البارت التاسع اوالثلاثون
#الجزء- الثاني
#بقلم-malakuu
..اوكفي اوكفي شبيج اخذتيني حاصل فاصل خلي افهم
..معليك انته بس من اخلص امتحانات تعال وتكول لحد ابد
..حاضر تدللين انر خدمه ثانيه للبنكلادش ريان
..نجب باي، سديت ورحت نمت بسيطه اني يسده بوجهي حسبالي اني من نوع اضل ابجي عليه لو اتوسل اذا ماخليك تتوسل بيه ماطلع ليال
كعدت وركض ركض ماما وخاله فوك راسي اكلي اكلي
..بالله ماشتهي
ملاك..شنو الماتشنهين هسا ادوخين
فضيله...لا تعاندين يا خاله موزين عليج
صوت الخط يدك هورنا رحت اركض
..باي باي
طلعت اركض وصبحت ع عمو ابو محمد واني اركض
خطيه ماصاله فتره من طلع من المستشفى
صعدت بلخط ونطلقنه للمتحان
اول موصلت كبل دخلنه للقاعات تعودت جاب الضيم
وكعدت اقرا حرف حرف ينعل بليسكم حسو بينه شهل اسئله
ماجنها اسلاميه جايبلي حياة ابو خليفه شني
كملت المتحان الاول ورا الثاني والسئله خلوها سكته
بس اكول حسبي الله ونعم الوكيل بلفقير العفيف النقي
رجعت للبيت وراي امتحان اراجع من هسا لان باجر حيسوون
السنويه مال بيبي تاجالت ذاك اليوم فاحيسووها هساا
بس شلون ورطه يربي وياا امتحاناتي لازم اشرد لبيت عمتي
ولو هنا مكروهات بس شسوي اتحمل
وصلت للبيت الكل كاعد وخبصه صايره لباجر
يحضرون
سلمت ودخلت لغرفتي بدلت واخذت كتبي وطلعت للحديقه
الورا البيت لان اهدء شي هياا
عبرت من يم بابا وسيف
بابا صاعد ع الدرج المتحرك وسيف بصفه كاض العده
وينطي ،علاقة بابا وسيف كولش قويه حتا اقوى ومن علاقتي بابا
سلمت عليهم وعبرت
فرشت الكتب ع الطبله وبديت ادرس
منا للربعه اتوقف حتا خلي بابا يوديني لبيت وحده من عماتي
مستحيل ادرس بهل هوسه كلها ،
كملت نص وبقا نص عود اكمله بعدين متت من الجوع من اجيت لحد هسا مماكله
رحت امشي ع ريحت الاكل مثل توم من يشم ريحت حليب ههههههه
تخيلت شكلي هيج
دخلت واني اضحك ورحت حضنت ماما من ظهرها
..امم شنو غداا اليوم جوعانه قسم هههه
ملاك.. هسا يكمل الاكل ونتغدا كلنه سواا
..ماشي اخذتلي نستله تصبيره وكعدت ع الكرسي
كملت اكل وكمت حتا اكمل وقبل لا كوم
..بابا وديني لبيت عمه منى اظل هناك حتا ادرس
جاوبني وها مدنك ع الاكل..ماشي بابا
كمت وباع الماما تهز براسه برفض كمت لطريق
للعصر يلا اجتي ماما كالت بدلي يكول ابوج
كمت بسرعه تيشيرت وجيتز واخذت جنطه صغيره خليت بيهاا
تلفوني وشلت كتبي وطلعت
جان بابا واكف يم الباب الداخلي ويتصل وماما يما رحت وكفت يمهم
واكفين جوليت ورميو ودكم بلقميص ماله وتعدل الياخه وهوا يغمزلها ويبتسم هلا عيني ماجنه هنا يوجد حدايق
ناسين نفسم
..احم احم
نها اتصاله فهد..صار عندي ضرف ولازم اروح فا حيوصلج سيف
..لاا بابا فدوه انته ماريد اروح ويا هاذا
