قصة : { #أبن_الجيران } ♥️🏹
الحلقة الواحد والثلاثون { ٣١ } 🌆
هند : بيلمحلي بس كلامه واضح اوي 😕
اسراء : طب وايه المشكلة ، مروان انسان كويس ومن عيلة كويسة
هند : بس انا وهو بينا شغل وزي الأخوات وصحاب ، مش حابة يكون في بينا اكتر من كدة !
فاطمة : وليه ي هند مدام بني ادم محترم !!
هند ب حيرة : مش عارفة ، بس خايفة ومش حابة يكون في بينا كدة 💔
فاطمة : طب جربي يمكن ترتاحي 🤷🏻♀️
اسراء : ايوة ولو مرتحتيش ابعدي
هند : بعد م اعلقه بيا 😒
فاطمة : هو كدة كدة متعلق ف انتي مش هتذودي حاجة دة عشان نفسك مش عشانه
( تسكت هند محتارة ، ييجي الليل ، يرن فون شهاب وهو نازل م الشركة )
شهاب : ايه ؟
مريام : تاك اوة يلا انا مستنياك تحت
شهاب : اهدي عليا نازل اهو
مريام : انجز ي عم انا .........
( يقفل ف وشها )
شهاب : رغاية 🙄
( ينزل شهاب ل مريام )
مريام : بتقفل ف وشي ي قليل الزوق ي عديم الأدب 😐
شهاب ب ضحك : ههههههه عديم الأدب 😆
مريام ب ضحك : ايه الي انا بقوله دة 😂
شهاب : اركبي يلا اركبي
( يركبه متوسيكلاتهم )
مريام : امشي ورايا 🏍️
شهاب وهو بيمشي : مبمشيش ورا الحريم 😎
( يطلع قدامها ، تبتسم مريام وتسابقه ويفضله يسابقه بعض ، فاطمة ف المحل ، يدخل هيثم )
هيثم : فاطمة
( تبصله )
هيثم : عاوز اتكلم معاكي 😐
فاطمة : نعم ؟
هيثم : انا عاوز اتجوزك
( تتفاجئ فاطمة )
هيثم : انتي عارفة إني بحبك وكنت من قبل م شهاب يتقدملك كنت هتقدملك والله بس ملحقتش ، ولما سيبتيه حاولت كتير اتكلم معاكي مدتنيش فرصة ف قلت سيبها تنسى ، اظن عدى وقت كافي إنك تنسي فيه 💁🏻♂️
فاطمة : انسى ايه ؟!
هيثم : تنسي شهاب
فاطمة : وانت فاكر إن النسيان بالوقت ، مين قال كدة ، عمر النسيان م كان بالوقت ، في ناس كتير اوي غالية علينا وفارقتنا وعدت وسنين ومنسينهاش ، ف متقوليش سيبتك تنسي ، هو اه بالنسبالي ميت بس عمري م هنساه ، انا مبعرفش انسى ، حتى النسيان ملهوش محاولة هو حاجة كدة وجع صغير جواك بيفضل موجود كل م تفتكر ، وانا مش هبطل افتكر ، ف ولا انفعك ولا انفع غيرك ، مهما عدى عليا وقت ومهما فاتت سنين انا هفضل كدة واقفة مكاني ي هيثم 💔
هيثم : بس انا عاوزك ي فاطمة وبحبك 😕
فاطمة : صدقني لما تقرب مني هتكرهني
هيثم : انا مستحيل اكرهك !
فاطمة : لا هتكرهني ، لما اتعامل معاك ب برود وانعدام مشاعر هتكرهني ، ومش عشان انت هيثم دة عشان مبقاش في حاجة جوايا اديها لحد 💔
هيثم : وليه تعملي ف نفسك كدة مهو سافر واتغنى واكيد البنات حواليه بالهبل وصوره مالية النت وسابك وعايش ، ليه متعيشيش انتي كمان بقا !!
فاطمة : لا متقارنش قلب ب قلب ، متقارنش الي اتكسر بالندمان 💔
هيثم : واخرتها ؟
فاطمة : متخافش ، لا هكون ليك ولا ل غيرك
هيثم : انتي كدة بتدخلينا ف حيطة سد !
