عائلة شيخ جبل (( الجزء الاول مكتمل))

البارت الحادي عشر

السلام عليكم

عائلة شيخ جبل
البارت الحادي عشر
بقلم هدى حيدر 44howda✍️

جبل
*****

ضليت اباوعله لحد ماختفى سرابه
كمت على حيلي ورجعت للبيت ...

خيمة اجواء الحزن على البيت امي كلش تمرضت ونهد حيله
وخواتي لابسات ثوب الحزن
گابلت امي وگعدت
لزمت اديه وعيوني بعيونه
دمعن عيونه....
رفعت ايدي اليمنه مسحت دموعه

جبل بترجي. يمه بعد روحي اروح فدوه لدموعچ دخيلچ لتبچين
اني موجود يمچ شتردين شتحتاجين
هذا قضاء وقدر
والله كاتبه ...علينه لازم نتحمل
ونقبل ...
كلنه على هذا الدرب  ....

دنكت راسه وزداد. نحيبه

گامت على حيله ...
عافتني وراحت لغرفة البنات ....

شويه وطلعت ولامه بديه هدوم البنات الالوان ...

طلعت تمشي بسرعه
گمت ركضت وراه
شتريد سوي ....شله بهدوم البنات

صحت وراه ...يمهاااااا...يمهااااا..

ماردت عليه انتصار وحسنى صافنات
يخافن يدنن يم امي

اجيت يمه اجر بلهدوم
جبل بهدوء. يمه شبيچ عوفي الهدوم شتردين سوين

باوعتلي وعيونه مبگ مخطيه على حزنه
بقوته ...
رفعت ايده مسحت دموعه ....

عافتني ورجعت دخلت جابت هدومه وذبتهن

ياوعتلي انتصار. عيونه ماليتهن الحيره
هزت راسه وتحسرت

جابت نفط دارته على الهدوم
شخطت بعود الكبريت وج ...
ذبته على الهدوم گبت النار...بيهن ..

عيونه على للبنات خازرتهن وتأشر بصبعه ....

حچت بنبره صوت حاده ...كله جبروت...

من بعد اليوم ...مالنه غير ثوب الحزن
افتهمتن

هزن روسهن خواتي بمعنى اي

بس دموعهن چانت مغورگه عيونهن....

جريته كوه وطببته للغرفه ....

هدئته ضليت يمه لحد ماغفت
غطيته
وطلعت رحت يم حسن

دكيت الباب طلعتلي امه
سلمت عليه
هم كلش. تعبانه ومريضه ...
كوه تحچي صوته تعبان
سئلته على حسن. گلتلي جوه

دخلت گابلته وكعدت ...

جبل. هااا ...حسن اشو مختفي

حسن. هنا بلبيت. كاعد وين چا وين اولي

جبل. حسن خو. مانسيت كلام ابوي

باوعلي صفح رفع حاجبه.   ياكلام. نسيته

نقهرت منه. دنيت يمه وگمت اصيح بوچه.

شبيك. حسن. تزوج بسمه ...

يهز بايده ويبتسم. والله يالله انت صدگ بطران

جبل يعقج حواجبه . ليش شنو بطران ...موهاي وصية ابوي الك ...

خله اصبعه على راسي ..من كل عقلك

دفعت ايده وخرته. انت صدگ موعاقل ...

موبكيفك. هاي وصيت ابوي ولازم تنفذه
اخر كلمات گلكياه. ...لازم تنفذه
حتى يرتاح بگبره

گمت على حيلي عفته وطلعت ...

وگفت يم الباب باوعتله بطرف عيني. ...وكتله

حسن غصبن ماعليك تزوجه.

شكد عنيد ...لك ابوك باخر انفاسه وطلب منك هل طلب وانت تتعزز متريد
وصاك بابن اخوك

اوففف ...لاارتاح ولايهدالي بال اله ازوج بسمه لحسن

انفذ وصيت ابوي ...

رحت يم سعد . ...احس الدنيه ضاگت بيه وختنگ

گعدنه عمر النرگيله وجابه ...

احسه بس هيه. الي تفهمني شماا احرگ بيه

متحچي. ...تتحملني

اخذ نفس ...ورا نفس،صافن على وبالي راح

يم حبيبت الگلب غزيله. ...

من شايفه هسه وين شجاي سوي. ...

غزل
*****
رجعت للبيت وبالي كله يمه افكر بي
ابد ماراح من بالي هيبته وطوله
ونبرة صوته كله حده وخشونه ...

