جميله والاء اتخضوا ووقفت جميله و بتحاول تمنعه عنها :جاسر اهدي عشان خاطري انا هفهمك
جاسر بصلها بقوه:انا الي فاهمه دلوقتي انك تخرجي حالاً وتقفلي الباب
جميله بقلق :جاسر مفيش حاجه من الي في دماغك
احنا بس بندردش مع بعض
جاسر مسك ايديها بقوه وعصبيه:وانا مش لسه هستني لما يكون فيه
بيشدها للباب. واخرجي دلوقتي
جميله بصت ع الاء الي واقفه عند اخر ركن في الاوضه ومرعوبه ورجعت بصت ل جاسر بقلق :طب خليني موجوده
جاسر بغضب :انتي سمعتيني قولت اي
زقها برا وقفل الباب بالمفتاح وهي بتخبط بقوه
جاسر لف بشراسه وقوه وهو بيقرب منها :مين يزيد دا بقااا
الاء بتترعش من الخوف :انا اسفه والله ي بابا
جاسر ضربها بالقلم و بصوت جهوري :انتي سمعتيني بقول اي
مين زفت دا
الاء وقعت ع الارض من قوه القلم ودموعها نازله بخوف:دا..دا...دا زميلي في المدرسه
جاسر مسكها من شعرها وشدها بقوه وقفها :وانا حذرتك ي الاء ان يكون ليكي اصدقاء ولاد حصل ولا محصلش
الاء هزت راسها بخوف وهي بتتألم من مسكته لشعرها :حصل ..والله حصل
انا اسفه ي بابا والله مش هتكرر تاني
جاسر بعصبيه:هو دا الي هيحصل اصلاًغصب عنك ..اظاهر اني غلط لما دلعتك زياده عن اللزوم
بس ورحمه امي ي الاء لربيكي من جديد
الاء بدموع بلعت ريقها بخوف :انا اسفه ي بابا عشان خاطري والله مش هعمل كدا تاني
جاسر بيشد شعرها اقوي :وانا بقولك هو فعلاً مش هيحصل تاني
ومن انهارده ملكيش خروج من الاوضه ولا فيه تليفون ولا تمرينات
انسي حلمك دا اصلاً
الاء مسكت ايديه برجاء :لا ي بابا ارجوك بلاش دي
انا موافقه ع اي حاجه بس عشان خاطري متحرمنيش من اني احقق حلمي
جاسر زقها ع السرير بغضب:انتي الي حرمتي نفسك لما فكرتي في الحب والهبل دا وانتي في السن دا ومقدرتيش غضبي عشان مشوفتيش مني غير الدلع وبس
لكن من انهارده ي الاء هتشوفي وش عمرك ما شوفتيه
الاء منهاره من العياط لفت و قامت جريت عليه ومسكت ايديه وبصتله برجاء :والله مش هعملها تاني وهركز في مذاكرتي وكل حاجه بس بلاش تحرمني من حلمي
واوعد حضرتك ان من انهارده مش هركز في حاجه غير دراستي
جاسر بقوه:انا قولت الي عندي والي هيحصل وانسي حلمك دا نهائي
خلاص
مسك ايديها ولواها ورا ضهرها والي قولته هيتنفذ سواء بارادتك او غصب عنك
الاء هزت راسها بخوف ودموعها نازله بغزاره وبتتالم :حاضر ..حاضر
هعمل الي حضرتك عايزه
جاسر في حاله جنون مستحيل اي اب مكانه كان هيقدر يسيطر ع نفسه
غضبه كان نابع من خوف وجنون عليها وهو مش مصدق انها تعمل كدا
والي كان خايف منه حصل لما فكرت انها تحب في السن دا وتكلم من وراه
كان موجوع منها انها خانت ثقته وحبه ليها زقها ع السرير و قرب من الباب بعد ما بصلها بغضب وقوه وفتح الباب الي كان هيتكسر من كتر الخبط
وشاف جميله ومالك ومازن
جميله بصتله بقلق ودخلت ل الاء تطمن عليها وشافتها واقعه ع السرير مكان زقه جاسر ليها
جاسر بغضب :اهلاً بالرجاله الي ملهمش لازمه
