နေရောင်ခြည်နွေးနွေးဟာ မှန်ပြတင်းပေါက်ကနေတဆင့် ဆေးရုံအခန်းလေးထဲ ဖြာကျလျက်ရှိနေသည်။ တံခါးကိုစေ့ရုံစေ့ထားတဲ့ အခန်းလေးထဲက သဲ့သဲ့လေးထွက်ပေါ်နေတဲ့ ရှိုက်သံတချို့ကို အရင်ကြားလိုက်ရသည်။
"ခန္ဓာကိုယ်အတွင်းပိုင်း အခြေအနေကအကုန်ကောင်းတယ်။ ကျိုးသွားတဲ့ နံရိုးနှစ်ချောင်းက Internal Organsတွေကို မထိခိုက်တာ တော်တော်ကံကောင်းတယ်ပြောရမယ်။ ခေါင်းကိူထိခိုက်ထားတာတော့ရှိနေတော့ ခုလောလောဆယ်ကတော့ဆက်ပြီးတော့ စောင့်ကြည့်ရဦးမှာဘဲ။"
တံခါးကိုတွန်းဖွင့်လိုက်သံက နည်းနည်းကျယ်သွားတော့ ဆရာဝန်နှင့် သူနာပြုအပါအ၀င် အခန်းထဲက လူတချို့က ကျွန်တော့်ကို လှည့်ကြည့်ကြလေသည်။ ကျွန်တော် ခေါင်းညိမ့်ပြလိုက်ပြီး နူတ်ဆက်လိုက်တော့ ဆရာဝန်ကြီးက အခန်းစောင့်သူနာပြုကို ညွှန်ကြားချက် တချို့ပေးပြီး သူ့အလုပ်ကို လတ်စသတ်ဖို့ ပြင်ဆင်သည်။
"မင်းလည်း အခုအခြေအနေကို သိသင့်သလောက်သိနှင့်နေမယ်ထင်ပါတယ်။ ဆရာတို့ X rays ပုံတွေထွက်လာမှဘဲ ဆက်ပြောကြတာပေါ့"
အခန်းထဲကမထွက်ခင် ဦးနှောက်နှင့်အာရုံကြော် အထူးကုဆရာဝန်ကြီးဖြစ်သူ ဆရာဦးသန်းမြင့်က ကျွန်တော့်ကို စိတ်မကောင်းစွာနှင့် ကြည့်ပြီး ပြောလေသည်။ ခေါင်းကိူထိခိုက်သွားတယ်ဆိုတာ သိသိချင်း ထက်မြတ်နိုင်ကို ဆရာဦးသန်းမြင့်ဆီလွှဲပေးခဲ့တာ။ လုပ်ပေးနိုင်သမျှအကုန်လုပ်ပေးခဲ့တာတာဘဲ။ အားလုံးအဆင်ပြေဖို့ဘဲ မျှော်လင့်ရမှာပေါ့။ အခုအခြေအနေက လူနာကလူံးဝ သတိပြန်မလည်တာက ပြသနာဖြစ်နေသည်။ ဆရာဝန်နှင့် သူနာပြုတို့ထွက်သွားပြီးနောက် ထက်မြတ်နိုင်၏ အမေဖြစ်သူကပါ
"သမီး။ ဆေးမှတ်တမ်းတွေယူဖို့ အမေခဏလောက်သွားလိုက်ဦးမယ်နော်..။"
ထိုအမျိုးသမီးရဲ့မျက်လုံးအစုံကနီရဲမို့အစ်လျက်ရှိနေသည်။ ဆုသစ္စာကို ခပ်တိုးတိုးပြောပြီးနောက် မျက်နှာကို လက်ဖမိုးတို့နှင့်ခပ်မြန်မြန်ပွတ်ပြီး အခန်းအပြင်ဘက်ကို ထွက်သွားလေသည်။ အပြင်မထွက်ခင် ကျွန်တော့်ကိုပါ ပြုံးပြပြီး နူတ်ဆက်သွားလေသည်။ မရင်းနှီးပေမယ့် ထက်မြတ်နိုင်ဆေးရုံတက်နေစဉ်အတွင်း ကူညီပေးခဲ့တာကြောင့် မျက်မှန်းတန်းလောက်မိနေပြီ ဖြစ်သည်။ ဆုသစ္စာရဲ့အစ်ကိူဆိုတဲ့ အနေအထားတစ်ခုလည်းပါတာပေါ့။ဆုသစ္စာကတော့ မျက်နှာကိုလက်ကိုင်ပုဝါနှင့်အုပ်ထားပြီး ငိုသံမထွက်စေရအောင် ကြိတ်ပြီး ရှိုက်ငိုလျက်ရှိသည်။
"ဒီနေ့ရော အလုပ်မသွားပြန်ဘူးလား။"
ဒီမှာရှိတဲ့ သူတွေစားပါစေတော့ဆိုပြီးတော့ ၀ယ်လာတဲ့ ကြေးအိုးဆီချက်တွေကို စားပွဲပေါ်တင်ရင်း ကျွန်တော် လှမ်းမေးလိုက်သည်။ ဆုသစ္စာက တစ်ချက်ရှိုက်လိုက်ပြီး ကျွန်တော့်ကိုပြန်ဖြေသည်။
"အင်း။ ခွင့်တင်ထားတယ်။"
"ခွင့်ကဘယ်နှရက်ရမှာလဲ။ တသက်လုံးတော့ မရနိုင်ဘူးမဟုတ်လား။"
