مليكة گلبي

الفصل الثاني والعشرون

قبل كولشي صوتولي ⭐

صوتولي ⭐

⭐⭐⭐⭐⭐⭐⭐⭐⭐

متت من الرعب لحد ماوصلت لبيت عمو مهند الخوف ماكلني اكل
كولشوي اباوع ورة وحوالية اخاف احد لزمني ضليت ادوس علة الجرس بلكت الله يفتح

انفتح الباب   _ مـــــــلـــيــــكـــة

_ اي مليكة عمو هنودي حباب دخلني راح اموت من الخوف

_ اي تفضلي تفضلي شبيچ جاية خايفة وهيچ ترجفين سوالچ شي زوجچ

بچيت وما تحملت _ مهند اريد اطلگ بعد ما اتحملة والله ما اتحمل

گعدني علة التخم واشوف رجال هم يطلع بعمر مهند صافن بية

مهند صبلي كلاص مي وانطاني يا _ هاچ شربي مو راح تموتين

اخذت الكلاص وايدي ترجف شربت شوية وخليته علة الطاولة

_ اهدي باباتي اهدي تنفسي شو تنفسي زين

اخذت نفس بس ماكو طلعت من جنطتي البخاخ واخذته شوية ارتاحيت

_ شبيچ بنيتي؟  ليش هيچ وجهچ اصفر؟

😭😭_ عمو قائد موزين ماريدة ما اريدددددة....

_ شششش اهدي خلص ماكو شي  ...  انتي بس اخذي نفس واحچيلي اللي صار

حچيتلة كولشي من الالف للياء بس طبعا ما گلت انو هو رئيس عصابات لا گلت شخصيه مهمة بالدولة

هو ضل صافن بية ويهز براسه _  ماشي حبيبتي روحي اخذيلچ غرفة وارتاحي بيهة وانشالله خير

هزيتلة براسي وطلعت للغرقة ارتاح

مهند .  بالله هي هاي الامانه مهند مو ابوهة گال طلگهة وانت گلت لا يمكن تبدل صدوگ

جابر _ منو هاي مهند؟

_ بنت دكتور فراس صديقي!! 

😃_ لا بربك، هاي بنت دكتور فراس ولك يابة تخبل 😍

_ شبيك انت استحي  متزوج شنو هالاستهتار

_ لا مطلگ ما مزوج صحح عباراتك هنودي 😏

ضليت ساكت افكر بشغلتهة كولش معقدة يعني هو قائد جدا صعب التعامل ويا

جابر _ زين لحظة شجابهة هنا  وليش تبچي

_ تريد تطلگ من زوجهة  ماسمعتهة هسة ، والبيت بيتهة واني ابوهة الثاني شنو المشكلة

_ لا مهند شنو السالفة هو كول اللي بينكم ١٦ سنه  هسة الناس شنو تفكر بيكم

_ يابة البنية صغيرة وثانيا محد راح يعرف بيهة هنا

_ ليش؟

_ شنو ليش ماريد زوجهة يعرف وفوگاهة هو شخصية مهمة لازم اتحذر منه!!

_ اي والله صح كلامك..

_ يالله عود نكمل سالفتنه بعدين..

_ انشالله وسلملي علة بنت فراس 😉

نفخت بضيق _ واصل..

وديته لحد الباب وهو طلع رجعت گعدت بالصالة واني افكر شغلتهة عويصة دخليني اروح  اشوف شنو محتاجة

دگيت الباب عليهة

_ تفضل

دخلت  وابتسمتلهة _ ها باباتي محتاجة شي

😢 _هنودي اني خايفة هواي

گعدت بصفهة علة السرير _ لتخافين حبيبتي انتي يم ابوچ

😢 _ عمو مهند... قائد شخص خطير ومتگدر تهرب منه بس شسوي اني خايفة من عندة

اخذتهة بحظني _ ميخالف بنيتي  اتطمني قائد مراح يعرف بيچ وين واذا اجاني انفي انچ موجودة عندي

_ اممم

باوعتلهة لگيتهة صافنه وداحسة روحهة بصدري ادري بيهة تحبني هواي لان اني ودكتور فراس بكولشي متشابهين حته هم نفس اللبس والعطر نستخدم لهذة السبب چانت دائما تگولي انت تشبه بابا