فهد ..ليش شبي مو ابن عمج
ملاك..كم مره اكولج لتحجين هيج عيب احترمي اكبر منج
وخذتنه نبع الحنان فاصل وحاصل
..ماشي ماشي اروح وياا وشكراا نبع الحنان ع المحاظره الحلوا
رادت تحجي بس قاطعنه دخول سيف
كله بابا يوصل اووي يربي وكته يلا كلشي من اجل العلم نقبل
سيف..لعد يلا خل اوصله بسرعه وراي طلعه
..محد متوسل بيك تراا حجيت بصوت نص بس سمعه كرصتني مانا من ايدي لتفتت عليه تخز بيه
..باي اشتاقولي عود اصلن راح تطفا شمعت البيت لن راح اغيب
ضحكو
طلع سيف كدامي واني ورا واسمع بابا يكل
فهد..ليش ماناخذ شوط ثاني مال عصر
ههههههه يخرب بليس هذول حتا كسرو ع روميو جوليت
صعدت بسياره بيت عمتي منى شوي بعيد علينه
مو مثل بيت عمه نضال اقرب بس لان كاعده عد عياله ماروحه
منى كاعده وحده
طول الطريق حسبالك كاعدين فاتحه لا غنيه لا دنيا
لتفت عليه ..دطلع اغنيه شي جنا بفاتحه شسالفه
سيف..عرس ابوج جاوبني وهوا يتبسم وعينه ع الطريق
..لا عرسي انا هه هه عود يحشش دمك ثكيل ترا ميلوكلك
طكهاا بضحكه حتا دمع
صفنت عليه يخرب حضنه شلون حلواا بشرته برونسيه
وعيونه حاده وخشمه مثل السيف لحيته محدد وجان لابس دشداشه
سوداا اول مره اشوفه بدشداشه لان دائمن لبسه بنطرون وتيشيرات
هوا اني اذا اشوفه هواي
سيف..مضيعه شي بوجهي
..هااا لا صافنه ع الطريق اصلن يخرب ام الفشله اييي
هسا شيكول هلحقنه واني شعدني صفنت عليه يواا
بس وصلنه كبل نزلت ودكيت الباب غير تطلع منوئه
وين صارت حتا من الفشله ماعندي الجرئه التفت عليه
سمعت طبكت الباب مال سياره عزاا نزل
ضليت ادك بلباب حيل كسرته
سيف.. من تنزيل متعرفين السدين الباب
.. هاا، يخرب حضني وين ادري اني من الفشلن مزين ما نزلت بنص الطريق
انفتح الباب وطلع رجال متوسط بلعمر يطلع هيج بعمر بابا بس اكبر
سلمنه عليه ودخلنه جواا
ستقبلتنه عمه وعشر بوسات يمكم اكثر بعدها بناتها
بناته حبابات عمتي منى عدها اربع بنات وثنين ولد بنات ثنين كبرا وثانيات وحده بامتوسطه وحده بلبتدائي وابنها الجبير بعمر سيف وحده بلبتدائيه ،دخلنه جواا ونطلقن بسوالف ويا البنات
حتا الفشله نسيتهاا
للمغرب سيف يروح بس عمه جلبت بي وخلته يضل للعشه
كمت وياهم نحظر العشه ومن اجيت لحد هلحظه منى باشا
تباوعلي وتخزرني كلت ارجع اذا من بدايتها هيج
بس شلون ارجع اووف
كعدنه كولنه ع العشه واجا ابن عمتي علي وكعدنه ضحك وسوالف
منى كل ما احجي حجابه تبسمرني حسبالك اني ضرتها مو بت اخوهاا الصبر اللهي منا لباجر
كملنه غسل مواعين ترخص سيف بريد يروح
رادو يطلعون ويا مدري شكلهم منتبهت ورجع كعدو كامن عمه والبنات واني وياهن ومادري وين طلعنه ورا سيف
سيف..ليال تعاي وياي اخذي غراضج من السياره
