قصة : ( ابن الجيران ) ل سهيلة سعيد المنجي

الحلقة ٧ و ٨

قصة : { #أبن_الجيران } ♥️🏹

الحلقة السابعة { ٧ } 🌆

شهاب : لا مفيش
( يقرب شهاب يدخل المحل )
شهاب : معندكوش رجالي ؟
فاطمة : عندنا
شهاب ب ابتسامة : طب م توريني 🙂
فاطمة : اوريك ايه ؟!
شهاب : الهدوم الرجالي 💁🏻‍♂️
فاطمة : الأستاند الي وراك دة كله رجالي
( يلف شهاب ب دماغه يشوفه )
شهاب : لا مش عاجبني ، مودلاتكم قديمة اوي 🤔
هند وهي داخلة : مش عاجبك اشتري من برة 🚶🏻‍♀️
شهاب : وليه العنف دة ، انتي بتطفشي الزباين !!
هند : والله دة لما يبقا زبون اصلاً ، مش واحد فاضي وداخل يتسلى 💁🏻‍♀️
شهاب : طب بالراحة ع نفسك انا داخل اشتري !
هند : وانا مش هبيعلك ي شهاب
شهاب ب عِند : وانا هشتري ي هند 🙂
هند : هو بالعافية !!
شهاب وهو بيقرب عليها : لا مش بالعافية ، ب فلوسي
هند ب تريقة : حوش الواد من اغنى اغنياء المنطقة 😏
شهاب : تؤ ، شكلك هتقضيها تريقة ومش عاوزة تشتغلي
( يبص ل فاطمة )
شهاب : شوفيلي انتي ي فاطمة والنبي احسن محتار 😕
( يروح يبص ف الهدوم ، تسكت هند وتبصلها فاطمة ، تقرب فاطمة تقف جنبه )
شهاب : نقيلي ع زوقك ، شكل زوقك حلو 🤔
( تربع هند ايدها ب غيظ )
فاطمة : لا زوقي مش هيعجبك
شهاب وهو بيبصلها من رجليها ل وشها ب اعجاب : لا عاجبني اوي بصراحة 🙂🔥
( يستفز هند اكتر )
هند ب انفعال وغيظ : م تنجزي وتشوفيله الي هو عاوزه خلينا نخلص من ام البيعة دي 😡
شهاب ب برود : اعصابك بس اهدي هتتجلطي ، انتي متعاملتيش مع زباين قبل كدة ولا ايه !!
هند ب نفاذ صبر : استغفر الله العظيم يارب 🙄
فاطمة وهي بتحاول تنهي النقاش : حلو دة 👕
( تمسك قميص تديهوله )
شهاب وهو بيمسكه : اممممم ، مش بطال ، بكام دة ؟
فاطمة وهي بتمسك التكت : ب .........
شهاب وهو بيمسك ايدها : اوعي يكون غالي 👋
( تتخض فاطمة من لمسته وهند متاخدش بالها ، تشيل فاطمة ايدها بسرعة )
فاطمة ب هدوء وغيظ : امشي اطلع برة 😐
شهاب : تؤ تؤ ، ليه بس م كنتي حلوة 😏
فاطمة : اطلع برة ي شهاب احسنلك ⁦☝️⁩
هند : وبعدين يعني هتبات هنا ولا ايه م تخلص 🤷
شهاب : مش عاوز من وشكوا حاجة دة انتوا بياعين تسد النفس 😑
( يحدف القميص ف وش هند ويمشي )
هند : غور كتك القرف 🙄
فاطمة : مالك مش طيقاه كدة !!
هند : والله ، دة ع اساس إنه جديد عليا 🤷
( تسكت فاطمة )
هند : انتي اصلاً ايه الي خلاكي تدخليه المحل ويقعد يتكلم ويشتري وميشتريش !!
فاطمة : زبون ودخل ، هطرده ؟
هند : اه دة بالذات تطرديه ⁦☝️⁩
فاطمة : بقولك ايه انا غايرة وسيبهالك خالص عشان انا الصداع هيفرتك دماغي ومش ناقصة 😑
( تلم فاطمة حاجاتها ، تلمح هند شهاب واقف مع صحابه ع اخر الشارع )
هند : اترزعي دلوقتي هنروح سوا 😐
فاطمة : انتي لسالك ساعتين ع الأقل وانا تعبانة !
هند : قلتلك اصبري مش هتروحي لوحدك
فاطمة : ليه إن شاء الله هتخطف انا 🤷🏻‍♀️
هند : الحيوان دة واقف مع صحابه
( تبص فاطمة تشوف شهاب )
فاطمة : م يقف ولا يقعد انا مالي !
هند : هنروح سوا قلتلك عشان ميغلسش عليكي
فاطمة : بقولك ايه ي هند إذا كنت اتكلمت معاه واستحملته من شوية ف عشان دة محل اكل عيش ومش عاوزة يتقال اختهم وقفت معاهم وجابتلهم المشاكل ، لكن انتي عارفة كويس جداً إني اقدر اوقف اي واحد عند حده ⁦☝️⁩
هند : براحتك ي فاطمة غوري 🤷🏻‍♀️
( تاخد فاطمة شنطتها وتمشي ، تعدي من جنب شهاب ، يبصلها )
عصام ل شهاب : ايه الكلام ، هتيجي ولا لأ ؟
