🦋🦋🦋🦋🦋🦋
عند مالك في نفس توقيت الحادث
مالك :زياد ...زيادددددد
معتز :يستحيل يطلع منها
لؤي :بس لازم ندور عليه
ادهم :بس ازاي ..احنا مش في مصر والبوليس الاسباني لو شفنا كلنا هنختفي
مالك :لو خايفين ارجعوا انتوا مصر.. لكن ان مش هرجع من غير
معتز :ازاي يا مالك ده انفجار قنابل .. يعني زمان جسمه بقى حتت ..ضيف علي كده ان الادوار الاخير انهارت يعني مستحيل نلقيه
ادهم :معتز عنده حق ..احنا لو دخلنا مش هنطلع
لؤي :للاسف هما معاهم حق ..مالك ان زيك واكتر ...زياد كان بالنسبالي حاجه كبيره اوي ...بس احنا لو رحنا ...كلنا هنضيع ..خاصتاً ان الشرطه الاسبانيه وصلوا خلاص
مالك :ازاي أسيبه ...طب اقول ايه للؤلؤه لو سألتني عن جوزها ..اقولها ايه
لؤي :هي لازم تعرف الحقيقه
ادهم :يالا يا مالك
ليذهب مالك معهم مسلوب الاراده وهو يعرف انهم علي حق فمن المستحيل ان يجد زياد
🦋🦋🦋🦋🦋🦋
بعد ٦ ساعات ( ٥ ساعات و١٥ دقيقه مده الطائره وساعه الا ربع مده الوصول الي البيت )
في مصر وتحديدا في منزل زين العامري يجتمع الجميع وهم ينتظروا رجوع زياد ومالك
ليرن الجرس
هاله :اكيد هما
لتفتح الباب وهو ترا امامها مالك وكل فريق زين
هاله باستغراب :هو في حاجه يا مالك ...مالك عامل كده ليه وفين زياد
مالك بصوت مختنق :ممكن ندخل نتكلم جوه
ليدخل الجميع ليجدوا زين ولؤلؤة وكارما واحمد ونور وهاله في استقبالهم
زين :فى ايه مالكوا عاملين كده ليه
ادهم :احنا اولا عايزين نقول ان ؟لينظر لاصدقائه )ان المقدم زياد في زمة الله
احمد بعدم استعاب :يعني ايه ..ابني فين
لؤي :المقدم زياد توفي اثناء العمليه
لتتسع عين الجميع
لؤلؤه :انت بتقول ايه )(لتردف بصوت عالي) زياد فين (لتنظر الي اخيها )زياد فين يا مالك (لتردف بصوت متألم )جوزي فين
مالك بصوت مختنق حزين ؛مات يا لؤلؤه واحنا في العمليه
احمد :مات ازاي
معتز :بعد ما جبنا الميكروفيلم اكتشفت ان في في البرج قنابل 💣 ..صراحه احنا كنا هنمشى ...بس المقدم زياد الله يرحمه قال ان يستحيل نسيب الناس ..حتي لو مش شعبنا ولا بلدنا ..وان احنا ضباط ولازم نقوم بواجبنا في اي مكان ..واي وقت ..فطلب مني انا وادهم نجمع القنابل في
اسانسير معين ..وان لؤي يسيطر علي system( النظام )
بتاع البرج علشان يكون من السهل توجيه وتحريك الناس من اماكن القنابل... وكمان علشان نسيطر علي الاسانسير اللي بنحط في القنابل ...وكان مهمه زياد ومالك انهم يفككوا القنابل
مالك :قبل خمس دقائق من الانفجار قولت لزياد ان لازم نمشي ..بس كان في قنابل مضبوطه علي مواعيد مختلف ..مثلا وحد تنفجر بعد ساعه ..التانيه بعدها بثلاث ساعات ...وفي فيهم كان مضبوط علي أيام ...فكان لازم نتاكد ان القنابل كلها تنفجر في نفس الوقت ...زياد امرني اني اسيبه
نور بدموع :وهو اما يقول سبني تقوم تسيبه... تسيب صاحبك
مالك ودموعه تاخد مجراها علي وجهه :واللهي ما كنت عايز اسيب بس هو مشاها رسمي ...وصراحه مكنتش عارف انها هتوصل لكده ..مكنتش متوقع ده
احمد بثبات : ايه اللي حصل بعد كده
مالك :بعد ما خرجه بدقيقتين القنابل انفجرت والادوار الخمسه الاخير انفجروا ووقعوا فوق بعد
نور :يعني افهم من كده انكوا حتي مرجعتوش بجسم ابني
معتز :للاسف معرفناش ...لان زياد من المستحيل استخراج جسمه بعد الانفجار والانهيار
