اول شي توقعاتكم جانت كلش حلوه وكلهن اعتمدت عليهن بالقصه ورح تشوفون شلون رح تترتب الاحداث
يله نكمل 😍💙
فينوس يمشي يريد يطلع وهو فرحان كلش
وزهراء تمشي وهي مخبوصه وتريد تروح لأسراء
واحد يمشي بأتجاه الثاني
فينوس يوكف ويذكر اكو شغله مكاله لأسراء يفتر حته يروحله
يباوع من بعيد اسراء مشغوله بالمرضى ومخبوصه كلش لان مرضى هواي
بهاي الاثناء زهراء تفوت من يمه
فينوس يندار ويكمل مشي ويطلع من المستشفى
زهراء:- اسراااء وين التحاليل مال هذا المريض
اسراء:-اووووووه والله اسفه كلش نسيت
زهراء :- اسراء هذا مو حجي تحاليل كلش مهمه
اسراء:-هسه مو مشكله موجودات ع المكتب
وصراحه فينوس نساني هههه
زهراء:-ليش شنو وينه اجاج لهنا
اسراء :- ولج لو تشوفين شلون يضحك هههه
اجه يصيح ومسوي نفسه مريض ومادري شنو حته التفت اله
اني هم ثوله ورحت قست الضغط مالته ومدري شنو ومادري بي هو
طلعت لازمه ايده
من كلتله شتحس
جان يكلي خفقان بكلبي انتبهت جان اشوفه كبال عيني
كلبي كام يرجف ههه
زهراء:- اثكلي يولي كدامه عيب شيكول الولد
اسراء:- ولج وااله من اشوفه اكوم ارجف نوب جان لابس قاط وستره حلوه وساعه وفدشي هييييبه كلش
من باوعت عليه حسيت نفسي بغير عالم
واذا اكلج متصدكين
زهراء:-شنو احجي
اسراء:-عزمني ع العشه
واني وافقت
زهراء:- اسراء شو كلبي ممرتاح لهذا الولد
اسراء:- اي اني هم اول شي ما ارتاحيت اله
بعدين شو مدري شصار
زهراء:- والله من كلامج مبين ملعب وابو بنات كلش
اسراء:- زهراء مادري داحس نفسي حبيته
زهراء:-الله كريم بس شوفي
ايشي يصير وياج ووخاف يحاول يتقربلج ممنوووع اني اجي املخج كتل والله فهمتي
اسراء:- شبيج زهراء شنو غبيه
زهراء:- عفيه
يله حروح اني
فينوس :- يوصل البيت وهو داخل للبيت بطريقه تضحك ويكمز ويتشاقه ويه الحراس وكله تضحك وتباوع عليه
ويغني بصوت عالي
يابنت السلطان تيرا تيرا حني على الغلبان تيرا تيرا
تحسين :- فينوس شبيك صوتك عالي وصرعت راسنه
يجس فينوس عله تحسين ويلزمه ويركص ويا رقصة على الاغاني البطيئه ويغني (مابعرف كيف بنظره بتعمل هيك)
تحسين يضحك ويركص ويا
تحسين :- اخ يابه ضهري
ويكعد عله القنفه بتعب
هفففف تعال تعال باباتي اكعد فهمني شبيك هيج فرحان وتركص وركصتني وياك
فينوس:- اووووف يابه شسولفلك هههه
اتركني هسه اني العاشق الولهان
يابه اليوم عزمته ع العشه ورح نكعد نتعشه
وفرحانننن وطاير من الفرح
تحسين :-ههههه بيه الخير ابني
بس حبيبي ديربالك مو تخليك تلتهي عن شغلك لو تغفل
فينوس دايما اخذ حذرك وسلاحك دايما وياك لان ذوله يغدروك سبق وحذرتك مو تنسه
فينوس:- لا يابه لتخاف عليه اني سبعك
تحسين:- عفيه عفيه
فينوس:- يابه هسه اني شلبس اريد افتهم
ماعرف اريد البس ارقه لبس وارقه سياره وارقه مكان اعزمه بي اريد هيج اخليه تشوف اني شنو
تحسين:- فينوس باباتي شوف
مو كل البنات يحبن الفلوس ويحبن تلاماكن الراقيه ويحبن ملابس راقيه وساعه رولكس
اكو بنات بسيطات يحبن البساطه ويحبن التواضع
انت كل البنات الي عرفتهن كلهن علمود فلوسك
جرب هالمره البساطه واذا بقت وياك عله بساطتك رح تبقه وياك طول العمر هاي البنيه
شتكول ؟؟؟