وكل واحد في دنيا تانيه وسايبين اختكوا ..ممكن تقولولي كنت فين ي اساتذه وهي بتكلم واحد ومرتبطه بيه
مازن بقوه وغيره:بابا احنا منعرفش اي حاجه عن الموضوع دا ولو كنا نعرف كنا عملنا اكتر من الي حضرتك عملته دلوقتي
جاسر بص ل مالك بحده:وانت ي استاذ مالك
مالك :انا اكيد معرفش
لو كنت اعرف مكنتش سكت ويزيد الكلب دا انا هعرف اربيه
جاسر بص ع الاء الي كانت منهاره في حضن جميله. وبصلها بغضب :مش لما اربي الهانم الي عندي الاول
زقهم بعيد عنه. اوعوا انا مش طايق حد فيكوا كلكوا
خرج جاسر برا الاوضه ودخل مازن ومالك وبصين ل الاء بغضب وقوه
جميله بحده :انتوا بتبصوا كدا ليه يلا كل واحد ع اوضته
مازن بغضب :حضرتك بتحاميلها ع اي مسك ايد الاء وبيضغط بقوه. دا انا عايز اكسرها في ايدي
جميله شدت ايديه بعيد عن الاء وبصتله بغضب :انا قولت خلاص يلا كل واحد ع اوضته انا وابوك بس الي من حقنا نكسر ونصلح مش انتوا وبعدين متنساش نفسك انت غلطت بردوا وابوك لحد دلوقتي ميعرفش
مازن بغضب :حضرتك بتلوي دراعي ي ماما
كدا هسكت انا مثلا ع الزباله دي
جميله بحده:انا مبلويش دراعك والزباله دي اختك وحسك عينك تقول عليها كلمه وزي ما هي غلطت انت بردوا غلط ومحدش معصوم من الغلط
مالك بغضب :حضرتك بتبررلها ع اي
الاء غلطت ومحدش يقدر ينكر دا ولازم تتحمل نتيجه غلطتها
جميله بغضب:وابوكوا قام بالواجب وزياده
ومش عايزه كلام في الموضوع دا تاني يلا روحوا اوضتكوا
مالك بيكتم غضبه وغيرته بصعوبه :ماشي ي ماما. بس الي عملته مش هيعدي ع خير
جميله بحده:مالك خد بالك من كلامك. انت نسيت نفسك ولا اي
انا امك
مالك :العفو ي امي انا منسيتش نفسي ولا حاجه بس الهانم نسيت ان احنا مش بنتهاون في الموضوع دا بالذات
وانا لحد دلوقتي عامل احترام لحضرتك
جميله:ماشي ي مالك يلا اتفضلوا بقاا ع اوضتكوا
نفذوا مالك ومازن طلبها وخرجوا وقفلوا الباب
جميله بصت ل الاء بعتاب وهي منهاره في حضنها وصوت شهقاتها عالي :عجبك كدا ..حاولت اتكلم معاكي كتير وانتي دماغك ناشفه
انا مكنتش عايزه الموضوع يوصل لكدا بس انتي شوفتي بنفسك هو الي سمعك بنفسه
انتي غلطي ي الاء وكل الي عمله جاسر مقدرش اعيب فيه
الاء بدموع :هو انا عملت اي غلط ..انا حبيت زي اي حد بيحب
حضرتك وبابا متجوزين عن حب
اشمعنا انا
جميله اتنهدت بتعب:لسه بتعاندي ي الاء ..لسه دماغك ناشفه ومش راضيه تقتنعي انك غلط
انا وباباكي كنا كبار قادرين نفهم مشاعرنا ونفرق بين الصح والغلط
لكن انتي لسه صغيره وطايشه فاكره ان الحب هو الحياه كلها بس دا مش صح انتي لسه قدامك حلم ومستقبل
الاء دموعها زادت وانهارت اكتر في حضنها:حلمي خلاص راح
بابا حرمني من اني احقق حلمي
جميله :وانتي استسلمتي كدا بسهوله اول ما قالك مفيش حلم يبقي مفيش خلاص حياتك هتوقفيها
ليه متستغليش دا بانك تثبتي عكس الفكره الي خدها ولحظه الخذلان الي هو فيها دلوقتي
انتي خذلتيه ي الاء وثقته فيكي اتهددت ..لازم تبني الثقه دي من تاني
