بدلات جوهرة حوايجها ما بقاتش كتشوف ليث مجرد واحد باغة منو مصلاحتها بل ولات كتعتابرو صديق ليها ...
خرجات عندو بذاك الصالوبيط لقاتو حتى هو لابس بحالها .. شد ليها ايديها و خرجوا .. بقاو ساكتين و هما غادين كيشوفوا في الحقول اللي فيها اشكال و انواع تاع الخضر و الفواكه .. جوهرة فعلا نفعها الجو و بدات كترتاح نفسيتها حتى وركات على ايدين ليث و هو يوقف
ليث :مالك ؟
جوهرة : خلينا نقعدو هناا
قعدو بجوجهم تحت واحد الشجرة تاع الفريز ... جبد ليث فريزة و عطاها ليها في الفم جوهرة: شكرا
ليث : علاش
جوهرة :على كلشي
بقات كطيح الشتاء قطرات حتى تجهدات و كانت ديك الساعة 8 ..
ليث : يالله نوضي
ناضوا باش يرجعوا للدار حتى شداتهم الشتاء في الطريق و فزغو كلهم في الاخير وصلوا .
ليث : ههههه ناري كي ولينا
جوهرة : وااايه
ليث لاحظ ان الحوايج لصقوا عليها و هو يسهى في طايتها و لاحضات هادشي جوهرة حتى تزنكات
ليث :بتوتر انا غادي (دار بلا مايشوف فيها ) البيت الفوق اللي على ليمن كاين بيت يسرى شوفي شي حاجة ليك ...
مشا ليث و جوهرة دارت داكشي اللي قال ليها عليه ..... بدلات حوايجها و لبسات اللي لقات عند يسرى و نزلات للتحت كيبان ليها ليث كيصايب شي حاجة في الكوزينة كانت الكوزينة على شكل امريكي
جوهرة : اش كاين في العشاء؟
ليث : السباغيتي قبلي علية هي اللي كنعرف نطيب
جوهرة : ماشي مشكيل
ليث : اجي عاونيني و ديري الغلية ( الذرة ) طيب
هزاات جوهرة الذرة دارتها في الكوكوت مع الزيت و تسناتها حتى بدات كطير و مع نسات الغطاء بقات كطير عليهم تماك و سخونة حتى لقا ليث الغطاء و سد على الغلية
ليث : اححح تشويت
جوهرة : بلاا مسخ
ليث : هذا الغلية فكراتني بواحد الحاجة
جوهرة : شنو هي ؟؟
ليث : بيك دايرة بحالك كطيري مع الطيور
جوهرة :هيهيهي حامض
حط ليث السباغيتي و كالوها و تعشاو غسلات جوهرة الماعن و حطات صينية فيها الغلية (الفشار ) و حطات معاها الشيبس و الشكلاط و هزاتهم داتهم للصالون فين كان كيتسناها ليث
ليث : جيتي
جوهرة حطات الصينية : اه
ليث جبد تيليفونو و صور البلاطو و للحها في ستور في انستا
جوهرة ميقات فيه : حااامض
ليث : لا لا انا كيقولوا علية البنات السكر (جوهرة سمعاتو اش قال و شدات الغلية خشات ليه في فموو حتى تخنق و بدا كيكحب)
جبدو نيتفليكس و تفرجوا في فيلم رومانسي و كلما كتجي شي لقطة رومانسية كتزنك جوهرة اما ليث مقزدر مكيحشمش ... سالة الفيلم و ما حسو ببعضياتهم حتى نعسو في أحضان بعضياتهم ...
في الصباح ****
كان ليث نااعس حتى كيحس بتصرفيقة في وجهو هو يفيق مفزوع ...
جوهرة كتحرك فيه :نوووض خلاص راه 7 هادي و عندي فرض تاع الفيزيك
ليث كيتفوه :افففف بشوية عليك
جوهرة : وااا نوض ..... لبسات جوهرة لباسها المدرسي و تبعها ليث ...
