شمس: الموت أهون الي من انه تزوجني غصب
ياسر: لج شمس شدتحجين
شمس: ساعة الشيطان الي دائما نسمع امهاتنا تكول عليهه شفتهه بهل لحظة نفسهه الي خلت رافد يغتصبني وياسر يكتل رافد ونفسهه الي دفعتني وخلتني اكطع اوردتي وااذي نفسي يبقى السؤال منو السبب احنة لو الشيطان الي دفعنه لو بالأساس احنة شياطين نفسنه
لو رافد محكم عقلة جان شنو صار ولو ياسر ماكتل رافد جان شصار وهسة اني شنو الي سويته بنفسي وعلمود منو زين اني شلون كدرت هلكد احب رافد
الكلام ممترابط ومو منطقي حياتي مددترتب اذا متت شراح يصير رب العالمين راح يعذبني لان اذيت نفسي
يارب ماموت ماريد اموت هيج موته
ياسر: لجججج شمسسسسسسسس ليش هيج سويتي بروحج شمس جاوبيني شمس ولج اني كل الي سويته الخاطر عيونج
ياسر: شفت شمس شلون كطعت اوردتهه كدامي ووكعت حسيت الدنيا وكعت على راسي شلتهه ووديتهه للمستشفى
الدكتور: شتصير منك البنية
اختي
اختك قوية وكدرت تتحمل وكدرنه نخيط الجرح بالرغم من عمقة
يعني هسة هي زينه
اي
أكدر اشوفهه
تكدر بس هسة هي نايمة لان انطيناهه مهدء
تمام دكتور
ياسر: ليش هيج شمس ليش هيج تاذين نفسج
شمس :اخخخ ايدي ياسر
ياكلب ياسر ليش هيج تسوين بروحج
شمس: ماريد اتزوج زيد ياسر لتجبرني
ياسر: خلص خلص هاي هي ماكو زواج
ياسر: هذا زيد ديتصل
الو اهلا زيد
زيد اني اعتذر منك وألغى الموعد لان اختي رافضة الزواج نهائي
انشالله نتلاكة مع السلامة
زيد: رفضت وكل هذا علمود منو علمود واحد مثل رافد ونذالته اني زيد انرفض والله دنيا تمشين وية الاعوج عدل وية العد ل اعوج
ام معاذ: ها ماما دكوم بدل راح نتأخر
زيد: مايحتاج انلغة الموعد ولغينه هذا الزواج وبعد لتفتحين موضوع زواج وياية
ام معاذ : ليش شكو شصار
مصار شي بس لغينه كلشي
ام معاذ : اويلي عليك متكمل فرحتك
محمد: دكتور شو بعدة مصحة
والله هو حاليا بيد ربك شوكت يصحى بس انشاء الله خلا ال ٤٨ ساعة الجاية
ابو رافد: اوووف يرافد يحزام ضهري
الو شيخ ياسين تحضر العمام وتنطي عطوة ال ضابط ياسر وهسة ادزلك عنوانه
لا ضرب رافد طلقة وهسة هو بين الحيا والموت
محمد: حجي صدك جذب اذا احنا هيج نتصرف شبقينه للجهلة
انتو الجهله مو احنة انتو هذا جيل القانون مايمشي وية هاي الناس غير قوانين العشاير واني اريد افصل الشغلتين اغتصاب شمس وكتلت رافد
محمد: ومنو يكول رافد قابل عله هل شي
ابو رافد: رافد مدد جوة ومااعرف شنو مصيرة واذا مصيرة الموت فراح اكون ماخذ حقة قبل ميندفن واذا مصيرة يعيش فراح اكون رادلة كرامته قبل ميكوم
ياسر: الو خير محمد
محمد: ياسر انت صديقي مثل ما رافد صديقي واحب اكلك ابو رافد مراح يعدي هل شغله على خير وهسة هو خابر شيخهم وراح اكيد تلكة علة بابك مكتوب مطلوب دم
شنو شدتحجي انت واني هم اكعدهم وافصلهم على شغلت اختي
محمد: ابو رافديكول راح افصل الشغلتين بلكعدة
ياسر: ماشي محمد ماشي هو رافد صحة
محمد: رافد لو صاحي مجان قبل بحل ابو
ياسر: وشكال الدكتور
