صلوا على من احبكم دون رؤياكم💛🍂
------------------------------------------------------
مرت الايام وتحسنت حالة ترتيل الصحيه واليوم هو موعد خروجهاا من المشفي كانت ترتب اغراضها وتفكر اين هو لم يأت لزيارتها ولو لمره منذ اخر زياره تركها هكذا لا تعلم اهي ظالمه ام مظلومه كيف قتلت اختها لم تعد تفقه شئ شخص واحد يعرف الحقيقه وهذا الشخص تحت يد الياسين الان افاقت من شرودها علي صوت ابيها يدخل من باب الغرفه....
_ايه يا بنات جاهزين
ملك بإيماءه بسيطه: ايوه يا بابا كله تمام
حسن ببتسامه: طب يلا بيناا
انهوا ترتيب اغراضهم ونزلوا للاسفل حيث سيارة إياد ركبوو السيارة وانطلقوا عاائدين إلي المنزل وترتيل شارده طوال الطريق
فالمنزل كان الجميع ف انتظارهاا رحب بها الجميع وفرحوا بعودتهاا سالمه
سميه بحنان وهي تربت علي كتف ابنتهاا :ادخلي ارتاحي انتي ي بنتي علي ماحضرلكوا لقمه تاكلوهاا
سمااا بمرح وهي تأخذ سميه من يدها :لا ي سوسو انتي هاتقعدي هنا كده زي الشاطره واناا هعملكوا وليمه دا انهارده عيد ي جدعان ولازم تاكلوا من ايدي
سميه بمرح: طب احناا متعودين وعندناا مناعه من أكلك الناس دي ذنبهاا ايه ولا البت الغلبانه اللي ليه راجعه مالمستشفي دي
سما بزعل مصطنع :أخص عليكي ي سوسو دايما كاسره نفسي كدهون وكسفاني قدام الاجانب.... ثم قالت بفخر :دانا بعمل أكل الشيف حسن نفسه بتكاته وحركاته ميعرفش يعملوا
إياد بسخريه :والشيف سماا بجلالة قدرها هتأكلنا ايه انهارده
اجابت ملك بمرح : هوو في غيرهاا بطاطس مقليه بتنجان مقلي رغفين عيش وتحمد ربناا لوو متحرقوش
سماا وهي تتجه نحو المطبخ :أناا مش هرد عليكي اناا هسيب أكلي يرد بالنيابه عني
ضحك الجميع علي مرحها المعتاد حتي تلك الشارده نسيت او لنقل تناست همهاا واندمجت معهم بالحديث
انهت سماا تحضير الطعام وتناوله الجميع في جو أسري يسوده المحبه والاولفه وسط مرح سماا وسخرية اياد منهاا وهدوء ملك المعتاد وشرود ترتيل وفرحة البقيه بعودة السلام والهدوء مره أخري والفرحه الكبري بعودة الاطفال الذين اضافوا للمنزل فرحة وحياه
______________________________________
#في مكان آخر#
-ها ايه آخر الاخبار
=كله تمام وكل حاجه ماشيه زي ماحناا عاوزين بالظبط بس موت فارس اللي ماكنش فالحسبان
-فارس لو كان صبر شوية كان مات مقتول
=ازاي يعني هما مستحيل كانوا يقتلوه دا بالنسبالهم الورقة الرابحة
-ماتشغليش بالك انت
=طب ومازن مش ف حساباتك !.
-لا اللي زي مازن دا ميتخافش منه هوو مفكرر ان هوو وفارس الكبار والباقي شغالين عندهم وطبعاا فارس مقلوش اصلا
=طب مش ناوي تخرجه مالسجن
- واخرجه ليه سيبه شويه عشان يتعلم عليه هو كده كده مش هيتعدم وكبيره ياخد كام سنه وخلاص وهو ملهوش اي لازمه فشغلنا دا كان مجرد أداه فارس اللي بيحركهاا
=اياً كان بردوو بس...
