قصة : { #أبن_الجيران } ♥️🏹
الحلقة التاسعة { ٩ } 🌆
شهاب : عشان محدش يقدر يمس منك شعرة او حتى يبصلك 💁🏻♂️
فاطمة ب فهم : اتخانقت مع هيثم 😐
شهاب : لبستهولك المستشفى
فاطمة ب خضة : طب ليه كدة ؟!
شهاب ب استغراب : زعلانة عليه ولا ايه ؟!
فاطمة : زعلانة ع مين م يغور ف داهية ، بس انت اذيت نفسك ، انا مقلتلكش دافع عني 🤷🏻♀️
شهاب : انا مدافعتش عنك ، انا دافعت عن نفسي
فاطمة : يعني عشان شكلك انت !!
شهاب : شكلي قدام مين بالظبط ، قدامك ولا قدامه ؟
فاطمة : قدام نفسك إنك متبقاش شايل زنبي !
شهاب : بصي انا هقولك كلمتين ، انا طلاما شايف نفسي صح مبيهمنيش لو الدنيا دي كلها ولعت ف بعض بسببي ، انا مغلطش ف حقك ولا كل الي حصلك دة كان بسببي ، هو عاوز منك حاجة وعشان الي زيه ابن كلب زبالة حطني ف الصورة عشان يستفزك ، ال كدة يعني هتبقي معاه ، انا عملت كدة عشان مستحملتش عليكي كلمة وحشة منه وهي غلط ف حقك ، ي ستي اعتبريها عيش وملح الجيرة وإني اصيل عنكم 💁🏻♂️
فاطمة ب استغراب : يعني عملت كدة عشاني ؟!
شهاب ب ابتسامة : مشيها عشانك 🙂
( يسيبها ويمشي ، تفضل بصاله لحد م يختفي من قدامها ، تطلع بيتها ، يقرب شهاب ع خليل واقف ياخده ويروحه الصيدلية يغير ع ايده ، تدخل فاطمة البيت )
الام : ايه ؟
فاطمة : رجع شهاب
هند ب استغراب : هو لحق !!
فاطمة : معرفش بس جه 😒
( تدخل اوضتها )
اسراء : مالها دي ؟!
الام : يلا قوموا ناموا وراكوا اشغال الصبح 👏
( بعد شوية ، شهاب ف اوضته بيتكلم ف الفون )
شهاب : عقبال م يجبسوله رقبته إن شاء الله 🙄
عصام : مش عارف انت بتتدخل ف مشاكل متخصكش ليه !!
شهاب : انت اهبل يلا مهو الي مدخلني م الأول ف الموضوع والكلام قدامك ، عاوزه يتهجم عليها وهي تقولي بسببك ومتدخلش ازاي 🤷🏻♂️
عصام : كنت اتفاهمت معاه بالراحة طيب !
شهاب : رحت وكلمته بالراحة وقلتله ولا ليك دعوة بيها ولا بيا ، قالي كلام استفزني كان لازم اوقفه عند حده !
عصام : اديك كنت هتضيع فيها ، افرض مكنتش طلعت م القسم 😕
شهاب : كان نصيبي بقا هعمل ايه
( يلاقي رقم ع الويتينج )
شهاب : اقفل وهكلمك تاني
عصام : ماشي
( يقفل عصام )
شهاب : الو
سو : ايه ي بيبي فينك ؟
شهاب : ف البيت
سو : بتهزر ، انا مستنياك من بدري 🤷🏻♀️
شهاب : مش هقدر اجي انهاردة
سو ب حزن : لييييه 😧
شهاب : متخانق ف الشارع ولسة جاي م القسم مكسر
سو ب خضة : ي قلبي بعد الشر عليك ، طب انت كويس 🥺
شهاب : اه الحمدلله
سو : طب تعالى ي شهاب انت قلقتني عليك عاوزة اشوفك
شهاب : ي بنتي بقولك مكسر مش هقدر 🙄
سو : بقولك تعالى عاوزة بس اطمن عليك وإلا هجيلك انا ☝️
شهاب ب خضة : تيجي فين ي بنت المجنونة !!