محمد: رافد بيد رب العالمين منعرف اذا راح يصحة لو النومة هي النومة
ياسر: ماشي تسلم محمد
محمد : الله وياك
شمس: ها ياسر ويامن جنت تحجي
مو وية احد
جنت تحجي وية محمد مو
لا
رافد مات مو ماات
لا شمس شبيج انتي منين تجيبين هل حجي
لعد شكلك
كال ابو رافد يريد يفصلني
شنو معقولة عمو ابو رافد هيج يفكر
اي طلع هيج يفكر شفتي شمس شفتي لان جست ابنهم شولي شلون راح يكلبون الدنيا عليه واني مو من حقي ادافع عنج وعن شرفج الي نهبة رافد
شمس: كااافي كااافي ياسر تروح وترجع على نفس الموضوع ترة اني مو غبيه واعرف الناس كل الزين وبيت رافد عيشوني احسن عيشة بس رافد لان يعرف ماضيي رفض وجودي جان متوهم بيه شلون انت هسة متوهم والاوهام ماكله راسك
ياسر: يلة كومي خلي نرجع للبيت
ياسر: الو منو
ها اي عرفتك هلا بيك عمي
ها اي اي
لا الي صار راح احجيلك اياه بالتفصيل
هذا رافد اغتصب اختي شمس وتزوجهه غصب ومن لكيتهه واخذتهه خطفهه مني واني من فورت دمى وبس لكيتهم ضربته طلقة
هسة هو بلانعاش
شوكت باجر.
ماشي عمي هاي هي
شمس :ها شكلك
باجر الكعدة
حاول تكون هادي ولتضل معصب
انشالله خلي اكوم اسويلج لكمة
لا ماريد
تعرفين شكد نزفتي اكعدي وهسة راح اكوم اسويلج شي
نور: الو هلو محمد ها لا تخابر لاشي
محمد: اني بالمستشفى
نور: عزززة شعندك
محمد: ياسر لكة شمس ورافد وحاط طلقة بصدر رافد
عزززززززة وهسة رافد شلونة
مو زين وبين الحياه والموت
عزززة خلي اخابر شمس لعد
وهذا كلة ومتكلي
شكلج يعني هو اني من البارحة منايم وجماله ابو رافد فاير فور على ابنه وحظر كعدة علة باجر
كعدتيش
كعدة شيوخ وراح يفصلون ياسر
عزززززة كلة من رافد شفت لوما سالفة خطفه الشمس مجان صار كل هذا
محمد: نور لتغشمين شمس جانت اهناك برضاهه وجان تكدر تطلع من المزرعة بكل سهولة مثل مااحنة فتنه بكل سهوله بس شمس تحب رافد مثل ما رافد يحبهه ورادت تكضي هلوكت ويا
نور:مااعرف هلاثنين شبيهم
محمد: راح يصير خطأ مراح يرضة بي رافد اذا كعد
نور: مثل شنو
محمد: باجر يجي وتعرفين شنو
نور: دكلي
محمد: لاتستعجلين
نور: منو ابو رافد كلك
محمد: اني اعرف ماكو شي يكدر يسوي ابو رافد غير هل شي
نور: الي هو شنو
محمد: عوفيني بلكت اني غلطان
نور: والله انت مدري شبيك
محمد: انتي شلونج
زينه
طبعا زينه البارحة حصلتي بوسة كل البنات تحلم بيهه
نور: محمد روح روح اني رايحة اخابر شمس
محمد: هههههههه ماشي ماشي روحي
نور: الو هلو ياسر عادي احجي وية شمس
نور مجنت متوقع منج هل شي يعني انتي الي طلعتي توصلين اخبار الرافد
نور: اني مو اوصل اخبار الرافد بس جنة اني ومحمد متأكدين من ردت فعلك هاي وانه. اح تكتل رافد وسويتهه وهسة تكدر تنطيني شمس
هاي شمس وياج
الو هلو شموسة كلبي هاي شصابو واني ماادري
شمس: كولي شنو الي مصاير
شكو شمس اكو شي بعد مااعرفة
لج نور حاولت اقتل نفسي شمس القوية الي الدنيا داستهه دوس كطعت شرايينهه
عزززززة بعيني ولج شلون هيج تااذين نفسج
نور عوفيني من هل حجي رافد شلونة
