حكايات مراهقه. ..حلقات خاصه م...

By HagarHesham442

11.7K 364 201

حكايات كل شاب بيمر بيها زي اي شاب في سنه بيتعلم منها وبتديله درس طول حياته More

البارت 1
البارت3
البارت4
البارت 5
البارت6
صور الشخصيات
باقي صور شخصيات
اعلان عن الجزء الثالث من احببت عنادك

البارت2

997 48 30
By HagarHesham442

في فيلا ادهم واسيل في غرفه اسيا
قاعده ع السرير قدام اللاب الخاص بيها  بتفكر تقبله ولا لا متردده ومش عارفه لكن كأول مره حبت تجرب وتتكلم وهي كل ما ترفضه يبعت تاني ومستغربه الحاحه لكن مبسوطه بيه و بعد تفكير طويل قبلت الادد
وفي نفس اللحظه بعتلها وهي ابتسمت معقوله ملهوف بالشكل دا
رامز :ياااه اخيراً قبلتي الادد جننتي امي حرام عليكي
اسيا ضحكت بخجل وبتردد كتبت:انت مين
رامز :انا ي ستي رامز عز الدين  ومعاكي في نفس الschool
اسيا استغربت :غريبه انا معرفكش
رامز :ماانتي لو بتاخدي بالك كنتي عرفتيني وعرفتي اني معجب بيكي من زمان
اسيا خدودها احمرت بخجل :معجب بياا انا اشمعنا
رامز :بذمتك دا سؤال
اسمها معجب بيكي من امتي
اسيا :اممممم طب معجب بيا من امتي
رامز :يااااه من زمان اوي  واخيراً قدرت اكلمك
بس قوليلي بقاا اشمعنا المرادي قبلتي الادد رغم انك رفضتيه كذا مره
اسيا:اديك قولت رفضته كذا مره كنت بتبعت ليه تاني
رامز :مانا قولتلك اني معجب بيكي ونفسي نتكلم
انا حابب فيكي هدوئك ورقتك وكمان خفه دمك ودي صفات انا بحبها اوي وبحلم بيها من زمان
اسيا :انت مش شايف ان الكلام دا كبير عليك
رامز ابتسم بثقه:لا مش كبير عليا انا قد كل كلمه وبعدين فكيها بقاا شويه
اسيا باستغراب:افكها ازاي يعني
رامز :يعني اساليني وانا اسالك ونتكلم ونعرف بعض اكتر
اسيا :انت عارف لو ادم اخوياا عرف هيعمل فيك اي
رامز :مهما عمل هستحمل اي حاجه عشان خاطرك
اسيا ابتسمت باعجاب وكا بنت في سنها مبسوطه بالكلام دا اول مره تسمعه اول مره يدخل قلبها قدر يجذبها بكلامه المتذوق :انت بايع بقاا
رامز :جدااااً. جربيني ومش هتندمي  انا بجد بحبك وع فكره عمر يبقي صاحبي وهنبقي مع بعض في كل الدروس وانا متأكد انك هتكوني معايا
اسيا :مش فاهمه فيها اي هو عمر اخويا يعني
رامز :قصدي يعني هشوفك ع طول قدامي واملي عيني بيكي
اسيا اتكسفت :طب ممكن بلاش الكلام دا بعد اذنك
رامز :موعدكيش بصراحه لاني لما بشوفك انا ببقي متلغبط مبقدرش امسك نفسي من الكلام الحلو كلام بيخرج كدا من القلب من غير تذويق
اسيا كانت حاسه باحساس غريب عنها اول مره تحسه :طب ممكن تعرفني عن نفسك اكتر
رامز :طبعاً بس هو ممكن نتكلم فون احسن انا زهقت من الكتابه
اسيا بتردد:ممكن تبعت فويس عادي
رامز :امممم ماشي ي ستي هبعت فويس انا عارف انك لسه مش واخده عليا
بس لما تاخدي عليا هنتكلم براحتنا وكمان تبعتيلي صورتك
اسيا :لا طبعاً انا مش ببعت صوري لحد
رامز :بس انا دلوقتي مش اي حد وانا متاكد ان مع الوقت هتبعتي
اسيا:براحتك بس انا مش هبعت
رامز :انتي اضايقتي ولا اي انا بهزر
اسيا:اه اضايقت انا مبحبش حد يجبرني ع حاجه وانا قولت مش هبعت
رامز :خلاض ي ستي متبعتيش انا بهزر مفيش مشكله
اسيا:ماشي حصل خير
...................................................
