زٍوِاٌيٌـاٌ اٌلِـحٍيٌـاٌةُ
اٌلِـحٍلِـقْةُ "46"
ڪْتْآبْآتْيْ : Raghad
فطنت لحركته اسيل و صبت
اسيل : كنك ؟
احمد : ماشي لامي !
اسيل بصدمه : ساعه 1:30
احمد : وين المشكله ؟ محتاجلها ؟
اسيل قربت منه و مسكت يده : كنك مضايق ؟
احمد : اهو قلتيها مضايق و نبي نشوف امي !
اسيل : وانا مراتك مش مفروض تحكيلي انا !
احمد شافلها و ضحك بهزوهه
قعدتت تشوفلهه بإستغرابب ومش فاهمه المقصد من هالضحكه
احمد : تبي تمشي االبسي و اطلعي تبي تصكري عليك الحوش و تقعدي براحتك و بسرعه ياريت .
اسيل بتبرة هاديه: نخاف نقعد بلاك
احمد ضحك نفس الضحكهه و قالللها نرجا فيك في سيارة و طلع
اما اسيل لبسة سروال جينزز و على تيشرت صوف صوده ثقيله كرتت محرمتها و لبستها ع سرير
عكس احمد الي دوب لبسه كاويشه و طلع بتوته
....
احمد كان مولع الماي فاي بتاعه و يكتب لوائل على الماسنجر
احمد : واعي ؟
وائل : كان خاطري نقول راقد الحق بس واعي😂
احمد : 😂😂😂
احمد : باهي ارجاني انا شويه و جاي
وائل : يا ساتر شن في ؟ افجعني من توا !
احمد : غير كنك مركب على روحك ؟ 😅
وائل : عليش ٠اينا عقاب هالوايل
احمد : ملزوز من الحوش😂
وائل : شن هل اسيل عندكم 😂
احمد : لالا توا نجي و نحكيلك
وائل : توا بالله جاينا بجديات عقاب هالوايل ؟
احمد : زمري 🙂
وائل : الا شتيمه ياا ميدوو😂
احمد : تي عدي عدي امك واعيه
وائل : اللحظه خشت لدار كملت مسلسلها و خشت
احمد : تمم ارجاني
وائل : تمام .
............
صكرت باب الحوش بعد ما طفت ضوايا و ركبت جنبه في سيارة
اسيل : كان مسكونا البوابات مش حيطلقونا
احمد ببرود : مش راكبه مع صاحبك تقريبا
اسيل : بس هما مش حيقتنعوا
احمد : كتيب العائله هنا قاعد عليش شاغله روحك وا٠ك هنيني و اسكتي
اسيل لمعوا عيونه : عليش تحكي معايا هكي
احمد ما هاننش عليه دموعها مسك يدها كنوع من الطمئنان : مافي شي بس انت بروحي مش ناقصني ريحيني و اسكتي
اسيل بعبرتها : ردني لحوشنا
احمد تنهد : خلاص امسحي دموعك مش مستاهله
اسيل : انت تهزب فيا
احمد : لا هزبتك لا قربتك من اول ما خذيتك لهاللحظه !
اسيل : ببس انا تعبت يا احمد من هالحياهه هذيي تخش تاكل ترقد تنوض تطلع انااا بجدددد مليتت و تعبتت احمدد انن جنن اياامم نرقددد فيهن جعاانه و ساكته تعبتت من فقركك
احمد ضحك بصدمه : ت ع ب ت ي م ن ف ق ر ي
اسيل قعدت تبكي و تشوفلهه نااادمهه على عالكلمه الي طلعت من فمهاا : ا احمد
احمد : تبي تطلقي ؟
اسيل هزت راسها بنفي و عيونها مليانات دموع : انا نحبك
احمد : و الي يحب يضحي ، انت عمرك ما حبيتيني انت حبيتي اهتمامي بيك بس !
لو طلاق بيريحك من بكرا انا واتي !
اسيل نزلوا دنوعها و قالت برجفه : لهدرجه انا رخيصه عليك
سكت و قعد يسوق بدون لايرد على سؤالها
خلاهاا طول طريقق تخمم انا قعدت نهون على احمد !💔
درس السيارهه قدام حوش هله و نزل هو و اسيل
ومن اول ما دق فتحلهم وائل على طوول لان كان يرجا فيهم في الجنان
فتحله و سلم عليهه كان مستغرب وجود اسيل معاهه للن توقعه كان ان هل اسيل بايتين في حوشه و بيش ياخذوا راحتهم جاي احمدد
خشت اسيل و قمعزت في وسط الحوش بروحه و هيا تخمم في حياتها مع احمدد
مش متعودهه على الفقر حياتهاا كل وكاله و هياجه و سفر .