فاطمة : لا نهائي ، انا بوضحكلك كل حاجة عشان متتعشمش وعشان فعلاً منوصلش ل حيطة سد
هيثم : يعني دة اخر كلام عندك ؟
فاطمة : ايوة ي هيثم 😒
هيثم ب تنهيدة ويأس : ماشي ي فاطمة ، الي تشوفيه
( يمشي هيثم ، تتنهد فاطمة ، يوصل شهاب ومريام قدام شارع ، يركنه وينزله )
شهاب ب استغراب : رايحة فين ؟!
مريام : داخلة المطعم 🤨
شهاب : مطعم ايه هو فين ؟!
مريام : بنمشي الممر دة للأخر وبعدين تلاقيه
شهاب وهو ماشي جنبها : اول مرة اعرف إن في مطعم هنا !!
مريام : هو مستخبي شوية بس هيعجبك اوي
شهاب : امممم !
( يدخله المطعم عبارة عن مخدات كبيرة ف الأرض والناس قاعدين ف الأرض والسيرڤس لابسين لبس البدو )
مريام : ايه رأيك ف الأستايل دة 😌
شهاب ب اعجاب : حلو جداً ♥️
مريام : هتعرف تقعد ع الأرض ولا نقعد فوق ؟
شهاب : لا بحب قاعدة الأرض
( يقعده ع المخدات ف الأرض ، يجيلهم براد شاي وكوبيات صغيرة ، تقرب مريام تصب ل شهاب وتديهوله وبعدين تصب ل نفسها )
شهاب وهو بيدوقه : تقيل اوي !!
مريام : عشان شاي عرباوي دة المشروب الضيافي بتاع المكان
شهاب : امممم بس حلو
مريام : اومال لو دوقت الأكل بقا هنا يجنن 👌
شهاب : اشطااا نتعشى هنا
مريام : دة انت داخل ع طمع بقا 🤷🏻♀️
شهاب : انا مازالت معزوم مش دافع مكافأة 🙄
مريام : طب خليك عارف انا مش هدفع اكتر من حق الشاي ☝️
شهاب : الي هو بيتوزع ببلاش اصلاً 🤔
مريام : هههههه بالظبط كدة ي شبح 😂
شهاب : خلاص هعزمك انا ع العشا ، شكلك غلبان
مريام : باين عليا اوي كدة 🤨
شهاب وهو بيبص ل رجليها : باين ع بنطلونك 👋
( مريام لابسة بنطلون كاتينج )
مريام : هههههه ماشي 😆
( يسكت شهاب دقيقة )
شهاب : مريام
مريام : ايه ؟
شهاب : عاوز انزل مصر 😐
مريام : وحشتك ؟
شهاب : اوي 💔
مريام ب زعل : بس انت لو نزلت مصر انا هكون هنا لوحدي ، وانا مصدقت بقالي حد هنا اقرفه 😟
شهاب : تعالي معايا واهو اعتبريها فسحة
مريام : اكيد اهلي مش هيرضوا طبعاً 🤷🏻♀️
شهاب : قوليلهم سفر تبع الشغل كام يوم وراجعة
مريام : وانت هترجع كمان كام يوم ؟!
شهاب : انا بس نفسي اشوفها هي واهلي 😕
مريام : طيب هحاول اكلمهم مع إني متأكدة إنهم هيرفضه 🤦🏻♀️
شهاب : لا هيوافقه إن شاء الله
مريام : يارب 🤷🏻♀️
( يسكت شهاب )
مريام : حنيت ؟
( يبصلها ويضير وشه يبص ف الأرض )
شهاب ب تنهيدة : انا منسيتش عشان احن 💔
مريام : بس فاتت فترة ، كان ممكن قلبك يقسى وينسى !
شهاب : معرفتش ، يمكن عشان انا الي جارحها
مريام ب استغراب : حتى رغم المسافات الي بينكم ؟!