قاطعه الاخر بغضب :مفيش بس أناا هنا اللي أقرر وأقول ايه اللي يحصل وايه اللي ميحصلش وكلامي يتنفذ بدوون نقااش
_أوامرك ياباشا
______________________________________
_هتفضل تعاقبها كده لحد أمتي
=أعاقب مين واعاقبها علي ايه
_ياسين بطل برودك دا ليه مقولتلهاااش لحد دلوقت وسايبهاا كده
ياسين ببرود :عادي يعني مش حوار
آسر بانفعال :حرام عليك ي ياسين هو ايه اللي مش حوار
ياسين بلا مبالاه :انت شاغل بالك ليه متفكك مالحوار دا خالص
آسرر بغضب :لا مش هافكني مالحوار عشان اللي بتعمله دا غلط ي ياسين عاوز تعاقبهاا عاقبهاا بأي حاجه إلا دي
ياسيين :وانا هعاقبها ليه يعني هي عملت ايه عشان اعاقبهاا عليه
آسر :اناا وانت فاهمين كويس انت بتعمل كل دا ليه مش محتاج اوضح....ثم أكمل بحزن :بس انت كده بتموتهاا بالبطيئ مش بتعاقبهاا اسأل مجرب
وضع يده علي كتف صديقه :أنسى ي صاحبي انت مالكش ذنب فاللي حصل دا قدرر مش هتفضل مشيل نفسك ذنب حاجه مش بإيدك
آسرر : عشان كده بقولك متفضلش مشيلهاا الذنب ماحدش حاسس بالنار اللي جواهاا دلوقت غيري
ياسين :وانت فاكرر لو قولتلهاا هترتحاح بالعكس هتتعب اكترر وهتفضل مشيله نفسهاا الذنب
آسر :عالاقل هتعرف ان دا غباء منه وانها ملهاش علاقه بالموضوع
ياسين وهو يلملم أشياءه :قوم بس نمشي ويبقي يحلهاا ألف حلال...... قاطعه طرقات علي الباب
ياسين :ادخل
العسكري بعد ان أدي التحيه :في واحده عايزه حضرتك بره ي فندم اسمها ترتيل حسن
رد آسر بسرعه : دخلهاا دخلهاا...ثم وجه حديثه لياسين :لو مقولتلهااش هقولهاا اناا
دخلت ترتيل بعد ان سمعت اذن الدخول
ترتيل لآسر :ازي حضرتك ي سيادة الرائد
آسر :الله يسلمك ي أنسه ترتيل عامله ايه دلوقت
ترتيل بهدوء :الحمدلله أحسن بكتير شكرا بجد لحضرتك تعبت معانا الفتره اللي فاتت دي
آسر :عيب لما تقولي كده داحنا أهل وبعدين وحياة ابوكي بلاش حضرتك وحالظابط وسيادة الرائد والجو اللي يخنق داا
ترتيل باستغراب :اوماال اقول لحضرتك ايه
آسر بمرح وهو يلوح بيديه :تاني هتقولي حضرتك
ثم أضاف بخبث عندماا رأي ملامح وجه ياسين المنفعله :قوليلي ي آسر ي آسور ي سووو اللي يعجبك وانا اقولك ي توتاا
ضحكت ترتيل علي طريقته ولكنهاا قطعت ضحكتها فور سماعهاا صوته الغاضب والساخر ف آن واحد
:تحبو افضيلكوا المكتب واطلبلكوا اتنين لمون ولا فالمكتب ليه تحبوا اوديكوا النيل تتمشوا عالكورنيش
آسر بمرح : ياريت والله بدل الجو اللي يخنق دا وبالمره البت الغلبانه اللي لسه خارجه مالمستشفي دي تغير جوو
تجاهله ياسين ووجه حديثه لترتيل :انتي ايه اللي جايبك هنااا وبعدين اصلا ازاي تخرجي مالبيت وانتي لسه طالعه مالمستشفي انهارده
ترتيل بعبوث :أولا متزعقش كده ثانياا انا مش جايه لحضرتك انا جايه اشوف دكتور مازن
ثانيه ثانيتان ثلاثه.....مال آسر علي أذنه :اهدى اهدى مقلتش حاجه هي لكل دااا
زفرر بغضب ومسح علي وجهه علي سبيل التهدئه :وعاوزه ايه سيادتك من سي زفت
ترتيل :علي فكره مينفعش كده دا مش اسلوب وانت عارف كويس انا عاوزه ايه وبعدين مانت لو سألته مالاول وقولتلي ماكنش زماني هناا ولا تسأله ليه مانت اكيد عارف
ياسين بهدوء مصطنع :المفاتيح اهيه اسبقيني بره عالعربيه
ترتيل :أولا انا معايا تاكسي ثانياا انا مش همشي قبل ما اشوف مازن
ياسين بانفعاال :اظن كلامي واضح ومبحبش اعيده مرتين
خافت من نبرته فسحبت مفاتيح السياره بغضب وفعلت ما امرهاا به
آسر بعد خروجهاا :براحه عليها ي ياسين وحاول تفهمها بهدوء ان دا مش ذنبهاا وبلاش عصبيتك دي عشان هتوديك لطريق انت مش حابه....يلا عشان متتأخرش عليهاا
خرج لهااا ياسين وقف قليلا أمام السيارة يلملم شتات نفسه ركب الي جوارهاا وانطلق في صمت....
مررت الدقائق والصمت يسود المكان وأخيراا قرر ياسين قطع هذا الصمت عندما قال :انتي ازاي تخرجي مالبيت بحالتك دي انتي لسه طالعه مالمستشفي وعامله عمليه خطيره يعني اققله خالص محتاجه اسبوعين تلاته راحه
ترتيل بسخريه : والله كويس انك لسه فاكر اني كنت فالمستشفي
تجاهل سخريتهاا وأكمل طريقه قطع الصمت مره اخري رنين هاتفهاا نظرت فالهالتف وتجاهلت الرنين حتي توقف اعاد المتصل الرنين مره أخري ولكن هذه المره سحب ياسين الهاتف منهاا واجاب علي المتصل يعلم جيدا انها لن تجيب
=ألووو ايوه ي بنتي انتي فيين وازاي تخرجي ف حالتك دي وكمان من غيير ماتقوليلي طب حصلك حاجه انتي كويسه ردي علياا و..
