بعد مرور ١٠ سنوات ... ..
السلام عليكم متابعينا ومشاهدينا الاعزاء
اليوم نلتقي بأنسانه كافحت وحاربت كل الناس حته توصل لحد ما وصلت هسه
اليوم لقائنه ويه الدكتوره المبدعه بمجال عملها
المتألقة دائما وابدا
الدكتورة (زهراء عبد اللطيف)
اهلا وسهلا بيج ست زهراء
زهراء:- اهلا وسهلا بيج وصباح الخير عليكم وعلى كل الكادر وكل الجمهور الحبيب
المذيعه :- النه الشرف ان نستضيفج اليوم ست زهراء
نريدج اليوم تحجين عن تجربتج ويه الاوضاع الي تصير بالعراق وهل حقوقكم ك دكاتره موجوده كله لو بعض الحقوق ماكو مسلوبه من عدكم
زهراء:- يعني هي ك حقوق موجوده حمدلله لكن الاوضاع الي تصير بالعراق لا بيدي ولا بيدج هي بيد الروس الكبار وهذا واقع حال
بدينه من سنه ٢٠٠٣ طائفية وانتقلنه لهواي مواقف واوضاع بالعراق
ف كل الي ديصير مو بيدي وبيدج
صحيح احنه عنصر فعال بالمجتمع وعدنه جمهورنه وكلمتنه اله تأثير بالوسط الفني او الطبي
لكن اذا هسه دعيت كل الناس حته تنتهي التفجيرات او الطائفيه او او او او امو احد رح يسمع ؟؟
اكيد لا!! ف احنه ليش نتعب نفسنه ونحجي
مثل ما يكولون خل نمشي بص الحايط هههه
المذيعه :- طيب ست زهراء الكثير من الناس يحجون ويكولون انو دكتورة زهراء كانت بطفولته بمصح نفسي وهي مختله عقليا ف نحب نعرف منج
زهراء :- هههههه شوفي هو اني صح جنت بمصح نفسي لكن مو مختله عقليا هههه
لو مختله عقليا شلون اصير دكتوره
هو بالاساس اعداء النجاح كلشي يكولون ف ماهتم ابد
اني دخلت المصح النفسي بوقته والسبب كان استشهاد ابويه االه يرحمه من استشهد مكدرت اتحمل الصدمة ف دخلت المصح النفسي
واني بالنسبه اليه كانت من احله الاوقات عندي لان عرفت بيها ناس كلش غيرو حياتي
وتعلمت بيه دروس هوااااي كلش
واصلا دخولي للمصح النفسي هو السبب الي خلاني اقرة وادرس وانجح واصير دكتوره معروفه
اتذكر بيوم من الايام جنت كاعده ويه امي ودنسولف جان جبناه سوالف ف كلت لامي اريد اصير دكتوره كالتلي ليش كلتله حته خاف فلان يتمرض اني اعالجه
المذيعه :- منو هذا فلان
زهراء:-ههههه هذا شي شخصي بس مو طلعون عليه اشاعه وتكولون مرتبطه لو شي
لا لا بس شخص عزيز عله قلبي وهي جانت امنيه حياتي فقط
لا اكثر
.....