_ اريد ماما وبابا

_ ششش اني امچ وابوچ اصير... حياتي ملوكة  صيري قوية لتضعفين ابد

هزتلي براسهة وضلينه شي مدة وانتظمت انفاسهة باوعتلهة لگيتهة نايمة ابتسمت ومسحت دموعهة اللي لازگات علة خدودهة

مددتهة علة السرير وغطيتهة تاملت ملامحهة وعيوني دمعن تذكرت بيهة فراس ورنا اااه ريحة الغوالي بيهة بست خدهة واشتميتهة ودموعي وگعن

_ تصبحين علة خير باباتي

طبگت الباب وراية واني صافن  لازم اامن حياتهة ومستقبلهة هاي بنتي قبل بنت فراس اعزهة اكثر من روحي خلص راح اخليهة تطلب الطلاگ الغيابي شنسوي لعد

♕♕♕♕♕♕

قائد.  واگف گبال المراقب الغرگان بدمة

_احــــچـــــي شلووووون عطلن الكاميرات

_ ماعرف ماعرف

دحگت بعيونه _ چـــــذاااااااااب

گام يبچي ويتوسل _  سامحني سيدي سامحني اني الوگفتهن اني

احس دمي گام يغلي من القهر ضربته بفكة _ كمل ليش عطلتهن احـــچـــــي؟؟

😭_ مرتك طلبت مني والله مرتك گالت بطلهن عشر دقايق وانطتني فلوس علمودهن

مارحمته ابد بشلاع التواسيل يالله اعترف ماخليت مكان بجسمه ما ضربته بي طلعت حرگتي بي

منعم بتوتر وخوف _ سيدي راح يموووت

_ يطوبه طوووووب تفووو علي!!

سحبت شعري بقهر  _ وين راحت وين هربت وووووووين؟؟  زين منو دبر الحريق؟؟ منووووو؟؟؟

سعد. الخوف اكلني خرررب هسة انكشف شلون بية دحگلي الزعيم وانه ارتعبت من الخوف

قائد بنظرات مثل الجحيم _ وينهة وووووين انه مو خليتك تحميهة وتحرسهة ووووين راحت ااااااه ربي

سعد. ضليت ارجف  واناظر بعيونة الحادات اللي بيهن قهر علة غضب علة كلشي موزين بالدنيا مجموعات بي

_سس..ي...د..ي. م..ا...اع...رف

قائد بعصبية _ چاااااااا منهو اليعرف هااااا منهو  ؟....  انت شني شغلك ها شني؟؟

قائد.  راح افقد اعصابي وين راحت ليش هربت ليييييييييش   كلة من ورة الخيانه اي من ورة الخيانه يااارب اريدهة منك تدليني وينهي ...  گعدت علة الكرسي اللي بغرفة التعذيب وانه مدنگ راسي اي مليكة خلت راسي بالطين من سالفتهة

حچيت ببرود عكس اللي بداخلي _ منعم گل للزلم تتحضر

هزلي براسه وطلع  _ سعد؟؟

_  نع... م . سس. ي. د. ي؟؟

_ شيل الجثة وادفنهة!!

_  حا..اظر

چان سعد خايف ومرتبك انه اعرف بي اظاهر يعرف مكانهة _ سعد انت اللي ساعدتهة موو

سعد. ردت اسويهة  علة روحي من الخوف نظراته كافية بان تكتلني ماعرف شحچي

قائد _ لا تخليني استخدم جهاز الجذب  وياك  و الطرق الجسدية

دنجت راسي وجاوبته _ بلي انه ساعدتهة!! 

😠_ لويش تساعدهة هاااااا لووووويش ؟؟

بلعت ريگي بخوف شگلة احب مريتك ومستعد اضحي بروحي علمودهة _ لان هي مثل خيتي وحبيت اساعدهة

_ وينهة هسة گلي مراح ااذيهة بس گلي

_ ما...ما..ماع...رف ش..شگل..لك

قائد. راسي راح ينفجر من كمية الصدمات 

صرخت _ احـــــــــچــــــي  ؟؟؟

_ ماعرف اتفقت انتظرهة بمكان بس من رحت ماشفتهة ماعرف سيدي والله دورت عليهة ما لگيتهة