ليث : مبغيتيش تفطري
جوهرة : رااه عندي فرض واش مكتفهمش
ركبو في الطموبيل و ساق ليث حتى وصل للمدينة و مشا لليسي .. غار وقف ليث الطموبيل خرجات جوهرة كطير من الطموبيل بلا ما تقوليه بسلامة .. كي دخلات قعدات قدام كمال
كمال :فين كنتي ؟
جوهرة: غار مع ليث
كمال :كيبان لية رجليك بدااو كيخرجو للشواري
جوهرة : دخل سوق راسك
دوزو الفرض .. و كانت عندهم حصة تاع الماط من ورى الفرض .. كي دخلات بان ليها الاستاذ كيخنزر في واحد البنت و ديك البنت كتشوف فيه بتوتر ... طول الحصة كانت جوهرة كتلاحظ شوفات الاستاذ تاع الماط اللي سميتو خالد للديك البنت اللي سميتها سلمى و كان الاستاذ نفسو اللي كيقري رانيا ..
..... عند يسرى .
كانت في حصة تاع الموسيقى .. اكثر حصة كتبغيها حيتاش كتقدر تغني بينا انها صوتها زوين و حلمها تولي مغنية ...
عماد ببتسامة : اللحن مكيكونش غار في الموسيقى بل كيكون حتى في صوت المغني النوطات خاصهم يكونوا مختلفين و الاهم زوينين و تعبيريين ... بقا عماد كيشرح ليهم حتى سالات الحصة و هي تمشي للعندو يسرى
يسرى : استاذ
عماد :وي
يسرى :بغيت استاذ من بعد ما نشد الباك نتسجل في شي معهد للموسيقى
عماد :خلي ليا نمرتك و انا مني نجمعهم ليك حتى اللي في خارج المغرب نصيفطهم ليك
يسرى :صافي وخاا .... كتبات ليه نمرتها
خرجات يسرى و هي تصاطح مع كمال
كمال بتخنزيرة :اش كنتي كديري مع هذا
يسرى :نتا وااش سوقك شفت فينما ضرت نلقاااك واااش اخويا مي ولداتك و نساتك
كمال ببتسامة : لا لا ولكن غادي تكون واحد العلاقة بيني و بينها مميزة
يسرى : حاامض
مشات يسرى مخلية كمال مهموم كي غادي يدير يعجب وحدة بحالها هي فين و هو فين حتى كتمشي للعندو جوهرة
جوهرة :مالك ؟
كمال :ما عرفت شنو ندير دابا انا كنبغيها و لكن واش غادي تديها في واحد غليض بحالي
جوهرة : شتي لا كانت كتهتم بالمضهر ما عندك ما دير بيها نقولها ليك للمرة الالف
كمال :اش غندير راه كنتشروط عليها
عند لمياء
كانت كتشرب في قهوتها حتى كيلحق عليها زياد
زياد : تيتيز اش كديري هنا
لمياء : عنييبة
زياد :ياااك غار اللي يحاشيها ليكم البنات
لمياء : صافي صافي فهمنا
زياد : بغيت نهضر معاااك
لمياء :وي
زياد باعجاب :لمياء صراحة هادي كثر من شهر و انا كنعرفك و بغيت نعتارف ليك انه كتعجبيني و بغيت نتصاحب معااك
لمياء تزنكات في بلاصتها و هي كتسمع للهضرتو..
زياد : باقي مقادرش نوصف مشاعري واش حب و لا مجرد اعجاب و لكن انا كنحس ببزاف تاع الحوايج من جيهتك و كنرتاح منين كنكون معاك
لمياء بتوتر :و لكن نتا عارف اصلي ..
قاطعها زياد شاد ليها ايديها :انا مكيهمنيش مستواك الاجتماعي و لا حتا باباك كيداير انا كنشوف راسي معااك
لمياء :وخاا من بعد مدة و نجاوبك
زياد : مزيان و لكن بغيتك تقبلي عراضتي عليك
لمياء : فين ؟
زياد :للواحد البلاصة نتغداو فيها ..
خرجوا لمياء و زياد باش يتغداو في واحد الريسطورو ..
وقارك سيدتي (مكتملة )
By queenouma15
بوووووووووم 💥💥💥💥 و .. قصة جديدة مختلفة على سابقيها .. فلا طلع ليك الشقة و التخمال في راسك دواك هي هاذ الق... More