منقذي ذو النجوم
الكاتبه غدير العزاوي
الخبر مثل الصاعقه ووكعت ع راسي ....صرخت بااقوى مالدي....لاااااااااااااااااااا..... وبعدين انعكد لساني وهمه داير مدايري .....
اصواتهم توصلي بشكل مغوش ماادري منو اني همه منو مدااكدر لااحجي ولااسوي اي شي ....
تقدم احمد اخذ الموبايل مني يمي وااتصل ع نفس الشخص ......هو هم انصدم بسرعه كال كرار الحكني ...
طلعو من البيت وسميه ورزان وراهم واني بعد غوشت الدنيا بعيني .....
رزان:درنه وجهنه بعد مايأسنه انه مجاوبو ع اسألتنه وطلعو ركض انداريت ومااشوف اله ريم فاقد الوعي
ركضت عليها وكلت لسميه تجيب مي ارش عليها وماكو اي اجابه منها ....كلت هسههه اشلون اختي راح تروح من ايدي ..
ركضت سميه ع موبايلها كالت ماكو غيره يساعدنه ...اتصلت ماادري ع منو كاالت مسافة الطريق ويجي خلي نلبسها حجاب ع سريع ....
لبسناها شلون مجان واندكت الباب طلعت سميه واني كمت بسرعه لفيت الشال ولبست عباتي وطلعت شفته شايل ريم باايده ويركض للباب ....
رحت بسرعه وراا وقبل مااطلع بسرعه اخذت موبايلي كلت كل شي يصير نبهت سميه اذا درت شي تخبرني وتكلي ...
طلعت بسرعه وصعدت يم ريم وخليت راسها بحضني واني انادي بااسمها ...واصلاا مايحتاج اكله اسرع لانه ربع ساعه ووصلنه للمستشفى...
نزل بسرعه وفتح الباب واخذ ريم بحضنه وهو يركض بيها مثل المجانين بسرعه جابو سديه وحطوها علي ..
وره نص ساعه وطلع الدكتور كلناله بشر ....كال
الدكتور:هيه متعرضه لصدمه اوشي من هذا الناحيه....باوعلي الشاب الي جابها ...
رزان:هاا ايي ايي اجاها اتصال وصرخت وصارت هوسه وبعدين شفناها واكعه.....
الدكتور:ايي فلهذا متعرضه لصدمه جبيره يمكن تبقه غايبه الوعي لفتره ١٢ ساعه او اكثر لانه الصدمه الي متعرضتلها مأثره بخلايا الدماغ ....
راح الدكتور واني قلقله عليها والف سؤال بالي منو جان المتصل وشنو الي سمعته ...قاطعني من صفنتي صوت الشاب....
حسام: شنو الي صاير وليش هيج حالتها ممكن تفهميني ....
رزان:العفو بس شنو تقرب من سميه..
حسام: اخوها..
رزان: حجيتله كلشي صار وغياب ماما وبابا اسبوع
حسام:الله كريم بس هسه اهم شي صحتها..
رزان:واحنه نحجي قاطعني صوت الموبايل كرار يتصل..
لااني بلمستشفى ليش اكو شي .....شصاير ..يله منتضره..
شويه واجو كرار وااحمد .....حسيت بيهم شي بس مدايحجون كلت اكو شي احجولي...
كرار:بليت اكولج ماكو شي انشاءلله ....ماصدكتهم ابداااا سألو عن حال ريم وكتلهم الي كاله الدكتور ...
حجه احمد اي حقها طبعاا ...كلت ليش كولولي اكووو شي لاتضمون عليه .....
كالو لا ....حسام جان رايح ماادري وين من اني رديت ع موبايل شويه واجه وسلمو ع بعض مااتعجبت لانه اخو سميه حسب حجيه.....
وره السلام والكلام اتشكروا منه بس كالو احنه هيه مستعجلين بس ناخذ رزان .....كلت لا شلون اعوف ريم بحالها كالو لا الي صاير بلبيت اهم خلي نوديج ونجيبج بعدين ....
حجه احمد كال اني اضل انتي روحي مايحتاج...
طلعنه وطول الطريق اسأله شبيك احجي ومايحجي وتلفونه ماسكتت طول الطريق بس من يفتح الخط يكول اي صح الي سمعته....يعني كله الغاز ...