ماسمعت اي شي منه بعد سحبت سلاحي من جانبي وضربت چيلة برجلة

_ آآآآآآآاااااااااااااااااااااااااااااااااااااااااااااااااه

ضربت وحدة بايدة وهم عاط بنفس الشي

سحبته من شعرة _ وينهة

_ سيدي والله العظيم ماعرف والله ماعرف يمكن مخطوفة لان مالهة وجود

طحت بي دگ بوكسيات  طلعت كل حرگتي بي

_ ساااااااااااقط وثقت بيك تاليهة تغدرني....  ولك  تعرف شني عقاب الخاين

دحگلي  بترجي وخوف _  دخيلك زعيم ابوس رجلك سامحني ساااااااااااامحني

نهيته نهي بالتعذيب النفسي واللي هو الفشار  اصعب عذاب للخاين او للعدو هو الغلط والسب  _ انچب ابن الكلب عار ولد ال***** انت ***** لقيط ***** ابن الگح*** ابن الگو*****   *********

وهو انتهى بايدي اجة منعم يركض  - سيدي...  سيدي

_ شكووو

_ زعيم الشركة احترگت!!

عيوني صارت بگصتي من الصدمة _ شـــنـــــــــي؟؟   

_ والله ماعرف ودازيلك تهديد هاذ الظرف

اخذته وانه الشياطين ترگص فوگ راسي هم مو تطفر 
فتحت الظرف وقريت الكتابة

( كما تدين تدان )

_ شني هذة؟ 

منعم دحگ بسعد برعب من شكلة __ سيدي سعد راح يموت

دحگتلة ببرود_ وهو كذلك راح يموت لان خاين طعني بظهري منعم طعني بظهري

اخذت الرسالة اقراهة شقصدة ومنهو هذة ضليت حاير بزماني شصاير يربي كلشي ماعرف

منعم. شفت سعد متت من الرعب رحت تحسست نبضة لگيته ميت غمضت عيوني بقهر

_ انا لله وإنا إليه راجعون

قبضت ايدي بقوة شصاير لويش هيچ الزعيم جاي يكتل بصحباني

دمعت عيوني علة سعد چان صديق زين ومؤدب وادري بي يحب مرت الزعيم من نظراته واهتمامة الهة  ....  بس غلطته  من ساعدهة  وحبهة هذة الشي غلط وهو يعرف النهاية راح ينكشف

طلع زعيمي وهو حاير بالرسالة 

_ رقم خمسين تعال  شيل الجثث ودفنهن بعد ما تغسلهم

_ حاظر سيدي

انه رقم ١ بين الحرس والي هو ذراع اليمين  لزعيمي وسعد رقم ٢ ذراعه اليسار بس هسة انمحت ترقيته لان يعتبر خاين وميت تنهدت وغمضت عيوني وطلعت من غرفة التعذيب

مليكة.   گعدت من النوم مخروعه يمممه بس لا لگاني قائد حولت نظراتي لحوالية تطمنت

_ الحمدلله بعدني ببيت مهند

طلعت من الغرفة والاجواء هادئة وعمو مهند ماهو اظاهر نايم لان هسة الساعه متأخرة

نزلت بالمطبخ فتحت تلثلاجة اگلب بيهة بلكت الگة شي اكولة لان متت من الجوع طلعت مرتديلا وخبز لبناني وطماطة وخيار وببسي  من الثلاجة وگعدت اكول لان مييته من الجوع 

اكلت بنهم شگد ما جوعانه عبالك قرن ما ماكلة ولا عبالك متغدية اليوم

_ احممم

فزيت من مكاني والببسي انكب عليه  وانداريت والگه عمو مهند يباوعلي

خليت ايدي علة صدري بخوف __ يمه خرعتني

ابتسملي _ سمالله عليچ  ،  ايي گوليلي شنو دتسوين؟؟ 

_ دا آكول بس انت من وراك انكب علية الببسي 😔 

مهند بضحكة حرجة _ هههه اسف مكان قصدي عبالي بزونه فاتحة الثلاجة وتاكول 😉

_ عموووو كافي ترة حته الاكل ماريدة يالله ها اها

شبكت ايدي لصدري بزعل ودرت وجهي وهو يضحك علية

گرص خدي بلطف _ اكلي باباتي بالعافية عليچ اريدچ تصيرين مثل قبل واحسن

ابتسمت بوجهة ومديت ايدي اكمل اكلي

_ تشاركني بالاكل لو متريد

_ اي ليش لا

گعد وياي ناكول ونسولف

_ صدوگ عمو شوكت تتزوج مو صارلك هواي

_ والله ملوكة ما لگيت شريكة حياتي المناسبة

_ الله يرزقك انشالله

_ انشالله ، الة گوليلي انتي شراح تسوين بحياتچ؟

_ ماعرف احاول اصلح من نفسي المكسورة شسوي قابل اول شي ارجع لدراستي واكملهة واصير انسانه ناجحة  واثنين  ادير املاك ماما وبابا الله يرحمهم

