Aya Arcavia
"Ariel"tawag ko sa kapitan ng distrikto 10. Mabilis na lumapit ito habang kinausap ang mga kawal na mag patuloy sa pagsasanay.
"Ano po yun mahal na prinsesa?"yumuko muna ito sabay sagot sa akin.
"Gumawa ka ng limang pangkat ng mga kawal, habang nandito ang ibang mga kasama ko para may magawa naman sila"walang gana na sabi ko kay Ariel sabay tingin sa isang gilid na may mga nakaupong limang nilalang.
Napansin ko na tumingin din si Ariel sa gawi na yun at mukhang nakuha niya ang sinabi ko.
"Magsusunod po mahal na prinsesa"nagpaalam ito at nakita ko na kinausap na nito ang mga kawal.
Napangisi ako ng makita ko na tila nakatingin sa akin yung lima habang papalapit ako.
"Aya, ayan nanaman ang kakaibang ngiti mo"sabi sa akin ni Kenna ng makalapit na ako sa kanila.
"Isang linggo na ng simula pumunta kayo dito, para magkaroon kayo ng silbi sa akin may papagawa ako"sabay ngisi ko at nakita ko na tila napalunok sila ng sabihin ko yun.
"Wala ako sa mood ngayon Aishelle"nakasimangot na sabi ni Sabrina sa akin pero hindi ko ito pinansin.
"Mahal na prinsesa aya"hinarap ko agad si Ariel ng tawagin ako nito at nakita ko na nagawa nito ang utos ko.
Tinignan ko ang limang pangkat na ginawa ni Ariel at napatango ako dahil maayos ito.
"Kenna ikaw ang hahawak sa unang pangkat"sabi ko dito at nakita ko na tututol sana ito ng tignan ko ito ng malamig.
"Ate Julian ikaw naman ang hahawak sa ikalawang pangkat"ngumiti naman ang pinsan ko at alam ko na gusto nito ang sinabi ko.
"Sabrina, ikaw ang hahawak sa ikatlong pangkat"malamig na sabi ko ng makita ko na nakasimangot ito.
"Belle ikaw naman sa ikaapat"walang gana na sabi ko at tumango na lang ito sa akin.
"Gabriel ikaw naman sa ikalimang pangkat"utos ko dito at ngumiti na lang ito sa akin.
------
Pumunta na sa kanyang kanya na hahawakang pangkat ang lima, hindi na din sila nakatutol sa utos.
"Aya kung hindi ka ang cute inaway na kita"inis na sabi ni Sabrina at nagtawanan ang mga kawal na nasa harapan niya.
"Inutos ko bang tumawa kayo?"galit na sabi nito sa mga nandoon.
Mabilis na tumahimik bigla ang mga kawal na hawak nito ng makita na galit na tinignan sila.
Sa unang pangkat naman ay makikita ang takot sa mga mata at medyo panginginig ng mga kawal na nandoon.
Sino ba naman ang hindi matatakot sa ginawa nito sa unang pagkikita nila sa Prinsesa ng Atlancia.
"Unang una gusto ko lang sabihin sa inyo, Ako ang hahawak sa inyo alam niyo kung paano ako magparusa lalo na sa mga taong lumalabag sa utos ko"madami ang napayuko sa sinabi nito. Dahil ramdam pa din nila ang ginawa nitong paglalatigo sa kanila.
Ang ikalawang pangkat naman ay napapangiti dahil nasa harap pa nila ang isang prinsesa ng Arcavia.
"Ang swerte natin sa atin napunta ang isa pang prinsesa ng Arcavia"bulong ng mga kawal na nandoon. Madami ang sumang ayon sa sinabi nito.
"Dati may naririnig ako na balita sa ibang distrikto na mainitin ang ulo ni Prinsesa Juliana at lagi daw ito nagwawala sa kapitolyo,ngunit mukhang haka haka lamang dahil nasa harapan natin ngayon ang isang nilalang na mahinhin"
Nakatayo lang sa harapan nila at nakangiti ang prinsesa na sinasabi nila. Tinitignan sila nito at madami ang tumitingin din sa kanya na mga kawal na tila tuwang tuwa.
Palihim na ngumisi ito ng makita na tila natutuwa ito na siya ang may hawak.
"Maganda umaga"mahinhin na bati sa kanila ng hahawak sa kanila.
"Magandang umaga din po mahal na prinsesa Juliana"masayang bati sa kanila nito at tumango naman ang prinsesa sa kanila.
"Simula sa araw na ito ako na ang hahawak sa ikalawang pangkat kaya sana walang susuko at lalong lalo na wala sana umalis kapag nagsimula na tayo magsanay"ngumiti ang prinsesa kanila at madami ang napangiti dahil sa sinabi nito.
"Asahan niyo po mahal na prinsesa, hindi po namin kayo bibiguin"sagot ng isang kawal dito at palihim na ngumisi ito.