لؤي :لان في المواقف العاديه بيجيبوا جرار يشيل الانقاض ..ويطلع الجثث بس المشكل.. انه برج من 60 دور ..وكل اللى انهار خمسه بس فمعتقدش انهم هيهدوا المبنى
احمد :يعني انا ابني مات ..وكمان مش هعرف ادفنوا
كان حال الجميع حزين ولكن كان حال لؤلؤه مختلف
لؤلؤه بعدم تصديق :زياد ممتش
مالك: لؤلؤه
لؤلؤه :جوزي ممتش... ان حاسه بيه هو ممتش يا مالك ...ارجوك دور عليه... اكيد مش هيموت بعد ما بقي هيبقى عندنا ابن يستحيل يسبني هو قالي انه راجع
مالك وهو يحاول احتضانها :لؤلؤه انا كنت معاه ...وهو يستحيل يخرج من الموقف ده
لؤلؤه باصرار :لا هو ممتش ...لو انت مش هدور علي صاحبك يبقى.. انا اللي هدور عليه
لتبعد يده وهي تسير في اتجاه الباب لتشعر بدوار كبير لتستسلم للظلام لتسقط مغشي عليها
هاله :لؤلؤؤؤؤؤه
ليحملوها الي المشفي
🦋🦋🦋🦋🦋🦋🦋
بعد ساعه من الحادثه
في مكان اخر وتحديد عند عصابة القناع الاسود
الرجل للزعيم: تمام يا معلم كله حصل وفقاً للخطه
ليدخل احد
الشخص :ايه رأيك كل حاجه مشيت زي ما احنا مخططين ..ونفذت الاتفاق بالضبط ...وحاليا زياد بالنسبالهم بياكل رز مع المليكة
الزعيم :لا جدع يا زياد عملت اللي عليك فعلًا ..
زياد :اعتبرني من النهارده تلميذك يا زعيم
الزعيم :هههه ..وافضل. تلميذ يا حضرت المقدم سابقاً.. والشبح حاليا اللي هيكون من أخطر المجرمين في العالم
🦋🦋🦋🦋🦋🦋🦋
في المستشفى
لؤلؤه تفتح عيناها
زين :انتي كويسه يا حبيبتي
لؤلؤه :اه يا بابا
احمد :حاسه بأي حاجه يا لؤلؤه
لؤلؤه :لا انا كويسه (لتضع يدها علي بطنها لتقوم بصوت ضعيف )هو البيبي كويسه
هاله :اه يا حبيبتي..هو كويس متخفيش
مالك :لؤلؤه انا بجد حولت اكون مع زياد... او اقنعه اني افضل معاه بس هو رفض
لؤلؤه بابتسامه: مش محتاج تعتزر ..لان زي ما قولت زياد كويس ...انا حاسه بده وهيرجع في يوم من الايام ..ولحد ده انا هخلي بالي من نفسي ومن أبننا
زين: لؤلؤه
لؤلؤه بمقاطعه :مش عايزه اسمع حاجه تاني في الموضوع.ده
احمد بحزن :يعني مش هتحضري عزاء زياد
لؤلؤه :يا عمي ...زياد ممتش علشان تعملوا عزاء ليه
هاله:: لؤلؤه انتي لاز
بتقاطعها لؤلؤه: ان قولت انه ممتش
زين بمهدنه :خلاص زي ما انتي عايزه ...بس لو زياد فعلاً عايش ومرجعش يبقى ليه سبب ...ممكن يكون بيفكر ازاي يجبلك حقك صح
لؤلؤه :اه
زين ؛يبقى ينفع هو يكون عامل. ده علشان العصابه تفتكروا ميت ...نقوم احنا نكشفه ينفع ..نكون السبب في ان خطط تفشل
لؤلؤه :لا مينفعش
زين :يبقى نحضر العزاء ..أتفقنا
لؤلؤه :أتفقنا
احمد :العزاء هيكون بعد يومين
الكل :تمام ليقول الجميع في سره ربنا يرحمك يا زياد
🦋🦋🦋🦋🦋🦋🦋🦋
عند زياد
واحد من العصابه وكان اسمه جون :اهلا يا شبح احنا هنا بنادي علي بعض بالالقاب محسوبك العبقري ..لكن اسمي الحقيقي جون
زياد :العبقري... ليه العبقري .. طب انا شبح علشان المفروض اني ميت ..انت العبقري ليه
جون :علشان بتكتك الخطط ..وكمان انا من افضل الهكر
زياد :علشان كده اسمك العبقري
جون :انا عايز اعرف انت ازاي هربت من البرج ده
زياد: قدرات بقى يا عبقرينو
ليتذكر زياد ما حدث
فلاش باك
زياد: امشي يا مالك
مالك :خالي بالك من نفسك يا صاحبي ليغادر مالك