فينوس
ها يابه شلونك
تحسين:-هلا هلا فينوس
فينوس:- والله يابه هستوني رجعت صفيت كم حساب واجيت
تحسين :- تعال تعال
شوف هذا اللقاء بالتلفزيون
دكتوره تكول جنت بالمصح
بالطفوله
المذيعه :- لهنا وتنتهي حلقتنه اليوم نلقاكم في لقاء اخر مع شخصيه اخرى
في امان الله
فينوس:- وينه شو بس طبيت انهزم البرنامج كله
تحسين :- ههههه غير انت فكر
تعال اكعد اكعد سولفلي شسويت
يريد يكوم تحسين ياخذ العكازه حته يكدر يكوم
فينوس:- يابه والله كبرت وصرت شايب ههههه
تحسين:-اي هسه رح نعوف مسيرتنه المشرفه للصغار ههههه
فينوس:- يابه اني مو صغير
تحسين :- شكد ماتكبر تبقه صغير بعيني ولحد هسه اتذكرك من اول يوم طبيت وعمرك جان ١٢ سنه وشلون استفزيتني وعرفت شلون تكسبني
فينوس:- وانت خليتني وياك وآويتني ومانسه هذا الفضل ...... يكوم فينوس ويبوس ايده
تحسين:- فينوس تدري انت كلمة يابه منك تغنيني عن كل الدنيا ومابيه
فينوس:- يابه صدك جذب انت ربيتني وعلمتني كلشي
هذا اقل شي اسوي
تحسين:- هواي قابلت ناس بحياتي وهواي عرفت ناس بحياتي بس مثل شخصيتك انت ومثل كلامك واقناعك للشخص ابد مشفت
بس يوم عن يوم كاعد تكبر ويكبر غرورك وياك
فينوس:-يابه هاي انت هيج تحجي غيرك شيكول
تحسين :- ابني اني اقرب شخص الك واني احجيلك الشي الي الكل يخاف يحجي كدامك
لان انت الي سويته بهاي السنوات الكل كام يخاف منك اكثر مني
حته الحمايه والخدم الي بهذا البيت يخافون منك
لان اني كبرت عمري ٦٥ سنه قابل شكدر اسويلهم
فينوس:- يابه كول يا الله
تحسين:- ابني تذكر من كلتلك رح توكع بالحفره وبعد متكدر تطلع منه ابد
فينوس:- يابه ليش تذكرني يعني
تحسين :-لازم نذكر كل الاشياء الموزينه الي سويناها حته تبقه نقطه قوة النه بس بنفس الوقت نقطه ضعفنا
المهم فينوس انت كل ما كاعد تكبر كاعد تسوء حالتك يعني اريد اعلمك شي
صح انت كبرت بس ابقه اعلمك
فينوس:-طبعا يابه كول
تحسين:- فينوس ماكو داعي دايما انو تهدد احد او تضرب او دايما تستخدم العنف ويه الكل
فينوس:- يابه اذا مو تشوفهم العين الحمره ياكلوك
احنه شنو هنا كاعد نبيع العاب لو شنو
لتنسه احنه نبيع اسلحه ومخدرات
مو العاب اطفال حته اكعد اقنعهم انو يدفعون فلوس لو يسددون ديونهم
احنه تجار تجااار
تحسين:- فينوس انت سويت وعملت عمايل اي شخص يرفض او ميتماشه ويه كلامك طبيت عليه لو ابتزيته لو خطفته لو هددته لو ههه خل اسكت احسن
فينوس:- لا كمل يابه اسمعك
تحسين:- من قتلت ناظم جنت تتوقع رح تقتل احد بعد
فينوس:-يابه ذاك غلط وماكدر اكرره ودفعت فلوس ولحد هسه كل شهر ادزلهم مليونين ومتكفل بعائلته
تحسين:- الفلوس رح ترجعلهم ابوهم ؟؟؟
فينوس:- يابه شنو قصدك
تحسين:- انت بديت تصير مثلي
رح يجي يوم من الايام تقتل الشخص الثاني
فينوس:- يابه اني فخر اليه اصير مثلك
تحسين:- لا للتتمنه هيج وانت تعرف كل اخطائي
يندك الباب
فينوس:- ادخلل
سيزر:-العفو استاذ فينوس بس علمود صفقة اليوم حبيت اذكرك الساعه ب ١٠ بليل رح تصير
فينوس:- تمام تمام يله اطلع
سيزر يطلع ويكول بكلبه ( هههه والله يالله اني جبته وهسه اكله استاذي بس هو هذا اللي يعرف يلعبه صح خما مثلك سيزر اسكت اسكت تبقه طول عمرك خادم قابل شتريد تصير تبقه انت جوه وهمه فوك )
فينوس:- يابه كلامك هذا بدماغي يبقه ولتخاف اني سبعك مثل ماجنت دايما
تحسين :- نشالله حبيبي نشالله
........
زهراء :- هلو ماماتي شلونج
الام:- هلا ببنيتي السبعه هلا
زهراء :- شلوني ماما جنت حلوه بالتلفزيون ؟؟؟ صحيح جنت مرتبكه ؟؟ احس نفسي كلش متوتره
الام:- لا بنيتي جنتي كلش حلوه وكلش مفتخره بيج اني
بس ليش جبتي سيرة فينوس
زهراء :- ماما تدرين بيه لحد هسه اتمنه تتحقق امنيتي يعني شسوي مو بيدي هو انسان ماكدر انسا ماعرف ليش
الام:- نشالله تتحقق امنيتج بس هالله هالله بنفسج وبشغلج انتبهي زين من اعداء النجاح
زهراء:- ماشي ماماتي يله حروح هسه انام ❤
الام :- تصبحين عله خير بنيتي
........
