SOMEONE'S POV
"Mga wala kayong kwenta! Bakit dadalawa lang kayong nakabalik?!" galit kong sabi sa dalawang nasa harapan ko.
"Hindi ba't sinabi ko na kunin niyo lang iyong babaeng iyon?! At anong sabi niyo? May dumating para iligtas siya?!" napayuko lang sila sa sinabi ko. Nanginginig pa sila dahil ayaw nilang nagagalit ako. Alam kasi nila na kaya ko silang patayin anumang oras. Sa loob ng sampung taon, ngayon na lang ulit nangyari ito. Ngayon lang. Napahampas ako sa side ng kamay na inuupuan ko. Huwag mong sabihing..
Napatingin ako sa dalawang nasa harapan ko. "Sino ang mga nakalaban niyo?" pinilit kong maging kalma. Sana ay nagkakamali lang ako ng iniisip.
"H-hindi po n-namin sila kilala, m-mahal na r-reyna. Pero d-dito kami s-sigurado, may k-kapangyarihan din sila!" sabi ng isa sa kanila kaya napakuyom ang kamao ko. Sa sobrang inis ko ay ginawa ko silang bato.
May kapangyarihan?!
"Ano na naman kinakagalit mo riyan?" napalingon ako kay Soraya na nakangisi pa saakin. Tinaasan ko siya ng kilay dahil nakabalik na pala siya rito sa palasyo. "Miss me?" mapang-asar pang sabi niya.
"Anong balita sa sinasabi mong babae noon?" tanong ko nalang sa kanya. Mukhang may impormasyon siyang sasabihin kaya bumalik siya rito sa palasyo.
"Ahh, yung babaeng pinaglaruan ko ang panaginip?" nakangising balik tanong niya. Kung hindi lang 'to napapakinabangan, baka isa na siyang bato ngayon.
Tumikhim siya bago magsalita. "Tama ang nasa isip niyo, mahal na reyna. Mukhang sila pa nga ang nakakuha non." nawala ang kanyang ngisi at bigla siyang nagseryoso.
"Anong ibig mong sabihin?" pinipilit ko talagang maging kalmado kahit na hindi dapat. Alam ko na ang sinasabi niya pero parang hindi ko gustong tanggapin iyon. Hindi maaring may makakuha 'non! Hinding hindi ako makakapayag!
"Huwag kang magmaang-maangan, mahal na reyna. Alam kong alam mo na ang ibig kong sabihin. Kaya nga pinapakuha mo ang isa sakanila para makasigurado." muli siyang napangisi saakin. Tama siya, pinapakuha ko ang isa sa kanila para makasigurado. Kung sila nga ang nakakuha 'non, ibig sabihin buhay na ulit si Khlourisse?
Hindi maaari!
Tiningnan ko ulit si Soraya, ang Dream Manipulator. "Ipatawag mo ang 'ating alas." seryosong utos ko sa kanya at mas lalo siyang napangisi.
"Hmmm, takot na takot ang aming reyna." tinignan ko lang siya ng masama pero binalewala niya lang iyon.
Hindi ko balak manahimik lang dito. Pag hinayaan ko lang sila, kukuhanin nila ang dapat na akin lang! Kailangan muna nila akong patayin bago mangyari 'yon. Pero hindi ako makakapayag dahil uunahan ko sila.
MEXA'S POV
"Shunga ka talaga, ayusin mo 'yang laro mo! Bantayan mo yung kalaban!"
Minulat ko ang mata ko dahil sa ingay na narinig ko. Ginala ko ang paningin ko at nasa hideout na pala kami ni Dyosa G. Sinubukan kong gumalaw at laking pasasalamat ko na wala akong naramdamang sakit. Mukhang magaling na ako. Para ngang hindi ako tinamaan ng air spike, eh.
Napalingon ako kay Mina na naka-upo sa sofa habang nagge-game sa cellphone niya. "Tanga ka ba?! Wag ako bantayan mo, yung kalaban dapat!" Napangiwi ako. Mukhang okay na okay na 'ata siya.
"Ilang oras akong tulog?" tanong ko at halos mapasigaw siya sa gulat dahil bigla akong nagsalita.
"Gising kana pala, tombs!" masayang sabi niya. Tinignan niya lang ako saglit tsaka niya binalik ang tingin sa phone niya.
"Halata nga. Asan sila Megan?" takang tanong ko. Masyado kasing tahimik at wala akong naririnig na nag-iingay sa labas.
"Pumasok sila." kaswal niyang sagot. "Konting push pa, Andrei! Malilintikan ka sakin pag natalo tayo!" napa-irap nalang ako sa kaingayan niya.
"Ha? Wala namang pasok sa sunday ah. Nabago na?" takang tanong ko. Sa pagkaka-akala ko eh wala talagang pasok sa sunday. Wala rin naman akong narinig na announcement galing kay dean.