ليقوم زياد بإخراج قنبله موصل بها موبيل ليقوم زياد بوضع كاتم الصوت في مسدسه، واطلاق النار علي الزجاج الخاص بالبرج علي شكل دائره ليستطيع الخروج منها ،واخذ خرطوم الاطفاء الموجود ،والقفز من الفتح التي قام بفعلها في الحائط ،ليصل هذا الحبل للطابق٥٢ ،ويقوم بعمل المثل في الزجاج، ليرجع بالحبل ويأرجحه ليقوم بضرب الزجاج برجله حتي يسقط ،ليقفذ في داخل البرج من جديد ليخرج الهاتف بسرعه
زياد :يالا ..يالا (ليمسك الهاتف ويقوم بالاتصال علي الهاتف الاخر )لتنفجر القنابل بعد ان تاكد انه في الطابق الذي قام بتعطيل الكاميرات الخاصه به مسبقاً ليخرج بخفه ومهاره من البرج باكمل ويذهب الي العصابه
نهايه الفلاش بالك
جون :طب انا عايز افهم حاجه انت ليه منزلتش بسرعه عن طريق الاسانسير
زياد :لسببين الاول نفترض ان بعد الانفجار اللي كان باقي عليه دقيقتين الاسانسير عطل هعمل ايه ساعتها ....آو الاسانسير وقع بيه بسبب الانفجار ..اما السبب الثاني ان الدور٥٩/٥٨/٥٧ دول خاصين باحد البنوك ..فيهم بقي ايه ...كاميرات زي ما انت تحب والكاميرات ..دي ..بتعرض اللي بيحصل بث مباشر في مكان تاني ..فلو الكاميرات دي لقطط صورتي ...يبقي كل اللي عملته ضاع
جون: صح ..بس انت خرج ازاي بعد ما وصلت للدور ٥٢
زياد :كانت شايل في مكان من الدور ادوات تنكر علشان اتنكر في شكل ضابط ..ولما الظباط وصلوا ...وبدأوا يعمله شغلهم ..دخلت وسطهم وشويه شويه قدرت اخرج من البرج ..من غير ما حد يعرف ان زياد لسه عايش
جون :لا جدع يا شبح ..بس مراتك مش هتوحشك
زياد: هههههههه ..توحشني انت اهبل يا ابني لؤلؤه دي كانت حتت فروله مستويه وعايزه اللي يقطفها ...فانا كان لازم أذوق منها
جون :بس انا عرفت انها حامل
زياد: ما ده سبب اني وفقت علي عرضكم بسرعه ..علشان اخلع ..هو انا ناقص اقعد مع عيل كل شويه يعيط ويعمل ببيه وقرف (ليردف )يا ابني مش دي الحياة اللي انا عايزها
جون بغمزه :امال انت عايز ايه يا شبح
زياد بضحك : عايز ضحك وفرفشه ..وافضل العب مش تقول مسئولية
جون :عندك حق قال جواز وعيال قال
🦋🦋🦋🦋🦋🦋
في العزاء
في بيت احمد صقر كان يقام عزاء ابنه الوحيد زياد
فستان نور
فستان لؤلؤه
فستان كارما
وكان الرجال يرتدون بدل سوداء اللون
يقف احمد وزين ومالك وهم يأخذون عزاء زياد في المكان المخصص للرجال
اما في المكان المخصص للنساء فكان صوت بكاء وشهقات نور يعلوه فقد فقدت ابنها الوحيد ،وحيدها اما هاله وكارما فكانت دموعهما تنزل بصمت
اما لؤلؤه فكانت تنظر للجميع باستغراب لماذا الجميع حزين وزياد لم يمت كيف هل صدقوا كذبتهم
لتستمع الي احد السيدات تقول لصديقتها
السيده :شوفي البنت جوزها لسه ميت ..وهي ولا هنا لبسه فستان مبين جسمها ازاي
السيده الاخري :دي مش محترمه الميت.. دي حتي مفيش في عيونها دموع ...وقال نور بتقول انهم بيحبوا بعد ..ما هو باين ان البت ما صدقة
السيده ١ :ستات اخر زمن ..فين يا اختي زمان اما الراجل كان يموت كان سعتها محدش بيشوف مراته دي خالص
لتتدخل سيده اخري :ده حقها.. البت لسه صغيره وحلوه ..يعني حقها تعمل اللي هي عاوزاه
لتقول السيده ١ :حقها دي نحس مقعدتش مع الواد اللي كان يفرح ..غير اربع شهور وبعد كده مات يا حبت عين امه
السيده ٣ :نصيبه بقي
السيده ٢ :بس انا عرفة انها حامل يعني حتي لو هتتجوز ..فالبيبي عائق قدمها