مادياً كاننتت شااابعه بس برضوا تبي حياة قريبه لحياتها من قبلل
و الشي الي خلاها تواافق على احمدد الحب الي كان باين في عيونه و الحب و الحنيه الي كانتت مش لاقيتهم عند هلها ، هو حنين عليها مدلعهاا و معيشها احلى لحظات حياتها ب ابسط الامكانيات .
بس توا البلاد بدت تغلى و مفيش شي رخيصص
يضغط على روحه في شغلل بيش يوفرلها كل شي ماكانش يحب يجي الموقف الي تطلبه في حاجه و يكون ما عنداش
متقبل الذل الي هو فيه متقبل الاهانه متقبلل قلةة الاحترااام متقبل التنمر الي يسمع فيهه من المدير بتااعه بسس ع خااااطرها .
و على خاطر يوفرلها كلل شيي
بس اهو الحياة جتت عليهه و جت لحظه الي كان فيها مستحقق و ضااايقه بيه .
اللحظه الي ورتلهه فيها الحياةة ان اسيل ما تتحملش حياة الفقرر الي هو فيهه و مش حتصبر ولو على خاطرهه
اللحظه الي قالتله فيها الحيااهه راااهيي كلهاااا مااشيه بالفللووسس يا طيب
و الي خذييت ع وجهك بسباااهاا هيا تواا توجعع فيك بكلامهاا و تعاير فيك بفقرك .
.....
وائل : كنا وجهك مش عاجبني ؟
احمد : لالا اموري تمامم
وائل : كنك جااي
احمد : بنشوف امي
وائل : بتشوفها قريب 2 ليل ؟
احمد : يعني نروح ولا كيف ؟
وائل : انت فاهم قصدي !
احمد : خطااني 🙂
خش احمد للحوس فتح دار امه ببطئ لقاها متمدهه على السرير قرب منها بهدوء و امتد جنبها و حط راسها على حضنهاا
حميدهه ناضت مفزوعهه : وائل
رفع راسه من عليها : هءا انا يا امي
حميده بخوف و قلق كبير : حميدهه شنن فيي ؟ كنك جاايي اسيل وينها صاير شي بينكم طلقتهاا ؟
احمد ابتسم لخوف امه : مافي شي محتاجلكك بنقعد معاك شويه و نروح
حميده : ما تكذبش عليا سلم وليدي قولي شن في ؟
احمد حط راسه على حضن امه : العبيلي بشعري زي زمان
حميده بحزن : مضايق وليدي انا ؟
احمد امتلوا عيونه دموع : ضاايقه بيا يا امي ادعيلي
حميدهه : ربي يفرجهاا و يوسعهاا عليكك يا رب يا كريم افتحها على وليديي و ابعتله زينة الايام
احمد برجفه : امي
حميده نزلوا دموعها : نعم يا وليدي
احمد بنفس نبرة صوت : عليش انا من دون الناس حياتي كلها تعب و شقى ؟ عليشس ما نحصلش في حاجتي الا بالماحوته و ستين تعبب بدال التعب
حميدهه : فلوس الحلالل صعبات يا حميدهه بس ديما قول الحمدالله ما ملي ساكنين في ايجار و كل شهر يخبط ع بابهم واحد ولا عايشين تحت زينقوو
دامكك عندك حوش يأويك و شغل يجيك منه فلوس حلال بتعبكك و جهدك و مش سالك طريق الحرام قول الحمدالله
احمد : نقول الحمدالله بس حيياتي معش مشت لقدام نحس فبها كل ما لها ترد لاوراا
حميدهه : ربي حيرزقك من خيراته انت بس اشكرهه و احمدهه على الي عندكك
احمد : مريتي بمرحلة فقر لما كنتي مع باتي ؟
حميده ضحكت بحزن : اايه يا حميدهه شفتت ايام انا و بووك نقعدوا باليومين ما ناكلواا في حاجه
وقتها انت كنت دوبك مصكر السنه
و مصاريف زادنن مش كيف اثنين كيف 3
حفاظاتك و وكالك الخااص خاطي دبشك انت كنت ما شاء الله عليك كل شهرر دبشك يصغر عليك كنت مليان و طوويلل واجد