فينوس:- لا يابه صحيح كلامك عله راسي
بس شنو قابل اوكله فلافل شبيك
تحسين :- بكيفك ابني بقت يمك هاي
فينوس يباوع ع الوقت وينتضر تصير الساعه حته يروح ياخذه
يدك عليه التلفون
الو
فينوس:- الوو
اسراء:- هلاو اني اسراء
فينوس:- هلا هلا اسراء
اسراء:- بس حبيت اكلك اليوم الساعه ب ١٠ تعال يم بيتنه رح ادزلك الموقع ع الواتس اب
حته اني مجهزه روحي ومبدله تمام
فينوس:- اي تمام مثل ما تريدين تأمرين امر
اسراء:- اوكي يله باي
فينوس:- باي
تحسين:- ها حبيبة القلب هاي
فينوس:- يابه هاي العشق ياااااببببه متت متت سحت بلكاع سحت ماعت روحي هههه
تحسين يله يله كوم جهز نفسك مضل وقت لل ١٠
فينوس:- ماشي ماشي
يكوم فينوس ويروح يشتري ارقه بدله وكلششش حلوه
ويروح يغسل سيارته ويرتبه
ويخابر ويحجز بأرقة مطعم ببغداد وارقه طاوله ويرتب كل الامور
تصير الساعه ١٠
فينوس يوصل لبيت اسراء
يروح يدك الباب تطلعله مره جبيره بالعمر
تفضل خاله المن رايد
فينوس ميعرف شيكول
اااااا خاله اني جاي عله اسراء اذا موجوده
الام :- هلا بيك داده هله بيك اني امه اسراء حجتلي عنك هواي
ههههه (بتصرفات مال اهالي قبل)
داده خاف تجذب عليك تره بنتي معجبه بيك كلش اشششش لتكول كدامه لتسمعني نوب تكلي ليش حجيتي
فينوس:- ههههه خاله الي الشرف والله
اسراء :- هلاو فينوس شكاعد تحجون انت وماما
فينوس:- يباوع وهو مصدوم
اسراء:- الووو نحن هنا
فينوس:- اسف اسف بس الفستان والوون والشعر وداني بغير عالم
اسراء:-(بخجل) شكرا فينوس
الام هلا هلا بدت الليله من اوله خجلانين يله يله روحو
و فينوس يمه
فينوس:- كولي يمه
الام:- الله يحفظك نشالله اسراء بنتي امانه يمك ماريد احد يمسه بشعرايه
فينوس:- يمه الي يمسه يمسني ويندم ع اليوم الي اجه بي لتخافين نشالله اصون هاي الامانه
يله اسراء نروح
اسراء:- يله امشي
اسراء:- شنو هاي السياره حلوه
فينوس:-كدامج
اسراء :- لا اصلا ماحب السيارات
فينوس يفتح الباب لاسراء ويروح يصعد بالسياره
اسراء:-شكرا
فينوس:- وهو بالطريق ( اي اسراء مسولفتيلي عله اهلج شنو ماشنو
اسراء:- والله شوف
اني امي موجوده هاي المره الشفته
ابويه الله يرحمه جان بي سرطان وتوفه
وماعندي لا اخت ولا اخوان
عمامي بالخارج
خوالي بالبصره
وبس احنه ببغداد
ولا الهم شغل بينه ولا احنه النه شغل بيهم
كلمن ببيته وساكت
فينوس:- احسن هيج
اسراء:- وانت
فينوس:- هاا مممممم شكلج
شوفي اني ابويه اسمه تحسين
امي ماتت جانت مريضه وماتت وابويه رباني
هو جان تاجر وعلمني ع التجاره
وهسه اني لازم التجاره مالته
اسراء:- همممم شي حلو
فينوس يله انزلي وصلنه
يدخلون للمطعم
اسراء تشوف المنظر والمكان روعه
تكعد يجي الكابتن مال صاله
اهلين وسهلين استاذ فينوس شو بتطلبو
فينوس:- يخرب بيتك شو حبيتك ههههه
مادري شوف المدام شتطلب
اسراء:- ولك خزيتنه اسكت هههه اسفه عيني جيبلنه
اطيب طبقات عدكم مو شي محدد يعني
من كل طبق طيب جيبلنه حاجه
فينوس:-هههه شنو جوعانه
اسراء:- اسكت وخليه متغديت ولا تريكت اليوم من وره الشغل
فينوس:- كابتن لعد جيب ونزل اكل مالك دخل
او اكلك لا لا عندك باجه
الكابتن اي استاذ موجود في نفرات