السيده ١ :يا بنتي ..هل دي وحده هتفرق معاها عيل ..دي ممكن ترميه في الملجأ ولا تعمل عمليه من اياهم ...وتبقي بنت من تاني وسعتها ولا حد هيعرف حاجه
ليقاطع كلمهم وقوف لؤلؤه امامهم
لؤلؤه بصوت قوي .:برا
السيده ١ :نعم
لؤلؤه :زي ما سمعتي برا ..ومش عايزه اشوف وحده منكم هنا تاني
هاله بسرعه :ايه اللي بتقوليه ده يا لؤلؤه ..اهدي يا بنتي في ايه بس
لؤلؤه باصرار: برا انا عايزاهم يطلعوا برا
لينتبه الجميع
نور :في ايه يا لؤلؤه
لؤلؤه :مفيش بس. ..عايزاهم يطلعوا برا
نور :يعني ايه يطلعوا برا ..فهميني في ايه وانا هقف معاكي
لؤلؤه: لا يا يطلعوا يا هطلع انا
هاله :ايه اللي انتي بتقوليه ده يا لؤلؤه
لؤلؤه بصوت مهزوز قليلاً لكن احتفظ بالقوي بشكل اكثر :بقول رد علي كل كلمه قالوها علي كل كلمهم ..علي عدم احترمهم لحرمة الشخص اللي هما في بيت
ليدخل كل من مالك واحمد وزين بعد ان ذهبت كارما واخبرتهم بما يحدث
أحمد بصوت صارم :في ايه
لؤلؤه وهي تشير للسيدات :اسألهم
احمد :في ايه
السيده ١ :في ان مرات ابنك قليله الادب ..ومش متربيه علشان نكون في بيتها وبنعزيها في جوزها ..وتيجي هي تكلمنا بالشكل ده
زين :في ايه يا لؤلؤه ..اخلصي مينفعش الوقفه دي
لؤلؤه بقوه لم تعرف من اين أتت بيها: في ان ضيوفك المحترمين بيقولوا عليا اني مش محترمه علشان فستاني ...مع ان هما ميعرفوش ان الفستان ده زياد كان هو اللي جابوا ...ضيوفك المحترمين بيشكوا في علاقتي مع جوزي.. واني السبب في موته ..واني نحس عليه ..ضيوفك المحترمين كانوا فضلهم شويه ويدللوا علي مرات ابنك ...هما دول ضيوفك يا احمد بيه، لتذهب لؤلؤه من امام الجميع بسرعه كبيره الي غرفتها التي توجد في بيت احمد صقر والتي هي غرفه زياد السابقه قبل الجواز لتغلق الباب وتبدء دموعها في النزول
لؤلؤه وهي تحدث احد صور زياد :انا عارفه انك عايش انا حاسه بيك ..علشان في حته منك هنا (لتضع يدها علي بطنها )لتردف هخلي بالي منه لحد ما انت تيجي بنفسك وتقولي انك رجعة لينا تاني
لتنهض وتتجه للحمام لتنعم بحمام دافئ وهي غافله عن من يترك الباب حتي تفتح
خارج الغرفه
كارما: مالك تفتكر حصلها حاجه
مالك :انا مش سامع صوتها لياتي كل من احمد ونور وزين وهاله
احمد :لؤلؤه عامله ايه
مالك :مش بترد عليا (لينظر الي والده) بابا ساعدني نكسر الباب
زين :تمام (ليحاولوا كسر الباب )
اما في الداخل كانت لؤلؤه تستمتع بحمامها الدافئ لتخرج وهي ترتدي هذا
لؤلؤه :يالا ننام يا حبيب ماما
لتستمع لؤلؤه لصوت ترك علي الباب لتذهب وتفتحه في نفس الوقت الذي اندفع اخيها ليحاول كسر الباب لتفتحه لؤلؤه ويسقط مالك علي الارض
لؤلؤه باستغراب :مالك انت بتعمل ايه
مالك :اااااا... ايه ده يا شيخه في حد يفتح الباب كده
لؤلؤه :ده علي اساس حضرتك كنت بتعمل ايه
لتدخل هاله وهي تحتضنها: خفت عليكي يا لولو ليكون حصلك حاجه
لؤلؤه :حاجه.. حاجه.زي ايه
مالك :اغمى عليكي مثلا
لؤلؤه؛ يا سلام
كارما :اصلاً انتي كنتي فين يا لؤلؤه
لؤلؤه :كنت باخذ شاور زي ما انتي شيفه
مالك بغمزة :بس مكنتش اعرف ان اختي قمر كده اوي ...ده انا لو مكنتش اخوكي كانت اتجوزتك
لؤلؤه بغرور مصتنع ؛انت تتجوزيني انا ليه مين انت ..وبعدين انا ما يملاش قلبي غير حبيبي وبس
كارما :يا سيدي يا سيدي