عشناا مررحلهه صعبهه وااجدد باتك مرات يقعدن باليومين ما يخشش للحوش و هوا من شغل لشغل بيش يوفرلنا فلوسسس لما معش قدر على الايجار عشنا تحت زيينقو يا حميدهه لا ضي لا ميه بس الحمدالله بعدها توسعت علينا و شرينا حوش ملك و حصل بوك شغل مسقم و اهي الحمدالله حالتنا تريحت نوعاً ما و الحمدالله
احمد بنبرة هاديه: صبرتي عليه باتي
حميده ضحكت : زمانا قبل اغلبيتنا نفس حاله و المراه تصبر على راجلها و تصبره و تقعد معاهه ع المره قبل الحلوهه مش زي صبايا تواا يجقبن و يدلعن و يبن زي هذي و زي هذي بيش يفشكن وانا راجلي وانا رتجلي
احمد ضحك بحزن : انقنه زمان قبل يختلفف على تواا بس برضوا في الاخير هذينا حقوقهن و بيعيشن عيشه متوسطه اقل شيء ؟
حميده : اسيل مزعلتك ولا معايرتك بحاجه ؟
هز راسه بمعنى لا
حميده : تعال نطلعوا جنبها شويه عيب
احمد : لالا خليني شويه هكي و توا نروح مره وحده
حميده باساته ع راسه و قعدت تلعب بشعرهه
.....
جا قمعز جنبها ولع دخانها و هو يشوفلها كانت سارحه و عيونها يلمعوا و كأنها بتبكي
وائل : شن مدايرهه لاحمد ؟
اسيل : مادرتله شيء
وائل : عليا ؟ احمد ما يضايق الا من وراك 🙂
اسيل تأفف و هيا خانقتها العبرهه : واشدخلني انا
وائل : خفي عليه شويه عارفينك جاايه من قصور بس محد جبرك تقبلي بيه انت عارفه حالته من ايام الخطوبه
اسيل بنبره هاديه : من جاب السيره هذي توا ؟
وائل : محد بس انا عارف ان هذا هو الموضوع
وائل : ما تضغطيش عليه رااك انتي الي حتخسريه احمد مش هو .
اسيل نزلوا دموعها : سيبني في حالي ترا
وائل طفا دخانه و صبا : خشي ارقدي في دار احمد
اسيل هزت راسها بنفي : هو بيروح
وائل : ما ضنيتي
اسيل سكتت و هو حطلها بطانيه و خش لداره رقد ع سبه بكرا عند عمل بدري .
و هيا بدورها تمددتت على الكنبه و طرحت البطانيه عليها
حطت يديها تحت راسها و قعدوا دموعها ينزلواا خااايفهه
خايفهه تخسر احمدد و حنيتهه و اهتمامه بس في نفس الوقتت تعبت من هالحاله الي هيا فيها
لا تطلع لا تخش زي نااسس
خاطي انها حتى لما تكسد و تقول نصبي نتعلملي صنعه و ن٠رب ندير هذك الحاجه تلقى الحاجات مش متوفراتت
باهي هيا توا مش تلوميها و تعذريها ؟؟
هيا ما تعرفش الظروف الي يمر بيهن احمد لتكتمه على شغله و كل ما تجي تخمم تلقى عقلها شايلها بعيدد و احمد يخون فيا و احمد لاقي وحده غيريي و احمد معش يجبني و احمد مل مني و من هالافكار الغبيه .
................................
6:50 ص
فتح عيونهه ببطئ و شاف لساعه كان فاضل 10 دقائق على منبه وقفه و وجهه نظراته لعشق
ابتسمم ابتسامه مليانه حب عيونه ضحكن و هنا يشوفن فيها جنبه
حط يدهه على راسها و حوللها شعرها الطابح على عيونهاا
باس خدها بشويه بيش ما تفطلش و توعى
ابتسم و لسان حاله يقول ويا حظي الي كل يوم بنوض على وجها
و ياحظي اني خذيت وحده في جمالها و عفتهاا و رقتها
صباا من على سريرر و خش للحمام "اكرمكم الله"
توضى للصلاة و صلى
طلع دبشه و خذا في يده و طلع من دار
لبس و خش للمطبخ دار نسكافي بتاعه و صبا في الكبايه رفع فونه و رن على وتين بفون عشق القديم
كان مستقصد ان ما يشريلهش فون مش لان باخل عليهاا بس كان مايبيهش تغفل على قرايتها و تهملها .
