PAUNAWA:
Plagiarism is a cybercrime. Ikakasaya mo ba ang pag nanakaw mo? Hindi lang sila ang niloloko mo kundi pati na rin ang sarili mo. Gayon pa man, ang mga detalye na nakapaloob sa aking kwento ay kathang isip lamang. Ang anumang pag kakahawig ng pangalan, tauhan at kaganapan ay hindi sinasadya ng manunulat. Ito ay BXB na maaaring hindi naaayon sa panlasa ng iba. Kung hindi mo gusto ang ganitong tema ay maaari kang lumisan sa aking pahina. Maraming salamat po.
The Handsome Flower
Season 3
AiTenshi
April 2, 2020
"Teka, bakit naman. Nag sstart palang ang gabi."
"Hindi na namin matake ma, after mong mag paretoke ng mukha, mag suot ng damit na kita na ang singit, nag sayaw ka pa ng malaswa kasama ang callboy na iyan. Hindi kana nahiya." ang wika ni Lineth.
"Mabuti nalang at hindi namin sinama ang mga apo mo. Dahil makikita pa nila ang kanilang lola na gumagawa ng something hilarious. Nakaka hiya ma." ang sagot ni Cris.
At saka sila lumakad palayo sa inang nag diriwang kaarawan..
Part 80
"Ang sabi ni papa sa amin ay huwag na kami mag punta dito dahil nakakahiya lang ang gagawin niyo. Tama nga siya.. kung ano ano ang ginagawa mo sa sarili mo." ang wika ni Lineth.
"Next time ma, mag suot ka naman ng disente, saka akala mo ba maganda yung ginawa mong pag paparetoke sa mukha mo? Lalo kang nag mukhang masungit at masama." ang pag suporta ni Cris.
"At ma Pls, layuan mo na yang lalaki na iyan! Gold digger iyan!" ang dagdag ng babae sabay turo kay Tommy.
Lumapit sa kanya (kay Tommy) si Cris at hinablot ito sa damit "Lumayo ka kay mama, hindi namin pinakialaman ang kayamanan niya para lang bungkalin mo. Bumalik kana sa bar na pinangalingan mo!"
Habang nasa ganoong posisyon ang dalawa ay biglang may nag tatakbong babae sa kanilang kinalalagyan. "Tama na, bitiwan mo siya!!" ang sigaw ng babae habang inilalayo si Tommy.
"Eh sino ka namang babae ka? Invited ka ba dito?" tanong ng Donya.
"Ako yung asawa ni Tommy. May anak na kami at yung mga perang inibigay ni Donya Briguela ay pinag susuporta namin sa aming anak." wika nito.
Natawa si Lineth. "Nakita mo na ma? Niloloko ka lang nila. Sabi ko naman sa iyo kuya Cris, kung nakinig tayo kay papa edi sana hindi nasayang gabi natin."
Umalis ang dalawa at mabilis na sumakay sa kanilang sasakyan. Iniwan nila si Donya Briguela na umiiyak at nakatayo sa gitna ang venue..
Maya maya humarap ang donya kay Tommy. "Walang hiya kayoooo!! Mangagamit kaaaa! Manlolokooooo!!!! Pinerahan niyo akoooo!!!!" ang sigaw nito sabay sugod sa dalawa..
"Tama na, matagal ko nang gustong sabihin sa iyo, pero dala lang ito ng kahirapan, walang wala kaming mag asawa." Ang katwiran ni Tommy habang pinipigil ito sa pag wawala.
Tuloy sa masidhing galit ang donya. "Walang hiya kang babae kaaaaa! Manlolokooo! Mang gagamit kayoooo!" ang sigaw niya sabay hablot sa buhok ng babae..
"Tama naaa! Bitiwan mo ang asawa kooo!" ang sigaw ni Tommy sabay tulak sa matanda dahilan para matumba ito sa lupa..
Patuloy pa rin siya sa pag wawala..