صحي وهو حاسس بصداع رهيب وبيفتح عينيه بتعب وحاطط ايديه ع دماغه بص وشافها قاعده قصاده ع طرف السرير
مازن باستغراب وتعب :ماما...حضرتك بتعملي اي في اوضتي
جميله بجديه:وهو مينفعش ادخل اوضه ابني ولا اي
مازن :لا طبعاً مش قصدي بس مستغرب حضرتك بتتكلمي بطريقه غريبه هو في حاجه
جميله :انت مش فاكر حاجه
مازن وهو مستغرب :حاجه اي الي فاكرها انا مش فاهم
جميله :انت كنت فين امبارح انت وعمر
مازن اتوتر :يعني اي كنت فين
جميله :انا سؤالي واضح ي مازن كنت فين انت وعمر امبارح والاستاذ راجع سكران وشايلينك
مازن بدهشه:سكران. انا
جميله :ايوا انت
مازن :انا منكرش اني روحت نايت كلاب امبارح انا وعمر وصحابي بس انا مشربتش
جميله بغضب :انت كداب جدك كان شايلك امبارح وريحتك كلها خمره
مازن :انا مبكدبش ي امي  انا حقيقي مش فاكر حاجه  ومش فاكر اني شربت لاني منعت عمر من انه يشرب فا هروح انا اشرب طب تيجي ازاي
جميله استغربت وهي بتحاول تجمع الموضوع:لا لحظه كدا وبالهداوه فهمني  عشان انا مش فاهمه
مازن حاطط ايديه ع دماغه بتعب :طب ممكن بس ادخل اخد شاور وافوق لاني تعبان ومصدع اوي
جميله اتنهدت ووقفت :ماشي ي مازن ولما تخلص شاور هبعتلك برشامه صداع عشان الصداع الي عندك
مازن بهدوء:شكراً ي امي
خرجت جميله وقام مازن دخل الحمام خد شاور وهو بيحاول يفتكر اي تفاصيل حصلت امبارح لكن مش فاكر غير اخر حاجه لما شرب العصير
خرج وشاف شريط البرشام وكوبايه المايه ع الكومودينو
خدها وقعد شويه وغمض عينيه بتعب وفي اللحظه دي دخل اللواء اسر
بصله مازن بأسف ووطي راسه وهو مكسوف منه
اسر قرب منه وقعد جنبه ورفع راسه وبصله :اوعي في مره اشوفك موطي راسك  انت اه غلط بس واجه غلطك بشجاعه وصلحه متوطيش راسك
مازن بندم:انا اسف ي جدو بس بجد انا مش فاكر حاجه انا مشربتش ي جدو ولا عملت حاجه انا خرجت مع صحابي روحنا نايت كلااب
اسر بهدوء:وانت شايف ان دا مش غلط انك واحد في سنك يروح نايت كلااب   انا معاك ان انت مشربتش  بس صح انك تروح مكان زي دا من غير ما تقول لحد.   
عارف انت مقولتش ليه عشان عارف ان دا غلط
مازن :بس انا
قاطعه اسر :انت مشربتش عارف
مازن باستغراب :حضرتك عارف طب امال ماما بتقول ليه كدا
اسر:انا الي شيلتك مش ماما  انت هدومك هي الي كلها خمره لكن بوقك لا يعني مشربتش
مازن بحيره:بس انا مش فاكر حاجه خالص
اسر:طب احكيلي الي حصل امبارح وانا هفهم معاك
بس تكون راجل وتحكي الحقيقه
مازن بقوه:انا راجل ي جدو
اسر ابتسم:طب احكي ي راجل
........................................................
في النادي
قاعدين كلهم. ريم..الاء ..مالك..ادم..اسيا..عز ..عبير
كانوا بيضحكوا ويهزروا وخصوصاً ريم  الي مشهوره بخفه دمها
عبير قطعت جو الضحك والهزار بسؤال غير متوقع وهي بتبص ل ريم وكانت متغاظه بسبب نظرات مالك ل ريم وعايزه تكسفها بأي شكل قدامه:مقولتليش صح ي ريم ناويه تعملي دايت امتي
اصل بصراحه شكلك وانتي تخينه كدا وحش وكدا مفيش حد هيتجوزك لازم تخسي
ريم اتحرجت وبصت في الارض ودمعت والكل باصص ل عبير بغيظ
مالك اتعصب وبص ل عبير بعد ما شاف دموع ريم والي كانت زي النار بالنسباله :وانتي يخصك في اي تخس او تتخن هي بتاكل ع حسابك
وبعدين مين قالك انها وحشه كدا بالعكس البنت لو مش تخينه متبقاش بنت مش احسن ما تكون عامله زي خله السنان مش باينلها بنت من ولد
فوقي لنفسك ي عبير وقبل ما تفكري وتغلطي في ريم اعرفي مين جنبها وهيرد عليكي رد مش هيعجبك 
عبير اتغاظت واتحرجت جداً وبصتله بغضب ومشيت
الاء صقفت بحماس:اوعاااا بقااا ي مالك ي جامد. اي ي ابني الحلاوه دي. ههههههههه دي البت بقت عامله زي الكتكوت المبلول مش عارفه ترد من فوق ولا من تحت  ههههههههه احسن تستاهل هي حارقه دمي اصلاً من الصبح
مالك مسك ايد ريم بحنان :ريم متزعليش من الكلام ال قالته هي اصلاً متغاظه منك واوعي تفكري انك تخسي عشان حد او عشان كلام الناس
ريم شدت ايديها باحراج والدموع ع خدها :محصلش حاجه ي مالك. بس مكنش يصح تحرجها كدا هي عندها حق 
اسيا بضيق :عندها حق في اي دي واحده مش محترمه هي مالها تخينه ولا مش تخينه هي بتأكلك ع حسابها
مالك :خليكي قويه ي ريم واوعي تخلي حد يجرحك بكلمه انتي حلوه كدا صدقيني
ريم ابتسمت مجامله لكن جواها مخنوقه ونفسها تنفجر من العياط:شكراً ليك ي مالك   معلش انا مضطره امشي
مالك مسك ايديها يمنعها:استني هتمشي ازاي لسه السواق مجاش
ريم :هركب تاكسي او هطلب اوبر
شدت ايديها ومشيت خطوتين لكن وقفها
مالك وقف وقرب منها :استني انا هاجي معاكي مضمنش موضوع التاكسي دا
ريم :ملوش لزوم ي مالك اقعد انت وكمل قعدتك مع صحابك وانا همشي
مالك بتصميم:انا قولت هوصلك مش هسيبك تمشي لوحدك يلا بينا
مشيت وهو جنبها وبيتمشوا وهما خارجين من البوابه خد بالها وهي موطيه راسها وبتدمع
مالك اتنهد :ممكن كفايه دموع انا مش جبتلك حقك
ريم بدموع:هي عندها حق انا تخينه وحاولت كتير اخس بس مش عارفه
مالك وقف ووقفها وبصلها بحنان :ريم ملكيش دعوه بكلام حد انتي والله حلوه كدا  وبعدين مش بالجسم انتي دمك خفيف وجميله  ولو عايزه تخسي فا عشان نفسك مش عشان حد
ريم مسحت دموعها :خلاص ي مالك  خلينا نمشي انا زهقت
مالك :مش هنمشي قبل مااشوف ضحكتك حالاً
ريم :ي مالك انا مبهزرش يلا بقاا
مالك بثقه:ولا انا بهزر مش هنمشي غير لما تضحكي
ريم بضيق :يووه خلاص همشي لوحدي
مالك بقوه :طب فكري تخرجي لوحدك شوفي هعمل اي
ريم بغيظ :مالك انا مبهزرش بجد
مالك:ولا انا بهزر
ريم ابتسمت بغيظ وهي بتضغط ع اسنانها :حلو كدا
مالك ابتسم ببرود:تؤتؤ مش من قلبك
ريم ابتسمت غصب عنها وهو ابتسم :ايوا كدا اضحكي
ريم :ههههه طب يلا بقا
مالك ابتسم:يلا
..................................................