خذت الفون من جنبها و وكت الصوتت بيش ما تزعجش زبيده الي جنبها
ردت على يوسف و هيا شبهه راقدهه
وتين : همممم
يوسف : شن الي همم هم يهمك 🙂 منخمدهه ؟
وتين : يوسف نبيششش اناا
يوسف : صبيي تواا اناا جايك افتحيلي البابب
وتين تأفتت بتذمر : انباهي
يوسف ضحك : خلاص تحماي اخرلك سمستر و تبدي في هم الجامعه
وتين ضحكت : باهي يا صامط اهو مصبيهه
يوسف : افتحيلي الباب انا جاي توا
وتين : باهه
صكر يوسف منها خذا كباية نسكافي بتاعه و دخانه و مفتاح سيارته
وطلع بهدوء و صكر الباب على عشق الي ما فطنتلهه بكلل و راقدهه بعمقق من تعبب ايام العرس😂 .
..
مشى شور حوش هله لقاها رادتله البابب
خش لقا الحوش هااديي هما في الوقت هذا غالبا يكونوا كلهم راقدين الا لو كان معاذ او زبيده عندهم جاامعه
خش للمطبخ كان بيدرلها حاجه تاكلهاا مايبيهش تطلع و هيا مش واكله حاجه
يوسف ؛ نعرفشش ندير شاهي زف🙂
قعد يقربج في دولايب لين لقااا اوفلتين
طلعهه و حط بكرج حليب ع نار
في هالوقت كان وتين طالعه من الحمام " اكرمكم الله و لابسه دبش المدرسه "
زبيده شافتلها ببتسامه : صباح الخير
وتين : نوضتك😅
زبيده تثاوبت : لالا اصلا حتى انا شويه و بنصبي عندي جامعه ساعة 9
وتين : مزال بدري توا 7:20
زبيده : قريتهاا ثمانيهه😂😂
وتين ضحكت قبل لا تتوجه للقبله و تصلي الصبح .
نزلت لقت يوسف يخلط في الاوفلتين بتاعهاا
وتين شافتله بضحكه : صباحح الخيرر باباا
يوسف ضحك و التفتله و حكلها الكوب ع طاوله: صباحح النورر بنتيي
وتين : عشق وااعيه ؟
يوسف : لا والله طبعت و سيبتها راقده
وتين : امم باهي هيا توا نشربه في طريق
يوسف بحت لساعتهه : لا خليك مزال بدري
وتين قمعزت ع كرسي و قعدت تشرب في الاوفلتين بتاعها : اووكك
قعظت تهدرز هيا و يوسف لدقائق قبل ما يخش معاذ بمنظرهه الي يضحك نوعاً ماا
سروال نص راقي لركبه والاخر ناز و شعره مشتشت تقول قايمه فيه حرب و يمشي زي الروبورت بطريقة مضحكه
وقف لثواني قبل لا يكر كرسي و يقمعز جنب وتين : جعاان
وتين شافتله بنص عين : ديما جعان انت ؟🙂
يوسف : غير قول خير قول طير خاش زي البهيم 🙂
شافلهم هما الاثنين بشرر
و مشى شور الثلاجه طلع لبنى و طلع تن و هريسه عربيه و جنبهم قوالبب
و فتحهم و بدا يااكلل و هما في حفاظاتهم
وتين : بتاكل هذاا كله ؟
معاذ : الهي في روحك
وتين : يوسفف شوفهه كيف يحكي معاياا🥺
ع فكره من امس و هو يتجمل علياا و يقولي احمدي ربك انك لقيتي حوش انت و اختك و يعاير فيا بعرمم حاجاتت 😭💔
معاذ شافلها بصدمه لين غص في لقمته
يوسف : يطلع هو وانت الي تقعدي ما تعبريش الحيوان هذا 🙂
معاذ قعد يكحكح : تيي كذابببهه ياا يووسفف
يوسف : عارفهم حركاتك انا اخطى البنت و خليها في حالها
شافتله وتين بشماته و قعدت ترقص في حواجبهاا بمعنى موت قهر 😂🤦♀️
معاذ خبط ع طاوله : و دينييي لماا تشووفي ياا فرخهه
يوسف : جرب تجي شوررهاا
معاذ : تواا تشوفف انتت قوليي مره اخرى نزليي الصوني يا معاذ 🥺
يوسف شافله و ضحك عليه
و قعد ياكلل وهو مقهور من وتين
و وتؤين ترتشف في الاوفلتين و هيا تضحك بشماتهه ناهيككك على الكلامم الي ببنهمم و انتي حولي يدك ضايقتيني وانت ادنى و لبزتلي زي بالفترش بتاعكك و عليش تاكل هكي و عليش تشربي هكي و ما حزهاا لا يوسف لما طلعع بوتين للمدرسه
كمل فطورهه و لم الحاجات في ثلاجه و سيب الفترش ع طاوله 😂🤦♀️
لبس و قمعز في دارهه بكل حزنن على قولته كان زفته زبيده ما عندهش جامعهه راه توا متكي على عصومي و مهيجين قبل المحاضرهه 😂
...........................................