"Dahil unang araw pa lamang, maaaring magpahinga muna kayo at kung gusto niyo ay mag ensayo muna"madami ang natuwa ulit sa sinabi nito at nagpaalam ang prinsesa sa kanila.
"Sa ngayon lubusin niyo na ang kasiyahan niyo"bulong ng prinsesa sabay ngisi nito ng makatalikod ito.
Ang sumunod naman ay ang ikaapat na pangkat, halos lahat ng mga kawal ay nakatingin sa magiging pinuno nila.
Nagtataka ang mga ito dahil nakaupo lang ito at may hawak na tasa na laman ay tsaa.
Tahimik ang mga kawal na nakatingin sa kanya, nagtataka sila dahil tila wala pa itong balak magsalita.
May katabi itong isang dama na nagsasalin ng inumin kapag nauubos ang hawak na tasa.
Kita din nila na tila kinakabahan ang dama nito habang nagsasalin ng tsaa kada mauubos ang laman.
"Anong meron?"naguguluhan na bulungan ng mga kawal na nandoon.
Natahimik ang lahat ng biglang marinig nila ang tunog ng isang nabasag na bagay.
"Mahal na prinsesa?"tila narinig nito ang tawag ng mga kawal at unting unti dumilat.
Biglang nagtayuan ang mga buhok sa batok ng mga kawal ng makita nila na tila walang emosyon na tinignan sila ng prinsesa.
Napansin ng mga kawal na wala na din ang dama na nasa tabi nito kanina. Nakaramdam ng kaba ang mga nandoon dahil tila humahangin.
"Sino ang tumawag sa akin?"napalunok ang mga nandoon ng magtanong ang kaharap nila.
Nagkaroon ng ingay dahil nagtuturuan ang mga kawal kung sino ang tumawag sa kaharap nila.
"Ahhhh"napahinto ang mga kawal na nagtuturuan ng marinig nila na tila may lumipad na isang bagay sa harapan nila.
"Hindi kayo hihinto?"nataranta ang mga kawal kaya umayos sila at bumalik sa pwesto maliban sa isang kasama nila na tila nahihirapan bumangon.
"Simula sa araw na ito, ako na ang hahawak sa inyo at magsasanay para maging isang magiting na kawal at tagapagtanggol ng Arcavia, Kung ayaw niyo na matulad sa isang kasamahan niyo, umayos kayo at sumunod sa utos ko. At huli ayaw na ayaw ko madungisan ang pangalan ko lalo na si Aya ang nag bigay ng utos sa akin"walang emosyo na sabi nito at napalunok at napayuko ang mga kawal sa sinabi nito. Ramdam din nila ang hangin na tila may nakapalibot sa kanila.
"Opo mahal na prinsesa"sagot ng mga ito at ramdam pa rin nila ang takot dahil nasaksihan nila ang lakas nito.
Sumunod naman ang huling pangkat marami ang nagsisiyahan at tila natutuwa sa magiging pinuno nila dahil ngayon ay kakwentuhan nila ito.
"Ayokong sa tahimik na mga kawal kaya dapat lagi tayo masaya lang"sabi sa kanila ng Prinsipe at nagtanguhan ang mga ito.
"Mabuhay ang mahal na prinsipe"sigaw ng mga nandoon at marami ang napapangiti dahil alam nila na hindi sila masyadong mapapagod lalo na mabait ang kanilang pinuno.
"Dama, bigyan ng mga inumin ang mga kawal"utos ng prinsipe sa mga dama at yumuko ang mga ito sabay ginawa ang utos.
"Gusto ko na magkaroon kayo ng lakas at makapag pahinga lalo na ako ang hahawak sa inyo"natuwa ang mga kawal at tila hindi narinig ang huling sinabi ng prinsipe.
Matapos mabigyan ang mga inumin ang lahat ay sabay sabay ininum ng mga kawal ang binigay sa kanila.
Ngunit matapos mainom ng mga kawal at nakaramdam sila ng antok, nagkatinginan ang mga kawal na nandoon.
"Tila masyadong malakas ata ang pinalagay kong gamot"sabay kamot sa ulo nito ng makita na tulog na ang mga kawal na hawak niya.
-----
Sa kabilang banda naman..
"Mahal na prinsesa, ano po plano niyo?"nagtatakang tanong ni Ariel sa prinsesa habang nanonood sa ginagawa ng limang pangkat.
Walang gana na tinignan siya ng prinsesa at sabay ngisi nito, nakaramdam ng kakaibang kaba at takot si Ariel ng makita ang ngiti na yun.
"Asahan mo ang pagbabago na magaganap sa distrikto 10 Ariel simula sa araw na ito"sagot nito sa tanong ng kapitan.
Napalunok si Ariel ng makita ang nangyayari sa mga bawat kampo ng limang pangkat.
"Hindi ko alam ganto pala ang mga maharlika"sabay iling na lang dahil tila magkakaroon talaga pagbabago sa distrikto na hahawakan niya.
-------