"Anong sunday? Dalawang araw kang tulog! Tuesday na, 'te." nanlaki ang mga mata ko. Dalawang araw akong tulog?!
"Ano?! Ba't 'di niyo ko ginising?!" inis na sabi ko sakanya. May quiz pa naman kami sa dalawang subject ko!
"Paanong gigisingin eh halos mamatay ka nga noon. Buti nga natanggal na lahat ng poison sa katawan mo eh." paliwanag niya na natatawa pa. "Ayan na Andrei! 5 points nalang!"
"Eh ba't ikaw 'di ka pumasok?" tanong ko sa kanya.
"Wag kana magtanong. Magpasalamat ka nalang dahil may magandang nagbabantay sayo." mayabang na sagot niya. Napailing nalang ako. Kahit kailan talaga 'diko siya makakausap ng seryoso.
Biglang tumunog ang phone ko na nasa side table kaya kinuha ko iyon. Si Noah ang nagtext.
From: Noah
09051617189
Nasan ka? I heard you didn't attend your class.
Napakunot ang noo ko. Hinahanap niya ba'ko?! Kinagat ko ang labi ko para mapigilan ang pagngiti. Parang bigla ring nag-init ang pisngi ko. Teka, kinikilig ba'ko?!
Umiling ako tsaka ko binalik ang phone ko sa side table. Tumunog ulit iyon kaya mabilis ko itong tinignan. Si Noah ulit iyon. Hindi ko na napigilan mapangiti ng makita ko ang text niya.
From: Noah
09051617189
Reply reply naman dyan. :>
Nagcompose naman ako ng text.
To: Noah
Miss mo na naman ako, 'no? 'Di ba sabi ko hindi ako nangcru-crush back? Kulit mo rin, e. =D
Pagkasend ko 'non ay binalik ko na ang phone ko sa side table. Lumingon ako kay Mina na kinukuhanan na pala ako ng video. Kaya pala tumahimik na bigla!
"Ngiti ngiti ka pa dyan, ah! Sino na naman ginayuma mo?!" pang-aasar niya sakin. Inirapan ko siya.
"Tumigil ka nga. Tirahin kita dyan, eh." inis na sabi ko at inambahan pa siya ng suntok pero nagmake face lang siya.
"Nye, nye, nye! Ishare mo naman sa kanila kung saan mo binili yung gayuma na ginamit mo." nakangiting aso siya at hinarap niya pa sa mukha niya ang camera na parang nagv-vlog.
Inagaw ko sa kanyana ang phone niya saka ko yun pinatay. "Kung 'di ka titigil gagawin ko 'tong ipis tapos ibubusalsal ko sa bibig mo." seryoso kong sabi. Bakas na ngayon ang takot sa mukha niya dahil alam niyang hindi na ako nagbibiro. Takot din kasi siya sa ipis.
"S-sabi ko nga titigil na, eh! N-nasaan na kaya yung sapatos kong isa? P-parang andun 'ata sa labas." nauutal niyang sabi tsaka niya kinuha ang phone niya sakin at naglakad paalis.
Takot na takot, gorl? Tsk.
Napagdesisyonan kong maligo kaya hinanda ko muna ang damit ko. Meron kasi akong iniwan noon, in case lang na babalik kami rito.
Nang matapos akong maligo at magbihis ay kinuha ko ulit ang phone ko. May tatlong message galing kay Noah.
From: Noah
09051617189
'Di mo ba alam na may bagong restaurant malapit sa school?
Sabi nila masarap daw pagkain dun. :>
Baka gusto mong pumunta? Hehe
Napa-irap ako pero may namuong ngiti sa aking labi. Tsk, pasimple pa 'to. Ba't 'di niya nalang diretsuhin na gusto niya akong i-date?
To: Noah
At bakit naman ako pupunta?
Pagkasend ko 'non ay napaisip ako. Masyado 'yata akong masungit sa reply ko? Tsk. Wala naman sigurong masama kung um-oo ako, 'di ba?
To: Noah
Oh sige dahil mapilit ka, pumapayag ako. Pero wag mong sabihing crina-crush back na kita, ha! 'Di kita type, okay? -_-
Napatitig pa ako ng ilang minuto sa phone ko pero nung 'di pa siya nagrereply ay binulsa ko nalang ang phone ko.
Dahil wala naman na akong gagawin dito at mukhang may pinuntahan pa 'yata si Dyosa G, uuwi nalang kami ni Mina.
Habang hinihintay ang sundo namin ni Mina ay biglang tumunog ang phone ko. Galing kay Noah ang text. Nang mabasa ko ay nanlaki ang mata ko.
From: Noah
Cool! I'll see you tomorrow, Cute girl.