامها وصلت بيهم حتى يبطلوها من المدرسة..

-يا گوا* * هذا نغ*  عرفت رح يسويلها مشكلة..

حسن:- ليش انت تعرفه؟..

-شلون ما اعرف لؤي منتظر الادله عند عثمان وساعتها تعرفون شسوي بي..

حسن:- ادله شنو شجاي تحچي فهمني؟..

-بعدين احچيلك كمل سالفتك..

حسن:- اي مو مهم هالحچي ما يفيدك لازم تسوي شي وتخطي خطوة وتساعدها لازم تصير بحمايتك حيدرة..

-تمام شلون اساعدها؟..

حسن :- اخطبهاا

يتـبع..

صوتـو فضلاً ⭐

الكاتبة: نمارق رحيم