فينوس :- سيزر يله حضر الولد حته نروح للصفقه نكمله ونرجع اليوم عندي سهره
سيزر:- حاضر استاذ
يكول بكلبه( شوكت الله يخلصنه منك كل يوم مطببنه بمشكله ويه عالم تكول كاعدين بحرب هه )
يصعد فينوس بالسياره يسوق ويريد يروح للصفقه
وهو ديمشي بالسياره يوكف بأزدحام
تمشي السيارات وبدون ما ينتبه يدعم سياره بضربه خفيفه
فينوس:-اهووووو بدينه يعني منكدر نرجع فد يوم وننام مرتاحين
ينزل فينوس من السياره
ويروح ع السياره المدعومه
فيونس:- اهوووو نوب مريه شرح يخلصني
عيني ست ممكن تنزلين الجامه حته نكدر نحجي وياج
تنزل البنيه من السياره
البنيه:- يعني شلون منكدر نرجع مرتاحين للبيت
البنيه تنزل وكلش حلوه شعره مفلول وطويل ولونه ذهبي مثل الشمس
وكصيرونه طوله يطلع بالزايد ١٥٠
ولابسه نظاره طبيه
وصدريه مال دكاتره
فينوس:- اني اسف ست بس بدون مادري هيج صار يعني ممتقصد مجرد قدر وصار
البنيه:- يعني هستوني راجعه من المستشفه وجنت بالطوارئ وهاي سوفت عينك حته الصدريه لابسته وداسوق من وره التعب ناسيته والله
فينوس:-اي ست ميخالف هو قدر وصار اني شنو بيدي
وشنو تأمرين اني حاضر تصليح او حته لو سياره جديده اني حاضر بس حاليا مشغول كلش ومستعجل لازم اروح ف هذا الكارت مالتي واتصلي بيه
البنيه:- اني اتصل بيك عله شنو مثلا محتاجه فلوسك لو شي
هو قدر وصار يله حمدلله ع السلامه
فينوس:- لا ست فهمتيني غلط
البنيه لا غلط ولا شي يله باي
تركب سيارته وتروح
فينوس يبقه واكف بنص الشارع وملامح وجه مبتسمه
يندار عله سيزر ويضحك
سيزر:- اساذي شبيك تضحك
فينوس:-تصدك حبيته ههههه وين اكو بنيه تحجي هيج وياي اني فينوس
سيزر:- استاذ مو كل البنات نفس ما تفكر
فينوس:-ليش شنو افكر اني
سيزر:-استاذ كل البنات الي انت عرفتهن عرفتهن من اماكن محلوه وبشعه مثلهن ف اكيد مرح تحس بحب الهن ولا شي لان انت تعرف هنه مجرد سلعه لكن حته ذني الي انت معتبرهن سلعه هنه عدهن كلب ومشاعر لكن انت مجرد قضيت وقتك وهاهيه
اهم شي راحتك بهاي الدنيه
فينوس:- سيزر سيزر سيزر اذا ما تبدي راحتك عله راحت الكل ف مرح تكدر تعيش ابد
يله يله اصعد بالسياره خل نروح هسه
يوصلون للمكان ويلكون الزبون داينتضر وفينوس متأخر
الزبون :-وين صرتو جان بعد وكت يله جيتو
فينوس:- اعرف ويامن كاعد تحجي
الزبون :- ومهما تكون انت اني تعاملي ويه تحسين جان وتحسين ميجي متأخر ابد هسه شوف المن حاط
فينوس يروح ويلزمه من ياخته ويطلع مسدسه
فينوس:-كلتلك الزم حدودك من تحجي وياي
تحسين من حطني لان تعب منكم ومن امثالكم الي تاخذون والفلوس تشلعون كلبه بيه
واني جنت جاي وناوي انطيك مهله
لكن هسه اي هسه تخابرهم يجيبون الفلوس والدين الي عليك كله وفلوس هاي الدفعه كله
لو رح يتفرغ هذا المسدس براسك
يهده ويكله يله بسرعه
يكعد ع السياره فينوس ويدخن جكاره وينتضر
يخابر الزبون بعجرفه ويجيبون الفلوس اله
يروح عله فينوس يكله
الزبون :- هاي فلوسك بس لتنسه انت شعلت فتيله نار
وهاي الفتيله رح تخلص بشي واحد
فينوس:- ههههههه
ماشي ماشي اني وياك موجودين ونشوف