فينوس:- باع هذا البطران
حبيبي ٢ كاتلهم الجوع جيبلنه راسين باجه معدلات ومحشايات
هيج راسين كاملات مو تخمطون العين اليمنه وتجيبولنه اليسره
هههه
اسراء:- كافي ولك كافي
الكابتن حاضر استاذ
فينوس:- وتعال تعال اريدك تشغل هاي الاغنيه
الكابتن حاضر استاذ
يروح الكابتن
فينوس :- اي اسراء شتحبين تعرفين عني
اسراء:- مادري انت سولفلي
فينوس:- شوفي اني ماحب الف وادور
اني معجب بيج لتكوليلي شلون لان مادري بنفسي شلون بس معجب بيج وهاهيه واذا طورت علاقتنه اجي اخطبج من اهلج
اوووووككك
اسراء:- بخجل وتضحك تكول يله هسه الله كريم هههه
تشتغل الاغنيه الي فينوس طلبه
اغنية (sway with me )
** الاغنيه موجوده فوك ويه صورة البارت اسحب لليمين تطلعلك الاغنيه
تشتغل الاغنيه ويكوم فينوس
ست اسراء تسمحيلي اركص وياج عله هاي الاغنيه
اسراء:- اكعد لتفضحنه
فينوس :- اذا متكومين صدك ننفضح هسه اكعد اصيح هنا
اسراء :- اكعد والله ماعرف
فينوس :- حت لو كومي بس تحركي وياي
اسراء:- اووووف منك شكد خبيث
تكوم اسراء ويا ويلزم ايده ويلز خصره
وهيزتلزم ايده وجتفه
ويكومون يركصون
اسراء :- بس لحن الاغنيه مو هيج نركص
فينوس :- اسكتي ماعرف بس هيج اركص عود مال رومانسيات كملي وخل نكعد
تصير بيناتهم نضرات وخجل وابتسامات
بهاي اللحظه اسراء ايقنت ١٠٠ بالميه انو هي تحبه
تقرب اذنه عله فينوس وتكله
احبك
فينوس :- شنوووو (بصوت عالي كلش )
تحبيني هلا هلا هلا ويكوم يركص ويتحرك ع اللحن مال اغنيه والمطعم كلهم صافنين
يكوم ويوكف ع الكرسي ويصيح يا ناس تحبني تحبني
واخيرا كالت احبكك
واسراء تكعد ع الكرسي وضامه وجه وتضحك
يجي كابتن الصاله جايب الاكل
ويكله استاذ فينوس الف الف مبروك تستاهل بنت متل هاي
فينوس:- لك دخيل ربك ورب اللبناني تؤبرني انت
اسراء:- تضحك بخجل
فينوس:- يله يله وخري الخجل اني هم احبج
يله خل ناكل جعت كلش من سمعت هالكلمه منج
اوووووف بس اريد ارجع واخلي تحسين يعرف
ثاني يوم اجيب ابويه ونجي نخطبج
اسراء :-هههه ان شاء الله
الي كاعدين بالمطعم كلهم عله غفله يصفكون
ويصوفرون ويصيحون الف مبروك الف مبروك والكل يضحك نسوان وزلم
يبدي فينوس واسراء ياكلون بأديهم وتتمصخ ايدهم بالباجه وحلكهم يتمصخ واحد يباوع ع الثاني ويضحك
فينوس:- يله بله هههه بربج عود مكان راقي ومدري شنو واحنه سوينا عبالك فلاح ابو العمبه هههه
اسراء:-غير انت اني شعليه
فينوس:- هههه ومنو كاعد ياكل بأيده هههه
يخلصون اكل يكومون يغسلون واسراء تروح للحمامات وتعدل مكياجه وتكمل وترجع وفينوس يرجع ويضلون يسولفون
وتجي الحلويات وياكلون شويه
يدك التلفون عله فينوس
فينوس:-الو
سيزر:-استاذي اسف دكيت بوقت مو مناسب
فينوس:- احجي شكو
سيزر:- استاذي كمال الي عليه ديون تجاوزت ال٣٤ مليون مكاعد يقبل يدفع وكل ما ادزله شخص لو يهدده بالمسدس لو يكله ماعندي هسه انطي
شنسوي
فينوس:- يعني يحتاج اعلمك مثلا
روح عله اي واحد من كرايبه واخذه للبيت وهو رح يجي مثل الجلب
سيزر:- استاذي اخطف واحد يعني
فينوس:- اي باباتي مو ماكدر احجي هسه اني يله روح
سيزر :- استاذي مو ماعنده احد هذا بس بنات اخو
شنسوي
فينوس:- بس يريد يسد المكالمه