صفنت عليه يا غراض اني كولشي مجايبه بس ع هاا اي صدك
علاكتي نسيتها بلسياره
مرام ..لا كعدي كعدي اني اجيبها الج انتي رتاحي
لتفت ع سيف يخزز بيه وياشر بمعنى لاا
..لا حبيبتي كعدي كعدي هسا بسرعه اجيبها ورجع
طلعنه وعمه والبنات واكفات باب المطبخ
طلعت ورا وكفت بلباب الخارجي جاب العلاكه
سيف..لا تكعدين يم زوج عمتج فاهمه
..ستغبرت من حجيه ..ليش شكو
سيف...مالج دخل انتي بس ابتعدي عنه ومنا لباجر اجي اخذج
..هزيت راسي باموافقه ودخلت
وستلمتني منى خانم شعندج طولت وشهل لبس وامج ما علمتج وين كاعدين احنا وهيج لابسه
..عمه من الاخير متردين ابقا هنا عادي اروح هسا اتصل ويجون ياخذوني
باوعتلي وطارت حلكه وراحت وهيا تهز ايدهاا
مرام..حبيبتي ليال معليج بامي هيا شوي عصبيه واني بتها واكلج مابعجبها العجب فمعليج بيها
اخذتني لغرفتها وكعدت ادرس وهيا هم جانت سادس نفسي
ولقبله مرحله اوله كليه
من لل12 يلا خلصت ورحت بسابع نومه
الشي الحلو بيه وين ميذبوني انام عادي ههههه وبس احط راسي ع المخده انام هههه
فزيت ادفعات ع ايدي بس حيل
..ها ها
منى..ويعاا كومي كومي سدي ورانه الباب
..كمت ع حيلي ..هااا وين حترحون شنو تركوني وحدي
منى..مو تردين ادرسين دكيت رجلي ضلي درسي ويمج مهره اضل وعمج هنا هم
..مرام ضلي يمي انتي
منى..لاا اريدهاا تساعدنه هناك يلا بلا حجي كومي كومي سدي الباب
سديت الباب وراهم وراحو بقيت بس اني وزوجت عمتي ومهر يلي بلبتدائي دخلت يمي مهره وكعدت ادرس ويها هم وساعه تلعب دوختني
بطني ضلت اطلع اصوات جعت كلشي مماكله شلون عمه هاي بت اخوج لا اكل لا شي خالتلها توبه بعد اجي هنا
..مهور حبيبي جوعانه انتي
مهره..ايي كلش جوعانه حتا متريكت بس هما تريكو لان جنت نايمه
..يلا كومي نسويلج اكل لعد كمت وياها للمطبخ ع حسب علمي زوج عمتي نايم بعده فطلعت بدون شال
سويتلي لفه وكوب جاي وسويتلها لفه ورجعت للغرفه
ومهره راحت تركض كدامي جاي امشي واكل
وصار زوج عمتي كدامي رفعت راسي عليه هاذا شبي بهيج يباوع
محمود..صباح الخير
..صباح النور ورجعت اركض للغرفه يماا هاذا شبي
منا لل3:00 كله اراجع وطلع ع النت شروحات انفتح الباب و بلاحره اندفر كمزنه اني ومهره
مهره..شبيك بابا خرعتني
محمود..حبيبتي مهره روحي ع تلفون صديقتج تتصل عليج
مهره ..صدك وراحت تركض
جريت الشال من الجنطه وحطيته ع راسي بعد وكت ست ليال هسا حسيتي ع نفسج
بلعت ريكي اكلني اكل بنضراته حسيت نفسي بلحظتها بدون ملابس
..هاا عمو تريد شي
ضل يمشي بتجاهي وياشر عليه وع نفسه عزاا هاذا شبي
كضاني من ايدي وكومني مدري شهمس بس النيه باينه من عيونه
دفعت عني
.. شبيك عمو والله هسا اصرخ ولمهم عليك
محمود.. هه جربي صرخي انتي وشوفي شسوي بيج