وصلنه للفرع الي بي بيتنه بس شفت هووسه باب بيتنه ..زين شكو واني اسأله وهو اجا اتصال كال اي شفتكم وراي اي هاهيه....درت وجهي حته اشوف شكو ورانه وجان اشوف السيارات مكلوبه ورانه عدد جبير من السيارات شويه وسمعت صوت وحده تصيح درت وجهي وجان اشوف.....
________________________________
في المستشفى....
ريم: كعدت بس راسي مسطور سطر مداافهم اي شي بس دكتور واكف فوك راسي يحجي ومداافهم شي والله وشويه شويه كمت اسمع يكول اذا تسمعيني هزي براسج .....
هزيت براسي شويه وطلع .....بس اني هنانه كمت استرجع كلشي صار والاتصال همينه ....كمت بسرعه بعدد اتهسترت مدااكدر الزم نفسي مو اني الي اتحكم بيها بس الي اريده هسه اعرف الحجي صحيح لو لا مدااستوعب ....
وخرت الكانونه وجعتني وجع مو طبيعي بس مو بكد وجع ونزيف كلبي ......اجو الممرضات واشوف احمد دخل همينه وانتبهت ورا واحد اني شايفته....
كمت مااشوف بعد رحت لااحمد واني اسأله واضربه ع صدره ....
جاااااوووبني الحجي الي اني سممعته صحيح لو لااا..
نزل راسه وكال اي نعم مع الاسف بس بسرعه دفعه الشاب وكله مو كتلك لاتكول....
اني بعد كمت مااعرف شسوي الى ان اجه الدكتور كال الزموها واحد منكم حته اضربلها مهدء اتقدم احمد راد يلزمني بس مدايكدر اتهسترت بلحضه مااعرف بعد شااسوي ...
اجه ذاك الشاب ولزمني وضمني لصدره وهو يكول..
حسام:ششش ششش كافي مابيهم شي انتي فاهمه الموضوع غلط شويه شويه حسيت شي بارد واخترق جسمي...
نمت وماادري بعد شكد كمت بس اول مااكمت اجه الدكتور وضل يفحص بيه ....كالي هاي رجلج من شوكت هيج ماجاوبت لانه مدااكدر اريد استوعب الي سمعته ...طلع وره نص ساعه اجه دكتور ثاني فتحلي رجلي وحركها كال مابيها شي هسه....
شويه ودخل احمد ..كال يله هسه نكدر نروح بس مااريدج تفقدين اريدج قويه لانه رزان وسميه هسه مل وحده حالتها حاله....هو يحجي واني فاصله عن الدنيا كلها ...كومني طول الطريق اني ساكته مدااكدر اتحكم بنفسي ماادري شبيه. ..
وصلنه لحد باب بيتنه بس جانت كلش هووسه ...نزلت ودامشي بخطوات واني ادري هاي الخطوات خطوات جسدي بس بدوون روح اول مره ادخل للبيتنه واختنك هل الشكل قبل جان البيت الي بي الامان الي هسه لا ماكو اصحاب البيت مابي اي روح ....دخلت وشفت رزان وسميه يملخن بروحهن ونسوان المنطقه هم موجودات وبس اتقدمت رزان عليه ...
رزان: وهيه تبجي كامت ركضت يمي وحضنتني واني مابدرت اي حركه مدااكدر مو اني الي اتحكم بروحي ...
رزان:ولججج رييم ماتت امنه مات ابونه ماكو بعد شي اسمه ام واب ولج صرنه ايتام ماالنه سند بعد ماما راحت بعد ماانشوفها ....ماسويت اي ردة فعل دخل واحد من الولد كال يله هم طريق وهناك ناصبين الجوادر بسرعه يله.....
ماادري بااي شي اني فاصله بس كادوني من ايدي وطلعوني بلسياره وجان يسوقها كرار ....طلعنه تقريبا ٧ سيارات لانه من عارفين الخبر عبالهم اهنا راح يستلمون الجثه بس بعدين متفقين هناك...
طول الطريق ورزان تبجي وسميه تملخ بروحها تكلي ولججج ابوووج راااح ابني راح يولد يتيم اني بعد مابقه احد الي ..
وصلنه وشفنه كميه هائله من الناس باب البيت وناصبين جودار ....دخل كرار السياره لكراج البيت نزلوني ..
