منقذي ذو النجوم
الكاتبة غدير العزاوي
..
مصير مجهول عالم مضلم عالم مليء بلوحوش التي لاطالما كُنت اخشاها عند وجود أُمي وأَبي كانوا لي اسوار محاطه من جميع الجهات ....أُختي هه اختي التي تخلت عني بَمُجرد طمعها بالورث .....أَخي الذي لم ارى منه اي شي الى الان واتمنى القادم اجمل معهُ ....اما الان سأتي الى الذي سرق قلبي وعقلي مني وانا على ذمة رجلٌ ثاني ....هل بأمكاني ان امنع نفسي بلتفكير عنه .....
كعدت وماادري اني وين وشصار بيه شويه شويه بديت استوعب شصار.......كاعده بزاوية الغرقه وعيوني تجول بلفراغ والف حسبه والف سؤال بالي زين ليش منو همه ليش جابوني هنا ....
احنه ماعدنه اي اعداء وعيلتنا كلش مسالمه وبابا اكثر واحد مسالم واني بين تفكيري انفتحت الباب ومااشوف الا رجال ضخم يطلع بكد عمي الجبير تقريبا بس ملثم اقترب مني وكالي..
الرجال:شوفي يحلوه انتي هسه باستضافتنه يعني ضيفه بس راح تشاهدين الي راح نسوي بس بدون ايي صوت واذا طلعلج صوت راح يكون مصيرج مثلهم...
ريم:عمو الله يخليك ويخليلك اولادك بس طلعني منانه زين جاوبني ليش جبتوني هنانه ومنو انتوا احنه ماعدنه عدواه ويه احد اجه عليه لزمني من شعري لانه من اخذوني مجان اكو غطه ع راسي.
الرجال:اني شكلللتلج سمعتي الي كلته لووو لااا لوو تردين اتصرف وياج غير تصرف يحلوه .
ضربني راشدي وطلع واني بين دموعي دخلو للغرفه تقريبا ٤ بنات بيهن الجبيره وبيهن لايطلعن شابات بس اشكالهن مبهذله وشعرهن كفشه اجوي وراهن ٣ شباب اول شي اقترب واحد منهم يمي وكلي:
الشاب:اوف اوف كل هذا الجمال مايخلونه نتقرب عليج بحجة شنو والله جايبنه نسويله جرة اذن.
ريم:انت واحد حقير وبلاشرف عساااها بختت اخواتك ومرتك انشاءلله تفل عليه وكال
الشاب:شووفي اني هسه باامر مااقترب منج بسس والله لخليج تشوفيني بكوابيسج .
مااحس الا وشال وحده من البنات من شعرها وذبها بلكاع وضل يضربها بشكل كللش قاااسي اتقدموا الباقين وضلوا يضربون بيهم...
واني اصيح واكللهم لا بس الي فاجئني وحده صيحت من مكانه لاطلعين صووت اذا طلعين راح يكون عذابنه اقوه دفرها واحد ع وجها بحيث من الدم ماينشاف ملامحها ....
سكتت واتذكرت كلام الرجال كال راح يصير الج مثلهم سكتت واني دموعي تصب ع وجناتي وضليت ارجف مطلعت اي صوت بعد ...
شويه وطلعوا كلهم حته البنات بقيت بس اني بلغرفه الي اشبه بمكان مثل المخزن بس مابي اي شي غيري اني ونسمات الهوه البارده مثل الثلج تتجول باانحاء الغرفه عاينت شفت شباك كلش عالي بس مفتوح ضليت ابجي ماعندي غير حيله وكرفصت روحي بلزاويه واني بردانه وعقلي مشوش نمت...
..ماحسيت الا على ماي بارد كبو عليه شفت الشاب الي نفسه جان الي جابني هنانه وشويه ودخل بعد واحد....
مدااستوعب اذا هو او لا ..اي اي هو زين اني شسويتله ليش هيج ......وبديت اربط الاحداث بس اني اكثر شي فكرت بي انه جماعه خاطفيني علمود ورث الي حصلته من بابا......