الاء :يعني اعمل اي ..انا مش عارفه
جميله :وانا مش هينفع اقولك لازم الي هتعمليه يكون نابع منك عشان يبقا وقتها بنيتي الثقه بنفسك مش بحد ساعدك لاني لو قولتلك تعملي اي انتي وقتها هتعملي بس بعدها هتتراجعي وتبطلي ويمكن كمان متقتنعيش بكلامي
عشان كدا هسيبك تفكري بنفسك وتشوفي الحل
انتي مش صغيره عشان متعرفيش تفكري
الاء بعدت عن حضن مامتها وبصتلها بحزن:حاضر ي ماما
بس ارجوكي خليكي جنبي ..بلاش تكرهيني زي بابا
جميله بحنان :مفيش اهل بيكرهوا ولادهم ...اه بيضايقوا ويتعصبوا لكن جواهم بيحبوكوا ...انا هنا عشان ارخي ي الاء
باباكي رد فعله الطبيعي الي عمله دا انو شد جامد وانا من ناحيتي ارخي شويه بس مش جامد عشان الامور متتشدش من تحت ايدينا
من انهارده ي الاء اوعديني متخبيش عني حاجه
الاء :حاضر ي ماما اوعدك
جميله :هتوعديني انك تنسي يزيد وتفكري في مستقبلك
الاء بصت في الارض ومش قادره تقول اه. الكلمه كانت صعبه بالنسبالها مش سهل انها تستغني عنه بعد مااتعلقت بيه وجميله فهمت نظراتها وعرفت انها مش سهل تنسي: ماشي ي الاء
رغم ان نظراتك عصبتني بسبب عندك بس انتي لو كنتي وعدتيني مكنتش هصدقك لان عارفه انو مش سهل بس طالما عملتي كدا يبقي هتحاولي وياريت يكون بسرعه
قامت وقفت وسابتها تفكر وخرجت برا الاوضه
......................................................
في الملاهي جابلها غزل بنات وشوكلاته كتير زي ما بتحب ودبدوب كمان
صلاح بصلها وهو مبتسم:ها ي حبيبتي نفسك في اي تاني اجبهولك
ريم بصتله بحزن وهي بعينيها بتقوله ليه بتعمل معايا كدا وانا المفروض فضحتك ...ليه بتعاملني بالطريقه دي وبتصعبها عليا اكتر ..انا مستاهلش معاملتك دي
صلاح فهم نظرات عينيها والكلام الي جواها ومش قادره تقوله ابتسم بحنان وحضن ايديها بين ايديه :انا عارف كل الي بيدور في راسك دلوقتي
بس كل انسان بيغلط ي ريم ...انا بردوا زمان غلطت بس مع ذلك مامتك اديتني فرصه تانيه وكتير وقفوا جنبي ..محدش قال لا دا مش كويس لازم نبعد عنه بالعكس وقفوا جنبي لحد ما وقفت ع رجلي من تاني
كانوا معايا في وقت اقرب الناس ليا بعدت عني وسابتني
عشان كدا دا مش معناه انك لما تغلطي انا اضربك واحبسك لا دا مش حل
وانا الي غلطت عشان معرفتكيش الدنيا دي صح ...كنتي فاكره ان كل الناس كويسه ..ومتعرفيش الجرايم والبلاوي الي بتحصل كل يوم
بصي ي حبيبتي اعتبري انك بتبداي من دلوقتي انسي كل حاجه فاتت وركزي في دراستك واوعديني ي ريم اي حاجه تحصل معاكي تقوليهالي او تقولي ل مامتك
ريم هزت راسها بمعني حاضر ودموعها نازله ع خدها ..مسح دموعها بهدوء وحنان :مش عايز اشوف دموعك دي تاني
ويلا بقاا قومي احنا باقلنا ساعتين هنا وانتي مش راضيه تركبي لعبه واحده
انا لو كنت جبت مامتك كانت لعبت معايا
ريم ابتسمت غصب عنها وهو ابتسم :يلا قومي معايا
ريم وهي مبتسمه :طب انا جعانه
صلاح :هههههههه ايوا كدا هي دي ريم الي انا اعرفها