قاطعه ياسين : اهدي ي خالي ترتيل كويسه هي معايا واحنا جاين فالطريق
حسن :يااسين!..انتو فين ي بني وهي معاك بتعمل ايه
ياسين :لما نوصل هفهمك كل حاجه ماتقلقش
حسن ببعض الهدووء :خلاص ي ابني متتأخروش
ياسين :حااضر مع السلاَمه
أغلق الهاتف ونظر الي تلك الجالسه ف هدووء : وكمان خارجه من غير ماتعرفيهم
ترتيل :مانا لو كنت قولتلهم مكنوش هيرضوا يخرجوني
ياسين :وطبعاا سيادتك تنفذي اللي ف دماغك واللي ف البيت دوول يولعوا بجااز
ترتيل :ماتزعقش عشان انت السبب
ياسين بغضب وهو يضغك علي مكابح السياره للتتوقف فجأه ارتدت علي اثرها ترتيل للأمام :لا مش انا عارفه مين السبب تصرفاتك الغبيه هي السبب اصرارك انك تنفذي اللي ف دماغك هوو السبب عنادك بيئذي اللي حواليكي اصريتي تروحي لاياد المطار وبالصدفه ترنيم كانت هناك بتودع صاحبتها اللي مسافره ولأن فارس بيشك ف خياله راحه وراها من غير ما تعرف ودخل ع مشهد مراته وهي بتحضن واحد غريب وكمان ركبت معاه العربيه ومشيوا الدمع على ف عروقه وزود شكه انها بقالها اسبوع بتحايل عليه عشان تروح لصاحبتها المطار رجع البيت واستني رجوعها ومانتظرش منها اي تبرير فلحظه خلص عليها وافتكر بعدها ان ليها توأم وعرف ان انتي اللي كنتي مع إياد وبقيتي ف نظره انتي السبب ف موت مراته... مره تانيه فضلتي مصره انك تخرجوا وملك عملت حادثه وكان ممكن تروح فيها....روحتي بغبائك اتجوزتي واحد متعرفهوش وصدقتي كدبه سخيفه عملهاا اذيتي نفسك واذيتي كل اللي حواليكي وانااا اولهم اناا كنت اكترر واحد بتعذب وانااا شايفك مع واحد تاني لا وكمان بيئذيكي واناا متكتف ومش عارف اتصرف....عرفتي ميين السبب انتي لوحدك السبب وماحدش غيرك
_لم تجب عليه وبما ستجيب فقط دموعهاا تسقط ف صمت لا تعرف ماذا تفعل اهي حقاا مؤذيه إلي هذا الحد لقد دمرت من حولها بأفعالهاا تسببت ف قتل اختهاا وتوأم روحهااا وكان من الممكن ان تموت الاخري لولا ستر الله تسببت له بالجراح والعذاب لا يشعر احدكم بألمهاا الان هي تتعذب أشد انواع العذاب يالله ماااهذاا العقااب لا اسطتيع التحمل لا تقلق ياسين لقد انتقم الله لك لقد تحطمت أشعرر الان بألم العالم كله يجتاح صدري
كان ياسين يتابعهاا في صمت بعد ان ادار محرك السياره وجدهاا هادئه تنظر أمامها في شرود دموعها ترسم خطوط علي خدهاا لم يتوقع هذا الصمت توقع ثورانهاا توقع ان تبرر كل هذاا ولكن ماذا ستبرر تلقي اليها كل هذه الاتهامات وتنتظر التبرير ندم نعم لنقل هو الآن ف غاية الندم ع ما تفوه به
وصلت السياره أسفل البنايه نزلت ترتيل ومازالت تتحلي بالصمت وصعدت الي الاعلي كان والدهاا ف انتظارهاا
حسن بلهفه :كده ي بنتي كنتي فين كل داا وتخرجي وتسبينا هنموت مالقلق كده
لم تجيبه بل لم تسمعه من الاساس دخلت غرفتهاا وأغلقت الباب خلفهاا تعجب الجميع من حالتها هذه وكان حسن سيهاتف ياسين ولكن وجده امامه
حسن :في ايه ي بني اناا مش فاهم حاجه ترتيل مالهاا ومبتردش علياا ليه
ياسين وهو يشعر بالألم بداخله لماا سببه لهاا من حزن ولكن تحدث بثبات :مافيش ي خالي مانت عارف انهاا لسه تعبانه
حسن بشك :طب كانت فين
ياسين :كانت عندي فالقسم وقبل ماتسأل ليه كانت عاوزه إجابه للسؤال اللي سألتهولي أخر مره فالمستشفي
حسن :وانا مش هسألك عالاجابه عشان اناا متأكد انهاا ملاهاش علاقه بالموضوع
ياسين :وهي دي الحقيقه فعلا
حسن بهدوء : ايه اللي حصل دلوقت بنتي وانا عارفها كويس اللي هي فيه دا مش مالتعب
تنهد ياسين: ممكن ندخل نتكلم جوا....