_ الله يرحمهم  ،  الة ماگلتيلي شنو شغل قائد بالضبط شو كولشي مامفتهم منچ بس شخصية مهمة بالدولة غير اعرف شنو هو حته اتصرف

انصدمت وبعد ماعروف شسوي يربي سترك شلون اذا افضحة اني رگبتي يطيرهة واني في غنا عنه

_ مادري يشتغل وية النواب محامي وياهم مدري شنو ماعروف ما مدققة  بشغلة

_ هممم  ،  اوك راح ادزلة طلب الطلاق الغيابي الچ شنو رايچ

_ اي سويهة

هزلي براسه وراح _ تصبحين علة خير

_ وانت بخير

طلع واني ضليت افكر معقولة انتهيت من شي اسمه قائد او ماي  گاد فرحانه كولش لان حتخلص منه

تذكرت كولشي من اول ما رحت فصلية لحد هذي اللحظة

وين چنت قبل وين صرت هسة هه والله يالدنيا تخدعينا بالمظاهر وتخبيلنه شغلات العقل ميستوعبهة

قائد. رحت للجوارين واشوف وين راحت من خلال كاميراتهم وهمة رضوا يفتحولي ياهن

ادحگ بالكاميرا واشوفنهة تركض وتطلع وتدحگ وراهة وخايفة ولهنا وبعد ماشفت
احس صرت نار شرايني راح يطگن ال*** تهرب مني انه اوريچ مليكة  ما اتسمه قائد لو ما اسحلچ 

رحت للناس اللي گريب  علة الشارع كلهم واشوف لكاميرات وهمة ميتين خوف مني حسبالهم شخص مهم بالدولة وانه صدگ مهم اتعامل وية النواب اغير الادلة اللي تادي الى دخولهم للسجن وهمة بالمقابل يساندوني

تتبعت مكان مكان للي تروحلة  وشفتهة صعدت بتكسي قربت لصورة وخليت حراسي يشوفون رقمهة حته اعرف وين موديهة

ضليت ساعتين اروح واجي

_ ها ما عرفت رقمهة

_ بعد شوية سيدي

_ يالله فضني

ورة شوية _ سيدي طلعت رقمهة

دحگت بيهة وابتسمت لگفتچ مليكة

_ بساع تخبر الضباط والسيطرات علة رقم السيارة وتجيبولي السايق سحل

_ حاظر سيدي

طلعت من بيت زميلي بالمحاماة  وركبت سيارتي وتوجهت لبيتي الثاني اللي بمنطقة..... راقية  بس هذة بيت مو قصر مثل هذاك

دخلت لغرفتي واعاينهة نفسهة ماتغير بيهة شي 

_ انه اوريچ مليكة تهربين مني مو تهربين مــــنـــــــــــي 

احس حيل ما بقة بية كل اعضائي ترجف وانه خايف اعليهة تاليتهة هربت اااااااخ شني من طعم الغدر  وخصيصا من صويحبك يساعد حرمتك تنهزم منك يستحق مو بس الكتل يستحق اعذبة مثل المجرمين بس لخاطر العشرة كتلته بسرعه

مليكة. گعدت ثاني يوم واشوف الساعه  بال ٢ الظهر حييييل هاي شگد نمت ومحاسه  رحت توضيت وصليت وطلعت من الغرفة واشوف البيت هادئ الابرة اذا توگع تنسمع شگد ما هادئ

_ عمو مــــهــــنـــد انت هنا

ما لگيته عرفت طالع للدوام رحت افتريت بالبيت كولش حلو الصراحة وراقي وكبير

نزلت للمطبخ وطلعتلي اكل ومن دا اسد الثلاجة لاحظت اكو ورقة مخليهة علة الثلاجة

( مليكة اني طالع للدوام ارجع بالليل ديري بالچ علة نفسچ)

