PAUNAWA:
Plagiarism is a cybercrime. Ikakasaya mo ba ang pag nanakaw mo? Hindi lang sila ang niloloko mo kundi pati na rin ang sarili mo. Gayon pa man, ang mga detalye na nakapaloob sa aking kwento ay kathang isip lamang. Ang anumang pag kakahawig ng pangalan, tauhan at kaganapan ay hindi sinasadya ng manunulat. Ito ay BXB na maaaring hindi naaayon sa panlasa ng iba. Kung hindi mo gusto ang ganitong tema ay maaari kang lumisan sa aking pahina. Maraming salamat po.
The Handsome Flower
Season 3
AiTenshi
April 8, 2020
"Kamusta ka?" tanong niya sa akin.
"Kunin mo yung basahan at linisin itong table ko." ang utos ko tumayo ako at inayos ang aking kurbata.
Agad naman siyang sumunod sa akin. Nag pupunas siya ng table at ako naman ay nakatanaw lang sa labas ng bintana. "Ako rin ang driver mo ngayon." ang wika niya.
"Okay. Goodluck sa iyo Mr. Guarin." ang sagot ko sabay labas sa silid.
Part 105
"Mr. Guarin, anong masamang hangin ang nag dala sa iyo dito sa Armada Corp? Hindi ba sumagi sa isipan mo na ang lugar na pinasok mo ay balwarte ng kalaban? O talagang sinasadya mo ito para guluhin kami? Umaasa ka ba talaga na makakaganti ka sa akin?" tanong ko habang pinapanood siyang mag punas ng lamesa.
"Nag lakas loob lang akong mag apply dahil kailangan ko ng trabaho para masuportahan si mama at ang sarili ko. Wala akong kahit na anong masamang intensiyon." sagot niya.
"Malalaman ko rin iyan, at kung may binabalak ka man ay hindi ka mag tatagumpay." tugon ko. "Nga pala, yang table mo igawi mo pa doon sa gilid, huwag mong itatabi sa akin dahil hindi tayo mag kalebel." ang sagot ko sabay taas sa aking paa at kunwaring pinipindot ang aking cellphone para makaiwas ng tingin sa kanya.
"Ikaw? Kamusta kana? Siguro ay maluwag na ang kalooban mo ngayon dahil nagawa mo na ang gusto mo." wika niya.
"Oo, pero kulang pa rin." ang sagot ko.
"Anong kulang?" tanong niya.
Tumayo ako at humarap sa kanya. "Ikaw. I'll make sure na susunod ka sa iyong asawa't ama doon sa kulungan."
"Wala nang bisa ang arrangement namin ni Vann. Ngayon ay ginagawa ko nalang normal yung buhay ko. Yung masaya, yung walang galit sa aking kapwa. At kung ipapakulong mo ako ay wala ka rin namang mapapala." ang tugon niya.
Hindi ako kumibo..
Natawa si Miss Justine..
"Kung ganoon ay mag papanggap nalang ako na hindi kita nakikita, kaysa wasakin mo pa ang araw ko." ang sagot ko naman. At habang nasa ganoong posisyon kami ay pumasok si Miss Justine. "Lunch? Welcome back my dear." masayang wika niya at nagulat pa ito noong makita si Yuji. "Oh, hi Mr. Guarin kamusta ang relasyon mo sa iyong boss?" tanong nito na parang nang aasar.
"Hell" ang sagot ko naman.
Makalipas ang ilang araw matapos mahire si Yuji sa Armada Corp. Hindi na niya ako tinigilan, lagi siyang nakasunod sa akin bagamat hindi ko naman siya pinapansin. May pag kakataon na ginagawa ko siyang imbisibol na kahit tingnan siya o kausapin ay hindi ko ginagawa. Ang aking galit ay hindi pa rin nawawala kahit naka ganti na ako. Ang sakit na ginawa ni Yuji sa akin ay mas masakit kaysa sa ginawa ng kanyang ama.
"Alam mo two weeks lang akong nawala ang dami nang nag bago dito. Kamusta naman ang bagong personal assistant mo?" tanong ni Miss Justine
"Isang malaking sumpa." ang sagot ko naman.
Natawa siya. "Hindi mo na mahal?"
"Hindi na. Ilang beses ko na siyang pinatalsik, kaso ay nag mumukha lang akong masama." ang sagot ko.
"Alam mo, wala na rin saysay kung magagalit ka pa. Nakuha mo ang hustisyang gusto mo, yung 50% na remaining asset ng corporation ay na sa iyo na rin. Saka di ka pa nag sasawang gumawa ng memo para paalisin si Yuji? Araw araw mo siyang pinag tatangkaang iterminate. Ano pa ba ang gusto mo?"
"Ang makaganti kay Yuji."
"O, edi kumuha ka ng iba't ibang lalaki dyan, makipag sex ka. Maraming ways para makaganti, huwag mo na saktan ng pisikal yung tao at nag buwis na nga ito ng buhay para sa iyo."