حسن : ها ادينا جوا سامعك
ياسين بهدوء قص له ماحدث بالتفصيل هو لم يعتاد ان ينكر خطأه أمام حسن الذي كان دائما له الصديق والوالدج قبل أن يكون الخال
لم ينتظر حسن إنهاء الحديث وقام بصفعه ع وجهه بقوه وتحدث بإنفعال :
دا لأنك جرحتها بكلامك وقسيت عليهاا وخصوصا انا وانت فاهمين اللي حصل كويس قسوتك دي اخرتها هتبقي صعبه وهتندم ع اللي بتعمله دا كله انا مش هضغط عليك عشان عارف كويس ايه اللي بيدور ف دماغك دلوقت ومش هاعتبك هاسيبك لنفسك
ظل علي صمته طويلا فقط يضغط يديه بعصبيه لن يعاتبه او يلومه فهو توقع حدوث ذلك
انقضي اليوم سريعاا ترتيل لم تخرج من غرفتهاا ولا تتحدث مع احد وكذلك لم يضغط عليها والدها وتركها حتي تهدأ واخبارهم انها مريضه وحاجه لبعض الراحه
،سماا لم تذهب الي الشركه وظلت قلقه علي رفيقت دربهاا، تحاول الاتصال بهاا ولكن ما من مجيب، ملك انشغلت بالاطفال ولكنها حزينه علي حال اختها، اسرر ظل يفكر بملك وكيف سيقابلها مره اخري وكيف سيتقدم لهاا، إيااد انشغل بالشركه كثيرا لتراكم العمل عليه في الاونه الاخيره.
-----------------------------------------------------------
عند ياسين
ذهب إلى شقته أراد أن يجلس وحيدا ولم يتحدث مع احد ظل يؤنب نفسه طوال الوقت شعر وكأنه فعل اكبر الجرائم عندماا رأي دموعهاا،
سمع رنين هاتفه فزفر بضيق وهو يجيب
-ايه ي زفت
=ي عم نفسي تحترمني مره واحده انا ظابط وليا هيبة بردوو
-آسرر لو ماقولتش عايز ايه هقفل انا مش ناقصك
=وعلى ايه ياعم انا بس كنت بشوفك هتجهز امتي عشان اكلم الرجاله قدمنا سفر المفروض نكون هناك قبل صلاة الفجر
-تمام نص واكون عندك
أغلق الهاتف واستعد للذهاب للمهمه
بعد نصف ساعه كان ياسين ينتظر آسر أمام منزله
ياسين بسخريه :بقالك ساعتين بترن عليا وفالاخر اجي القاك لسه ماجهزتش
آسر وهو يعدل من ملابسه : مش لازم ابقي جان كده وجنتل وانا رايح المهمه
ياسين :جان وجنتل حد قالك اننا رايحين نشقط يابابا احنا طالعين مهمه رايحين نوقف عملية تفجيرر ياعالم هنلحق ولا هنموت هناك
آسرر :اطلع ي عم اطلع ماتفولش ف وشي انا لسه مادخلتش دنيا
انطلق ياسين بالسياره بنفاذ صبرر من هذا المعتوه الجالس لجواره
وبعد مرور ساعتين ف الطريق وصلوا للمكان المنشود
بعد تجمع افراد القوه بالكامل وبعد الترحيبات بدأ بشرح سريعا الخطه...
_احنا الخطه بتاعتنا مقسومه لجزئين الجزء الأول هيكون فالعلن والجزء التاني ودا الأهم هيكون بسريه تامه بس قبل مانقول الخطه بتاعتنا لازم اقولكم تفاصيل خطتهم
العمليه عباره عن انهم هيفجروا مدرسة(.......) ف في احتمالين الاول انهم هيزرعوا المتفجرات ف طفل صغير مالاطفال اللي موجوده بالمدرسه او حد هيتنكر انه من أهالي الطلاب واحنا لازم نكون عاملين حسابنا ع كل الاحتمالات
انا وآسر ومجموعه من العساكر هنتولي المهمه دي وهنحاول نوقف عملية التفجير قبل ما تحصل وهنا هايجي دول وسائل الإعلام والرأي العام واللي هيبقوا مهتمين بالخبر جدا وطبعا كل العيون ف البلد هتبقي عالتفجيرات اللي بتحصل ومش هيبقي شاغلهم غيها ودا اللي هما عاوزين يوصلولوا عشان يقدروا ينفذوا الجزء الأهم ف العمليه وهو انهم يدخلوا بسفينه محمله بشحنة أسلحه ومتفجرات قادره انها تنسف بلد كامله
خطتنا احنا هتبقي ماشيه ازاي بقاا الجزء الأول مالخطه اننا هنفذلهم اللي هما عاوزينه هما عارفين ان احنا واصلنا اخبار بالتفجيرات لان ببساطه هما اللي موصالينهالنا لكن ميعرفوش اننا عارفين تفاصيل العمليه كامله ف لازم نبينلهم بقد الإمكان اننا مشغولين بوقف التفجيرات
الجزء التاني مالخطه هيكون كالتالي
