صوتولي قبل لتقرون البارت ⭐⭐
مراح تخسرون شي بس روايتي تصعد للقمه
ورمضان كريم وصيام مقبول انشالله
#رمضان _ يجمعنا
⭐⭐⭐⭐⭐⭐⭐⭐⭐⭐
.. الو هاا عمة خالدية
.... ابني قائد مريتك گعدت وتريد اهلهة شسوي
فزيت من مكاني .... شنيييي
... مريتك مليكه ماترضى تاخذ علاجها وتخلي الدكتورة تكشف جرحهة اله تريد امهة وابوهة وياهة
فركت وجهي بايدي... انه جاي
سديت الخط بدون ما اسمعلهة ورحت لبست بنطرون اسود وقميص وجاكيت جلد كلهم سود
رحت للمشفة ورحت گبل لغرفتهة فتحتهة وهي شافتني وجهة شحب وگامت ترجف والممرضة لازمة الابرة تريد تظربها بالكانونه وهي تبچي
.... شصاير شهالهوسة هااا
سكتت مليكه وماحچت شي
عمتي... يا عمه شبيك تصيح بالبنية
.... عفوا خوية اريد اضربهة الابرة وهي ماتقبل هسة شلون اني اريد اكمل شغلي واروح وهي دا تماطل وياي
تنهدت... كملي شغلچ خية
وانداريت لمليكا وتقربت من يمهة وثبتتهة واحس برجفة جسمهة ودگات گلبهة الخايفة
الممرضة ضربتهة الابرة وهي ساكنه بس ترجف ودموعهة يوگعن علة خدهة ابتعدت الممرضة وطلعت من الغرفة
... عمة روحي للبيت تعبناچ ويانه
... لا يمه شسالفه ملوكه مثل بنيتي
باوعتلهة... يالله عمه الحراس برة موجودين وعندچ منعم يوصلچ
لبست عباتهة وهي تحچي... يالله انه رايحة بس تحتاج شي اتصل بية الله وياك يمه
... ووياچ عمه درب السلامه
طلعت عمتي وية منعم الواگف يم الباب يحرس الغرفة
... اي مليكه لويش ماترضين تضربچ
...😢😢 اريد ماما وبابا حباب اخذني يمهم
... هه صدگ تحچين زيارة لاهلچ بعد ماااكو تنحرمين منهم للابد
گامت تشهگ بالبچي وتلزم صدرهة بالم... اعتقني الله يخليك حرت شسويت بية كااافي خاف الله
ماحچيت وياهة شي طنشتهة وطلعت الموبايل اكتب وية ثامر ابن عمي
💬... ثامر اريدك تتاكد عمتي بالبيت لو لا فد خمس دقايق ودگ عليهة
💬.. انشالله
سديت الموبايل ودحگتلهة صافنه عليه وشني مشاعر كره وحقد واستفزاز صايرة بوجهة ناحيتي
.... اريد آكول
... تزقنبي منو كاظچ
... منين اجيب روح اشتريلي پيتزا
... لا والله شني انه صبي عندچ انچبي وسكتي شوية ويجيبولچ سم
... ماحب أكل المستشفه يلعب النفس
..والله هاذة الموجود ماتريدين عساچ متي
طنگرت ودارت وجهة للجهة الثانية وبس تتمتم بهمس اخر شي سمعت كلمه منهة... اكرهة كره العمه
... علساس ميت عليچ انه
... اني ماحچيت وياك حته تتكلم
احترگت من داخل لسانهة شطولة حته وهي مريضة تلاسن... لسانچ لا تخليني اگصه
... هههههه اصلا مسويهة بية ميحتاج متشوفني ماگدر احچي زين
... وهاي متگدرين تحچين عدل چا لو لسانچ نفس گبل شتصيرين ام زكي
(ام زكي بمسلسل باب الحارة)
... انت ليش مستفز ادري شنو مشكلتك وياية هيچ تسوي بية حرام عليك اني انسانه حالي من حالك
... هه لويش حاسبة روحچ انسانه وانه حسبالي حيوانه
... 😔انت كولش قليل ادب اني مريضة وتحچي هيچ وياية
... والله محد گلچ انتحري حته تصيرين مريضة وسوالف الطياح حظ بطليهن واذا تجاوزتي حدودچ اشعلچ واشعل الخلفوچ