"Tinamaan siya kasi ay tanga siya. Yun lang iyon." ang sagot ko naman.
"Kasi nga galit ka kaya kahit anong effort niya ay di mo maappreciate."
"May asawa siya diba? Doon siya sa asawa niyang baliw at kriminal." inis kong sagot.
"Annul na. Saka naka kulong na si Vann no. O ayan, mag ice cream ka. Ang init ng ulo mo." ang natatawang wika ni Miss Justine.
Alas 2 ng hapon noong umakyat ako pabalik sa aking opisina kasama ko ang ilang empleyado para kausapin. Pag pasok palang namin ay tumambad na ang isang malaking kumpol ng bulaklak na nakalagay sa aking lamesa. Ibayong kilig naman ang naramdaman ng mga kasama ko noong makita nila ito.
Kinuha ko ang bulaklak at saka tiningnan ang naka sulat dito. "Im sorry." ang naka lagay.
"Para sa iyo iyan. Pansinin mo naman ako." ang wika nito.
"Allergic ako sa bulaklak. Paki sabi sa janitor na itapon ito sa labas." ang sagot ko sabay lagay nito sa aking trash can.
Natahimik si Yuji at naupo nalang sa kanyang lamesa sa sulok ng aking opisina pero hindi ko siya pinansin. "Saan na tayo? Ok again, from sales performance and targets through to customer acquisition costs, sales cycle, and beyond, here, we'll present sales graphs and charts that matter to the ongoing growth of your business..." ang patuloy kong pag papaliwanag, sinasadya kong lakasan ang aking boses para malaman ni Yuji na wala akong paki alam sa kanya.
Makalipas ang aking papaliwanag ay lumabas ang mga kasamahan ko at naiwan kaming dalawa ni Yuji sa silid. "Kumain ka na ba? Eto pala yung report ng marketing team kanina. Iabot ko nalang daw sa iyo." ang wika ni Yuji.
"Iabot ko nalang PO sa iyo. Matuto kang gumalang sa nakatataas sayo. Saka pwede ba huwag kang umasta na parang nanliligaw ka, maging propesyunal ka. Pati ako nilalandi mo! Gusto mong materminate? O kasuhan kaya kita ng harassment? Para makulong ka na rin kasama ng baliw mo asawa." ang sagot ko sabay kuha sa report at binasa ko ito isa isa..
Tahimik..
"Chineck mo ba ito Mr. Guarin?" tanong ko.
"Yes boss." ang sagot niya.
"Ah, kaya mali mali! Maling mali! Dapat nang hingi ka ng tulong sa may alam. Gawa ka ng gawa mali mali naman. Bobo mo! Ibalik mo sa kanila ito! Mga tanga! Napaka tanga mo! Kasi wala ka namang alam!" ang galit kong sagot sabay balibag sa kanya ng papel. Tinamaan ito sa mukha, pero hindi siya lumaban. Isa isa nyang pinulot ang papel sa sahig at saka bumalik sa lamesa para itama.
Ako naman ay naka upo lang at humarap sa aking laptop, kunwari ay may ginagawa ako pero wala naman talaga..
"Bakit dito ka nag apply Mr. Guarin?" tanong ko.
"Dahil mahal kita." ang sagot niya.
"Hindi kaba nahiya na pinabagsak ko ang demonyo mong ama? Tapos dito ka pa sisiksik?" tanong ko ulit
"Dahil mahal kita." ang sagot niya ulit.
"Paano kapag pinabaril kita mamaya? Masasabi mo pa iyan?" tanong ko.
"Hindi mo magagawa iyan." ang sagot niya, tumayo siya at inilagay ang report sa aking mesa.
"Bakit hindi?" tanong ko.
"Dahil alam kong mahal mo pa rin ako." ang sagot niya sabay alis sa aking harapan. Tiningnan ko ang kanilang report, tama na ito kaya't hindi ko na siya hinabol pa para pagalitan.
"Savage?" tanong ni Miss Justine noong pumasok ito.
"Kanina ka pa dyan?" tanong ko.
"Yes, nahiya lang akong pumasok. Ang init init init ng ulo. Naaawa ako kay Yuji kanina pinupulot niya yung mga papel."
"Dapat lang sa kanya iyon. Pwede siyang mag resign kung gusto niya."
"Hala, ang tigas mo. Pero mas bagay kayo ngayon. Perfect match." pang aasar ni Miss Justine.
Alas 7 ng gabi noong matapos ang mahabang araw sa opisina. Pauwi na sana ako noong biglang dumating si Donya Briguela, namili ito ng kung ano ano sa ibang bansa, may nag paayos pa ito ng mata at mas pina singgit. Syempre ay humanga naman ang lahat sa kanya at kahit saan siya lumakad ay pinupuri siya. "Maganda ba? Eto ang korean look, usong uso ito sa South East Asia! Medyo may kamahalan ang pag papaayos nito. Bagay ba?" tanong niya kay Yuji.