ضجت لان عمو مهند مراح يضل وياية بس يالله المهم اني عايشة بامان

گعدت آكول ومستمتعه الله ماكو مراقبة ولا حرس ولا شي اسمه قائد... احلة شي صار بس ليش گلبي مقبوض مادري خايفة كولش هواي مادري ليش

طلعت فلم اتابعه احسن من الضوجة  ضليت ثلاث ساعات اتابعة لان الفلم طويل كملته وگمت اغسل وطلعت ملابس جايبتهن للاظطرارية باخر لحظة جبتهن همزين لبست

بنطرون جينز ثلجي تشيرت ابيض بي گلوب احمر وفوگا مثل الكوت بس صيفي لونه ابيض  ولبست شال ماروني طلعت كولش حلوة بي 

اخاف يجي عمو مهند علة ساعه واني لازم اخذ احتياطاتي

سمعت دگ علة الباب خفت وگلبي رجف مادري ليش رحت لغرفة الكاميرات اشوف منو بالباب ومن اشوف قائد واگف وويا حراسه ارتعبت يمممه هسة يكتلني

ماذكر شنو سويت بذاك الوقت رحت ادور بلكت الگه باب و شباك حته اهرب منه  واكثر شي زاد قلقي بي هو دگ الباب اللي مستمر يدگ بي

شفت شباگ چبير يأدي للشارع باوعت طلع هذة البيت من ورة يأدي لغير فرع گمزت فرد گمزة بس اريد انجي بروحي تعورت برجلي وگام يطلع منهة دم ماهتميت للالم المهم اهرب من شي اسمه قائد ماحسبت حساب لشي بس اخلص منه طلعت اركض بخوف وتوتر وما اشوف الة سيارة مضللة تطبگ علية وسحلوني وخلو شي علة خشمي وما احس الة بالظلام يسحبني

قائد.  رحت للمخزن وشفت السايق گاعد ويرجف

_ وين وديت مرتي

_ منو هية دخيلكم والله ماعرف شنو القصة سحلتوني هنا اي غير اعرف شصاير

_ مرتي البارحة ركبت تكسي وياك قريب المغربية تعرف وين المكان

_ شنو مواصفاهة

طلعتلة صورة الهة  وهو حچة

_ هاا اي هاي صعدت يمي و راحت لمنطقة....  ووگفت گبال بيت چبير ودخلتلة

احس الدنيا طلعت من عيني _ طلعوا ورجعوا لمكانه

همة طلعوا صدگ برة وانه طرت للمنطقة اللي هية بيهة  رحت انه ووياي چم ضابط حته افحص الكاميرات مال المراقبة ومايعترضون طريقي  وصدگ فحصتهن كلهن واشوفنهة داخلة لبيت دكتور مهند هنا تخبلت فد مرة رحت انه وزلامي والضباط للبيت ادگ بلكي تفتح بس ماكو ضلينه عشر دقايق اخر شي كسرنه الباب وطبينه اندور بلكت موجودة بس للاسف ماموجودة   متت من القهر وين راحت مليكة گلبي لويش تركتني وراحت مو والله انه جاي اتغير لخاطرهة ليش غدرت بية وطعنتني وهربت لمهند

_ منعم امشي اسحل الدكتور مهند من عيادته بسرعه

_ حاظر زعيم

طلع منعم وانه الوب عليهة مثل الطفل اللي مضيع امه اي انه هيچ صار حالي بدونهة

اجة منعم وبيدة الدكتور مهند مخدر وغايب عن وعية

_ ربطوا علة الكرسي بساع وصحوليا اريدن صاحي 

نفذوا اوامري بدقة وهو فتح عيونه بضعف

_ اااه راسي هاي شصاير؟  وين اني؟ 

گعدت علة الكرسي بحيت ظهر الكرسي صاير مقابيل   صدري  ابتسمتله بغموض

_ سلام دكتور مهند شلونك؟ 

مهند.  گاعد بالعيادة ودخل مراجع عليه شكلة مريب ما اهتميت جاي افحصة وما اشوف الة خال شي علة حلگي وانه ماحاس بشي گعدت والگه قائد اوووف يا قائد منحلص منك

_ شنو تريد؟ 

_ هه اريد مرتي چا منهو اريد! 