اسراء:- منو هذا فينوس ؟؟ احنه مو متفقين بدون تلفونات هففف يله كمل
فينوس:-اي اي سيزر شتريد تسوي سوي من ارجع نتفاهم
سيزر :-ماشي استاذي رح اسوي الي اكدر عليه
فينوس يسد التلفون
اسف اسراء بس هذا واحد من الشباب امه متخربطه ف كلتله اخذه وديه للبيت
اي تعاي نتفاهم عله تفاصيل الخطوبه لو بدون منستعجل شتكولين ؟؟
اسراء لا لا عادي اصلا اني اريد نستعجل ماحب انتضر
فينوس لعد امشي نطلع من المطعم نفتر بالسياره
يطلعون فينوس واسراء من المطعم يروحون
اسراء خل نتمشه مو احسن وراها من نتعب ناخذ تكسي
فينوس:- تمام اقفل سيارتي هي ماعليه شي بالكراج عادي
اسراء :-تمام
يروحون يتمشون ويسولفون عله الخطوبه وشوكت وشنو يلبسون ويحددون كلشي
...... سيزر
شباب جيبولي معلومات كامله عن هاي البنيه لازم خلال نص ساعه بسرعه لان هذا ديلعب بذيله ولازم نشوفه منو احنه
الشباب تمام تمام
.......
زهراء
دكتوره زهراء العمليه رح تبدي هسه تريدين تشرفين عليه
زهراء:- تمام تمام
تروح زهراء تشرف ع العمليه ويمشي كلشي عدل
تخلص العمليه ترجع زهراء للطوارئ لان اكو نقص بالكادر
زهراء:- هفففق ياربي اسراء وكتج هسه تروحين ويه هذا مدري منو اني ماتحمل الطوارئ ابدد
سيزر........
.......
ها شباب بشرر
الشباب:- هاي المعلومات كامله
سيزر :- يله لعد عندي خطه ببالي امشو خل نعلم هذا درس
الشباب:- شنو الخطه
سيزر يحجيلهم الخطه كله ويفهمهم
الشباب :- عاشت ايدك والله استاذ فينوس هيج رح يكافئنه وحته يزيد راتبنه ههههه
زهراء.
.........
يعني اني هسه احير بالطوارئ لو بالمرضه الي عندي
لو احير بالادويه
يعني اسراء انتي كلتي اغطي مكانج لحد الساعه ١٢ وين صرتي ليهسه
هفففق ياربي ونوب ادك عليه متشيله
بسيطه اسراء تعالي واني اعلمج بسيطه
الممرض:- دكتوره زهراء اكو حاله خطره كلش بسيارة الاسعاف بس روحي شوفيه قبل لا ينزلوه حته تقيمين حالته
زهراء:-تمام تمام
تروح زهراء تركض تركض تريد توصل للسياره
تلكه السياره بره المستشفى
تصعد بالسياره تشوف المريض
تحي تقيس النبض مالته وتشوف عيونه
ينسد الباب عليه
تندار ع الباب انسد
تحجي ويه السايق اكلك وين كاعد تمشي بالسياره مو دا اشوف المريض
السايق يشغل صفارة الانذار حته خاف تصيح محد يسمعه
يكوم المريض ويسد حلكه
يجي سيزر يصعد للسياره وهو لابس ملابس الممرض
ويغطي راسه بجيس ويشد ايده
زهراء تصيح تصيح محد يسمعه لان حلكه مشدود
يخطفه سيزر والشباب
بسيارة الاسعاف
الشباب :- سيزر ابو سيارة الاسعاف راد من عدنه ٣ ملايين
سيزر :-اني نطيته مالك دخل
بابه هسه اي واحد بهاي الدنيا بس تشوفه فلوس هاهيه
الشباب:- بس اذا بالكامرات بينت سيارته شلون
سيزر :- لتخاف باباتي مرتبه بفلوس كلشي مرتب بفلوس بهالوكت انت سوق ومالك دخل
كلشي بهاي دولتنه بفلوس
هسه روح اكتل بشر ونطي فصل ٥٠ مليون تطلع من السجن ولا كأنه مسوي شي
عاد احنه مجرد خطفناه نخوف عمه وهاهيه
الشباب:- زين هي شعليه خطيه
هو عمه مينطي فلوس هي خطيه شعليه
سيزر :- اي هاي اوامر استاذنه
يوصلون البيت ينزلون زهراء يطببوه للغرفه بدون محد يدري ويربطوه ويقفلون الباب
ويطلعون
.........