ကျွန်တော်ခပ်တိုးတိုးပြောနေရင်း ဆုသစ္စာကိုတစ်ချက်လှမ်းအကဲခတ်လိုက်သည်။ ကျွန်တော် မနေ့ကတွေ့တုန်းကလည်း ဒီအင်္ကျီနှင့် ဒီဘောင်းဘီပင်။ ဆံပင်တို့ကို ဖြစ်သလို နောက်သို့ စုစည်းထားပုံက မဖြီးမသင်ထားရတာကို ပိုပြီး သိသာစေသည်။ ဒီကောင်မလေးကြည့်ရတာ အစာတောင်စားရဲ့လားမသိ။
"အခု သူ့ရဲ့အခြေအနေက တစ်ရက်ကြာမလား။ နှစ်ရက်ကြာမလား။ တသက်လုံးဘဲလား။ ဘယ်သူမှ ကြိုမခန့်မှန်းနိုင်ဘူး။ မင်းကိုယ်မင်း ဒုက္ခခံနေတာတွေ ရပ်လိုက်သင့်ပြီ။ ဆုသစ္စာ။"
ဆုသစ္စာရဲ့ပုခုံးက သိမ့်ခနဲ လူပ်သွားတာကို မြင်လိုက်ရသည်။ ငိုမည့်မျက်ရည်ကို ကြိတ်မှိတ်ပြီး ဆက်ထိန်းထားပုံရသည်။
"ရော့။ဒါတော့စားလိုက်ဦး။"
ဆုသစ္စာ၏ ၀ိုင်းစက်စက်မျက်လုံးတွေက ကျွန်တော့်ကိူလှည့်ကြည့်လာသည်။ ကျွန်တော့်လက်ထဲက ပလတ်စတစ်ခွက်လေးနဲ့ထည့်ထားတဲ့ ကြေးအိုးတွေကို ငုံ့ကြည့်သည်။ ထို့နောက် ကျေးဇူးဟု ပြောပြီး လက်ထဲက ခွက်ကိုယူသွားလေသည်။ ကျွန်တော်လည်း ခုံတစ်လုံးကိုဆွဲလိုက်ပြီး ဆုသစ္စာနားမှာ ၀င်ထိုင်လိုက်သည်။ ဆုသစ္စာကတော့ ထင်မှတ်မထားရလောက်အောင် ကြေးအိုးတွေကို အငမ်းမရစားနေလေသည်။
"စားကောင်းလိုက်တာ။ အစ်ကိုဘယ်ကနေ ၀ယ်လာတာလဲ။"
"ဆေးရုံနားကဘဲလေ။ တွေ့တာနဲ့ ၀င်ဝယ်လိုက်တာ။ ဆိုင်နာမည်ကတော့ မကြည့်လိုက်မိဘူး။ နောက်တစ်ခါကြုံရင် မှတ်ထားပေးမယ်လေ။ကိုယ့်ဟာကိုယ် ၀ယ်စားလို့ရတာပေါ့။"
"အင်း။ရတယ်။ ကိုယ့်ဟာကိုယ်ဝယ်စားရင် စားကောင်းမှာ မဟုတ်ဘူး။ ဒါအစ်ကိုဝယ်လာပေးလို့ နေမှာ။"
ဆုသစ္စာရဲ့စကားကြောင့် ကျွန်တော် ဆုသစ္စာဘက်ကိုလှည့်ကြည့်လိုက်မိသည်။ သူမက ကြေးအိုးရည်တွေကို ဇွန်းမကူဘဲ ခွက်လိုက် မော့သောက်လျက်ရှိသည်။ ကျွန်တော်ပြုံးလိုက်မိသည်။ ဒီကလေးမလေးက ဒီအရွယ်ရောက်တာတောင် ကလေးဆန်ဆန်ချစ်ဖို့ကောင်းနေတာဘဲ။ အရင်က သူ့ကို ဘာလို့ ချစ်ဖို့ကောင်းတယ် မမြင်မိပါလိမ့်။
"ဟီး..။ညီမ ဗိုက်ဆာနေလို့လည်း ပါမယ်ထင်တယ်။"
စားနေလျက်ကို အရယ်မပြတ်ဘဲ ကျွန်တော့်ကိုလှမ်းပြောနေသည်။ တကယ်ကို အစားကောင်းကောင်းမစားတာ ရက်အတော်ကြာပြီမှန်း သိပ်သိသာ လွန်းနေသည်။ ကျွန်တော်တို့ စကားပြောနေတုန်းမှာဘဲ ခုနက ဆရာဝန်ကြီးနှင့်အတူ လိုက်သွားသော အခန်းစောင့်သူနာပြုဆရာမလေးက ပြန်ရောက်လာလေသည်။ ယူလာတဲ့ဆေးတွေကို သတ်မှတ်ထားတဲ့ စားပွဲပေါ်တင်လိုက်ပြီး ထက်မြတ်နိုင်ကို ရေပတ်လဲတိုက်ပေးဖို့ လုပ်နေသည်။ ဆုသစ္စာက စားလက်စကိုမှ ရပ်လိုက်ပြီး ထိုင်နေရာကနေ ချက်ချင်းထရပ်လိုက်ပြီး သူနာပြုဆရာမလေးကို သွားကူဖို့ လုပ်သည်။
"ရတယ်။ ညီမလေး။အစ်မ လုပ်လိုက်မယ်။ အစ်မတစ်ယောက်တည်းနိုင်တယ်။"
" ညီမလည်း ကူပေးမယ်လေ။ အားမနာပါနဲ့။ဆရာမကလည်း..။"
"ဒါဆိုပြန်လိုက်တော့မယ်။"