الشاب:هه ضحكتي عليه ذاك اليوم مووو اني شكتتلج كتلج لاتدخلين وتلعبين ويانه بس انتِ لا شسويتي ...
كمت ارجف وعقلي كله مشوش واني بين دموعي كتله ....
ريم:عليك الله عوفني والله اسوي اي شي تردونه مني وامسح الفيديو همينه ومااجيب سيره لااحد ابدااا....
-يحلوه فات الاوان ماكو هسه شي اسمه عوفني يعني والله للصراحه بلبدايه جنت مفكر انه اعوفج واسويلج جرة اذن بس ع هذا الجمال والكمال انسي بعد حتى روحج وضحك ضحكه لحد الان ماانساها بحياتي ابدااا ..
طلعو وضليت وحدي شويه شويه بده الصبح يطلع اجو وجابولي اكل جان صمون وجبنه .....
مااكلت ابدااا بده الجوه يصير دافىء.....اجو عليه وكوموني وشدو عيوني وطلعوني بلسياره ماادري وين راح ياخذوني بضبط ....بعد طريق طويل وصلنه لمكان فتحو عيوني ...بس جانت مثل القريه وبيها خضار همينه بس الجو يخبل جان.....
نزلنه واخذوني لبيت صغير دكو الباب طلعت وحده تجي عمرها فد ٣٨ ....
سلمى:اي شعندكم بهذا الوقت يمي شويه وباوعتلي وغمزت الهم شنو هاي مامبين عليها مثل الي يمنه .....
كال واحد احنه هسه مالنه دخل جبنالج وانتِ اتصرفي وشوفيها للشيخ شهاب همينه لانه ماتتفوت وبلكي تكسر جبيرة كلبه ....
دخلتني جوه وهمه راحو كعدت ...سألتني عن اسمي وتهديني ...
سلمى: احنه مثل اهلج الجدد ولاتخافين منه وفتره تتعودين وانتِ اصلا شكو لاعبه بهيج طريق وتدرين وراها مصايب....
مداافهم اي شي منها ومن حجيها ومنانه دايخه كالت نامي هسه مبين عليج تعبانه وره متكعدين نحجي ان شاء الله.....
وصدك جابتلي فراش فرشتلي ايا ونمت بهدوء .....
كعدت وره ماادري شكد تقريبا بس جانت مغربيه كعدت واني اشوف البيت جان بسيط كولش ونضيف مو وسخ ....
شويه ودخلت سلمى كالت كومي يله اسبحي حته ترتاحين ....ومن صدك جنت محتاجه اسبح كمت انطتني ملابس منها بس ماادري شلونها يعني دشداشه بس مبينه ضيكه ومخصره ....
دخلت سبحت كولش زين لانه كولش جنت متوسخه لبست وجانت الياخه مالتها مفتوحه هواي اتلمست ركبتي واتخبلت من ماشفت الكلاده بيها .....اكيد واكع مني بشي مكان ...
طلعت من الحمام وشعري مفتوح وينكط مي .....
ويه طلعتي شفت واحد واكف بس شنو من هيبه شنو من جمال رفع راسه وباوعلي ثواني وبسرعه دخلت للحمام مره ثانيه وسمعت ضحكة سلمى....
شويه واجت كالتلي طلعي طلعي راح....
طلعت شفت مجهزه اكل كعدت اكلت وياها وكالتلي تره هذا لاتفكري مثل اي شخص ولاتشغلين بالج لو مطرت علي نسوان الدنيا ماراح يخون الي اخذ كلبه.....ماحجيت شي بي اسمه
وبعدين جابت جاي اني كتلها مااحب اشرب جاي الى ع ريوك.....
سألتني عن انه شجابني لهنانه .....حجيتلها كولشي ماضميت عنها أي شي......
كالت يااا خطيه زين تدرين انتِ وين جايببج لو لا...كتلها لاوالله واصلا مااعرف وين اني ...
