قبل كولشي صوتوتلي مراح تخسرون شي اذا تصوتون وحته تصعد روايتي للقمة احتاج دعمكم
⭐⭐⭐⭐⭐⭐⭐
ارتبكت ونزلت راسي ودرت وجهي للكنتور ارتب بغراضي وهو ماهتم اللي اصلا لبس ملابسة وگعد علة السرير لازم فونه
.... جهزيلي العشة
اني گلت بگلبي انشالله يتسمم ويموت واخلص منه
تركت اللي بايدي وگمت اسويلة سم او زقنوت حته يشبع طلعت هوت دوگ نقانق وگليتهة وطبعا بطاطا العشق مالتي وطلعت ببسي وصمون هو جايبة اظاهر من چان برة وگليت فنگر غصبا حچي كولشي جاهز گليت ورحت حظرته علة الطاولة ودخلت للغرفة
.... كملت
... احچي بادب شني كملت تگولين تفضل
انزعجت من اوامره اللي متخلص ونفخت بضيق ودخلت للحمام اغسل لان اكره ريحة المطبخ بالرغم مابية ريحة قلي بس اني احس بعدم ارتياح سبحت وكملت وطلعت قفلت الباب خاف يدخل ماللي خلگ للصدمات والعذاب لبست تراك سمائي شوية احسن من ذاك ولو هو هم ضيق بس اهون منه سرحت شعري وشلته بكماشة وخليت مرطب ومسكارا ورحت للسرير نمت لان راسي يوجعني حيل
🔸🔸🔸🔸🔸🔸🔸
دخلت وشفتهة ترتب بغراضهة بس شني طالعة تخبل والتراك لازگ عليهة ضليت صافن بيهة شلون مرتبة حبيت اغيضهة وجوابهة فاجأني اذكر حنين الله يرحمهة چانت ماتتزين بس بالاوقات المناسبة وچانت كله تلبس فضفاض وعريض حسبالك عمرهة بنهاية الثلاثينات مو بوسط العشرينات . بس هاذي مختلفه دخلت سبحت ومنظرهة مافارگني شلون تتحرك بنزاكة اعترف هي حلوة ونازكة وتتنعوص بس مو هي اللي توگعني ومو انه اللي احبلة حرمة
طلعت وانه بس شاد المنشفة علة خصري وادحگ بيهة دارت راسهة بسرعه ومبين خجلت استغربت چانت حنين بس تسترق النظر اللي وتتحارش بية شو هاذي عكسهة بدلت وجعت وگتلهة تسويلي عشة راحت هي وانه ضليت صافن بترتيبهة لغراضهة بدقة وعناية وكنكت شوية وبعدين اجتني وعطرهة سبقهة بس شني يرد الروح ولا حسبالك چانت تگلي حنين بس تطلع من المطبخ ريحة التگلاة يملي ريتي بس هاذي عطرهة اللي يملي ريتي رحت اكل وصراحة اكلت بشراهة چنت جوعان كلش وهي مادري وين راحت كملت وغسلت وگعدت علة التخم اللي بالصالة اتابع الاخبار وگمت اتثاوب وماحسيت علة شي غير ثاني يوم گعدت الفجر علة كابوس كالعادة من ماكو احد يمي رحت للغرفة دخلت وحظنت ملك احس بالامان وياهة وكل اثر تعب ينمحي بحضنهة ماعرف لويش غمضت عيوني ووجهي برگبتهة اشم عطرهة وگعدت علة صوت دگ الباب وصراخ عالي انه انتفضت واشوف ملك گمزت وتباوعلي بخوف
... شصاير
... مادري روح شوف
YOU ARE READING
مليكة گلبي
Romanceباوعتلة بقهر _ شنو تريد مني صرخ بية: انه اعشگج ليش ما تسمعين گمت ابچي : ماريدك اني ما احبك لزمني بقوة ويباوعلي بحدة: غصبا اعليچ تحبيني دفعته من صدرة: ابتعد عني ماريدك ليش متتركني بحالي باوعلي بنظرة كولهة الم وخيبة وندم حظني وهو يعصرني :...