السفينه هتدخل المينا عادي وهيسبوها تعدي لان دا الطبيعي لأنهم مستحيل يحملوا البضاعه ع متن السفينه بس طبعا القوات هناك هتفتش السفينه حته حته ك إجراء روتيني والوقت دا كام فرد من افراد مجموعتنا هيكونوا هناك هيتسللوا للسفينه ويتزرعوا فيها ع انهم من طاقم السفينه دا طبعا لان الطاقم جديد وماحدش فيهم يعرف التاني ف دا هيسهل علينا المهمه دا غير ان قائد السفينه من رجالتنا المزروعه ف العصابه دي بقاله فتره
اما بالنسبه لينا هنا رامي والمجموعة اللي معاه هينزلوا المايه هيرصدوا كل الماكن تحت المايه والاماكن اللي متوقع انهم يرسوا فيها
ويوم العمليه هينزلوا يستنوا السفينه ف مكان هنحدده وقتها بناءا ع الاخبار اللي هتوصلنا من المجموعة اللي ع السفينه الهمه هتنتظورا السفينه هناك هتبدؤا تفحصوا كل جزء فيهاا وكدا نبقي مسيطرين عليها من فوق وف المايه لحد ما توصلوا السفينه للبر
طبعا هما هيكونوا راصدين كل الأماكن وعارفين هي قابلهم كام كامين فالطريق
مجرد مايوصلوا للمكان اللي هينزلوا فيه البضاعه هيتفاجؤا بينا هناك بس احنا هنستناهم لحد ما ينزلوا البضاعه وبعدين نبدأ بالهجوم
ونكون حذرين جدا واحنا بنضرب الرصاص لو رصاصه جت ع حاجه ماللي محميلينها هتفجرنا كلنا
دلوقت نوصل للجزء الأهم واللي هينجح المهمه لو التزمنا بيه
ناوله اسر أجهزة اللاسلكي وقام بتوزيعها عليهم
=ليه جهازين ي فندم
-هقولكم....زين ومحمود
محمود: تحت امرك ي فندم
ياسين :مش محمود انت محمود الشرابي
=ايوه صح لسه ماصلوش لحد دلوقت بس هما اساسا ماكانو معانا ف ولا اجتماع
ياسين : انا اللي اديتهم ميعاد متأخر ثم انهم دلوقت لازم يبقوا معانا
نظر له افراد المجموعه باستغراب
ياسين بتوضيح وهو يشير لإحدى أجهزة اللاسلكي :الجهاز دا هنستخدمه لتنفيذ الجزء التاني مالخطه زين ومحمود مش لازم يعرفوا بوجود الجهاز دا
الجهاز التاني دا هنستخدمه لتفيذ الجزء الأول من الخطه ودا هيكون موجود مع محمود وزين عادي لازم نبقي واخدين بالنا كويس واوعوا حد يلغبط لا ببساطه زين ومحمود باعوا نفسهم ودماغه اتغسلت وحاليا بينقلوا كل الأخبار للعصابه ف مش لازم يعرفوا اي حاجه عن الخطه التانيه بالنسبالهم المهمه بتاعتنا اننا نوقف تفجير المدرسه وبس
ركزوا ي رجاله الله يهديكم مش عاوزين اي غلط احنا بقالنا فتره بنجهز للعمليه دي مش عاوزين تعبنا يروح هدر هنتجمع ف الشقه دي علطول في تجمعات هيكون فيها محمود وزين واجتماعات تانيه لا
بعد أن انهي حديثه سمع دقات ع باب الشقه فتح احد الأفراد الباب
وما كان سوي زين ومحمود
اتفضلوا ي رجاله جيتوا ف وقتكم يلا هشان ابدأ شرح الخطه معندناش وقت
ثم أعاد شرح الجزء الأول من الخطه وبعدها انطلق كل فرد الي وجهته
بعد ذهاب افراد المجموعه رن هاتف ياسين نظرر للمنصل ثم تنهد بهدوء وفتح الخط
_السلام عليكم ازيك ي امي
= كده ي ياسين ازاي تسافر من غير ماتقولي ي ابني تعبت قلبي معاك والله
- اهدي بس ي ست الكل وصلي على النبي كده انا أسف والله بس طبيعة شغلي وانتي عرفاها مش اول مره يعني وبعدين انتي قلقانهكده ليه داهمت 3 ايام وراجعلك بإذن الله هو انا اقدر اغيب عليكي
=ايوه اضحك عليا بكلمتين قلبي مش هي راح بردوو غير اما اشوفك قدام عيني...خد بالك من نفسك ي ابني انا ماليش غيررك
آسر ليلطف الأجواء :وانا روحت فين ي لولو وبعدين شايفك خايفه عليه اويي وانا مش ف الحسبان هو انا ابن البطه السوده يعني
علياا من وسط بكاءها :والله ي حبيبي ربنا يعلم معزتك من معزته بالظبط وديما دعالكم ربنا يرجعكم ليا سالمين ياحبايبي حلوو بالكم من نفسكم هفضل اصلي وادعيلكم لحد ماترجعوا
--------------------------------------------------------
في صباح اليوم التالي