زين :خلاص بقي بطلوا شغل العيال ده ليردف بحنان هتنامي يا حبيبتي ولا تيجي تقعدي معانا شويه
لؤلؤه: لا هنام يا بابا ..اصلا النونو عايز ينام
ليحتضنها زين وهو يقبل رأسها :ماشي يا حبيبتي تصبحي علي خير
ليغادر الجميع غرفه لؤلؤه
لؤلؤه بعد ان استلقت علي الفراش في غرفتها الجديده
لؤلؤه وهو تمسك صورت زياد :وحشتني اوي يا حبيبي ..بس انا عارفه انك هترجع
لتسبح في نوم عميق تحلم بحبيبها وزوجها
🦋🦋🦋🦋🦋🦋🦋🦋🦋
في الاسفل
زين :احمد انا كان في حاجه عايز اتكلم فيها معاك
احمد :اتفضل يا زين
زين :انا هاخد لؤلؤه ..بس الاربعين بتاع زياد علشان تقعد معانا
احمد: انا اسف يا زين بس انا هرفض طلبك ..زياد قبل ما يستشهد كان موصيني علي مراته ...فانا لازم احقك وصيت ابني
لتقول نور بدموع :وبعدين دي بنتك فيها حته من ابني اللي اتحرمت منه ...ازاي عايز تخدها دي هي كل اللي فضل من حبيب قلبي
هاله :خلاص يا نور اهدي ..ربنا يصبركوا علي فراقه
نور :يارب
زين :انا كانت بس عايز اريحكوا خصوصاً ان لؤلؤه مش مصدقه انه مات
نور :عايز الحق قلبي وجعني عيها وعلي ابني اوى
زين :كده التعامل هيكون صعب معاها
احمد :خلاص خليك معانا يا زين ..الفيلا كبيره وتسيع من الحبايب الف
زين :مقدرش يا احمد
احمد :وغلاوت لؤلؤه لانت قاعد معانا يا زين
زين :طب ليه كده بس يا احمد ..انا بجد مش هقدر ابعد عن بيتي
احمد :يا صاحبي مش بنتك بس اللى محتجلك ...انا كمان محتجلك انا ظهري انكسر يا زين ابني الوحيد مات.. انا مش عارف اعمل ايه (ليردف بدموع اب حزين )ربنا يرحمك يا ضنايا
زين بحزن وهو يحتضنه :خلاص يا احمد وحد الله
احمد: لا اله الا الله
زين :انا هفضل معاك يا صاحبي ..وبعدين فين ظهرك ده اللي انكسر ما انت عندك البيبي اللى لؤلؤه حامل فيه ...هيكون معاك وتقدر تتسند عليه
احمد :ربنا يخليه ويوصل بالسلامه
زين :باذن الله كل حاجه هتكون جميله ...ده عوض ربنا بيكون جميل جداً
احمد :ونعمه بالله
🦋🦋🦋🦋🦋🦋🦋🦋
عند عصابه القناع الاسود
الزعيم :انت يا زياد شغلك هيقف سنه لحد ما الناس تنساك ..وبعد كده هيبدء شغلك تمام
زياد: تمام يا زعيم
🦋🦋🦋🦋🦋🦋
بعد مرور شهرين
&الاحوال كما هي لؤلؤه في شهرها الخامس
&وزياد لا يزال مع العصابه ..ويساعدهم ببعض الافكار
&ياسين و اريان مع اسد يعلمهم كل شي
&و ياسين يعلم اريان كل شئ عن التكنولوجيا ،والاختراعات والمواد الكيميائية ،وكيف يكون هكر بارع
&لوسي لا تزال حزينا علي حب طفولتها
&روبا لا تزال تعطي معلومات خاطئة للمنظمه
&ورد و اسر تقربا كثيرا من بعضهم
&الكونتيسة وماجد جولد لا يزالوا يبحثون عن ياسين و اريان
&لينا تتعمق اكثر في المنظمه
🦋🦋🦋🦋🦋🦋
في مصر. وتحديدا في منزل احمد صقر
نور :جاهزه يا لؤلؤه
لؤلؤه :اه جاهزه
هدوم لؤلؤه
نور بتنهيدة :يالا
ليذهبوا لعياده الطبيب
في المشفي
تجلس كل من لؤلؤه وهاله ونور ينتظرون دور لؤلؤه
نور :لؤلؤه احنا هنروح بعد الكشف المول هنشتري كام حاجه ليكي وللبيبي
لؤلؤه :حاضر
لتنادي الممرضه :حرم المقدم زياد صقر
هاله :اه احنا ليقوموا ويدخلوا للطبيبه
الدكتوره بابتسامه :اهلا بيكوا اتفضلي يا مدام لؤلؤه
لتجلس لؤلؤه
لؤلؤه :شكرا
الدكتوره :النهارده ميعاد اننا نشوف نوع الجنين
هاله :بالضبط
الدكتور :تمام اتفضلي يا مدام لؤلؤه