الاء كانت لسه قاعده وبيتكلموا كلهم وجالها رساله ع الفون فتحتها وابتسمت غصب عنها لكن كتمت ابتسامتها بسرعه قبل ما حد ياخد باله بس كان خد باله خلاص
الاء بصتلهم :عن اذنكوا هدخل التواليت
الكل :ماشي
قامت الاء ومشيت وهو متابعها بعينيه وقام وراها وهو حاسس بحاجه غريبه هي مخبياها
راحت الاء في مكان خالي من الناس وهي بتبص حواليها بتدور عليه وفجاه لقت حد شدها من ايديها لحضنه في حركه سريعه ملحقتش تعترض او تعمل اي حاجه
الاء بخضه:يزيد. زقت وبعدت شويه.باحراج. حرام عليك ي يزيد خضتني
يزيد بحب :قلب يزيد وحشتيني  اعمل اي مانا مش عارف اتلم عليكي دققتين بسبب اخواتك الي قاعدين واول ما شوفت مالك وهو ماشي مع ريم قولت اكلمك ع طول
الاء بحب :وانت كمان وحشتني اوي ي يزيد
يزيد ابتسم:ايوا هو دا الكلام  اي القمر والرقه دي
الاء ابتسمت برقه:ممكن تقولي بقاا جايبنا هنا ليه المكان مفهوش حد ويخوف
يزيد وهو مبتسم بمكر :دا احلي حاجه ان مفهوش حد عشان نبقي ع راحتنا
لف ايديه حوالين خصرها وقربها لحضنه وبيقرب من شفايفها وهي اتخضت وبتحاول تبعد
عز كان بيدور عليها وهي اختفت فجاه من قدامه ومش شايفها وهو بيلف لمحها واتصدم من الي شافه وبيقرب منهم بشراسه وغيره صعب السيطره عليها وبكل قوته شده قبل ما يبوسها وضربه بالبوكس وقعه ع الارض من قوته وصرخ بألم وهي اتخضت ورجعت لورا
الاء بصت ل عز بغضب :انت اي الي انت عملته دا ي غبي
عز بغيره قويه ضربها بالقلم وصوت جهوري :انتي تخرسي خالص كمان بجحه
الاء اتصدمت وهو عمره ما مد ايده عليها واتعصبت :انت بأي حق بتمد ايدك عليا انت اتجننت
عز مسكها من دراعها بقوه :انتي لسه شوفتي جنان  اقسم بالله ما هرحمك ي الاء ع المسخره والزباله دا
يزيد كان حاطط ايده ع عينيه وهي ورمت وباصص ل عز بخوف
عز بصله بغضب وقوه:وانت ي زباله عارف لو شوفت طيفك تاني مش هرحمك غووووورر
لف ل الاء وشدها من ايديها وهو بيسحبها وهي بتضربه وبتحاول تفلت ايديها منه
الاء بغضب :سيبني ي متخلف
زقت ايديه بقوه. عز انت ملكش حكم عليا انا حره
عز قرب منها وبيبصلها بغضب :اي الحريه في انه يبوسك ي هانم
وبعدين عرفتيه من انهي داهيه واكيد بقا استغليتي عدم وجود اخواتك وقولتي تعملي الي انتي عايزاه
الاء بغضب:انت اتعديت حدودك اوي  وبعدين دا صديق عادي وانت ملكش دعوه
عز بعصبيه وغيره:والصديق العادي بيتباس  انتي اي صديق بتبوسيه
الاء بغضب:احترم نفسك ي عز واعرف انت بتقول اي والا قسماًبالله هشتكي لاونكل حمزه
عز بسخريه:وهتقوليلوا اي بقاا عز لحقني قبل ما اتباس
الاء رفعت ايديها بغضب وهي تنوي ضربه بالقلم :لا انت زودتها اووي
عز مسك ايديها بقوه وعينيه اتحولت للون الاسود من شده الغضب وبيضغط عليها بقوه وهي خافت:اقسم بالله لو فكرتي ورفعتي ايدك ما هخليكي تلحقي تنزليها فوقي لنفسك واعرفي انا ابقاا مين  ماشي ي الاء
زقها وزق ايديها ومشي وهي كانت متوتره وخايفه انو يقول الي شافه لباباها او مامتها
.................................................
ادم باستغراب :هو فين عز والاء اختفوا فجاه
اسيا بحيره:مش عارفه بس يمكن هنا ولا هنا بيتمشوا
اسيا كانت بتبص حواليها ولمحت رامز واقف بعيد وبيشاورلها وهي اتوترت من وجود ادم اخوها
وادم خد باله من توترها :مالك ي اسيا متوتره كدا ليه في حاجه
اسياا وهي بتحاول تخفي توترها :لا ابداً مفيش حاجه
انا بس زهقت وعايزه امشي
ادم وقف :طيب يلا بينا
وقفت اسيا ومشيت معاه وهي متوتره وبعتت رساله ع الفون ل رامز
:معلش مش هقدر اكلمك عشان اخوياا سامحني
وصلها رساله منه
:ولا يهمك انا خدت بالي فعلاً خلاص نبقي نشوف بعض وقت تاني
ادم بصلها باستغراب وهو شايفها ماسكه الفون وبتكتب :انتي بتكلمي مين
اسيا بصتله بتوتر :دي. الاء بقولها ان احنا ماشيين
ادم هز راسه بتفهم:اممممم ماشي
...............................................