اوفف وگعتي بلعشك يغزل ...

وصلت يم بيتنه واشوف عزام واگف يم الباب ...

دنيت يمه وخازرته وصيح بوجه. انت شكو هنا
انت ممنوع دوس هل گاع ..بامر من الشيخ العشيره واخوتي

يضحك بستهزاء وميل جسمه ونتچى على الحايط.
لايكون الگاع بسم اخوتچ

خله اصبعه على راسه.  بكيفي. اجي لهنا مااجي بكيفي....

وانتي ..هييي لاشوفين روحچ عبالچ اني ميت عليچ

ترا. والله.    دنه يمي يرفع بحواجبه   وانفاسه طخ بوجهي
اريد اذلچ بس.

تدرين. شريد. اسويچ وصله ومسح گاع بيتنه بيچ...

نقهرت منه ومن كلامه احس گمت افور
بدون وعي صفكته راجدي...اريد اسوي اي شي
اسكته. اسد حلگه. الي ميعرف يحچي بي ..
صبار ومكي ماهمه طالعين من الصبح للنجف
يزورون امي وابوي ....

لزم ايدي حيل. لچ ضربيني. بت خيريه اله اراويچ

عزام منو. ...
يضغط على ايدي حيلل

موتني وجع ...

على صوت صياحه.

طلعت حميده تركض

كامت شيل حجار وتكطف عليه
وصيح

ابن.الـ*****انعل ابوك لابو جابك لابو الخلفك. .....

كدرتك على هل يتيمه

طلع ابو مصطفى جيرانه

كله وخر عوف البنيه

گام يصيح بعالي صوته. ..هاي بت خالي اليه
اني خاطبه محد اله شغل بينه

لازم ايدي حيل ادفع بي اريد اوخر بس ماكدر

قبضت ايده قويه

خزرني افتحي الباب ...افتحي الباب لچ.

كتله. اي افتح. بس. هدني. ..

فلت ايدي

فتحت جنطتني. هدء هو شويه سوت اروحي اريد اطلع المفتاح ...فلتت

عفته وركضت....

وهو وراي يركض.  حيل كمت اركض.

بكل قوه عندي. ...

ومالتفت ليوراي. بس اسمع صوته يصيح ويغلط ويتوعد اذا لزمتچ اموتج. ...

اركض. تعبت گمت الاهث. حيل

وصلت يم الشط. عسى ولعل بلكي الگه جبل هنا ...

بس ماكو ماشفته

عبرت الجرف  على نخله وركضت

التفت. بعده وراي.

يلله متت

طبيت بين البساتين

ورا الشجر. وهو وراي

بس اريد اعرف هذا نخلق بس حتى يأذني

بطات مشيتي حتى ميسمع صوت خطواتي

اتختل ورا. الشجر. ...

وامشي. بين البساتين. ...

مادري مشيت شكد ولاادري وين اني ...المهم اني بعيده.

مشيت بعيد.

تعبت. ياربي دخيلك خلصني. ...

تعبت كلش ...كعدت بلگاع

استراح. ماحسيت اله خيال واحد غيم عليه ...

رفعت راسي. شفته جبل. ...
بتسم. شجابچ. هاي انتي بساتينه

گمت على حيلي. اتوسل بي. ..دخيلك. هذا يركض وراي

عقچ حواجبه وظهرت النونه. منوه هذا.

حلگي احسه يبس،اريد احچي ماكدر.
عزز..عززام...

جبل.  منوه هذا.

ماحسيت اله صياحه. ..بتلـ***هذا. منوه شعدچ هنا.

ختلت ورا.  جبل حسيته هو الملجأ والامان الوحيد الي ...

تقدمله. جبل يمشي بهدوء واثق من نفسه

شعدك تركض وراه لك حيوان

عزام.  انت شكو. هاي خطيبتي. الي

جبل ..هو كال هاي خطيبتي. ودي اشيله ورگعه بلگاع

جريته من ياخته ..اليوم انعل سلفا سلفاك ..

غزل. واكفه. واباوعلهم شسوي يربي سعو ذابحو
الله يطيح حظك ياعزام ...كلشي ماشفت منك غير بس شلعان الگلب ...
كله منك ..
اباوع لجبل طاحله بوكسيات. مطله بلگاع
وموته ضرب
گوه سحب روحه عزام منه ..

