هاي اللحظات جانت من اصعب الاوقات عله فينوس
ما بين ناظم الي كاعد كدامه ومبتسم لان يعرف نفسه رح يموت بكل الاحوال بس ميعرف منو رح يكتله ويخلص عليه
ومابين تحسين الي كاعد يصرخ ويكله فينوس لتضرب الطلقه لان رح تتندم وتبقه طول عمرك متندم عله هاي اللحظه مثل ما اني هسه متندم
ومابين نفسه الي ميعرف هو لشنو ديتحول
جان واحد بسيط وفقير ويحب الرسم وهسه شايل مسدس ويريد يقتل شخص
ومابين ضميره الي يكله ميصير نعالج الخطأ بالخطأ ومو حل اذا قتلته
مابين كل هاي الاصوات براسه والدنيه تفتر وتفتر
تنطلق الطلقه وصوته كلش عالي
الشباب الي واكفين بره يفوتون ويشوفون ناظم مقتول والدم بكل مكان
زهراء :---
ماما شنو تتوقعين هسه فينوس شنو دايسوي
الام:- ماماتي لتخافين عليه هو مبين سبع ف رح يعرف شلون يعيش وثاني شي هذا قراره هو حر بحياته بس اني مقهوره عايه سوده عليه بعده صغير
زهراء:-ماما شبيج انتي تشوفي صغير بس غير ممعاشرته انتي
والله يوديج للشط يرجعج عطشانه ههههه
الام:- ماماتي مهما يكون عقل الطفل يتقشمر بأي حاجه
زهراء :-ماما لتخوفيني
الام:- هسه المدارس جايه انتي انتبهي عله دراستج ولتخافين رح يجي يوم وتلتقين بفينوس
ماطوب هيج تحبي
زهراء :- صدككك ماما
الام:- اي حبيبتي رح يجي يوم وتلتقين بي لان متعرفين الاقدار وين توديج ووين تجيبج
زهراء:- اووووف شكد احبج يمه ❤😍
سويتيلي امل والله
بس تدرين من اكبر اريد اصير دكتوره
الام:- اي يا الله بلكت الله وافتخر بيج
زهراء:- اي ماما حته اعالج العالم وخاف فد يوم فينوس يتمرض اني اعالجه هههه
الام:- اويلي منج انتي اويلي
فينوس .......
يدخلون الشباب ويشوفون ناظم مقتول والدم بلكاع يسيل
يباوعون عله تحسين كاعد بالكاع عله ركبة رجله
وحاط ايده عله راسه
ويصيح فينوووووووس شسويت
ماردت تصير مثلي ابددددد
فينوس يباوع عله نفسه بيده المسدس وناظم كدامه مقتول
الشباب :- استاذي فينوس قتل واحد استاذي فينوس
تحسين:- مناقصكم اني اخذو المسدس من ايده واطلعو برهه
فينوس يوكع بلكاع ويباوع عله تحسين
فينوس:- يبجي ودموعه تسيل من عيونه وايده عله راسه ويكول لتحسين
هي هاي الحياة الي وعدتني بيه وكلتلي احله حياة
هي هاي ايدك اليمنه هيج تسوي
هي حاي حياة تاجر المخدرات
تخليني اروح لمكان انت تدري الكل رح يموت هناك
تحسين:- بس اني كلتلك لتروح
فينوس:- ليش ماكلتلي السبب حته افكر بغير خطه ومحد يموت بيه
تحسين :-ماكوو ماكووووو
انت عبالك حياتنه سهله
بكل لحضه نغمض عيونه بيه نتخيل الشرطه وهمه فاتو للبيت حته يقتلونه
بكل لحضه ندير ضهرنه لواحد نتخيل رح يطعنه
هاي حياتنه وانت جنت تعرف المخاطر من اول يوم
ووافقت
فينوس:- اعرف !!! اعرف المخاطر؟؟؟ مجنت اعرف كل هاي الامور
قتل !!!تعذيب!!! ندز ١٢ شخص لموتهم! نخطف شخص علمود مجرد بس اسأله وبالاخير اقتله !! ااقتتتتله!!