8.30 ص
مظت ايدها جنبها بيش تتفاجئ ان مالك ما كانش جنبها قتحت عيونها بخوف و هيا دور عليه
مسكت فونها و طلعت ادور عليه في الحوش بعيونهاا
خشت للمطبخ لقاته واقف يقلي في دحي و يعافر في رجله الي كان مستعصب يوقف عليها و في جنبه سفره مرتبهه و حلووهه
ابتسمت و ما تندريش عليه الدموع تجمعوا في عيونها
ممكنن سارة و عشق و اماني اكثر وحداتت حساسات في روايه
و ديما تلقي دمعتهم قراب على عيونهن و في اي موقف سوا يفرحح او يزعلل تلقيهن يعبرنن عليه بالبكاء
فتحت الكاميرا و قعدت تصور فيه من بعيد تسللت للمطبخ بهدوء و حطت الفون على المرمرهه و شور مالك
قربت منه و حضنااته من لاوراا و حطت راسها على ظهره
سارة ضحكت : رااجلي الحلوو
بعدت من عليه و هو التفت عليها و شافلها بضحكه : باهي لي وعيتي كنت شايل هم كيف بنجيبلك السفره بكراعي 😂
سارة لفت يديها على خصرهه و قعدت تشوفله بضحكه : عارفف هذي اول مره من زواجنا ادير حاجه عدله 😂
مالك ضحك : حاجهه عدلهه صاارر
ساره بضحكه : اهمممم
ساعداته و قمعزاته على كرسي : خلاص تريح مش كويس توقف على كراعك واجدد و انت امس و اليوم ارهقت روحك وااجد
مالك : شن درت ؟
سارة : ام طلعتت مع صاحبكك ووالحكايه الي مش مقتنعه بيهاا هذي اناا و جيت للمستشفى و وقفت مع دكتور و اليوم مصبي و ادير في فطور
مالك : و عليش مش مقتنعه بيها ؟
سارة : يعني تنسى فونككك و تطلع بالسرقة و ما تقولش للبواب و ما تقوللنش و الحوار هذاا انت مش مقتنعه بيه و عاارفه ان في موضوع اخرر بس انت مابيتش تقول وانا ما حبيتش نضغط عليكك
مالك : الفونن و نسيتهه و قلتلك هو جاني من الباب الورانيي و
سارة قطعت عليه : و مالك لما يكون صادق ما يبررش و هذا شي ثاني خلاني نأكد ان موضوع صاحبك مفيش منه .
مالك سكت
سارة حطت صونية الدحي في سفرهه
و قمعزتت ربعت على الارض جنبه و حطت عينها في عينه : كلامي صح مش هكي ؟
مالك حول عيونه من عليها : ما فيش منه الكلامم هذاا .
سارة : بس انت تكذب يا مالك !
مالك رفع حاجبه : نكذب ؟
سارة صبت و حطت السفره ع طاوله : ايوهه تكذبب
قعدت تشوفله و هو سكت
بحتت للاكل و شافتله ببتسامه : مش قلت بتوكلني بيدك ؟
مالك ابتسم و ثعد يووكل فيها و هيا تدلعع و تاكل بشويهه
او في الحقيفه هيا اصلا مش متعوده تاكل واجد في فطورر
صونية كورنفليكس كانت تكفيها .