ကျွန်တော်ထိုင်နေရာမှ ထရပ်ပြီး ပြန်ဖို့ ပြင်လိုက်တော့ ဆုသစ္စာက တဘက်အသေးတစ်ခုကို ရေစွတ်နေရာမှ လှည့်ကြည့်ပြီး ပြန်ပြောသည်။
"ဟုတ်။အစ်ကို။"
"ဒီညရော ဒီမှာဘဲ အိပ်မှာလား။"
"အင်း။ မပြောတတ်သေးဘူး။ ရတယ်။ အိပ်ဖြစ် မအိပ်ဖြစ် အိမ်ကို နောက်မှ ဖုန်းဆက်ပြီး လှမ်းပြောလိုက်မယ်လေ။"
"အင်း။အင်း။"
ကျွန်တော် အခန်းထဲက မထွက်ခွာသွားခင်တစ်ချက်လှည့်ကြည့်လိုက်သည်။ ထက်မြတ်နိုင်ဟာ ကုတင်ပေါ်မှ ပကတိလဲလျောင်းအိပ်စက်နေလျက်။ ဆုသစ္စာကတော့ သူနာပြုဆရာမလေးကို ကူညီပေးလျက်ကျန်ရစ်ခဲ့သည်။
"ဘယ်လိုမှမျှော်လင့်ချက်မရှိနိုင်တော့တာလား။ဆရာ..။"
ဆရာက ကျွန်တော့်စကားကို လျစ်လျူရှုလို့ထားသလိုခံစားရသည်။ စားပွဲရှေ့က ဓာတ်မှန်ပုံတချို့ကို ကြည့်နေလေသည်။
"နည်းလမ်းတစ်ခုခုတော့ ရှိမှာပါ။ ဒီကဆေးပညာနဲ့မရရင်တောင် ကျွန်တော်တို့နိုင်ငံခြားကိုသွားတာဘဲဖြစ်ဖြစ်..။"
"ဘုန်းရှိန်ဟန်.."
ဆရာဦးသန်းမြင့်ဟာ ကျွန်တော့်စကားကို လှမ်းဟန့်လိုက်လေသည်။ ပြီးမှ သက်ပြင်းတစ်ခုကို ခပ်လေးလေးချသည်။
"မင်းကတော့ နားလည်မယ်ထင်ခဲ့တာ။ ဘယ်မှာဘဲဖြစ်ဖြစ်တူတူဘဲ။ ဘာမှမပြောင်းလဲဘူး။"
ဆရာ့အသံထဲမှာ စိတ်ပျက်အားလျော့ခြင်းတွေပါဝင်နေတာကို ခံစားနေရသည်။ ဆရာသည် ထက်မြတ်နိုင်နှင့်အလားတူ လူနာပေါင်းမြောက်မြားစွာတွေ့ကြုံဖူးမှာ သေချာသည့်နောက် ဆရာ့၏ ခန့်မှန်းချက် အပေါ်သံသရာမရှိ။ သို့သော် နည်းနည်းလောက်ဘဲဖြစ်ဖြစ် မျှော်လင့်ချင်သေးသည်။
"သူနိုးလာရင်နိုးလာမယ်။ ဘာမှမသေချာဘူး။ အားလုံးက သူ့ရဲ့ကံကြမ္မာပေါ်မူတည်နေတယ်။ ဆရာတို့လုပ်ပေးနိုင်တာ Coma State မှာ အတတ်နိုင်ဆုံး သူ့ကိုဂရုစိုက်ပေးဖို့ဘဲ။ Physical therapy တချို့ သူ့အတွက်လုပ်ပေးလို့ရတယ်။"
"Operation ၀င်ရင်ရော။"
ကျွန်တော် ခပ်လောလောမေးလိုက်မိသည်။
"အောင်မြင်ဖို့က 50-50ဘဲ။ မအောင်မြင်ခဲ့ရင်.."
ဆရာက ဓာတ်မှန်ပုံတွေကို ကြည့်နေရာမှ ကျွန်တော့်ကိုမော့ကြည့်လာသည်။ ဆရာ့မျက်လုံးတွေထဲဝယ်သမားတော်တစ်ယောက်၏တိကျသေချာမူတို့က အတိုင်းသားထင်ဟပ်ပေါ်လွင်လျက်ရှိသည်။
"ဆရာတို့သူ့ကိုအပြီးပိုင်ဆုံးရှုံးလိုက်ရလိမ့်မယ်...။"
အခန်းကျဉ်းလေးဟာ သက်ပြင်းချသံတို့နှင့်လွှမ်းခြုံသွားတော့သည်။
ကောင်းကင်ဟာ ပြာလဲ့လဲ့ ။ တိမ်စိုင်တချို့က ကောင်းကင်ယံထက်တွင် ဟိုမှဒီသို့ တရွေ့ရွေ့။ကျွန်တော် ခြေလှမ်းမှန်မှန်နှင့်ပင် ဆေးရုံဝန်းထဲ လျှောက်လာခဲ့မိသည်။ ကျွန်တော့်ခြေလှမ်းတွေက ပုံမှန်ထက်နှေးကွေးလေးလံလို့နေသည်။ ရုတ်တရက်လိုဘဲ ကျွန်တော့်မျက်စိရှေ့မှောက်မှာ ခြေချောင်းဖြူဖြူလေးတွေက ပေါ်လာသည်။ ကျွန်တော်ချက်ချင်းခေါင်းငုံ့နေရာမှ မော့ကြည့်လိုက်မိသည်။
"နန်း!"
