PAUNAWA:
Plagiarism is a cybercrime. Ikakasaya mo ba ang pag nanakaw mo? Hindi lang sila ang niloloko mo kundi pati na rin ang sarili mo. Gayon pa man, ang mga detalye na nakapaloob sa aking kwento ay kathang isip lamang. Ang anumang pag kakahawig ng pangalan, tauhan at kaganapan ay hindi sinasadya ng manunulat. Ito ay BXB na maaaring hindi naaayon sa panlasa ng iba. Kung hindi mo gusto ang ganitong tema ay maaari kang lumisan sa aking pahina. Maraming salamat po.
The Handsome Flower
Season 3
AiTenshi
April 2, 2020
Part 78
"Mag kikita ulit tayo diba? Blas." ang naka ngiting wika ni Bam bago ito sumakay sa bus.
"Oo naman. Hindi naman ganoon kalayo diba?"
"18hrs na byahe, hindi naman ganoon kalayo. Nakakahilo lang mag paikot ikot sa matatarik na bangin sakay ng bus. Next time hihiramin ko naman yung helicopter ng kaibigan ni papa para makarating ako dito ng mas maaga. Bitin ang dalawang araw na bakasyon." ang wika niya.
"Mag iingat ka Bam. Mag aral kang mabuti at tuparin mo ang mga pangarap mo. Halos isa't kalahating taon nalang diba? Makakatapos rin tayo." ang naka ngiti kong sagot.
Yumakap sa akin si Bam at agad itong sumakay sa bus. Dalawang araw lang ang itinagal niya rito. Kailangan niya bumalik agad sa siyudad para ayusin ang kanyang pag transfer sa ibang paaralan na mas mura at mas malayo sa F4. Ako naman nangako na mag kikita kaming muli, masaya ako na makasama ang isang tunay na kaibigang katulad niya.
Kumaway ako habang naka ukit ang matamis na ngiti sa akin labi habang paalis ang bus na kanyang sinasakyan. Siya naman ay naka silip sa bintana at masayang nag papaalam.
Katulad ng lagaslas ng tubig sa batis, patuloy pa rin ang aking buhay. Mabilis lang naman lumipas ang mga araw, paulit ulit lang ito hanggang hindi ko namamalayan na dumaan nanaman ang tag ulan at papasok nanaman ang tag init, isang walang katapusang sikulasyon ng buhay. Parang nag lalakad ka lang sa isang malaking bilog na paikot ikot hanggang makasanayan mo na lamang ito.
Bago matapos ang ikalawang semester ay nag take ako ng final examination. Katulad ng dati ay mataas pa rin ang resulta nito kaya't patuloy ang aking scholarship. Batid kong makakatagpos ako ng libre at walang binabayaran sa campus. Ngayon ko palang nararamdaman na ngumiti sa akin ang kapalaran, sa kabilang hirap na dinanas ko noon sa siyudad, heto pa rin ako nakatayo at patuloy na lalakbay sa kahabaan ng buhay.
Sa pag bubukas naman ng summer ay muli akong umuwi sa mansion ni Donya Briguela para doon ay mag trabaho. Pag dating ko palang sa tarangkahan ay nakita ko na agad ang mga royal guard na naka tayo at hinihintay ang pag babalik ng donya mula sa bansang kanyang pinag mulan. Para bang may grand assembly sa bakuran, may banner pa at watawat bilang pag salubong dito.
Agad akong hinila ni Dooday at pinalinya sa kanilang tabi. "Muntik ka nang malate. Hawakan mo tong confetti poppers at pasabugin natin pag dating ni Donya. 3 months rin siya sa ibang bansa kaya't deserver niya ng warm welcome."
"Akala ko nga may gera, naka linya talaga lahat ng royal guard?"
"Ganyan talaga dito may pag ka OA. Ayan na si Donya Briguela. SMILE MGA FRIENDSHIP!!" ang wika ni Je.
Lahat kami ay ngumiti habang pumapasok ang pinaka latest model ng limousine kung saan nakasakay ang donya..
Luminya lahat ng royal guards noong buksan ang pinto ng sasakyan. Dito ay bumaba ang Donya suot ang kanyang napagkahabang gown na gawa sa ginto. Halos mabali na rin ang kanyang leeg sa dami ng golden necklace, ang bracelet ay ginto rin pati ang kanyang sapatos. Kumikinang si Donya Briguela at nasisilaw kami kapag tinatamaan ito ng araw. Ang tanging mali lang sa kanyang anyo ay puro bundahe ang kanyang mukha na parang isang mummy.