في فيلا حمزه وناديه
دخل مازن وهو مضايق ومتعصب لكن بيحاول يكون طبيعي بص ل ناديه.ازي حضرتك ي طنط
ناديه مستغربه ضيقه :الحمدلله ي مازن مالك شكلك مضايق
مازن :لا مفيش حاجه
هو بس عمر فوق
ناديه :ايوا فوق بس نايم اطلع صحيه
مازن :طيب شكراً ي طنط
طلع مازن ودخل الاوضه وقفل الباب كويس وقرب من عمر بضيق وبيهزه بعنف :انت ي زفت قوم
عمررر قوم
عمر بتأفف ونعاس:في اي بس. ي ماما سيبيني انام
مازن بيهزه اقوي :قوم ي زفت انا مش امك
عمر فتح عين واحده وبصله وغمض عينيه تاني وبصوت فيه النوم:عايز اي ي مازن  سبني انام
مازن شال الغطا من عليه :انت مش هتتزفت تنام غير لما تقوم وتفهمني
مسك ريموت التكييف. وقفله.  وادي الزفت التكييف كمان اهو
عمر نفخ بغضب وزهق وقعد ع السرير وبصله وهو مغمض عينيه ونعسان:اتفضل قول الي عندك
مازن :انت عملت اي امبارح فياا
عمر فتح عينيه ورفع حاجبه:نعم ي نغه هنعمل فيكي اي يعني
مازن اتعصب ومسك من لياقه التيشيرت :ولااا ماتستعبطش انت فاهم كويس انا اقصد اي
انتوا شربتوني اي امبارح عشان انام ومدريش بالدنيا وتعملوا انتوا القذاره بتاعتكوا من غير ما ازعجكوا
عمر شال ايديه وقام من ع السرير وزم شفتيه بسخريه:طب ماانت حللت وقولت كل حاجه اهو عايزني اشرح اي بقاا.  قرب من الدرج وفتحه وطلع سيجاره واشعلها.  ولا هو جاي تصدعني وخلاص عشان شربتك حاجه اصفرا
مازن قرب منه بغضب وشد السيجاره ورماها في الطفايه. :بطل بقااا الزفت دا وفوق
انت مالك في اي. ..شرب ونسوان وسجاير اي القرف دا
عمر بعده عنه بغضب :انا حر ي اخي انت مالك ولو مدايق ع الي عملته خلاص ي سيدي مش هيحصل تاني ومش هناخدك معانا في مكان
مازن زقه بغضب  :انت غبي ..فاكرني خايف ع نفسي وزعلان
انا خايف عليك انت وانت لسه في السن دا وبتعمل كل دا والانيل لو اونكل حمزه عرف
عمر ببرود :وفر خوفك ي مازن انا مرتاح كدا ومبسوط
وبابا مش هيعرف حاجه
مازن :ولحد امتي مش هيعرف يوم ..يومين ..شهر بس في الاخر هيعرف وي عالم رد فعله هيكون اي والاكتر مامتك الي انت هتوديها في داهيه عشان بتخبي ع باباك وعارف ومتاكد انها متقدرش تقول ل باباك عشان انت متتأذيش بس متعرفش ان اذي باباك اهون بكتير من الاذي الي انت بتعملوا في نفسك
عمر اتنفس بقوه وقعد ع السرير :انا مش صغير ي مازن
انا عارف انا بعمل اي وانا حر في حياتي ..انا دلوقتي راجل اقدر اعتمد ع نفسي
مازن :قصدك تعتمد ع فلوس ابوك
فين الي انت اعتمدتوا ع نفسك. ..انك تشرب سجاير دا اعتماد ع نفسك ..انك تمشي ورا النسوان وتعلق البنات بيك وفرحان بلمتهم حواليك كدا اعتمدت ع نفسك ..انك تكلم دي وتصاحب دي وتعلق دي بيك وتشرب خمره دا اعتماد ع نفسك ...فين الكلام الي انت بتقوله دا
عمر بصله بزهق وملل :انت جاي عشان تقولي الكلمتين دول خلاص ي سيدي وصلوا واحب اقولك مش لوحدك الي قالهم
انا اصلاً شكيت ان عز هو الي قالهوملك من كتر مااتقالولي منه
بس وفر ع نفسك انا كدا ومش هتغير وانت لسه قايل فلوس ابويا مش فلوس ابوك
مازن اتنفس بغضب وقوه:ماشي ي عمر انت حر بس هتندم في الاخر
سلام
خرج مازن وقفل الباب بقوه وعمر قعد ع السرير وطلع سيجاره ودخنها
عمر بضيق:الله يحرقك عكننت علياا ع الصبح
وعمال تديني في مواعظ  ..لما اكلم چيچي تفكني من الجو الخنقه دا بس يارب متكنش خنقه زيهم
............................................