لتستريح لؤلؤه علي الفراش لتقوم الطبيبه بوضع جهاز السونار علي بطنها وتحريكه عليها
الدكتوره بابتسامه :تمام اتفضلي امسحي الجل
لتذهب الدكتوره الي مكتبها مجددا
الدكتوره :قوليلي يا مدام لؤلؤه انتي كنتي عايزه ولد ولا بنت
لؤلؤه: انا وزياد من يوم ما عرفت اني حامل ..واحنا فكرينه ولد ...وصراحه انا عايزاه ولد علشان يكون زي باباه
الدكتوره :طب قولي الحمد لله لربنا علشان هو فعلاً كريم ...وهيكرمك ببنوتين وولد
نور :يعني هي حامل في ثلاث توائم
الدكتوره: بالضبط كده الف مبروك
لؤلؤه وهي تزيد من احتضان بطنها ::الله يبارك فيكي
ليشكروا الطبيبه ويغادروا المشفى الى المول
نور :بصي يا لؤلؤه الهدوم اللي هنجبها ليكي هتكون وسعه علشان بطنك ..وطويله تمام
لؤلؤه :تمام
لتبدأ في اختيار الملابس ولكن ما لاحظته ان جميع الملابس التي تعرضها عليها والدتها وأم زوجها ملابس بالوان غامقه
لؤلؤه: انا عايزه افهم ..انتوا ليه عايزني البس الوان داكنا
نور :لا احنا بس كل الموديلات الحلوه اللي بتعجبنا لونا غامق
لؤلؤه :ازاي ..والمفروض البنت الرفيعه تلبس الوان فتحه علشان اعمل تشتت في الرأيه ومتفصلش جسمها علشان تظهر افضل ..والبنت السمينة تلبس الوان داكنا علشان تبان ارفع ..انا مش سمينه ..انا رفيعه بطني بس اللى بينه ..وانا عايزه اظهر حاملي مش ادريه
هاله بمهدنا :خلاص يا حبيبتي زي ما انتي عايزه اختاري انتي هدومك ..وانا هختار هدوم البيبي
نور بحب وهي تمسك ملابس اطفال للصبيان :انا عايزه اشتري كل هدوم الولد
هاله :برحتك يا حبيبتي ..اختاري كل اللي انتي عايزاه
نور وهي تختار :هيكون احله بيبي في العالم كله
لتشتري هذه الملابس
🦋🦋🦋🦋🦋🦋🦋🦋
بعد مرور اربع اشهر في عصابه القناع الاسود
الزعيم :في شحنة اعضاء عايزين نسلمها للي طلبنها ..بس الدول كلها شده حالها ..في افكار ندخلها بيها
احد الرجال :احنا ممكن ندخل مثلا شحنت لحوم ونحط مع اللحوم دي الاعضاء ..وسعتها محدث هيفرق مبين اعضاء الحيوان والانسان
زياد بسخريه: يا سلام ...والنبي تسكت انت كده هتحبسنا
العبقري :فعلا زياد معاه حق ..لان كل اللحوم اللى بتخش اي بلد بيكون في طاقم طبي بيكشف عليها ...واكيد هيفرقوا بين اعضاء الحيوان ..والانسان يا غبي
الزعيم :طب ما تفكروا في حل كده
زياد :عندي حل ...بس لازم يكون لينا حد كويس في شركه صناعه الاثاثات للمنازل
الزعيم :ليه
زياد :في حالياً icebox تسمح اننا نحط فيها اعضاء ..من غير ما تبوظ ..احنا في الاثاثات دي كنب بقى كراسي 💺 هانحط مع حشوتهم. ال icebox اللي هيكون في الاعضاء
الزعيم :مش فاهم
زياد :يعني مثلاً احنا عندنا كنبه ..المفروض دي هنحشيها اسفنج مثلا وبطاقات كتيره ...هنحط بقي بين طبقات الاسفنج الاعضاء دي
الزعيم :تصدق فكره
زياد :بس الفكره دي مش هتكمل من غير شركه صناعه اثاثات معروفه ..او علي الاقل ليها اسم ولو صغير خالص
الزعيم :انا عارف هعمل ايه ...هضبط الموضوع ليردف بس جدع يا زياد... شفت بقى اني كان معايا حق لمًا فكرت اضمك للاسره بتاعتي ههههه
زياد :اكيد يا ريس
العبقري :طبعاً يا ابني ..احنا هنا أسره مع بعضينا
🦋🦋🦋🦋🦋🦋
في مصر في الساعه ١ بعد منتصف الليل
في غرفه لؤلؤه كانت تتالم وهي تشعر بالطلق
لؤلؤه :خلاص والنبي يا حبايب ماما.. مش كل يوم تتعبوني كده