"Maligayang pag babalik po Donya Briguela Aramada dela Merced Y. de Sobiel." ang bati namin ng sabay sabay.
"Tse!! Huwag nga kayong mga plastic! Alam ko naman na ayaw niyo ako makita. Mga baklang toe!" ang sagot ng donya sabay harap sa akin. "Blas halika nga dito. Tatamad tamad kana naman! Kunin mo itong mga gamot ko at ipaliwanag mo sa akin lahat iyan!" ang masungit na utos nito.
Sumunod ako sa kanya..
"Welcome back po Donya Briguela." ang bati ko.
"Isa ka pa. Plastic na ito." ang sagot nito habang pumapasok kaming dalawa sa sala.
"Eh donya Briguela. Ano po ba yung ginawa niyo sa mukha niyo?" tanong ko
"Nag pa retoke ako ng face para mas lalong mainggit ang mga amiga ko."
"Bakit po kung kailan tumanda kayo saka kayo nag paretoke?" tanong ko.
"Hindi ako matanda! Isa pang salita mo ay ihuhulog na kita dito sa hagdan! Saka bakit ba ako nag papaliwanag sa iyo. Gusto kong maging maganda sa 79th birthday ko, darating ang mga anak ko, ang aking ex husband at mga friends ko from the upper upper. Ang trabaho mo, kailangan ay imake sure mo na wala akong makakaligtaang gamot na inumin. Imamasahe mo rin ang mukha ko para maging natural ang lambot nito pero huwag madiin dahil baka pumaling yung cheekbone at ilong ko. Maliwanag ba?" tanong ng donya.
"Maliwanag po Donya Briguela." ang sagot ko naman habang inaalalayan ito sa kanyang kwarto para makapag pahinga. Kinuha ko naman ang bag ng gamot inayos ito ayon sa schedule na nakalagay sa table.
Lumipas ang ilang araw, dumating ang doktor ni Donya Briguela, upang alisin ang bundahe sa kanyang mukha. Naka hirap ito sa isang malaking salamin. Habang kaming tatlo naman nila Dooday ay nasa likod lang nila at pinag mamasdan kung ano ang bago sa mukha ng donya.
"Naku, im so excited donya Briguela, im sure lalo kang pag kakagulahan nito. Maiinggit nanaman ang mga kaamiga mo sa bago mong looks." ang wika ng doktor habang marahang iniaalis ang bundahe sa mukha ng matanda.
"Alam mo kagabi pa ako excited sa mukha ko. Napaka mahal ng retoke sa Amerika, kahit isang kulubot ay hindi makikita ngayon sa mukha ko. Nag iisip nga ako kung anong susunod na ipapagawa ko. Siguro suso naman sa susunod at mag papa landscape na rin ako para virgin ulit. Diba may ganoon? Anong tawag don doc?" tanong ng matanda.
Kami naman sa likod at natatawa pero pinipigilan namin ito..
"That is called hymenoplasty, which means reconstruction of hymen in a woman's vagina, is now a legit surgery. Pwede natin tong iapply sayo senyora para virgin kana ulit."
"Hindi ba masakit? Baka naman masaktan ako diyan."
"Ano ka ba, syempre masasaktan ka ulit kapag pinasok ka ng bf mo. Parang virgin lang ulit." ang wika ng doktor.
"Sige, after ng birthday ischedule mo ako dyan!" ang wika nito, kami naman sa likod ay napangiwi nalang.
Makalipas ang ilang minuto ay tuluyang naalis ang bundahe sa mukha ng donya. "Heto na si Donya Briguela Version 2.0! Mas pinaganda, mas pina bata at mas mapang akit!" ang proud na proud na wika ng doktor. Samantalang ang donya naman ay gandang ganda sa kanyang bagong mukha.
Ang kanyang balat sa mukha ay banat na banat. Parang mannequin nalang ito. Matangos ang kanyang ilong, may cheekbone, ang labi naka pout. At ang mata ay mamulagat na singkit dahil binat ang kanyang mukha. Nakakatakot ang donya, kung makikita mo siya sa gabi ay mapapagkamalan mo siyang kampon ng kadiliman.
Gulat na gulat kaming tatlo at hindi kami nakapag react..
Humarap sa amin ang donya. "Anong say niyo mga talunang chimiaa ko?" tanong niya sa amin.
Nag tinginan kami sa gilid ng aming mga mata. "Sagutin niyo. Bilis." ang bulong ni Dooday.