دخلت ورزان وسميه والنسوان الموجوده اتكابلن يلطمن مايدرن شيسون حته يبردن كلبهن ....همه جانو لابسين اسود اني لا ....
اجتي وحده اخذتني وبدلتني لبستني اسود وحطت شال ع راسي .....قبل لااطلع سمعت الصراخ الي البره طللعت وياريتني ماشفت الي شفته....
تابوتين كدامي سميه وبيبي ذابات روحهن ع تابوت بابا ورزان ماتدري وين تصير يم تابوت بابا او ماما...
رادو يطلعون التوابيت هنا يله حسيت بكلشي ...عرفت بعد مااكو مااشوفهم ..
ريم:رحت ركضت واصيح واكول نزلوووهم اننني ماااااودعتهم بعدددني نزلو التوابيت واني كل دقيقه ع تابوت ولساني ماادري شيحجي لانه جنت فاقد بلكوه بعدوني عن التابوت....
بعد ماكدرت الزم روحي وفقدت وعي.....
شفت ماما وبابا لابسين احله لبس وطالعين كلش حلوين....اسمع صوت ماما بس كأنه من بعييد او بحفره ...بس مدافهم الي تحجي اتعثرت وجنت اوكع بلكاع هواي بلحلم واني اركض وراهم وبعدين اجتي حفره كلشش جبيره كدامي وتخووف ردت اوكع وايد لزمتني ووخرتني بعد مااشفتهم وفزيت من الحلم...
جنت بلغرفه وشفت طالع الصبح يعني من زمان واني فاقده كمت بسرعه طلعت من الغرفه عسى ولعلى كل هذا الي صار حلم او كابوس وكمت منه ....بس شفتهم كلهم لابسين اسود وهواي ناس يمهم ...
خلصنه الفاتحه بس اني كلساع افقد ويشيلوني جااانت احدد اصعب ايام اليه قاطعت الاكل بس اشرب مي ....
رزان وسميه حالتهم مو احسن مني بس رزان جان الها حضن يسندها ويدفيها ويصبرها وكل نسوان عمي وعماتي اكثرهم يصبرون بسميه....
يعني اني يمكن جنت ولاشي بنضرهم.....
مجان اكو احد يصبرني غير رزان وجدي جدي مرات جان يجيني وهاي مرات يعني ....ومنا لحد يوم الاربعين لوفاتهم اني ماادري اكل اولا يمكن لكمتين تحط بحلكي رزان وهاي بلتواسيل وكوه....
رحنه للمقبره دفناهم بلنجف ...ذبيت روحي بنصهم واني اخذ من ترابهم واذب ع راسي واعاتبهم واحد واحد...
يمه ليش عفتيني ورحتي منو الي بعدج مو جنت دائما تكليلي صيري قويه مو جنتي عايشه علمودنا ومتحمله هسن انتي رحتي اني شلي بهاي الدنيا ليش عفتيني ورحتي بس اني الصلفه والحقيره مامتت وراح صار شهر من انتي رحتي واني مامتت زين تعاي اخذيني وياج والله مااريد اعيش الحياة الي انتوا مابيها...
بابا كوم عليك الله وصيح عليه وكلي كل هذا جذذب وهمه يجذبون عليج كوم تعال بعد مااخالف اوامرك والله ولاارددك بعد بس تعال قابله بكلشي والله ....
يردون يسحبوني مدايكدرون كتلهمم بااعلى صووتي عوفوني اشبع منهم اذا بلدنيا ماشبعت منهم خلي هسه اشبع منهم ....كوموني بلكوه من يمهم واني ابجي واشهك ..
طلعونا رحنه زرنه الامام علي ع فدوه لااسمه هنانه يله كدرت استفرد بروحي جانت ازدحاام كلش بلدفعات يله دخلت ولزكت بشباكه ماوخرت رغم يكولولي اتحركي بس مداكدر ومن شافو حالتي وبجي عافوني..
فرغت كل الي بكلبي طلعت وكعدت بزاويه واني ابجي ومغطيه روحي بلعبايه الي انطوني اياها بلتفتيش ...
اشهك وابجي اجت يمي بنوته صغيره رفعت راسي انطتني كلينس ومسحت دموعي وتكلي اوووا يعني يوجعع شي ....