ياخذ الفلوس فينوس ويروح
وهو يمشي بالسياره يلمح الدكتوره موجوده واكفه بطابور كلش طويل عله مطعم تريد تدخل
ف يطبك السياره فينوس
يكول لجماعته روحو انتو اني بعدين اجي وكولو لتحسين احمد يتأخر
يروح فينوس عله البنيه
فينوس:-مرحبا ست
البنيه:- هم انت ههه يا اهلا وسهلا
اذا علمود السياره ف هاهيه مصار شي
فينوس :- لا لا مو هيج
تريدين تدخلين للمطعم
البنيه :- صار ساعه وانتضر حته احد يطلع واني ادخل لان ما ادخل بس هذا المطعم احسه شي راقي ومتعلمه عليه
فينوس:- سهله
تعالي وياي
البنيه:- وين يا رامبو ههه
فينوس:- تعالي هسه
تروح ويا البنيه
يروح فينوس عله الحارس الي بلباب
الحارس :-اهلا اهلا استاذ فينوس تفضل تفضل طاولتك موجوده لو تريد بلمكتب مالتك
البنيه تتعجب ؟؟؟؟؟
فينوس لا لا كول للولد يحضرولي طاولتي بسرعه
الحارس :- المدام وياك مو استاذ
فينوس:- اي يله بسرعه نادي ع الشباب
البنيه :- اكلك شنو ديصير
فينوس:- مو تريدين مكان هذا مكان جاهز الج وافخم مكان وعله شرط vipههه
يله ادخلي ست
البنيه :- ليش دسوي هيج يعني
فينوس:- تعبيرا عن اسفي لان دعمت سيارتج تفضلي ست
تدخل البنيه وتكعد
فينوس:-تسمحيلي اكعد لو لا
البنيه :- اي تفضل عادي
فينوس:- شنو تطلبين
البنيه همه يعرفون شنو بدون ما اطلب يجيبولي
فينوس:- شباب جيبولي اكلتي وجيبوله الاكل الي تريده بسرعه وبدون تأخير يله
العفو ست بس معرفت اسمج ؟؟
البنيه :- اني دكتوره اسراء ... بس تكدر تصيحلي اسراء
فينوس:- واني فينوس
اسراء:- شفتهم يصيحلوك استاذ واستاذ
فينوس:-هذا المطعم المتواضع مالتي
اسراء:-المتواضع؟؟؟ ههههه افخم مطعم ببغداد هذا
فينوس:- هههه حمدلله
اسراء:- شنو عملك انت
فينوس:- تاجر وعندي معارض سيارات وكذا
اسراء:- شي حلو فرصه سعيده
اي اجه الاكل والله جوعانه كلش
فينوس:-الف عافيه
بس مندي؟؟؟
اسراء:- اي مندي شنو يعني ؟؟ ليش متعجب ههه
فينوس:- بنيه ودكتوره وتاكل مندي بليل غريبه صراحه
اسراء :- اني هيج شنو يعني مثل ما اني احب اكون عفويه وماتصنع كدام احد حته لو جنت وزير الوزراء كلهم
فينوس:- يبقه صافن عليه وهي تاكل بأيده
اسراء :- شبيك متعجب اكل بأيدي
فينوس :-زين اني اكلتي كريب (حلويات) شلون
اسراء:- اتحداك تاكلهن بيدك ههههه
فينوس:- ههههه
يبدي ياكلهن بأيده
واسراء تضحك وفينوس يضحكون
العالم تباوع عليهم عبالهم بيهم شي لان يضحكون واصوات ضحكهم عاليه
اسراء:- عززززا اول مره هلكد اضحك وبصوت عالي
فينوس:- ان شاء الله دوم يارب
اسراء :- شكرا
تباوع ع الساعه عزاااا اني تأخرت كلش
فينوس:- اسف جان كلتلج اوصلج بس سيارتي اخذوه الولد
اسراء :- لا لا عندي سياره شكرا
يله مع السلامه وشكرا على هاي الامسيه الحلوه
فينوس:- ولو بالعكس اني فرحان وان شاء الله تنعاد
اسراء:- ياريت بس شغلي بالطوارئ وانت تعرف شنو الطوارئ يله بيباي
تروح تريد تدفع لحساب ومحد يقبل ياخذه منه
تجي معصبه عله فينوس
اسراء:- اكلك اني صحيح كعدت واكلت وياك بس مو معناته مادفع فلوس اوكي
فينوس:- شنوو