Agad naman kaming tumakbo para awatin ito sa pag wawala...
"Lumayas kayong lahat ditooo!! LAYAAASS! Tapos na ang pag diriwang na ito! Lumayas na kayong lahaaaaaatttt!!!!" ang galit na sigaw niya. Hinawakan niya ang silya at nag wala ng todo.
Winasak niya ang mga nakatayong artipisyal na haligi dahilan para mag spark ang mga kuryente nito at mamatay ang ilaw buong paligid.
"Lumayas kayo lahat! Hindi ko kayo kailangan!!" patuloy niyang pag sigaw. Agad akong hinila nila Dooday. "Umalis na muna tayo, madadamay tayo sa galit ng Donya." ang wika nito.
"Saan naman tayo pupunta?" tanong ko.
"Sa apartment ko doon sa kabilang kanto. Believe me, layuan natin yang si Donya Briguela dahil baka sa atin niya ibunton ang galit niya. Epic failed ang birthday niya sisisihin niya tayo dahil nakapasok yung asawa ni Tommy, manloloko pala silang dalawa. Kawawa naman yung matanda." ang wika ni Je.
Nag alisan ang lahat ng tao sa paligid, walang natira.. namatay rin ang mga ilaw at musika..
"Hintayin ka nalang namin doon. At huwag kang lalapit kay donya Briguela dahil baka bulagin ka niya sa galit niya." ang wika ni Dooday at lumabas na rin sila ng tarangkahan.
Naiwan ako sa bakuran, habang pinag mamasdan ang donya na umiiyak at umaakyat sa hagdan.
Tahimik..
Pumasok ako sa mansion, kumuha ako ng gamot na pampakalma at saka tubig. Walang natirang tao sa paligid ng mansion, ang lahat ay umalis dahil sa takot kay Donya Briguela na parang isang mabangis na dragong nag wala sa buong bakuran.
Gayon pa man, lakas loob akong umakyat sa kanyang silid hawak ang tray ng gamot at isang baso ng tubig.
Marahan kong binuksan ang pinto..
Lugmok si Donya Briguela. Nakaupo ito sa kanyang kama habang nakatanaw sa bintana..
"Dinalan ko po kayo ng gamot." ang wika ko.
"Bakit nandito ka pa?! Hindi ba sabi ko LAYAS! LUMAYAS KAYONG LAHAT?!!!" ang sigaw niya sabay harap sa akin. "Lumayas ka rin dito! Hindi kita kailangan!!" bulyaw niya sabay kuha ng baso sa tray at inihampas iyon sa akin. Nalaglag ang mga gamot sa sahig at ang baso ay nabasag.
Hindi ako kumibo..
Pinulot ko ang mga gamot..
"Lumayas ka dito Blas, hindi kita kailangan!" ang wika niya.
Tumingin ako sa kanya. "Kung ganoon sino ang kailangan mo? Wala? Lahat ng tao sa paligid mo ay itinataboy dahil lang nasaktan ka? Alam mo donya Briguela, kung ang lahat ng taong nag papahalaga sa iyo ay paaalisin mo ay hindi ka magiging masaya. Tumingin ka sa paligid mo, wala nang natira dito, pati yung mga gwardiya ay umalis at iniwan ka, alam mo kung bakit? Dahil lahat sila ay takot sa iyo! Dahil hindi mo binubuksan yung puso mo para sa kanila. Ang tingin mo sa amin ay mga robot na utusan mo lang at dapat sundin namin ang lahat gusto mo.
Donya Briguela, kung galit ka sa mundo ay wala nang matitira sa iyo! Walang mag mamahal at mag papahalaga sa iyo. Tayong dalawa lang dito, alam mo kahit gusto kitang iwanan ngayon ay hindi ko nagawa, nag lakas loob ako dahil mahalaga ka sa akin, kahit araw araw mo akong itinutumba o sinataktan ay hindi ako nag tatanim ng galit sa iyo dahil marunong akong mag pahalaga sa mga taong tumutulong sa akin. Kahit ni minsan ay hindi ka nag pasalamat sa amin, ay ayos lang iyon dahil alam namin kung saan kami lulugar bilang taong nag sisilbi sa iyo.