နန်းက ကျွန်တော့်ကို ကြည်လင်တဲ့မျက်ဝန်းအစုံနှင့် ပြုံးလျက်ငေးကြည့်နေမိသည်။
"ကိုဘုန်းရောက်နေတယ်ဆိုတာ ကြားတော့ကြားမိတယ်။ဒါပေမယ့် ခုလိုရုတ်တရက်တွေ့လိုက်ရမယ်လို့တော့ မထင်ထားမိဘူး။ ဟိုးကနေ ထွက်လာကတည်းက ကိုဘုန်းလားလို့ လှမ်းကြည့်နေတာ။ တကယ်ဘဲ ကိုဘုန်းဖြစ်နေတယ်။ "
နန်းသည် ဟိုးအရင်ကလိုဘဲ စကားတွေဖောင်ဖွဲ့လို့ပြောနေလေသည်။ ကျွန်တော်တို့ နှစ်ယောက်အတူထိုင်နေတာက ပင်မအဆောက်အအုံရှေ့က ခုံတန်းအစိမ်းရောင်လေးပေါ်မှာ။
"အင်း။ ကိုယ်လည်းမထင်ထားဘူး။ နန်းကရော အရင်ကဆေးရုံမှာဘဲလား။"
"မဟုတ်တော့ဘူး။ အလုပ်ထွက်လိုက်ပြီ။ အိမ်ကအမေတို့ကလည်း အသက်ရနေပြီလေ။ အခုအိမ်မှာဆေးခန်းဖွင့်ထားတော့ ဆေးခန်းမှာဘဲ ကူပေးတာပေါ့။ ဒီမှာက အသိသူငယ်ချင်းတစ်ယောက် ဆေးရုံတက်နေရလို့ လူနာလာမေးတာ။ ကိုဘုန်းကရော။"
"အင်း။ကိုယ့်အသိတစ်ယောက်လည်း ဒီမှာဆေးရုံတက်နေတာဘဲလေ။ Car accidentနဲ့လေ။"
"သြော်..ဒါတွေက..။"
နန်းအကြည့်တွေက ကျွန်တော့်လက်ထဲက နေကြာပန်းတွေဆီကို ရောက်လာသည်။
"သူ့အတွက်လက်ဆောင်တွေလေ။သူ့အိပ်ယာဘေးမှာ တင်ပေးမလို့။"
နန်းမျက်နှာမှာ အံ့သြတဲ့အရိပ်အယောင်တွေ ဖြတ်ပြေးလို့သွားသည်။ နန်းက ကျွန်တော့်ကို မျက်လုံးအ၀ိုင်းသားနဲ့ ငေးကြည့်ရင်း
"မဟုတ်မှလွဲရော..။"
"အာ။ သူမဟုတ်ဘူး။နန်းရဲ့..။"
ကျွန်တော် ကမန်းကတန်းပြန်ငြင်းလိုက်သည်။ နန်းဆိုလိုချင်တဲ့သူက ဘယ်သူလဲဆိုတာကို သိနေတာကိုး။ တချိန်တခါက ရှင်းအခန်းထဲ စားပွဲပေါ်က နေကြာပန်းတွေကို နန်းသည် မြင်ဖူးနေမှာ အသေအချာပင်။
"တခြားတယောက်ပါ..။"
"သြော်..ဘာဘဲဖြစ်ဖြစ်ပါ..ကြည့်ရတာ ဒီတစ်ယောက်ကလည်းကိုဘုန်းအတွက်အရေးပါမယ့်ပုံဘဲ..။"
နန်းစကားကြောင့် ကျွန်တော် ခဏတာတွေဝေလို့သွားသည်။ အင်း..ထက်မြတ်နိုင်အပေါ်ကျွန်တော်ထားတဲ့ သဘောထားကဘယ်လိုလဲဆိုတာ ကျွန်တော်ကိုယ်တိုင်လည်း သိပ်မသေချာပါ။ သို့သော် ကျွန်တော်မြတ်နိုးရတဲ့ ရှင်းအတွက် အရာရာဖြစ်တဲ့ ထိုလူသားသည် ကျွန်တော့်အတွက်လည်း သွယ်ဝိုက်သောနည်းအားဖြင့် အရေးပါတာကိုလက်ခံရပေလိမ့်မည်။ နန်းစကားသည် မမှားဟုတွေးလိုက်မိသည့်နောက် ကျွန်တော်ပြုံးလိုက်မိလေသည်။
နန်းက ကျွန်တော့်နူတ်ခမ်းထက်က အပြုံးကိုတွေ့ပြီးသည့်နောက်နန်းကပါ လိုက်ပြုံးလိုက်သည်ကို ကျွန်တော့်မျက်ဝန်းထောင့်စွန်းတွေကနေ မြင်နေရသည်။
"နန်းပြောခဲ့တာလေ။မှတ်မိသေးလား။"
ကျွန်တော်လှမ်းမေးလိုက်တဲ့ မေးခွန်းကြောင့် နန်းက ကျွန်တော့်ကို တဖန်ပြန်လှည့်ကြည့်လာလေသည်။
"ကိုယ်ချစ်တဲ့သူကို တခြားတစ်ယောက်ဆီတွန်းပို့လိုက်ရတဲ့ အချိန်ကျရင် နန်းကိုနားလည်လိမ့်မယ်ဆိုတာလေ။"