نور: هسة جنت احجي وية محمد يكول ميدري بالدنيا شكو بعده مصاحي
😢😢😢😢😭😭نور ليش هيج يصير وياي ليش
اذا رافد مات اني شلون اعيش شلون اكمل حياتي
نور: شمس شدتحجين انتي تحبين رافد
شمس: اي احبة ليش مستغربين احبه
نور: ونسيتي الي سواه
شمس: هو نسانيا بحنيته ومحبته الي بس اخويا الي مدينسا ومديقتنع بأنه خلص انتهه
نور: شلون شمس شلون تنتحرين اذا انتي المثقفة والواعية هيج تسوين
لج نور ياسر راد اليوم يزوجني وغصب عني شتريدين اكله اي والله موافقة
وهسة شصار
خابر زيد وكله خلص انهي الموضوع
ايييي الحمد لله
يلة حبيبتي ياسر ديناديني
يلة كلبي اني اروح اخابر محمد
اكلج انتو شو مو طبيعيين انتي ومحمد صاير بينكم شي
لا هذا الموضوع يرادله كعده مو هيج
ماشي ان شاء الله نتلاكة
نور: الو هلو حبيبي
يعيون حبيبج تدرين اني ميت نعس وتعب ومن كليلي حبيبي كلشي طار
محمد هاي شبيك 😊
كلب محمد انتي
تدري شصاير بشمس
شصاير
منتحرة
شنو وووو
اي كاطعة اوردتهه يالله ياسر لاغي زواجهه من زيد
طبعا ياسر والله جنت اني بصفة واكول حقة بس زودهه هسة مايخالف أرفض رافد بس ليش تجبر اختك على زواج متريدة
نور: هذا حظ شمس
اوووف راح نضل شمس ورافد وياسر شوكت نباوع الحالنه
نور: انشالله نتفرغ النفسنه بس هذوله اصدقائنه والهم حق علينه
ام رافد: فدوة العينة ابو رافد عفتني بالبيت ومتجاوب علتليفون تريدون تموتوني كلي رافد شلونة
ابو رافد: زين رافد زين بس حضريلي دشداشة وعكال
شتسوي بيهن يمة عزززة وتكلي زين
لج يامرة اريد اروح بيهن باجر بلكعدة مال الشيوخ
كعدتيش
مال فصل ياسر
صدك تحجي راح تفصل ياسراي راح افصلة وحضريهن بسرعة دابدل وارجع للمستشفى لان محمد وحدة ومن البارحة واكف
ماشي ماشي
ياسر: السلام عليكم
وعليكم السلام
ابو رافد: اني جامعكم على شغلتين الشغله الأولى انه احنة استقبلنة اخت هلولد وفوتناهه بيتنه طلعت هية جانت مسجونة بنفس السجن الي ابني هو المدير مالته هي جانت طالعة من قضيت شروع بلقتل وجاية من ملهة ليلي ومن اجة وشافهه بلبيت حاول يطردهه او يأثر علينه حتى نمشيهه المهم اخذهه للسجن واغتصبهه اتصورهه هي وحدة عاهرة ومن كشف انه هي بنية شريفة مباشرتا عقد عليهه وتركهه وبعد مقربلهه لكن من ضهر اخوهه بدت العداوه وياسر مرضة باي حل ينهي هل عداوه
وبالاخير ياسر راد يزوج شمس و رافد خطف شمس ومن ياسر لكاهم كتل رافد وهسة ابني بين الحياه والموت كلولي شلون تحلون هل مشكله
ياسر: ها عمي حجيت هسة كلشي ومحجيت على مهانت اختي الي جان يحجيهه بلسانه من جنت ماادري هو ديحجي على اختي
محمد: بس من رخصتك ياسر شمس مجانت مخطوفه جان رافد فاتح كل أبواب المزرعة وجانت تكدر تهرب بكل سهوله بس هي ماطلعت والدليل الثاني انه خله شمس تخابرك ومن هذا الأثر عرفت مكانهم
ياسر: محمد انت شدتحجي شنو اكو واحد عاجبه كاعد مخطوف
الشيخ : وشنو الحل هسة راح تضلون منا حجايه ومنا حجاية
اذا نكول عوض مادي فياسر اله حق ياخذ عوض مادي بسبب اغتصاب اخته
