ينتظر فينوس تحسين وجماعته حته يجون ياخذو وهو كاعد عله الرصيف ويفكر شلون رح يجو وشلون هسه حاله تحسين من سمع ذني ال ٣ كلمات
فينوس ياخذ الجنطه ويضمه هي والفلوس بمكان قريب عليه وينتظر تحسين يجي
يشك شويه من هدومه ويحط عله هدومه تراب وطين
حته يسوي تمويه
يجي تحسين بسرعه ويا ٤ سيارات تطبك وكلهم ينزلون وضامين اسلحتهم
يجي تحسين عله فينوس
تحسين:- شنو صار احجيلي منو اذاك منو سوه بيك هيج
فينوس :- يلتزم بالسكوت وميتحرك
تحسين :- منو اذاك وهيج مسوي بيك الزبون مو
فينوس:- راح كلشي راحت الفلوس وراحت البضاعه واني خسرت كلشي
تحسين:-يكوم ويضرب حديده يمه موجوده
ويكوم يصيح عله جماعته روحو دورو عليه اريدكم تخلقو من جوه الكاع فهمتو لو لا تجيبوليا عايش او ميت
ويلتفت عله فينوس
فينوس اذاك مو
فينوس:-اي
يجي تحسين يريد يحركه
فينوس:-اخ اخ اخ دا اتأذه ايدي موتتني
تحسين :- وداعتك رح اخذلك حقك
فينوس :- والفلوس والبضاعه شلون مين رح اكدر ارجعلك الفلوس
تحسين:- انعل ابو البضاعه لابو الفلوس
كلتلك قبل ورح ارجع اكولك انت اهم من كل ذني انت ايدي اليمنه
كلشي يروح ويجي بس انت ماعتقد اذا رحت رح تجي مره ثانيه
فينوس:- متأكد من كلامك
تحسين:- اي طبعا
فينوس يكوم عله حيله وينفض نفسه وماكو شي يأذي ولا ايشي
تحسين ينصدم يكله شنو هاي
فينوس:- سمعت الكلام الي اريد اسمعه خلص وثقت بيك
تحسين:- شنو يعني
فينوس:- يروح ع الجنطه ويطلعه من المكان يكله هاي فلوسك وبضاعتك تسلمت وراحت
بس جنت اريد اتأكد منو اهم اني لو فلوسك
وتأكدت ف ميحتاج بعد يروح فينوس ع السياره يتمشه
ويندار عله تحسين ويكله بسخريه
يله رح نروح للبيت لو نبقه هنا بالشمس
تحسين:- يضحك هههههههههه
ويكعد بلكاع ع التراب
فينوس يجي يمد ايده لتحسين
فينوس:-لتضحك جان لازم اتأكد من الي بداخلك
يله كوم خل نروح
تحسين:- واني هم تأكدت منو صار ايدي اليمنه
انت طفل بس دماغك مال واحد عمره ١٠٠ سنه
يكومون وتحسين لازم فينوس من راسه
ويفوتون بالسياره وهمه يضحكون واصواتهم مرتفعه وكل شويه يذكرون الموقف
تحسين يخابر عله جماعته
يولد ارجعو
فينوس جان يحب يشاقه ونصب علينه كلنه يله الكل يجي للبيت
يرجعون للبيت ويشوفون سيزر موجود بالغرفه ينتضر تحسين
يفوتون تحسين وفينوس للغرفه وهمه يضحكون واصواتهم عاليه
سيزر يباوع ع الموقف ويكول ويه نفسه
معقوله هذا الطفل تحسين ياخذه ويربي ويريد يخلي ايده اليمنه واحنه كلنه موجودين ما وثق بينه هيج
سيزر يكوم يوكف
استاذي وصلت البضاعه ورجعت
تحسين :- عفيه عفيه
سيزر :- بسس
تحسين :- شكووو اكو مشكله شي
سيزر :- استاذي يعني هو ماكو شي
بس ايشي تحتاج واي خدمه اعتبرني ابنك الصغير وايدك اليمين
تحسين:- لا ميحتاج عندي واحد هههه
يله روح هسه روح وفينوس روح ويا وباجر تعال انت وغراضك حته تستقر هنا وسيزر انت همات
سيزر :-صدكك استاذ
تحسين:-اي اكو مبيت مال حمايه شوفلك سرير وياهم
كل مبيت بي ٣ انت شوف ياهو فارغ وادخل بي
يروحون فينوس وسيزر
يوصلون للكنيسه
يدخلون
فينوس :- سيزر شنو رأيك اليوم اني وصلت ٨ كيلوات هههههه
سيزر يجي عليه ويدفعه
انت شنو دا تسوي هيج واني الي وديتك وكلتلك لتحجي ولا تدخل
سنو جاي تاخذ مكان احد غيرك
تره ادفنك هنا واحسب الله ما خلقك ولتكول تحسين يدافعلي
تره تحسين رح يتسعلك لان تفيده بالشغل لان بعدك طفل مجرد طفل
فينوس:-مرح ارد ولا اسويلك شي احتراما للاكل الي اكلته وياك ولان اويتني وخليتني تنام هنا من جان ماعندي مكان
ورح اعتبر هالشي مصار
سيزر :-تهدد؟؟؟؟
فينوس:- لا بس دا اكلك وهاهيه
سيزر :- يله يله روح نام المدلل مال تحسين هههه
يعوفه ويروح
فينوس:- هه
يحجي ويه نفسه فينوس ويكول هسه اكدر بكلمه وحده اخلي تحسين يكتله ويخفي من الوجود بس خطيه