طلعت اني اصلا ماعرف نفسي تحسين
اني منو ! او شنو صرت !! تحولت لأنسان مجرد من كلشي
بدون مشاعر بدون ضمير بدون بدون بدون
فينوس يبجي ويحجي بحركة كلب
اول شي امي وابويه ميتين وهاي اول حاجة انضلمت بيه بحياتي
والذنب مو ذنبي اني لا ذنب امي وابويه من تزوجو وجابوني لهاي الدنيه القذرة
طبيت لمصح نفسي بسبب محد جان يقبل ياخذني لبيتهم لان يعتبروني ابن غير شرعي بالعشاير
حته مودوني لدار ايتام او حته لاي شخص
اعتبروني مختل عقليا ورادو يعذبوني وذبوني بمصح نفسي
وهسه هسه اخر ما توصلت اله اقتل شخص واني بعمر ١٢ سنه
تحسين:- فينوس الذنب مو ذنبك انت
اني صوجي وديتك بهيج مكان
وصوجي خليتك وياي انت متكدر تكمل هيج
فينوس :- يضحك بصوت عالي ههههههه يكول لتحسين بعد اكو اتعس من هيج شي اسوي
تحسين:- فينوس رح اوفرلك كلشي تحلم بي عائلة وبيت وكلشي حته اطلعك من هالمكان
فينوس:- هههه وذكرياتي هاي كلهن تكدر تشيلهن تكدر تمحي الشخص الي قتلته هسه
سألتك سؤال امو اتعس من هيج شي اسوي لو لا
تحسين:- لا فينوس ماكو
فينوس:- هاهيه لعد ( يكوم فينوس ويمشي ع الباب ويكول لتحسين )
تحسين من اليوم ورايح ايدك اليمنه صارت اقوه واقوه وكعت بالحفره ويحتاجلي قوه ووقت حته اطلع منه
يطلع من الغرفه
تحسين:- شبااااب
الشباب :- نعم استاذي
تحسين:- شيلو هذا من كدامي وحطو بأي مكان ودزو لاهله ١٠٠ مليون ولتخلوهم يعرفون مين هاي الفلوس
الشباب :- نعم استاذي تأمر امر
فينوس ...
يدخل لغرفته ويطلع عدة الرسم مالته ويبدي يرسم ويرسم ويرسم
يدخل عليه تحسين
تحسين:-فينوس ابني
فينوس:- رجائا ماريد احد يدخل
تحسين:-فينوس الشي الي سويته انت هسه
والغرور متملكك
اني همات نفس الحاله مريت بيه من قتلت اول شخص بيدي هاي
ومصار هواي يمكن بالزايد ٤ اشهر
لكن بعد ماقتلته وكفت عله حيلي واشتغلت صح بعدين هسه هاي تشوفني بنيت كلشي بالفلوس
بس انت يافينوس بعدك صغير مرح تكدر تعبر هاي المحنه اذا مو احد وياك
اول مره اسوف طفب يقتل شخص ومتمسك بعده
فينوس :- يركض عله تحسين ويكله
متمسك!!! اني اريد اوكع واتخربط لكن متماسك نفسي بلكوه
اريدك تبقه وياي ومتعوفني ابددد
تحسين :- اني وياك وياك لتخاف ابد
زهراء.........
ماما ماما
الام:- ها خير خير بس تجفلين الواحد شكوو
زهراء:-ماما عمه مديحة كاعد دك هاج جاوبي
الام :- تاخذ التلفون وتكول الوو
هلا هلا بيج خيه شلونكم شلون صحتكم
شنوووو لا اله الا الله
شلوون ووين شوكت
الى رحمة الله
انا لله وانا اليه راجعون يله يله رح اجي ونفتهم يله مع السلامة خيه
زهراء:- شكو ماما خير خما اكو شي
الام :- لا حول ولا قوة الا بالله
زهراء:- شكوو
يجن خوات زهراء شكو ماما شكوو
الام:- عمكم ناظم مات
زهراء وخواته :- شنووووو مستحيل شلووون
الام :- لكو مكتول ومذبوب بالطب العدلي ومحد يعرف ليش ولا يعرف منو
زهراء :- هو مابقالنه بس هذا العم الله ينتقم منهم الله لا ينطي الي كتله لا دنيه ولا اخره يارب بجاه النبي
ويبجون الكل زهراء وخواته والام
الام:-يله يبنات كومن لبسن العبي مالتكم خل نروح عله مرت عمكم الله يساعده هسه شصاير بيه
يروحون زهراء والكل
بعد مرور ١٠ سنوات
يتبع........
تعليقكم يهمني ❤
تفاعلكم يسعدني👸❤