وابو رافد اله حق عوض مادي
ابو رافد: اني ماريد عوض مادي اني اريد شمس فصل
ياسر: شنووووو هذا حلمكم تريدون تذلوهه
الشيخ : هو اصلا عاقد عليهه اذن خلص
هو هذا الحل الامثل
ياسر: مستحيل اخلي اختي تروح فصل مستحيل
ابو رافد :خلص الحجي باجر اجي اخذ شمس
يلة اودعناكم
ياسر :لك محمد دتسمع الحجي شسوي بنفسي احرك رووووووحي
محمد: هذا الجنت خايف منه
بس اسمع هسة ابو رافد الشياطين دتطفر بوجهه فخلي ننتظر رافد يصحة وهو راح يحل المشكله كلهه هسة روح ووديهه انت البيت رافد وهسة تشوف ربك راح يعزك بس كول يالله
شمس: اجيت ياسر
اي اجيت
ها شصار
ابو رافد رادج فصل
شنو و معقولة هيج يفكر
اي معقولة وهسة حضري نفسج دتروحين
وين اروح
البيت رافد وإنشاء الله تفرج
ام رافد: ها شسويت
رجعت شمس للبيت وهذا الي جان لازم يصير من الاول
وشلوووون
رجعتهه فصليه
عززة ليش هيج كسرت بلبنيه هاي مو عوايدنه
معليج دقيقة التليفون ديدك
الو ها محمد شلوووون هسة جاي اي اي جايك
محمد:رافد دتسمعني
رافد: اممممم اخخخ راسي
محمد : دكتور شو يصيح من راسه
الدكتور: طبعا يصيح من راسه البنج والمهدئات عادي
ياسر :يلة خلصتي
اي خلصت
ياسر
ها
لتخاف عليه رافد صدك يحبني
وانتي
واني احبه
حبيتي الي كسرج
هو صارت ويا هلشغله مثل ماانت صارت وياك وضربته واني جنت متأكده انه انت مستحيل تسويلة شي بس كتلتة هو هم وصل مرحلة مشاف بيهه كدامة وسوه هيج
ادافعيله شمس
حبيبي لتزعل وهسة تشوف رافد بس يصحة كلشي راح يتصلح
هههههه رافد ومن يصحة اصلا راح يكعد يلكة كلشي ابو رتبلهيا بليريدة
شمس: ياسر لتفكر هيج
يلة شمس خلصتي
اي خلصت
شمس: ذبني ياسر بيت رافد يالله شلون مشتاقة الهذا البيت وللذكريات اهنا
السلام عليكم
ام رافد: وعليكم السلام هله يمة فوتج علينه خير
شكو يوم
ابو رافد: رافد صحة البارحة
شمس: صدك عمو حباب اخذني الله يخليك اخذني وياك
ابو رافد: يلة كلجن امشن يلة ام رافد
يلة هسة راح ابدل
شمس : الطريق كله واني علة نار منتضرة الحظة الي اشوف بيهه رافد
الدكتور: هسة اريد منك تكومة تمشي بلمممر
محمد: تمام دكتور
شمس: فتت للمستشفى رايحين للغرفة مال رافد شفت رافد واكف علة رجليه
شمس: رااافد
رافد: شفت شمس دتمشي وية اهلي وجايه عليه والدموع تارسة عيونهه............
......
خليت القفلة متجلط لان راح تنتظرون
بس عندي حجاية اكو وحدة تعلق دائما علفيس علة منشور القصة اخر متوصلته اتهمت الكاتبات بأنه هذه قصص مو واقعية واحنة دنشجع الناس على الاغتصاب والعنف والظلم
ترة مدااعرف شجاوب هيج نماذج يعني هو واقع اكو احد يكدر يغيرة يعني هسة كذب ماكو سجينات وماكو فصليات وماكو مظلومات ولكن شخص ينقذهن من الهنة بي
اصلا احب اكلج اتمنه هاي القصص تنااخذ وتصير مسلسلات حتى الي ماعندة واهس يقرة يشوف الواقع بعينه يشوف الاب شلون باع بنته بسبب الجوع والحرمان وشلون الفقير من راد يصير شي بالمجتمع صار وصل
الكاتبة بنين الجبوري