رن جرس بيت عم حسن ف قام بفتح باب شقته وجدها أمامه فابتسم واسعه
سماا وهي تسلم عليه :صباحك فل ي راجل ي سكره بالله واحشني.. ي سوووسوو ي سوووسوو انتي فيين... انا جعانه عندكو فطار ولا هتودوني الجامعه جعانه... هي البت بنتك فين ي حاج برنلهاا مبتردش الله هوو انت مبتردش عليا ليه انت كمان دا ايه العيله السايلنت دي
نظر لها حسن بصدمه :وهو انتي بتدي فرصه لحد يتكلم ايه قطرر معدي
ثم خبط كف بكف وتركها وذهب للداخل
خرجت سميه من المطبخ بصراخ : ايه ي بت انتي عامله زيطه و دوشه عالصبح ليه
سماا وهي تلوي فمها :جرا ايه ي حاجه مالك كده انتي وجوزك مش طايقنلي كلمه ليه الحق عليا بصبح عليكوو انا غلطانه وسعي كده اماا اخش اكل الاول وبعدين افضالك جعانه ي بشررر
ثم تركتها وذهبت إلى المطبخ لحقت بها سميه :ي بت طب استني افطري معانا احنا لسه مافطرناش
سماا والطعام بفمها :لأ متقلقيش دانا بنقنق بس على مانطلع الفطار ع السفره
سميه بسخريه :انتي كده بتنقنقي بالوضع دا مش هيفضل حاجه نحطها ع السفرر
سمااا : الله اكبرر في ايه ي حاجه طب مش واكله
سميه :احسن بردوو خدي طلعي الاكل ع السفره ولا اقولك انا ماضمنكيش مش هلاقي حاجه للغلابه اللي جوه دول ياكلوها خشي ناديهم انتي وانا هجهز السفره
سما :خلاص ماشي هعمل سندوتش ع السريع كده وادخلهم
سميه بضحكه زهول :صبرني يااارب
طرقت سما باب غرفة ترتيل ودخلت بمرح :عم المكتئب اللي مطنشني ومابيردش ع تلفوناتي الله والست ملك كمان هنا دا الحبايب كلهم متجمعين
ضحكت ملك وابتسمت ترتيل ابتسامه بسيطه :والله ي ولاد البيت دا ناقصه شوية فرفشه من بتوع زمان بقلنا زمان مضحكناش
سما بجديه :فتره والحمد لله انها عدت ع خير دا اختبار من ربناا يمكن كان صعب شويه بس عشان إيمانا بربنا كبير قدرنا نعدي منه
ملك وهي تنظر لترتيل :شوفي ي بنتي برغم ان البت دي ماعندهاش مخ بس ساعات بتقول حاجات كده انما ايه حكم
ضحكت ترتيل فابتسمت سما وملك :ايوه كده ي شيخه اضحكي خلي الشمس تطلع
جلسن يتسامرن لمده ثم خرجن لتناول الفطور في جو اسري وفرحه ظنوا انهم افتقدوها يوما ما
----------------------------------------------------
بعد مرور ساعه في محاولات اقناع ترتيل للخروج من المنزل وافقت على نزول الجامعه لمحاولة تحصل مافاتهم نظرا لقرب الاختبارات
ملك :طب انتو ناس نازلين كليتكم انا ذنبي ايه ساحبني ومشاحطتيني معاكوو ليه دانا ماصدقت خدتلي يومين اجازه مالكليه
سماا : يومين ي مفتريه انتي اخرر مره نزلتي جامعتك كانت من قد ايه
ملك بتفكير : من حوالي شهرين بالظبط كده من يوم ماعملت حادثه
سما بسخريه :اختصرتيهم ف يومين انا مش عارفه انتي دخلتي طب ازاي ي بنتي دانا اهوو فاشله ومافيش فيا امل بذاكر اكتر منك
ملك بفخر مصطنع :انا واحده بكره المذاكره ي جدعان مافيهاش حاجه يعني
برتيل بملل :بقولكم ايه انتو الاتنين انتو جاين تصدعوني مش كفايه انكم جايبني هنا غصب عني
ملك بضحكة :طب يلا ي اختي انتي وهي ادخلوا شوفوا محاضراتك واناهلف على لستة الدكاتره اللي انتو كتبنهالي دي اشوف هيعملولكم ايه ف المحاضرات اللي فاتتكم
ترتيل بزهق :لأ مش طالبه معايا محاضرات خالص انهارده اانا عاوزه اروح
سما : نعم ي اختي ت إيه يخربيت الكاآبه اللي انتي فيها ي شيخه....ثم اكملت بعصبيه طفيفه :بصي خلاصة الموضوع هنقعد ف اي مطعم والمرادي مش هنسيبك غير لما تحكي كل حاجه بالتفصيل مش هتهربي زي كل مره الوضع اللي انتي فيه دا مش عاجبني
ترتيل بنفاذ صبر :حااضر
-----------------------------------------------------
في تمام الساعه العاشره صباحا
كانت رجال الشرطه مختفيه داخل مدرسة (....)