اجت امها اخذتها واني ماادري بروحي وكاعده بس دموعي نشفن بعد بس صافنه بعدين اتذكرت اكو وياي عالم لازم اطلع شفت الساعه يعني ساعتين واني جوه ....
طلعت ماشفتهم بلمكان الي اتفقنه علي ...صرت ادور وماكو الى ان اجه واحد اتقدم يمي كال محتاجه شي دورين على احد ردت اجاوب ...
اجاني صوت سامعته من قبل درت وجهي وشفته هو نفس الشاب يعني اخو سميه بس جان بملابس عسكريه....
كاله مشكور ماتقصر اندار عليه خزرني وكال وين جنت واحنه ندور عليج...
يعني اني وين وهو وين اني منانه جسمي يصل عليه ومدااكدر حته اوكف بلكوه رجليه سانداتني حته امشي ....
ماحجيت شي بس دموعي نزلت مو منه بس اني مدااتحمل اي شي ...ماادري شبيه لزمني من ايدي واني فاصله عن الدنيا مشاني واني مثل طفله ومضيعه امها وابوها بلسوك بس اني صدك مضيعتهم ....
كعدني بزاويه راح جابلي مي شربني وذب شويه ع وجهي .....
بده يحجي وياي ....
حسام: لاتبجين هذا قضاء رب العالمين يعني انتي هسه بهذا الشي وكاانه داتكولين اني معارضه حكمة رب العالمين وتره بجيج ياذيهم ...انتي لازم هسه يكون ايمانج برب العالمين اكبر وتصلين الهم وتقرين قرءان مو بس تبجين ....
هو يحجي واني ازيد ماانقص بلعكس لانه وكانه الحجي الي دايحجي مثل دعاء حزين واني اسمعه واصلاا مو ايماني ضعيف بس مداكدر استوعب انه راحوو ...
ماحسيت بروحي اله وهو ضمني لصدره لزمته حيل من قميصه وكاانه طفل ومتعلق باابو ....حسيت بلامان والدفو الي افتقدته من يوم ماراحو بابا وماما ضليت مجلبه بقميصه وهو يهدي بيه ...
ماجنت اسمع اي شي غير انه ابجي وماريد ابتعد عنه جان الامان الي افتقتده كل الي حوليه الي ضلو ويايه ماحسيت بلامان هيج يمهم....
كومني واني بعدين لازمته من قميصه كال ماتغيرتي مثل اول مره ....مافهمت قصده زين...
بس شويه ابتعدت عنه لم ايدي وطلعني بس وكفنا باب الامام علي ...وهو لازم ايدي كال...طلبت منك طلب قبل وماحققتلي اياه لانه اني ماجنت كفوو ع الامانه ...
بس هسه اريد منك هذا الطلب وانت تعرف الي بكلبي وراح اكون عند كلمتي هاي المره ...
سلم واندار عليه وكال يله بس بعده لازم ايدي وكفني يم محل كال شويه واجيج ناذر هذا النذر ...
دخل شويه واجه جان بيده علبه فتحها واقترب مني ولبسني كلاده جانت بيها اية الكرسي مكتوبه مافهمت اي شي بذاك الوكت....
لانه ماجنت اني الي اتحكم بتصرفاتي مشينه وقبل لانوصل كلي ديري بالج على نفسج وهد ايدي ومشينه لحد سيارة كرار
طلعنه للبيت رزان كالتلي يله حبيبتي انتي تجين وياي لبيتنه وسميه تريد تبقه هنا...
كمت ورحت وياها دخلنه لبيتهم واني اتذكر شلون اول مره دخلت يمهم واني فرحانه وماما وياي هسه وينج ليش مااجيتي وياي....دخلتني لغرفه الضيوف كعدت هناك جابتلي فرشتلي كالت اكيد تعبانه نامي...
نمت وماكعدت الا ثاني يوم ....طبعا هاي السنه راحت علينه اني ورزان ماجان عدنه اي وااهس حته نداوم....
كعدت رحت شفت عمامي كاعدين ورزان وكرار يحجون بموضوع بس بعصبيه.....
سمعتهم كالو ورث اخونه يبقه النه بس النه الحق...اني هيج كالو لو شياطين الدنيا شفتها بعيني تقدمت يمهم.
يتبع .