#çhrønīqūę🇩🇿
شافت وحد الطنوبيل الله يبارك تهبل كحلة وكبيرة حبطو منها وحد لبنات يعق باينين خامجات ودايخين باينين سكرانين وهبط معاهم وحد الجون باين لباس عليه وهذوك لبنات جايب بيهم وقت خلاهم في طريق وهو راح وهوما ناضو يعيطو وهو ووالله مشاف موراه قلع وخلاهم
هادية :وي هدي هي لحيات بنات لي ميعرفوش صلاحهم وميخافوش عل شرفهم وين يوصلو
ايا هادية حست حاجة موراها كي دور تلقاه باباها
هادية : ااااااا بابا لغالي راك هنا
محمد : والله يابنتي محب يجيني نعاس معلاباليش علاش راني حاس راح نتهنا من هذي دنيا
هادية : يخاه بعيد شر عليك بابا مزالت براكة نشاله وتشوف ولاد ولاد ولادك
محمد : يابنتي متدري ليوم معاكم غدوا لالا ومتدري هدي دنيا وش راهي مخبيتلكم لازم تكافحو
هادية :نشاله بب والله رانا معاها
محمد : يابنتي عمرك لا تخسري شرفك وحياتك عل جال عباد ميستاهلوش لازم تكافحي ووتعبي بش تعيشي مترخسيش روحك بش تاكلي.
هادية : وي بابا تربيتك أنا
محمد : اااااه يا مهبولة علابالي بلي متخيبينيش وهديل كيفاش راهي مع قراية
هادية : متخافش بابا راني معاها انا وبربي نوعدك جيبو
محمد :نشاله بنتي والله سمحولي علابالي بلي موفرتلكمش وش لازم علابالي تحبو تلبسو علابالي نوغملمو راكم كي لبنات مي الله غالب بنتي
هادية : يابابا افهم بلي كي تكون نتا معانا وماما دنيا ومافيها
ايا رانية جات يش تشرب الما تلقاهم في البالكون
رانية : وش رتكو ديرو حلاتلككم قعدة 😆
محمد : والله يابنتي راني حاسها اخر قعدة معاكم والله اعلم
هادية : بابا مزلت
وطلعو وجهم للسما قاعدين يشوفو
محمد : لبنات أنا علابالي بيكم بلي راكم رابحين في حياتكم مي لازم تكافحو
هادية : بابا حقا مقتلكش غدوا نشاله روح نحوس عل خدمة
محمد : لالا بنتي بزااف عليك
هادية : وشمن لزاااف ونقعد هك اوما نخرج شويا نسولاجي
رانية : نشاله تحبي روحو كيف كيف
هادية : لالا ختي منعييكش
محمد عنقهم تعناق كبير وباسهم ربي يخليكم. ليا لبنات وفي قلبو راح حاسس بلي راح يخليهم في هذي دنيا يحاربو وحدهم وراح يكون اخر نهار ليه معاهم
7:00 تع صبح ناضت رانية وجدت روحها بش تروح للخدمة ديالها
هادية :ختي متستقهوايش
رانية : لالا راني شبعانة حمد لله
هادية : اسناي نطيبلك قهوة وزيد هذاك هو بش نوض هديل وسليم وبشرى بش يروحو يقراو
ايا هادية ناضت راحت للكوزينة لقات لحليب قيس زوج كيسان
هادية : ختي سمحيلي والله لحليب بقا قيس زوج كيسان حبيت نخليه لسليم ومروة كون ينوضو هوما صغار
رانية : الله يهديك وأنا علاش محبيتش نشقيك باسك علابالي ايا أنا راني روطار لازم روح
هادية : عندك مصروف
رانية : ساهل ندبر راسي
هادية : والله هذا وش عندي
رانية : خليه ليك تروحي بيه
هادية : تبقاي عل خير
ايا رانية راحت للخدمة وهادية راحت نوضت هديل بش توجد روحها وسليم وبشرى