سو : يبقا تيجي انت ، انا مستنياك متتأخرش ، باي
شهاب ب تنهيدة : بااااي 😑
( يقفل شهاب ، فاطمة وهند واقفين ف البلكونة )
هند ب انفعال : ورحمة ابوكي لو م كان شهاب لبسه المستشفى وسمعت إنه كسرله رجله ودراعه ل كنت رحت دلوقتي كسرتله رقبته 😡
فاطمة ب خوف : اهدي طب بالله عليكي ل امك تسمع هتبهدلني 😬
هند : وتبهدلك انتي ليه ، هو انتي الي اتهجمتي عليه 🤷
فاطمة : طب خلاص طيب 🤦🏻♀️
هند : وبعدين انتي ازاي مفرجتيش عليه الشارع ؟!
فاطمة : اه واجيب ل نفسي سمعة زبالة ، ايه دة مش دي فاطمة الي باسها هيثم ف بير السلم 🤔
هند : ههههههه 😆
فاطمة : اضحكي يختي 🙄
هند : هم يبكي وهم يضحك والله 🤦🏻♀️
فاطمة : عرفتي ليه بقا مكنتش حابة اقف معاكوا ولا اختلط بالشارع هنا 💁🏻♀️
هند : ربنا يتوب علينا م المنطقة الزفت دي !
( يلمحه شهاب طالع م البيت )
هند ب استغراب : رايح فين دة السعادي !!
فاطمة : اكيد رايح يتسرمح
هند : بتاع بنات اوي !
فاطمة وهي داخلة جوة : اممممم 😒
( يعدي الوقت ، شهاب قاعد مع سو )
سو : المهم إنك كويس
شهاب : الحمدلله
سو : انا اما غيبت ولقيت فونك مقفول خفت اوي ، فكرتك بتتهرب مني 😕
شهاب ب استغراب : واتهرب منك ليه ماسكة عليها شيكات ؟!
سو : لا مش قصدي ، بس قلت يمكن زهقت مني ، مهو مفيش حاجة بتربطنا ببعض يعني 🤷🏻♀️
شهاب ب فهم : اممممم 😐
سو : شهاب
شهاب : أأمري ؟
سو : ايه رأيك لو .........
شهاب وهو بيقوم : كدة مش هبتدي اهرب منك ، دة كدة هقطع علاقتي بيكي ودلوقتي ☝️
سو وهي بتقف قصاده : هو انت عارف انا هقول ايه ؟!
شهاب : مستحيل يكون بينا جواز او ارتباط رسمي ي سو !
سو : اسمعني بس
شهاب : طب واضح إنك مصممة ، سلام 😒
( لسة هيمشي تشده من دراعه )
سو : اصبر بس خلاص والله م هفتح السيرة دي ، خلاص انا بهزر 😬
شهاب : لا انتي مبتهزريش ، بس حطيها ف بالك كويس دة مستحيل يحصل ، ف عاجبك ع كدة عاجبك مش عاجبك نقطع من دلوقتي احسن !
سو : خلاص بقا ي شهاب انا اسفة مش هتتكرر والله ، اقعد بقا
شهاب : كدة كدة ماشي
سو : عشان خاطري خليك معايا 😟
شهاب ب تعب : مش قادر عاوز انام والله 😑
سو : ادخل نام جوة بس خليك معايا بليييز 🥺
( يتنهد شهاب ، يطلع الصبح ، شهاب ف الشركة قاعد ف مكتبه ، يرن فون المكتب )
شهاب : الو
كارمن : شهاب تعلالي مكتبي
شهاب : اوك
( يقفل شهاب ويقوم يروحلها ، يخبط ع المكتب ويدخل )
كارمن وهي بتقوم : انت كويس 😕
شهاب : اه
كارمن : اقعد طيب
( يقعد ب استغراب ل قلقها ، تقرب تقعد ع الترابيزة قصاده ، توتره قريبة جداً )
كارمن وهي بتمسك دراعه المتعور : ايه الي حصلك دة ؟!
شهاب ب استغراب : انتي مين قالك ؟!