ضليت اتلاوه وياي صرت شقاوه بس اريد افلت منه من الساعه السودا الجيت هناا اني غبيه وميت غبيه اذا اجيت هنا بعد
هوا بس خلي اطلع سلامات منه اني
فلت منه وصارت لعبت اركض وركض وراك ادخل بغرفه وطلع من الثانيه بوكتها مادري اضحك اخاف
وهاي المطيه مهره وينهاا
... يماااا ووخر عني
محمود.. وين تشردين بت ال
.. صعدت ع الدرج وجان هوا بنهايت الممره ويمشي ع كيف كرشه اكبر منه مايكدر يركض بسرعه مديتله لساني
.. عود كضني بلاول .. يمااا وصعدت اركض بعدين نزلت لكيته توه واصل يم تدرج طلعت كبل للحديقه
اندك الباب الخارجي حيل شبه تكسر
ومحمود جان توه واصل يمي
رحت ركض فتحت الباب اريد انجي بحياتي يلهوي
فتحت الباب وصار سيف كدامي من حلات ورحي ركضت عليه وختلت ورا
محمود..احمم هلا هلا سيف تفضل والله توني ردت اجيكم
خزره سيف ولتفت عليه
..جيبي غراضج بسرعه
هزيت راسي وبسرعه لملمت كتبي وطلعت ومحمود ابو كرش عيونه نطت ويخزرني عبرت من ورحت ورا سيف كال صعدي
صعدت مادري شحجه وياا وجره منه ياخته لمحمود ودفعه وطلع
صعد بسياره مثل العصار يبوي هسا يذب حركته بيه
مشه بسياره طار اقصد سواها سباق
يحجي وهوا معصب ...شسوالج
..هاا
سيف..احجييي
..هاا
سيف...لج غضب احجي
.. والله ضل يركض وراي واني شردت بعدين اجيت انت و
سيف..وشنو
.. والله بعد ماصار شي والله ،بعدها عم الهدوء بسياره وصلنه قريب ع البيت وكف البيت مملي زلم ناس طالعه طابه
نزل وقفل السياره وتركني جنه فزاعة خضره عزاا هاذا صدك تركني
راح وضل ويا الزلم يا يا يا كل ما يطلع ويلتفت عليه ااشرله
صدك عصبت شنو معناها تاركني هنا بسياره وراح دخل
كلت خل استغل كعدتي واكعد ادرس
اهم شي العلم نور ههههه
الرايح وجاي باوعلي يكول هاي شبيها كاعد بسياره وتدرس يماا اتخيلهم هيج بكولون
للعصر بدت الناس تخف من البيت لحد ما طلعو كلش طكت روحي
هنوب قافل الباب
شفته من بعيد جاي يجي سويت روحي اغمه عليه
اشوي ونفتح باب السياره وسيف يضرب ع وجهي
سيف..ليالي ليالي تسمعيني خرب بحلظ اني غبي شلون خليتها بسياره اكيد ختنكت ليالي ليالي سمعيني
..كاضه ضحكتي كوه حسيت جاي ارتفع من الكشن
وهوا يلعن ويسب بنفسه بعد ماكدرت اتحمل طكيتها ضحكه
اباوعله شايلني ومصدوم
..ههههه يماا بطني اخخ هههههه انته ماشفت وجهك شلون صارر ههههه لا لا هههه اخخ بطني
ذبني مزين ما وكعت
سيف..خزرني وكال ..كدامي للبيت
..شبيك دضحك شوي
سيف..امشي كدامي لا اخليج تضحكين هيا صدك
..مشيت كدامي واقلد الروبوت وهوا يخزرني وصلنه للبيت ودخلت
ستقبلتني ماما
ملاك..منو جابج
..شنو عيني مبين ماتردوني
منى..يااا لعد مهره بقت وحدها بلبيت
..رجلج يمها
منى..شنو رجلج ولج اش..