وباوعلي حلگه يجري دم

يمسح بدمه وباوعلي ..اني اعلمچ غزل
اله اكل لخوتچ ..هذا صاحبچ

دناله جبل. راد يضربه فلت
اباوعله كل حظ مابي جبان فلت يركض
كدرته بس عليه

جبل ...موته ضرب. اجيت ماهده اموته بين اديه

بس گلت حريمه اروح نفسي علمود هل نذل هذا

شرد مثل الفاره. وضل يتهدد لغزل
ميدري الي يجيس شعره من راسه اطيح حظه حتلو چان واحد من اهله

دنيت يمه تبچي. شبگته
خليت راسه على صدري وحاوطته باديه
زدادت شهگاته.
حسيت دشداشتي نكعت بدموعه ...

غزل. تقدملي جبل اباوعله بعيوني.
والحيره ملتني.
هسه يروح يسولف لخوتي ياربي هسه يكللهم هذا صاحبه
وهو بي حاله يگلب الحچي كله

حاوطني باديه وشبگني اول مره هيچ احس بلامان
كمت اتنفس عطره
وابچي وشهك
ياريت العمر اگضي بحضنك
اولي شلون حضن حسيت نفسي ضعت
على عرض صدره
راسي خليته على گلبه تلقائيا. گمت اسمع دگات گلبه

لزم راسي باديه وخرني عنه حضنه

غمزلي. هااا..غزل. جن حظني عجبج

بتسمت ضربته على صدره وخرت عنه

جبل. يبووو لو دري ماحاچي..

غزل. جبل. هسه هذا يروح لخوتي ويگلهم

جبل. خلي يطبه مرض. محد يكدر ياذيچ
والله انعل يومه الي لمس شعرايه منچ

ستحيت كلش ..منه دنكت راسي بلگاع

اول مره احس اني موحدي وراي سند قوي
اعتمد عليه ...

كعدت بلكاع انتچيت على شجره
اجه يمي
كابلني. اهوتچ وين

كتله بنجف
راحو يزورون امي وابوي

تحسر خله ايدي على لحيته يحرك بيه..

غزل. شنو علاقته بيچ

خزرته بعيوني. شنو قصدك

جبل. ماقصدي شي. بس مال يركض وراچ ..
ويكول هاي خطيبتي ..واثق من نفسه

اخذت نفس. وزفرت.  اي عمتي وابوي من صغري متفقين.
وحاجزيني. لعزام.

گام على حيله تقدم خطوات وانطاني مگفاه ..

موبكيفه التفت باوعلي.  غزل انتي الي ومصيرين لغيري

تقدم يمي. گومي خل اخذچ لبيتنه
ضليت صافنه بوجه. وين اروح لبيتكم

جبل. شبيچ چا. نضل نتختل هنا

غزل. بس...

جبل. لابس ولاكلشي. نزلت يمه لزمت اديه

ناعمات ضاعن بين اديه الخشنات

غزل  انتي واثقه بيه ..مأمنه بيه

-هزت راسه بمعنى اي ..

بس لازم ارجع اخوتي الاصغر مني. بلبيت ...

وحدهم. لازم ارجع يمهم

جبل. اوفف يله بس اني اوصلچ للبيت ...

مشيت ويااا

لحد ماوصلنه للبيت.

التفتت باوعتله ودعته بعيوني. ..
فتحت الباب ودخلت للبيت

نزعت حجابي..

صافنه وافكر هسه. شي اكيد هل چلب عزام يفر السالفه عليه

گدام اخوتي. ...

شويه ونفتح الباب

وصوت صبار يصيح. لچچچچ...غزااااااال

يبست بدمي. بس تصنعت القوه.
عرفت. عزام. ورا السالفه

طبو ثنينهم وعيونهم تجدح شرار.

لچ غزاال شمسويه شلعابه ويامن شايفچ عزام.

هذا عزام فر السالفه مو.

اجيت للبيت شفته يم بابنه ويجرجر بيه

حتى جوارين طلعو من صوت صياحه

دنه يمي صبار ضربني راجي وگعني بلگاع
باچر ملچتچ. من عزام.

دنكت على رجليه ابوس بيهن. لا دخيلك يخوي
كلشي ولاهاي

اني اختك چذبني وتصدك. هذا.

مكي. عقچ حواجبه. هذا اخر كلام عدنه . غزل. افتهمتي

احنه اخوتچ ونعرف مصلحتچ.
اول وتالي يكبر ويعقل.

صبار. باجر ملچتچ من عزام ....

يتبع ......

السلام عليكم
اسفه بنات على التاخير
بس والله ظروف
انشالله ماقصر وياكم .
ادري البارت قصير
انشالله البارت الجاي اعوضكم.