يحط راسه وينام
زهراء ماما خابري المدير مره ثانيه
الام :-ماماتي حته عيب كل شويه اخابره
زهراء تحضن امه وتبجي تكله ماما اريده اذا لكينا نكدر احنه نجيبه يعيش ويانه بالبيت الله عليج
الام:-الله كريم ماماتي
زهراء تشغل الاخبار حته تشوف بلكت الله اكو خبر عن فينوس او ايشي وترجع خيبه امل جبيره
تفكر وتكول هسه هو وينه شنو سوا ليش هيج سوه شنو السبب
زين مو يحبني يندل بيتنه بيا منطقه ليش ما اجاني
اسأله هواي واشياء هواي ماله جواب
بس ادعي بكل صلاة انو الله يرجعه سالم يارب😞💔
فينوس وسيزر يكعدون الصبح يلمون غراضهم ويروحون
سيزر يحط غراضه بالمبيت
وفينوس يروح عله تحسين
بدون ما يدك الباب حته
يفوت ويكول صباح الخير تحسين
تحسين :-هلا هلا والله هستوني جنت افكر اكول شو تأخرو
فينوس:- اي شويه اخذتنه النومه
تحسين:- تعال وياي اشوفك غرفتك
فينوس:- يله امشي
يروحون يفوتون لغرفه كلش جبيره ومأثثه احله اثاث وكلشي يحلم بي موجود
تحسين:- عجبتك
فينوس:- ههههه عجبتني؟؟؟ هههه اصلا هاي العب بيه طوبه هلكد ما جبيره
تحسين:- يله طب اسبح وغير ملابسك وتعال عندي هواي حجي وياك
وهنا شنو الي تريده ترفع سماعة التلفون هذا الارضي
دوس عله رقم واحد واطلب الاكل الي تريده
ناظم يجيبلك الاكل
فينوس:- ناظم منو
تحسين:-خدام هنا يشتغل صارله اسبوع بس خوش يسوي اكل
فينوس:- تمام
يروح تحسين
فينوس يفتر بالغرفه يلكه مسجل وبي كاسيتات وسيديات
يشغل اغنيه اجنبيه ويعلي الصوت كله ويكوم يركص وينزع ملابسه ويركص وهو بدون ملابس وراها يروح للحمام يسبح يباوع الحمام كلش جبير يسبح ويكمل ويطلع
يمشط ويبدل ملابسه ويروح عله تحسين
تحسين:- نعيما عريسنه هههه
فينوس :- تسلم
اي سولفلي شنو الكلام الي عندك
تحسين :- شوف فينوس اني كبير بالعمر وهواي اشياء تصير بهذا اابيت اني مادري بيه لان مو دايما متواجد
انت رح تصير عيني الي تشوف واذاني الي تسمع بهذا البيت
فينوس:- تأمر امر وبعد تكو شي
تحسين:- واريدك تعرفلي منو ويانه منو علينه
لان الاستخبارات دا تحاول تزرع كم واحد ويانه حته يدمرونه ويلزموني بالجرم المشهود ف اريدم تكشفهم واحد واحد اني مدا اكدر لان مموجود هنا
بس كل الي يشتغلون وياي
اعرفهم او عن طريق غير تجار يجوني يريدون يشتغلون وياي ف سجلهم نضيف ماعدهم اي تواصل ويه الشرطه
فينوس:- ماشي
يطلع فينوس دا يتمشه بالبيت حته يشوف شكو ماكو
يفوت لكل الغرف وهو يمشي ويكول ياربي كم غرفه بهذا البيت
يمشي من يم غرفه ويسمع صوت بداخل الغرفه
يجي قريب ع الغرفه يسمع صوت واحد ديحجي
يفتح الباب عله كيفه ويدخل للغررفه ويختل وره القنفه
ويبدي يتصنت
يسمع( سيدي كلشي تريده داسوي مثل متريد
سيدي هسه كام يجيب اطفال يمكن دا يتاجر بالاطفال لو هيج شي بس سيدي اني تأكدت من كلشي
رح تصير صفقه جبيره كلش ورح يكون تحسين الباشا هناك متواجد لان صفقه كلش جبيره ف اله هو يكون موجود ورح يكون الزبون بلصفقه محمد الجوناسي الي صار هواي ندور عليه
ف نضرب عصفورين بحجر سيدي)
نعم سيدي صار سيدي
فينوس يباوع وينتبه يريد يعرف شكل الولد ميكدر لان صاير ضوا قوي ورا ف يسحب نفسه بهدوء شويه شويه حته يطلع يطخ بغراض يوكعه ويطلع من الغرفه علكيفه ويسد الباب
يبقه الولد يجي ع الغراض يشوفهن واكعات
سيدي لا ماكو احد هاي اكيد لو هوه لو شوف شنو
سيدي كلتلك غطائي مرتب محد كاشفني ليهسه
سيدي جنت اخطط لهلشي من زمان واخيرا رح احقق حلمي واكدر احط الي دمرني اني وعائلتي بالسجن وانتقم منه
يله سيدي لازم اروح اني
فينوس يبقه حاير زين شرح يسوي
اذا يتسرع ويروح يكول لتحسين اجوز غلط اذا ينتضر تحسين يلزمو
يبقه يفكر يفكر ويلكه حل
التكمله باجر تنزل
اعتذر اليوم تأخرت بس صارتلي هواي شغلان
تعليقكم يشجعني ٠🤴❤
دعمكم يسعدني❤🤴