နန်းသည် စိတ်ဝင်တစားနှင့် ကျွန်တော့်ကို ငေးစိုက်ကြည့်နေသည်ကို ခံစားသိရှိမိသည်။
"ကိုယ်နန်းကိုနားလည်နိုင်ပြီထင်တယ်။"
"အင်း။ ...ဟင်း..။"
နန်းက ဘာမှမဟုတ်သလိုရယ်မောလိုက်လေသည်။ သို့သော် နန်းမျက်ဝန်းတွေက နန်းအမူအရာတွေနှင့် ဆန့်ကျင်ဘက်သို့ညွှန်ပြနေလေသည်။ အချိန်တန်ကြာထိ တွဲခဲ့ပြီးမှ လက်ထပ်ဖို့အထိ ရည်ရွယ်ထားခဲ့တဲ့ ချစ်သူ့ဖစ်ခဲ့ဖူးတဲ့သူဘဲ။ နန်းခံစားချက်လောက်ကတော့ အကဲခတ်တတ်နေပြီ ဖြစ်သည်။ နန်းသည်အရင်က နန်းပင် ဖြစ်သည်။ ဘာမှပြောင်းလဲခြင်းမရှိ။
"ထားလိုက်ပါတော့။အဲ့တုန်းကအကြောင်းတွေကို။ အတိတ်ကဟာတွေက အတိတ်မှာဘဲထားခဲ့တာဘဲ ကောင်းပါတယ်။နန်းလည်းပြန်မတွေးချင်တော့ပါဘူး။ ဒါနဲ့နန်းက ပြန်တော့မှာ။ ကိုဘုန်းက လူနာသွားတွေ့ဦးမှာမလား။"
နန်းက ပြောရင်းမှ ထိုင်ရာမှထတဲ့အချိန် ရှေ့ဆံပင်ကိုလက်နှင့် သပ်တင်လိုက်လေသည်။ ထိုခဏလေးအတွင်းမှာပင် မြင်လိုက်ရတာက နန်းရဲ့လက်သူကြွယ်က ရွှေရောင်မောင်းကွင်းလက်စွပ်လေး။
အခုအိမ်မှာဆေးခန်းဖွင့်ထားတော့ ဆေးခန်းမှာဘဲ ကူပေးတာပေါ့။
ကြည့်ရတာ နန်းက ဆရာဝန်တစ်ယောက်နဲ့ဘဲ အကြောင်းပါခဲ့ပုံရသည်။ အကြာကြီးငေးကြည့်နေရင် မသင့်တော်တာမို့ကျွန်တော် ခပ်မြန်မြန်ဘဲ မျက်နှာလွှဲပစ်လိုက်သည်။ နန်းသည် အရင်ကနန်းပင်။ ပြောင်းလဲခြင်းမရှိ။ ကျွန်တော့်ရဲ့နန်းမဟုတ်တော့တာဘဲတစ်ခုဘဲရှိသည်။
"အင်း။ ကိုယ်ခဏနေရင်အထဲဝင်တော့မှာ။နန်းလည်း ဂရုစိုက်ပြန်နော်။"
နန်းကတချက်လေးစောင်းငဲ့ကြည့်သည်။ ပြီးတော့ နန်းမျက်နှာပေါ်မှာ အပြုံးတစ်ခုကလှစ်ခနဲထွက်ပေါ်လာလေသည်။
"အင်း။ဟုတ်ပါပြီ။"
နန်းကကျွန်တော့်ကိုပြန်နူတ်ဆက်လေသည်။ ကျွန်တော်လည်း ဆေးရုံအဆောက်အအုံတွေဘက် ခြေလှမ်းဖို့ပြင်လိုက်ချိန် နန်းရဲ့အသံခပ်တိုးတိုးက ကျွန်တော့်နားထဲစီးဝင်လာလေသည်။
"ကိုဘုန်း။"
"အင်း။နန်း။"
နန်းခေါ်တာကို ကျွန်တော်ပြန်တုံ့ပြန်လိုက်သည်။ နန်းက ကျွန်တော်နှင့်မလှမ်းမကမ်းမှာ ရပ်လျက်ရှိသည်။
"ခုနက ကိုဘုန်းပြောသလိုလေ။ .နန်းကို ကိုဘုန်းနားလည်ပြီဆိုတာနဲ့တင် ရပ်လိုက်စေချင်ပြီ။ "
နန်းသည် ထိုစကားကို မျက်နှာကိုခပ်လွှဲလွှဲနှင့်ပြောနေလျက်ရှိသည်။ နန်းပြောတာကို ကျွန်တော်သေချာအာရုံစိုက်ပြီးနားထောင်နေမိစဉ်မှာပင် နန်းက ကျွန်တော့်မျက်လုံးကို ဖျတ်ခနဲ စိုက်ကြည့်လာလေသည်။
"ကိုဘုန်းကို ထပ်ပြီး မနာကျင်စေချင်ဘူး။"
ထိုစကားသည် နှလုံးသားထဲထိ စူးနစ်ဝင်ရောက်လို့သွားသည်။
"ကိုယ်ကြိုးစားမှာပါ။ အတတ်နိုင်ဆုံး မနာကျင်ရအောင်ပေါ့။"
နန်းကခေါင်းကိုခပ်လေးလေး ညိမ့်ပြပြီးနောက် ကျွန်တော့်အနားကထွက်ခွာသွားလေသည်။ မြင်ကွင်းထဲကနန်းပျောက်သွားသည့်နောက် လက်ထဲက နေကြာပန်းတွေကို ကျစ်ကျစ်ပါအောင် ကျွန်တော်ဆုပ်ကိုင်လိုက်မိသည်။