Ang buhay ay mabilis lang, nag diwang ka ng kaarawan ngayon, maaaring sa susunod na panahon ay mabago ang lahat. Paano ka? Sino ang sasama sa iyo? Akala mo ba ay masaya ang mag isa? Walang nabubuhay sa mundo para sa kanyang sarili lamang, walang nag lalakad sa isla ng mag isa. Kung galit ka sa mundo ay huwag mong hayaang gumanti ang mundo at magalit rin siya sa iyo.
Alam mo donya Briguela, ang sama sama ng ugali ninyo. Yung puso niyo kahit pakuluan mag hapon ay hindi lalambot. Kapag namatay ka? Walang iiyak kasi lahat ng tao ay ayaw sa iyo. Kung pwede lang dukitin ang puso mo? Pwede ko na itong ipamalit sa martilyo sa sobrang tigas. Bumalik ako dito para icheck ang kalagayan nyo, okay ka naman pala, mukhang matagal ka pang mamatay. Inumin mo nalang dalawang gamot para makatulog ka ng maayos. Sa lahat ng sinabi kong ito? Fired na ako.. pero hindi na kailangan yon dahil mag reresign na ako. Donyang impakta." ang wika ko sabay lapag ng tray sa kanyang harapan..
"Ito pampakalma para hindi ka mag panic, sigaw ka ng sigaw kanina. Ito naman para makatulog ka ng maayos.. pinag tabi ng pag kain doon sa ref, initin mo nalang. Wala na sila Tarzan at Jane, umalis na rin sila, sama sama kasi ng ugali ninyo. Ilolock ko yung pinto, uso ang massacre ngayon, baka madale ka pa." ang masungit ko salita sabay labas sa kanyang pinto.
Hindi siya kumibo at nanatili lang na naka tingin sa bintana..
Lumabas ako sa mansion ni Donya Briguela. Tinawagan si Miss Justine at itinanong kung may idea siya kung saang hotel maaaring naka check in ang mga anak ni Donya. Nag kataon naman na pareho pala sila ng hotel na tinutuluyan kaya naman nabuo ang isang mapangahas na desisyon sa aking sarili na pumunta dito para kausapin ang dalawang anak niya.
Pag dating ko dito ay agad akong sinamahan ni Miss Justine sa kanya kanilang silid. "Sure ka ba sa gagawin mo Blas?" tanong niya.
Tumango ako. "Walang kasama si Donya Impakta doon, baka maya maya ay atakihin pa sa puso iyon habang natutulog." ang sagot.
"O sige, pag may problema nandoon lang ako sa 2nd floor." ang tugon niya sabay tapik sa aking balikat.
Huminga ako ng malalim at kumatok. "Yes sino iyan?" wika ni Lineth sabay bukas ng pinto.
"Magandang gabi po. Ako po si Blas Herera, medical assistant po ni Donya Briguela." ang pakilala ko.
Lumapit si Cris sa akin. "Tuloy ka." wika nito.
"Kamusta si mama?" tanong ni Lineth habang nag aayos ng mga damit.
"Nasa bahay po. Pinalayas niya lahat kaya wala siyang kasama doon. Pero binigyan ko na siyang gamot na pampakalma at para makatulog siya ng maayos. Teka, aalis na po ba kayo?"
"Oo, ang original plan ay 3 days kami mag sstay kay mama, pero dahil sa nangyari mag bobook ulit kami ng ticket pabalik sa England at sa Canada." ang wika ni Lineth.
"Paano po si Donya Briguela? Iiwan niyo nanaman ba siya?" tanong ko.