شهاب : عمر المسافات م نست حد ، الي ف القلب هيفضل ف القلب 💔
مريام : انت بتحبها اوي 😕
شهاب : اوي 😅
( تعدي الأيام ، ف الطيارة ، قاعد شهاب وجنبه مريام )
شهاب : اهلك بيعشقوكي 😊
مريام ب احراج : احم اه ، اوي 🙄
شهاب : انا خايف
مريام : من ايه ؟!
شهاب : انتي عارفة إن عصام بيعرفني اخبارها دايماً ، بس انا خايف م المقابلة
مريام : بص هي كدة كدة مش هترضى تقابلك بسبب الي فات ف سيبها تيجي بالصدفة احسن 🤷
شهاب ب تنهيدة : ماشي 😑
( يبص من شباك الطيارة جنبه ، يعدي الوقت ، هند ف البيت بتتكلم ف الفون )
مروان : حكيت ل ماما عنك متشوقة تشوفك اوي
هند ب نفس طويل : بص ي مروان
مروان : نعم ؟
هند : انا فاهمة كلامك دة وفاهمة قصدك
مروان : يعني انتي عارفة إني بحبك ❤️
( تتفاجئ هند وقلبها يدق بسرعة )
هند : لأ ، بس كنت حاسة إنك بتلمح ل كدة 😕
مروان : وانتي رأيك ايه ؟
هند : انا مش عوزاك تتعشم فيا 💔
مروان ب ضيق : ليه ي هند ؟!
هند ب تردد : عشان ، عشان انا شيلت من بالي حوارات الحب دي من زمان اوي 😟
مروان : يعني مش عشان انا متحبش او انسان مش كويس ؟
هند : لا طبعاً انت انسان كويس ومحترم وتتحب
الحلقة الثانية والثلاثون { ٣٢ } 🌆
مروان : يبقا مفيش حاجة اسمها شيلت من بالي حوارات الحب !
هند : لا في ، انت مش فاهم 🤦🏻♀️
مروان : فهميني طيب !!
( تسكت )
مروان : بتحبي حد تاني ؟
هند ب كسرة : كنت ، ومحصلش نصيب 💔
مروان : ودة مأثر فيكي لحد دلوقتي ومش عارفة تنسيه ؟
هند : لا والله هو بقا زي اخويا خلاص وشيلت الموضوع من بالي خالص 😟
مروان ب حيرة : اومال ايه طيب 🤷🏻♂️
هند : كل الحكاية إني خايفة اظلمك ، انا معرفش هقدر احب تاني او لأ ، منكرش إني معجبة بيك جداً وبشخصيتك ، بس برضو خايفة ، وعليك مش عليا 😕
مروان : طب ممكن تديني فرصة ، لو مرتحتيش مش هغصبك وابعدي وقتها
هند ب حيرة : مش عارفة ، انا برضو مش عاوزة اجرحك ، مش عاوزة اقول اجرب ولو منفعش ابقا اذيتك 😟
مروان : ي ستي انا قابل ، مهو الحب مش بالعافية ، وانا حبيتك ، مش يمكن انتي كمان تحبيني ، بس ع الأقل افتحيلي قلبك بس 🙂
هند ب ابتسامة : حاضر 😅
( يوصل شهاب ومريام مصر ، يحجزه ف اوتيل ، يستقبلهم شخص )
تميم : حمدلله ع السلامة ي شهاب باشا
شهاب وهو داخل الفندق : الله يسلمك ، جهزتلي الي قلتلك عليه ؟
تميم : اه ي باشا الڤيلتين جاهزين
شهاب : معلش بقا زنقتك ف الوقت
تميم : انت عارفني بتاع المهمات الصعبة 🙂
شهاب وهو بيقف قدام الأسنسير : المهم زي م قلتلك ف الفرش ؟
تميم : اه ڤيلا فيهم ل اربع افراد وڤيلة حضرتك وبعتلك العنوان ع الواتساب تقدر تروح ف اي وقت تشوفهم
شهاب : ماشي ي تيمو ، اشوفك بكرة
تميم : تؤمر ي باشا ، عن اذنك
( يمشي تميم ويطلع شهاب هو ومريام ، يعدي الوقت وييجي الليل ، مريام ف اوضتها ، يخبط الباب ، تقوم تفتح )
مريام : انت لسة ممشيتش ؟!