غطت راسهة بالشرشف واسمع صوت بچيهة... لا تعوين راسي مصدع وانتي تزعجيني
وخرت الشرشف... يعني حته بچي ممنوع اريد افهم من شنو انت مصنوع هااا
... مخلوق من طين يالله انطمري ماريد اسمعلچ حس
غمضت عيونهة وورة شوية انتظمت انفاسهة عرفت بيهة نامت دحگتلهة مبين المرض بيهة
وجسمهة مهدود حيلة
ضليت بالمستشفى ووصيت عمتي تنقل غراض مليكه بجنطة حته بعد انتقل للحلة واطلع نهائي من العشيرة وماريد اي شي يربطني بيهم لان راح يصيرون بخطر دائم
بقيت ويه مليكه منا لحد ما طابت وصارت اشوة ومعاملتي وياهة بحدود لا انه احچي ولا هي احس بيهة مرات تبچي وتشكي من حالهة وانه ساكت ومغلس كالعاده وبس اجي يمهة ترجف وتنرعب فبعدت عنهة ومااجي يمهة طلعنه للحلة وهي ساكته وساندة راسهة علة شباك السيارة ورايحة بغير عالم وحته هم ماحست بالوقت وبالساعات اللي نمشيهة شگد ما سارحة وحراسي وياي يمشون بكل مكان بحيث وحدة گدامي ووحدة وراي واثنين من الجوانب تنهدت وطلعت الحاسبة ادير شركتي اللي بالبحرين عن طريق الحاسبة واشتغل علة الصفقات والملفات
سعد... زعيم راح نوصل قريب الحلة
هزيت راسي.. ماشي
انتفضت اللي بصفي وتدحگلي برعب... وين يا حلة ماااكو وديني للبيت يم عمه خالدية
تجاهلتهة وماكو شي جديد ضلت تصيح وتتذمر وانه متحملهة گوة صبر مضل عندي
... ماريد رجعني لو لذي قار لو لاهلي وديني..
... كاااااااااافي شگد تلحيييين انطمي واسكتي كركر كركر ماتسكت
خنست هية ودارت وجهة
مسحت وجهي بتعب... راح نعيش بعد بالحلة وننسى شي اسمه اهلي فهمتي لا اهلي ولا اهلچ بعد ماكو ثنينه نتقاطع وياهم ولا عبالچ مادري عندچ موبايل وتحچين وياهم انه ادري وساكت عنچ گلت خليهة هي تتوب وماتحچي وياهم بس للاسف طلعتي ماتسمعين الكلمه
ضلت تدحگلي مثل الخبلة ومصدومة... صدوگ يعني تعرف
... لا والله شني شايفتني طرطور كلشي تسوي بالجناح اعرفة كلشي
هي ضلت ساكته وتبلعم ووصلنه گبال القصر مالتي نزلت... يالله نزلي وصلنه
ضلت تدحگ بالقصر ومنصدمة من ظخامته دخلنه جوة وتلگتني ام يوسف رئيسة الخدم
... هلة بالزعيم نورت بيتك ومبارك علة زواجتك من العروسة اللي بصفك
... الله يبارك بيچ الغراض الجابوهن خليتوتن بالغرفة
... اي زعيم خليناهن مثل ماطلبت
هزيتلهة براسي وسحبت العوبة اللي بصفي وراي وهي لازمة صدرهة لان بعدهة تتوجع
... سمعي لچ بعد ممنوع تطلعين من البيت فهمتي حدچ الغرفة والمطبخ والصالة غيرهة مااكووو سمعتيني
هي فاتحه عيونهة بتوسع والخوف مالي وجهة.. اي فهمت
... وابد لا تطلعين واذا طلعتي ودعي حياتچ تعرفين انه اتعامل كلة وية المافيا فاذا تردين تموتين طلعي خارج البيت
هي وجهة شحب وشفايفهة يرجفن جريتهة وراي ووگفت گدام الغرفة وفتحتهة ودخلنه بيهة
... هاذي الغرفة تبقين بيهة وحدچ محد يمچ تطيبين وارجعلچ لا حسبالچ اهدچ لا انه ماترك شخص بحالة لحد ما اسحگ روحه