اسراء :-اي ميصير هذا الكلام
فينوس:- انتي ترضين تهينيني او تنزلين من قيمتي كدام العالم
ويكولون عليه مو رجل
ع المره الجايه تدللين ست
اسراء:- اوكي اوكي يله باي
تروح اسراء
وفينوس فرحان وعلامات الفرح والاعجاب مبينه عله وجهه
يخابر فينوس عله سيزر
الو سيزر جيبلي السياره وتعال يله
يرجع فينوس
يدخل الباب يركض عله تحسين وهو فرحان
تحسين:- شبي الحلو اليوم فرحان
فينوس:- يابه تعرفت عله وحده ايه من الجمال
ونعجبت بيه كلش اريده اريده
تحسين :- فينوس حبيبي حاله حال باقي البنات لو شنو
فينوس:- لا يابه شنو سالفه بنيه دكتوره ومثقفه وكلشي
حبيته كلش
تحسين:- اي بيه الخير لعد بس شلون رح تعرف شغلك وهي دكتوره واله مكانه بالمجتمع مرموقه
فينوس :- هسه يابه ليش تذكرني بالشغل
يعني شنو منزوج احنه ابد
تحسين:- باباتي منكدر نزوج احنه لان منو يقبل هيج شغل ويجازف بحياته علمودنه
فينوس:- يابه نشالله نشالله هي المناسبه
تحسين:- وزهراء؟؟
فينوس:- وليش جبت سيرته كدامي ؟؟
تحسين:- اتذكر لحد هسه من جنت صغير لحد قبل ٦ اشهر
جنت تدور عليه بكل مكان بس ليش وكفت هاهيه
فينوس:- يابه اذا هي متعبت ولا شويه حته تلكاني اني عله شنو متعب نفسي هاهيه
المهم اليوم هذا الزبون نسيت اسمه المهم
لزمته وخوش خليته يخاف ودفع كل الفلوس الي عليه
تحسين:- هدتته اكيد
فينوس:- اي وشنو يعني المهم دفع كل الفلوس
تحسين:- فينوس هيج رح تسوي عداوات ورح تتأذه بالاخير وخايف عليك لا يضربوك
فينوس:- يابه اني سبعك شبيك
تحسين:-هي هاي المصيبه يغدروك والله يغدروك
فينوس:-ماكو شي يابه لتخاف
تحسين :-الله يحفظك نشالله
....... زهراء
يله يله بسرعه هذا المريض تكشفون عليه وتاخذوله تحليلات وان شاء الله مابيك غير العافيه
....
شكرا دكتوره تعبناج ويانه
زهراء:- لا بالعكس هذا واجبي
تطلع زهراء من غرفه المريض
وتلاكي اسراااء
زهراء:- هلوو سروو شلونج ولج البارحه افتقدتج بليل ولو اني نمت من وكت بس دايما جنتي دكين عليه
اسراء:- يمعوده البارحه سيارتي اندعمت دعمه خفيفه ونزل الرجال واني كلتله روح عادي
وراها رحت للمطعم مالتنه دايما نروحله
جان الكا ورايه واكف
اني جنت انتضر يطببوني لان ازدحام
جان يطببني هو عود ديعبر عن اسفه
وبعدين يطلع هو ابو المطعم
زهراء:- يااااا صدددك
اسراء :- اي والله كلش خوش ولد ومؤدب ومحترم ومبين جنتل مان
وعنده شخصيه وكاريزما تموووووت
زهراء :- ها ها نكدر نكول لكيتي شريك حياتج
اسراء :- يمعوده همه كل الزلم زلم خرب يومه شنو من رجال ومحترم بس رح يجي عليه اني
زهراء:-هههههه ماطول معجبه بي قوي علاقتج بي وهي ترهم الي بي خير الله يقدمه
اسراء:- نشالله نشالله
هسه بشريني انتي لكيتي هذا صاحبج
زهراء:- ههههه وين الكا يا حسره صار ١٠ سنوات ادور عليه هههه
اسراء:- صحيح نسيت اكلج هو همات اسمه فينوس
زهراء:- شنووو مستحيل
اسراء:- والله شبيج
زهراء:- معقوله اكو هواي اسمهم هيج
اسراء :-والله مادري ... بس شايفه اذا طلع هو امووتج اني اريده ههههه
زهراء:- اثكلي يولي اثكلي هههه
......