يراقبون وجوه الطلاب وتحركاتهم بحرص وانتبه شديد
=عندي سؤال بس ي فندم احنا هنعرف ازاي مين اللي معاه المتفجرات
-ركز ف وشوش الطلاب اللي قدامك لو طفل صغير هو اكيد مش فاهم ايه اللي هو لابسه دا بس هتلاقيه قاعد يلعب فيه ويحسس ع جسمه كل شويه
لو شاب كبير هيبقي واقف مرتبك وباين عليه التوتر هتلاقي تصرفاته غريبه هو عنده راهبه من الموقف اللي هو داخل عليه وممكن يبان عليه التردد
خلينا نركز ونشوف ايه اللي هيحصل
بعد مرور بعض الوقت كان آسر ينظر حوله فلمح رجل يقف أعلي بنايه بجوار المدرسه وينظر نظرات غريبه تجاه الطلاب ف فناء المدرسه فأشار لياسين بعينه سريعا نظر ياسين لما يشير فوجئ بهذا الرجل
ومن ثم نظرا تجاه عينيه وجداه ينظر تجاه شاب يقف مع مجموعه من أصدقائه ويظهر عليه الارتباك يتحدث الي اصدقاقه ونظرات تتجه بين الحين والآخر صوب البنيه بارتباك
نظر ياسين لآسر نظره فهمها وأشار لبعض العساكر فلبوا طلبه وظلا يراقباهما في صمت
وفجأه اخرج ياسين سلاحه وصوبه تجاه ذلك الرجل وأطلق مباشرة حين وجده يرفع سلاحه وينوي إطلاق النار ع ذلك الشاب
انتفض جميع الحضور بفزع وحرك ذلك الشاب يديه ليضغط على زر ما ولكنه وجد نفسه مكبل من قبل آسر وينظر له الجميع بصدمه
احضر العساكر ذلك الرجل من فوق البنايه وتم أخد الطالب الي قسم شرطة العريش بعد أن خلعوا عنه ذلك الحزام المدمر
---------------------------------------------------
في فيلاا المنشاوي...
كان الجميع مجتمعين ف غرفة المعيشه ويجلس إياد لجوار عليا يحتضنها ويحاول تهدئتهاا
-اهدي بقا ي ست الكل والله هما كويسين وزي الفل انا لسه مكلمهم دلوقت ماحدش فيهم اتخدش حتي
لم يجد منها رد ف أكمل :طب افتحلك التلفزيون عشان تصدقي
فتح التلفاز ع إحدى قنوات الاخبار
=وبناءا على ما وصل إلينا حتى الآن انهم تم ضبط احد الطلاب في مدرسه(.....) بالعريش يرتدي حزام ناسف كان على وشك تفجير نفسه ولكن رجال الشرطه انقذت الموقف من الواضح انهم كانوا على علم مسبق بما سيحدث وتم القبض عليه مع العلم ان هناك رجل يقف أعلى بناية تقع لجوار المدرسه ويصوب سلاحه مباشرتا تجاه ذلك الشاب وتم القبض عليه أيضا ويتم الان التحقيق معهم.
والسؤال الذي يطرح نفسه حاليا لماذا أراد هذا الشاب تفجير المدرسه؟ ومن وراء كل ماحدث؟
عليا وهي تمسح دموعها :يعني القنبله مانفجرتش يعني هو كويس
إياد :قنبله!.. ايوه ي ستي هو والله زي الفل ويكلمك اول ما يفضي ادعيلهم يخلصوا باقي المهمه على خير
تسمحيلي بقا اروح الشغل انتي مقعداني جنبك هنا من بدري الشركه بتضيع من ادينا
عليا :روح ي حبيبي ربنا معاك وخلي بالك من نفسك
قبل إياد رأسها :حاضر ي ست الكل
ثم قبل رأس والدته وانطلق الي عمله تحت دعواتهم
-----------------------------------------------------
عند ترتيل مسحت دموعها المناسبه ع خدها...