هي مالهة صوت ابد تركتهة وطلعت تمشيت بالقصر والخدامات ينظفن نزلت بالصالة واشوف منعم وسعد مجتمعين والحراس الباقين هناك
...ها منعم جبتلي المعلومات مال زعيم تونس
... بلي زعيم تفضل هاذ الملف تحچي عن ادق تفاصيل حياته
...زعيم شوكت اروح استلم وجبة المخدرات
باوعتله بجمود... بعد يومين علة حدود تركيا ومناك تدخل لاربيل وتوصلهن للديوانية وبعدهة ننطيهة للمشتري
... انشالله
... زعيم تريد اطلبلك نسوان 😉
... اي اريدهة حلوة وصغيرة ماريدهة چبيرة
... لعيونك زعيم عندي الك خوش وحدة وحته هم جديدة
... همم كاشي تريدهة الليلة وانتوا اخذولكم التردون
عفتهم وطلعت للمكتب دخلت واگلب بالمعلومات اسمه غامض محد يعرفة عمره ٣٣ سنه عنده بنية وحدة عمرهة ٤ سنوات انولدت اثر نزوة بحياته وامهة غير معروفة
والله ووگعت بايدي يا زعيم تونس الة اطيح حظك ما اتسمه قائد
رحت لغرفتي ابدل ملابسي الاجيت بيهت لزي رسمي اسود كالعاده مثل لون حياتي وطلعت للشركه اشوف الاحوال شكو ماكو
<><><><><>
مليكا
بقيت وية قائد ايام بالمستشفى واني لعبانه نفسي من خلقته واحلة شي ميحچي وياي ومشاعرنه متبادلة من گلي بعد ممنوع احچي وية اهلي تخبلت شنو بعد ممنوع ياربي شسوي وراهة ضليت افكر وطلعوني من المستشفه وافكر باهلي لان خلص علي وجنات تزوجوا وهسة همة بشهر العسل لمدينة سدني باستراليا راح باللي وحته الطريق ما انبهت علي ومن حچة هاذة الي يسوق احنه حنوصل للحلة تخبلت شنو رايحين للحلة لعد غير نروج للناصرية شو جايين هنا
ضليت الح علي واخر شي هو طلعت روحه وصرخ بية اني سكتت لان شكلة يخوف وهو اصلا يخوف بي فد شي مريب يخلي الشخص لا اردايا يخاف ويهاب منه
وصلنه للحة گدام قصر شكبرة وكولة حراس داير مدايرة عرفت السبب لان هو زعيم مافيا عنده حماية وين ميروح
تلگتنه مرة يطلع عمرهة بنهاية الثلاثينات او بداية الرابعينات مادري
ضليت ادقق بالقص ونقوساته واثاثة الفخم دخلني لغرفة كولش چبيرة وحلوة حيل عجبتني فرحت من گلي اللي وحدي بس بعدين تحطمت من كاللي ماعوفچ راح هو واني ضليت صافنه باثاث الغرفة العجبني مبينه كولش مريحة عدت علة السرير چان مريح بعدين فتحت الكنتور الالكتروني واشوف كول ملابسي هنا اظاهر چان يريد ننقل هنا من البداية زين والمشيخة شلون ماهتميت رحت اخذت منشفة وملابس واني مرتاحة رحت غسلت جسمي واني حذرة بجرحي باوعت للجرح المخيط تندمت لان انتحىت استغفرت ربي ورحت بدلت وتوضيت وكعدت اصلي واستغفر ربي حته يسامحني لان اذيت نفسي كملت صلاة وسمعت دگة الباب خفت لا قائد يطلع بس بعدين تراجعت گلت مستحيل هاذة يدوگ الباب لان هو ماشاءالله مو محترم
... تفضل
دخلت بنية شابة ملامحهة هادئة وبسيطة... تفضلي ست نزلي العشة صار
باوعتلهة باستغراب ... هاا
ابتسمت...ست العشة جاهز تفضلي
... ليش تناديلي ست
... احتراما لان انتي زوجة الزعيم
.... لا لتسميني ست مو حلوة ومتناسبني واني وياچ نفس العمر
هي خجلت ودنگت راسهة
... بس ممكن سؤال
جاوبتني ... اكيد
... ليش اكو هواي نسوان وبنات من دخلت للقصر