في فيلا جاسر وجميله. يوم عيد ميلادهم مالك ومازن والاء...عز وعمر...ادم واسيا...انس
كانت في اوضتها ومعاها اسياا وريم خلصوا لبس وكانوا في ابهي صورهم ب فساتين شيك وجميله
الاء بتلف بالفستان بحماس:اي رايك
اسيا ابتسمت هي وريم :شكلك حلو جداً
الاء ابتسمت :انتوا احلي طبعاً
يلا بقاا عشان ننزل بينادوا علينا
نزلوا البنات وطبعاً جذبوا انتباه الكل ونظرات وقحه منه وهو بيبصلها من اول شعرها لحد الكعب بنظرات خبيثه
وشخص اخر غيران وهو شايف نظراته وهو بيتفحصها بعينيه بشهوه والشخص دا كان عز
سلموا البنات ع كل الموجودين والاء بعد ما سلمت قربت منه وهي مبتسمه بلهفه :متتخيلش كنت هزعل اد اي لو مكنتش جيت
يزيد ابتسم بخبث:مقدرش مجيش عيد ميلادك ي حبيبتي
مد ايده بالهديه. اتفضلي هديتك ي حبيبتي  كل سنه وانتي طيبه
الاء بسعاده:وانت طيب
مالك كان مشغول مع اصحابه هو ومازن لكن لما شاف الاء واقفه مع يزيد لوحدهم غار بشده وقرب منها وبصوت قوي لكن محذبش الانتباه:الاء
الاء اتخضت وبلعت ريقها بقلق وبصتله :ايوا ي مالك
مالك بيشاور بعينيه ع يزيد :اي الي موقفك معاه لوحدكوا
الاء بتوتر :دا. يزيد صديق ليا
مالك بجديه:انا مطلبتش منك تعرفيني عليه انا عارفه كويس وعارف انو معانا انا سؤالي واضح
الاء :فيها اي ي ماالك صديق وجاي عيد ميلادي ووقفنا مع بعض شويه
مالك رفع حاجبه بقوه :طيب اتفضلي اقفي مع البنات
الاء دبت ع الارض بغيظ وخنقه:حاضر
مشيت الاء ومالك بص ل يزيد :عارف لو شوفتك واقف معاها تاني
يزيد حمحم بتوتر :احم لا متقلقش مش هيحصل عن اذنك

من بعيد ابتسم عز ع رد فعل مالك وهو مبسوط لكن كان موجوع وهو شايف حزنها عليه وكان موجوع اكتر لما افتكر وهما قريبين من بعض وكان هيبوسها وبيولع من الغيره

الاء قربت من جميله وهي كانت واقفه مع ناديه واسيل وسلمي
الاء بضيق :ماما بعد اذنك عايزه حضرتك شويه
جميله ابتسمت :حاضر ي حبيبتي
استاذنت جميله وبعدت هي والاء شويه :مالك في اي ومكشره كدا ليه
الاء بضيق:مالك ي ماما كل ما يشوفني واقفه مع حد يزعقلي
جميله هزت راسها بتفهم وبصتلها :اي حد ولا شاب قصدك
الاء بتوتر :حضرتك قصدك اي
جميله :قصدي ان اخوكي مغلطش
مينفعش تقفي مع واحد لوحدكوا واحمدي ربنا ان الي شافك مالك لان لو مازن كان بهدل الدنيا
بصي ي الاء انا مش هكدب عليكي واقولك ان مكنش ليا اصدقاء بس بعد كدا اتعلمت الدرس وعرفت ان الصداقه بين الولد والبنت متنفعش لانها مش بتفيد بأي حاجه بالعكس بل بتضر وانتي لما عرفتيني ع يزيد انا مرتحتش لنظراته بس هقول انكوا لسه صغيرين
تقدري تقوليلي بتستفادي اي لما يكون عندك اصدقاء ولاد
ماانتي عندك اهو عز وعمر وادم وانس كلهم اصدقاء وكويسين وعمر ما حد اتعدي حدوده معاكي ليه مصممه ع دا يكون صديق ليكي
الاء متوتره مش عارفه تقول اي :هو لازم يعني يكون فيه سبب عشان يبقي ليا صديق غير دول
انا اصلاً دول حاسه انهم اصدقاء بالاجبار
اتولدت واحنا قريبين من بعض ومولدين مع بعض فا كان اجبار انهم اصدقاء ليه مختارش انا بنفسي اصدقائي
جميله اتنهدت بتعب من دماغها الناشفه :اختاري براحتك ي حبيبتي
بس بنات انا قولتلك مش هتستفادي حاجه بصداقه الولاد
الاء نفخت بغضب :يووه انا زهقت من التحكمات دي والمراقبه
اشمعنا انا ما مالك بيحب ريم ومحدش كلمه
جميله بحده:اولاً وانتي بتتكلمي معايا متنفخيش وتزعقي
ثانياً مالك عمره مااتعدي حدوده مع حد ومتعرضش ل ريم ولا عملها حاجه دي مجرد نظرات من بعيد
وبعدين انتي بتتناقشي في اي انتي عارفه انتوا في سن اي
حب اي وبتاع اي الي بتتكلموا عليه دا  نفضي الافكار الزفت دي من دماغك
انتي لسه صغيره وبتدرسي ركزي في دراستك ودلوقتي ركزي في الحفله
وبطلي دلع
مشيت جميله والاء متعصبه وبتغلي
عز قرب منها ومد ايده وهو بيديها هديتها :كل سنه وانتي طيبه ي الاء
الاء بصتله وبرغم ضيقها وكمان خجلها منه بسبب اخر موقف حصل لكن ابتسمت وهو بالنسبالها ليه معزه خاصه عندها وبتعتبره اكتر من اخ
خدت منه الهديه :وانت طيب ي عز
وكل سنه وانت طيب بردوا ثواني هجبلك هديتك
عز مسك ايديها وقفها بهدوء وهو مبتسم :انا مش عايز هدايا
افتحي هديتك بس اهم حاجه
الاء استغربت وبصت للهديه وكانت عباره عن علبه زي الصندوق المجوهرات فتحته واندهشت من الي شافته وبصتله
عز :متنسيش حلمك ي الاء
بلاش اي حاجه حواليكي تخليكي تنسيه وتبعدي عنه مهما كان الشخص دا
صوني نفسك وحافظي عليها انا عشان عارفك وواثق فيكي بقولك الكلام دا
دي مش انتي ي الاء ..بلاش تقلدي حد وخليكي بشخصيتك متتغيريش عشان حد
مشي عز بعد ما قال كلامه وسابها في دهشتها وبتفكر في كلامه وعارفه انو قاصد الموقف الي حصل وكمان تغيريها في طريقتها ولبسها
لحد ما خلص العيد ميلاد وهي سرحانه وبتفكر في كلامه
هي فعلاً نسيت حلمها ...هي فعلاً غلطت ..مكنش ينفع تسمح ل يزيد انو يتعدي حدوده زي بردوا لما مسمحتش ل عز يتعدي حدوده
ماسكه الهديه في ايديها وبتتأملها ليه هو جابلها الهديه دي مخصوص دلوقتي هل بسبب الموقف الي حصل وهو شافه
فتحتها وبتتأملها اكتر ومستغربه كانت هديته غريبه
اغرب هديه جاتلها انهارده كان مسدس لكن طبعاً مش حقيقي
مسكت المسدس وطلعته من العلبه لكن لمحت سلسله تحته كانت فضه وشكلها رقيق وجميل جداً واستغربت اكتر هو قاصد اي بالمسدس وكمان تحته سلسله لكن مخدتش وقت كتير في التفكير اتنهدت ورجعت المسدس والسلسله في العلبه وفتحت هديه يزيد وكان دبدوب احمر صغير شكله جميل جداً وسلسله دهب عليها اسمها متزخرفه بشكل روعه ابتسمت ولبستها بسعاده ومسكت فونها وكلمته
.......................................................