_بس ي ستي هو دا كل اللي حصل
=امااا بني أدم مهزء والله العظيم
_سما متشتموهوش
سما بصدمه :تصدقي انا غلطانه اولعوا ببعض انتو الاتنين داتكوا نيله
ترتيل :ايه ي بنتي اهدي مش قصدي بس الفكره ان هو عنده حق يمكن كلامه صح انا ديما بسبب أذى ومشاكل لكل اللي حواليا
سما بعصبيه :ترتيل ماتقوليش كده تاني على فكره هو مش معاه حق خالص وكلامه كله غلط بدليل ان انتي الحاجه الوحيده اللي مخلياني عايشه لدلوقت لولاكي كان زماني مت ورا بابا
ملك بهدوء :يمكن يكون كلامه غلط بس في جزء كبير من كلامه صح الجزء الخاص بيه هو انما باقي الكلام كان ساعة عصبيه مش اكتر انتي للاسف ي ترتيل فهمتي كلامه بالطريقه اللي انتي عاوزه تفهميها مش اللي هو قصد يوصلهالك هوو كان عاوز يوصلك رساله معينه هو استخدم اسلوب غلط بس دا لانه فاض بيه ماحدش فاهم ياسين قدي على فكره ولا حد بردو فاهمك قدي وعارفه انتو الاتنين بتفكروا ازاي راجعي كلامه كويس ي ترتيل وحاولي تفهمي رسالته
ترتيل بتوتر :مش فاهمه
ملك بابتسامه :ماعتقدش انك غبيه للدرجادي
----------------------------------------------------
-كده تمام اوي
=باشا انا قلبي مش مرتاح اللي زي ياسين دا مش سهل
-ي ابني اذا كان هو فاكر نفسه ذكي ف محسوبك اذكي منه ألف مره
=احنا لحد دلوقت الكوره ف ملعبنا بس لو لمست بس رجل ياسين هنروح ورا الشمس
-مالك كده انشف شويه شغلتنا دي مافيهاش خوف انا ماشي فالسكه دي من قبل ماياسين بتاعك دا يتولد تفتكر هايجي حتة عيلي زيه يخوفني
لعلمك انا اقدر اخلص منه ف لمح البصر بس حابب الاعبه شويه بتعجبني دماغه اوي نفس دماغ ابوه بالظبط
=ماتنساش انه مش لواحده ياباشا
-ودي حاجه هتخلينا نخلص منهم مره واحده لو احد بس فيهم حصله حاجه التانين هنكسروا من بعده وهيخلصوا على نفسهم بنفسهم
=باشا نفسي افهم ايه سر العداوه اللي بينك وبينهم دي
-يااه داا حوار قديم اوووي
خلينا فالمهم دلوقت الشحنه لازم توصل مصر بأي طريقه
=ماتقلقش ياباشا شكلنا كده هنسمع اخبار حلوه قريب
-----------------------------------------------------
=انت رايح فين كده فالوقت دا
-نازل اصلي الفجرر
=فجر دلوقت لسه الساعه ماجتش 3 فاضل حوالي ساعه ونص
-مانا هاتمشي شويه قبل الصلااه
=احنا ف صحراا ي ابني تتمشى فين
-على فكره المدينه جميله من جواا وبعدين بردوا الصحرا بالليل بتبقي قمة الروعه
=طب اذا كان كده استني اما البس واجي معاك
بعد مرور بعض الوقت صدح صوت الآذان
اتجه آسر وياسين إلى المسجد
نظر ياسين أمامه باستغراب :ايه العربيه دي
آسر :يمكن بتاعة حد دخل يصلي ولا حاجه
ياسين :حد دخل يصلي هايسيب العربيه مفتوحه ويدخل
آسر :هي فعلا غريبه خلينا واقفين شويه يمكن صاحبها بيعمل حاجه وراجع...لحظه ايه الصوت دا
نظر الاثنان الي مصدر الصوت ثم نظرا لبعضهم بصدمه وفي لحظه صعد ياسين إلى السياره وانطلق بهاا ولكن قبل انطلاقه صعد آسر إلى جواره
-انزل ي ابني انت غبي انت بتعمل ايه
=مش هاسيبك ركز انت بس وامشي بسرعه
أسرع ياسين بالسياره لايملك الوقت للنقاش......
خرج جميع من بالمدينه ع صوت انفجار مدوي
------------------------------------------------------
استيقظت كعادتها قبل صلاة الفجر بنصف ساعه جلست تقرأ في كتاب الله حتى يحين موعد الصلاه
كانت تجلس في شرفة غرفتها تنظر للسماء من فوقها ما اروع منظرها صافيه وتملؤها النجوم المتلألأه تعطيها رونق خاص عكس حياتها تماما فحياتها ليست صافيه بل يملؤها الحزن
شردت قليلا في من يشغل قلبها وتذكرت كلماته وجمله واحده تتردد ببالها "يتعذب وانا شايفك مع واحد تاني" تترد جملته في أذنها الان بلحن خاص مختلف عن نبرته عندما ألقى بها لم تركز بهذه الجمله سوي الان هل هذه الرساله التي تتحدث عنها ملك سعد قلبها بشده لما وصلت إليه.... ولكن مهلا لا لن تسمح بأذيته هو الاخر كل من يقترب منها تؤذيه لن تسمح لنفسها ان تؤذيه هو الآخر..
فاقت من شرودها علي صوت الفجر يؤذن
الله أكبر الله أكبر....
تركت مابيدها وقامت للتوضئ فجأه شعرت بإنقبااض قلبهاا رفعت يدها إلى موضع قلبها وصرخت من الألم وأتى ببالها فجأة ياسين
--------------------------------------------------------
انتهى البارت...
انتظروا القادم...
.
.
.
#ملاك وسط الجحيم#