... امم احنه هنا نخدم الزعيم نسر
... اووه هسة عرفت اوك هسة جاية بس هو موجود جوة
... لا بعده الزعيم ما اجه
تنهدت براحة ورحت وياهة ننزل من الدرج ونحچي
.. انتي شنو اسمچ
.. اني هدى وانتي شنو اسمچ
... اسمي مليكا
... واووو كولش حلوو اسمچ نازك وهادئ ومناسبچ
... شكرا حبيبتي انتي الاحلة اسمچ هم يناسبچ من حسن وهدوء
ابتسمتلي بفرحة... اول مرة الزعيم يجيب بنية جبابة مثلچ وهيچ تعاملني
... ليش
... مو هو من يجي للحلة يجيب ويا بنات ونسوان واستغفرالله يحير شيسوي بيهن اووع اتقرف اني و من اسمع صراخ البنات منه اگول هاذي حتموت.. اوووف اسفة حچيت عن عريسچ والله مو بقصدي
... لا حبيبتي اعرفة كولش زين يارب يخلصني منه وافضهة
... ليش انتي مو مرته ليش هيچ تحچين علي
... حبي اني اجيت فصلية شنو تتوقعين
... گووووولي والله
... والله وعانيت ويا بالناصرية علما گلت بس يومية مستشفه من ورا وشوفت عينچ ذاك اليوم انتحرت واليوم الصبح طلعت من المستشفه
... اوووي گلبي سلامات انشالله والله مندري انو انتي فصلية كول اللي نعرفه انو انتي زوجته بس هو طلب نفصل غرفكم واني اگول ليش يريد يفصل عنچ طلعتي فصلية
... لتوجعين گلبي فدوة اموت قهر من هاية الذكرى وهاذة الاسم
... اسفة مليكا مقصدي والله وثانيا الاكل بانتظارچ الزعيم بنفسه اتصل يريدچ تتعشين بعد شتردين يول😜
... امم يالله اني متت من الجوع
رحت اني وياهة علة غرفة الطعام گعدت علة الميز وهي واگفة وتصبلي
... ليش متگعدين
... لا ميصير انتي ست البيت واني هنا خدامه عيب اگعود وية اسيادي
... ولچ منو خدمه ويا اسياد متستحين هيچ تحچن انتي مو خدامه اوك وثانيا انتي ماعندچ اسياد عيب هالحچي
هي باوعتلي والدوع بعينهة كسرت گلبي طمت وجريتهة لحظني ولو اني متأذية من الحركة بس ماتحملت دموعهة
... شش حبيبتي لتعيدين هاذة الكلام والله ازعل منچ انتي بعد منا وجاي صديقتي
گامت تبچي وهي تتشبث بهدومي.. شكرا مليكا شكرا 😭😭 اول مرة احد يعاملني برقة
اني مسدت علة ظهرة... شش حبيبتي اهدي شبيچ كمتي تبچين مثل الطفل اللي يريد ممه يالله عاد ابتسمي
هية ابتعدت من يمي وابتسمت بين دموعهة
... يالله گوعدي وياية خلناكول اكيد انتي جوعانه
هزتلي براسهة باي
... شگد عمرچ هدى
... عمري ١٩
... هاا يعني دهلتي بيهة لو بنصهة
.. لا دخلت بيهة
... همم اني حدخل العشرين بعد شهر ونص
هي ابتسمت بفرحة... صدوگ يعني اني وياچ مابينه فرق صح
... اي بس اشهر اني وياچ يالله اكلي ليش متاكلين
دنگت راسهة... مو اخاف يدخل الزعيم ويشوفني گاعدة يمچويطردني من شغلي
... حياتي مالچ دخل بهاذة الفارة هاذة واحد ميستحي وقليل ادب
هي تباوعلي وعيونهة مفتوحه بصدمه... منو فارة
... شبيچ الزعيم مالتچ غير
... لعد تصيحلة فارة والله لو سامعچ يمكن كتلچ من هاي الكتلة الزينه
اكلت وبلعت اللگمة وحچيت.. حبي شابعة كتلات منه متعودة علي اصلا صار شي طبيعي عندي ضرب اهانة اغت...