في فيلا جاسر وجميله قاعدين في الدرس كلهم
مالك ومازن والاء...ادم واسيا...عز وعمر ...وانس وچيرمين ويزيد ورامز وكريم وحسن
كلهم مركزين في الشرح ماعدا رامز الي كان بيحاول يلفت انتباه اسيا من غير ما حد ياخد باله ولما معرفش خبطها من تحت التربيزه برجليه ع رجليها وهي فاقت وبصتله لكن قلقت ان ادم ياخد باله وهزت راسها بمعني ركز لكن هو تأفف بملل
المدرس خد باله من النظرات وبص لاسيا بطرف عينيه :ركزوا معايا هنا عشان الجزء دا مهم
اسيا ورامز فهموا ان الكلام ليهم وركزوا واسيا اتحرجت وركزت في الشرح تاني
عز كان باصص ل الاء وخد باله انها ملبستش السلسله بتاعته ولبست بتاعت يزيد اتوجع لكن مبينش ورجع ركز في الشرح
بعد ما خلص الدرس خرج ادم واسيا وعز وعمر وانس وجيرمين ويزيد ورامز وكريم وحسن
ركب ادم واسيا تاكسي ..وانس كانت الفيلا جنب الفيلا فا اتمشي
رامز مسك فونه وبعتلها رساله وهو متغاظ ومضايق بسبب انو مش عارف يكلمها بسبب وجود ادم ع طول معاها مش بيسيبها لحظه :اسياا اتصرفي اعملي اي حاجه انا زهقت عايز اكلمك شويه لوحدنا مش هنفضل طول عمرنا نتكلم فون بس
اسيا في التاكسي جالها رساله مسكت الفون وفتحته وقرتها واتنهدت وكتبت:طب اعمل اي ي رامز انت شايف بنفسك
ادم مش بيسيبني لحظه
رامز :يووووه  وامتي بقاا هنتكلم وهو معاكي طول الوقت
اسيا بحيره:مانا مش عارفه ي رامز
رامز بضيق:خلاص ي اسياا براحتك
انا غلطان اني عايز اتكلم معاكي واشوفك سلام
اسيا بلهفه وهي محتاره مش عارفه تعمل اي :استني بس
انا هحاول اتصرف بس اديني كام يوم كدا اعرف هعمل اي
رامز ابتسم:ماشي وانا موافق
اسيا باين ع ملامحها القلق والحيره مش عارفه هتتصرف ازاي وتقابله هتقدر تهرب من سيطره اخوها
وكمان قلقانه من اول مقابله ليها معاه
.......................................................