تعالي ي حبيبتي نروح المطعم دا وبعد كدا نشوف الالعاب
راحت معاه وهي شايله الدبدوب والشوكلاته وهو شايل غزل البنات وراحوا المطعم اتغدوا وقضوا وقت ممتع في كلام كتير وهزار اكتر
واستمتعوا بوقتهم في كل الالعاب
صلاح باصصلها بحنان وحب وهو مش مصدق انو كان ممكن يتحرم من ضحكتها وهزارها ...كان ممكن ميشوفهاش تاني ولا يتكلم معاها ولا يجبلها شوكلاته كل يوم زي ما متعود
كل دا كان ممكن يفتقده في يوم وليله ويتحرم منه بسبب شخص مريض ضحك عليا بحجه انها تخس رغم انو بيعشقها كدا وعمره ما ضايقها بكلمه بسبب الموضوع دا
وصلوا البيت ودخلت ريم والضحكه منوره وشها وشايله الدبدوب في ايديها
كانت طفله برغم سنها لكن عمرها مااستغنت عن طفولتها وشقاوتها
دخلوا وكانت في استقبالهم رنا الي فرحت لما شافت بنتها والسعاده الي باينه عليها وابتسمت لكن رسمت ملامح الجديه
صلاح قرب من ودنها ووشوشها :شكل مامتك هتعلن الحرب
ريم ابتسمت وهمست :بس انا متاكده انك مسيطر
صلاح :هههههه انتي شايفه كدا
رنا بضيق :ممكن اعرف بقاا كنتوا فين كل دا وسايبني هنا معرفش اي حاجه
صلاح بص ل ريم :طب ادخلي انتي بقاا ي حبيبتي غيري هدومك وارتاحي
ريم وهي مبتسمه:حاضر ي بابا
دخلت ريم اوضتها وصلاح قرب من رنا ولف ايديه حوالين خصرها وقربها لحضنه وبصوت هادي :مالك بقاا في اي ...القمر زعلان ليه
رنا بعدت عنه بعبوس:والله اسأل روحك الاول
صلاح رجعها لحضنه تاني وضم وشها بين ايديه بحب :مانا بسالها اهو
مالك ي روحي
رنا ابتسمت وانتهت المشكله :انت بايخ ع فكره عشان المفروض انا متعصبه دلوقتي
صلاح:هههههههه طب دي حاجه حلوه ان مفيش عصبيه
وبعدين القمر متعصب ليه
رنا :يعني اي يعني تاخدها تفسحها وانا لا هو انا مش مراتك وليا حقوق عليك ولا خلاص ست ريم بقت هي الي ع الحجر وانا كخه
صلاح:هههههههه مش معقول انتي مالك بتتكلمي كأنها ضرتك مش بنتك
رنا بضيق:متغيرش الموضوع
صلاح واخدها للاوضه:اممممم يعني هو دا الموضوع بس
رنا بغيظ:وانت مستهون بيه
صلاح قفل الباب ولفلها بهدوء وبيقرب منها :خالص ي روحي
انا بس بشوف لو فيه اي موضوع تاني مزعلك عشان لما اصالحك
رنا رفعت حاجبها بعدم ارتياح :وهتصالحني ازاي بقاا
صلاح ابتسم وباسها من خدها برقه :كدا
والخد الاخر. وبعد وبصلها. لسه زعلانه
رنا ابتسمت بخجل :تؤ لا مش زعلانه خلاص
صلاح بمكر بيفك ازرار بلوزتها :بس انا حاسس انك لسه زعلانه وميهونش عليا زعلك
حالا ي روحي هنسيكي اي زعل واي غضب
رنا بعبوس :لسه فاكر
صلاح بمزاح:اه ي سافله وانا الي قولت هتتكسف طلعت عايزه ي باشاا وزعلانه كمان ان محصلش بقالنا كتير
رنا :ههههههههه انت بارد اوعي بقاا كدا
زقته بخفه وبعدت عنه لكن فجاه اترفعت عن الارض بخفه ومرح بين ايديه
صلاح بمكر:معقوله اسيب حبيبتي وهي زعلانه
انا لازم اطمن عليكي وبالتفصيل الممل كمان
..................................................................