مالك : تي كولي ما كليتيي شيي !
سارةة : عشش نبيي شبعتت اناا
مالك : عش تبي 🙂
سارة بلا دلعع ايوهه سمعتي دكتور شن قالك كولي .
سارة : كليتت وااااجد انا
مالك : شن كليتي بالله فمين ؟ عارفه اتفلي على وجهي كان شفتيني جايب كورنفليكس مرهه اخرهه
سارةة : انلااااااااااا انااااا نحبههه تواا نااكل هاا
مالك ضحكك و قعد يوكل فيهاا
...........................................
9.00 ص
فتح عيونه ببطئ و هو يشوف لمحيطه فطنن ان هو امس رقد بدون لا يركز على روحهه
ابتسمم لان رغم انهه ما حكش لامه شيء يعتبرر بس كاان متريحح بكلل
وكأن لمساتها و مداعبتها لشعرهه زاحتله بيهن كل همومه
حضنها كان دافي و لقى فيه كل الحنيه
صبا بشويش و تسلل بعد تذكر اسيلل الي سيبها بروحها
دور عليها بعيونهه و شاف لداره القديمه الي توقع ان قاعده فيه و لقاها فاضيه
طلع لوسط الحوش لقاها راقده على كنبه بدبشها و محرمتهاا و متغطيه ببطانيه خفيفه
طبس عليه و حط يده على وجهاا اثار دموعها كانن واضحات و جسمها كان يرجف
فتحت عيونهاا اول ما حست بلمستهه و قمعزت قعدت تشوفله و عيونها مليانات دموعع و جسمها كله يرجف
احمد بخوف : اسيل كنك
اسيل تبكي بعبرتها : ص صقع انه اناا اا احمد ا انا
احمد حضنها : اشش خلاص كنك شنفي
بعدها عليه شويه و قعد بشوف لوجهاا بخوف عيونها متورماتت من البكاء خدودهاا و خشمها حمررر وجها شااحب بطريقه مرعبه
حط يده على جبهتهاا راسها كان سخون هلبا
احمد : عندك حرارهه
اسيل اكتفت ان تشوفله بعيونها الي يبكن بدون لا ترد عليه
احمد بخوف : صبي نعاينكك
صبت و مسكتت في يدهه و تكت راسها على كتفه
طلع بيها ببطئ لسياره و صكر باب الحوش وركب من جيهته
ولع سيارة و كان بيمشي للمستشفى
احمد رفع يده و مسحلها دموعها : شن الي يوجع فيك
اسيل تبكي : رميتك ليا امس هذا هو الي واجعني ؛ انت انت معش تحبني
احمد : انا مارميتكش رقدت بدون لا نفطن
اسيل : قعدت رخيصه و نهون عليك 😓
احمد : بايت من الي رخصص و من الي هانن
اسيل : سكتت و بحتت لروشن و حطت يدها ع راسها : نبيش نعدي لمستشفى
احمد : عليش ؟
اسيل : هكك بنتريح في الحوشش
احمد : لازم تمشي
ةسيل : مش حننزل اهو قلتلك
احمد تنهد و غير اتجاهه شور الحوش
نزلها و ساعدها في لبس دبشها و حطها ع سررير جسمها كان يرجف و حرارتها عاليه
كلم الشغلين و خذا عذر ان مش حيجي يلا هو امش جايب اكل و حاجات
نزل جاب بنادول و رد جنبها قعد يعاني فيها و هيا ع جول غمضت عيونها و رقدتت
مع انها كملتها و هيا تأن بألم
عطاها بنادول و قعد يديرلها لي كماداتت
.....................................
5.00 م
اب اماني : وين ماشيه ؟
اماني و دمعتها في عيونها : سرور الي ماشيه .
اب اماني : احكي كويس لوين ؟
اماني : واخذها بوهاا جبتلها المرض لبنت من وراكك
اب اماني كرها من شعرهاا و رماهاا : احكيي كويسس مش صاحبك انا
بعدها كويس الي لم بنته ساد من المصاريف
اماني : سلم بوها الي يصرف عليها و عليكك
اب اماني فك سبر سرواله : ماااهه انتتت ما تتربيش لينن تنضربي
بدداا فيهاا ضربب و تشليطك و كأن الي قدامهه حيوانه مش انساانه
هو الحيوان وما يتعامل هكيي !