"Maganda po Donya Armada." ang wika niya.
"Plastic! Kapal ng mukha." ang bulong ko sa aking sarili.
"Para sa iyo ito my grandson." ang wika niya sabay abot sa akin ng 5 shopping bags. Nag lalaman ng maraming tshirt, pantalon, sapatos, gadget at kung ano ano pa.
"At para sa iyo naman ito." ang wika ni Donya Briguela sabay bigay abot kay Yuji ng dalawang shopping bag.
"Bakit pati siya? Apo siya ng kaaway mo." ang wika ko.
"Oo nga, pero wala namang kasalanan si Yuji sa akin. Kung may kasalanan man siya sa iyo ay sa iyong dalawa nalang lang iyon." ang sagot ng matanda sabay ngiti. "Tara, mag dinner tayong tatlo." dagdag ni Donya sabay abot kay Yuji ng susi. Agad niya akong hinila at habang lumalakad kami ay nag kkwento ito tungkol sa mga nakameet niyang mga lalaki sa ibang bansa.
Pumasok kami sa isang pribadong kainan, table for three, si Donya Briguela ang nasa gitna namin at kami ni Yuji ang mag kaharap. Ito yata ang sumpa na talagang hindi ko matatakasan, ang makasama si Yuji araw araw. Marahil ay sobra akong naging masama kaya ito ang karma ko.
"Mr. Guarin, kamusta ang trabaho mo?" tanong niya.
"Maayos naman po Donya Armada."
"Siguro napaka sakit sa iyo na ang isang mataas at mayabang na taong katulad mo ay namasukan bilang isang regular na empleyado. Anong binabalak mo Mr. Guarin?" tanong ko
"Aminado ako na noong una ay mahirap sa akin na mamasukan bilang isang ordinaryong empleyado. Pero marami akong natutunan nitong mga nakakaraang linggo. Una na rito yung natuto akong maka appreciate ng mga simpleng bagay sa paligid ko. Nawala ang pagiging maluho ko at mas natutunan ko ring pahalagahan ang pinaka maliit na halaga sa aking pitaka. Si Yuji Guarin na dating leader ng F4 ay isang simpleng tao nalang ngayon at hindi ko ito kinakahiya. Kahit na binabansagan nila akong anak ng kriminal o ng mag nanakaw ay ayos lang. Ang mahalaga ay marangal ang aking ginagawa at masaya ako dito." ang sagot niya.
"Ayos ah, pinag handaan mo ang sagot mo? Iam sorry im not buying it." ang naka ngiti kong sagot.
"Kamusta ang relationship mo with your partner?" tanong ni Donya Briguela
"Divorce na kami, ang isang political arragement ng same sex ay madaling nawawalan ng bisa kapag nag agree ang dalawang party na mag hiwalay."
"Paano mag aagree si Vann Durria e baliw na baliw sa iyo iyon? Papatay nga siya para sa iyo." sarcastic kong tugon.
"Ang kanyang ama ang nag kombinsi sa kanya na bumitiw. At sa bandang huli ay sumang ayon na rin ito. Sa ngayon ay naka kulong pa rin sila at pinag babayaran ang kanilang mga kasalanan." ang wika ni Yuji.
"Dapat lang. At sisiguraduhin kong doon na sila mabubulok kasama na ang iyong ama." ang tugon ko.
"Okay lang, ang kasalanan ay kasalanan at dapat itong pag bayaran." ang sagot niya.
Patuloy kami sa pag kain..
"Mr. Guarin, ano ang plano mo ngayon?" tanong ni Donya Briguella.
"Manatili sa tabi ni Blas hanggang dumating ang araw na mapatawad niya ako." ang sagot ni Yuji.
"Manatili ka kung gusto mo, pero ako? Hahanap ako ng taong mamahalin ko at mamahalin din ako. Yung malayo sa iyo. Yung malayong malayo. Naisip ko na simula bukas ay makikipag date ako sa iba't ibang tao hanggang mahanap ko yung para sa akin." sagot ko.
"Kilala ko si Blas, hindi niya magagawa ang ganoong bagay, dahil aminin mo man o sa hindi ay ako pa rin mahal mo." sagot niya
Hindi ako kumibo..
"Sa tingin ko ay kailangan mong buuin ang pag katao mo bago mo subukang buuin ang pag katao ng iba. Ang pag tatawad ay hindi ganoon kadali lalo't kung ikaw ay nakapanakit ng husto. Ang lahat ay magiging maayos sa takdang oras." ang wika ni Donya Briguela.
"Hindi ako susuko kay Blas. May kasalanan ako at bilang lalaki ay haharapin ko ito kahit gaano pa kahirap." ang wika niya sabay ngiti sa akin.
Itutuloy..