عمر بص ل عز وهو بيحك راسه:انا هخرج مع اصحابي شويه
عز بضيق:بردوا صحابك
انت حر انا زهقت اصلاً من كتر الكلام معاك وانت مفيش فايده بس متزعلش بقاا لما اقول ل بابا
عمر بغضب :وانت مالك بيا انا حر خليك في حياتك وانا في حياتي ولو قولت ل بابا ي عز لا انت اخويا ولا اعرفك
عز زقه بغضب :انت بتهددني ي عمر
انت عارف كويس اوي اني مبتهددش والي عندك اعملوا
حسن بيحاول يمنعهم من التشابك :ي جماعه اهدوا مش كدا محصلش حاجه لكل دا
كريم بص ل عز :احنا هنتمشي شويه ي عز مفيش حاجه
عز باصص ل عمر بغضب :براحتكوا
مشي عز وسابهم
كريم تأفف بملل وزهق:اووف اخوك دا خنيق اووي
انا مش عارف انت تؤامه ازاي
عمر بص ل كريم بغضب :ما تلم نفسك ي عم انت كمان متنساش انو اخوياا
كريم بحده:اي ي عمر انت هتمسك فيا انا كمان
رامز وقف قصاده :عمر اهدي كريم ميقصدش
عمر بضيق:ولا يقصد
بعد وقت في كافيه ع النيل متجمعين كلهم وبيشربوا شيشه
چيرمين بصت ل عمر وهو بيشرب شيشه ونفسها تجرب وبخجل :عمر ممكن اجرب
عمر :بلاش هتتعبك
چيرمين بحماس:عشان خاطري
عمر :ماشي
ابتسمت بحماس وخدت منه الشيشه
چيرمين سحبت الدخان بقوه واتخنقت :كح كح كح كح كح
امسك مش قادره كح كح  دي متعبه اوي كح كح
عمر خد منها الشيشه:قولتلك هتتعبك  استني هطلبلك اوريو عشان هتتعبك وهتحسي بهبوط
طلبلها عمر الاوريو وشربته وهي فعلاً كانت حاسه بدوخه ومش قادره تتنفس لكن بدات تاخد نفسها لما شربته
عمر بصلها:احسن دلوقتي
چيرمين هزت راسها:ااه   انا عايزه اروح بقاا انا اتاخرت اوي
عمر :شويه وهنقوم
حسن بصله:مقولتليش صح هتعمل اي مع عز شكلوا ناوي يقول لابوك
عمر بعيون بتصرخ من الغضب ووعيد :يبقي هو الي حفر قبره بايده
والنار الي هو ولعها دي مش هتلسع غيره
چيرمين بدهشه:انت بتقول اي ي عمر دا اخوك  اكيد مش هتأذيه
عمر :اكيد طبعاً مش هأذيه بس لازم قبل ما هو يأذيني ويقول ل بابا. اتغدي بيه قبل ما يتعشي بياا
كريم :هتعمل اي يعني
عمر بغموض :بعدين هبقاا اقولكوا   وقف عمر  انا ماشي يلا بينا
چيرمين وقفت معاه وهو دفع الحساب وخدها ومشي
حسن بصلهم وضحك:تفتكروا ي شباب لو مش معانا واحد زي عمر مين الي هيصرف علينا
كلهم ضحكوا خصوصاً رامز :مفيش طبعاً هو حد فينا حيلته حاجه
الا طبعاً يزيد
يزيد باستغراب:انا اشمعنا بقاا
رامز :مش انت معاهم في نفس المدرسه  احنا حياله اتصحبنا عليه في النادي. وحتي مش مشتركين فيه
يزيد :ايوا انا معاهم في نفس ال school وال class كمان بس دا مش معناه اني غني ومعايا فلوس انا بابا بيشتغل برا ومتجوز وبيدفع مصاريف مدرستي لكن الباقي جوز ماما بياخده غصب عني
رامز :يعني كلنا زي بعض محدش كان هيسهر السهرات الجميله دي من غير عمر
حسن غمزه:ويشوف النسوان الجامده دي بردوا
اي دا يخربيتهم ي جدعان دي نسوان تحل من ع حبل المشنقه
رامز بخبث :ولسه دا انا عندي ليكوا مفاجاه جامده بس عمر ميعرفش عنها حاجه
حسن:اي الوطينه دي يعني احنا بنروح معاه في كل حته ولما يكون فيه مصلحه حلوه نرميه
رامز :اصل المصلحه دي عزيزه عليه اوي ومينفعش يعرف
كريم بعدم ارتياح: انا مش مستريحلك اوعي تكون مصيبه من مصايبك
رامز :لا مش مصيبه دي مزه ومش اي مزه دي واحده بيور كدا لسه بنت بنوت نتمزج بيها براحتنا بس انا الاول طبعاً
كلهم بصوا لبعض باستغراب ودهشه خصوصاً حسن :ولااا اوعي تقول البت چيرمين
رامز :لا طبعاً دي البت احلي واحلي بكتير
كريم :طيب امال مين يخربيت عقلك قول
رامز ابتسم بخبث :لا خليها مفاجاه احسن ولسه لما تستوي شويه واقدر اجيبها عندي
حسن اتنفس بقوه ورغبه :انت شوقتنا يخربيتك
..........................................................
في التاكسي
عمر قاعد جنبها ورا ولافف ايديه حوالين خصرها ومقربها ليه وهي مكسوفه
چيرمين بخجل قربت من ودنه ووشوشته:عمر بعد اذنك ابعد انا محرجه اووي
عمر حط ايديه ع راسها وخلاها تسند ع صدره وهمس في ودنها :متخافيش ي حبيبتي انا عمري مااذيكي وبعدين انا قولتلك مش بحب غير كلمه حاضر ونعم هتزعليني منك تاني
چيرمين رفعت راسها وبصتله بلهفه وقلق :لا والله مش قصدي ازعلك  انا بس محرجه
عمر رجعها لحضنه وابتسم:محرجه مني انا
انتي تتحرجي من العالم كله وانا لا ..انتي هتبقي مراتي  قرب من ودنها وهمس يعني مش هكتفي ب دا بس
چيرمين اتكسفت وغمضت عينيها بقوه وخجل وهو ابتسم
اما السواق بينفخ بغضب من القرف الي شايفه وسامعه وبيستغفر في سره
وقف التاكسي قدام فيلتها بعدت عن حضنه ونزلت وهي مكسوفه وشاورتله ودخلت الفيلا والتاكسي اتحرك
.............................................................