اسراء
يله اني تعبت وهواي حجينه اليوم واستبقنه الاحداث اني لازم اروح هسه
فينوس:- يله امشي اوصلج
يوصله فينوس للبيت
وهو فرحان والابتسامات عليهم ثنينهم مبينه ونضرات الحب عليهم
يوصله لباب البيت
فينوس:- كولي لامج باجر رح نجي نخطبح اني وابويه ماشي
اسراء :-ماشي يله مع السلامه
فينوس يروح ويشغل اغاني بالسيارة ويذكر الاحداث الي صارت وهو فرحان كلشششش
يروح يوصل للبيت
فرحان ويغني
سيزر:- استاذي اسف رح اقاطعك بس البنيه بالغرفه
فينوس:- يا بنيه؟؟؟
سيزر:- استاذ كلتلك رح نخطف بنت اخو وانت كلتلي اي يله هسه بس روح
فينوس:- يا غبببي كلتلك من ارجع نتفاهم مو يعني روح اخطف البنيه
هي شله دخل
اخخخخخ لو بيدي اشيل دماغك هذا
وينه البنيه
يطب فينوس للغرفه يشوفهم رابطيه وشادين عيونه وحلكه
فينوس:- افتحو عيونه وحلكه والحبل كله
شنو جايبين حيوان هنا
اغبيااااء
يفتحون عيونه وهي خايفه كلش
فينوس:- اني اسف ست بس ذوله جماعتي اغبياء اعذريني عله تصرفهم هذا وياج
يشوفه لابسه صدريه مال دكاتره
انتي دكتوره صحيح اني زوجتي المستقبليه همات دكتوره هههه
اسف كلش والله
زهراء:- طلعوني منا منو انتو شتريدون انطيكم بس طلعوني
فينوس:- للأسف منكدر اله عمج يدفع الفلوس كامله
زهراء:- عمي منو
فينوس:-عمج كامل الشهير
(يكعد ع الكرسي فينوس) معقوله اكو احد ميعرف احد اكبر تجار المخدرات طبعا من بعدي اني لان اني اكبرهم ههه
بس كامل يجي ورايه
زهراء:-انت بيك شي عمي كامل مو واحد نذل وحقير مثلك
فينوس:- كامل مو نذل هههه هو انذل من النذاله بحد ذاته هههههه
المهم
رح تبقين هنا يوم يومين وتطلعين لتخافين اكل وشرب يجي يمج
يروح فينوس يطب لغرفته يسبح ويبدل وينام
اسراء تسبح وتبدل وتحط راسه عله المخده مبتسمه وتنام
زهراء تبجي وتحط راسه ع المخده وتنام
اليوم الثاني
يدك تلفون فينوس من الصبح يدك ويدك ويدك
فينوس :- هفففف منو هاي من الصبح يالله
الو
اسراء:- فينوس الحكلي
فينوس:- خير اسراء شكو شبيج
اسراء :- فينوس صديقتي مخطوفه من البارحه ومادري وين هي البارحه عفته بمكاني ودورنه عليه بلمستشفى كله ماكو واهله يكولون ماكو وهسه مندري هي وين
فينوس:-هوب هوب علكيفج وحده
اسراء:- فينوس صديقتي من الطفوله وياي دكتوره مخطوفه من البارحه ماكو ليهسه
فينوس:- اجوز عده حاجه لو شي لتخافين عليه
اسراء:- فينوس انت عندك هواي معارف رح ادزلك صورته شوف بلكت احد شايفه
فينوس:- ماشي ماشي
يروح فينوس حته يغسل وجه
يفوت سيزر من يمه
فينوس:- سيزر روح ودي اكل لهاي البنيه ووديله مي
وكله اذا مرتاحت بالنومه نجيبله غير فراش ومخده
سيزر :-حاضر استاذي
تجي رساله لفينوس
يفتح الرساله
يلكه صورة زهراء ومكتوب جواها
فينوس حبيبي
هاس صورة صديقتي وهاي معلوماته
اسمه وعمره ووين بيتهم وهي دكتوره وياي
وصديقتي المقربه
اترجاك الكاها اترجاك
فينوس ينصدم من الرساله ويصيح سيززززززر ويشمر التلفون
يتبع#####
شنو توقعكم فينوس شنو رح يسوي وكل هاي الامور تخربطت عليه 💙🤴
تعليقكم يهمني وتشجيعكم يسعدني كلش 💙🤴