ليزداد الالم عليها
لؤلؤه :اااا لا كده كتير( لتحاول النهوض لطلب المساعده ولكن صدمت حين رأت الفراش كله دم 🩸 )
لؤلؤه: ايه ده ..لا لا اكيد هما مش هيحصلهم حاجه لتطلق صرحه مدويه :ااااااااااا
ليستيقظ كل من في البيت
هاله وهي تدخل الغرفه بسرعه
لتري لؤلؤه علي الارض والارض كلها دم لتصرخ باسم ابنتها وزوجها
هاله : للللللللؤلؤه ...يا زينننننن الحقني يا زين
ليدخل زين
زين :في ايه ..ايه اللي حصلها
هاله بدموع :بتولد ده الدم نزل ...لازم نلحقها بسرعه
ليتجه زين وهو يمسك بغطاء السرير ليلف به ابنته
زين :انا هخدها علي المستشفي وانتي هاتي هدوم ليها وللاطفال ——-ليضعها زين في السياره ويركب احمد بجانبه ونور في الخلف وهي تضع رأس لؤلؤه علي قدمها
نور :بسرعه شويه يا زين ..قبل ما الميه تنشف
ليسرع زين في القياده واحمد بجانبه يخبر المشفي بحاله لؤلؤه ليصل الجميع الي المشفي وياخذوا لؤلؤه بسرعه الي غرفه العمليات ليلحق بهم كل من مالك وكارما وهاله بعد ان احضروا الملابس
في داخل الغرفه
الدكتور :احنا لازم نولدها قيصري
ليقوم بفتح بطنها وتوليدها
الجميع في الخارج يشعرون بالخوف الشديد
اما عن لؤلؤه فكانت تحلم بحلم جميل
لؤلؤه وهي تسير في حديقه جميله
لؤلؤه :الله جميله اوي
زياد :انتي اللي جميله
لتنظر لؤلؤه له :كنت عارف انك معايا دائمآ
زياد :انا دائما هنا ليشير لقلبها
لؤلؤه بفرحه :اطفالنا خلاص هيوصلوا الحياه يا زياد
زياد :عارف يا قلبي ..عارفه انا عايز اسميهم ايه ؟
لؤلؤه :ايه يا حبيبي
زياد :عايز اسمي ليليان ..علشان انا واثق ان بنتي منك هتكون فعلا ليليان هتكون اسم علي مسمى..هتكون فعلا زهره زنبق من الوادي تتسم بالنعومه ...وعايز ابني يكون اسمه اسر علشان هو كمان هيكون اسم علي مسمى ..هيكون عنده قوي شديده يقدر منها انه ينتصر علي كل أعدائه ...وعايز بنتي التانيه يكون اسمها يارا عرفه ليه ؟
لؤلؤه :ليه ؟
زياد :لان يارا ترمز للإنسانة الجميلة الطاهرة المحبة الخجولة المطيعة العنيدة والقوية.. وبالتركية تعني الجرح ...وبالروسية تعني الثلج ..وبالفارسية تعني القوة والجرأة والشجاعة ..وبالأفغانية تعني الصديق، وباليونانية واللاتينية القديمة تعني الربيع وكذلك بالسلفاكية، أما بالسنسكريتية فتعني الضوء الساطع، وبالماليزية تعني أشعة الشمس وزهرة الربيع، وفي البرازيلية تعني سيدة المياه. ..هما دول عيالي للى عايزهم ..واللي يتمناهم وبتمني انهم كلهم يكونوا ..اسم علي مسمى
لؤلؤه :اوعدك اني هحاول بقدر الامكان يكونوا زي ما احنا عايزين
ليغادر زياد خيالها لتستفيق لؤلؤه لتجد نفسها في غرفه مستشفى
لؤلؤه :هو ايه اللي حصل
هاله :الف حمدلله علي السلامه يا قلب ماما
لؤلؤه وهى تضع يدها علي بطنها :ولادي
نور :بخير يا حبيبتي متخفيش
لؤلؤه :هما فين انا عايزه اشوفهم
زين :في الحضانه يا حبيبتي
لؤلؤه بقلق :ليه هو في حد فيهم عنده حاجه
هاله :لا يا حبيبتي بس دول ثلاث اطفال فلازم يتاكدوا انهم كويسين ..بعد ما يتاكدوا هيجيبوهم هنا
لؤلؤه :طب والنبي يا بابا عايزه اشوفهم
ليدخل الطبيب وهو يحمل احدا بنات لؤلؤه ومعه الطبيبه التي كانت تتابع معها لؤلؤه وممرضتان يحملان التوأم الاخر
الدكتوره: عامله ايه يا لؤلؤه
لؤلؤه :كويسه بس هى دي بنتي ..لتنظر للاطفال الاخرين هما دول عيالي