العبرة خنگتني واحس اللگنة گوة تنبلع دموتي نزلن وحطيت ايدي علة وجهي ابچي هي شافتني وملامح الحزن باين علة وجهة حظنتني وبچت وياي
... ميخالف حبيبتي اهدي ماكو شي
اني تمسكت بيهة وابچي بقوة اباللك الايام الچنت عاشتهن كولهن يمه فجرت القنبلة مالتي بالرغم اني هناك دموعي ميوگفن بس هسة لا هاي الرئيسية
ابتعدت من حضنهة شوي ولزمت صدري گام يوجعني
انطتني مي وشربته بس شنو ايدي ترجف
... هدى متعرفين شنو چان يسوي وياية اشكال الوان عذاب تعذبت كولشي تحملت يمه
... الاه يساعدچ اذكر اني مرة كسرت ماعون جلدتي عشر جلدات بالسوط
.... شگد حقير يارب عاقبة علة سوايته وعذبة مثل ميعذب الناس
... لا ولچ ميصير تحچين هيچ علة الزعيم اخاف يقتلچ
اخذت صمونه وگعدت اكول مرة ثانية واشرب عصير
... والله بعد ميهمني اي شي اغلط اسب اضرب بي ميخوفني بعد شفت اشكال علة الكفخات لو علة السوط اموم اخاف مرة ثانية
انصدمت هية... ليش چان يجلدچ
....هه شبعت گتلچ كولشي سوة بية ما خلة شي مسوا بية
... الله يصبرچ و يعينچ يارب
.. الله يسمع منچ والله اذا اني وقائد نفترق اهلهل وافرح او اذا اشوفه يموت بعد رايدلهة عرس وعزيمه
... يول لتحچين هيچ خاف يسمعوچ ترة هاءة القصر كولشي يسمعون ديربالچ تحچين شي
اني سكتت وناكل سوة گمنه ولمينه سفرة هي مخلتني بس اني عاندتهة رحنه للمطبخ واشوف تقريبا بالعشرين وحدة گاعدات ياكلن
... سلام عليكم
كولهن گامن وسلمن واني ابتسمت الهن
ام يوسف... ها ست تردين شي بس امري واحنه ننفذ
... لا خالة ماريد شي بس اجيت اغسل الماعين
... شهالحچي يول عيب انتي ست البيت عجل احنه شنو موجودات غير نخدمچ ونخدم الزعيم
... استغفرالله خالة شنو هالكلام واحنه كولنا بشر متساوين ميفرق هالشي لا بالمال ولا بالعيال
ابتسمتلي... والله كلامچ درر والله وعرف الزعيم يختار زينة البنات
... مشكورة خالة بس اريد طري اغسل الماعين
... لا عيب ست شنو القصة انتي ارتاحي واحنه نغسل عجل لشنو الزعيم حاطنه غير نخدمو
اني سكتت وفعلا چنت تعبانه... اخاف اتعبكم
كلهن گامن يحچن ويعترضن وماقبلن اغسلهن واني صدوگ رحت لغرفتي ارتاح لان صدري وجعني بسبب الحركة الزايدة رحت تمددت وانسحبت لعالم الاحلام😴
گعدت ثاني يوم نشطة مادري شنو السبب باوعت للمكان الاني بي تنهدت رحت للحمام فرشت اسناني واخذت شاور وطلعت بدلت ملابسي ولبست تشيرت اصفر وية جينز ازرگ طلعت برة الغرفة واني اشد الذيل حصان وگفت گبال النسوان ديحطن الاكل علة الميز رحت صبحت عليهن وهنة جاوبني
... شدتسوون
... والله نحضر الاكل للزعيم والچ
... امم عاشت ايدچن السفرة تفتح النفس
هنة ضحكن وفرحانات بمعاملتي وياهن عبالهن راح اتكبر واقسة وياهن ميدرن اني حالي من حالهن
جبت الشكر وهنة يتعاركن ويا الة اروح ارتاح بس اني عاندت الة اساعدهن رحت جبت وياهن وخليت القور مال الچاي علة صفحة وشفت قائد داخل ببرودة المعتاد گلبت وجهي وماهتميتلة
گعد هو وباوعلي... متگعدين
گدت اني هلة صفحته اليسرة لان هو متراس الطاولة
سمه بالله وگعد ياكول بالله هاذة شكل واحد بعبد ربة استغفرالله ماهتميتلة وگعدت اكول بهدوء
... شلونه جرحچ
... ديأذيني مادري ليش