ايا سخنتلهم لحليب شربوا م ولبستلهم ايا هديل راحت لليليسي وهادية وجدت روحها بش تدي خاوتها وتروح تحوس عل خدمة
ايا كي كانت خارجة راحت سلمت عل والديها
هادية : بابا ادعيلي
محمد : روحي يابنتي ربي يخرج عذابك لضوء وتحققي وش حبيتي
ايا حلوا الباب وراحو
ايا هادية وصلت بشرى وسليم ليكول ديالهم باسك يقراو في نفس المسيد وراحت هي تحوس عل خدمة مسكينة في هذيك البرودة مع لبسة رقيقة عليها مي الله يبارك شابة تلبس وش تلبس تبان عدرة مع شعرها مطلوق مبوكلي
حوست حوست مي دون جدوى لي تروح ليه يقولها مكاش مكاش ايا هادية كانت تمشي حتا يزدم فيها طفل صغير رافد باكية باين فيها شغل حلوى وعنقها في كرشها
هادية : 😁😁 ياعمري شحال شباب وش خصك خويا أنا نعاونك
طفل : طاطا تعيشي سلكيني من هذا راجل حب يديلي باكية تع حلوى
ايا هادية شافت شغل جان جاي يجري
جون :ختي شديه متخليهش يهرب
طفل : هاهو 😭
هادية طلعت راسها وشافت هذاك الجان الله يبارك يهبل كان لابس كوستيم باين لاباس عليه شعروا كحل وعنيه كحولة جاي سمر ومخدوم في جسم ديالو ربي يبارك وجون كي شاف هادية لي شعرها شتا مطلوق و وعنيها عسليين و بشرتها رطبة جون هذاك باين بلي عجباتو
جون : اوراح هنا ياسراق تديلي في باكي
طفل : 😭😭😭😭
هادية : خويا معليش تفهمني علاش هك مسكين
جون : ياختي أنا كنت رايح رافد هذا باكي هو جا سرقهولي من يدي
طفل : طاطا تعيشي متخليتش يضربني 😭😭😭
هادية : خويا ربي يعيشك طفل هذا باين مسكين جيعان ومعندوش قولي شحال حقها وأنا نعطيك دراهم مي متدناش ليه
جون : لالا مجاتش عل دراهم ختي مي لازم نعلموه ميسرقش
هادية :معليش خويا دك أنا نحكي معاه قولي شحال جات
هادية جبدت دراهم كامل لي عندها في صاك. وخمت بلي معندهاش بش تولي لدار مي معليش عل جال هذاك طفل
هادية : الكار اسنااااي
عطاتلو كامل دراهم هاك خويا هذا وش عندي الله غالب
جون :باين عليك بلي مرفهمة
هادية : ضحكت ضحكة خفيفة ياخويا مظاهر خداعة لوكان تعرف لي في قلبي تموت بلقنطة وأنا مخلانيش قلبي نخلي طفل هك ايا عطاتهمولو كامل وش عندها وراحت بش تلحق الكار لي تروح فيها
جون : واااو جامي شفت طفلة كيما هي باينة عاقلة وحنينة والله يبارك زينها جامي شفت كيفو 😍😍😍😍 قعد غير يخمم فيها وراح هذاك طفل لطنوبيل
في طنوبيل تع جون :
جدات هذاك طفل :صح قولي حكمت هذاك طفل ولا لآ
جون :ههه يجداتي لغالية هذاك طفل خلاني نشوف قمر شغل عبد
جدات جون :وقيل هبلت نتا
جون :هههه ايا خلاص ماني ايا روحو لسبيطار بش نداويك عل رجلك هك تبراي وتعرفيني منحبش عليك
جدات جون : تعرفني منحبش سبيطارات علاه هك
جون :متقوليلي والو خلاص امشي روحوا وبركاي من عنداك
🌹. عسولاتي متنسااوش تبارطاجو الكرو مع صحاباتكم و حباباتكم و ديرولي vote و كومنتاار شباب كيفكم 😘😍 باش تشجعوني نكمل ههههههه
نحبكم 🌹🌹🌹