شهاب ب قلق : م تيجي معايا 😬
مريام : لا طبعاً هي لسة متعرفنيش ، انا عوزاك تبعد عن اي بنات حالياً وإلا هتخرب الدنيا اكتر 🤷🏻♀️
شهاب ب اقتناع : ايوة صح ، طيب ادعيلي 😕
مريام : ربنا هيحنن قلبها إن شاء الله
شهاب ب تنهيدة : يارب 😑
( يمشي شهاب ، ف شقة كارمن ، قاعدة كارمن بتشرب سجاير وويسكي ، يخبط باب الشقة ، تطفي السيجارة وتقوم تفتح ، تلاقي شاب )
راغب : مساء الفل
*( ملحوظة .. راغب شاب وسيم ، بشرته قمحية ، شعره اسود طويل ، جسمه ضخم ورياضي ، كان من رجالة كارمن )*
كارمن وهي بتدخل : تعالي 😒
راغب وهو بيقفل الباب : ايه الجميل ماله كدة 🤷🏻♂️
كارمن : ماليش
راغب : جايبلك خبر ب مليون جنيه 😎
كارمن وهي بتقعد : للي معاه بقا 🙄
راغب وهو بيقعد قصادها : ايه ام الكئابة دي ، هو انتي اول واحدة تطلق م عادي ، دة كدة انتي حرة 😉
كارمن : بس طلعت م المولد بلا حمص ، مضاني ع كل حاجة كان كاتبهالي حتى مؤخري اتنازلت عنه ، وإلا كان هيسجني ، وابويا بيزلني ع الفلوس الي بيبعتهالي كل شهر 😑
راغب : مهو الخبر الي هقولهولك دة هيرجعك للعز تاني 💁🏻♂️
كارمن ب اهتمام : خبر ايه صحيح ؟!
راغب : حبيب القلب رجع 😏
كارمن ب خضة : شهاب ؟!
راغب : اه شهاب ، لسة راجع انهاردة الصبح
كارمن ب استغراب : عرفت منين ؟!
راغب : كنت من فترة مخلي ناس تراقبه عشان في فكرة كدة ف بالي ، ف كنت مستنيه ينزل مصر عشان انفذها ، هتجيبلك مناخيره الأرض وترجعك ملكة 👑
كارمن ب فضول : فكرة ايه ؟
راغب : بس هحتاج رجالة معايا
كارمن : ي سيدي قول الفكرة الأول !
راغب : هقولك
( ف بيت فاطمة ، فاطمة ف التويليت بتغسل غسيل ، تحطه ف بلستكة وتاخده تنشره ف البلكونة ، تدخل عربية الشارع احدث موديل كل العيون عليها ، تشوفها فاطمة تستغرب وتدخل تكمل غسيل ، تركن العربية تحت البيت ، ينزل منها شهاب ، يشوفوه الي يعرفوه يجروا يسلمه عليه ويرحبه بيه ، يخلص شهاب سلام ع الناس ويبص ع بلكونة فاطمة وبعدين يدخل عمارته ويطلع ، يقف قدام باب شقتهم ، يخبط ع الباب )
الام : ايوة جاية 🚶🏻♀️
( تفتح الأم ، تشوفه تتصدم )
الام : شهاب ، ابنييي 😧
( تترمي ف حضنه يحضنها ويبوس ايدها وهي تبوس فيه )
الام ب عياط : كدة ، كدة ي شهاب كل الغيبة دي ي بني 😣
شهاب : حقك عليا انا اسف 😔
الام : وحشتني ي حبيبي وحشتني ❤️
شهاب : وانتي كمان ♥️
( هدير ووجدان طالعين م الأوضة يشوفوه )
البنات ب فرحة : شهاااااب 😃
( يجروا عليه يحضنه فيه )
الام : بالراحة عليه ي بت !!