الدكتوره :اه
لؤلؤه :عايزاها عايزا اخدها في حضني ..عايزاها معايا هنا
الدكتوره :حاضر يا لؤلؤه الواد والبنت هيكونوا معاكي ..بس للاسف البنت التانيه اللي دكتور وليد شيلها للاسف عندها عيب خلقي في القلب
لؤلؤه بصدمه ودموع تهدد بالنزول :انتي بتقولي ايه
الدكتوره :لا ..لا متخفيش هو عيب بسيط جدا.. هي بس هتفضل في الحضانه هنا وبعد شهر هنعملها عمليه ..وهتكون كويسه بس في حياتي هيكون اي عامله نفسي سيئ او اي اجهاد غلط عليها
زين :طب يا دكتوره انتي جبتيها ليه
الدكتوره :علشان ولدتها تحضنها وتاكلها
لتنظر للؤلؤة :وجودك جنبها وانها تحس بيكي هيكون عامل كبير ليها
لؤلؤه: طب هاتي ارضعها ..(ليخرج جميع الرجل من الغرفه لتنظر لؤلؤه الي طفلتها الصغيره التي كانت تمتلك شعر اصفر واعين زرقاء جميله لتقوم باطعامها بكل حب )
لؤلؤه ؛انتي هيكون اسمك ليليان علشان انتي جميله جداً ..وناعمه يا لي لي (لتضحك )ايه رايك بقي يا ست ليليان في الاسم ده لتسترخي ملامح الصغيره
لؤلؤه :عجبك يا قلبي
لتقترب نور. طب والطفلين التنين عايزه تسميهم ايه
لؤلؤه :زياد هو اللي سماهم سمى الولد اسر والبنت التانيه يارا ودي ليليان
هاله باستغراب :هو زياد اختار معاكي اسماء اطفالكم في المستقبل قبل ما يموت
لؤلؤه بغضب :ماما انا قولت ان زياد ممتش ..صح يا طنط انتي حاسه بيه
نور بمهدنا :صح يا روح طنط ..سيبك بقي من كل الكلام ده ..وخلي بالك من العيال
لؤلؤه :اكيد هطلعهم زي ما زياد قالي ..هيكون اسر قوي ويارا عنيده وصعبه ..وفي نفس الوقت كل حاجه حلوه ..وهتكون ليليان اجمل و أناعم بنت في العالم
🦋🦋🦋🦋🦋🦋🦋🦋🦋
فى حفل المغنيه انجلينا
كانت تغني بصوتها الغذب الجميل لتنطلق المئثرات الدخانية ليحل بعد ابتعاد الدخان صوت صرخه مدويه داله علي موت احد ليحقق رجال الشرطه في الامر ،فقد مات احد رجال المخابرات الهولندية ،ليبحث رجال الشرطه عن المجرم ولكن لم يجدوه ،لتأييد القضيه ضد مجهول
لتزداد شهرت انجلينا اكثر فاكثر بسبب هذه الجريمه
🦋🦋🦋🦋🦋🦋🦋🦋
في مكان مظلم يدخل شخص ما علي فتاه تبلغ من العمر ٥٥ عام
روم :الم تساعدينا
الفتاه :ابدا قلت لكم قبل ١٠ سنوات لن اساعدكم ابدا
روم :ولكن ابنك تحت قبضتنا
الفتاه بسخريه :لو كان هنا.. لما احتجتي لي ...وما كنتي امامي تساوميني ابدا
روم :ستنتجين هذا الوقود
الفتاه :في احلامك لم يعد لي شئ حتي اخسره
روم :سنراه
لتخرج روم وهي غاضبه جداً
الفتاه :حقاً لم يعد لي شيئ حتي اخسره ))لتنظر بشرود الي الاشياء الموجودة امامها
الفتاه :يستحيل اساعدهم يدمروا العالم اكتر ما هما عاملين
🦋🦋🦋🦋🦋🦋🦋🦋🦋
في مكان اخر صوت انفجار مدوي يعلن عن كارثه علي العالم كله ،لتتحدث كل وسائل الاعلام عن هذا الانفجار
🦋🦋🦋🦋🦋🦋🦋🦋🦋🦋🦋
نهايه البارت
ايه هو الانفجار ؟
وهل هناك سبب وراء الجريمه التي حدثه في حفل انجلينا ؟
ومتي هيظهرزياد علي الساحه تاني ؟
و مين البنت دي اللي محبوسه تحت رحمه المنظمه ؟
و ايه هيكون مصير ليليان هل هتموت ولا في رأي تاني ؟
انتظروني البارت اللي جي لاحداث شيقه
انا عارف ان البارت ده بارت عادي ..وانه مفهوش شغل كتير ..ولا اكشن كتير بس البارت ده كان لازم ينزل علشان في نقط كان لازم توضح
🤗🤗🤗🤗🤗سلام يا قمرات اشوفكوا البارت اللي جي