سلمى:همممممم يعني هسه انتِ شلون بله مااكدر اجازف بيج لانهُ مبينه بنت عالم وناس وخلوقه ومؤدبه....
شنو رأيج نفتر هنانه كتلها مااطلع بدون حجاب كالت اي اني هم مااطلع .....جابتلي شال وياا هاي الي نحطها ع وجهنا ويطلع منها بس عيونا وبيها خرز وماادري بعد شنو من شغلات يعني مثل الوصله المثلثه.....
سلمى:حته ميعرفوج احسن
طلعنه ودتني يم البستان وكمنه نفتر كعدنه يم شجره وهيه بيدها لايت وجهته عليها كلتلي ..
سلمى:ريم شتشوفيني حلوه لا زينه مو زينه...
انتبهت الها وصرت ادقق بكل تفاصيلها جانت داكه بحنجها بلون اسود وبخشمها حلقه مثل الهنديات والشال حاطته شلون مجان وكذلتها طالعه وهيه تخبل جنها كمر عيونها خضر وهيه وبيضه ....
ريم:يعني ماادري شلون اكولج اياها بس انتِ حلوه كولش ومابيج اي عيب ومبينه حبابه لانه عاملتيني زين ...
ضحكت ضحكه طويله الى ان دمعت عيونها بس دموع حزن مو مثل اي شخص عادي من يضحك يصيرن دموع فرح لا جان عيونها بيها اسرار مو سر واحد....
سلمى:تدرين من زمان ماسامعه هاي الحجايه من اي احد انه انتِ حبابه يعني مبين من كلماتج براءتج ...
ريم:زين اذا انتِ حبابه خلي اروح والله عندي اهل ويخافون عليه واني هم خايفه هنانه...
سلمى:حبيبتي اني لو جنت اكدر اطلع منانه مجان شفتيني هنانه ابداا اني هم عبد مأمور بس تكدرين تكولين الي منصب هنانه شوفي هسه هاذي البيوت كلها اني مسؤوله عنها وبكل بيت اكو سر تهد الجبال ....
يعني يمكن بس انتِ الي هنانه تختلفين ولو بيدي اطلعج منانه اليوم وهسه قبل باجر قبل لايخلون عليج نقطه وماضي اسود.....
كمت ابجي وهيه ذبت لايت من ايدها واتقربت مني وحضنتني وكالت مدام اني موجوده لاتفكرين بيوم يمسوج ابداااا ......
شويه وكامت كالت يله اني عندي شغل مااكدر اتأخر بعد كومتني ودخلتني للبيت كالت ماتتحركين من البيت ولاطلعين ....
راحت كمت اني اشوف واكتشف البيت جانت بس غرفه وبيها مغاسل وحمام ومطبخ ماكو شي وشباك مفتوح يطل للخارج والجو بره يخبل والشباك واجهته للبستان....
كعدت هناك واني اذكر كولشي من يوم ماولدت لحد الان وشنو من مصيبه وشجابني هنا ....
ﺍﺟﻮ ﻋﺎﻟـﺒﺎﻝ
ﻳﺎ ﺩﻧـﻴﺎ
ﺷـﺠﺎﭺ
ﺷـﺒﻴـچ
ﻛﻞ ﻫﺬﺍ ﺍﻟﻮﺳﻊ ﻭاﻧـﺘﻲ ﻭﻻ ﺷـﺒﺎﭺ 🖤.
شويه وكلت هو ماكو احد خلي اطلع افتر شويه لبست الي انطتني اياهن واخذت لايت وطلعت من صدك تخبل امشي امشي ومااحس ع روحي الا شي كرصني من رجلي كعدت مدااكدر امشي والوجع مينحمل وبقيت اون من بعد صياح لانه صوتي راح وهو ديأذيني مدااكدر بعد حته نفس اخذ بدت جفوني شويه شويه تنسد .....
بس قبل لاتنسد اجاني ضوه قوي وواحد صار بوجهي بعد محسيت بشي بعد ..
يتبع .