ဆေးနှံတို့နှင့်လွှမ်းခြုံထားသော အခန်းထဲဝင်သွားတော့ ထုံးစံအတိုင်း ဆုသစ္စာကိုတွေ့လိုက်ရလေသည်။ ဆံပင်တွေကိုသပ်သပ်ရပ်ရပ် စည်းနှောင်ထားတာကို မြင်လိုက်ရတော့ စိတ်ထဲမှာ အတန်ငယ်တော့ ကြည်လင်သွားလေသည်။ သို့သော် ကျွန်တော် သူ့အနားသို့ရောက်သည့်တိုင် ကျွန်တော့်ကို သတိထားမိခြင်းမရှိ။ သူ့အနားမှာ စာအုပ်တစ်ချို့ရှိနေသည်။ အရင်နေ့တွေကတော့ ထက်မြတ်နိုင်ကို စာဖတ်နေပြနေတာ ကျွန်တော်တွေ့မိသား။ ဆုသစ္စာ၏ လက်ချောင်းတွေက ထက်မြတ်နိုင်၏ လက်ဖ၀ါးတွေကို ခပ်ဖွဖွဆုပ်ကိုင်ထားလေပြီး ထက်မြတ်နိုင်ကို ငေးပြီးစိုက်ကြည့်လျက်ရှိသည်။ နေကြာပန်းတွေကိုထည့်ဖို့ ကျွန်တော် စားပွဲပေါ်က ပန်းအိုးကိုယူလိုက်တော့မှ ထိုမှထွက်လာသည့်အသံတချို့က ဆုသစ္စာကို လူပ်နိူးလိုက်သည့်ဟန်ရှိသည်။
"ဟယ်။အစ်ကို ဘယ်တုန်းကရောက်နေတာလဲ။ ကြာပြီလား။"
"မကြာသေးပါဘူး။ခုနလေးကဘဲ။"
"အင်း။ ဆောရီး။ညီမလေး မသိလိုက်ဘူး။ဒါနဲ့ အစ်ကို ဒီနေ့ ဆရာနဲ့တွေ့ခဲ့တယ်မဟုတ်လား။ အခြေအနေက ဘယ်လိုတဲ့လဲ။"
ဆုသစ္စာ၏ ခပ်သွက်သွက်စကားလုံးတို့က သူ့ရဲ့သိလိုစိတ်အတိုင်းအတာတို့ကို အမြင့်ဆုံးဆုံမှတ်ထိ ညွှန်ပြလျက်ရှိသည်။
"Coma ၀င်သွားနိုင်တယ်ပြောတယ်။"
"Coma...?"
ဆုသစ္စာပုံက အတန်ငယ် ကြောင်ငေးလို့သွားသည်။
"အင်း...။"
"Operation ၀င်လို့မရနိုင်ဘူးလား။ ဆရာနဲ့ဆွေးနွေးကြည့်ရအောင်လေ။"
"အင်းရတယ်။ ဒါပေမယ့် ၅၀-၅၀လို့ပြောတယ်။သူ့မိသားစုနဲ့ ပြန်တိုင်ပင်ကြည့်ပေါ့။ဆရာလည်း သူ့မိဘတွေကို ပြောထားပြီးလောက်ပါပြီ။"
"၅၀-၅၀ ဆိုတော့ မအောင်မြင်ခဲ့ရင် သူ...."
ဆုသစ္စာ၏နူတ်မှ စကားလုံးတို့က ထပ်မံပြီး ထွက်အန်မကျလာတော့။ ကျွန်တော်လည်း ကျွန်တော့်ဘာသာ နေကြာပန်းတို့နှင့် အလုပ်ရှုပ်နေတာမို့ သူ့ကို လှည့်မကြည့်ဘဲ ပြောနေမိသည်။
"အင်း။ ဒါပေမယ့် ပြန်ကောင်းလာနိုင်ချေလည်းရှိတယ်လေ။ ဒီအတိုင်းဆိုလည်း သူ့ဘ၀က ရှင်လျက်နဲ့ သေနေရတာဘဲ မဟုတ်လား။"
"ဒါပေမယ့် အနည်းဆုံးတော့ ညီမလေး သူ့ကိုငေးကြည့်နေခွင့်လေးရှိနေသေးတယ်လေ။"
ခံစားချက်တချို့တို့က ကျွန်တော့်ကို ချက်ချင်းပြန်လှည့်ကြည့်စေဖို့ တွန်းအားပေးလိုက်သည်။ ဆုသစ္စာ၏ မျက်ဝန်းထောင့်ကို ဂရုတစိုက်ကြည့်နေမိတဲ့အချိန်မှာဘဲ ဆုသစ္စာက ကျွန်တော့်ဘက်သို့ ရုတ်တရက် လှည့်ကြည့်သည်။
"Comaကနေ ကောင်းလာတဲ့ လူနာတွေလည်းရှိတယ်မဟုတ်လား။အစ်ကိုရဲ့။"
ထိုအခါမှ ဆုသစ္စာ၏မျက်ဝန်းထောင့်တို့သည် မျက်ရည်ကြည်တို့ဖြင့် ပြည့်နှက်လျက်ရှိနေသည် မျက်ဝါးထင်ထင် မြင်လိုက်ရလေသည်။
