الهاربة والضابط

١٤_١٦

رافد: فتت للبيت لكيت بنية لابسة تراكسود ابيض ومتمدده علمرجوحة ودتقرة وشعرهه نازل من المرجوحة هاي منو
انتي منو
شمس: رافد 😰😳
جنت نايمة علمرجوحة وهستوني مخلصة شغل البيت وسبحت وبدلت لبست تراك ابيض وبي وردي وفاتحة شعري حتى ينشف وتمددت علمرجوحة حتى اقرة شوية
محسيت غير احد فتح الباب الخارجي
وكلي انتي منو
فزيت من مكاني وطلع الي ميتسمى رافد فتت ركض للمطبخ
رافد: ضليت بتركيا شهر ونص حبيت الأجواء ونفسيتي هدئت شوية خابرني محمد كلي ترة الحجي راح يطلع مستمسكات الشمس معارضت لان احسن مايصير تضل بدون شي
قررت افاجئهم وارجع بدون مااحجي
من فتحت الباب مال البيت لكيت بنية تشبهه الحوريه لابس تراك ابيض وشعرهه مفتوح ونازل من المرجوحة ويسجل بالحديقة ولازم كتاب دتقرة بي
من كلتلهه منو انتي كامت طلعت شمس
معقولة هذه نفسهه شمس
بس اني الي عفتهه شكل وهاي شكل ثاني
هي من شافتني اخترعت فاتت للبيت ركض
بس شمس جانت كلش ضعيفة هاي سمنانة
ام رافد: شموسة شبيج بنيتي
ماكو شي يمة صاعدة الغرفتي
رافد: حجية وينج اني جيت
راااافد
اي يمة رافد
يمة تعال وينك ليش هيج خليتنة
هسة رجعت يمة بس خلصت شغلي كبل رجعت
بس يمة اريد احجي سالفة
شنو
هاي شلون تطلع هيج بلكراج
عليمن تحجي
على هاي
اول شي اسمهه شمس ثاني شي كراجنة بي سقيفة ومنبين منة وثالث شي شنو انت هستوك جاي من السفر نازل على البنية كبل 
اشوفهه صعدت الغرفتهه مخترعة
وانتي شدعوة هلدفاع الهه
اي لان مثل ماانته ابني هي بنتي
هااا
اي واكو شي ثاني
شنو
اكو هواي شغلات تغيرت بهل شهر ومن يجي ابوك نحجي بيهم
شتغير شكو
من يجي ابوك نحجي وهسة خلي اروح اشوف شموسة وينهه
هاي البنية غاسلة دماغهم انوب كالبة اهلي عليه
شموسة وينج
هياتني ماما بلغرفة
شدسوين دابدل
وليش
مو رافد
اسمعي شمس اني شتفقت وياج
اريدج تخبلي بلبسج وبجمالج وانوثتج
بس
بدون بس هو زوجج ومو عيب ولا حرام يلة انزلي مثل ماانتي وهم شوتعالي حطي كحل بداخل عينج
وحطي من هاي الحمرة الخفيفة
عزة لا يوم مو مال حمرة عيب
سوي مثل ماكلتلج وشعرج لتلمي بقي على فتحته وتعالي بحجة اني اظفرلج شعرج
ماشي
يلة لتطولين
رافد: كعدت بالمطبخ لكيت بسبوسة كعدت اكل منهه
ها يمة شلون سفرتك
تخبل مكانكم خالي
اي والله صار هواي ممسافرين
نزلت شمس من الدرج فاتحة شعرهه الي مغطي كل ظهرهه واصل الركبتهه ومثل الذهب يلمع والشفة ورديه من الجمال الي حاطة رب العالمين بيهه غوشت عيوني
السلام عليكم
وعليكم السلام
شمس : ماما بلكت تضفريلي شعري
شوتعالي خلي اشوفة نشف
اي خوش يلة ارفعي راسج
اريدهه داخليه
ماشي تدللين
رافد: انوب امي تضفرلهه ضهر جمالهه بلزايد ركبتهه وعيونهه جمالهه شفاف
شمس :بلكوه دست على نفسي ونزلت بهل شكل كدام رافد انوب هو اكلني بعيونه اكل كلش ارتبكت
يلة حبيبتي كومي خلصت
عاشت ايدج يمة
شتحبين اسوي غدة والله كلشي من ايدج طيب
