فينوس:-يضحك بهيستيريا( ههههه هذا اني فينوس)
زهراء:- شنووووو
انت تحاول تضحك عليه لو تستدرجني بالحجي
اكيد تعرف معلومات وكلشي وحجيت هيج
فينوس:- معقوله اكو شخص يعرف معلومات هيج دقيقه
من نقذتيني اول مره من ابو الحضانه وثاني مره من طلعتي من الديلاب
لو من ركضت عليج ونطيتج السوار لو من حضنتيني وكلتي اييععععع شلون سويت هيج
زهراء:- اسكتتتتتت اسكككككت الله يلعنك انت مو فينوس لا لا لا انت مووووو هو
فينوس ولد طيب مستحيل يصير مثلك مستحححححيل
فينوس:- دموعه تنزل ويكول (زهراء) هاي انتي معقوله
زهراء:- تكوم ترجف ومشاعره متعرف شديصير بيه وترجف وتبجي وتعيط اسكككككت
انت مو فينوس الي صار سنين ادور عليه
اسكتتت
مو كضيت عمري كله لا حبيت ولا عشت مثل الاوادم
بس ادور عليك بكل مكان (مستشفيات و دور الايتام و المصحات و كل مكاننن)
وبعدين تطلعلي انت فينوس
فينوس:- يصيح ويصير عصبي ( اني صرت هيج بسببج انتي !!!!!
انتي ما اجيتي وسألتي عليه ع الاقل !!! ولا اجيتي وكلتي هذا وين خل نزوره
ضليتي ببيتكم وعشتي حياتج وخليتوني وحدي بدار الايتام
الما نهزمت وتحولت هيج
زهراء :- تصيح عله فينوس( اسكتتتت ولا كلمه )
تحجي وهي تشهك من البجي
( اني هيج اني اني
اني الي جنت اريد اسويلك مفاجئة واجيك
ومن وصلت يكولولي ديلعب طوبه
يايوم انت تحب الطوبه
حسيت بوكته اكو شي غلط بس معرفت
الما رجعو جماعتك
فينوس:- جنتي هناك؟؟؟
زهراء:- اي جنت هناك
منو برأيك قره الرساله مالتك
انييييي
منو برأيك جان مسويلك حفله وكيكه من ترجع
اننننييييي
منو برأيك الي عاش طول عمره وهو يحاول يعرف شنو اخبارك عايش لو ميت
انننننني
كلشي اني اني اني
انت شنو سويت
غير القتل!!
ابوك الي عساس هو ابوك
تاجر مخدرات وقاتل ابويه بنفس الوقت!!!
انت الي المفروض اطيب انسان عرفته
طلعت قاتل عمي!!!!!
فينوس:- عمج ههههه عمج القاتل مو اني !!!
عمج الي قتل ١٢ من الي اني اعرفهم وغير الباقين الي اني ماعرفهم
زهراء:- عمي؟؟
فينوس:- اي عمجججج
الي قتل ذوله كلهم بسبب خيانته النه
يشتغل ويه الشرطه وبحجة هذا هو شغله
قتل ما يقارب ٣٥ واحد هو والشرطه الي ويا
زهراء:-اي لان همه مو خوش ناس
فينوس:- جانو مجرد واكفين بدون كلشي بدون مخدرات بدووووون كلشي
جان يكدرون يعتقلوهم بس عمج طلق اول طلقه
وطلقه براس واحد
شنو تريدين مني اسوي ؟؟؟
هااا
جاوبي
ليش اني فرحان من كل يوم احلم بي واحلم شلون جان عمري ١٣ سنه لو ١٢ بلزايد وقتلته
تصدكين بهالشي
لو اسولفه لاكبر واحد ميعقله
تدرين شنو السبب
لان جنت اركض وره غروري !!!
وجنت اريد اكون الابن الافضل وشوفي وين وصلني هالشي
رجعني لنقطه الصفر ههههه هههههه ههههههههه
تريدين تقتليني
يضحك فينوس بصوت عالي ويكول لزهراء
اقتليني !!!!
ويصرخ ويكول (اقتليني وريحيني من هذا العذاب الي اني بي
بيوم واحد خسرت تحسين وخسرت كلشي وخسرت الحب الي دخل حياتي صدفة
وجماعتي الي انقلبو عليه ومنطيج سلاح
كل هذا بسبب غروري
ووين وصلني
بسس!!!
كل هاي الاحداث وصلتني الج!! انتي زهراء الي
جان اول حب بحياتي !!
جان اول شعور احس بي واني صغير !!
جان الشي الوحيد الحلو الي صار بحياتي
بس رحتي !!!