_ واني شمدريني وينهة ليش هي مو يمك؟ 

ابتسملي بغموض ورفع حاجبة _ هممممم متأكد ترة ليحد هسة صابر وياك  ،  لا تسوي روحك غسيم انه شايف الكاميرات واهرف داخلة لبيتك

_  مالك مرة عندي

ما احس الة شي بصفگ بخدي احس عيوني صارت شرار شلون يضربني الحقير وهو ولا يمه ضل يضرب واني اسب واغلط بي وهو يزيد وياي

قائد.  فكرة انهة چانت ويا خبلتني ما احس اعلة روحي اله طاگ الدكتور   بس هو ضل متماسك ومهامة شي وبس يغلط ويسب وانه اتخبل بالزايد

منعم _ سيدي... سيدي... سيدي مرتك

يحچي ويلهث

من جاب سيرة مرتي ذبيت مهند ورحتله _ شكووو شصاير

منعم برعب _ زعيم مافيا ال.... هاجمه عليك وحارگة الشركة وخاطفين حرمتك

_ شـــــنــــي

_ والعباس وهذة التهديد اللي جايك منهم

تخبلت من عرفت خاطفيهة تركت مهند وطلعت من غرفة التعذيب وگبل لقصر..... للمافيا ال____ 

رحنه طايرين كل الزلمة اخذتهم وياي وانه گلبي مقبوض حاس بشي حيصير مهو زين

مليكة. گعدت وراسي مسطور والغواش موت عيني حاولت اشوف منو اللي گاعد گبالي ماعرفت لان عيوني مو واضحات حاولت اشوف الة ان اشوف شاب يطلع عمره بوسط العشرينات وگاد گبالي ومبتسم

_ اااه انتي مرت الزعيم مووو... واني اگول ليش قائد محترگ عليچ طلعتي صاكه وتخبلين

جسمي ارتعش عزززة منو هذة  _ م.. ن.. و.... ا... ن... ت  ؟

_ ههههههه معقولة متعرفيني ههههه  اوك راح اعرفچ منو اني  ....  اني عذاب قائد!!! 

بهت وجهي عززززة هذة منو ووين قائد خلي يجيلي والله حموت من الرعب

طلع صوتي برجفة _ منو انت احچي؟؟ 

ضل يفتر داير مدايري واني  معلگيني بالسلاسل بحيث جسمي صاير بالهوة 

_ همممم اني  براق  عرفتيني لا ما اعتقد هههههه بس زوجچ يعرفني

بعدين گام يصيح _ وووووووينك قائد تعاااااااال لمعشوگتك وانقذهة  ههههههه

احس جسمي بعد ما احس بي من الخوف شنو يريد من قائد زين ليش ينتقم مني  عندي كول هالاسئلة چانن ببالي   وهو صافن عليه ويضحك يمكن هذة مخبل والله مو صاحي خاف قائد يرعبني هذة بعد اسوء منه  خلة لاصق علة حلگي حته بعد ما احچي واني بس ابچي واصيح بس صوتي مكتوم

قائد. دخلنه للمنطقة وزلامي گاموا يرمون علمود يعرفون احنه جايين هدادة

حارس براق    _ منووووو انتووووو

قائد _ ووووووين ال**** ووووووووينه اريد حرمتي

حارس 😏 براق   _ هااا يعني اجيت علمود زوجتك...  بس زعيمي يگول لازم يجي وحدة ويسلم كول اسلحته وزلامه النه

عقل مضل براسي شسوي ياربي وين طيحت روحي انه

حارس براق   _ اذا  تريد مرتك...  تروح وحدك ممنوع احد وياك واذا انت صدوگ رجال تروح وحدك

حالي مثل بلاع الموس لابية اطلعة ولابية ابلعه ياربي شسوي هسة اخافن يكضوهة النگسين

احترگت من الغيرة وانه اتخيلهم يكضونهة خايبين چا غير اگص  ايدهم وانعل سلفاهم

اخذت نفس قوي خلص قائد يا اما مليكتك تروح يا زلامك _ موافق

الكل انصدم من قراري

منعم 😱 _ زعيم هذة يريد يستغلك لان ماعندك قوة تساندك ما يصير لازم نروح وياك

_ منعم مرتي بين اديهم ما اگدر اسوي شي...بعدين همستلة بصوت ناصي... وانت نادي علة  فادي يدزلي حماية چا شسوي انه ماگدر اسوي شي وانتم راح تنحجزون عندهم

