يوصلون فينوس وزهراء للمطار مال اربيل
اول ما ينزلون زهراء تريد تخابر عله اهله
فينوس:- اي بس اوكفي خل نطلع من المطار
دا تشوفينه لا ملابس ولا شي شايلين بس الجنطه مالتج والمحفظه مالتي
مو زين شايله مستمسكاتج بالجنطه الي يكول عندج معامله ههههه
زهراء :- اسكت اسكت
يطلعون من المطار
زهراء:- يييييللللله فينوس تره هسه اكوللهم خاطفني
فينوس:- ههههه خاطفج وتمشين وياي واسفرج للسليمانيه
ما تجين تخطفيني انتي هههه
زهراء:- اسكت اسكت اصلا من البجي وجهي وكلشي مخربط
فينوس:- امشي نشتري سيمكارت الج ونشتري ملابس النه ونروح للبيت مالتي
يروحون يشترون كلشي
ويوصلون للبيت وغراض كلش هواي
زهراء:- ايدي ورجلي تكسرت وراسي يوجعني كلش
رح اسبح وابدل وانام ساعتين وكعدني حته اخابر اهلي
فينوس :- ماشي هسه ساعه ب ٥ العصر اكعدج ب ٨
زهراء:- ماشي
فينوس:- اني رح اطلع بالحديقه ادخن وانتي اخذي راحتج واذا تريدين حته اقفلي الغرفه عليج اذا تخافين مني
زهراء:- شنو هذا تفكيرك استغفر الله خل اروح احسلي
فينوس يطلع بالحديقه يدخن
ويفكر
يكول بكلبه
يارب كون وياي
منا زهراء بمسؤوليتي صارت ماكدر اعوفه
ومنا اسراء الي حبيته وعساس اخطبه
ومنا تحسين الي بالمستشفى
ومنا كمال
ومنا ماعرف منو من الشباب منقلب ضدي
يارب كلهن بيوم واحد صارن
مداكدر اتحمل!!!!
اذا جنت تريد تعاقبني ف اخذ روحي وخلصني بس ماتحمل بعد
يدك التلفون فينوس يطلع التلفون من جيبه ويلكه واحد من الشباب يدك عليه
فينوس:-الوو ؟؟
الشباب:- استاذ فينوس حبيت اطمنك كمال وجماعته نهزمو من شافو الشرطه اجوي
واحنه تعاملنه ويه الشرطه وراحو
فينوس:- اييي
الشباب:- بسس!!! استاذ
فينوس:- بس شنو احجي خلصني
الشباب :- كمال لكو متسمم وميت ومحد يعرف شلوون
فينوس شنوووو؟؟؟
الشباب :- استاذ مادري شلون بس لكو متسمم وميت وهسه الشرطه كاعد تحقق ويانه لان الشكوك كله عليك
احنه كنالهم انو انت مسافر
والمحامي مالتنه جابلهم ورقة خروجك من مطار بغداد لمطار اربيل
وحمدلله راحت الشكوك منك
فينوس:- ياربي اكو شي بعد رح يصير بهذا اليوم
مرح يخلص ابددد
يله يله بعدين نتفاهم
انتو هسه وكفو كل الشغل لا تجاره ولا ايشي اهتمو بس بالمطاعم وبالمعارض مال سيارات كوللهم خل يحركون الشغل شويه خل يبيعون ويشترون
اريد المطاعم والمعارض يشتغلن شغل خرافي
عوفو التجاره الباقيه الما ارجع
الشباب:- تمام
تصير الدنيه ليل يدخل فينوس للبيت يروح عله الغرفه يلكه زهراء نايمه بسابع نومه مثل الميته ههه
فينوس:- ادري تمساح ونايم هههه خطيه تعبانه خل اعوفه وانام هناك بالاستقبال
ياخذ فراشه وينام بالاستقبال
يحط راسه ع المخده ويفكر شرح يصير باجر وشرح يكول لاسراء وشنو رح يسوي وهو بهاي حالته
ويغفه وينام
.........
اليوم الثاني
الساعه 8:25 دقيقه صباحا
زهراء تكعد تعبانه من كثر النوم تطلع من الغرفه وتشوف الساعه
زهراء:- عززززه خرب يومك فينوس ممكعدني
تروح عليه
فينوس هيييييي هيووووو انت اكككككعد
فينوس:- ها شكو شكو خير ياربي
زهراء :-ليش ممكعدني البارحه ؟؟؟؟
فينوس :- شفتج نايمه وكلت خطيه
زهراء:- نطيني التلفون اريد اخابر اهلي
فينوس:- اي هاج هاج
زهراء تخابر اهله يدك التلفون ومحد يشيله
فينوس يفرك بعيونه ويروح يغسل وجه
زهراء :- فينوس محد دا يجاوب؟؟
فينوس:- دكي مره ثانيه وشوفي
زهراء:- ادك عله رقم امه
الام :- الو منو وصوته مال وحده تبجي ومقهوره
زهراء:- الو ها ماما اني زهراء لتخافين اني بخير
الام:- زهراء ؟؟؟؟
الله لاينطيج انشالله خزيتينه كدام العالم فضحتينه الله لا ينطيج
اني لا امج ولا اعرفج روحي الله يلعنج
زهراء:- ماما شبيج فهميني شكو تره مابيه شي خطفوني وهسه مابيه شي
الام :- والج عين تحجين ولج كلبه
مهزومه انتي وهذاك ال&****
لكيتي ونهزمتي ويا ونسيتي اهلج وكل ناسج
شكول عليج حته بالمنطقه ماكدر اطلع الله لا يوفقج نشالله
زهراء:- مام شكاعد تحجي؟؟
الام :- شوفي التلفزيون شلون مكلوب بالاخبار مالتج
روحي يله سدي تلفون ماعندج ام منا وهيج
تسد التلفون
زهراء:- تنزل دموعه وتكوم تبجي
فينوس بهل اثناء يفتح التلفزيون
ويديره ع الاخبار
المذيعه :- في ابرز العناوين لهذا اليوم
بعد اختفاء الدكتوره الكبيره والموهوبه (زهراء عبد اللطيف ) وكانت جميع الشكوك في اختمال خطف الدكتوره زهراء؟؟
لكن كما عودناكم دائما وابدا
سرعان ما تظهر الحقيقه
حيث تم ارسال لنا صور من مصدر مجهول
تضهر فيها الدكتوره زهراء مع التاجر الكبير تاجر السيارات وصاحب ارقى مطاعم بغداد الاستاذ( احمد) الملقب (فينوس)
تظهر معه والابتسامه مرسومه على وجهها وهي في السوق
وهنا في بعض محلات الالبسه
وهنا في محل للهواتف النقاله
وتم ارسال رساله مع الصوره مفادها
( ان الدكتوره زهراء لم تخطف بل قامت بالهرب مع التاجر وهو على علاقه معها من اكثر من ٤ اشهر )
زهراء:- شنووووو شنو هالكلام منو طاك هاي الصور
انت مو كلت محد يندلنه هنا ومحد يعرفنه
فينوس:- يكسر التلفزيون
ويصير عصبي كلش
زهراء:-تبجي وتكول بيا عين رح اطلع بعد بالشارع
فينوس:- يجي يمه ويحاول يهديه
زهراء :-تحضنه وتكله فينوس لتعوفني
يتبععععععع
تعليقكم يهمني كللللش💙👀