"အင်း။ တော်တော်များများကတော့ နှစ်ပတ်ကနေ သုံးပတ်အတွင်း ပြန်ကောင်းလာတတ်ကြပါတယ်။ ဒါပေမယ့် အတိအကျခန့်မှန်းဖို့တော့ခက်တယ်။ ကိုယ်ပြောခဲ့ဖူးသလိုဘဲ ဒီအခြေအနေက တသက်လုံးလည်းကြာရင်ကြာသွားနိုင်..။"
"ရပြီ။ တော်ပြီ။ မပြောပါနဲ့တော့။ ညီမလေးသိပါတယ်။ အစ်ကိုပြောနေတာတွေကို...။"
ဆုသစ္စာ၏ အသံဖျားတို့ ကွဲအက်တုန်ခါလျက်ရှိသည်။
"တော်ပါတော့..။"
ကျလာတဲ့မျက်ရည်တွေကို တစ်သျူးနှင့် ဖိသုတ်ရင်း ဆုသစ္စာက ပြောလေသည်။ ကျွန်တော် သက်ပြင်းချလိုက်မိလေသည်။ သက်ပြင်းချရုံမှတပါး တခြားဘာမှ မတတ်နိုင်တော့ဘူးလားဟူ တွေးလိုက်မိတော့ ကိုယ့်ကိုယ်ကို အားမလိုအားမရ ဖြစ်လာမိသည်။ ဆုသစ္စာကတော့ ဘေးနားကနေ တရှုံ့ရှုံ့နှင့်ဖြစ်နေလေသည်။
"Comaကနေ နိုးလာဖို့ဆိုရင် သူကိုယ်တိုင်ရဲ့ခံစားချက်တချို့လိုအပ်တယ်။"
ကျွန်တော်ပြောလိုက်တာကို ကြားသွားတဲ့ဟန်ရှိသည်။ ဆုသစ္စာသည် နောက်ပြန်လှည့်ကြည့်ပြီးခပ်တိုးတိုးရေရွတ်သည်။
"ခံစားချက်...။"
"အင်း။ အဓိကကတော့ ရှင်သန်လိုစိတ်ပေါ့။လူတစ်ယောက်က ရှင်သန်ချင်စိတ် ပြင်းပြလာပြီဆိုရင် နောက်ဆုံး သူ့ကိုယ်သူတောင် ရအောင်ပြန်တိုက်ခိုက်လိမ့်မယ်။ ကိုယ်တို့က အဲ့စိတ်ကို ဘေးကနေ နိူးပေးဖို့ လိုတယ်။ ငိုမနေနဲ့တော့။ ဟုတ်ပြီလား။ ကိုယ်တို့မျှော်လင့်ချက်ရှိနေသေးတယ်။"
ရုတ်တရက် ကျွန်တော့်လက်ဖ၀ါးတွေက ဆုသစ္စာရဲ့ခေါင်းပေါ်ရောက်သွားလေသည်။
"အင်း..။"
ဆုသစ္စာ၏ မျက်လုံးဝိုင်းတွေနဲ့ ရင်ဆိုင်လိုက်ရတော့ ကျွန်တော့်လက်တွေကို ပြန်ရုတ်လိုက်မိသည်။ ထိုကလေးမလေး အငိုတိတ်အောင်လို့ ချော့ဖို့ကြိုးစားလိုက်ခြင်းသာ။ ဆုသစ္စာကတော့ အငိုတိတ်သွားပြီ ဖြစ်သွားလေသည်။
"ဒါနဲ့ အစ်ကို နေကြာပန်းတွေယူလာတာလား။"
ကျွန်တော်တို့ကြားထဲက Topicက ချက်ချင်းလိုဘဲ ပြောင်းလို့သွားသည်။ ကျွန်တော်ကတော့ပန်းတွေကိုသာ အာရုံစိုက်နေလိုက်မိသည်။
"အင်း။မလှဘူးလား။"
"မောင်က နေကြာပန်းတွေကို ကြိုက်တတ်တာ ကိုကိုသိနေတာလား။"
နေကြာပန်းတွေကို ပန်းအိုးထဲ ထည့်နေတဲ့ ကျွန်တော့်လက်တွေ ရပ်တန့်လို့သွားသည်။ ဆုသစ္စာက ငေးကြည့်နေတာကို ခံစားမိတာနဲ့ဘဲ မူမပျက် ပန်းကိုဆက်ထည့်နေလိုက်ပြီး
"တိုက်ဆိုင်သွားတာ နေပါလိမ့်မယ်။ နေကြာပန်းက အသက်ရှည်ခြင်းကို ကိုယ်စားပြုတယ်ဆိုလို့ နေမကောင်းတဲ့သူကိုပေးသင့်တယ်ပြောတာနဲ့ ၀ယ်လာခဲ့တာ။"
"သြော်..။အင်း။ ညီမတောင် အဲ့ပန်းတွေမြင်ရတာ စိတ်ထဲနည်းနည်းလန်းဆန်းသွားသလိုဘဲ။ ညီမလည်း သူ့အတွက် နေကြာပန်းဝယ်ပေးမလားလို့ စဉ်းစားနေမိသေးတာ။ အစ်ကို ၀ယ်လာတာနဲ့ အတော်ဖြစ်သွားတယ်။ ညီမဆက်လုပ်လိုက်မယ်။ ထားလိုက်။ အစ်ကို။"