منعم 😔 _ زعيم اخافن يغدروك ويكتلوك انه اعرفهم هذول

خليت ايدي علة چتفة _ لا تشغل  بالك انه النسر ماكو احد هزمني ليهسة... وانه لابس جهاز تتبع لاتنسى اذا تريد تعرف مكاني خلي فادي يبحث اعلية بس لاتتاخرون

ابتسملي بحزن وانه حضنته _ منعم ديربالك علة الزلمة واذا متت  الزعيم اللي بعدي حيكون ثامر ابن عمي ذراعي اليمين القديم

_ انشالله زعيم تردلنه بالسلامه

تنهدت بقوة وانه خايف علة مليكة گلبي لا يأذونهة  شفت زلامي كلهم قيدوهم واستسلموا واخذوهم بالزنزان

واجه واحد من الخاطفين مليكة  وقيد ايدي وغطة راسي ماگمت اشوفن شي بس احسهم يطلعون الاسلحة من ملابسي

اخذوني بسيارة وانه اسمع عياط منعم درت وجهي وهو ضل يعيط ابتسمت 😏 هه اعرف هذي خطته لان دايما يخدع الناس

منعم . حسيت زعيمي بعد مايرجع خفت اخسرة مثل سعد اتفقت ويا انهو  اتصل بفادي اخذوني وزنجلوا ادية وهمة يمشوني وانه ادحگ بزعيمي يصعدوا بالسيارة عيطت بعلاة صوتي

_ اااااااااااااه وينكم حرام اعليكم تخطفونه احنه شسوينالكم هاااا وخاطفين مرت زعيمي ولكم اااااه يادنيا لويش تسوين هيچ بينة

حارس براق بعصبية _ انچب واكل *** مثل النسوان يعيط

اعيط وانه اضغط علة حزامي ومتصل علة فادي من ساعة هو امرني وهسة فادي يعرف بان نحتاج مساعده  لان جاي اصرخ هههههه حسبالهم انه جاي اتشكة مايدرون انه جاي اعلم اعليهم

احنه عدنه حزام متطور مو مثل الاحزمة العادية  لا احنه مافيا وعدنه كلة ادوات متطورة والكترونية هذة الحزام بي جهاز تتبع وجهاز نداء بس اضغط علي انادي علة الكل وفادي مربوط وية زعيمي يخاف يصيرلة شي وهو يتصرف وكذلك بالمقابل اي واحد ينادي من جماعة الزعيم فادي احنه نساعدهم نتعامل مثل الفريق صحيح كلمن زعيم وكلمن يختلف عن حكمة بس صداقتهم قوية

اخذوني سحل ودخلوني بغرفة ريحة الدم تنبعث منهة هههه اكيد غرفة التعذيب لو السجن كل رئيس عصابة عنده غرفة چبيرة يعذب بيهة واحنه هسة محبوسين عندهم

حارس _ انزعوا كول ملابسكم بسرعه

بدينه ننزع ملابسنه وبقينه بس الداخليات وشكلنه يضحك ههههه چا شنسوي يدرون احنه خطرين لهاذ السبب يخافون منه  سمنه ملابسنه الهم وقفلوا الباب علينه

قائد. بس احس السيارة تتحرك ضلية بالساعتين نمشي وهي ماتوگف اخر شي وگفت نزلوني وانه ماشوف شي لان مغطين راسي  سحبوني وياهم  ودخلوني لمكان مدري شني ماعرف بس احس داخل بمكان

شالوا الغطة عني واشوف جدامي اخر شخص ممكن اتوقعه

_ برااااااااااااااااااااااااق   !!!!

براق  _ ههههههه اي براق  شنو تذكرت اني نفسي اللي چنت اشتغل عندك وكنت شريكي بس شنو سويت اتهمتني وسحلتني لغرفة التعذيب 😠

عصرت ايدي بعصبية الچلب يعني هو هاذة الي جاي يهدد

براق  _ اممممم قائد عاشگلة حرمة ومنو هي ياترى هههههههه اكيد مليكة!!!!