كارمن : محدش قالي دة انا شفتك الصبح وانا داخلة ، بس ملحقتش اكلمك كان عندي اجتماع ومستعجلة
شهاب : خناقة بسيطة ف الشارع
كارمن ب فهم : اممممم شكلك مشاغب 😏
شهاب : لا نهائي ، دة انا غلبان اوي 🙂
كارمن وهي بتقرب ب وشها عليه : لا مش واضح خالص 🙂
( يضير شهاب وشه ويبتسم لإنها قريبة اوي ، وفجأة ، يدخل جوز كارمن )
زوهير : كا .........
( يشوفهم يسكت )
كارمن : مش تخبط ع الباب ي زوهير في حد يدخل كدة !!
زوهير ب احراج : معرفش إن في حد معاكي 😐
*( ملحوظة .. زوهير عنده ٥٤ سنة ، سنه كبير جداً بالنسبة ل كارمن ضعف سنها بس هي وخداه خزنة مش اكتر ، زوهير رجل اعمال كبير وهو الي فاتح الشركة دي ل كارمن وكاتبلها نص ممتلكاته )*
كارمن : دة شهاب ابن خالتي الي حكيتلك عنه 💁🏻♀️
زوهير وهو بيقرب ع شهاب : اه اهلاً وسهلاً 👋
شهاب وهو بيقوم يسلم عليه : اهلاً ب حضرتك 👋
زوهير : يارب تكون مبسوط ف الشغل 🤷🏻♂️
شهاب : اه الحمدلله ، عن اذنكم ورايا شغل
كارمن وزوهير : اتفضل
( يمشي شهاب يرجع شغله )
زوهير : شكله شاب كويس
كارمن وهي بتقعد ع مكتبها : اه 😒
( تعدي الأيام ، فاطمة ف المحل ، تدخل هدير )
هدير : سلامو عليكم
فاطمة : عليكم السلام
هدير : انا من بدري عاوزة اجيلك عشان اشكرك ع الي عملتيه مع امي ، بس انتي عارفة بقا عروسة وبجهز نفسي ف مش عارفة افضى 🤷🏻♀️
فاطمة : ولا يهمك ربنا يتمملك ع خير 😊
الحلقة العاشرة { ١٠ } 🌆
هدير : امي من وقفتك معاها وهي ملهاش سيرة غيرك ، كرهتنا فيكي اكتر 🙄
فاطمة : هههههه معلش 😄
هدير : وشهاب كمان
( تنتبه فاطمة )
هدير : انا جيت اشكرك بقا ونردهالك يوم فرحك إن شاء الله
فاطمة : إن شاء الله
هدير : المهم انا قلت اعزمك ع خطوبتي وهتيجي انا مش باخد رأيك ☝️
فاطمة ب ابتسامة : هاجي حاضر 😊
هدير : وبيقوله لا محبة إلا بعد عداوة يعني ، ف نعتبر الي فات مات بقا 🤷
فاطمة : دة فات زي م قلتي ف خلاص عدى
هدير : بالظبط كدة ربنا يكملك ب عقلك ، عقبال اخواتك 😏
فاطمة : هنلبخ بقاا 😐
هدير : لا خلاص ، الخطوبة الخميس الجاي ، هي هتبقا ع الضيق كدة تلبيس دبل بس عاملين ليلة قبلها ف البيت انا وصحابي وقرايبي ، ف قلت اقولك ولو عاوزة تجيبي اخواتك هاتيهم
فاطمة : حاضر هقولهم
هدير : وامك زي بعضوا 🙄
فاطمة : كدة كتير والله !
هدير : خيري عليكم ي بت ولا بتنسي 🤷
فاطمة : لا يختي مش ناسية انتوا الي نسيته 💁🏻♀️
هدير : يلا منقلبش ف الي فات برضو ، سلام ✋
فاطمة : سلام
( تمشي هدير ، واقف هيثم قريب م المحل وماسك عكاز ورجله متجبسة ودراعه ، بيبص ع المحل ب جمود ، شهاب ف الشركة مروح ، يلاقي كارمن واقفة عند عربيتها وماسكة الفون ومتعصبة )
كارمن : عشان كان لازم تقولي إنك اخدت السواق ومشيت ، ايوة انت عارف إني بكره السواقة ، خلااااص ي زوهير خلاص ، اقفل انا هتصرف 😑
( تقفل كارمن ، يقرب عليها شهاب )
شهاب ب قلق : في حاجة ولا ايه ؟!