Natingin sa akin si Cris. "Ewan ko ba, simula noong mag hiwalay sina mama at papa ay umalis na rin kami sa puder ni mama. Maayos naman ang buhay namin sa ibang bansa. Hindi namin kailangan ng yaman ni mama."
"Pero hindi po ito tungkol sa yaman, o sa pag kakahiwa hiwalay ninyo. Ito po ay tungkol sa pagiging anak niyo. Huwag niyo po sana isipin na hindi kayo mahal ni Donya Briguela. Huwag niyo rin po sanang isipin na nang hihimasok ako sa usaping pamilya. Pero nag aalala lang po ako sa kalagayan ng inyong ina. Oo nga po't masama siya, parang impakta na umahon sa lupa pero may pag papahalaga po siya sa inyo.
Alam niyo po ba na habang nag hahanda kami sa party niya ay kayong dalawa ang bukambibig niya. Halos kabisado ko na lahat ng sinasabi niya. Na si Lineth ay mahilig sa matatamis pero ayaw niya ng pag kaing may gatas. Si Cris ay mahilig sa gulay at ayaw kumain ng karne.
Si Lineth ay mana sa kanya dahil pareho silang maganda at pareho ang paborito nilang kulay na lila. Si Cris ay mahilig sa asul na polo kaya't iyon lagi ang binibili niya.
Tuwing pumapasok ako sa kwarto ni Donya Briguela ay nakikita kong yakap niya ang larawan ninyo at kung hindi man kayo naniniwala sa akin, may isang secret room sa mansion na ayaw pabuksan ni Donya dahil ang kwartong iyon ay punong puno magaganda laruan para sa apo niya.
May oras na nakikita ko siya nakatingin lang sa mga larawan ninyo noong mga bata kayo, noong mga oras na masaya kayo, noong mga oras na karga niya kayo at hinihele. Oo nga po at impakta si Donya Briguela at galit ito sa mundo pero ang pag mamahal ng isang ina ay nawawala at kahit ano pang kasamaan o malaking pag kakamali ang gawin niya, sa pag tatapos ng araw ay mananatili siyang ina na may pag mamahal para sa kanyang mga anak.
Hindi ko po talaga dapat ito ginagawa dahil masama ang ugali ng nanay niyo at isa siyang bruha (natawa sila pero nangigilid nag luha nila). Pero kahit sobrang sama sama sama ng ugali niya? Alam ko na mabuti siyang ina. At ngayon ay nag iisa lang siya dun.. kailangan niya ng anak. Paki usap." ang wika ko sabay luhod sa harapan nila..
Umiyak ako at dumukdok sa sahig habang naka luhod..
"Paki usap po, puntahan niyo si Donya Briguela. Kailangan niya kayo. Kailangan niya ng anak." ang pag iyak ko.
"Mahal niya kayo. Mahal na mahal.." ang dagdag ko pa.
Tahimik..
Nanatili akong nakaluhod..
Itinayo nila ako.. "O sya, huwag kanya umiyak. Pupuntahan na namin si mama." ang wika ni Lineth sabay yakap sa akin.
"Salamat po." ang umiiyak kong tugon..
"Alam mo ba Blas bihira ang katulad mong may pag mamalasakit sa ibang tao. Kahit hindi mo kami kaano ano ay ginagawa mo ito para mabuo kami. Maraming salamat sa iyo." ang naka ngiting wika ni Cris
"Salamat Blas, ito ng puso mo? Ito ang mag aangat sa iyo. Ang kabutihan nito ang siyang mag bibigay ng liwanag sa buhay mo. Nakikita kita ko na ito.." ang naka ngiting wika ni Lineth.
Agad silang lumabas ng silid para puntahan ang kanilang ina..
Ako naman ay sumakay ng taxi pauwi sa aming bahay. Resign na ako kay donya Briguela. Masaya naman ako dahil sa huli ay may nagawa ako para sa kanya..
Itutuloy..