قطع عليها دخول بابا سلمت عليه وحضني
..شفي يا نبع الحنان هيج الواحد يكول مو جابج
ملاك..هسا اني الصرت مو زين وج شلون بيج
..راحن عماتي وبقن بناتهم واولهم مرتم مدري شسالفتها لازم اكو انه بلموضوع وكعدنه نضف البيت كلنه سواا لل12 يلا خلصنه
صار سرا ع الحمام واحد يدخل الثاني يطلع
لحد ما ستقرينه كولنه بلستقبال وكعدنه نسولف واني ناسه باجر امتحان ومغلسه
لفت نضري نضرات مرام ع سيف هلا عيني اني اكول الاخت كاتله نفسها اله تبقاا طلع علمود الحقنه واو قصه حب جديد بهلبيت
تزحزحت وصلت يمها
.. احم احم نضرات مو حتا الولد راح يشرد
مرام.. هاا وياي
.. لا ويا جدي السابع عشر
مرام.. شبيج ليال تفكيرج منحط كلش
تحجي وتتنعصوص ... احجي عدل وطلعي جبار الحقيقي البداخلج
لا اني اطلعه هسا تعلمينه بيج مرامو
مرام.. ليييال حبيبتي كووومي وياااي خلي نغسل الستكاين انييي ماندل عدكم
.. حجتها بصوت مسموع وتتنعصوص ولا تستقر .. هاي شبيج شنو ما تندلين غير انتي مسفطه الكاونتر كله ع ايدج اليوم
هههه ابوعلها وجها كام يذب الوان يما جرتني من ايدي وكمت وياها
مرام.. لج ثور شبيج
.. ايي هاي بت عمتي مو ذيج التتنعوص
مرام.. غير ادلع عليه شبيج انتي
.. ايي اشوف كلش منطيج وجه اكلج تركتي الدنيه كلها رحتي لسيف الحقنه
مرام.. نجبي ما سمحلج هوا بس نضره منه اذوب اذوب
..ذابت عليج حيه امشي امشي رحنه وحنا نضحك
عزاا العزاج مرام
مرام.. خيرر
.. لج الباجر امتحان
مرام.. يا يا يا ولج حتا اني كلشي مدارسه
.. ايي كتلج ضلي يمي وندرس لا دكيتي رجل الا ترحين
وكضيناها دارسه منا لل3 اني بس ذبت روحي ع الجربايه نمت
ومثل المعتاد كملت الامتحان ورجعت للبيت
وصار ينعاد الروتين نفسه كل يوم
اخر يوم امتحان دخلت عمتي منى علينه وتصرخ وتملخ بنفسها وبناتها يبجن كلنه الستغربنه
ونهحاول نهديها ماكو لحد ما اجه بابا راحت علينه
منى..الحكلي يا خوي نهجم بيتي
فهد..كضاها من ايديهاا ويحاول يوكفهاا ..منى فهميني شصاير
منى..تحجي وتناشغ ..ولك محمود البارحه طلع بعد مارجع لا حس ولا خبر
يماا نهجم بيتج يا منى راح ابو بيتج وتصرخ بعلو صوتها
فهد..عاط بيهاا..كافي سكتي وين مثلن يروح هسا ويرجع
منى..ولك رجلي هاذا وجلي
فهد..هه شوفي يمكن مسويله مكسوره ومهزوم
منى..يااا شقصدك خويه شقصدك
فهد..الحليم تكفيه الاشاره يلا كل واحد يرجع لمكانه خابصين الدنيه ع شنو
عمه سكتت ومصدومه من ردت فعل بابا مبين يعرف انحطاط زوج اخته
اطشرنه واخذنه عمه للغرفه ورجعت اكمل امتحان باجر اخر يوم
بس مشالله المساكل تتهاطل عليه كليوم يخرب هيج عيشه
فتره واجه ابن عمتي واخذ امه وخواته وراح ومجان اي علاما خوف اوي ردت فهل صغيره ولو ع ابو والله كلها طلعت تعرف منو محمود ابو كرش بس احنا جنه اطرش بزفه
رجع للبيت سيف بليل بعد غياب من يوم العزيمه
وصادف ماما وبابا كاعدين واني يمهم ادرس بلستقبال