شهاب ب انتباه : لا روحه انتوا
عصام وهو بيحط ايده ع جبين شهاب : انت سخن ولا حاجة ي حبيبي !! 
شهاب وهو بيزق ايده : ي عم رايح ل سو 👋
خليل : سو مين ؟!
شهاب : البت بتاعة ال night club
عصام ب اندهاش : يخربيتك من اول اسبوع كدة 😃
شهاب : وحياتك من اول يوم 😏
خليل ب ضحك : دي سهلة اوي 😂
شهاب : لا بالعكس ، دة انا اول حد ف حياتها
خليل ب استغراب : ايه دة ازاي ؟!
( يعدي هيثم من جنبهم بيمد ، يشوفه شهاب )
شهاب وهو باصص ل هيثم : يلا تصبحوا ع خير ✋
عصام : مش لسة قايل رايح للبت !!
خليل : يابا احكيلي 🤷🏻‍♂️
شهاب وهو ماشي : هطلع اغير الأول ، لما ارجع ابقا اكلمكوا 😐
عصام : والعة ي عمممم 😉
( تدخل فاطمة عمارتهم ، يدخل وراها هيثم )
هيثم : فاطمة
( تتخض فاطمة ، تلف تشوفه )
فاطمة : عاوز ايه ؟!
هيثم : كنت عاوز اتأسفلك
فاطمة ب استغراب : دة ايه الأدب دة !!
هيثم : انا بتكلم جد
فاطمة : وانا مش عاوزة منك اسف ، غور بقا بعيد عني !
هيثم ب انفعال : انتي في ايه ي بت مترفعنة ع ايه ، ولا هو لو شهاب كنتي وقفتي 🤷🏻‍♂️
فاطمة : هو شهاب دة كان جوز امي ، كل اما هتتكلم معايا تقولي شهاب شهاب ، دة ايه القرف دة !! 
( تلف فاطمة ولسة هتطلع ، يطلع وراها هيثة ويزقها ع الحيطة ، تتخض ولسة هتصرخ يكتم بؤها )
هيثم : وربي ي فاطمة ل اخليكي تيجي راكعة تحت رجلي 🙂
فاطمة وهي بتزق ايده : دة ب عينك ي بن ال ..........
( يكتف ايدها ويبوسها غصب عنها ويسيبها ويمشي يطلع م العمارة ، يشوفه شهاب وهو بيمسح بؤه ب منديل ويقف مع صحابه ، يدخل شهاب العمارة يلاقي فاطمة قاعدة ع السلم بتعيط وبتمسح ف بؤها )
شهاب ب قلق : في ايه ؟!
( تتخض فاطمة وتبصله )
فاطمة ب عياط : كل دة بسببك ، منك لله 😥
شهاب ب استغراب : هو ايه دة الي بسببي !!
فاطمة ب انفعال وعياط : انا مكانش حد يقدر يمس مني شعرة ولا حتى يبصلي وانا معدية ، اخرتها يحصل فيا كداااا 😩
شهاب : طب ممكن تهدي وتفهميني حصل ايه !
فاطمة : قول ل صاحبك يبعد عني وفهمه إن مفيش بينا حاجة
شهاب : هيثم ؟!
فاطمة وهي بتقوم : ايوة زفت هيثم 😔
شهاب : عملك ايه ؟!
فاطمة ب عياط : يعني مش باين عملي ايه ، م الأخر ورحمة ابويا لو لمسني تاني ل اكون مموتاه ⁦☝️⁩
( تطلع فاطمة الشقة ، يتضايق شهاب ويفهم ، يطلع م العمارة يلاقي هيثم واقف مع صحابه بيضحكه ويهزره ، يقرب عليهم )
شهاب : يعني انت برضو مصمم تدخلني ف ام حواراتك الوس*ة دي 😐
هيثم ب برود : انا جيت جنبك 🤷🏻‍♂️
شهاب : دة اخر حوار ليك معايا ي هيثم ومع فاطمة كمان ، لو اتعرضتلها تاني هخلي ايامك كلها لون شعر راسك دة ⁦☝️⁩
هيثم : والله انا مجتش جنبك وفاطمة تخصني ، ف ملكش دعوة اتعرضلها ولا متعرضلهاش ، هي اصلاً لسة مشافتش مني حاجة دي قرصة ودن كدة ، ومحدش داسلك ع ديل ي عم 😉
شهاب ب غيظ : ديل 😐
( يغلي الدم ف عروق شهاب خلاص مش قادر يبقا هادي اكتر من كدة ، وفجأة يضرب هيثم بوكس ورا التاني ورا التالت يوقعه ف الأرض ، يهجم صحاب هيثم ع شهاب ويضربهم ويتعاركه والشارع كله يتقلب والستات تصرخ وييجي صحاب شهاب يتخانقه مع صحاب هيثم والدنيا تولع 🔥 تسمع فاطمة الصوت ، تطلع البلكونة هي وامها واختها يتفرجه )
اسراء : يلهوي هو في ايه ؟!
فاطمة : مش عارفة 😕
الام : مش دة الولا شهاب ؟!
اسراء : شكل هو الي بيتخانق !
( تتخض فاطمة ، ف بيت شهاب ، تدخل ام شهاب م البلكونة )
الام ب خضة : يلهوي يلهوي يلهوي ابني 😱