في فيلا حمزه وناديه
عمر واقف قدام باباه بملامح حزينه ومضايقه :انا والله ي بابا  حاولت معاه كتير ونصحته كتير جداً بس هو مسمعش كلامي
ودايماً بيزعقلي ويقولي ملكش دعوه
حتي هددني اني لو قولت لحضرتك هينسي انه اخوه
بس انا ميهمنيش كل دا انا الي يهمني اخوياا يرجع عن الي بيعمله
حمزه واقف عند الشباك وهو حاطط ايده في جيبه بقوه وغضب :من امتي الكلام دا
عمر :بقاله اربع شهور
حمزه لف وبصله بقوه وغضب :اربع شهور وانا معرفش حاجه
اربع شهور وخبيت عني كل دا
واكيد مامتك تعرف
عمر :ماما خافت تقول لحضرتك وهي زي بتنصحه لكن مش بيسمع لحد
حمزه هيتجنن مش قادر يصدق ان عز ابنه يعمل كدا وهو عارفه كويس زق عمر بعيد عنه وخرج برا المكتب وطلع ع السلالم وبصوت جهورري:عززززز 
ناديه خرجت من اوضتها بخوف من صوته وهي مش فاهمه في اي وبصت ل حمزه الي كان طالع ع السلالم بغضب وقوه:حمزه في اي
حمزه بصلها بعصبيه:انتي تخرسي خالص حسابك معايا بعدين
خرج عز من اوضته وبص ل باباه باستغراب :في اي ي بابا حضرتك بتنادي عليا
حمزه زقه بعيد عن الباب ودخل الاوضه وفتح الدولاب وهو بيدور ع حاجه بجنون وعصبيه ورماه كل هدومه ع الارض باهمال وعصبيه وقرب من الادراج وفتحها واتصدم وهو مكنش مصدق ولا متوقع لكن دلوقتي اتاكد
كان عز وناديه واقفين عند الباب مش فاهمين هو بيدور ع اي واتصدموا من الي شافوه
حمزه قرب منه بغضب  :دي بتعمل اي في اوضتك ي استاذ
عز بصدمه :انا والله مااعرف عنها حاجه ولا اعرف جت اوضتي ازاي
حمزه مسكه من لياقه التيشيرت وشده بغضب :انت بتستعبط  وهي هتشتري نفسها وتدخل اوضتك لوحدها
عز :والله العظيم ي بابا انا معرفش عنها حاجه
ناديه بقلق :حمزه اهدي وخلينا نفهم
حمزه بصلها بغضب :نفهم اي ي هانم
نفهم ان الاستاذ بيشرب سجاير من زمان ومش بس كدا دا كمان الهانم مراتي بتداري عليه
عز بلع ريقه بمراره وكسره :ي بابا والله انا مش بشرب حاجه وانا معرفش السجاير دي دخلت اوضتي ازاي
حضرتك ليه مش عايز تصدقني
حمزه بغضب :اصدق اي وانا مطلع دي من اوضتك
ناديه غمضت عينيها بخوف واتنفست بقوه وثبات وبصتله:السجاير دي بتاعتي انا
كلهم اتصدموا حتي عمر
حمزه ساب عز وقرب من ناديه ومسكها من ايديها بقوه :بتاعت مين ي روح امك
انتي بتدافعي عنه يعني ..بتزودي الغلط بدل ما تقوليلي من الاول ونلحق الموضوع
عز بحزن :ي بابا انا بقول لحضرتك انا مشربتش سجاير
حمزه بغضب :انت تخرس خالص
انا هربيك من اول وجديد ي عز  ومفيش خروج ليك ودروسك كلها هتاخدها لوحدك هنا واللاب والفون مش هتشوفهم طول حياتك لحد ماتتربي واشوفك راجل بجد
عز بحزن ومراره:الي حضرتك تشوفه ي بابا
خرج حمزه وناديه قربت من عز وخدته في حضنها
ناديه دمعت بحزن:عشان خاطري متزعلش انا عارفه ان انت متعملش كدا وانا هحاول اتكلم مع باباك
عز بعد عن حضنها :انا الي مضايقني ان بابا خد عني فكره وحشه
وحضرتك عارفه اني عمري ما شربتها. وعارفه كويس مين الي  عمل كدا  بص ع عمر الي كان واقف عند باب الاوضه
عمر اتوتر وبعد عينيه ومشي وهو ضميره بيأنبه ع الي عمله
ناديه بحزن وهي مكنتش تتخيل ان عمر يعمل كدا :ليه مقولتش لباباك ان هو الي بيشرب مش انت
عز :لان عمر ميقدرش يستغني عن كل الي انا اتحرمت منه
انا كدا كدا مش بستخدم اللاب والفون كتير وانا مش بخرج غير عشان الدروس
ناديه :بس انت اتظلمت
عز بحنان:متقلقيش عليا ي امي انا كويس
المهم دلوقتي حضرتك انا قلقان عليكي بابا شكله متعصب اوي
ناديه اتنهدت بقلق :متخافش عليا انا هتصرف مع باباك اهم حاجه انت
مش متحمله اشوفك مظلوم واسكت
عز مسك ايديها بحنان :عشان خاطري بلاش تقوليله ع عمر انا هتحمل
ناديه دمعت بحزن :حاضر ي حبيبي
خدته في حضنها وباسته بحنان
....................................................
بجد ربنا يخليكوا ليا وع الكلام الجميل الي حمسني بجد وفرحني جدااااً جداااً وزي ما فرحتوني حبيت افرحكوا وهنزل بارت تاني يارب يعجبكوا وان شاء الله نخلص الحلقات الخاصه بسرعه عشان ندخل الجزء الثالث الي باذن الله هيعجبكوا جداااً ♥️♥️♥️♥️♥️🙈بحبكووووووا

Continue Reading

You'll Also Like

298K 14.7K 33
اول روايه لي 🦋.. كاتبه مبتدئه ✨.. استمتعو 💗
528K 17.1K 37
قصه شيخ عشيره عمره ٣٩ ياخذ فصليه بعمر المراهقه ١٦ سنه بسبب العادات والتقاليد
696K 30.7K 39
احبك مو محبه ناس للناس ❤ ولا عشگي مثل باقي اليعشگون✋ احبك من ضمير وگلب واحساس👈💞 واليوم الما اشوفك تعمه العيون👀 وحق من كفل زينب ذاك عباس ✌ اخذ روحي...
1M 31.5K 43
لقد كان بينهما إتفاق ، مجرد زواج على ورق و لهما حرية فعل ما يريدان ، و هو ما لم يتوانى في تنفيذه ، عاهرات متى أراد .. حفلات صاخبة ... سمعة سيئة و قلة...