ဆုသစ္စာက ထက်မြတ်နိုင်ဘေးနားကနေ ထလာပြီး ကျွန်တော့်လက်ထဲက ပန်းတွေကိုယူလိုက်လေသည်။ တအောင့်လောက်နေတော့ နေကြာပန်းတွေက စားပွဲပေါ်ကပန်းအိုးလေးထဲမှာ ၀ံ့ဝံ့ကြွားကြွားလေးဖြစ်သွားလေသည်။
"အင်း..။လှလိုက်တာ..။"
"အစ်ကိုသိလား။မောင်က နေကြာပန်းတွေကို တော်တော်ကြိုက်တာ။ သူ့နယ်က နေကြာပန်းခင်းတချို့ကိုတောင် ၀ယ်ထားသေးတယ်။ ပြီးဘာမှလည်းမလုပ်။ လူစောင့်ထားပြီး ဒီတိုင်းထားထားတာဘဲ။"
"အင်း..။"
ဆုသစ္စာကပုံမှန်ပြောမြဲအတိုင်း ပြောလိုက်ပုံရပေမယ့် ကျွန်တော့်ခေါင်းထဲဝယ် အတွေးတချို့က စုပုံသွားလေသည်။ နေကြာပန်းခင်းတွေ ၀ယ်ထားတယ်တဲ့လား။
"အစ်ကို။ ခဏနော်။ ညီမအပြင်ထွက်ပြီး ဖုန်းပြောလိုက်ဦးမယ်။ အလုပ်က အစ်မဖုန်းဆက်လို့။"
ဆုသစ္စာကပြောရင်းနှင့်အခန်းထဲကနေ လောလောနှင့် ထွက်သွားလေသည်။ ကျွန်တော် ထက်မြတ်နိုင်နားကို တဖြည်းဖြည်းနှင့် လျှောက်သွားလိုက်သည်။ ထိုနောက် ကုတင်ပေါ်မှာ မလူပ်မယှက်လဲလျောင်းနေတဲ့ ထက်မြတ်နိုင်ကို ငေးကြည့်နေမိသည်။ ပကတိ အိပ်ပျော်နေတဲ့ လူတစ်ယောက်အတိုင်းနှယ်။ လက်ဖျားကို ကိုင်ကြည့်လိုက်တော့ ကြမ်းရှပြီးအေးစက်တဲ့အထိအတွေ့ကိုခံစားရလေသည်။
"မင်းအခုဘယ်ရောက်နေတာလဲ..။"
ကျွန်တော့်နူတ်က ထက်မြတ်နိုင်နှင့် ကျွန်တော် နှစ်ကိုယ်စာ ကြားနိုင်ရုံလောက်လေး ခပ်တိုးတိုးလေးပြောလိုက်မိသည်။
"ဟိုးနှစ်တွေ အဝေးကြီးဆီကို ပြန်သွားနေတာလား။ ကိုယ်တို့မမြင်နိုင်သေးတဲ့ အနာဂတ်တနေရာဆီထွက်သွားဖို့ပြင်ဆင်နေတာလား။ဒီမှာမင်းကိုချစ်တဲ့သူတွေစောင့်နေတယ်။ မင်းကချစ်တဲ့သူတွေလည်းစောင့်နေတယ်။ မင်းမပြီးပြတ်သေးတဲ့ လုပ်စရာတွေ အများကြီးကျန်နေသေးတယ်။"
ထိုစကားတွေကို ဖြည်းဖြည်းနှင့်မှန်မှန် ကျွန်တော် ပြောနေမိသည်။ အောက်စီဂျင်ပေးထားတဲ့မျက်နှာဖုံးအောက်က သူ့အသက်ရူသံတိုးတိုးကို အာရုံစိုက်ပြီး နားထောင်နေမိသည်။
"ပြီးတော့...မင်း..သူ့ကိုတွေ့ချင်တယ်မဟုတ်လား။"
ထက်မြတ်နိုင်၏ လက်ဖျားတွေက ဖြည်းဖြည်းချင်း နွေးလို့လာသည်။ အသက်ရူသံ ခပ်ပြင်းပြင်းကို စတင်ကြားရပြီဖြစ်သည်။ ကျွန်တော့်နူတ်ဖျားက နာမည်တစ်ခုကို ခပ်တိုးတိုးရေရွတ်လိုက်သည်။
"ရှင်း..သန့်...ပိုင်။"
လက်ချောင်းတွေကဆတ်ခနဲ လူပ်ခတ်သွားတာကိုခံစားလိုက်ရသည်။ ကျွန်တော် ချက်ချင်းငုံ့ကြည့်လိုက်တော့လက်ချောင်းတွေက ငြိမ်သက်နေလျက်။ ကျွန်တော် အမြင်မှားသလားလို့တွေးလိုက်မိပေမယ့် ဘယ်လိုဖြစ်ဖြစ် ကျွန်တော် သေချာပေါက်ထိုအထိအတွေ့ကို ခံစားလိုက်ရတာဘဲ။ ကျွန်တော် ပြုံးလိုက်မိသည်။
တခြားဘယ်သူ့အတွက်မှ မဟုတ်ရင်တောင် မင်းက ရှင်းအတွက်တော့ ရှင်သန်ပေးရမယ်...။
..............................