كضه وضل يحجي وياا وسيف معصب بعدهاا مادري شحجو ودارو عليه هيا بس نضراتهم تخلي الواحد يشك حتا بنفسه دفنت راسي بلكتاب ومادري شكد مر من الوكت عصافير الحب راحو لغرفتهم وتركوني وحدي يلعن شكلهم اكو احد يخلي الرياضيات اخر شي
انفتح الباب لتفت
سيف..ها جنيه بعدج كاعده
..تنهدت ..شبيدنه بعد هاي سنة الحياة
سيف..هههههه ولج شني سنة الحياة جنيه
..ههه
سيف..شعدج متحان
..الغضب الرياضيات
سيف..اسهل شي
..هاا عمي انته كارثه وين اكو واحد يحب الرياضيات
سيف..مو كل يلي عنده سهل معناها يحبه
..راد يطلع وكتله ..لعد درسني وهوا ماصدك اجه وتربع وطلع علينه سيقانه ههههه
بس شرحه فوله دخله لعقلي بدون استاذان
وعدنه الاخ جايب معدل 99.4وماراضي عمي اني بس خلي اجيب
90 نعمه من الله بعض الناس تتبطر ع النعمه
سيف.. تثاوب وكال..هاا فهمتي
..باجر100 هههه
سيف..اكيد غير 100 ماقبل
..تدلل هههه
سيف..يلا جنيه نامي كام
..ايي هسا انام تصبح ع خيرر طلع لميت كتبي وقبل لا اطلع دزيت رساله لريان باجر يجي عليه
ورحت للغرفه
رجعت للبيت بعد امتحان يخلي الواحد يفر بعقله بس كلها تهون يلا
اول ما صفت سيارة الخط نزلت بسرعه دخلت سلمت ورحت لميت ملابسي وحطيتهن بلجنطه كل ملابسي الحلوات والجديدات
وكم قميص قصير حتا الخطه تمشي عدل واخذتلي دوش مريح
بعد ما المتحانات شيبت راسي ماجنه خلصت متحانات حنه حررت الموصل ع ايدي
فتحت الكيس مال ماسك وخليت القناع ع وجهي ورحت طلعت
تغديت وخبرت ماما ع جيت ريان وانو حروح وافقت بس كالت اتصل ع ابوج
.. لو عيني ضحكه غمزه منج يقبل وداعتي
ملاك..ياا ولج شلون بلسانج هاذا اشو صاير ما تستحين
.. ماما يلي يدخل سادس حقه يتخبل عود نبع الحنان كعديني بداعت فهودي ورحت نمت
لحد ما كعدتني ماما طلعت سلمت ع ريان
وضل يم ماما وبابا وصادف جيت سيف بدلت ولفيت شالي بس ع الخفيف لان صيف منا ورايحن طريق للبصره حنصير سمج مسكوف بالله
لبست النظاراتي وشوز رياضي مريح وشلت جنطتي ورحت للسقبال
سلمنه عليهم وبابا كلساع يوصي ريان ع الطريق ودعتهم وصعدنه بسياره ونطلقنه
..لك مشتاقتلكم والله اريد شوف هنوئه
ريان..هههههه وداعتج البيت فاهي ليش ماتجين تعيشين عدنه
..هههه ايي اعيش عدكم شعدي
ريان..شبيج صدك تعاي كملي كليتج بلبصره
..تدري خوش فكره
ريان..وداعتج نتونس
..ايي بالله كون ندخل نفس الكليه اني وياك
ريان..ههههه جا غير دكاتره من اول يوم يشردون
..ههههه ريان دخل سادس خارج لان العام جان بلموصل
فا هسنه خالو مخاله الا يكمل وهوا مقبل يعيد الخامس فدخل سادس خارجي
مندمج بلتلفون اتصفح ع الانستا وسولف ويا ريان
لحظات مو كثر صوت السياره شخطت وضلمت الدنيه علينه
شي حار احسه ينزل من راسي عيوني ضلت تغوش تريد بس التفت اشوف ريان بي شيل احس راسي ثكل
ضلمت الدنيه بعيوني ستسلمت للامر الواقع
كلت هاي نهايتي ...
يتبع ...
حبايبي التنزيل حيكون بين يوم يوم احسن الي والكم ع الاقل اكدر اكتب براحتي وانتو ترتاحون
ويوم الاحد نشالله مثل هيج توقيت الساعه 12:00 ظبط
ينزل بارت ✨💎