نسوي دولمة
وليش اتعبين نفسج خوب ندز اكل من برة بمناسبة رجوع رافد
وشندز
ام رافد: قوزي
يوم وشنو رئيج اضوكج القوزي مالتي
يمعودة انتي غاوية تعب
ماكو لاتعب ولا شي
عندج المواد
اي موجود كلشي ماشاء الله بابا ميخلي شي ينقص
ديلة لعد ابدي بي
ماشي
حطيت الحم علنار ويا ورق غار وملح وكركم
وحطيت التمن حتى ابزلة
وحطيت الشعريه وسويت تاجينة (شعرية وكشمش وفستق ولوز وجوز)
وحطيت الفاصوليا حتى تسلك
طبكت الفاصوليا على مي الحم صارت تموت
والتمن كمل والحم هم
سويت بلبلامة القوزي وصار الشكل فدشي
ابو رافد: السلام عليكم
وعليكم السلام هلو بابا
هلو بنيتي
بابا رافد جوة اجة اليوم ياا صدك دخلي افوت اشوفة
رافد: انوب كامت تفتر بالمطبخ حتى تسوي ا كل وشكلهه يثول بالتالي عفتهه وكمت بلصاله بحجت ريحة الاكل
ابو رافد: يكولون عقيد رافد يمنة
ههههههههه هلة يابة شلونك
هلة بيك الحمد لله شهل غيبة
والله تركيا مينمل منهه
اي اسئلني اني مينمل لا منهه ولا من نسوانهه
😂😂😂يابة متخاف على نفسك تسمعك الحجية
اي عادي مو جديدة على ابوك
😂😂😂😂انلكفت يابة اليوم راح تنام بلصالة
شمس: يلة تعالو تغدو ترة صبيت راح يبرد الاكل
يلة ابني يلة خلي العجايز اهنا
ديلة يل شايب مو اطلع النايم ترة
لا يمعودة احنا ستر واحد على الاخ
😂😂😂😂😂 هاي شصاير بينكم
معليك انت اني وامك انوب جاي يوكع بينه بعد هلعمر
😂😂😂😂😂
يلة وينكم برد الاكل
رافد: فتت للمطبخ لكيت الغدة علميز بس ماكو ولانقص من السفرة البن والزلاطة والطرشي والقوزي شكلة فدشي
يلة اكعدو اتغدو
وانتي هم بابا تعالي شدسوين
مداسوي شي بس دااحظر الجاي واجي
دتعالي يا ماما هسة مطاير الجاي هسة بس اخلي علنار واجي
يلة تعالي اكعدي اهنا
ماما كعدتني كبال رافد
ها رافد شنو رئيك
بشنو
بطبخ مرتك
عادي
شنو العادي حتى أطيب من القوزي الي تجيبة من المطعم هذاك زفرة الحم بي
اي صح
بس اليوم الفاصوليا طالعة غير شكل
مو يوم خليتلهه مو مي عادي خليت مي لحم
اي والله يخبل الاكل
الف عافية باباتي
الف عافية يوم
رافد: اي واني جلب الصيد اصبريلي طالعة عينج بهلغيبة
اباوع على رافد يباوعلي ويخزر بيه
رافد: دناكل سمعت صوت تليفون
شنو هذا تليفون منو
شمس : ها ماادري
هسة اجي
صعدت لكيت تليفوني ديدك غلقته واني ارجف مااحس الة رافد فوك راسي
ها شتريد
ولج منيلج هلتليفون ادبسز زز بديتي تطلعين سوالف الكح....... ساقط......
جريتهه من كصيبتهه وسحلتهه سحل من الغرفة للصاله
ابو رافد: لك ابن الكل........ هاي ليش هيج سويت بلبنية
رجائا لتدخلون انتو طلعتوا عينهه
منين جابت التليفون 😡😡😡😡😡😡
اني جبتلهيا
شنو
اي اني لان شمس دتشتغل هسة بلخياطة وتحتاج تليفون خاص بيهه حتى تكدر توصل الطلبيات
شنوووووووو
اي مثل مسمعت وهذا كلة اني قدمتلهه دراسه خارجي وهسة دتقرة
😮😮😮😮
وهاي البنية بعد متدخل بيهه لا من جبير ولا صغير.
لا مو بكيفكم هي مرتي اني وبس ومحد يتدخل بيهه غيري..