يبالل انسانهه مرأه ضعيفهه يااخي بنتكك وحيدتك هذيي تشوفف في دمهاا و كأن يهيج فيك و تزيد تضرب بكل قساوهه وينن ضميركك ؟
يزيد و يضربب لانهاا ما عيطتش كيف تعيط و هيا تعودتت ؟ معش فارققه ؟ جسمها يستغرب لما ما ينضربش ؟ بدا من روتين يومها .
باهي و البنت المسكبنه الي كانت تحاول تعيط و تمسك في كراعع جدهاا و يدفهاا و ترد تحاول تمنعه من ضرب امهاا ؟
خشتت سعادد و قعدت تحز ع بنتها و دف فيه براا لين طلعع
قعدت تحضنن في اماني هيا مش عاجبها وضعها الفترهه الاخيرهه باهي الي فاق قلبك ياا امها يا نبع حنانهاا يا صندوق اسرارها !
رفع محمد عبونه و شاف لبات اماني الي ركب سيارته و حرقها و طلع
محمد : شكله مداير كارثه 🙂
نزل من سياراه و خش للجنان ومن للحوش كان البيبان مفتوحاتت
سعاد كانت حاضنه اماني و تبكي
يشوف لساس و للارض كله معلم بدم اماني هو حرفيا اول مره يشوفها بشكل هذا .
هو توا كيف عرف ان حياته كانت عاديه ما عانش ما تاعبش ما حسش ما زعلش .
شافاته سعاد بعدت على بنتهاا الي كانت متكيه ع ساس و ماسكه في يدها سرور .
طبس عليها و شافلها بخوف : منيي
نزلت عيونها مابتش توريي تعبها من بعده ما بتش توري ضعفها و انكسارها الي كان باتها سبب فيه .
حضنهاا و قعدت تبكي بصوتت شهقاتها كانن يشقن القلب شقق
خاطرهاا تبكيي و تشكيي خاطرها تلومم
مش ديما هيا الي تسمع كلامهمم الي يجرحح مش ديما هياا الي ي٠وا يهزبوا و يسمعوا وسخ وذنيها كل انسان وله طااقه محدهه و هيا ما صابره الا ع بنتهاا .
محمد بخوف كبير : صبي صبي نشيلك لمستشفى
سعاد تبكي : ايه يا بنتي خليه يشيلكك قاعده تنزفي بالك تبيلك خباطه ولا حاجه
هزت راسها بنفي بصعوبه : مش انت تبي البنت ؟؟ خوذها و عديي
محمد شاف لسرور تبكي بدون صوت ماسكه في ذراع اماني
اماني مسكت في يد محمد و تسندت و جت مقابله سرور
حضنتها و دموعها تخلطوا بدم الي في وجها : ماما حبيبتي بابا توا بياخذكك و بيشيلكك لمكانن حلوو تقعدش مع عمو معاذ و زبيدهه
بيجيبلك لعبهه سمحهه الي شفناهاا ع نتت مش انا وعدتك نجيبها لككيي بابا توا ندزله لعبه و يشريها لكي و تقعدي تلعبي بيها باهي
توا مرهه مره نشوفكك و تجيني و نلعبوا مع بعضنا بس توا ضروريي تمشيي
سرور هزت راسها بلا و دفنت راسها في حضن امها
اماني : نحبك انا يا ماماا
محمد لمعوا عيونه و برم وجهاا
اماني برجفه : انا انا نحبكك يا ماماا انا الي غلطتت و انا الي وصلت الكل لهالمرحلهه نبيك تسامحيني
كان كبرتي من دونيي
انا غلطت يا ماماا بس نادمهه
انا غلطتت و ربي ردها فيكك
انا معش نبي تتأذي من وراياا
بعد تكبري نبيك تذكريني بالخيرر .
محمد هزها من كتفها بالقوهه و عيونه لمعوا : تيي خلاااص زحح شنن بتموووتي انتت عليش تحكيي هكككييي وقفييي النمم وقفييي
اماني رفعت عيونها فيه الي كان ملينات دموعع و ابتسمت
.. يتبع ..
3450 كلمهه جداً قصيرهه عارفهه بس انزريتت و الحلقه كتبتهاا اليوم بس والوقت ما سندنيشش
بكرا ان شاء الله تكون تكميلة الحلقهه هذيي اسفف ع لخبطه بس تحملوا و خلاص 😓😂 .