وچان يديرني علة الجهة الثانية واشوفنهة واحس گلبي انخمط وما احس بشي بس هي جاي اركض وما احس الة كضوني ولد الچلاب

براق  بخبث _ تؤ  زعيم مافيا ال.....  هيچ انت تحبهة ومتلهف عليهة وهي اللي هربت منك ومن ظلمك ههههه بس والله مرتك تخبل والله نيالك عليهة!!

اريد اهجم علي ماگدر كاضيني كلش زيني ومنيميني بالگاع وقيدوني بسلاسل اريدن اتحرك ماگدر

_ ها قائد راح تتحمل تشوف مرتك تتعذب گبالك

چانت مليكة تدحگلي وعيونهة كلهة دموع ويوگعن علة خدودهة وخالين لاصق علة حلگهة حته ماتحچي ومقيديهة من كل جهة

ضليت الوبن اعليهة _ حيوووووااااااااان سااااااقط تهددني بيهة!!!

براق  😠_ انچب !!!

_********** ابن ال***** يا *** اتركهة مالهة شغل ياعاااااار

_ تؤ تؤ تؤ اني اريدهة عمدني انت قتلت حبيبتي وحرگت شركتي واني نفس الشي راح اسوي بيك عبالك راح تتهنى بحياتك لا والله الة اشوفك الالم اللي تباوع لحبيبك وما بيدك شي علي مثل ما انت عذبتهة گبال عيني وقتلتهة اني هم نفس الشي

گمت اصرخ بي بقوة واعصابي تلفن لا ياااااربي كلشي ولا هي ما اتحمل اخسرهة خسرت ابوي ما اريدهة تتركني مثلة

_ لااااااااااااا  براااااااااااااق حسابي وياك هي بريئة مالهة شغل

_ 😭لعد اني حبيبتي مو بريئة هاااااااا... قائد تتذكر قبل سنتين چنت اتعذب واگولك بس افرج عنهة مالهة ذنب بس انت شنو سويت قتلتهة 😭

مليكة بدموع _ امممم اممممم

چانت تهز براسهة وتبچي وانه محترگ اعليهة

_ براااااااااق  اتركهة لاتصير مثلي صدگيني مراح ترتاح صدگني

براق  بجمود _  الدنيا كما تدين تدان  مثل ماسويت بالناس انت هسة راح يصير  بيك نفس الشي

انهاريت وانه اشوفن مليكة تبچي وخايفة گمت اصرخ بعلاة صوتي بلكي يتركهة وانه اشوفن يروح للطاولة مال الادوات تخبلت گمت احرك بالسلاسل مثل المسودن خايف يأذيهة

_ لا تسويلهة شي عاقبني انه اخذ ثارك مني مو منهة هي مالهة شغل

اعصاب ما ضلت عندي

براق  _ اووووف سدوا حلگة زعجني بصوته... سدوا  بالوصلة حته من يريد يعبر  المه يكتم وميگدر يصرخ وراح يتعذب اكثر

خلو وصلة سودة علة حلگي اريدن اتحچة مايطلع صوتي

احس صوتي انبلع وانه اشوفنهة هيچ  ... وهو اخذ سچينه من الطاولة ورايحلهة وانه روحي فرفحت عليهة

_ممممممم مممممم

دموعي گامن يطيحن وماحاس علة روحي جاي ينعاد بية الزمن وية ابوي بس الفرق هالمرة مرتي جدامي مو ابوي

براق _ هههههه قائد يبچي ما اصدگ.... ملوكة معقولة لهالدرجة يحبچ

گمت اشيل روحي وادگه بالگاع واشوفنه يجرح رگبتهة وهي نتاشغ من الالم

گمت افر براسي بهستيريا وادعي من الله يخلصهة... وگعت الوصلة المربوطة شگد ما اقاوم وصرخت بعلاة صوتي وانه مفرفح اعليهة

_مــــــــلـــــــــيــــــــكـــــــــــــة!!

وللحكاية بقية....

🌺للكاتبة ليال 🌺

اعتذر لان طولت  انشالله ما اتأخر وانزللكم تعويض وهدية للعيد

بليييييز تعليق وتصوووووويت 👇👇👇

تصويت ⭐

تصويت ⭐

لتنسون الكومنت والڤوووت 👇👇👇