اني أتدخل وغصبا ماعليك
شمس :😭😭😭😭😭😭😭😭😭
وبابا جيبي تليفونج خلي اشوفة منو الي دك عليج
ماشي يابة 😢😢
هاك شوف حتى تليفونهه بدون رمز شوف منو صاحبة الاقمشة
وشنو كل هل تغييرات الباقية
اي سجلتهه علامتحان الخارجي ودتقرة وطلعتلهه جنسية
لا اله الا الله لا إله إلا الله
محمد رسول الله وهذا العندي كلته
خوش خوش يابة خوش
طلعت من البيت فاير يعني شنو هل تغيرات بهل شهر زمان
الو ياسر
خلي نتلاكة
اي نفس الكهوة
ماشي حبيبي
شمس:😭😢شفتي يوم شفتي شسوة بيه 😭😭😭
ميخالف يمة هم بابا مقصر ويا
هسة هو انحط أمام امر واقع
😭😭😭😭
ياسر : ياهلة بلمسافر والغياب صارلة شهر ونص
هلة بيك هلا حبيبي
شلونك
والله شلوني هسة جنت مسوي عركة شكبرهه ولزمتهه كتبتهه وطلعت
شنوو كتلت منو
مرتي
ومن شوكت نكتل النسوان انت شدسوي بنفسك
اي لعد اجي اسمع صوت تليفون بغرفته فكرت هي جايبته بدون علمنة طلع ابويه مسجلهه علامتحان الخارجي وجايبلهه مكينه وصايرة تخيط وجايبلهه تليفون
اي بس هاي من الزينات
حتى متظل معتمدة عليكم
ماادري ماادري
شبيك رافد
ماادري شبيه هاي البنية كل مااشوفهه اريد اخلص عليهه
عود ليش هل حقد
تدري شنو
شنو
يمكن اذا اتزوج راح اعوفهه بحالهه
بس اني مو وياك بهل قرار
ليش
لان انت تحب هاي البنية
شنوووووو
لك بابا أكلك اكرهه بحيث من اشوفهه اكوم اتحرف على مشكله
اي وهذا الحجي انت لو متهتملهه جان مدورت مشاكل عليهه جان خليتلهه براحتهه
ماادري ماادري بس مو معقوله احبهه
سهله سهله هي ايام وانت تكشتشف هل شي بنفسك
انت شبيك مهموم
تأكدت اختي مميته
شلوووون
صاحبي بالنفوس
كال اجة رجال سحب ملف العائلة مالتكم واتأكد من اسم اختك شمس........... ولوما هو عندة واسطة جبيرة مجان قبلنه وطلعناه
اي وشعرفت عنهه هي متزوجة لو لا
لا ممتزوجة بس بالجنسية جاي وياهه رجال جبير بس باصمة ورايحة
الله يعينك
دافور رافد دافور يعني كاعد وماادري اختي وين وية منو
زين متكدر تعرف عن طريق الواسطة
حاولت بس كلشي مستفاديت
ربك يحلهه
بس انت لازم تبلغ وتخلي اسمهه بالمراكز حتى من يكوهه حاسبة يوقفوهه ويكلولك
ماادري بس خوش فكرة
اي احسن من الماكو
اي والله
ورافد هلله هلله بلبنية والله خطية ترة مالهه ذنب وهي شايلة ابوك وامك على راسهه
صدك اليوم شلون سوت قوزي يموت عود تعال باجر عازمك.
اي اجي ليش لا
رجعتت للبيت بل ١٠ بليل صعدت الغرفتي سمعت صوت بغرفة المخزن فتت لكيتهه شمس دتخيط
شمس :رافد اااا تريد شي
لا ماريد انتي شدسوين
عندي شغل دااخلصة
تعالي صفيلي الجنطة مال السفر
زين شنو رئيك هسة تروح تنام واني باجر ورة متروح للدوام اصفيهه
محد طلب رئيج وباجر ماعندج وقت
ليش شكو
عندي عزيمة
ماشي جاية
فتت للغرفة كعدت علجرباية
طلعيلي تراكسود
تفضل
شوهذا كام ينزع كبالي اني درت وجهي وكم افتح بلجنطة مال السفر
رافد :تقصدت انزع كبالهه اريد اشوف ميتهه شنو
خلصت تكدرين تديرين وجهج
هذني انطيهن المن
هاي الكرزات والجسق تخليهن النه للبيت
واكو علبتين مغلفات هذني الاصدقائي
واكو ملابس جديدة بهاي الجهه هاي الماما مو
اي
وهاي المن
هذا كوت جبته الج
صدك اليه شمدريك اني احب الون السمائي
ليش تحبي
اي
اني جبته لان هو بلون عينج وراح يلوكلج
شكرا كلش حلو وعجبني كلش
بالعافيه
هاي قمصان جديدة اليه وهذني المغلفات هاي هديه الياسر
ياسر
اي ليش شبيج
لا ماكو شي بس اني كلش احب هذا الاسم
ديلة خلصي
الوان القمصان تجننن
اي جبتهم من.......