لو شايف بصيص امل واحد انو انتي رح تكونين موجوده بحياتي جان اني هسه بغير مكان
زهراء:-تنزل المسدس من ايده وتوكع بلكاع عله ركبته
وتحط ايده عله راسه وتبجي
زين ليييييش لييييييش كتلت عمي لييييش
فينوس:- بوقته جانت اكو صفقه مال مخدرات
وهو جان عميل للشرطه
غيرت مكان الصفقه
حته محد يتأذه لاا احنه ولا هو
خليت الشباب واكفين بس مجرد شايلين اسلحه مرخصه من الدوله وقانونيه
لكن اول ماووصل
قتل اول واحد الشباب حاولو يدافعون عن نفسهم وهو قتلهم كلهم هو والشرطه الي ويا
لحد هسه اتذكر منظر الشاب الي جان متصوب واجه عمج ناظم عليه يريد يقتله
والشاب يكله والله اني وحيد لاهلي وتورطت واجيت هنا
وناظم يضحك جان
والشاب يكله والله بعدني صغير مستعد اديلك عله اماكنهم وكلشي اسويلك بس لتكتلني
وناظم بكل دم بارد وبدون اي انسانيه
قتله طلقه براسه وانته الموضوع
هو هذا عمج الي كاعد تحاسبيني عليه
اني غلطان صحيح اني غل.....
زهراء:- اسككككت كافي تحجي
انت جنت مسوي نفسك الحاكم والقاضي والجلاد ؟؟
بأي حق انت تكتله ماكو قانون ماكو محاكم ماكو مراكز ماكو ماكو ماكو
فينوس:- يااااا محاكم ؟؟ ياقنون الي تحجين عليه
ليش شنو عبالج القانون يمشي علينه لو عله ناظم وغيره
ليش الشرطه او المحاكم متكدر تلزمنه
شتتخيلين هذا الجيش كله والشرطه وووووو
كلهم ميكدرونه ليش شنو ومنو احنه
بسسس!!
هذا عراقج الي انتي صرتي دكتوره علموده
متحكمه دولة ولا تحكمه مراكز
العالم الي تحكمه مو وزراء ولا رأيس ولا ايشي
العالم الي تحكمنه روس كبار محد يكدر يتقربلهم شخصيات بالدوله واحزاب وووووو
ف لتكوليلي شرطه وجيش
هذا واقع بلدنه حاليا
الشرطه والجيش يسوون الي يكدرون عليه
لكن مو ضد الكبار
زهراء :- كاااافي كاااافي بعد ماتحمل
تكوم زهراء عله فينوس وتروح عليه
زهراء:- تدري !! لا رح اضربك ولا رح اسوي ايشي
لان هذا العذاب الي انت بي والكوابيس هي وحده كافيه
وتدري!!! ممكن اني اسامحك وغيري يسامحك بس انت سبب بكل واحد يموت بالمخدرات والجرع الزايده وانت سبب ادمان كل واحد وانت سبب بخراب بيوت عالم كلش هوااااي
ف هذا الشي كافي حته تبقه عايش ويا ويبقه ضميرك ياكل بيك
وتضربة راشدي كلش قوووي
وهذا الراشدي مو علمود شي لكن علمود تبقه تذكرني وتذكر هذا الراشدي
اول مره عرفتك من جنه صغار حبيتك حب مصاير ولحد هسه هذا الحب مرايح من كلبي
وهذا الراشدي حته بلكت تصحه عله نفسك وتشوف انت شداتسوي
اما بالنسبه لابويه ولعمي
اني مسامحتكم ثنينكم لان طيبة القلب الي عندي تتغلب عله قساوتكم ثنينكم
بس انت شكد تحس نفسك قاسي وكلبك اسود وحجر
اني اكول لا انت بعده كلبك طيب وبعد بي ذره رحمة وانسانيه
فينوس:- يبجي ودموعه تنزل
زهراء اني تحولت الدنيا غيرتني صرت وحش ساعديني
زهراء:- للأسف فينوس انت وحدك هالمره
فينوس:- زهراء اريد اطلع من هاي الضلمه الي اني بيه
زهراء:- مثل ما دخلت بيه رح تكدر تطلع منه وحدك
اني انساني
انسه انسانه اسمه زهراء بحياتك كله
مثل ما اني رح انسه بشر اسمه فينوس
تباوع عله الساعه ب١١:٥٥
هسه لازم اضربك طلقه لو اضربه بالجو حته تكسب وقت تنهزم بي
لان عمي كمال وجماعته رح يهجمون عله البيت يردون يكتلوك ف لو تنهزم لو هم تسوي بحر مال دم والضحيه ناس شباب وصغار
الاختيار يمك
فينوس:- عمج كمال !!! عمج كمال قاتل بلا رحمة !!! عمج كمال يتاجر بالاطفال ويتاجر بالمخدرات
عمج كمال الي كاعد دافعيله وتسوين هيج علموده
هذا افسد بشر بالعراق
انتي لزمتي المسدس
وحاولتي تقتليني
لكن فكري هاي الطلقه عله منو رح تطلع
كل عقلج انو عمج كمال رح يعوفج هيج ؟؟؟؟
زهراء:- شنو قصدك ؟؟
فينوس:-كل عقلج كمال رح يعوفج هيج بعد ما عرفتي كلشي وكل المعلومات
رح يعوفج تكملين حياتج وانتي تدرين بي يتاجر بالاطفال والمخدرات
حته لو من لحمة ودمه مستعد يقتلج مثل ما قتل غيرج في سبيل ثروته محد يمسه بشعرايه
لنفترض هو عافج !! زين انتي رح تكدرين تتعايشين ويه هذا الامر ؟؟؟؟
رح تكدرين تعيشين حياتج وانتي تدرين كل طفل ينخطف او ينفقد ف هو يم كمالبح تكدرين تعالجين الناس وانتي تدرين انو كمال هو سبب اذيتهم ؟؟؟؟
مرح يعوفج بحالج ابدد تدرين ليش ؟؟
لان نفسه اهم من كلشي
زهراء:- لا عمي مو هيج هو ديصرف عله بيت ناظم الي انت قتلته
بالشهر ينطيهم ٤ ملايين كل شهر توصلهم لباب البيت
بالبدايه منعرف من منو؟؟ بعدين كال هاي اني!!