وجدان : وحشتنا اوي ♥️
شهاب : وانتوا كمان ♥️
الام : سيبوه يقعد بقا
( يقعد شهاب ويقعده جنبه )
شهاب ب استغراب : انتي ايه الي مقعدك هنا ، انتي متجوزتيش ليه لحد دلوقتي ؟!
هدير : لا م سيبنا بعض 😊💔
شهاب : ليه ؟!
هدير : الڤيديو بتاعك اتبعتله برضو
( يسكت شهاب )
شهاب : معلش ، حقك عليا 😐
هدير : لا عادي هو طلع واطي اصلاً 🤷🏻♀️
شهاب : ف داهية بكرة اجوزك سيد سيده
وجدان : وانا والنبي 😍
شهاب : هتموتي انتي وتتجوزي 🙄
الكل : هههههه 😄
شهاب : فين بابا ؟
الام : نايم ف اوضته
شهاب وهو بيقوم : طيب انا دقايق كدة وجاي يكون صحى
الام : ماشي ي حبيبي متتأخرش 😟
شهاب وهو بيبوس ايدها : حاضر
هدير : مش هنقوله لحد م تيجي خليها مفاجأة 😉
شهاب : ماشي
( ينزل شهاب م البيت ويقف قدام بيت فاطمة ، يطلع يقف قدام الشقة ، ياخد نفس طويل وبعده يرن الجرس ، فاطمة ف التويليت بتعصر الغسيل )
فاطمة : ايواااا
( قلبه يوجعه اول م يسمع صوتها ويتوتر اكتر ، تنشف فاطمة ايدها ف هدومها وتقرب تفتح ، تتصدم ، يفضله باصين لبعض وساكتين ، زي م يكون كل واحد بيملى عينه م التاني بعد كل الفترة دي )
*( شوفي ، ما بيكفيني غيرك مهما تقولي .. ♥️🏹 )*
شهاب ب اشتياق : وحشتيني 😅❤️
( تفضل بصاله )
شهاب : اوي 💔
فاطمة ودموعها بتنزل : لسة فاكرني 😥
شهاب : انا عمري م نسيتك ♥️
فاطمة : بس انا نسيت ي شهاب 💔
( تقفل الباب ف وشه )
شهاب : فاطمة ، فاطمة بالله عليكي افتحي ، عشان خاطري طيب 😟
( تعيط فاطمة من ورا الباب )
شهاب وهو بيخبط ع الباب : ي فاطمة
( تبتسم فاطمة رغم عياطها )
*( مازالت اهوى الذي ابكاني ، مازالت عاشقة حتى مماتي .. 💔 )*
شهاب : انا مش همشي من هنا غير لما تفتحي
فاطمة : امشي عشان انا مش هفتح 😔
شهاب : فاطمة انا اسف والله ، حقك عليا ، انتي اغلى حاجة عندي ، والله اغلى حاجة عندي ♥️
فاطمة ب عياط : لا ي شهاب ، انا ولا حاجة عندك 💔
شهاب : والله اغلى حاجة ، اقسملك اغلى من نفسي كمان 😟
( تدخل فاطمة اوضتها ويذيد عياطها )
شهاب : ي فاطمة !!
( متردش ، يقعد شهاب ع السلم وتنزل دموعه ، تطلع هند ع السلم تشوفه ، تتفاجئ )
هند : شهاب !!
شهاب ودموعه بتنزل : هند ، هند كلميها والنبي ، قوليلها إني ندمان والله ندمان ندم عمري كله انا اسف والله انا عارف إني اذيتها ، بس انا كمان اتأذيت ببعدها عني ، قوليلها كفاية كدة ، قوليلها اتأدبت والله وندمت إني مصونتهاش ، قوليلها اتغير وربنا 🤦
هند وهي بتقعد جنبه : اهدى طيب 😕
شهاب : تعبت والله ومش عارف اعمل ايه عشان تسامحني 😔💔
هند وهي بتطبطب ع كتفه : هتكلم معاها انا
شهاب ب فرحة : بجد !
( متنسوش اللايك ورأيكم .. 💜✨ )
#قصة_أبن_الجيران_ل_سهيلة_سعيد
#sohila_sa3ed