باوعلي بجمود.. تعاي تقربي
ضليت صافنه علي شيريد تقربت وهو بلا تحة بعد التشيرت من صدري
... هاي شدتسوي ابتعد
ثبتني بايدة وگعدني علة رجلة حته يقيدني اخر شي استسلمت وعرفت دشوف الجرح
حسيت بحرارة تطلع من وجهي من الفشلة وحسيت هو هم احتر نفسي بعدني عنه ودار وجهة ياكول
... اظاهر الخيط الداخلي مفتوح بعد شوي ادزلچ دكتورة تفحصچ
اني سكتت وشربت حليب شوكلا العشق مالتي خليت الموب علة الطاولة وگمت اكول صمون ولبنة گمت من الطاولة
.. الحمدلله
... وين
... اروح يعني ةين
... انچبي واكلي شكلتي انتي
... بس اني شبعت
... گتلچ كملي الزقنبوت وگومي
ضجت من طريقة كلتمة الميستحي گعدت وجريت صمونه اخلي بيهة مربى وگيمر واكلتهة وصايرة اعصاب من ورة زعيم فارة
سمعنه صوت طرق الباب باوعت بوجهة بعلامة استفهام وهو نفس جمودة
... اخذي لفتچ وصعدي وماريد اسوف طولچ جوة
هزيتلة براسي وگمت وطلعت من غرفة الطعام بس شنو وگفت ورة الباب اتسمع
... ها منعم شلت الجثة اللي بغرفتي
.... اي زعيم وظفناهة
اني هنا احس رجلية صارن خيوط الرجف تخءني والرعب بكل ذرة بجسمي منتشرة شنو جثة عزززة هاذة يقتل اصلا هو مجرم بس مافكرت ابد بهيچ تفكير بان يقتل سندت نفسي واتسمعلهم
... زعيم المديرة سألت علة البنية وانه گتلهة دفناهة ماتت بايدك لان ماتحملت
... امم زين تسوي شوفلي اليوم شعندي
... زعيم باچر لازم تسافر لماليزيا تتفق وية زعيم المافيا الماليزية علة وجبة اسلحة
... ماشي چ حظروا روحكم اليوم نطلع لماليزيا علما نوصل
... حاظر
طلع هاذة الرجال وقائد ماعد وصافن دگ نقالة وجاوب
... اهلا فادي... زين... شسويت وية زعيم تونس... لك هسة مندگ بية هو من وراك حسبالة انه الكاتل امه واخوه... لك توگعهة براسي وانه شكو... فادي كافي روح اعترف وفضني ماللي واهس للمشاكل اللي بية مكفيني.... اي.... ماشي... الله وياك
سد الخط ويريد يگوم اني طفرت فوگ اركض لغرفتي صعدت وخالة ايدي علة صدري بالم وعرگت مولش احس صخونه گامت تدوگ بية مادري يمكن من ورة الركض والنشاط الچنت بي من الصبح تمددت وخالة ايدي علة صدري والنفس اجرة جر بالگوة عرفت اجتني الحالة اريد اصرخ ميطلع صوتي من ورة الاختناق والالم.
حچيت بصوت ضعيف... قائد الحگني
ضليت اشهگ واخذ هوة واني احس روحي باخر ثةاني من حياتي وگعت بالگاع وتعمقت بالظلام
وللحكاية بقية....
للكاتبة ليال
حاليا روايتي بدت بقصتهة لان قائد من يطلع من المشيخة تبدي حياته الحقيقية وراح اوضحلكم حياته الحقيقية وحتسالون شلون هو گلب ستايلة هو اصلا لبسة كولة رسمي يعني قاط اسود بس من يدخل لمحافظة الناصرية اوبمناطق محددة يلبس الزي العربي لان يعتبر هاذة لبسهم الاصلي
هو حالة حال الشباب مابي اختلاف بس المتميز بي هو برودة وجمودة وغموضة للبعض وطبعا اكيد قسوته
__توضيح __
اني نشري مو يومي گلت انشر حسب موعد فراغي واني هالايام جدا مشغولة وماگدر اضل مگابلة الفون واكتب هم عندي شغل بس اني ما اطول بالتنزيل بسرعه انزل حته احداث الرواية متنسي لان حلاة الرواية باحداثهة المتسلسلة مو اوقف تنزيل فترة طويلة والقارئ ينسة الاحداث الماضية
رايكم بالرواية احتاج دعمكم 😘
بلييييييييييييز فوووووت وكومنت 👇👇👇