"Ayokong mag sinungaling kaka kumpisal ko lang last week." bulong ni Je.
"Anong say niyo mga binge?! Tinanong ko kayo!!" sigaw ng donya.
"Maganda po! Napaka perfect ng dating niyo ngayon. Kahit po si Lord ay hindi kayo makilala sa inyong bagong sexy look. Bumata po kayo ng 40 years. Para po kayong 38 na taong gulang lang donya Briguela." ang wika ko.
"Totoo ba iyang sinasabi mo Blas? Pag nalaman kong ineechos niyo lang ako ay lalayas ko lahat sa bahay na ito!"
"Ano ka ba senyora Brrrrrriguela, siyempre ay nag sasabi sila ng totoo hano. Saka dati ka nang maganda at mas gumanda ka pa ngayon. Im sure hindi kana makilala ng mga anak mo dahil mukha kang dalaga!" ang ng doktor na parang kinikilig pa.
Ngumiti ang donya..
"Je, Jamie ayusin niyo ang birthday party ko, mula sa invitation, sa temang angels. Gusto ko mga anghel tayong lahat! Catering services yung pinaka mahal. Tumawag rin kayo ng mga Kpop na mag peperform yung pinaka sikat, kung ayaw pumayag ng management nila ay sampalin niyo ng pera sa mukha! Tawagan niyo rin si Tommy dahil siya ang magiging escort ko at MAKE sure na makakarating yung ex husband ko at yung dalawa kong mga anak. Kailangan maging perfect ang gabi ko, mag peperform ako ng ballroom dancing para sa lahat." ang utos nito.
Sulat ng sulat ang dalawa..
"Mayroon pa po ba kayong gustong idadag?" tanong ni Dooday.
"Tawagan mo yung designer ng damit ko at sabihin mong mag papagawa ako ng sexy slutty angel costume sa kanya. Mag pagawa na rin kayong tatlo nila Blas pero simple lang ha, ayoko ng may mga burda burda yung sa inyo." ang wika ng matanda.
Tumayo ang donya at saka tinawag ako. "Kunin mo yung gamot ko. At imasahe mo na rin itong kamay at paa ko." ang utos nito.
"Bakit ganoon si Donya Briguela walang ekspresyon yung mukha niya. Bumubuka lang yung bibig niya pero walang emosyon." ang bulong ni Frenny Je.
"Nag pa batak kasi siya ng mukha. Kaya binat rin yung balat niya. Iyon ang dahilan kaya kahit sumigaw siya o magalit ay walang ekspresyon ang mukha niya." sagot ko.
"Anong pinag bubulungan niyo diyan? Kumilos na kayo! Tatamad tamad nanaman kayo! Lalo na ikaw Blas! Ilang beses ko na bang sinabi na imasahe mo yung paa at kamay ko? Itutumba na talaga kitaaaaa!" ang galit na sigaw nito
"Donya kapag sigaw ka ng sigaw ay mawawala sa ayos ang mukha mo. Inumin niyo na po itong gamot niyo." ang wika ko sabay kuha sa kanyang paa at sinimulan ko itong imasahe.
"Maganda ba ako Blas?" ang tanong nito.
Humarap ako sa kanya pero lalo akong nasindak sa kanyang naka mulagat na mata. "A e, ano po."
"Sagot! Sisipain kita diyan!! Gusto mo ba itumba ulit kita?!!" bulyaw nito.
"Maganda po kayo Donya Briguela. Sigurado po ako na hindi na kayo makikilala ng dati niyong asawa." ang sagot ko
"Dapat lang! Isang malaking pag kakamali na iwan niya ako para sumama sa katulong." ang sagot nito sabay sandal sa kanyang magarbong Cleopatra sofa.
Hindi naman ako kumibo. Less talk less mistake ika nga, hindi naman tumatanggap ng opinyon ng iba si Donya Briguela. Kapag sumagot ka sa kanya ay literal na sasaktan ka niya at itumtumba. Maraming beses na niya akong binalibag, para siyang isang matandang wrestler at sa aming tatlo na nag ttrabaho sa kanya ay ako ang madalas niyang awayin at pag buhatan ng kamay. Siguro ay dahil hindi ako nagagalit na napipikon sa kanya sa tuwing pinipintasan niya ako o nilalait mula ulo hanggang paa.
Sige pa rin ang pag papakita ko sa kanya ng kabutihan. Baka sakaling dumating ang araw na lumambot ang puso niyang bato at maging masaya siya sa kanyang buhay.
Itutuloy..