كارمن : النيلة زوهير السواق بتاعه تعب ف سابه يروح واخد السواق بتاعي وانا مبحبش السواقة ، انسان مقرف بجد 🙄
( يستغرب شهاب طريقتها الوحشة عن جوزها )
شهاب : طيب انا ممكن اوصلك لو حابة
كارمن : انت بتعرف تسوق ؟!
شهاب : اة
كارمن : طب اوك ياريت
( تديله المفتاح ، يركب شهاب وتركب ويمشوا )
شهاب : ابقي اوصفيلي بس عشان معرفش بيتك
كارمن : لا سهل اوك
( توصفله البيت ، ف الطريق ، عين شهاب غصب عنه تقع ع رجل كارمن ف يسرح )
كارمن ب خضة : حاااسب 😮
( ينتبه شهاب ل سواقته يحود يمين بسرعة تخبط فيه )
شهاب : اسف 😬
كارمن : مش بقولك شكلك مشاغب 😏
شهاب ب احراج : والله م قصدي ، انا سرحت بس 😅
كارمن ب ابتسامة : هصدقك 🙂
( يوصله عند البيت ، ينزله م العربية )
كارمن : ميرسي ي شهاب مش عارفة اقولك ايه انقذتني 🤷🏻♀️
شهاب : لا يهمك ، همشي انا
كارمن : رايح فين ؟!
شهاب : هروح بقا
كارمن : لا ادخل اشرب حاجة
( تبص ف ساعتها )
كارمن : دي الساعة تمانية لازم تتغدى معايا
شهاب : لا مفيش داعي انا مش جعان ، يادوب اروح
كارمن : ايه يادوب اروح دي ، الي اعرفه إنك دايماً مدوخ خالتو ع وجودك ف البيت ، يعني مش هتروح 😏
شهاب : انا سمعتي وحشة لدرجة إنها وصلالك 😅
كارمن : ههههه ، عيب عليك مفيش حاجة بتستخبي عني ، يلا وإلا هزعل منك ☝️
شهاب : اوك 🙂
( يدخل معاها ، ينبهر ب شكل البيت ، ڤيلا كبيرة جداً وديكوراتها وفرشها تحفة ✨ )
كارمن ب صوت عالي : كتالياااا الغدا حالاً
الشغالة : حاضر مدام
كارمن ل شهاب : تعالى
( يقعده ف الأنتريه )
كارمن : هغير هدومي واجي ، اعتبر البيت بيتك 💁🏻♀️
( يشاورلها ب اه ، تطلع كارمن اوضتها ، يقوم شهاب يطلع م الڤيلا يقف عند البُول ويتفرج ع المكان ، بعد عشر دقايق ، تنزل كارمن لابسة چامب سوت هوت شورت احمر كت مفتوح من قدام اوڤر ومفتوح م الضهر ، تشوف شهاب برة ، تبتسم وتقرب عليه )
كارمن : عجبك المكان ؟
شهاب : اه
( يلف يبصلها ، يتفاجئ ب لبسها )
شهاب ب اعجاب : جداً 😐🔥
( تبتسم كارمن تفهم إن الكلام عليها مش ع المكان )
كارمن : الڤيلا دي كلها ملكي ، كتبهالي زوهير هي والشركة
شهاب : معلش بس ملاحظ إن زوهير دة تقريباً بنك بالنسبالك مش اكتر ، صح ؟
كارمن : هو فعلاً كدة ، لإني مبحبوش
شهاب ب استغراب : وايه الي جابرك عليه ؟!
كارمن : بابا ، هو يبقا صاحبه وفي بينهم بيزنيس مهم ودخلوني انا ف النص 🤷
شهاب ب فهم : اممممم !
كارمن : وكمان ملقتش البني ادم الي ممكن انفصل عن زوهير واكون معاه ، ملقتش السند م الأخر
شهاب : مظنش هتلاقي حد زي زوهير طبعاً !