بالعافيه
الله يعافيج
هاي اني خلصت
شكرا عل هدية كلش عجبتني
بالعافية
عجبني الكوت الي جابه رافد اليه لذلك قررت اسويله قميص اخيطة اني
ضليت اشتغل لل١١ ورحت نمت
دك المنبه على الصلاه الفجر كمت صليت ونزلت حضرت الريوك
صباح الخير
صباح النور
هاي الريوك جاهز
كعد ياكل وصعدت احظر ملابسة
وحضرت الحمام
رجعت فتت للغرفة طلعت كتابي ونزلت بالحديقة اقرة وسويت كوب كهوة
رافد: طلعت لكيت شمس كاعدة علمرجوحة ودتقرة وتشرب كهوة شكلهه يجنن  ضليت صافن عليهه
محتاج شي
ها لا ابد بس فوتي جوة راح افتح الباب
ماشي
كامت فاتت جوة
محمد :نور المركز سيدي
منور بيكم ها شنو الاخبار شكو ماكو
ماكو شي كلشي تحت السيطرة.
اي الحمدلله
اليوم معزوم يمي
هاي شنو الدلال
اي لعد شعبالك
تسلم تعبناك بهلشهر
لا انت تدلل
لعد ماطول ادلل روحلي للبيت اخذ من عدهم لسته بلي يحتاجو حتى تتسوكلهم
ليش مراح تدز من المطعم
لا هلمرة راح نضوككم طبخنة
اي لعد اني رايح
الله وياك
الو هلة يابة
راح يجي محمد ياخذ اللسته بلي تحتاجة شمس علمود العزيمه
ماشي
مع السلامة
يالله شكد  شغل عندي
📞📞📞📞📞📞
الو هلو ها يابة
شلون شلون ماتحتاج شي
بس اتاكدلي منهه عفيه
ماشي يلة لعد خلي الحك بلولد

الو محمد ارجع حبيبي ممحتاجين شي
اي
يلة مع السلامة
شمس : رتبت الصاله ولمعتهه وخليت الحم علنار
وحضرت انواع مقبلات
خابر رافد يسأل اذا محتاجين شي همة ماشاء الله ميخلون شي ناقص بلبيت
حضرت فواكه وسويت ترايفل وبسبوسة
وسويت الجاي وخليته بلسوامر
ووحضرت لبن
وحضرت الحمام مال الصاله
خلصت الاكل وصبيت ورتبت السفرة
رافد: ها خلصتي
اي خلصت كلشي
ماشي
اني طالعة هم اجوي
اي علة جية بس اصعدي جيبيلي الهداية مال الولد
ماشي
صعدت جبتهم ونزلت هاك تفضل
حطيهم علطبلة
يلله اطلعي اجوي
يلة ماشي
طلعت وصعدت فتت اسبح
وطلعت طلعتلي بنطرون جينز وتشيرت احمر و كعدت شسورت شعري وخليت مكياج كلش خفيف
نزلت جوة
ياسر:شهل سفرة الي تفتح النفس اني كبل راح اهجم
يلة اهجم 😂
اويلي شهل طعم لك رافد يموت الاكل والله
بالعافية
السلام عليكم
هلة عمو وعليكم السلام
اكعدو اكعدو كملو اكل اني بس داشوف حمودي ضلت الجنسية مال شموسة يمك
اي عمو وهاي جبتهه
يو وكعت مني عمو مناك وكعت من يم ياسر
ياسر :هسه اني اجيبهه...............
اعذروني اعرف البارت قصير بس يادوب دالحك اذا نتو كاعدين بلبيت فااني مكاعدة 😭😭😭😭
الكاتبة بنين الجبوري
#Baneen