بقاله كتير مختفي ومش عارفه توصله ومش بيجي الدروس ولا بيرد ع تليفوناتها دايماً مغلق
رايحه جايه زي المجنونه في الاوضه هتموت من القلق عليه وقلبها واجعها
وغير تأنيب ضميرها الي ملازمها وانها هدت الثقه بينها وبين باباها كل دا كان مضايقها وحاسه انها منبوذه حتي من اخواتها
مش لاقيه حد جنبها غير مامتها الي بتحاول ع اد ما تقدر تنصحها وتفضل جنبها عشان الامور متفلتش من ايديها
فكرت تحاول مره تانيه لكن مش معاها فون وقررت تروح اوضه مامتها قبل ما باباها ييجي او مامتها وتكلمه من التليفون الارضي
اتسحبت براحه وهي بتبص يمين وشمال ودخلت الاوضه بسرعه وقفلت الباب وخدت التليفون وقعدت ع السرير ضغطت ع الازرار ومستنيه الرد لكن نفس الرساله بتجيلها ان الفون مغلق
حطت السماعه واتنهدت بزهق وضيق وفي نفس اللحظه اتفتح الباب وكان مالك
وقفت الاء بتوتر وبصتله وهي مش عارفه تقول اي
مالك بهدوء:رد عليكي ولا لسه
الاء بتوتر :هو مين دا
مالك :يزيد ..اي معقوله نسيتيه بالسرعه دي
الاء بضيق :بعد اذنك ي مالك سبني في حالي انا مش ناقصه
مالك مسك ايديها بقوه :انا عايز اعرف انتي جايبه البجاحه دي منين
واحده مكانك تقفل ع نفسها الاوضه ومتخرجش منها لكن انتي بجحه وعينك واسعه ..محدش عارف يلمك بس والله ي الاء ما حد هيلمك غيري والي عمله بابا كوم والي هعمله انا كوم تاني خالص بيشدها لاوضتها وهي بتحاول تشد ايديها منه
ومن انهارده انتي هتفضلي تحت عيني مش هتبعدي لحظه
دخل الاوضه وزقها جوا. مفيش اي وسيله اتصال هتشوفيها
الاء بصتله بغضب ودموعها نزلت في اقل من ثانيه :انت ملكش حق انك تكلمني كدا بابا بس الي من حقه يعاقبني مش انت
مالك هيتجنن من بجاحتها وعنادها :لا ليا ي الاء واقسم بالله لو ما صونتي لسانك دا هخليكي تصونيه بطريقتي ...انتي فاااهمه
سابها واقعه ع الارض اثر زقه ليها وقفل الباب بقوه
...........................................
بعد ما خلص كلامه بصله بقوه :غلط ي جاسر ...غلط الي انت عملته دا
مش كدا ي اخي ..يعني انا بنصح ادهم انو يتعامل بهدوء مع بنته ويعرفها غلطها تقوم انت عامل كدا
استفدت اي انت دلوقتي لما ضربتها
جاسر بغضب :هو انا كدا ضربتها
الي عملته دا ميجيش نقطه في بحر من الي هعمله فيها ..انا لسه هربيها من اول وجديد
حمزه :بنتك متربيه ي جاسر ...انت ليه مش عايز تفهم ان دا سن مراهقه ووارد جداً كل دا يحصل
انا الي هفهمك دا بردوا ي جاسر اشحال ما كنت انا الي معنديش بنات وعارف الكلام دا ..انت بقا الي عندك البنت متعرفش
جاسر :انا عارف ي حمزه بس مش قادر اتقبل الفكره
مستحيل اتقبل ان بنتي غلطت بسهوله كدا ..دي خانت ثقتي فيها
برغم كل التحذيرات الي كانت حواليا وخوفي عليها ان حد يضحك عليها بس كنت واثق فيها لكن بعد الي حصل الثقه دي اتهددت
عايزني ازاي ارجع اتكلم معاها وكأن مفيش حاجه حصلت
حمزه:دا الي لازم يحصل ي جاسر تعرفها غلطها
مفيش مانع من بعض الشده عشان تعرف انك مستحيل تتهاون لو غلطت تاني
جاسربقوه:دا انا اكسر دماغها لو فكرت تغلط تاني
حمزه:ماانت شد وارخي شويه بحيث هي نفسها تتأنب ومش هتعمل كدا تاني
جاسر اتنهد:مش قادر ي حمزه بجد مش قادر