كارمن : لا مش قصدي سند الفلوس ، انا معايا الي يكفيني ويكفي عيلة تانية معايا ، انا بتكلم إنه يبقا راجل بجد ، يحميني ويحمي مالي دة وميبقاش واخدني طمع كمان يكون بيحبني
شهاب ب فهم : امممم ، بس صعب تلاقي كل المواصفات دي ف شخص واحد ، خصوصاً إنك غنية ، يعني اول حاجة هيدور عليها هي فلوسك مش انتي
كارمن ب ابتسامة : لا وقتها هلاقيه اكيد 🙂
شهاب : إن شاء الله 🙂
كتاليا : الغدا مدام
كارمن ل شهاب : يلا
( يقعده ع السفرة ياكله ، يخصله اكل ويقعده ف الجنينة يشربه الشاي )
كارمن : هههه ايوة صح ، هو انت مرتبط ي شهاب ؟
شهاب : لأ
كارمن : ولا في حد كدة ولا كدة ، اكيد مصاحب يعني 😉
شهاب : لا برضو
كارمن : شكلك م النوع الي مبيحبش يحكي !
شهاب : بالعكس انا لكاك اوي ، بس معنديش حاجة احكيها ف الموضوع دة
كارمن : امممم !
شهاب وهو بيحط فنجان الشاي ع الترابيزة : هقوم انا بقا
( يقوم يقف )
كارمن ب حزن : ليه انت لحقت !!
شهاب : معلش حلو كدة وشكراً ع الغدا والشاي ، تعبتك
كارمن : تعب ايه بس ، اوعدني إن دي متكونش اخر مرة انا ملحقتش اقعد معاك 🤷
شهاب : لا هاجي مرة تانية إن شاء الله ، خطوبة هدير يوم الخميس
كارمن : بجد مبرووك 😃
شهاب : الله يبارك فيكي ، هتيجي بقا هي ف البيت عندنا
كارمن : اكيد هاجي إن شاء الله ، عقبالك 🙂
شهاب : تسلمي
( يمدلها ايده )
شهاب : باي 👋
كارمن : باي 👋
( تسلم كارمن وتبوسه من خده ، يتفاجئ )
كارمن : اشوفك بكرة
شهاب : إن شاء الله !
كارمن : اه صحيح ، خد العربية روح بيها
شهاب : لا هركب انا اي مواصلات من برة !
كارمن : قلتلك روح بيها وابقا هاتها معاك بكرة وانت جاي الشغل
شهاب : مفيش داعي والله انا هلاقي مواصلات !
كارمن : اسمع الكلام بقااا 🙄
شهاب : طب وانتي هتمشي ب ايه الصبح ؟!
كارمن : م انا عندي غيرها ، وكدة كدة بروح الصبح مع زوهير
شهاب : مش عارف اقولك ايه 😅
كارمن : ع ايه يعني اعتبرها بتاعتك ، امسك 🔑
( تديله المفاتيح )
شهاب : شكراً !
كارمن : العفو
( يطلع شهاب يركب العربية ويمشي ، ف المحل ، قاعدة فاطمة وهند )
هند : هي عزمتك ؟
فاطمة : ايوة وانتي وامك
هند ب استغراب : دة ايه الكرم دة !!
فاطمة : قالت الي فات مات بقا 🤷
هند : امممم !
فاطمة : والله شكلهم ناس طيبة وام شهاب بالذات
هند : اه مهو مين يشهد للعروسة 😏
فاطمة ب عدم فهم : يعني ايه ؟!
هند ب تنهيدة : ولا حاجة يختي ، قومي نعمل الجرد
( يقومه ، يلاقوا عربية داخلة وراكبها شهاب )
هند وهي بتبصله ب استغراب : ايه دة ، ورث دة ولا ايه ؟!
فاطمة : مش دي عربية البت الي كانت عندهم قبل كدة ؟!
هند : ايوة صح ، دي قريبتهم ولا ايه !
( متنسوش اللايك ورأيكم .. 💜✨ )
#قصة_أبن_الجيران_ل_سهيلة_سعيد
#sohila_sa3ed