فينوس :- لازم افكر بطريقه حته اخليه تتعشه وياي لو شوف شلون لازم لازم
سيزر وينك تعالي
سيزر :- نعم استاذ
فينوس:- كلي الدكتوره الي وصيتك عليه وين داوم
سيزر:- استاذ رحت سألت عليه تداوم بمستشفى اليرموك بقسم الطوارئ
فينوس:- حلووووو لكيته والله
يله يله روح روح
فينوس يطلع من الغرفه ويركب سيارته
وهو بالطريق يفكر بحجه يحجيه للدكتوره شيكولله
يوصل المستشفى
يدخل للمستشفه لقسم الطوارئ
ويصيح اخ واخ واخ الحكولي
يجي ممرض عليه خير خير شبيك
فينوس:- مادري مادري رح اوكع
ياخذه الممرض عله السديه ويكعده يكله هسه تجيك الدكتوره تفحصك
تجي اسراء بدون ما تنتبه لفينوس
تلزم ايده وتقيس النبض وتباوع ع الساعه
وتكله شنو الي تحس بي او شنو اعراضك
فينوس:- مبتسم لان ممنتبه عليه اصلا
يكولله
دكتوره خفقان بالقلب وكلبي يوجعني كلش
اسراء:- تباوع عله ساعته وتحسب دقات النبضات
من شوكت تحس بهاي الاعراض
فينوس :- من جنه البارحه كاعدين وانتي تاكلين كدامي
اسراء :-تنتبه وتلكه فينوس كدامه
تضحك بخجل
وتكله انت شجابك هنا
فينوس:- تعبت يله وصلت لمكان شغلج
اسراء:- وكل هاي التمثيليه وخبصت الطوارئ بصياحك علمود تجي تكلي هالكلام
فينوس:- لعد شلون اخليج تعوفين الكل وتجين عليه
اسراء:- يله اجيت عليك شتريد هسه
فينوس:- شنو هالاسلوب اني مريض تره هههه
اسراء:- لا والله شتريد لان عندي هواي مرضه
فينوس يكوم عله حيله ويكلله
اسف اسف اخرتج عله شغلج بس دقيقه
اليوم نطلع نتعشه بمكان
اسراء:- بخجل (لا اسفه ماكدر عندي شغل هواي)
فينوس:- شنو هاي اني وكلتج عله حسابي
اطلبج عزيمه
اسراء:- هههه يله ماشي
فينوس:- صدكككك تمام اليوم الساعه ١١
اسراء :- تمام ساعه ب ١١ يله هسه روح روح
فينوس:- دكتوره
اسراء:- لتكلي دكتوره كول اسراء او سرو
فينوس:- اوكي سرو بس بعدني مريض تره ههه
اسراء :- امشي امشي روح
فينوس:- زين بس ضغطي ع الاقل قيسي
اسراء :- تدفع بي وتكله امشي امشي روح روح ههههه
فينوس ماشي
ويصيح بصوت عالي ساعععه ب ١١
ويضحك ويطلع
..... زهراء
هففففف وين اسراء لحد هسه مجابتلي التحاليل مال هذا المريض غير تجي هسه
خل اكوم اروحله هسه اكيد موجوده بالطوارئ ومرضه هواي
تكوم زهراء حته تروح لأسراء
وبالطريق وهي تمشي
فينوس من بعيد وهي من بعيد واحد يمشي بأتجاه الثاني
لهنا ويخلص البارت نلتقيكم بالبارت الجاي 💙👸
دعمكم يسعدني كلش وتعليقكم يهمني 💙👸