مش قادر اتقبل الفكره واقعد معاها واتكلم عادي وخصوصاً انك عارف هي اي بالنسبالي ..انا بغير عليها بجنون ودايماً مديها الثقه
كانت اقرب واحده لقلبي بعد جميله ..لدرجه ان مالك ومازن كانوا بيغيروا منها عشان معاملتي ليها
حمزه :انا حاسس بيك ي جاسر وعارف كل الي انت بتقوله دا
عشان كدا عارف ومتأكد انك مش هتقدر تقسي عليها اووي
جاسر :هحاول ي حمزه ..هحاول....بس لازم اربيها الاول
الاء دماغها ناشفه لازم تعرف ان الي عملته غلط ومستحيل يتغفر بسهوله
مش معني ان محصلش زي الي حصل لاسيا وريم يبقي كدا هو كويس
لا الفكره غلط من الاول
دي في سن صغير ليه تهلك مشاعرها بسبب اوهام
حمزه:الحب مش اوهام ي جاسر
الاء شايفه حبك ل جميله وشايفه حواليها بردوا زي انا وناديه وكل دول
ونفسها حد يحبها زي ما كل واحد بيحب مراته
المشكله انها اتسرعت في الموضوع وعايزاه بدري اووي
جاسر:انا مبكلمش ع الحب بس الحب في السن دا ميبقاش حب ي حمزه
دا يبقي هبل ..اصل واحد قدها هيقدملها اي غير ان تفكيره انو عايز يتسلي وبس ومستحيل هيكون بيفكر في حاجه جد من دلوقتي
وهي مش هتستفاد حاجه غير انها تتجرح وتتعب وبكدا تبقي اهلكت مشاعرها
حمزه :كل كلامك صح ي جاسر بس فكرت غلط
خليك جنب بنتك ..هي اكيد مدمره دلوقتي وخصوصاً انها مش لاقيه حد جنبها وواحده في دماغ الاء مش هتبص انها غلطت لا هتبص ان كلكوا سيبتوها وهي محتجاكوا جنبها وهيبدا الكره يتولد جواها وهتبعد اكتر وهيحصل فجوه اكبر
خليك جنب بنتك
جاسربضيق:خلاص ي حمزه ...انا هتصرف
حمزه بهدوء:بس ياريت تتصرف قبل فوات الاوان ي صاحبي
.......................................................
في اوضته بيذاكر بجد واجتهاد بيحاول يعوض الشهور الي فاتت والي ضيعهم في سهراته بيسهر ليل نهار عشان يقدر يحقق حلمه ويوصل للي بيتمناه والي كانت بالنسباله خطوه حاسمه
اه متعاقب زي ما كان عز متعاقب بس كان بالنسباله مش عقاب كان محتاج للخطوه دي عشان يقدر يركز ويذاكر شال كل الاجهزه الي في اوضته ممكن تشغله عن المذاكره
ومخصص وقت لنفسه يذاكر وبعدها ياخد بريك عشان ميزهقش
وكمان تحدي بينه وبين عز محمسه اكتر ومشجعه وغير قربهم لبعض في الفتره دي في ضهر بعض ومع بعض ع طول
فاق من تركيزه في مذاكرته ع خبط ع الباب وسمح للي بيخبط بالدخول
وكان حمزه دخل وقعد قصاده :عامل اي ي بطل
عمر ابتسم :الحمدلله تمام
حمزه :ملاحظ انك مش بتخرج برا الاوضه وتاعب مامتك ومخليها تجبلك الاكل لحد هنا
عمر :اصل فيه حد كدا مانعني من الخروج
حمزه عقد حاجبيه :دا انا الشخص دا مش كدا
عمر كاتم ضحكته وبصله ببرائه:العفو ي بابا حد يقدر يقول كدا
حمزه :ماانت قولت ي اخويااا
ع العموم مسموحلك تخرج عادي بس دا مش عشان سواد عيونك دا عشان بس مامتك الي تعبت معاكوا وطالعه نازله واكل مخصوص لسيادتكوا
ومتوصيه بيكو اووي
عمر غمزه بمكر:ملاحظ ان فيه غيره مش موضوع تاعبينها وكدا
حمزه ابتسم بثقه:اه ي روح امك هو الموضوع كدا
عندك مانع
عمر رفع ايديه باستسلام :لا ي باشاا وانا اقدر بردوا
براحتك طبعاً واحنا منقدرش نزعل الباشاا ولا نتعب الهانم
حمزه شده من لياقه التيشيرت بخفه ومزاح وهو منحني بجسمه ناحيته :استظراف امك دا مش علياا ي زفت باشاا غصب عنك وهي هانم بردوا يعني سيادتك تخدم نفسك بنفسك