طلع هو
فينوس:-هههههههه هو ؟؟؟حته بهاي جذب عليكم
ولو عيب احجيه كدام احد
بس هاي اني صار ١٠ سنوات كل شهر ادز ٤ ملايين لاهل ناظم اعتبره صدقة الهم
صووووت بعيددددد
فينووووووووووووس اطلع ولككككك كللللب
اطللعععع جباااااان اليوم نهدم البيت عليك
فينووووووس
فينوس:- يطلع ع الشباب
زهراء خايفه وواكعه بالكاع تبجي
فينوس:- شباب لحد يطلع ولا يضرب طلقه وحده
خابرو مدير مكافحة المخدرات خل يجي كولوله ديتهجمون عله فينوس
خل الشغله تصير يم الدوله وحصنو الباب
ماريد طلقه ولا اريد قطرة دم فهمتو
زهراء تسمع كلمه دم
يدخل فينوس
زهراء:- هم رح تسويه بحيرة مال دم
هي هاي حياتك الي تريده
فينوس:- بس اسكتي انتي
اني لازم انهزم واروح
عندي بيت بالشمال رح اروح واختفي عن الانظار هناك
زهراء :- روح وماريد اشوفك بعد
واحد من الشباب :- استاذ فينوس البنيه وين نوديه كاعد يصيحون ويكولون اليوم انت وزهراء رح نقتلكم ونغسل عارنه لان انهزمت يمك
زهراء:- شنوووو انهزمت ؟؟؟؟
فينوس:- شكلتلج
واحد من الشباب :- دكتوره الاخبار كله ساكته ومحد حجه بسالفه الخطف مالتج ف اكيد عمج كمال رتبه حته يقتلج لان اكيد عرفتي كلشي عنه
فينوس:- هاهيه اطلع
زهراء:- هسه اني شسوي ؟؟
فينوس يتقرب عليه ويكعد بلكاع ويمسح دموعه
ويعدل شعره يوخره من عيونه
وراها يكوم ويمد ايده
فينوس:- امشي وياي
زهراء:- تتخيل اول مره من التقو بالمصح شلون هي اجتي عليه وكم مره نقذته
فينوس:- بدوم ما تصفنين امشي وياي
زهراء:- اي طبعا لان مرتين نقذتك لو ناسي
هسه اجه دورك
فينوس:- هههه طبعا اتذكر شلون انسه ؟؟
زهراء:- شلون رح نطلع
فينوس:- يشيل المسدس ويلزم ايده ويجره حيل عله حضنه
زهراء تباوع بعيونه وتضربه راشدي
ولككك تره مناسيه كلشي بس مجبوره
فينوس:- انجبي انجبي شعبالج احنه مسلسل تركي
جريتج هيج وانتي اجيتي خفيفه غير
زهراء:- انت اسكت
فينوس:- اكو باب من وره بح نطلع من عنده ونروح للمطار الشباب رح يحجزون طياره ونروح لسليمانيه هناك نبقه فتره الما نشوف حل تمام
زهراء تمام
بس بشرط اخابر عله اهلي هناك اطمنهن ؟؟
فينوس:- من نوصل تمام
يطلعون عله كيفهم من الباب ويركبون السياره
.......
سيزر:- يشوفهم من بعيد ركبو
ايبااااه وين تروح من ايدي رقم سيارتك حافضه واكيد رايح لسليمانيه وين قابل تروح
بس تدلل بسيطه
.....
يتبععع