مامتك ملكه متعملش حاجه ولا تتعب نفسها فاهم ي زفت
عمر بيكتم ضحكته بالعافيه وبخوف مصطنع :هههههه حاضر ي باشاا
حمزه سابه ووقف وبصله بثقه:ناس متجيش غير بالعين الحمرا
ركز ي اخوياا في مذاكرتك وانا لسه عند وعدي ليك مكافاه كبيره لو جبت مجموع عالي
عمر وقف وقرب منه ومسك ايديه وباسها :انا ميهمنيش غير رضاك عني ي بابا وتسامحني ع كل حاجه عملتها
حمزه ربت ع ضهره بحنان :انا عمري ما زعلت منك عشان اسامحك
كنت واثق انك مش كدا ي عمر
حتي لما چيرمين جاتلي وحكتلي انك بتهددها انا مكنتش مصدق ولما حكتلي بردوا ع كل حاجه انت بتعملها
وقتها انا واجهت مامتك وعرفت ان دي الحقيقه بس كنت واثق ان مش انت الي تعمل كدا ي عمر
عمر بندم وحزن :انا فعلاً عمري ما كنت اتخيل اني اعمل حاجه زي كدا
انا كأني كنت في غيبوبه وفوقت منها
كنت تايه ومش عارف انا بعمل اي ..عارف حضرتك في اللحظه الي ضربتني فيها بالقلم انا كان شريط حياتي كلها بيمر قدام عيني شوفت كل ذنب عملته في حياتي ولما ظلمت عز وقتها عرفت ان كما تدين تدان انا ظلمت اخوياا واتظلمت لما حضرتك افتكرت ان انا الي خدرت اسيا
حمزه اتنهد بهدوء:خلاص ي عمر انسي كل دا وانت بدات من جديد متفكرش في حاجه دلوقتي غير مذاكرتك ومستقبلك تنسي اي حد
عمر :حاضر ي بابا
خرج حمزه وشاف ناديه وهي واقفه جنب الباب مسكها من ودانها بمزاح وقرصها :بتعملي اي ي سوسه
ناديه ببرائه:اي.. اي. مش بعمل حاجه انا كنت معديه بس ولقيتكوا بتتكلموا
حمزه :قولتي تسمعي
ناديه هزت راسها ببرائه:بصراحه اه
حمزه :وانتي مش عارفه ان التصنت حرام
ناديه بندم:اسفه ..مكنش قصدي
حمزه :ماشي ي اختي لما نشوف تعالي
دخلوا اوضتهم وناديه بتساعده وبتقلعه جاكيت بدلته :عارف افتكرت اي لما سمعتك بتتكلم مع عمر
كأن الزمن بيعيد نفسه ..فاكره لما وقفت نفس الوقفه وطلبت منك تسامحني
انت حاجه متتعوضش ابداً ي حمزه
مشوفتش في حنانك وحبك بس بصراحه في غضبك ترعب مش تخوف
حمزه لف وبصلها وقرب منها :لاني بشر عادي
بحب وبعشق ..بس بغير وبتجنن وخصوصاً لما تخبي عني حاجه
الثقه ي ناديه لازم تكون اساس اي علاقه ومن غيرها العلاقه دي تنتهي
وانتي خبيتي عني فا كان لازم اعرفك ان عمري ما بتهاون مع حد بيغلط
اه بدلع وبدادي وبحب لكن بتعصب لما حد يخبي عني حاجه ويعملني زي الاطرش في الزفه واديكي شوفتي بنفسك لما خبيتي وصلتي الموضوع لايه
فيها اي لو كنتي قولتيلي خايفه لاتعصب او اخرب الدنيا عليه
ع الاقل كانت هتبقي اهون ونلحقه قبل ما يوصل للمرحله الي هو وصلها
ناديه بندم:عندك حق انا غلطت فعلاً بس متنكرش ان لولا عمر اسيا مكنتش اتلحقت يعني كل دا ترتيبات من عند ربنا محدش يقدر ينكرها او يعدلها
حمزه :وانا مقولتش اعدلها هي فعلاً ترتيبات من ربنا مستحيل حد يقدر يمنعها بس انك تخبي عني دا مش ترتيب من ربنا
دا ترتيب منك انتي
ناديه قربت منه برقه وبتلعب في ازرار قميصه :خلاص بقاا سامحني ..دا انت سامحت ابنك مش هتسامحني انا
حمزه بمكر:ابني انا عاقبته بعد كدا سامحته وانتي عارفه عقابك اي
......................................................
احساسها انها منبوذه من الكل ومحدش عايز يبصلها وكمان حبيبها الي بعد عنها كل دل عملها اكتئاب مش بتاكل ومش بتشرب وقاعده في اوضتها مش بتخرج حتي مامتها بتحاول تتكلم وهي مش بترد وكل يوم وزنها بيقل عن اليوم الي قبله مشاعر كتير جواها ..موجوعه ..مضايقه ..مجروحه..تأنيب ضميرها كمان كل حاجه مخلي حالتها بتسوء اكتر
حبيبها الي بعد عنها وسابها ومتعرفش عنه حاجه ..وباباها الي بتحبه والي بسبب حبها خسرت ثقته فيها ...حتي اخواتها شايفينها خاطيه ومذنبه وعاملين زي الرقيب عليها اكتر من الاول
لكن حتي دراستها اهملتها ودرجاتها بتقل وتحذير كتير من المدرسين وهي مش مركزه وتايهه في عالم تاني
واقفه في التراس وبتبص ع تحت شايفه الحراس الي رايحين جايين وفي لحظه توهان وحزن باين في كل ملامحها وقفت ع سور التراس وغمضت عينيها وخدت نفس عميق وحركت رجليها ع الهواء وهي مستنيه جسمها يرتطم بالارض لكن وقعت في احضانه وبين ايديه لما شدها بقوه لحضنه
استغرب انها مفتحتش عينيها وبيخبطها برفق ع خدها بقلق:الاء.
مبتردش بس شاف دموعها نازله في صمت عرف انها فايقه بس مش قادره تفتح عينيها ندم ع الحاله الي وصلها ليها برغم غلطتها لكن مكنش ينفع يعمل معاها كدا ...شالها ومددها ع السرير وهي في حضنه وبيملس ع شعرها بحنان وهدوء وهي دافنه راسها في حضنه محتاجه تستمد الامان والقوه منه بعد ما فقدت كل حاجه وبقت هشه وضعيفه وبرغم صوتها الضعيف لكن سمعها:اسفه
جاسر بهدوء برغم خوفه عليها وهو مشهد وهي واقفه ع سور التراس وفي لحظه قادره انها تنهي حياتها مشهد مش راضي يغيب عن عينيه :شششش مش عايز اسمع اي حاجه دلوقتي ..اهدي الاول وبعد كدا نتكلم
فيه كلام كتير لازم نقوله ي الاء بس لما تهدي
الاء اتمسكت بحضنه اكتر ودموعها نازله بغزاره وندم وقلبها بيدق بقوه
مكنش سهل عليها انها تنهي حياتها او مجرد تفكير ييجي في دماغها
بعد وقت كبييير هديت وهي في حضنه لكن دموعها مهديتش ومش قادره تبعد راسها عن حضنه ...مكسوفه تبص في عينيه وتشوف نظره عتاب او لوم مش هتقدر تتحملها كفايه الي اتحملته طول المده الي فاتوا
جاسر عارف وفاهم انها مش قادر تبص في عينيه بعدها عن حضنه وبص هو في عينيها وهي بتحاول تبص بعيد وهو بهدوء:الاء بصيلي
الاء بلعت ريقها بتوتر وبصتله ومقدرتش تبص اكتر نزلت عيونها بحزن ودموعها زادت وشهقاتها عليت
جاسر خدها في حضنه تاني وبيهديها وهي صعبانه عليه فعلاً كانت منهاره ومدمره :طيب خلاص اهدي ..
الاء بدموع :انا مش وحشه والله ي بابا وعمري مااقدر اخون ثقه حضرتك فيا ...بس والله غصب عني
جاسر بيملس ع شعرها بهدوء بيحاول يداري غيرته:خلاص كفايه كلام في الموضوع دا
انا مستعد انسي ي الاء واعدي بس
قاطعته الاء بلهفه:من غير بس والله ما هتكرر تاني ولا اقدر اعملها تاني
اتعلمت خلاص الدرس ي بابا ...انا ادمرت بجد وانت بعيد عني
اشتقت لحضنك اووي وضمتك لياا وحنانك علياا ..انت ابوياا وسندي وانا من بعدك مقدرش اعيش ي بابا ارجوك خليك جنبي وانا هتغير والله
YOU ARE READING
حكايات مراهقه. ..حلقات خاصه من احببت عنادك
Romantikaحكايات كل شاب بيمر بيها زي اي شاب في سنه بيتعلم منها وبتديله درس طول حياته
